281727 1 p - gloppen kommunegloppen.kommune.no/_f/i6bce0b32-6ab2-4371-964a-12c1e7cc0e59/... ·...

Side 1

GLOPPEN KOMMUNE KOMMUNESTYRET

MØTEBOK

Møtedato: 26.09.2016 Møtetid: Kl. 09:00 – 14:00 Møtestad: Nordfjord folkehøgskule - Ljosborgstova Saksnr.: 074/16 - 087/16 Desse medlemmene møtte: Parti Leidulf Gloppestad Sp Magni Aa Berge Sp Jeffrey Thomas Sp Kent Øystein Hjelle Sp Olaf Sigurd Gundersen Sp Jostein Arne Røyrvik Sp Vidar Sandal Sp Per Rune Vereide Sp Marit Straume Sp Solveig Lien Gusdal Sp Svein-Ottar Sandal Krf Arnfinn Brekke Krf Leidulf Rygg Bogstad – t.o.m. sak 77/16 Krf Per Ståle Husevåg Krf Audun Mundal Krf Frode Fagerli Krf Arnar Kvernevik Ap Liv Petra Holme Ap Gunnvor Sunde SD Anniken Rygg – t.o.m. sak 79/16 H Jan Asle Rustøen H Bjarte Gangeskar V Mariel Eikeset Koren MDG Forfall/møtte ikkje Parti Følgjande varamedl. møtte Parti Bernt Reed Sp Ola Henning Ommedal Sp Venke Kollbotn Krf Asbjørn Gjengedal Krf Edgar Kvernevik SD Anne-Grete Hoddevik SD Hege Lothe SV Gro Vereide SV Ugilde Sak § i forv.lova Følgjande varamedl. møtte

Side 2

Møteleiar: Leidulf Gloppestad Frå adm. møtte: Rådmann Jan Kåre Fure Utlevert i møtet: Orientering: Sjå sak 75/16 Sp.mål/interpell.: Synfaring: Diverse: − Leidulf Rygg Bogstad gjekk frå møtet etter behandlinga av sak

77/16 − Anniken Rygg gjekk frå møtet etter behandlinga av sak 79/16

Underskrifter: Leidulf Gloppestad Vidar Sandal Anniken Rygg SAKLISTE Sak nr. Sakstittel

074/16 Godkjenning av møtebok, innkalling og sakliste

075/16 Referat og orienteringssaker

076/16 Kommunal planstrategi 2016-2020 - sluttbehandling

077/16 Rusmiddelpolitisk handlingsplan 2016 - 2019 - sluttbehandling

078/16 Spørsmål om møte-, tale- og forslagsrett i kommunestyret for dei kommunale råda

079/16 Høyring om endringar i konsesjonslova, jordlova og odelslova

080/16 Godkjenning av økonomireglementet for Gloppen kommune

081/16 Revisjon av reglementa for hovudutvala og formannskapet m.m.

082/16 Brannen i heradshuset - ny kommunestyresal og nødvendige oppgraderingar

083/16 Vedtak om ekspropriasjon av tidlegare industribygg på Elvaneset

084/16 Søknad om å bli årets nynorskkommune 2016

085/16 Godkjenning av avtale om felles skatteoppkrevjar for Eid og Gloppen

086/16 Kunstgrasbane på Reed - utviding av lånegarantitid - ny behandling

087/16 Klatrepark ved Breim skule - forskottering av spelemidlar

Side 3

GLOPPEN KOMMUNE SAKSPAPIR

SAKSGANG Styre, utval, komite m.m. Møtedato Saksnr. Kommunestyret 26.09.2016 074/16 Avgjerd av: Kommunestyret Saksbehandlar: Jan Kåre Fure

Arkiv: 033 Objekt:

Arkivsaknr.: 16/1088-1

Godkjenning av møtebok, innkalling og sakliste Møteboka frå kommunestyret sitt møte den 17. juni i år blir lagt fram til godkjenning. Samstundes ber ordføraren om godkjenning av innkallinga og saklista til dette møtet.

ORDFØRAREN SI TILRÅDING : 1. Kommunestyret godkjenner møteboka frå sitt møte den 17. juni 2016 2. Kommunestyret godkjenner innkallinga og saklista til møtet den 26. september 2016. 26.09.2016 KOMMUNESTYRET 074/16 VEDTAK : 1. Kommunestyret godkjenner møteboka frå sitt møte den 17. juni 2016 2. Kommunestyret godkjenner innkallinga og saklista til møtet den 26. september 2016. Vedtaket var samrøystes.

Side 4


SAKSGANG Styre, utval, komite m.m. Møtedato Saksnr. Kommunestyret 26.09.2016 075/16 Avgjerd av: Kommunestyret Saksbehandlar: Jan Kåre Fure

Arkiv: 033 Objekt:

Arkivsaknr.: 16/1087

Referat og orienteringssaker Refererte skriv og meldingar: Nr Dok.ID T Dok.dato Avsendar/Mottakar Tittel

1 16/9646 I 31.08.2016 SEKOM-sekretariatet Strategiplan for Gloppen kontrollutval vart handsama i kontrollutvalet 2. juni 2016

2 16/10234 I 16.09.2016 Postmottak Vest politidistrikt

Nærpolitireforma - referat og dokument etter styremøte den 5. september 2016

3 16/10346 I 20.09.2016 Ordføraren i Eid Utkast til felles fråsegn statlege arbeidsplassar Sogn og Fjordane

Orienteringssaker: Om Vest-Norges Brusselkontor v/direktør Merete Mikkelsen.

RÅDMANNEN SI TILRÅDING : Rådmannen legg ikkje fram tilråding i saka. 26.09.2016 KOMMUNESTYRET Rektor Hildegunn Gjesdal Tennebø orienterte om Nordfjord Folkehøgskule. Innspel frå Svein-Ottar Sandal (Krf) til referatsaka om statlege arbeidsplassar til Sogn og Fjordane:

Nordfjord har høg kompetanse innan landbruk og fiskeri. Dette gjeld både på primærproduksjon og innan foredling. Med dette som bakgrunn er det naturleg at ved utflytting av statlege arbeidsplassar vert Nordfjord-regionen tildelt arbeidsplassar frå til dømes landbruks- og fiskeridirektoratet.

Rådmannen gjorde merksam på at Fylkesmannen på torsdag den 29. september i år vil presentere sitt framlegg til ny kommunestruktur i Sogn og Fjordane. Gloppen har ikkje fått noko førehandsvarsel om framlegget. 075/16 VEDTAK :

Side 5

Deet vart ikkje gjort vedtak i saka.

Side 6


SAKSGANG Styre, utval, komite m.m. Møtedato Saksnr Eldrerådet 12.09.2016 023/16 Rådet for menneske med nedsett funksjonsevne 12.09.2016 023/16 Helse- og omsorgsutvalet 14.09.2016 028/16 Oppvekstutvalet 14.09.2016 030/16 MULTEK-utvalet 15.09.2016 099/16 Formannskapet 19.09.2016 108/16 Kommunestyret 26.09.2016 076/16 Avgjerd av: Kommunestyret Saksbehandlar: Beate O. Kornberg

Objekt: Arkiv: 140


Kommunal planstrategi 2016-2020 - sluttbehandling

Vedlegg: Dok.nr Tittel på vedlegg 278625 Planstrategi 2016 - 2020 Gloppen kommune - Høyringsutkast 20 juni 2016 Frå tidlegare behandling av saka:

Bakgrunn for saka: Plan og bygningslova §10-1: «Kommunestyret skal minst éin gang i kvar valperiode, og seinast innan eit år etter konstituering, utarbeide og vedta ein kommunal planstrategi. Planstrategien bør omfatte ei drøfting av kommunen sine strategiske val knytt til samfunnsutvikling, her under langsiktig arealbruk, miljø utfordringar, sektorane si verksemd og ei vurdering av kommunen sitt planbehov i valperioden.

Kommunen skal i arbeidet med kommunal planstrategi innhente synspunkt frå statlege og regionale organ og nabokommunar. Kommunen bør også legge opp til brei medverknad og allmenn debatt som grunnlag for behandlinga. Forslag til vedtak i kommunestyret skal gjerast offentleg minst 30 dagar før kommunestyret si behandling.

Ved behandlinga skal kommunestyret ta stilling til om gjeldande kommuneplan eller delar av denne skal reviderast, eller om planen skal vidareførast utan endringar. Kommunestyret kan herunder ta stilling til om det er behov for å setje i gang arbeid med nye arealplanar i valperioden, eller om gjeldande planar bør reviderast eller opphevast.

Utarbeiding og behandling av kommunal planstrategi kan slåast saman med og vere del av oppstart av arbeidet med kommuneplanen, jf. kapittel 11»

Folkehelseloven § 5: «Kommunen skal ha nødvendig oversikt over helsetilstanden i befolkninga og de positive og negative faktorar som kan virke inn på denne».

Side 7

§ 6: «Oversikten etter § 5 andre ledd skal inngå som grunnlag for arbeidet med kommunen sin planstrategi. Ei drøfting av kommunen sine folkehelseutfordringer bør inngå i strategien, jf. plan- og bygningsloven § 10-1. Saksutgreiing: Kommunal planstrategi er eit relativt nytt verkty i den nye plan og bygningslova (2008). Planstrategien er først og fremst meint å vere eit sterkare styringsreiskap for politikarane, med vekt på dei satsingane dei ønskjer å prioritere. Det er viktig å merke seg at planstrategien skal leggast til grunn for alt vidare planarbeid i perioden, som kommuneplan (både samfunnsdel og arealdel), delplanar, temaplanar, sektorplanar og sist men ikkje minst økonomiplan. Formålet er å drøfte kommunen sitt utviklingspotensial både som samfunn og organisasjon, klargjere kva for planoppgåver kommunen bør starte opp eller vidareføre i komande 4-års periode, for å legge til rette for ei ønska utvikling i kommunen. Planstrategien erstattar kravet som låg i den gamle plan- og bygningslova om rullering av kommuneplanen, og har fokus på at planlegginga skal vere behovsstyrt og ikkje gjerast meir omfattande enn naudsynt. I følgje miljødepartementet sin rettleiar, er planstrategien også eit egna verkty for å vurdere kommunen sitt plansystem, planressursar og samla planbehov i kommunestyreperioden. Folkehelselova som kom i 2012 legg og klare føringar for eit tverretatleg oversiktsarbeid rundt faktorar som påverkar befolkninga si helsetilstand, og at denne oversikta skal inngå som grunnlag for kommunen sitt arbeid med planstrategien. Dette bidrog til at rådmannen hausten 2015 etablerte ei tverr-sektoriell fokusgruppe, som på vegne av sektorane har bidrege sterkt i utarbeiding av det vi har kalla «Utfordringsdokument 2015». Fokusgruppa er i ferd med å ferdigstille dette dokumentet, som vil bli lagt fram politisk i løpet av februar 2016. Økonomiske konsekvensar for kommunen: Ingen direkte økonomiske konsekvensar. Rådmannen si vurdering: Lova legg i liten grad føringar for korleis planstrategiprosessen skal gjennomførast, utover at det i lovteksten står at kommunestyret skal bidra både i å utarbeide og vedta planstrategien. Nokre kommunar har likevel vald å køyrt reine administrative prosessar for utarbeiding, men sjølvsagt med politisk vedtak. I andre kommunar er politikarane sterkare involvert i sjølve utarbeidinga og drøftingane av ønska utvikling og viktige prioriteringar for å oppnå denne. Det sistnemnde løysinga vert i KS sitt inspirasjonshefte nemnt som ein suksessfaktor for at politikarane i større grad får eit sterkare eigarskap til planstrategien. Vidare anbefaler KS å ikkje køyre ein brei medverknadsprosess ut imot innbyggarane i denne fasen, dersom den ikkje vert del av oppstarten av ein større kommuneplanprosess. Då kommunen i 2012 starta arbeidet med utarbeiding av kommunen sin første planstrategi, hadde kommunen ingen erfaring med korleis ein best kunne gjennomføre ein slik prosess, i tillegg til særs avgrensa ressursar til arbeidet. Utarbeiding vart difor hovudsakleg utarbeida administrativt, med minimal medverknad frå politikarar og sektor- og einingsleiarar, sjølv om det vart gjort forsøk på dette. Planstrategien vart

Side 8

først vedteken juni 2014, og har difor i liten grad vert tydeleg førande for kva planar som skulle prioriterast i perioden. Rådmannen meiner difor at det i starten på inneverande periode er viktig å køyre ein prosess som i større grad gir eigarskap til planstrategien, og ønskjer difor å gjennomføre ein «planstrategiverkstad» der både administrative leiarar og politikarar får høve til å delta aktivt. Leiarane si oppgåve vert å bidra med si kompetanse inn imot ei ønskja utvikling av kommunen, mens politikarane si oppgåve vert å ivareta det folkelege engasjementet for kva slags planer ein bør utarbeide/revidere i valperioden. I forkant av denne «verkstaden» er det, slik rådmannen vurderer det, viktig at utfordringsdokument og planstrategi vert sett på agendaen i leiargruppene og utvala, der ein drøftar ønskja utvikling for kommunen som samfunn og tenesteleverandør, men og utifrå sektorane og dei politiske utvala sine ansvarsområde. Rådmannen har difor forslag til ein framdriftsplan slik vedlegget til saksdokumentet beskriv.

RÅDMANNEN SI TILRÅDING : Gloppen kommunestyre vedtek oppstart av arbeid med planstrategi i samsvar med plan- og bygningslova § 10-1. Kommunestyret slutter seg til arbeidsopplegg og framdriftsplan som er skissert i saksutgreiinga og vedlegget i saka. 25.01.2016 FORMANNSKAPET 007/16 VEDTAK : Rådmannen si tilråding vart samrøystes innstilt. 22.02.2016 KOMMUNESTYRET 005/16 VEDTAK : Gloppen kommunestyre vedtek oppstart av arbeid med planstrategi i samsvar med plan- og bygningslova § 10-1. Kommunestyret slutter seg til arbeidsopplegg og framdriftsplan som er skissert i saksutgreiinga og vedlegget i saka. Vedtaket var samrøystes.

Vidare behandling: I tråd med vedtaket i kommunestyret 22.02.2016, vart det 25. april i år gjennomført ein planstrategiverkstad i forkant av utarbeiding av «Planstrategi for Gloppen kommune 2016 – 2020». Hensikta var å kome fram til ei ønskja retning for kommunen si samfunnsutvikling og skape eigarskap til kommunen sin planstrategi og planar gjennom drøftingar på tvers av administrasjon og politikk.

Side 9

Planstrategiverkstaden involverte heile kommunestyret, rådmann, sektorleiarar og einingsleiarar, som vart sette saman i 10 grupper på tvers av sektorar, utval og parti. Deltakarane fekk i forkant tilsendt eit diskusjonsnotat med ei oppsummering av viktige dokument som skal ligge til grunn for drøftingane. Diskusjonsnotatet tok utgangspunkt i nasjonale føringar, regional planstrategi, gjeldande kommuneplan 2008 - 2020/ planstrategi 2012 – 2016 og «Utfordringsdokument 2015». I verkstaden vart det jobba med å skape ei felles forståing av kva som er kommunen sine største utfordringar. Dei 5 viktigaste satsingsområda vart valde ut og kva for samfunnsutvikling kommunen ønskjer i tida framover, vart omtala (målbilete). Oppsummeringa av utfordringane, satsingsområde og målbilete frå planstrategiverkstaden utgjer grunnlaget for rådmannen v/kommunalt planforum* sitt arbeid med satsingsområde i planstrategien, og forslag til planar for kommunestyreperioden. Vi har òg sett særskilt på om planstrategien svarer på nasjonale og regionale føringar. Kommunalt planforum har i etterkant utarbeida forslag til strategiar for å nå måla.

