ondernemingsbestuur sbm105
DESCRIPTION
Diploma in Kleinsakebestuur en Entrepreneurskap Hersiene UitgaweTRANSCRIPT
Ondernemingsbestuur
a k a d e m i aj o u o o p , a f r i k a a n s e l e e r t u i s t e
w w w. a k a d e m i a . a c . z a
© Kopiereg 2012Onder redaksie van Paul JN Steyn, BA (PU vir CHO), THOD (POK), DEd (Unisa).’n Publikasie van Kraal-Uitgewers. Alle regte voorbehou.
Adres: H/v D.F. Malan- & Eendrachtstraat, Kloofsig, Pretoria
Posadres: Posbus 11760, Centurion, 0046
E-pos: [email protected]
Webtuiste: www.kraaluitgewers.co.za
Gedruk en gebind deur Aksent Media, tel: 082 445 4513
Eerste druk 2012
ISBN: 978-1-920568-00-9
Geen gedeelte van hierdie boek mag sonder die skriftelike toestemming van die uitgewers gereproduseer of in enige
vorm of deur enige middel weergegee word nie, hetsy elektronies of deur fotokopiëring, plaat- of bandopnames,
vermikrofilming of enige ander stelsel van inligtingsbewaring nie. Enige ongemagtigde weergawe van hierdie werk
sal as ’n skending van kopiereg beskou word en die dader sal aanspreeklik gehou word onder siviele asook strafreg.
SBM105 Ondernemingsbestuur
INHOUDSOPGAWE
Inleiding ........................................................................................................................... 6
Vakleeruitkomste ............................................................................................................ 7
Woordomskrywing vir evaluering ................................................................................. 8
Studie-eenheid 1: Inleiding tot bestuur ........................................................................ 9
1.1 Studie-eenheid leeruitkomstes .......................................................................... 9
1.2 Verrykende bronne .......................................................................................... 10
1.3 Hoe kan jy jou begrip verbeter? ...................................................................... 10
1.4 Inleiding ........................................................................................................... 11
1.5 Wat is bestuur? ............................................................................................... 12
1.5.1 Bestuur is doelgeoriënteerd ............................................................................ 13
1.5.2 Bestuur integreer menslike, fisiese en finansiële hulpbronne ......................... 13
1.5.3 Bestuur is aaneenlopend ................................................................................. 13
1.5.4 Bestuur is oral teenwoordig ............................................................................. 13
1.5.5 Bestuur is ʼn groepsaktiwiteit ........................................................................... 13
1.5.6 Die belangrikheid van bestuur ......................................................................... 13
1.5.7 Bestuur se verskillende fasette ....................................................................... 15
1.5.8 Verantwoordelikhede van bestuur ................................................................... 19
1.6 Die sakeomgewing .......................................................................................... 20
1.6.1 Die interne omgewing ...................................................................................... 21
1.6.2 Die eksterne omgewing ................................................................................... 27
1.6.3 Mark- of taakomgewing ................................................................................... 31
1.7 Die bestuursproses ......................................................................................... 32
1.8 Faktore wat die bestuur van die kleinsakeomgewing beïnvloed ..................... 33
1.8.1 Hoe kulturele faktore kleinsakebestuur beïnvloed ........................................... 33
1.8.2 Hoe die politieke omgewing kleinsakebestuur beïnvloed ................................ 34
1.8.3 Hoe ekonomiese faktore kleinsakebestuur beïnvloed ..................................... 35
1.8.4 Die invloed van die beskikbaarheid van hulpbronne op kleinsakebestuur ...... 36
1.8.5 Hoe bestuursvaardighede en sielkundige oriëntering bestuur raak ................ 36
1.9 Samevatting .................................................................................................... 36
1.10 Selfevaluering.................................................................................................. 37
Inhoudsopgawe Bladsy 1
SBM105 Ondernemingsbestuur
Studie-eenheid 2: Beplanning ..................................................................................... 39
2.1 Studie-eenheid leeruitkomstes ........................................................................ 39
2.2 Verrykende bronne .......................................................................................... 40
2.3 Hoe kan jy jou begrip verbeter? ...................................................................... 40
2.4 Inleiding ........................................................................................................... 41
2.5 Aard van beplanning ....................................................................................... 42
2.6 Waarom is beplanning dan nodig? .................................................................. 44
2.6.1 Tipes beplanning ............................................................................................. 45
2.6.2 Soorte planne .................................................................................................. 45
2.7 Beginsels van beplanning ............................................................................... 49
2.7.1 Verwantskap met die doel en aard van die onderneming ............................... 50
2.7.2 Beginsels van toepassing op die struktuur van planne ................................... 50
2.7.3 Beginsels van toepassing op die beplanningsproses ...................................... 52
2.8 Voordele van beplanning ................................................................................. 53
2.8.1 Beplanning fasiliteer doelwitbestuur ................................................................ 53
2.8.2 Beplanning verminder onsekerhede ................................................................ 53
2.8.3 Beplanning fasiliteer koördinering ................................................................... 53
2.8.4 Beplanning verbeter werknemers se moraal ................................................... 53
2.8.5 Beplanning help in die bereiking van ekonomiese doeltreffendheid ............... 54
2.8.6 Beplanning fasiliteer kontrole en beheer ......................................................... 54
2.8.7 Beplanning bied ʼn mededingende voordeel .................................................... 54