* Kommunalt planforum er ei administrativ arbeidsgruppe som er sett saman av dei vitigaste planleggarane i administrasjonen.

Planoversikta i slutten av planstrategidokumentet inneheld både planar som er under utarbeiding og ikkje er vedteke så langt, og forslag til nye planar. Forslaget til planoversikt i slutten av planstrategidokumentet er ikkje endeleg og ferdig fordi rådmannen ikkje ønskjer å legge for sterke føringar på politikarane sine val. Når det gjeld vurdering av nye planbehov, må det leggast vekt på at dei står i samanheng med satsingsområda som er valt for perioden. Rådmannen si vurdering: Rådmannen har ved fleire høve gjort dei folkevalde merksame på at kommunen ikkje har stor planleggings- og utgreiingskapasitet. Når rådmannen i planstrategien legg opp til å revidere kommuneplanen i 2017 og 2018, vil mykje av kapasiteten på overordna planlegging vere disponert. Rådmannen ber derfor om måtehald i ønskja om utarbeiding av planar dei to første åra. Det er svært viktig å få gjort ferdig bustadpolitisk handsplan. Denne vil vere retningsgjevande for fleire område og eit viktig verkemiddel for å nå målet om Gloppen som tilflyttingskommune nr 1 i Nordfjord. --- Etter tidlegare vedteken framdriftsplan er høyringsperioden for utkastet til planstrategi 4. august til 4. september i år.

RÅDMANNEN SI TILRÅDING : Formannskapet legg rådmannen sitt framlegg til kommunal planstrategi for perioden 2016-2020 ut til gjennomsyn med høyringsfrist 4. september 2016.

Side 10

20.06.2016 FORMANNSKAPET Framlegg frå Svein-Ottar Sandal (KrF):

Samtidig med at den kommunale planstrategien vert lagt ut til gjennomsyn, ber formannskapet rådmannen legge fram ei vurdering på planleggingskapasiteten i kommunen.

Framlegget vart vedteke mot to røyster. Framlegg frå Bernt Reed (Sp):

Barnehage- og skulebruksplanen skal vere klar i løpet av hausten 2017, med oppstart vinteren 2016/2017. Planperioden skal vere 2017-2035.

Framlegget vart samrøystes vedteke. Framlegg frå Hege Lothe (SV) og Bjarte Gangeskar (V):

Integrering skal inn som tema i alle planane, og det blir ikkje laga ein eigen plan for dette.

Framlegget vart samrøystes vedteke. 090/16 VEDTAK : 1. Formannskapet legg rådmannen sitt framlegg til kommunal planstrategi for

perioden 2016-2020 ut til gjennomsyn med høyringsfrist 4. september 2016 med desse tillegga/endringane: − Barnehage- og skulebruksplanen skal vere klar i løpet av hausten 2017, med

oppstart vinteren 2016/2017. Planperioden skal vere 2017-2035 − Integrering skal inn som tema i alle planane, og det blir ikkje laga ein eigen

plan for dette − Beredskapsplanen skal reviderast i løpet av 2016.

2. Samtidig med at den kommunale planstrategien vert lagt ut til gjennomsyn, ber

formannskapet rådmannen legge fram ei vurdering på planleggingskapasiteten i kommunen.

Pkt 1 vart samrøystes vedteke. Pkt 2 vart vedteke mot to røyster.

Sluttbehandling: Kommunen sin planstrategi for 2016 – 2019 vart lagt ut på høyring 22. juli, med høyringsfrist 4. september. Det har innan fristen ikkje kome inn nokon innspel til planstrategien, men i samband med varsling av oppstart av arbeidet med kommunen sin planstrategi, kom det inn to høyringsinnspel. Eitt frå Fylkesmannen og eitt frå Søreide fjellsameige. Saksutgreiing: Hovudtrekk i Fylkesmannen si høyringsuttale:

Side 11

Dei fleste momenta i Fylkesmannen si uttale er teken omsyn til i utarbeidinga av kommunen sin planstrategi. I tillegg er følgjande påpeika:

• Vi ser det som viktig at dei viktigaste miljøutfordringane i kommunen vert konkretiserte.

• Kommunen har ei sentral rolle i arbeidet med å redusere klimagassutslepp og tilpasse lokalsamfunnet til eit klima i endring. Arealpolitikken skal legge til rette for reduserte utslepp av klimagassar. Dette bør reflekterast i planstrategien.

• Det er ei viktig oppgåve i planlegginga å ta vare på god matjord, samtidig som ein balanserer jordvernet mot behovet til storsamfunnet. Det er eit nasjonalt mål å legge til rette for auka verdiskaping knytt til jord- og skogressursane, mellom anna gjennom satsing på grønt reiseliv, lokal matproduksjon og utnytting av bioenergi.

Hovudmoment i Søreide Fjellsameige si høyringsuttale: Søreide Fjellsameige minner om kva fylkesmannen i Hordaland seier når det gjeld bilveg til støylsområda i Gloppen kommune i høve ei ankesak: ”Bilveg til stølsområde må vurderast ved neste rullering av kommuneplanen”.

• Søreide Fjellsameige vonar kommunen no kan få omdefinert støylsområda til område for fritidsføremål. Alle støylane i kommunen vert no i hovudsak nytta til rekreasjon. Rekreasjon og naturopplevingar der veg er ein føresetnad for at rørslehemma også skal kunne få delta ( eldre, sjuke og andre som ikkje kjem seg fram i noko ulent terreng). Derfor må det kunne leggjast til rette for veg for dei som ynskjer veg. For dei som endå driv med landbruk har veg store fordeler med tilsyn og stell av buskap i tillegg til uttak av skog/ved.

• Det ligg inne på kommune si heimeide linkar med referansar til utleige av stølshus. Å kunne utnytte ressursane som ligg i stølsområde i endå større grad, ved for eksempel å tilby utleige og naturopplevingar, er ikkje berre vere positivt for kommunen, men kan også gje ei kjærkomen inntekt til dei som skal forvalte landskap og naturverdiar. Skal ein drive med utleige er det ein føresetnad at det eksisterer hensiktsmessig tilkomst for både leigetakarane og dei som skal sjå etter hytte/område.

Rådmannen si vurdering: Planstrategien legg som kjent opp til ei revidering av kommuneplan, både samfunnsdel og arealdel i inneverande planperiode. Rådmannen ser det som særs viktig at kommunen sitt arbeid med kommunedelplanar som skal utarbeidast i same tidsperiode, vert koordinert og sett i samanheng med kommuneplanprosessen. Dette gjeld særskilt bustadpolitisk handlingsplan, barnehage- og skulebruksplan og områdeplan for Sandane sentrum. Denne vil vere retningsgjevande for fleire område og eit viktig verkemiddel for å nå målet om Gloppen som tilflyttingskommune nr 1 i Nordfjord. Til pkt 2 i formannskapet sitt vedtak i sak 90/16:

Samtidig med at den kommunale planstrategien vert lagt ut til gjennomsyn, ber formannskapet rådmannen legge fram ei vurdering på planleggingskapasiteten i kommunen

Rådmannen har ved fleire høve – seinast i presentasjonen av «0-alternativet» i arbeidet med kommunereforma – påpeika at vi har for liten kapasitet på rådgjeving- og utgreiingsarbeid. Dette fører til at både rådmannen sjølv, og særleg sektorleiarane for dei store sektorane (oppvekst og helse og omsorg) i alt for stor grad brukar tida si på driftsoppgåver og rein administrasjon. Driftsoppgåvene til kommunen har auka mykje dei siste 5-10 åra, og

Side 12

samstundes med dette har vi bygd ned administrasjonen når det gjeld utgreiingskapasitet og -kompetanse. Dette lir sjølvsagt også planarbeidet under. Rådmannen meiner at vi på relativt kort sikt må få på plass 2-3 rådgjevar- og saksbehandlarstillingar i administrasjonen viss vi skal handtere dei utviklingsoppgåvene vi ser føre oss, og som de folkevalde er opptekne av. Noko av denne kapasiteten kan kanskje skaffast ved anna organisering og stillingsendringar, men neppe alt. Rådmannen vil i sitt framlegg til 2017-budsjett prøve å kome med konkrete tiltak. Det er sjølvsagt ikkje noko å legge skjul på at brannen i heradshuset ikkje har vore til hjelp…

RÅDMANNEN SI TILRÅDING : Kommunestyret vedtek formannskapet sitt forslag til kommunal planstrategi 2016 – 2020 for Gloppen kommune slik dette følgjer av f-sak 90/16. 12.09.2016 RÅDET FOR MENNESKE MED NEDSETT FUNKSJONSEVNE 023/16 VEDTAK : Rådet for menneske med nedsett funksjonsevne viser til satsingsområde 3.2 inkluderande lokalsamfunn om å skape gode møteplassar og meiner det er viktig at småbarnsforeldre blir gjort merksame på at vi rundt i etablerte bustadområde har «nedlagde» leikeplassar som kan hentast fram igjen. Rådet for menneske med nedsett funksjonsevne har elles ingen merknader i saka. Vedtaket var samrøystes. 12.09.2016 ELDRERÅDET 023/16 VEDTAK : Eldrerådet har ingen merknader i saka. Vedtaket var samrøystes. 14.09.2016 HELSE- OG OMSORGSUTVALET 028/16 VEDTAK : Helse- og omsorgsutvalet har ingen merknader i saka. Vedtaket var samrøystes.

Side 13

14.09.2016 OPPVEKSTUTVALET 030/16 VEDTAK : Oppvekstutvalet har ingen merknader i saka. Vedtaket var samrøystes. 15.09.2016 MULTEK- UTVALET Merknaden frå Fylkesmannen, som kom nn etter at saka var skriven og sendt ut, vart referert. Framlegg frå Mariel Eikeset Koren (MDG):

Som rådmannen si tilråding, men med slikt tillegg:

Kommunestyret tek omsyn til utalane som ligg føre frå både Fylkesmannen og Fiskeridirektoratet ved utarbeiding av planstrategi for Gloppen kommune.

Framlegget vart samrøystes vedteke. 099/16 VEDTAK : MULTEK-utvalet er samd i tilrådinga, med slikt tillegg:

Kommunestyret tek omsyn til utalane som ligg føre frå både Fylkesmannen og Fiskeridirektoratet ved utarbeiding av planstrategi for Gloppen kommune.

Vedtaket var samrøystes. 19.09.2016 FORMANNSKAPET Fylkesmannen sitt brev frå 5. september 2016 vart delt ut. Brevet kom inn etter at hørings- og merknadsperioden var ute, og er derfor ikkje med i rådmannen si saksutgreiing. 108/16 VEDTAK : Rådmannen si tilråding vart samrøystes innstilt. 26.09.2016 KOMMUNESTYRET Framlegg frå Svein-Ottar Sandal (Krf):

Kommunestyret ber rådmanen kome tilbake med ei vurdering av om revidering av kommuneplanen – samfunnsdel og arealdel – kan samordnast i tid og då slik at vedtak kan gjerast hausten 2017.

Side 14

Framlegg frå Arnar Kvernevik (Ap) :

Til pkt 3.3 i planen Gloppen kommune har store sjøområde som eignar seg for havbruk. Gloppen kommune skal legge til rette for å auke biomasseproduksjonen i våre sjøområde.

Mariel Eikeset Koren (SD) tok opp att framlegget frå MULTEK-utvalet:

Kommunestyret tek omsyn til utalane som ligg føre frå både Fylkesmannen og Fiskeridirektoratet ved utarbeiding av planstrategi for Gloppen kommune. Kommunestyret vedtek derfor å utsette saka.

Det var gruppemøte på saka. Innspel frå Per Rune Vereide (Sp):

Merknadene frå Fylkesmannen og Fiskeridirektoratet blir teke omsyn til i dei konkrete planane.

Mariel Eikeset Koren (SD) trekte sitt framlegg, og erstatta dette med følgjande til innleiande avsnitt i strategiplanen sitt kapittel om dei ulike kommuneplanane (kapittel 4)

Alt planarbeid i Gloppen kommune skal rette seg etter retningslinene som er lagt frå klimatoppmøtet i Paris, skal ta opp i seg FN sine bærekraftmål og legge til rette for reduserte utslepp av klimagassar, i tråd med dei nasjonale krava til planstrategien. Dei viktigaste miljøutfordringane i kommunen skal konkretiserast og gjerast greie for i innleiing til alle kommuneplanar, og det skal i alle saksutgreiingar takast med eit klimarekneskap som måler dei ulike tiltaka opp mot overordna klimamål.

Det vart røysta slik: 1. Framlegget frå Svein-Ottar Sandal, som vart vedteke med 24 mot tre røyster 2. Framlegget frå Arnar Kvernevik, som vart vedteke med 14 mot 13 røyster 3. Framlegget frå Mariel Eikeset Koren, som fekk fem røyster og fall. Til slutt vart det røysta over formannskapet si innstilling med dei endringsframlegg som fekk fleirtal i kommunestyret. Innstillinga med tillegg av framlegga vart samrøystes vedteken. Det vart ikkje røysta over innspelet frå Senterpartiet v/Per Rune Vereide om merknadene frå Fylkesmannen og Fiskeridirektoratet. 076/16 VEDTAK : Kommunestyret vedtek formannskapet sitt forslag til kommunal planstrategi 2016 – 2020 for Gloppen kommune slik dette følgjer av f-sak 90/16, med desse tillegga: 1. Kommunestyret ber rådmannen kome tilbake med ei vurdering av om revidering av

kommuneplanen – samfunnsdel og arealdel – kan samordnast i tid og då slik at vedtak kan gjerast hausten 2017.

Side 15

2. Til pkt 3.3 i planen: Gloppen kommune har store sjøområde som eignar seg for havbruk. Gloppen kommune skal legge til rette for å auke biomasseproduksjonen i våre sjøområde.

Vedtaket var samrøystes.

Side 16


SAKSGANG Styre, utval, komite m.m. Møtedato Saksnr Helse- og omsorgsutvalet 14.09.2016 029/16 Formannskapet 19.09.2016 109/16 Kommunestyret 26.09.2016 077/16 Avgjerd av: Kommunestyret Saksbehandlar: Beate O. Kornberg/Åslaug Haugset

Objekt: Arkiv: 144 F60 &30


Rusmiddelpolitisk handlingsplan 2016 - 2019 - sluttbehandling

Vedlegg: Dok.nr Tittel på vedlegg 280413 Rusmiddelpolitisk handlingsplan for 2016 - 2019 - utgåve 5. september 2016 Frå tidlegare behandling av saka:

Bakgrunn for saka: Etter alkohollova § 1-7 d er kommunane pålagde å utarbeide ein alkoholpolitisk handlingsplan. Forsking viser at bruk av alkohol og narkotika bør sjåast i samanheng, og dette er grunnen til at Helsedirektoratet tilrår at kommunane arbeider ut ein samla rusmiddelpolitisk handlingsplan. Ein samla rusmiddelpolitisk plan skal gjere det lettare å sjå samanhengen mellom bevillingspolitikk, førebyggande innsats og trongen for oppfølging og rehabilitering. Planen skal gjelde for ein periode på 4 år, og skal reviderast ein gong i kvar kommunestyre-periode. Ny plan skal gjelde frå 1. oktober 2016. Saksutgreiing: «Rusmiddelpolitisk handlingsplan for Gloppen kommune 2012-2016» vart sist vedteken i kommunestyret den 18. juni 2012, og var då hovudsakleg ei rein vidareføring av planen for 2010. Planen har vore, og er framleis, delt i ein rusmiddelpolitisk og ein løyvepolitisk del. Gjennom nye lovverk, rettleiarar, samhandlingsreforma og stortingsmelding 30/2012 – «Sjå meg! – Ein heilskapleg ruspolitikk», ser vi ei klar forsterking av fokuset på førebygging, det å kome tidleg inn og legge til rette for meir samhandling! Dette er bakgrunnen for at det er gjort endringar i den rusmiddelpolitiske delen i forhold til gjeldande plan. Den løyvepolitiske delen er ei vidareføring av gjeldande plan oppdatert med endringar i alkohollova og med dei endringane som kjem som følgje av praktisering av gjeldande løyvepolitiske plan. Den rusmiddelpolitiske delen for komande periode er bygd opp på ein ny måte rundt tre fokusområde: 1. Ålmenne førebyggande tiltak – Folkehelseperspektiv 2. Tidleg intervensjon – barn og unge i risiko 3. Tenester til rusavhengige.

Side 17

Vidareføring av viktige tiltak og forslag til nye tiltak er plassert i «eigne boksar» i slutten av kvart fokuskapittel. P.g.a. ein kort planutarbeidingsfase og korte tidsfristar før politisk handsaming, er det viktig at det i etterkant av politisk handsaming, og gjennomgang i sektorleiargruppene, vert utarbeida ei samla tiltaksoversikt, med klar ansvarsplassering og tidsfristar for gjennomføring. Dette vil og gjelde innspel som kjem inn i samband med at planen vert lagt på høyring. Kommunestyret i Gloppen gjorde i november 2013 vedtak om å sette i gang eit systematisk og tverrsektorielt skade- og ulykkesførebyggande arbeid, og søke nasjonal godkjenning som «Trygt lokalsamfunn» i løpet av 2016. I dette arbeidet har rus- og kriminalitetsførebygging vore eit av 4 satsingsområde. I samband med denne satsinga, har vi i løpet av det siste året hatt fleire tverrfaglege/tverrsektorielle møte omkring tema rusførebygging, der ein har vektlagt å få ein oppdatert status over våre utfordringar knytt til rus, og oversikt over kva tiltak som er sett i gang for å møte desse utfordringane. I arbeidet med kommunen sitt «Utfordringsdokument 2015 – faktorar som påverkar helse og trivsel i Gloppen» (kommunen si skriftlege helseoversikt), som i løpet av hausten 2015 vart utarbeida av ei tverrsektoriell fokusgruppe i tett samarbeid med sektorane, er og våre utfordringar knytt til rus omtala. Det er frå desse dokumenta vi hovudsakleg har henta faktastoff til planen.

Økonomiske konsekvensar for kommunen: I planen er det i liten grad gjort direkte økonomiske vurderingar, men den vil kunne påverke den totale fordelinga av ressursar. Tiltak som krev ekstra ressursar må innarbeidast i økonomiplanen. (…)

Vidare behandling: Planen vart handsama i helse- og omsorgsutvalet og formannskapet i april og juni, i eldrerådet og «rådet for menneske med nedsett funksjonsevne» i mai og i oppvekstutvalet og MULTEK-utvalet i juni. Planen vart vedteken lagt ut på høyring av formannskapet 13. juni 2016. Høyringsutkastet vart lagt ut på kommunen si heimeside 3. august 2016, og dette vart kunngjort i Firda Tidend 5. august 20616. Høyringsfristen vart sett til 1. september. Følgjande høyringsuttale har kome innan fristen: Frå einingsleiarmøte i helse og omsorg: Tillegg på side 25, til slutt i pkt 7.1: «Eit tiltak som manglar er kommunalt, akutt døgntilbod for pasientar med rus/psykiatriproblematikk. Dette vert innført i kommunen frå 01.01.2017.» Nytt kulepunkt på side 27, nr 8: «Innføre eit kommunalt døgntilbod for pasientar med rus/psykiatriproblematikk. Ansvarleg: Helse- og omsorgssjefen.» Frå NAV Gloppen NAV Gloppen kjem med fleire endringsframlegg til kap 7 i planen: «Fokusområde 3 – Tenester til rusavhengige». Desse endringane, som både er redaksjonelle og går på sjølve innhaldet, er skrive og merka med raud skrift i den vedlagde handlingsplanen. Rådmannen si vurdering: Rådmannen har ingen merknader til endringsframlegga som har kome inn i høyringsperioden, og tilrår at planen blir retta i samsvar med framlegga.

Side 18

Når det gjeld den løyvepolitiske delen av planen, er rådmannen litt undrande til at det ikkje har kome merknader eller innspel frå dagens løyvehavarar eller andre som kan vere aktuelle søkjarar om løyve. Rådmannen vil likevel be kommunestyret særskilt vurdere nokre punkt i denne delen av planen. Krav om eige kjøkken for å kunne skjenke brennevin I samband med søknaden om nytt skjenkeløyve har «Onkel Willy» stilt spørsmål om ikkje kravet om eige kjøkken kan fråvikast for å få innvilga skjenkeløyve for brennevin. Rådmannen vel å handtere dette innspelet som ein del av høyringsrunden. Vilkåra for å få skjenkeløyve for brennevin følgjer av kap 11.2 i planen. Kapitlet er skrive slik at ein pub utan eige kjøkken ikkje kan tildelast skjenkeløyve for brennevin. Rådmannen vil tilrå at dette kravet blir teke ut av planen, slik at pubar utan eige kjøkken kan søkje om brennevinsløyve. Skjenketider Ved behandlinga av høyringsframlegget vedtok formannskapet å innskrenke skjenketidene slik at det ikkje kan skjenkast før kl 12:00 inne. Tidlegare var normaltida − Kl 08:00 – 01:00 frå søndag til torsdag og − Kl 08:00 – 02:00 på fredag, laurdag og dagar før skiftande helge- og høgtidsdagar. Salstida for øl er frå kl 09:00 – 20:00 på kvardagar og frå kl 09:00 – 18:00 på laurdagar og dagar før helgedagar. Rådmannen ber dei folkevalde tenkje gjennom om det er logisk at t.d. hotellet ikkje kan skjenke øl til sine gjester før kl 12:00 når dei same gjestene – og andre – kan gå på butikken og kjøpe seg ei flaske øl allereie kl 09:00. Rådmannen meiner dette ikkje er ei god løysing. Rådmannen legg ikkje fram att forslaget om å utvide den alminnelege skjenketida om kvelden/natta, og legg til grunn at rådmannen kan fråvike normaltida for skjenking i spesielle høve. Det har vore tilnærma fast praksis tidlegare at formannskapet ved klagebehandling har oppheva rådmannen sitt avslag på søknader om utvida skjenketid, sjølv om rådmannen her har følgt planen till punkt og prikke. No er det teke inn i planen at rådmannen har fullmakt til å fråvike normaltida ved spesielle høve, som t.d. under «countrytreffet». Sal av alkohol på valdagen m m Sidan førre plan vart vedteken er alkohollova endra slik at alkoholsal no er tillate på nyttårsaftan, påskeaftan, pinseaftan og valdagen, og at dagen før Kr. Himmelfartsdag ikkje reknast som dag før helgedag, med mindre kommunestyret vedtek noko anna. Planen er retta opp i samsvar med dette. Vi har ikkje sagt noko om sal av alkohol på valdagen, og det vil derfor vere lovleg i Gloppen. Viss vi ikkje ønskjer dette, må det utrykkeleg seiast i planen. Vinmonopolet vil rette seg etter dei kommunale reglane for ølsal, og vil halde stengt på valdagen viss ølsal ikkje er tillate i butikkane denne dagen. (I dag er Vinmonopolet på Sandane stengt måndagane, og så lenge dette gjeld, og valdagen alltid er ein måndag, er saka først og fremst prinsipiell for Vinmonopolet sin del.) Sals- og skjenkeløyve for eigenprodusert alkohol Frå 1. juli i år er det gjort endringar i alkohollova som opnar for såkalla gardssal av eigenprodusert alkoholhaldig drikk.

Side 19

Rådmannen har innarbeidd dette i vår plan med eit nytt kap. 12. I tillegg har kap 11.1 og 11.2 begge fått eit nytt punkt om at salsløyve og skjenkeløyve kan tildelast den eller dei som har tilverkingsløyve. Det er klare reglar i det sentrale lovverket for korleis slik sal- og skjenking skal gå føre seg. Reaksjonar ved ulovleg sal og skjenking Også her er det nye sentrale reglar i alkoholforskrifta, og kap 15 er no skrive i samsvar med desse. RÅDMANNEN SI TILRÅDING : Kommunestyret godkjenner vedlagde framlegg til «Rusmiddelpolitisk handlingsplan 2016-2019» med desse endringane: − I kap 11.2 blir punkt «2. Restaurant med eige kjøkken» teke ut av planen − Den alminnelege skjenketida for øl, vin og brennevin blir ikkje endra i høve til planen for

perioden 2012-2015. 14.09.2016 HELSE- OG OMSORGSUTVALET Framlegg frå Arnfinn Brekke (Krf) :

Som rådmannen si tilråding, men begge endringsframlegga frå rådmannen til vedlagde plan blir strokne.

Det vart først røysta slik:

1. Over punktet i kap 11.2 «2. Restaurant med eige kjøkken» skal takast ut av planen. Dette vart avvist med fem mot ei røyst

2. Over punktet om at skjenking inne ikkje skal vere tillate før kl 12:00. Dette vart samrøystes vedteke.

Ved endeleg avrøysting vart framlegget frå Arnfinn Brekke vedteke med fem røyster. Mindretalet røysta for rådmannen si tilråding. Olav Sig. Gundersen bad om at rådmannen orienterer om regelverket knytt til sal og skjenking av eigenprodusert brennevin. 029/16 VEDTAK : Helse- og omsorgsutvalet tilrår kommunestyret å vedta vedlagde framlegg til «Rusmiddelpolitisk handlingsplan 2016-2019». Vedtaket vart gjort med fem røyster. 19.09.2016 FORMANNSKAPET Rådmannen gjorde greie for «rusfagleg forum» sine merknader til planen, som kom etter at saka var sendt ut, og bad om fullmakt til å gjere nokre redaksjonelle endringar i planen etter «rusfagleg forum» sitt innspel.

Side 20

Arnfinn Brekke gjorde greie for helse- og omsorgsutvalet si behandlinga av saka, der ein protokollmerknad om meir informasjon om den nye ordninga om «gardssal» av alkohol ikkje har kome med i møteboka. Framlegg frå Arnfinn Brekke (Krf) :

Nytt tiltak i den rusmiddelpolitiske delen av planen: Kommunestyret ber rådmannen vurdere å etablere ei «kvit veke» i Gloppen. Formannskapet gjer endeleg vedtak i saka.

Det vart røysta slik: 1. over helse- og omsorgsutvalet si tilråding, som fekk fire røyster 2. over rådmannen si tilråding, som fekk fem røyster 3. over tilleggsframlegget frå Arnfinn Brekke, som vart samrøystes vedteke. Svein-Ottar Sandal bad rådmannen legge fram ei orienteringssak om dei nye reglane for «gardssal» av alkoholhaldig drikk. Det vart ikkje røysta over dette. 109/16 VEDTAK : Rådmannen si tilråding vart innstilt med fem røyster. Framlegget frå Arnfinn Brekke vart samrøystes innstilt. 26.09.2016 KOMMUNESTYRET I førekant av møtet hadde rådmannen sendt ut ei orientering til kommunestyret (i e-post datert 21. september 2016) om reglane for gardssal av eigenprodusert alkoholhaldig drikk. --- Rådmannen bad om å få retta opp ein feil i si tilråding når det gjeld kap. 11.2 i planen: Pkt 2 skal ikkje strykast, men endrast til:

2. Restaurant, serveringsstad og pub Arnfinn Brekke (Krf) tok opp att framlegget frå helse- og omsorgsutvalet om at − starttidspunktet for den normale skjenketida innandørs skal vere kl 12:00 og − at det skal stillast krav om eige kjøkken for å kunne frå skjenkeløve for brennevin. Rådmannen bad om at pkt 4 i kap 11.2 blir stroke sidan dette punktet er i strid med alkohollova. Det vart røysta slik: 1. Framlegget om at starttidspunktet for den normale skjenketida skal vere kl 12:00, som

fekk 10 røyster og fall 2. Framlegget om at eige kjøkken skal vere eit krav for å kunne få skjekeløyve for

brennevin, som fekk 13 røyster og fall. Kap 11.2, pkt 2 skal lyde: Restaurant, serveringsstad og pub

3. Innstillinga frå formannskapet om ei «kvit veke», som vart samrøystes vedteken.

Side 21

Pkt 4 i kap 11.2 blir teken ut av planen. Ved endeleg avrøysting vart planen samrøystes vedteken. 077/16 VEDTAK : Kommunestyret godkjenner vedlagde framlegg til «Rusmiddelpolitisk handlingsplan 2016-2019» med desse endringane: − I kap 11.2 skal punkt 2 lyde: «Restaurant, serveringsstad og pub» − Den alminnelege skjenketida for øl, vin og brennevin blir ikkje endra i høve til planen for

perioden 2012-2015. Kommunestyret ber rådmannen vurdere å etablere ei «kvit veke» i Gloppen. Formannskapet gjer endeleg vedtak i saka. Vedtaket var samrøystes.

Side 22


SAKSGANG Styre, utval, komite m.m. Møtedato Saksnr Rådet for menneske med nedsett funksjonsevne 30.05.2016 018/16 Eldrerådet 30.05.2016 018/16 Formannskapet 20.06.2016 094/16 Kommunestyret 26.09.2016 078/16 Avgjerd av: Kommunestyret Saksbehandlar: Jan Kåre Fure

Objekt: Arkiv: 033


Spørsmål om møte-, tale- og forslagsrett i kommunestyret for dei kommunale råda Ingen vedlegg. Bakgrunn for saka: Arnar Kvernevik, som er MULTEK-utvalet sitt medlem i eldrerådet, har teke opp spørsmålet om møte-, tale- og forslagsrett for eldrerådet i kommunestyret. Saksutgreiing: Kvernevik skriv dette i ein e-post datert 12. februar i år:

Denne henvendinga gjeld førespurnad til administrasjonen om å greie ut møte- tale- og eventuelt forslagsrett for Eldrerådet. Viser blant anna til Naustdal kommune, Lillesand kommune og fleire andre kommunar som har gjeve eldrerådet slike utvida mogelegheiter. Eldreomsorg er ein svært viktig og stor del av kommunen sine oppgåver. Sånn sett er eldrerådet eit betydningsfullt organ i kommunen og rådet sine synspunkt bør sjølvsagt høyrast i alle saker som vedkjem eldrepolitikken i kommunen. Vanlegvis blir slike saker sendt på høyring til eldrerådet før politisk behandling i kommunen, men Eldrerådet i Gloppen erfarer at i enkelte saker kjem sakene til rådet først etter at hovedutvala har starta handsaminga og at mogelegheitene for påverknad difor vert noko svekka. Statens seniorråd peikar på at mange kommunar har gode erfaringar med at eldreråda har møte- og talerett i kommunestyra. Å delta i debatten gjev langt større mogelegheit til å sikre eldrerådet direkte påverknad i forhold til om dei handsamer saka i eldrerådsmøte og så sender protokollen til kommunestyret. Med denne bakgrunnen ber underteikna om at rådmannen greier ut problemstillingane i samband med slike utvida rettar og at saka vert satt opp og drøfta i neste møte i eldrerådet. Målet er å avklare om eldrerådet i Gloppen skal/kan/vil fremje ein formell søknad til kommunestyret om møte-, tale- og eventuelt forslagsrett. Eldrerådet er ikkje informert om denne førespurnaden, ber difor om at leiaren vert orientert og teken med på råd for vidare utgreiing/saksgang.