2.8.8 Beplanning moedig innovasie aan .................................................................. 54
2.9 Die beplanningsproses .................................................................................... 55
2.10 Strategiese beplanning .................................................................................... 57
2.11 Die aard van strategiese beplanning ............................................................... 58
2.12 Strategiese beplanningsproses ....................................................................... 59
2.13 Operasionele beplanning ................................................................................ 61
2.13.1 Basis van operasionele beplanning ................................................................. 61
2.13.2 Die formaat van operasionele planne .............................................................. 62
2.14 Beplanningshulpmiddels ................................................................................. 64
2.14.1 SWOT Analise ................................................................................................. 64
2.14.2 PEST-analise of -model .................................................................................. 65
2.14.3 Scenariobeplanning ......................................................................................... 66
2.14.4 Mededingersanalise ........................................................................................ 67
2.14.5 Doelwitmatriks ................................................................................................. 68
2.15 Gevallestudie................................................................................................... 69
2.16 Samevatting .................................................................................................... 69
Inhoudsopgawe Bladsy 2
SBM105 Ondernemingsbestuur
2.17 Selfevaluering.................................................................................................. 70
Studie-eenheid 3: Organisering ................................................................................... 71
3.1 Studie-eenheid leeruitkomstes ........................................................................ 71
3.2 Verrykende bronne .......................................................................................... 72
3.3 Hoe kan jy jou begrip verbeter? ...................................................................... 72
3.4 Inleiding ........................................................................................................... 72
3.5 Aard van organisering ..................................................................................... 74
3.5.1 Organisering van besluite ................................................................................ 74
3.5.2 Faktore wat organiseringsbesluite kan beïnvloed ........................................... 78
3.5.3 Voordele van organisering .............................................................................. 80
3.6 Beginsels van organisering ............................................................................. 81
3.6.1 Beginsel van spesialisering ............................................................................. 81
3.6.2 Beginsel van funksionele definisie .................................................................. 82
3.6.3 Beginsels van die reikwydte van beheer en toesig ......................................... 82
3.6.4 Beginsel van ʼn skalaar rangorde van bestuur en beheer ................................ 83
3.6.5 Beginsel van enkelgesagslyn bestuurshiërargie ............................................. 85
3.7 Die organiseringsproses .................................................................................. 86
3.8 Gesentraliseerde en gedesentraliseerde organisering .................................... 87
3.8.1 Gesentraliseerde organisering ........................................................................ 88
3.8.2 Gedesentraliseerde organisering .................................................................... 88
3.8.3 Voordele en nadele van desentralisasie ......................................................... 90
3.8.4 Voordele en nadele van sentralisasie ............................................................. 90
3.9 Eienskappe van organisatoriese ontwerpe (organisational designs) .............. 91
3.9.1 Beginsels van organisatoriese ontwerp ........................................................... 91
3.9.2 Tipes organisatoriese ontwerpe ...................................................................... 93
3.10 Gevallestudie................................................................................................. 100
3.11 Samevatting .................................................................................................. 100
3.12 Selfevaluering................................................................................................ 101
Studie-eenheid 4: Leiding .......................................................................................... 103
4.1 Studie-eenheid leeruitkomstes ...................................................................... 103
4.2 Verrykende bronne ........................................................................................ 104
4.3 Hoe kan jy jou begrip verbeter? .................................................................... 104
4.4 Inleiding ......................................................................................................... 104
4.5 Die aard van leierskap ................................................................................... 106
4.5.1 Leierseienskappe .......................................................................................... 106
Inhoudsopgawe Bladsy 3
SBM105 Ondernemingsbestuur
4.5.2 Leierskapvaardighede ................................................................................... 109
4.5.3 Leierskapstyle ............................................................................................... 110
4.5.4 Wat is die verskil tussen bestuurders en leiers? ........................................... 117
4.5.5 Komponente van goeie leierskap .................................................................. 120
4.6 Groepe en groepsvorming ............................................................................. 121
4.6.1 Tipes groepe ................................................................................................. 121
4.6.2 Groepsvorming .............................................................................................. 125
4.6.3 Groepstruktuur .............................................................................................. 126