Side 23

Spørsmålet som Kvernevik tar opp vart sist behandla av kommunestyret i juni 2010. Saka kom den gong opp etter eit innspel frå det dåverande rådet for funksjonshemma. Rådmannen skreiv:

Det er kommunestyret sjølv som fastset reglementet sitt og reglementa for andre folkevalde organ. Etter gjeldande rett kan andre enn dei valde medlemmene i utvalet gjevast talerett. Om slike personar/representantar også kan gjevast forslagsrett, er meir tvilsamt. I følgje Overå/Bernt si kommentarutgåve til kommunelova må ein eventuell tale- og forslagsrett praktiserast slik:

(…) Den samme modellen kan brukes hvis man ønsker å etablere for eksempel et ”ungdommens kommunestyre”. Medlemmene i en slik forsamling kan gis adgang til å fremføre synspunkter og forslag i en særlig sesjon for dette, før møtet eller i en pause. Når så møtet i vedkommende organ settes igjen, vil det imidlertid selvsagt være opp til de folkevalgte hvor mye vekt de vil legge på det som er fremført av for eksempel ungdomsrepresentantene, og forslag som blir fremsatt av slike, vil ikke bli gjenstand for votering hvis ikke de tas opp igjen av administrasjonssjefen eller en av de folkevalgte.

I heftet som leiaren i rådet for funksjonshemma viser til, ”Gode råd er ikke dyre”, er det synt til fleire døme på kommunar som har gjeve medlemmer i råd for funksjonshemma tale- og forslagsrett i kommunale organ. Det må derfor vere grunn til å rekne med at det er lovleg å gjere dette. Dersom kommunestyret ønskjer å imøtekome kravet frå rådet for funksjonshemma, er det rådmannen sitt syn at det bør utarbeidast retningslinjer for korleis tale- og forslagsretten skal praktiserast. Det vil også vere nødvendig å endre reglementa både til dei folkevalde organa og for råda. Rådmannen si vurdering: Som rådmannen har skrive i saka før behandlinga i rådet for funksjonshemma, er det mitt syn at ein eventuell tale- og forslagsrett må gjelde alle råda til kommunen, også eldrerådet og ungdomsrådet. Det er hovudsakleg eit politisk spørsmål om dei tre råda skal få tale- og forslagsrett i folkevalde organ i Gloppen. Rådmannen vil derfor vere varsam med å meine for mykje om saka. Eg meiner likevel at dersom kommunestyret vil opne for slik medverknad, bør dette gjennomførast på ein måte som Overå/Bernt skriv i kommentarutgåve til kommunelova, jfr det som er sitert lenger framme i saksdokumentet. Spesielt i utvala er tonen ofte nokså uformell, og uklare arbeidsformer kan derfor lett føre til samanblanding av roller. Det må aldri vere tvil om kven som er utvalsmedlemmer. Rådmannen har ikkje lagt denne saka frå for eldrerådet og ungdomsrådet til uttale. Eg har hoppa over dette fordi saka først og fremst er prinsipiell, og at det først bør avklarast politisk om vi skal gå vidare i den retning rådet for funksjonshemma ber om. Råda må sjølvsagt trekkjast inn i arbeidet med å lage retningslinjer m.m. viss dette blir aktuelt.

Side 24

--- Rådmannen legg ikkje fram tilråding i saka.

Kommunestyret gjorde desse vedtaket i sak 31/10:

Gloppen kommunestyre syner til at Gloppen kommune har oppretta råd for ungdom, eldre og funksjonshemma der folkevalde organ får råd i aktuelle saker, og avslår søknaden frå rådet for funksjonshemma. Gloppen kommunestyre ønskjer god kontakt med desse råda, og vil vidareutvikle kommunikasjonen mellom utvala og råda når det gjeld aktuelle saker.

Økonomiske konsekvensar for kommunen: Ingen. Rådmannen si vurdering: Problemstillinga i saka er mykje den same som i 2010 då kommunestyret ikkje ville gje råda tale- og forslagsrett i andre folkevalde organ. Spørsmålet Kvernevik tar opp gjeld møte-, tale- og forslagsrett i kommunestyret. Dette gjer det naturlegvis enklare å halde på formalitetane, og rådmannen si uro om «uformelle og uklare arbeidsformer i utvala» er ikkje relevant. Som rådmannen meinte sist, er dette først og fremst eit politisk spørsmål. Sett frå rådmannen sin synsstad er det uproblematisk å imøtekome ønsket om møte- og talerett i kommunestyret. Å gje råda forslagsrett er ikkje så beinkløyvd, jfr det som er sagt tidlegare i saka i sitatet frå kommentarutgåva til kommunelova. Dersom kommunestyret vil innføre ordninga, bør det utarbeidast retningslinjer for korleis møte- og taleretten skal praktiserast. Rådmannen legg sjølvsagt til grunn at alle råda blir behandla likt. Reglementet til kommunestyret må endrast viss ordninga blir gjort gjeldande. Rådmannen vil ikkje tilrå at råda får møte- og talerett i utvala og formannskapet slik det var snakk om sist saka var oppe. Dette er heller ikkje teke opp no. Saker som er av interesse for råda i utvala og formannskap skal som hovudregel først innom råda.

RÅDMANNEN SI TILRÅDING : Kommunestyret er open for å gje dei kommunale råda møte- og talerett i kommunestyret og ber rådmannen utarbeide retningslinjer for praktisering av ein slik møte- og talerett. Kommunestyret vil ikkje opne for at råda har forslagsrett i kommunestyret. 30.05.2016 ELDRERÅDET 018/16 VEDTAK : Eldrerådet er samd i tilrådinga. 30.05.2016 RÅDET FOR MENNESKE MED NEDSETT FUNKSJONSEVNE

Side 25

018/16 VEDTAK : Rådet for menneske med nedsett funksjonsevne er samd i tilrådinga. Vedtaket var samrøystes. 20.06.2016 FORMANNSKAPET 094/16 VEDTAK : Rådmannen si tilråding vart samrøystes innstilt. 26.09.2016 KOMMUNESTYRET 078/16 VEDTAK : Kommunestyret er open for å gje dei kommunale råda møte- og talerett i kommunestyret og ber rådmannen utarbeide retningslinjer for praktisering av ein slik møte- og talerett. Kommunestyret vil ikkje opne for at råda har forslagsrett i kommunestyret. Vedtaket var samrøystes.

Side 26


SAKSGANG Styre, utval, komite m.m. Møtedato Saksnr MULTEK-utvalet 15.09.2016 100/16 Kommunestyret 26.09.2016 079/16 Avgjerd av: Kommunestyret Saksbehandlar: Trine Alme

Objekt: Arkiv: V60


Høyring om endringar i konsesjonslova, jordlova og odelslova

Vedlegg: Dok.nr Tittel på vedlegg 277468 Høyringsnotat Bakgrunn for saka: Landbruks- og matdepartementet har sendt framlegg om endring av konsesjonslova, jordlova og odelslova på høyring. Høyringsfrist 26. september 2015. Saksutgreiing: 16. februar i år behandla Stortinget innstilling frå Næringskomiteen som gjaldt regjeringa sitt lovframlegg om endringar i konsesjonslova og tvangsfullbyrdingslova (oppheving av priskontroll). Stortinget vedtok å sende lovforslaget tilbake til regjeringa. Stortinget bad samtidig regjeringa om å greie ut og legge fram for Stortinget ei rekke ulike framlegg til endringar i konsesjons-lova, odelslova og jordlova. Det er føreslege endringar som vil føre til at fleire eigedomar enn i dag kan omsetjast utan vurdering av konsesjon, pris og buplikt. Grunngjevinga for endringsframlegget er ynskje om å forenkle regelverket, redusere byråkratiet og gi den einskilde bonde større råderett over eigen eigedom. Dei viktigaste endringsforslaga er:

1) Arealgrensa for konsesjonsplikt, buplikt og odlingsjord hevast frå 25 dekar fulldyrka og overflatedyrka jord til 35 dekar fulldyrka og overflatedyrka jord.

2) Det vert innført heimel for forskrift i konsesjonslova om beløpsgrense for priskontroll. Med lovfesta arealgrenser.

3) Priskontrollen vert oppheva på reine skogeigedomar.

4) For eigedomar som er bygt på med både jord og skog, skal det berre vere priskontroll dersom eigedomen har meir enn 35 dekar fulldyrka eller overflatedyrka jord. Arealgrensa på 500 dekar skog vert fjerna.

Side 27

5) Unnatak frå pliktene til å søkje delingssamtykke etter jordlova og å søkje konsesjon

dersom ervervet gjeld jord eller skog som skal leggjast til ein annan landbrukseigedom for å styrke drifta av han. Høve til å halda att tun med tomt på inntil fem dekar til bustad eller fritidsføremål.

6) Unnatak frå plikta til å søkje delingssamtykke etter jordlova dersom ervervet gjeld tomt til bustadhus, fritidshus eller naust der tomta er under to dekar.

7) Ei rekke vilkår for å oppfylle driveplikta ved bortleige opphevast, mellom anna krav om at leigeavtala må vare i minst 10 år, krav om at leigejord skal vere tilleggsjord til annan landbrukseigedom og at avtala skal føre til driftsmessig gode løysingar.

8) Endeleg vedtak om tilbakebetaling av tilskot blir tvangsgrunnlag for utlegg.

Etter framlegg frå departementet skal priskontrollen heimlast i forskrift og ikkje i rundskriv. I 2004 blei det i retningsliner fastsett ei nedre grense for når det skulle gjerast priskontroll ved overtaking av landbrukseigedom med bustad. I starten vart det sett ei grense på kr 750 000,-. Summen vart endra til 1,5 mill. kroner i 2010. I 2012 blei summen fastsett til 2,5 mill. kroner, og i februar 2016 til 3,5 mill. kroner. Endringsframlegget gjeld ikkje plan- og bygningslova. Delingssøknader skal framleis vurderast etter plan- og bygningslova. Økonomiske konsekvensar for kommunen: Truleg ingen. Rådmannen si vurdering: Jord- og konsesjonslova har vore og er gode reiskap som byggjer opp under samfunnspolitiske mål. Lovene er med på å sikre at det stort sett er næringsutøvarane i landbruket som eig areala. Det har og vore mogleg å skaffe seg eit gardsbruk til ein pris som står i høve til verdien av driftsgrunnlaget på eigedomen. I noverande lovverk er det lagt vekt på følgjande mål; omsynet til framtidige generasjonar, landbruksnæringa, trongen for utbyggingsgrunn, omsynet til miljøet, ålmenne naturverninteresser og friluftsinteresser, samt omsynet til busettinga. Den offentlege reguleringa kva gjeld omsetting og deling av landbrukseigedomar, er med på å ta vare på kulturlandskapet og driftstilhøva på den einskilde eigedomen. Det ville truleg vore gjennomført fleire delingar i samband med t.d. generasjonsskifte dersom denne reguleringa ikkje hadde vore der. Ei meir ukritisk oppdeling av arealet med tilhøyrande tilrettelegging av infrastruktur, ville truleg ført til driftsulemper, nedbygging og utvatning av eksisterande kulturlandskap. Landbruk er ei viktig næring i Gloppen og grunnlag for ein stor del av busetnaden i kommunen. Lovverket må prioritere produksjon av mat, landbruk og busetnad. 1) Det er om lag 700 landbrukseigedomar i kommunen i dag, av desse er 222 eigedomar under 20 dekar. Ved å auke arealgrensa frå 25 til 35 dekar fulldyrka og overflatedyrka jord vil det for Gloppen sin del seie at vel 70 landbrukseigedomar fell utanfor buplikt og priskontroll. For administrasjonen vil det føre til færre saker som skal behandlast. Utfordringa vil ikkje vere på saksbehandling, men med omsyn til kva som skjer med fast busetting på desse eigedomane som fell utanfor.

Side 28

Det er etterspurnad på mindre gardsbruk for busetting og drift. Eigedomane er viktige for landbruksstrukturen i kommunen. Avhengig av plassering i kommunen, kan det vere nok areal til sjølvstendig, lønsam drift t.d. innan hagebruk på eit slikt bruk. Ved ei eventuell lovendring vil det truleg føre til at fritidsinteresser, som ofte har høgare kapitaltilgong, vinner bodrunden framfor landbruksinteressene. 2) Det å heimle endring i kva sum som løyser ut priskontroll til forskrift har kommunen ikkje merknader til. Grensa på 3,5 mill. kroner er såpass høg at det er sjeldan kommunen konsesjonsbehandlar landbrukseigedomar som vert omsett til høgare pris. 3) og 4)Det er få eller ingen reine skogeigedomar i Gloppen. Skogen er del av landbrukseigedomen der det er ein fordel å vurdere skog og dyrka jord saman. 5) Det er ønskje om å legge til rette for større omsetting av landbruksareal for å få rasjonelle einingar. Sal av tilleggsjord og frådeling av tomt opp mot fem dekar utan vurdering av føremålstenleg arrondering av tunet, drifts- og miljømessige ulemper etter jordlova, der seljar og kjøper skal ivareta landbruksmessige omsyn og omsynet til tenleg utforma tomt til frådeling - kan gje utfordringar. Og truleg blir landbruksmessige omsyn nedprioritert. Det vil truleg bli prisauke på jordvegen når det offentleg ikkje skal vurdere prisen, der seljar vil ha meir og kjøpar må leggje ned mykje kapital for å auke ressursgrunnlaget sitt og får mindre til andre investeringar på garden. Utan landbruksfagleg vurdering vil føremålet med jordlova og konsesjonslova bli svekka. 6) Frådeling av ubygde tomter til bustadhus, fritidshus eller naust under to dekar, som ikkje ligg på landbruksareal (fulldyrka jord, overflatedyrka jord og innmarksbeite) - utan vurdering etter jordlova. Departementet legg til grunn at grunneigar vil ta fornuftige val i høve kva areal som vert frådelt. Grunneigar må sjølv vurdere potensielle drifts- og miljømessige ulemper som ei deling kan føre til, for å unngå uheldige tomteplasseringar. Erfaring syner at det ofte ikkje er slik. Der det er nær slekt eller vener som skal overta ei tomt ser grunneigar på tilknyting i dag og tenkjer mindre over kva som skjer dersom utanforståande i framtida får kjøpe tomta. Eit motiv for tomtesal kan vere kortsiktig økonomisk vinst – og ikkje dei meir langsiktige konsekvensane for landbruket. For landbruket sine interesser er det truleg best at andre enn grunneigar gjer ei vurdering av om tomta bør delast frå eller ikkje. Grunneigarane vil og ha ulik ståstad og innfallsvinkel ut frå om dei driv næring eller ikkje. Eit «frislepp», der grunneigar skal ta ansvar for vurdering av ulempene for landbruket, vil truleg føre til meir oppdeling og driftsmessige ulemper for landbruket i større grad enn i dag. 7) Det er føremon og ulemper med å ha lovfesta krav om tiårig leigetid for å oppfylle driveplikta. Lang leigetid er viktig for utbyggingsbruk og gjer det meir føreseieleg for den som skal drifte arealet. Der det er hagebruk eller der generasjonsskifte er nært føreståande kan det vere vanskeleg å inngå langsiktig avtale og det kan vere trong for ei justering av retningslinene. 8) Ingen merknad til. Framlegg til endring i lovverket vil føre til redusert offentleg styring av arealbruk og prisdanning på landbrukseigedomar. Marknaden og den einskilde grunneigar vil få meir å seie.

Side 29

Ut frå det som er skrive over rår Rådmannen til å halde på gjeldande regelverk og praktisering av jordlov og konsesjonslov.

RÅDMANNEN SI TILRÅDING : Gloppen kommunestyre viser til rådmannen si saksutgreiing og meiner at regelverk og praktisering av jordlov og konsesjonslov ikkje bør lempast på. 15.09.2016 MULTEK- UTVALET 100/16 VEDTAK : Rådmannen si tilråding vart innstilt mot ei røyst. 26.09.2016 KOMMUNESTYRET Framlegg frå Anniken Rygg (H):

Gloppen kommunestyre er samd i dei føreslegne endringane som vil føre til at fleire eigedomar enn i dag kan omsetjast utan vurdering av konsesjon, pris og jordlova.

Ved alternativ avrøysting fekk − framlegget frå Anniken Rygg to røyster og − MULTEK-utvalet si innstilling 24 røyster. 079/16 VEDTAK : Gloppen kommunestyre viser til rådmannen si saksutgreiing og meiner at regelverk og praktisering av jordlov og konsesjonslov ikkje bør lempast på. Vedtaket vart gjort mot to røyster.

Side 30


SAKSGANG Styre, utval, komite m.m. Møtedato Saksnr Kommunestyret 26.09.2016 080/16 Avgjerd av: Kommunestyret Saksbehandlar: Janne Storevik/Jan Kåre Fure

Objekt: Arkiv: 211


Godkjenning av økonomireglementet for Gloppen kommune

Vedlegg: Dok.nr Tittel på vedlegg 277785 Økonomireglement for Gloppen kommune Bakgrunn for saka: Gloppen kommune har hittil ikkje hatt noko samla økonomireglement, og dette har vore etterlyst m.a. av kontrollutvalet ved fleire høve i førre valperiode. Av ulike årsaker har det teke tid å utarbeide reglementet, men no er det klart til politisk behandling. Saksutgreiing: Rådmannen har lagt vekt på å gjere reglementet så kort og lett forståeleg som råd. Dette er sjølvsagt ikkje så lett. Her er det fort gjort å skrive for og til «seg sjølv» og sine likesinna. Etter kommunelova kan folkevalde organ berre delegere oppgåver og mynde til rådmannen. Dette er teke omsyn til i reglementet. Rådmannen sine delegasjonar er tekne inn og omtala for å gjere reglementet komplett. Rådmannen har sjølvsagt sett på korleis dei andre kommunane vi samarbeider med har gjort det, men reglementet er ikkje ein kopi av andre sitt regelverk. For oversikta si skuld, har rådmannen oppsummert alle sine delegasjonar i eit eige kapittel til slutt i reglementet. Det er ikkje innført «ny rett» i reglementet utover at fullmakta til å disponere uforutsette meirinntekter er utvida. Framlegget til økonomireglement har vore lagt fram for kommunerevisjonen, som ikkje har kome med merknader. Økonomiske konsekvensar for kommunen: Ingen. Rådmannen si vurdering:

Side 31

Rådmannen er glad for at vi omsider har klart eit økonomireglement til politisk behandling. Økonomisjefen, som er ganske fersk i jobben, har gjort eit godt og grundig arbeid med reglementet. Rådmannen meiner at reglementet gjev eit godt grunnlag for god økonomistyring av kommunen. Særleg er det viktig og utfordrande å halde styr på alle prosjekta våre, anten dette gjeld drift eller investeringar. Forhåpentlegvis vil reglementet bli til god hjelp. Rådmannen ber om at kommunestyret godkjenner reglementet.

RÅDMANNEN SI TILRÅDING : Kommunestyret godkjenner rådmannen sitt framlegg til økonomireglement for Gloppen kommune slik dette går fram av saksvedlegget. 29.08.2016 FORMANNSKAPET 101/16 VEDTAK : Rådmannen si tilråding vart samrøystes innstilt. Nye opplysningar i saka: I sak 38/16 kom kontrollutvalet med dette innspelet til økonomireglementet:

Kontrollutvalet viser til nytt økonomireglementet for Gloppen kommune, og stiller spørsmål til om investeringsprosjekt ikkje skal innom kontrollutvalet for uttale, før handsaming i kommunestyret. Kontrollutvalsleiar tek dette opp i kommunestyret i samband med handsaming av økonomireglementet.

Rådmannen si vurdering: I reglementet er det ikkje sagt noko spesielt om saksgangen i rapporteringa av investeringsprosjekt til kommunestyret. Kap. 7.810 i reglementet omhandlar den rekneskapsmessige behandlinga av investeringsprosjekt. For å imøtekome innspelet frå kontrollutvalet, kan kap. 7.8.10 få dette tillegget:

I dei tilfelle det blir skrivne eigne sluttfinansieringssaker til kommunestyret på enkeltprosjekt, skal desse først leggast fram for kontrollutvalet til uttale.

Investeringsprosjekt som blir avslutta som ein del av rekneskapssaka, blir «automatisk» lagt fram for kontrollutvalet sidan utvalet får rekneskapen til uttale.

RÅDMANNEN SI TILRÅDING : Kommunestyret godkjenner rådmannen sitt framlegg til økonomireglement for Gloppen kommune slik dette går fram av saksvedlegget, med dette tillegget til kap. 7.8.10:

Side 32


26.09.2016 KOMMUNESTYRET Framlegg frå Per Rune Vereide (Sp):

Reglementet skal reviderast første halvår 2019. Framlegget vart samrøystes vedteke. 080/16 VEDTAK : Kommunestyret godkjenner rådmannen sitt framlegg til økonomireglement for Gloppen kommune slik dette går fram av saksvedlegget, med dette tillegget til kap. 7.8.10:


Reglementet skal reviderast første halvår 2019. Vedtaket var samrøystes.

Side 33


SAKSGANG Styre, utval, komite m.m. Møtedato Saksnr Helse- og omsorgsutvalet 14.09.2016 030/16 Oppvekstutvalet 14.09.2016 033/16 MULTEK-utvalet 15.09.2016 107/16 Formannskapet 19.09.2016 118/16 Kommunestyret 26.09.2016 081/16 Avgjerd av: Kommunestyret Saksbehandlar: Jan Kåre Fure

Objekt: Arkiv: 033 &00


Revisjon av reglementa for hovudutvala og formannskapet m.m.

Vedlegg: Dok.nr Tittel på vedlegg 277435 Reglement for hovudutvala i Gloppen 277447 Reglement for formannskapet i Gloppen Bakgrunn for saka: Etter valet hausten 2015 vart det vedteke ein ny hovudutvalsstruktur der vi gjekk over frå fire til tre hovudutval, pluss administrasjonsutvalet. Reglementet til hovudutvala har ikkje vore endra som følgje av dette. Rådmannen legg no fram forslag til ajourført reglement. I same runden tar rådmannen med ei mindre endring i formannskapet sitt reglement for å få med punktet om eit utvida finansutval i årsbudsjett- og økonomiplansaker. I saka gjer rådmannen også kort greie for arbeidet med delegasjonsreglementet. Saksutgreiing: Framlegg til ajourførte reglement ligg ved. Rådmannen brukar omgrepet «ajourførte» fordi det ikkje er lagt opp til ein meir omfattande revisjon av reglementa. Endringane rådmannen legg fram skal vere tydeleg å lese av reglementa. I reglementet for hovudutvala Endringane her går i all hovudsak på at tidlegare kultur- og miljøutval og teknisk og landbruksutvalet no er slegne saman til eit felles MULTEK-utval. Talet på utvalsmedlemmer er korrigert, og «kyrkjesakene» er no tekne ut av hovudutvala sine oppgåver. Kyrkja styrer seg sjølv, og kommunen har berre eit finansieringsansvar. Det betyr at «kyrkjesaker» - den grad desse skal behandlast av kommunen – kjem under saker som hovudutvala ikkje har ansvar for, og ligg såleis til formannskapet. I reglementet til formannskapet

Side 34

Her er teke inn eit nytt avsnitt i § 2-4 om utviding av formannskapet når årsbudsjettet og økonomiplanen står på saklista. Det er viktig å understreke at det er formannskapet som gjer vedtak. Vi har ikkje noko vedtaksfør finansutval, og eit slikt finansutval er heller ikkje ein del av utvalsstrukturen. Økonomiske konsekvensar for kommunen: Ingen. Rådmannen si vurdering: Som sagt har rådmannen ikkje lagt opp til nokon revisjon av reglementa der vi gå nærare inn på faktiske endringar i arbeids- og oppgåvefordelinga. Utvala og formannskapet står sjølvsagt heilt fritt til å drøfte dette og kome med framlegg til endringar. Rådmannen ber likevel om at vi i så fall tar dette i «to etappar» slik at rådmannen får høve til å kome tilbake med eit korrigert framlegg til reglement viss de som folkevalde ønskjer vesentlege endringar. Når det gjeld delegasjonsreglementet, seier kommunelova i § 39, nr 2 at

Kommunestyret og fylkestinget skal selv vedta reglement for delegasjon av avgjørelsesmyndighet og for innstillingsrett innen 31. desember året etter at kommunestyret og fylkestinget ble konstituert. Sist vedtatte reglement og eventuelle andre vedtak gjelder inntil nytt reglement er vedtatt.

Rådmannen brukte store deler av sommaren 2016 på å lage til dette reglementet, men kom ikkje i mål. Det er eit svært omfattande arbeid å lage eit komplett delegasjonsreglement, og slik situasjonen er no, kan rådmannen ikkje love å halde den fristen som følgjer av kommunelova. Sist kommunestyret behandla saka om delegasjonsreglementet, 17. desember 2012, vart slikt vedtak fatta:

1. Gloppen kommunestyre viser til rådmannen si saksutgreiing og legg til grunn at oppgåvefordelinga mellom folkevalde organ i Gloppen og administrasjonen i hovudtrekk skal vere som i dag i denne valperioden

2. Kommunestyret ber rådmannen før sommaren 2013 legge fram forslag til revidert og modernisert instruks for rådmannen

3. Kommunestyret vidarefører ordninga med at rådmannen tilrår i alle saker som blir lagt fram for folkevalde organ, unnateke kontrollutvalet, og vidare unnateke i saker som gjeld val av folkevalde til verv og representasjon.

Punkt 2 i vedtaket er ikkje følgt opp, og rådmannen har sjølvsagt dårleg samvit for dette. Eg ber kommunestyret godta at det ikkje blir lagt noko arbeid i å lage ein ny instruks for rådmannen i påvente av den nye kommunelova som no er ute på høyring. I lovforslaget er rådmannen si rolle er endra i høve til gjeldande lov, særleg når det gjeld personalsaker. I tillegg skal rådmannen bli kommunedirektør. ---

Side 35

Dersom utvala og formannskapet meiner noko er uklart og treng presiserast og eventuelt reglementsfestast i tilhøvet mellom dei folkevalde organa eller mellom dei folkevalde organa og rådmannen, er dette eit godt høve til å ta opp slike saker. Rådmannen torer ikkje tidfeste kva tid eit delegasjonsreglement er klart til politiske behandling. Dette er eit arbeid rådmannen sjølv må gjere, og slik det er no, når rådmannen rett og slett ikkje land. Rådmannen har så langt ikkje oppfatta det slik at det nye kommunestyret ønskjer å endre på praksisen med at rådmannen kjem med tilrådingar i så godt som alle saker. Eg tilrår derfor at vi held fram med dette.

RÅDMANNEN SI TILRÅDING : 1. Kommunestyret godkjenner endringane i reglementa til hovudutvala og formannskapet

slik rådmannen gjer framlegg om i saka 2. Kommunestyret er innforstått med at rådmannen ikkje greier å legge fram eit

delegasjonsreglement til politiske behandling innanfor den fristen kommunelova fastset 3. Kommunestyret vidarefører ordninga med at rådmannen tilrår i alle saker som blir lagt

fram for folkevalde organ, unnateke kontrollutvalet, og vidare unnateke i saker som gjeld val av folkevalde til verv og representasjon.

4. Kommunestyret er samd rådmannen i at saka om ny instruks for rådmannen blir utsett til ny kommunelov er vedteken.

14.09.2016 HELSE- OG OMSORGSUTVALET 030/16 VEDTAK : Helse- og omsorgsutvalet har ingen merknader i saka. Vedtaket var samrøystes. 14.09.2016 OPPVEKSTUTVALET 033/16 VEDTAK : Oppvekstutvalet har ingen merknader i saka. Vedtaket var samrøystes. 15.09.2016 MULTEK- UTVALET 107/16 VEDTAK : MULTEK-utvalet har ingen merknader i saka. Vedtaket var samrøystes.

Side 36

19.09.2016 FORMANNSKAPET Arnar Kvernevik (Ap) reiste spørsmål om ansvaret for kulturskulen bør flyttast frå MULTEK-utvalet til oppvekstutvalet. Det vart ikkje røysta over dette. Framlegg frå Bernt Reed (Sp):

Pkt 2 skal ha dette tillegget (…), men ber rådmannen ha klart eit framlegg til politisk behandling seinast 1. mars 2017.

Det vart røysta punktvis over framlegga i tilrådinga, inkludert tilleggsframlegget frå Bernt Reed til pkt 2. Alle punkta vart samrøystes vedtekne. 118/16 VEDTAK : Rådmannen si tilråding, med tilleggsframlegget til pkt 2 frå Bernt Reed, vart samrøystes innstilt. 26.09.2016 KOMMUNESTYRET Protokolltilførsel frå Solveig Lien Gusdal (Sp):

Utskrift av tidlegare delegeringsvedtak skal følgje med saka vidare. 081/16 VEDTAK : 1. Kommunestyret godkjenner endringane i reglementa til hovudutvala og formannskapet

slik rådmannen gjer framlegg om i saka 2. Kommunestyret er innforstått med at rådmannen ikkje greier å legge fram eit

delegasjonsreglement til politiske behandling innanfor den fristen kommunelova fastset, men ber rådmannen ha klart eit framlegg til politisk behandling seinast 1. mars 2017.

3. Kommunestyret vidarefører ordninga med at rådmannen tilrår i alle saker som blir lagt fram for folkevalde organ, unnateke kontrollutvalet, og vidare unnateke i saker som gjeld val av folkevalde til verv og representasjon.

4. Kommunestyret er samd rådmannen i at saka om ny instruks for rådmannen blir utsett til ny kommunelov er vedteken.


Side 37


SAKSGANG Styre, utval, komite m.m. Møtedato Saksnr Formannskapet 19.09.2016 117/16 Kommunestyret 26.09.2016 082/16 Avgjerd av: Kommunestyret Saksbehandlar: Jan Kåre Fure

Objekt: Arkiv: 614 M70


Brannen i heradshuset - ny kommunestyresal og nødvendige oppgraderingar Ingen vedlegg. Bakgrunn for saka: Etter brannen i heradshuset den 11. august i år kjem det sjølvsagt til å dukke opp mange problemstillingar i samband med istandsettinga av huset. Verken rådmannen eller noko andre har i dag oversikt over kva som vil kome av slike spørsmål, men nokre er allereie aktuelle: Korleis skal vi bygge opp att kommunestyresalen? Kva gjer vi med det 30-år gamle ventilasjonsanlegget? Saksutgreiing: Heradshuset er fullverdiforsikra, med ein eigendel på kr 50.000, og skal i utgangspunktet settast i stand att slik det var før brannen. Det vil likevel heilt sikkert kome opp spørsmål om tiltak og løysingsar som ligg utanfor ei istandsetting «slik det var». Nokre problemstillingar er alt komne på bordet, og desse må avklarast fort. Ny kommunestyresal? Kommunestyresalen og resten av tredje etasje vest for tårnet er heilt øydelagd, og må byggast opp att frå eit «0-punkt». Ordføraren og rådmannen er samde om at kommunestyresalen framleis skal ha mønetak, og dette har vi bestemt utan noko meir behandling for å kome i gang med å tette bygget. Spørsmålet blir så om kommunestyresalen skal byggast opp att slik han var, eller om vi skal lage ein ny sal. Dette må avklarast fort, og ein arkitekt må settast på saka viss vi ser føre oss noko anna enn ein rekonstruksjon av den gamle salen. Oppattbygging av ein ny sal, også med bruk av arkitekthjelp, vil bli ein del av forsikringsoppgjeret. Oppgradering av ventilasjonsanlegget? Ventilasjonsanlegget på heradshuset er frå hovudombygginga på slutten av 1980-talet, og levetida for anlegget gjekk mot slutten då det brann. Viss anlegget skal oppgraderast, må det gjerast no. Førebelse utrekningar viser at ei oppgradering av ventilasjonsanlegget vil koste mellom 700.000 og 1 mill meir enn berre å sette det gamle anlegget i stand att. Dette er ein meirkostnad som ikkje blir ein del av forsikringsoppgjeret.