4.6.4 Groepsrolle .................................................................................................... 127
4.6.5 Groepsnorme ................................................................................................ 129
4.6.6 Prestasienorme ............................................................................................. 129
4.6.7 Groepsamehorigheid ..................................................................................... 130
4.7 Politieke gedrag in ondernemings en leierskap ............................................. 131
4.8 Gevallestudie................................................................................................. 133
4.9 Samevatting .................................................................................................. 133
4.10 Selfevaluering................................................................................................ 134
Studie-eenheid 5: Beheer ........................................................................................... 137
5.1 Studie-eenheid leeruitkomstes ...................................................................... 137
5.2 Verrykende bronne ........................................................................................ 138
Hoe kan jy jou begrip verbeter? ................................................................................ 138
5.3 Inleiding ......................................................................................................... 138
5.4 Eienskappe van beheer ................................................................................. 140
5.5.1 Algemene eienskappe van beheer ................................................................ 140
5.5.2 Eienskappe van doeltreffende beheer ........................................................... 141
5.5 Die reikwydte van beheer .............................................................................. 142
5.6.1 Nou reikwydte van beheer ............................................................................. 143
5.6.2 Wyer reikwydtes van beheer ......................................................................... 143
5.6.3 Faktore wat die reikwydte van beheer beïnvloed .......................................... 144
5.6 Beginsels van beheer .................................................................................... 146
5.7 Doelwitte van beheer..................................................................................... 148
5.8 Voordele van beheer ..................................................................................... 149
5.9 Tipes beheer ................................................................................................. 150
5.10.1 Voorkomende beheermaatreëls .................................................................... 151
5.10.2 Gelyktydige beheermaatreëls ........................................................................ 151
5.10.3 Terugvoerbeheermaatreëls ........................................................................... 152
5.10 Die beheerproses .......................................................................................... 152
Inhoudsopgawe Bladsy 4
SBM105 Ondernemingsbestuur
5.11 Tegnieke van beheer..................................................................................... 154
5.12.1 Finansiële beheermaatreëls .......................................................................... 154
5.12.2 Begrotingsbeheer .......................................................................................... 155
5.12.3 Bemarkingskontrole ....................................................................................... 156
5.12.4 Menslikehulpbronbeheer ............................................................................... 157
5.12.5 Rekenaar- en inligtingsbeheer ...................................................................... 158
5.12 Interne beheer ............................................................................................... 159
5.13.1 Wat is interne beheer? .................................................................................. 159
5.13 Gevallestudie................................................................................................. 162
5.14 Samevatting .................................................................................................. 162
5.15 Selfevaluering................................................................................................ 163
Woordelys in Afrikaans en Engels ............................................................................ 164
Bronnelys .................................................................................................................... 165
Selfevaluering ............................................................................................................. 171
Inhoudsopgawe Bladsy 5
SBM105 Ondernemingsbestuur
INLEIDING
Ondernemingsbestuur is die proses van beplanning, medekoördinering en beheer van ʼn
sakeonderneming se sakebedrywighede. Om te kan oorleef, moet ʼn onderneming
winsgewend en likied wees.
Een van die belangrikste aspekte van ondernemingsbestuur, is om te verseker dat alle
werknemers oor die nodige inligting, vaardighede, houdings en motivering beskik wat hulle
in staat sal stel om hulle eie potensiaal te bereik en ook om die onderneming se strategiese
doelwitte te bereik.
Die topbestuur van die onderneming beïnvloed die bestuurstyl, asook die korporatiewe
kultuur binne die onderneming. Die topbestuur is ook verantwoordelik vir die bestuur van die
onderneming se verhouding met die verskillende vlakke van die regering en die algemene
publiek.
Sakebestuurders moet oor die nodige kundigheid beskik in al die funksionele gebiede van ʼn
onderneming, naamlik: produksie, bemarking, finansies en rekeningkunde, menslike
hulpbronne, bestuursinligtingstelsels, produknavorsing en ontwikkeling.
• Produksiebestuurders koop grondstowwe aan; bestuur die gebruik van hierdie insette
in die produksieproses en beheer voorraad, vervoer en verspreiding van die finale
produkte.
• Bemarkingsbestuurders bestuur marknavorsing wat nodig is om te bepaal watter
produkte, pryse en hoeveelhede die meeste waarde vir verbruikers sal toevoeg.
Hulle bestuur ook advertensies, bemarking en verkope van die onderneming se
produkte.
• Finansiële bestuurders bekom kapitaal vir die onderneming vanuit eksterne bronne.
Hulle bestuur ook die interne toewysing van fondse binne die onderneming.
• Menslike hulpbronbestuurders is verantwoordelik vir die aanstelling, opleiding,
koördinering en bestuur van die menslike hulpbronne in die onderneming. Hulle
evalueer ook die salarisstrukture binne die onderneming en bestuur die loopbane
van die werknemers binne die onderneming.