Side 38

Datautstyr Vi har alt bygt nytt datarom på huset og flytta dette frå loftet til 1. etasje. Datarommet har kommunikasjonsutstyret som sikrar datatilgang ut til dei kommunale einingane, og samband med andre kommunar i Nordfjordnettet. Både vi og dei andre Nordfjordkommunane er avhengige av denne kommunikasjonen. Vi har ikkje greidd å overtyde forsikringsselskapet om at utstyret må skiftast. Dei meiner utstyret kan flyttast til den nye datarommet, og viss det viser seg at utstyret seinare «går ned» som følgje av seinskadar, blir utskiftinga gjort då som ein del av forsikringsoppgjeret. Ei av maskinene er moden for utskifting, og planen har vore å gjere dette til neste år. Kostnaden er om lag 200.000 kroner. Anna Mykje av inventaret i vestdelen av bygget må skrotast. Forsikringsmessig har dette inventaret liten verdi på grunn av alder og slitasje. Det blir nødvendig å kjøpe ein del nytt inventar som kostar meir enn det vi får ut i erstatning. Vestdelen av heradshuset vil bli heilt tømt for inventar og bygget blir strippa ned på betongen før oppattbygginga startar. Nye digitale teikningar blir laga til. Alt dette blir ein del av forsikringsoppgjeret. Vi får også gjort ein del praktiske endringar med innreiinga i denne delen av bygget utan at det kostar oss noko ekstra. Det vil heilt sikkert kome idear og framlegg om andre endringar i bygget når dette no er tomt og eit omfattande anleggsarbeid kjem i gang. Spørsmålet er derfor om det er fornuftig å la ein arkitekt sjå på heile bygget for å finne ut om vi kan utnytte dette betre. Vi har nokre utfordringar som må løysast. Dette vil ikkje bli ein del av forsikringsoppgjeret. Økonomiske konsekvensar for kommunen: Rådmannen kan i dag ikkje seie sikkert kva kostnader som ikkje blir ein del av forsikringsoppgjeret. Prisen på «ny» ventilasjon veit vi. Det same gjeld prisen på nytt utstyr i datarommet. Totalprisen vil sjølvsagt vere avhengig av kva vi gjer. Eit samla anslag kan kanskje vere 2,5 til 3 mill. kroner. Rådmannen si vurdering: Rådmannen vil sjølvsagt presentere planar og kostnadsoverslag på ein grundigare og meir detaljert måte viss kommunestyret er innforstått med at vi utvidar oppattbygginga av heradshuset til noko meir enn berre ei rein istandsetting. Uansett ber rådmannen no om kommunestyret sitt syn på kommunestyresalen, og på spørsmålet om oppgradering av ventilasjonsanlegget. Dette må avklarast fort av omsyn til byggearbeidet som snart kjem i gang. Rådmannen meiner at den gamle kommunestyresalen er tapt for alltid, og at det blir ein «ny» sal sjølv om vi prøver å kopiere den gamle. Mitt råd er derfor at vi får ein arkitekt til å teikne ein ny sal som skal ivareta dei funksjonane vi har brukt salen til, og eventuelt sjå på andre funksjonar. Det også rådmannen sitt syn at ventilasjonsanlegget må oppgraderast. Anlegget er snart 30 år gammalt, og «låg på det siste» då det brann. Det veit alle som har vore på møte i huset og alle som arbeider der.

Side 39

Rådmannen meiner det er fornuftig og føremålstenleg å sjå heile bygget under eitt når heradshuset no skal inn i ein lengre byggeperiode. Rådmannen ber om godkjenning også av dette, og vil sjølvsagt kome tilbake med konkrete framlegg og kostnadsoverslag etter kvar som vi ser kva som bør gjerast. Kva skjer no? I samråd med forsikringsselskapet har rådmannen konkludert med at heradshuset ikkje bør vere i bruk under oppattbygginga. Rådmannen har derfor inngått avtale om å leige mellombelse lokale på Søreide til vi kan flytte tilbake til heradshuset i samla tropp om ca eit år. Biblioteket på Sandane blir eit slags publikumsmottak og informasjonskontor i den perioden vi er på Søreide. Viss det viser seg at servicen for publikum blir for dårleg, vil rådmannen sjå på andre løysingar. Kostnaden med flytting til Søreide og leige av mellombelse lokale er ein del av forsikringsoppgjeret, og vil ikkje koste kommunen noko.

RÅDMANNEN SI TILRÅDING : 1. Kommunestyret er samd i at kommunestyresalen i heradshuset blir bygt opp som ein ny

sal, og ber om framlegg til dette. Formannskapet skal godkjenner planane for oppbygging av ein ny kommunestyresal.

2. Kommunestyret godkjenner at ventilasjonsanlegget på heradshuset blir oppgradert, og at rådmannen vurderer andre tiltak som er føremålstenlege å gjennomføre når heradshuset no skal byggast opp att.

3. Kommunestyret ber rådmannen så snart som råd å legge fram planar og kostnadsoverslag for alle tiltak som ikkje blir ein del av forsikringsoppgjeret.

19.09.2016 FORMANNSKAPET Innspel frå Edgar Kvernevik (SD):

Det bør vurderast å flytte kantina til 3. etasje og ha denne i tilknyting til kommunestyresalen og å digitalisere klokka i tårnet og bruke området som viser urskivene til andre informasjonsføremål når dette kan vere aktuelt.

Det vart ikkje røysta over innspela. 117/16 VEDTAK : Rådmannen si tilråding vart samrøystes innstilt. 26.09.2016 KOMMUNESTYRET Framlegg frå Svein-Ottar Sandal (Krf):

Tillegg til pkt 2: Kommunestyret vil presisere at kostnadene må haldast på eit nøkternt nivå.

Det vart røysta punktvis over formannskapet si innstilling m m 1. Pkt 1 som vart samrøystes vedteke

Side 40

2. Pkt 2 som vart samrøystes vedteke 3. Tillegget frå Svein-Ottar Sandal til pkt 2 som fekk seks røyster og fall 4. Pkt 3 som vart samrøystes vedteke. 082/16 VEDTAK : 1. Kommunestyret er samd i at kommunestyresalen i heradshuset blir bygt opp som ein ny

sal, og ber om framlegg til dette. Formannskapet skal godkjenner planane for oppbygging av ein ny kommunestyresal.

2. Kommunestyret godkjenner at ventilasjonsanlegget på heradshuset blir oppgradert, og at rådmannen vurderer andre tiltak som er føremålstenlege å gjennomføre når heradshuset no skal byggast opp att.

3. Kommunestyret ber rådmannen så snart som råd å legge fram planar og kostnadsoverslag for alle tiltak som ikkje blir ein del av forsikringsoppgjeret.


Side 41


SAKSGANG Styre, utval, komite m.m. Møtedato Saksnr Formannskapet 19.09.2016 115/16 Kommunestyret 26.09.2016 083/16 Avgjerd av: Kommunestyret Saksbehandlar: Jan Kåre Fure

Objekt: Arkiv: L81


Vedtak om ekspropriasjon av tidlegare industribygg på Elvaneset Ingen vedlegg. Bakgrunn for saka: Formannskapet vedtok den 15. januar i 2015 (sak 4/15) å seie opp utbyggingsavtalen på Elvaneset frå 2010 med Dvergsdal & Sunde Bygg AS. Avtalen om tilbakekjøp vart godkjent av kommunestyret 15. juni 2015 (sak 43/15). Utbyggingsavtalen omfatta ikkje det tidlegare industribygget på Elvaneset, og kommunestyret bad i sak 43/15 rådmannen «arbeide vidare med å finne ei løysing for det tidlegare industribygget». Rådmannen har ikkje lukkast med å få til ein akseptabel avtale med Dvergsdal & Sunde Bygg AS på innløysing av industribygget. Derfor legg rådmannen no fram sak om ekspropriering av bygget med tilhøyrande festerett. Saksutgreiing: Her er ei kort oppsummering av saka: Gloppen kommune inngjekk i 2006 ein utbyggingsavtale med Kandal Bygg/Fjordane Eigedom om Elvaneset. I avtalen overtok Kandal Bygg/Fjordane Eigedom kommunen sitt areal på Elvaneset og kommunen la til rette for at dåverande eigarar av industribygget (det tidlegare RensVask-bygget) fekk ny tomt på Kattahamrane. Kandal Bygg/Fjordane Eigedom kjøpte det tidlegare industribygget utan av kommunen var involvert. Sjølve bygget er ikkje omtala i utbyggingsavtalen, men tomta som bygget står på er med i avtalen. Kandal Bygg/Fjordane Eigedom gav opp prosjektet i 2010 og overlet dette til Dvergsdal & Sunde Bygg AS. Formannskapet godkjende i sak 117/10 at avtalen vart overført til Dvergsdal & Sunde Bygg AS. Det vart heller ikkje denne gongen avtala noko om det tidlegare industribygget. Dvergsdal & Sunde Bygg AS kjøpte dette av Kandal Bygg for 1,7 mill. Formannskapet sa opp avtalen med Dvergsdal & Sunde Bygg AS i sak 4/15 fordi vilkåra om framdrift ikkje vart haldne. Den direkte årsaka til at saka vart teken opp var også at Dvergsdal & Sunde Bygg AS hausten 2014 innleia drøftingar med Melin Medical om sal av området til dei. Dette var ikkje i samsvar med avtalen, og forhandlingane vart avslutta etter påtrykk frå kommunen.

Side 42

Trass i fleire forhandlingsutspel, har vi ikkje lukkast med å få til ein avtale om innløysing av det tidlegare industribygget. Dvergsdal & Sunde Bygg AS har heller ikkje godteke eit framlegg om frivillig skjønn i saka. Rådmannen har derfor starta arbeidet med å førebu ekspropriasjon av bygget. Som eit ledd i dette arbeidet har kommunen – gjennom vår advokat – bede Dvergsdal & Sunde Bygg AS gjere greie for sine utbyggingsplanar for bygget. Dette er gjort fordi eigar har førsteretten til å bygget ut i samsvar med reguleringsplanen. Dvergsdal & Sunde Bygg AS svarar at dei ønskjer ein ny utbyggingsavtale med kommunen, der kommunen tek på seg å bygge infrastrukturen i området. Nokon plan for utbygging er derfor ikkje lagt fram. Her vil rådmannen legge til at Dvergsdal & Sunde Bygg AS no berre eig sjølve industribygget, og disponerer ikkje noko areal utover dette. Rådmannen meiner kommunen ikkje skal inngå nokon ny utbyggingsavtale med Dvergsdal & Sunde Bygg AS. Kommunen sin advokat meiner vi har heimel til å ekspropriere bygget, og har varsla Dvergsdal & Sunde Bygg AS om at kommunen førebur ekspropriasjonssak. Parallelt med dette arbeider vi vidare med å få til ein frivillig avtale. Heimel for å ekspropriere Ein reguleringsplan som er nyare enn 10 år gjev ekspropriasjonsgrunnlag utan at Fylkesmannen må godkjenne behovet for ekspropriasjon. Retten vil legge til grunn at behovet for arealet er vurdert gjennom reguleringsarbeidet. Ekspropriasjon etter oreigningslova forutset godkjenning av ekspropriasjonsvedtaket der m.a. behovet for arealet må dokumenterast. I denne saka er det naturleg å bruke plan- og bygningslova som ekspropriasjonsgrunnlag for arealet som trengst for å gjennomføre reguleringsplanen. Aktuell paragraf er 16-2, som lyder:

§ 16-2. Ekspropriasjon til gjennomføring av reguleringsplan

Kommunestyret kan foreta ekspropriasjon til gjennomføring av reguleringsplan. Kommunestyrets adgang til å foreta ekspropriasjon i medhold av reguleringsplan bortfaller dersom ikke kommunestyrets vedtak om ekspropriasjon er gjort innen 10 år etter at planen er kunngjort etter § 12-12 fjerde og femte ledd.

Staten kan foreta ekspropriasjon til gjennomføring av reguleringsplan. Reglene i tredje til sjette ledd gjelder tilsvarende.

Så langt det er nødvendig for å gjennomføre reguleringsplan, kan kommunestyret selv med samtykke av departementet utvide ekspropriasjonen etter første ledd til å gjelde midlertidige eller permanente inngrep i grunn og rettigheter utenfor reguleringsområdet. Samtykke er likevel ikke nødvendig ved ekspropriasjon av grunn til vegskjæringer og fyllinger utenfor reguleringsområdet.

Før kommunestyret gjør vedtak om ekspropriasjon etter første ledd og om å søke samtykke til ekspropriasjon etter tredje ledd, skal saken være best mulig klarlagt, og de som inngrepet er rettet mot, skal ha hatt mulighet til å uttale seg. Oreigningslova §§ 12 og 28 gjelder tilsvarende. § 12 første ledd andre punktum gjelder ikke.

Ekspropriasjon av enkelte tomter (bebygde eller ubebygde) bør i alminnelighet ikke foretas med mindre kommunen først har gitt eier eller fester en rimelig frist til å bygge i samsvar med planen, og fristen er oversittet.

Ekspropriasjon i medhold av denne paragrafen kan ikke foretas når det gjelder grunn som i planen er satt av til landbruk etter § 12-5 nr. 5.

Side 43

Reguleringsvedtaket er frå 17. juni 2013, og såleis godt innanfor tidsfristen i 1. ledd av § 16-2. Reguleringsvedtaket er endeleg, i den forstand at det ikkje er påklaga. Ekspropriasjon er nødvendig Det tidlegare industribygget med tilhøyrande festerett utgjer ein sentral del av det regulerte bustadområdet på Elvanset og ei samla og fornuftig utbygging av området kan ikkje gjennomførast utan at tomta til industribygget er med. Elvaneset er eitt av dei mest attraktive områda for bustadbygging nær Sandane sentrum. Kommunen har ikkje tomtereservar for bustadbygging så sentralt. Det er viktig for kommune å kunne tilby sentrumsnære og attraktive område for bustadbygging skal tilflyttinga til kommunen framleis vere positiv. Vi har ikkje greidd å få området utbygt i privat regi, trass i to utbyggingsavtalar – den eine med Dvergsdal & Sunde Bygg AS, som eit ekspropriasjonsvedtak vil rette seg mot. Slik situasjonen no er, blokkerer eigaren av det tidlegare industribygget utbygginga. Økonomiske konsekvensar for kommunen: I forhandlingane med Dvergsdal & Sunde Bygg AS har rådmannen tilbydd 1,7 mill. for det tidlegare industribygget. Dette er same summen som Dvergsdal & Sunde Bygg AS har kjøpt bygget for av Kandal Bygg. Kva slags erstatning eit ekspropriasjonsskjønn kan kome fram til, er sjølvsagt uråd å seie. I tillegg til erstatninga kjem også begge partar sine sakskostnader og kostnadene med sjølve skjønnet. Rådmannen si vurdering: Rådmannen seier seg lei for at vi ikkje har greidd å løyse denne saka på ein minneleg måte. Etter rådmannen si vurdering er usemje om innløysingssummen årsaka til at vi ikkje har greidd å bli samde. Det er derfor mykje som talar for at vi burde få til ein avtale om frivillig skjønn. Dette vil vi arbeide med parallelt med førebuingane til ekspropriasjon. Rådmannen håpar at vi no kjem vidare i saka.

RÅDMANNEN SI TILRÅDING : 1. Gloppen kommunestyre vedtek ekspropriasjon etter § 16-2 i plan- og bygningslova for å

få hand om det tidegare industribygget på Elvaneset med tilhøyrande festerett så langt det er nødvendig for å gjennomføre gjeldande reguleringsplan vedteken av kommunestyret 17. juni 2013.

2. Omfanget av ekspropriasjonen går fram av reguleringsplanen for området, og ekspropriasjonsvedtaket er retta mot eigar av gbnr 77/179, feste nr 1. Kommunestyret godkjenner at det blir søkt om løyve etter § 25 i oreigningslova til førehandstiltreding av arealet. Kostnaden med ekspropriasjon og grunnkjøp blir innarbeidd i årsbudsjettet for 2017. Kommunestyret godkjenner at rådmannen engasjerer advokat til gjennomføring av ekspropriasjonen.

19.09.2016 FORMANNSKAPET

Side 44

115/16 VEDTAK : Rådmannen si tilråding vart samrøystes innstilt. 26.09.2016 KOMMUNESTYRET Audun Mundal tok opp spørsmålet om han kan vere inhabil i saka sidan han er dagleg leiar i eit firma som har eigaren av det omtala industribygget som viktig kunde. Ved avrøysting meinte to av kommunestyret sine medlemmer at Audun Mundal skulle gå frå som inhabil. 083/16 VEDTAK : 1. Gloppen kommunestyre vedtek ekspropriasjon etter § 16-2 i plan- og bygningslova for å

få hand om det tidegare industribygget på Elvaneset med tilhøyrande festerett så langt det er nødvendig for å gjennomføre gjeldande reguleringsplan vedteken av kommunestyret 17. juni 2013.

2. Omfanget av ekspropriasjonen går fram av reguleringsplanen for området, og ekspropriasjonsvedtaket er retta mot eigar av gbnr 77/179, feste nr 1. Kommunestyret godkjenner at det blir søkt om løyve etter § 25 i oreigningslova til førehandstiltreding av arealet. Kostnaden med ekspropriasjon og grunnkjøp blir innarbeidd i årsbudsjettet for 2017. Kommunestyret godkjenner at rådmannen engasjerer advokat til gjennomføring av ekspropriasjonen.

Vedtaket vart gjort mot ei røyst.

Side 45


SAKSGANG Styre, utval, komite m.m. Møtedato Saksnr Kommunestyret 26.09.2016 084/16 Avgjerd av: Kommunestyret Saksbehandlar: Jan Kåre Fure

Objekt: Arkiv: 073


Søknad om å bli årets nynorskkommune 2016 Ingen vedlegg. Bakgrunn for saka: Etter initiativ frå oppvekstutvalet har nestleiaren i utvalet – Hege Lothe – laga utkast til ein søknad om å bli årets nynorskkommune 2016. Søknaden vart lagt fram for formannskapet den 19. september i år, og det var der semje om å la kommunestyret avgjere om vi skal søkje. Utkastet til søknad lyder slik:

Til Kultturdepartementet v/ Språkrådet Postboks 8107 Dep 0032 Oslo Gloppen kommune søkjer om å bli Årets nynorskkommune 2016 I utlysingsteksten der alle kommunar med nynorsk som målform blir oppmoda om å søkje, blir søkjar bedd om å gjere greie for område der kommunen har gjort ein ekstra innsats.

Siste åra er det spesielt på eitt område Gloppen kommune har gjort eit nybrotarbeid som også gjev ein positiv effekt for andre kommunar. Det gjeld nynorsk opplæringa av vaksne innvandrarar. Det er Gloppen opplæringssenter som står for opplæringa. Trass i at det har vore for lite lærebøker har opplæringssenteret undervist på nynorsk sidan starten av 2000-talet.

I 2002-2003 var det tilsette på opplæringssenteret som tok initiativ til å få utvikla den digitale læreverket Nynorsk Pluss. Utviklinga av dette læreverket var viktig, men siste tolv-tretten åra har det framleis vore mangel på lærebøker. Likevel har opplæringssenteret halde fast på å undervise på nynorsk, og arbeidd for at læremiddelsituasjonen skulle bli betre. Opplæringssenteret har site i nynorskgruppa til VOX, og på den måten stilt opp med kunnskap og skubba på for å få meir læremiddel.

No går talet på opplæringssenter som underviser nynorsk opp, og Gloppen opplæringssenter er framleis aktive. Dei tilsette der deler på kunnskapen med andre opplæringssenter, stiller opp og held kurs, og på den måten er med å gjer det lettare for

Side 46

andre å byrje med nynorskopplæring. Og det at det vert fleire vaksne innvandrarar som lærer nynorsk, vil gjere det meir interessant for forlaga å lage nynorskutgåve av lærebøkene.

For ein nynorskkommune som vår er det sjølvsagt svært viktig at dei som kjem til kommunen lærer seg nynorsk, men også viktig at dei lærar dialekten. Å sikre at dei nyinnflytta kjem inn i vårt språksamfunn er viktig for nynorsken i dag og det er sjølvsagt endå viktigare for å sikre seg nynorsken i framtida. I Gloppen, som for dei fleste andre kommunar, er innvandrarane frå heile verda med å gjere at det er folketalsvekst. Vi meiner det er viktig at innvandrarane trivast i kommunen, får arbeid her og vert buande. Og for å få til dette er språkopplæringa viktig for å få til god kommunikasjon.

Siste åra har Gloppen kommune samarbeidd med fylkeskommunen og NAV om eit opplegg der innvandrarane tek til med helsefagutdanning på Firda vidaregåande skule som ein del av introduksjonsprogrammet. Kommunen stiller med deler av opplæringa via Gloppen opplæringssenter og med praksisplassar på Gloppen omsorgssenter. Denne opplæringa er på nynorsk, og språkopplæringa er praktisk retta, og det har vore svært vellukka.

Dette er slett ikkje sjølvsagt at Gloppen opplæringssenter skulle halde fram å undervise på nynorsk, når læremiddelsituasjonen var på sitt svakaste. Det var mange kommunar som gav opp nynorskundervisninga. Men at Gloppen opplæringssenter ikkje gav seg, men arbeidde vidare saman med nokre få andre senter, meiner vi har blitt viktig for heile dette feltet. I kommuneplanen for 2008-2020 står det mellom anna dette om språk : ”2.2.7 SPRÅK SOM DISTRIKTSUTVIKLAR Det er viktig for Gloppen kommune å ha eit aktivt forhold til utviklinga av nynorsk skriftkultur innanfor barnehagane, skulane, i utetterretta informasjon og profilering, og i dei kommunale planane. Det er viktig at dette er med å gje språkleg sjølvtillit og kulturell identitet. Mangfald av språk og kulturar er ein ressurs for kommunen og at det skal vere mogleg for alle å delta i utforminga av framtidas kulturarv. I dag finst det forsking som syner at i kommunar som har ei medviten haldning til nynorsk, har kome betre ut i distriktsutvikling og folketalet enn andre tilsvarande kommunar.”

Gloppen kommune brukar sjølvsagt nynorsk aktivt i all utetterretta informasjon. Gloppen kommune har eiga heimeside: www.gloppen.kommune.no og www.gloppen.no, i tillegg til at alle skulane og barnehagane har eigne nettsider. Kommunen vert også profilert gjennom Visit Nordfjord og eigne informasjonsflygeblad. Det er fleire store festivalar i kommunen. Den klart største er Norsk Countrytreff, som brukar nynorsk i marknadsføringa. Dessutan har Gloppen musikkfest og Matamål døme på ulike festivalar som nyttar nynorsk aktivt i marknadsføringa, men også utvidar det nynorske kulturuttrykket.

Gloppen folkebibliotek har ein viktig posisjon i kulturlivet i kommunen. Dei har eit medvite forhold til å syne fram og bruke nynorsken. Biblioteket viser fram nynorskbøkene for dei minste borna på godt synleg plass i biblioteket. Dette har ført til at utlånet av nynorskbøkene har auka. Dei er også flinke til å hjelpe barnehagane ogs skulane med å tilby gode nynorske barnebøker og tipse om gode ungdomsbøker. Sidan det er klart mest bokmålsbøker er det viktig at eit folkebibliotek i ein nynorskkommune tek ekstra ansvar for å syne fram dei nynorske bøkene.

Side 47

Gloppen kommune har siste året laga nynorske skrivekurs for tilsette i kommuneadministrasjonen. Det vert også arbeidd jamt med å halde seg med eit godt og klart administrasjonsspråk. Det er også døme på at tilsette i kommunen går i bresjen for nynorsken. Gloppen ungdomskule fekk nasjonal merksemd fordi eit av lærebokforlaga ikkje ville lage ekstra oppgåver på nynorsk lenger. Forlaget meinte at skulen sjølv kunne omsetje. Etter at Gloppen ungdomskule gjekk til media med saka, snudde forlaget raskt, og sa at dei ikkje ville leggje om praksis, men halde fram med å tilby oppgåver også på nynorsk.

Nynorsk som skriftspråk er godt rotfest i Gloppen. Fyrste skulekrinsen gjekk over til nynorsk i 1905, og i løpet av 1920-talet var nynorsken i bruk i skulen, kommunen og kyrkja. Å sikre at barn- og unge blir trygge nynorskbrukarar, og at nytilflytta innvandrarane kjenner seg heime med nynorsken er eit viktig bidrag til å sikre nynorsk skriftkultur. Gloppen kommune føre språkarva vidare i praktisk god kvardagsbruk.

Rådmannen si vurdering: Rådmannen har ikkje vore involvert i saka, og legg derfor heller ikkje fram noko vurdering eller tilråding til utkastet frå Hege Lothe.

RÅDMANNEN SI TILRÅDING : ……. 26.09.2016 KOMMUNESTYRET 084/16 VEDTAK : Kommunestyret viser til Hege Lothe sitt framlegg til søknad om å bli årets nynorskkommune, og godkjenner at søknaden blir sendt slik denne går fram av saka. Vedtaket var samrøystes.

Side 48


SAKSGANG Styre, utval, komite m.m. Møtedato Saksnr Administrasjonsutvalet 12.09.2016 014/16 Formannskapet 19.09.2016 112/16 Kommunestyret 26.09.2016 085/16 Avgjerd av: Kommunestyret Saksbehandlar: Jan Kåre Fure

Objekt: Arkiv: 024


Godkjenning av avtale om felles skatteoppkrevjar for Eid og Gloppen

Vedlegg: Dok.nr Tittel på vedlegg 278768 Avtale om felles skatteoppkrevjar for Gloppen og Eid Bakgrunn for saka: Rådmannen tok våren 2016 kontakt med rådmannen i Eid kommune om å starte samtale om felles skatteoppkrevjarkontor for desse to kommunane. Den 14. juni 2016 hadde vi felles møte på Nordfjordeid, der rådmennene og dei tilsette ved begge kommunane sine skatteoppkrevjarkontor deltok. Vi vart då samde om å lage saksutgreiing og avtale for eit felles skatteoppkrevjarkontor for Gloppen og Eid, plassert på Nordfjordeid, med Eid kommune som vertskommune. Oppstart for felleskontoret er sett til 1. januar 2017. Saksutgreiing: Skatteoppkrevjarkontora har ansvar for kommunen sin skatterekneskap, innkrevjing av skatt på person, innkrevjing av skatt og arbeidsgjevaravgift på bedrifter og arbeidsgjevarkontroll mot bedrifter. Skatterekneskapen er heilt skilt frå kommunen sin ordinære rekneskap. Alt arbeidet innafor skatteoppkrevjarkontora er underlagt styring frå Skatteetaten, og arbeidet blir gjort gjennom felles nasjonal programvare underlagt Skatteetaten. Denne er ikkje kopla mot kommunane sine andre økonomisystem og programvare. Slik sett er skatteoppkrevjarfunksjonen ikkje kopla mot resten av den kommunale stabstenesta/tenesteytinga, og eignar seg godt for organisering i felleskontor for fleire kommunar. Krava til kunnskap innafor skatteområdet, og spesielt arbeidsgjevarkontrollen, blir større og større. Vi ser at skatteoppkrevjarkontora hos dei mindre kommunane slit med å halde få tilsette oppdatert på heile breidda i regelverket. Ved fråvær og ferieavvikling er det vanskeleg å svare på spørsmål frå innbyggjarane og bedriftene, fordi skatteoppkrevjarkontoret til tider kan vere heilt ubemanna. Administrativt vertskommunesamarbeid Samarbeidet om felles skatteoppkrevjar og felles skatteoppkrevjarkontor vil bli eit såkalla administrativt vertskommunesamarbeid. I vedlagde avtale er Eid kommune vertskommune og Gloppen kommune er samarbeidskommune.

Side 49

Vertskommunesamarbeidet er regulert i kommunelova. Felles skatteoppkrevjarkontor blir ikkje eit eige rettssubjekt, men organisatorisk som ein del av vertskommunen. Avtalen mellom kommunane Gloppen og Eid er heimla i kommunelova § 28-1b om administrativt vertskommunesamarbeid, som gjev følgjande reglar for samarbeidet:

1. En kommune (samarbeidskommune) kan avtale med en annen kommune (vertskommune) at vertskommunen skal utføre oppgaver og treffe avgjørelser etter delegert myndighet fra samarbeidskommunen i enkeltsaker eller typer av saker som ikke er av prinsipiell betydning.

2. Bestemmelsen i nr. 1 gjelder tilsvarende for vertskommunesamarbeid mellom

fylkeskommuner. 3. Delegasjon av myndighet som nevnt i nr. 1 skjer ved at kommunestyret eller

fylkestinget selv gir instruks til egen administrasjonssjef om delegasjon til administrasjonssjefen i vertskommunen.

4. Folkevalgte organer i vertskommunen har ikke instruksjons- eller

omgjøringsmyndighet der delegasjon er skjedd i samsvar med nr. 3. 5. En samarbeidskommune kan gi vertskommunen instruks om utøvelsen av den

delegerte myndighet i saker som alene gjelder samarbeidskommunen eller berørte innbyggere.

6. For vedtak vertskommunen treffer etter delegasjon fra en samarbeidskommune,

har samarbeidskommunen samme omgjøringsmyndighet som etter forvaltningsloven § 35 første ledd.

Namnet på samarbeidet blir Skatteoppkrevjaren i Gloppen og Eid, og kontoret skal vere lokalisert på Nordfjordeid. Skatteetaten har utarbeidd ein rettleiar som kommunane må følgje ved etablering av felles skatteoppkrevjar. Det skal vedtakast ein samarbeidsavtale mellom kommunane. Avtalen skal godkjennast av Skatteetaten. Det er dei siste åra etablert mange slike felles skatteoppkrevjarkontor rundt om i landet. Føremålet med samarbeidet er å skape eit sterkt fagleg miljø, og eit framtidsretta kontor til beste for innbyggjarar og bedrifter. Eid kommune har ved avtaleinngåing 2 årsverk knytt til to stillingar innafor skatteoppkrevjar-kontoret, medan Gloppen kommune har 1,7 årsverk knytt til to stillingar. Ved samordning av desse to kontora, vil vi få 3,7 årsverk fordelt på fire stillingar. Dette vil gje ein vesentleg betre kontinuitet innafor kontoret. Den eine tilsette i Gloppen kommune vil slutte i stillinga 31. desember 2016 og bli pensjonist. Denne stillinga vil tidleg hausten 2016 bli lyst ut med kontorstad på Nordfjordeid. Den andre stillinga i Gloppen vil halde fram med kontorstad på Sandane. Dette vil ivareta publikumsmottak innafor skattespørsmål. Det er ikkje lagt opp til noko reduksjon i tal stillingar ved overgang til eit felleskontor. Derimot kan det vere aktuelt at det nye kontoret etter kvart tek over meir av innkrevjinga på den kommunale faktureringa, og spesielt det som går på kommunale avgifter og eigedomsskatt (legalpant). Kontoret vil også vere positive til å kunne ta over heile eller deler av skatteoppkrevjarfunksjonen frå andre Nordfjordkommunar som eventuelt ynskjer dette. Men uansett må vi fyrst få etablert felleskontoret for Gloppen og Eid.

Side 50

Det skal årleg utarbeidast eit budsjett for det felles skatteoppkrevjarkontoret som skal leggast fram til godkjenning etter vanlege budsjettprosedyrar i begge kommunane. Budsjettet blir sett opp med alle utgifter og frådrag for gebyrinntekter. Nettoutgifta ved felleskontoret blir fordelt: Gloppen 50 %, Eid 50 %. Det skal gjerast ei evaluering av fordelingsnøkkelen etter eitt år. Oppseiingsfristen mellom partane er eitt år og samarbeidsordninga skal evaluerast årleg i møte ved utgongen av året. Vertskommunen har ansvar for at slike møter blir arrangert. --- Framlegget om felles skatteoppkrevjar har ikkje vore på formell høyring med organisasjonane i Gloppen. Rådmannen legg til grunn at organisasjonane gjennom behandling av saka i administrasjonsutvalet får gje formelt uttrykk for sitt syn på saka. Arbeidet med saka har sjølvsagt heile tida vore gjort i samarbeid og i full forståing med dei det gjeld. Økonomiske konsekvensar for kommunen: Ingen vesentlege. Rådmannen si vurdering: Rådmannen tok initiativ til eit samarbeid med Eid kommune i denne saka etter innspel frå skatteoppkrevjaren sjølv. Alle skatteoppkrevjarkontora i vårt område er små, og når no den eine av dei to stillingar våre blir ledig, var tidspunktet kome for å høyre med Eid kommune om dei var interesserte i samarbeid. Initiativet har vore godt motteke av eidarane, og rådmannen er sikker på at vi no får til ei god løysing for begge kommunane. Tilbodet til skattebetalarane i Gloppen blir oppretthalde med bemanning også på Sandane. Når Eid kommune no blir vertskommune for vår skatteoppkrevjing, må rådmannen delegere myndet som skatteoppkrevjar i Gloppen til rådmannen i Eid, jfr. § 28-1b, nr 3 i kommunelova som er teken inn i saksutgreiinga lenger framme. --- Eid kommunestyre godkjende for sin del avtalen om felles skatteoppkrevjar i møte den 1. september i år.

RÅDMANNEN SI TILRÅDING : Gloppen kommunestyre godkjenner i medhald av kommunelova § 28-1b nr. 1 framlagde avtale om felles skatteoppkrevjarkontor og felles skatteoppkrevjar for kommunane Gloppen og Eid. Kommunestyret ber om at nødvendig delegasjon til rådmannen i Eid kommune blir gjennomført i samsvar med kommunelova § 28-1b nr 3. 12.09.2016 ADMINISTRASJONSUTVALET

Side 51

014/16 VEDTAK : Administrasjonsutvalet er samd i tilrådinga. Vedtaket var samrøystes. 19.09.2016 FORMANNSKAPET 112/16 VEDTAK : Rådmannen si tilråding vart samrøystes innstilt. 26.09.2016 KOMMUNESTYRET 085/16 VEDTAK : Gloppen kommunestyre godkjenner i medhald av kommunelova § 28-1b nr. 1 framlagde avtale om felles skatteoppkrevjarkontor og felles skatteoppkrevjar for kommunane Gloppen og Eid. Kommunestyret ber om at nødvendig delegasjon til rådmannen i Eid kommune blir gjennomført i samsvar med kommunelova § 28-1b nr 3. Vedtaket var samrøystes.

Side 52


SAKSGANG Styre, utval, komite m.m. Møtedato Saksnr MULTEK-utvalet 15.09.2016 105/16 Formannskapet 19.09.2016 114/16 Kommunestyret 26.09.2016 086/16 Avgjerd av: Kommunestyret Saksbehandlar: Jan-Kjetil Øygard

Objekt: Arkiv: 233 C21


Kunstgrasbane på Reed - utviding av lånegarantitid - ny behandling Ingen vedlegg. Frå tidlegare behandling av saka:

Bakgrunn for saka: Breimsbygda Idrettslag har søkt om å få utvide tidsperioden for den kommunale lånegarantien som gjeld kunstgrasbana og kastanlegget på Reed stadion. Garantien vart vedtatt av kommunestyret den 25.05.2011, sak 025/11, og den går ut i juni d.å. Dei søkjer om å få utvida tidsramma til estimert utbetalingstidspunkt av omsøkte spelemidlar. Saksutgreiing: Reed stadion vart rehabilitert i 2011, og både kunstgrasbana og kastanlegget har blitt godkjent for spelemidlar. Kunstgrasbaneanlegget blir styrt for utbetaling spelemidlar gjennom regional plan for fysisk aktivitet, idrett og friluftsliv og kastanlegget gjennom kommunedelplan for idrett, friluftsliv og fysisk aktivitet. Kunstgrasbana er godkjent for utbetaling av kr. 1.696.000 i spelemidlar og ligg inne i handlingsprogrammet for utbetaling i 2017. Kastanlegget er godkjent for 69.000 og kulturavdelinga i fylkeskommunen har opplyst at dette anlegget også vil få utbetalinga i 2017. Økonomiske konsekvensar for kommunen: Breimsbygda Idrettslag er eit veldrive lag som har ein sunn og god økonomi og med god økonomistyring. Omsøkt garanti vil truleg ikkje føre til stor risiko for kommunen. Rådmannen si vurdering: Denne saka er eit resultat av at det er rimeleg lang ventetid på utbetaling av spelemidlar i Sogn og Fjordane og i praksis er det tale om å forlenge garantien med eit år. Dette med bakgrunn i at vi har fått klare signal om at begge anlegga vil få utbetalt spelemidlane i 2017.

Side 53

Kommunelova § 51 gjev høve til å stille garanti for andre sine økonomiske plikter når det ligg føre ei særleg kommunal interesse. Vedtak om å stille slik garanti skal godkjennast av staten ved fylkesmannen. Rådmannen og kommunestyret har tidlegare tolka dette som ei sak der kommunen har høve til å stille slik garanti det er søkt om.

RÅDMANNEN SI TILRÅDING : Kommunestyret viser til rådmannen si saksutgreiing, og utvidar den kommunale garantitida som er knytt til spelemidlar til kunstgrabana og kastanlegget på Reed stadion til 30. juni 2017. Garantien er ein sjølvskyldnargaranti, og er avgrensa oppover til kr. 1.765.000. 09.06.2016 MULTEK- UTVALET 094/16 VEDTAK : MULTEK-utvalet er samd i tilrådinga. Vedtaket var samrøystes. 13.06.2016 FORMANNSKAPET Bjarte Gangeskar stilte spørsmål om han kunne vere inhabil i saka på grunn av sitt tidlegare engasjement i saka. Formannskapet meinte at han ikkje er inhabil. 082/16 VEDTAK : Rådmannen si tilråding vart samrøystes innstilt. 17.06.2016 KOMMUNESTYRET 069/16 VEDTAK : Kommunestyret viser til rådmannen si saksutgreiing, og utvidar den kommunale garantitida som er knytt til spelemidlar til kunstgrabana og kastanlegget på Reed stadion til 30. juni 2017. Garantien er ein sjølvskyldnargaranti, og er avgrensa oppover til kr. 1.765.000. Vedtaket var samrøystes.

Nye opplysningar i saka: I etterkant av vedtaket som kommunestyret gjorde i denne saka den 17. juni har vi fått tilbakemelding frå Breimsbygda IL om vedtaket ikkje er slik det burde vere. I det ligg at det i den opprinnelege saka vart gjeve ein lånegaranti på inntil 4 mill kr som ikkje berre omfatta utbetalingstidspunktet for spelemidlane. I søknaden som kommunen fekk i mai d.å. vart berre tidspunktet for utbetaling av spelemidlar nemnt og her har det såleis vore ein kommunikasjonssvikt.

Side 54

I etterkant av søknaden frå BBIL har dei no fått utbetalt momskompensasjon på kr 822.000 som er brukt til å betale ned på lånet og restlånet er no på kr. 2.180.000. Rådmannen si vurdering: Rådmannen beklagar at det har vore ein kommunikasjonssvikt i denne saka, men er innstilt på å rette dette opp slik at BBIL framleis skal kunne ha lån på rimeleg gode vilkår. Garantibeløpet som det er tale om her er redusert ned til kr 2.180.000.

RÅDMANNEN SI TILRÅDING : Kommunestyret viser til rådmannen si saksutgreiing, og utvidar den kommunale garantitida som er knytt til lån i samband med bygging av kunstgrasbana og kastanlegget på Reed stadion til 30. juni 2017. Garantien er ein sjølvskyldnargaranti, og er avgrensa oppover til kr 2.180.000. 15.09.2016 MULTEK- UTVALET 105/16 VEDTAK : MULTEK-utvalet har ingen merknader i saka. Vedtaket var samrøystes. 19.09.2016 FORMANNSKAPET 114/16 VEDTAK : Rådmannen si tilråding vart samrøystes innstilt. 26.09.2016 KOMMUNESTYRET 086/16 VEDTAK : Kommunestyret viser til rådmannen si saksutgreiing, og utvidar den kommunale garantitida som er knytt til lån i samband med bygging av kunstgrasbana og kastanlegget på Reed stadion til 30. juni 2017. Garantien er ein sjølvskyldnargaranti, og er avgrensa oppover til kr 2.180.000. Vedtaket var samrøystes.

Side 55


SAKSGANG Styre, utval, komite m.m. Møtedato Saksnr MULTEK-utvalet 15.09.2016 106/16 Formannskapet 19.09.2016 113/16 Kommunestyret 26.09.2016 087/16 Avgjerd av: Kommunestyret Saksbehandlar: Marianne Kårstad Råd/Jan-Kjetil Øygard

Objekt: Arkiv: C11


Klatrepark ved Breim skule - forskottering av spelemidlar Ingen vedlegg. Bakgrunn for saka: Breim skule og FAU v/Breim skule planlegg å byggje klatrepark på Breim skule med oppstart hausten 2016 eller våren 2017. Anlegget er eit nærmiljøanlegg som er prioritert i handlingsprogrammet i kommunal plan for fysisk aktivitet, idrett og friluftsliv og det er søkt om spelemidlar. Spelemidlane til anlegget vert tidlegast utbetalt i 2017 og det er difor behov for forskottering av desse slik at det er muleg å kome i gang med bygginga. Saksutgreiing: Ein klatrepark er i praksis ei hinderløype som består av mange element og med mange ulike ruter og kryssforbindelsar som er sett saman i eit system med pålar og tau. Sparebankstiftinga har hatt dette som eit satsingsområde, der føremålet er å skape aktivitet, spesielt for dei som ikkje er så aktive, anten det er av motoriske eller sosiale grunnar. Parken er planlagt plassert på sørsida av skulen, mellom Stadionbygget til BBIL og skulen sitt leikeområde. Området består pr. i dag av grusunderlag, og det er såleis lite vi treng å gjere av grunnarbeid for å plassere anlegget. Det er Gloppen kommune som eig dette området, og styret i BBIL er positive til ei slik plassering av parken. Klatreparken skal i tillegg til spelemidlar finansierast ved hjelp av dugnad, tilskot frå Sparebankstiftinga og lag og organisasjonar. Skulen har til no fått 125.000 frå Sparebankstiftinga og Breimsbygda IL har garantert for kr 50.000. Klatreparken har eit areal på totalt 280 kvm. (23 m x10 m eksl. sikkerheitsone rundt) Godkjent kostnadsramme som ligg til grunn for spelemiddelsøknaden er kr 859.000. Skulen prioriterer fysisk aktivitet i skulekvardagen og er i ferd med å innføre ASK (Active Smarter kids) i alle klassane. Mykje av området til skulen er asfaltert. Vi har to fotballbaner, disser og nokre få leike/klatreinstallasjonar. Området er flatt, og ingen nær tilkomst til naturområde med bakkar og ulendt terreng. Ein klatrepark vil vere eit viktig bidrag til ein type

Side 56

fysisk/motorisk aktivitet som området pr. i dag ikkje har. Anlegget vil vere svært godt eigna til friminuttsaktivitetar, til kroppsøving og til generell fysisk aktivitet. Anlegget har vore lyst ut på Doffin, og det er kome inn 4 tilbod. Tilbydarane har fått melding om at avgjerd vert teke så snart finansiering er på plass og innan 01.10.16. Dersom kommunestyret ikkje godkjenner forskottering av spelemidlar, vil konkurransen bli avlyst i denne omgang. Økonomiske konsekvensar for kommunen: Spelemidlane som ligg inne i finansieringsplanen for anlegget vil bli utbetalt i 2017 eller 2018, og ei forskottering vil såleis ikkje vere ein økonomisk risiko for kommunen. Forskotteringa kan dekkast av disposisjonsfondet, som no har ein saldo på om lag 16,4 mill. Rådmannen si vurdering: Sparebankstiftinga Sogn og Fjordane har invitert kommunane i fylket til eit samarbeid om å føre opp klatreparkar for dei som ynskjer det. Dei løyvde kr 250.000 i tilskot til den fyrste parken som vart bygd på Myklebustflata og dei har gjeve tilsegn om kr 125.000 til den andre, som blir etablert ved Breim skule. Vi er oppmoda om å etablere klatreparkane på stadar med stor grad av utnytting av området, dvs. at dei bør etablerast i nærleiken til fleire bustadfelt og/eller barnehage og skule i sentrumsområde. Området rundt Breim skule har mange nærmiljøanlegg som fungerer godt og er mykje brukt av barn og unge på ettermiddagstid, i helgane og under idrettsstemner. Skulen er òg brukt dagleg på kveldstid, i samanheng med idrettsstemner og på Idrettsklubben. Klatreparken vil bli eit viktig supplement og har ei ideell plassering i så måte. I eit folkehelseperspektiv er dette anlegget også eit viktig bidrag.

RÅDMANNEN SI TILRÅDING : 1. Kommunestyret viser til rådmannen si saksutgreiing og godkjenner at kommunen

forskotterer utbetaling av kr 300.000 i samband med bygging av klatrepark ved Breim skule. Beløpet vert dekka over disposisjonsfondet, og skal tilbakeførast til fondet så snart spelemidlane for anlegget er utbetalte.

2. Rådmannen får fullmakt til å gjere nødvendige endringar i 2016-budsjettet. 15.09.2016 MULTEK- UTVALET 106/16 VEDTAK : MULTEK-utvalet har ingen merknader i saka. Vedtaket var samrøystes. 19.09.2016 FORMANNSKAPET 113/16 VEDTAK :

Side 57

Rådmannen si tilråding vart samrøystes innstilt. 26.09.2016 KOMMUNESTYRET 087/16 VEDTAK : 1. Kommunestyret viser til rådmannen si saksutgreiing og godkjenner at kommunen

forskotterer utbetaling av kr 300.000 i samband med bygging av klatrepark ved Breim skule. Beløpet vert dekka over disposisjonsfondet, og skal tilbakeførast til fondet så snart spelemidlane for anlegget er utbetalte.

2. Rådmannen får fullmakt til å gjere nødvendige endringar i 2016-budsjettet. Vedtaket var samrøystes.

281727 1 p - gloppen kommunegloppen.kommune.no/_f/i6bce0b32-6ab2-4371-964a-12c1e7cc0e59/... ·...

Documents