• Navorsing en ontwikkelingsbestuurders ondersoek nuwe prosedures en tegnologie
waarmee die doeltreffendheid van produksie verhoog kan word.
• Inligtingsbestuurstelsels moet op so ʼn wyse bestuur word dat dit die kommunikasie
van inligting binne die onderneming, maar ook tussen die onderneming en sy
verskaffers en kliënte doeltreffend laat geskied.
Inleiding Bladsy 6
SBM105 Ondernemingsbestuur
VAKLEERUITKOMSTE
Kennis en begrip
Na voltooiing van die vak ONDERNEMINGSBESTUUR (SBM105), sal jy in staat wees om
jou kennis en begrip te demonstreer van:
• Bestuur
• Beplanning
• Organisering
• Leiding
• Beheer
Vaardighede
Jy sal ook in staat wees om:
• die verskillende faktore wat die eienskappe van bestuur, veral in die
kleinsakeomgewing, beïnvloed, te evalueer;
• die beginsels van beplanning en die stappe in die beplanningsproses van ʼn projek,
toe te pas;
• tussen strategiese en operasionele beplanning te onderskei en toe te pas in ʼn
werksomgewing;
• die aard en doelwitte van organisering in ondernemings te ondersoek en die
beginsels van organisering in ʼn onderneming toe te pas;
• die eienskappe van doeltreffende leiers te evalueer en toe te pas;
• die kennis van die stadiums van groepsontwikkeling, groepseienskappe en
intergroepkonflik op ʼn projek toe te pas; en
• die beheerproses in ondernemings te evalueer.
Vakleeruitkomste Bladsy 7
SBM105 Ondernemingsbestuur
WOORDOMSKRYWING VIR EVALUERING
In die afdeling oor selfevaluering, asook in die werkopdragte, sal daar van jou verwag word
om sekere take te verrig. Dis belangrik dat jy presies weet wat van jou verwag word. Die
woordelys hieronder sal jou daarmee help.
Werkwoord Omskrywing
Wanneer daar van jou verwag word om te:
Moet jy die volgende doen:
Lys Lys die name of items wat bymekaar hoort.
Identifiseer Eien en selekteer die regte antwoorde.
Verduidelik Ondersoek die moontlikhede, oorweeg en skryf dan jou
antwoord, verklaring of verduideliking) neer.
Beskryf Omskryf die konsep of woorde duidelik.
Kategoriseer/
klassifiseer
Bepaal tot watter klas, groep en afdeling bepaalde items of
voorwerpe behoort.
Analiseer Om iets te ontleed.
Evalueer Bepaal die waarde van ʼn stelling, stelsel, beleid, ens.
Toepas Pas die teoretiese beginsels toe in ʼn praktiese probleem.
Hersien Evalueer, verbeter en/of wysig ʼn beleid, dokument, stelsel, ens.
Woordomskrywing vir evaluering Bladsy 8
SBM105 Ondernemingsbestuur
STUDIE-EENHEID 1: INLEIDING TOT BESTUUR
1.1 Studie-eenheid leeruitkomstes
Kennis en begrip
Na voltooiing van Studie-eenheid 1 sal jy in staat wees om jou kennis en begrip van die
volgende te demonstreer:
• Die teoretiese grondslag van bestuur
• Interne en eksterne sake-omgewings
• Eienskappe van die bestuursomgewing
• Faktore wat die kleinsakeomgewing beïnvloed
Vaardighede
Jy sal ook in staat wees om:
• te onderskei tussen die interne en eksterne sakeomgewings;
• die doel, belangrikheid en die teoretiese grondslag van bestuur te skets;
• die eienskappe van die bestuursomgewing te ontleed;
• die bestuurproses te beskryf; en
• te onderskei tussen die verskillende faktore wat die eienskappe van bestuur, veral
in die kleinsakeomgewing, beïnvloed.
Studie-eenheid 1: Inleiding tot bestuur Bladsy 9
SBM105 Ondernemingsbestuur
1.2 Verrykende bronne
• http://123management.eu/0/001_home/a001_home_05_strategy_island.html
• http://tutor2u.net/business/gcse/external_environment_introduction.htm
• http://www.brighthub.com/office/entrepreneurs/articles/73616.aspx#ixzz1RtouxP2V
• http://www.megaessays.com/viewpaper/46676.html
• http://www.picknpay-ir.co.za/financials/annual_reports/2010/our-mission.html
1.3 Hoe kan jy jou begrip verbeter?
Jy moet seker maak dat jy die volgende terminologie verstaan:
Sleutelwoord Omskrywing
Bestuur Bestuur is ʼn aktiwiteit wat verband hou met die begeleiding van
menslike en fisiese hulpbronne op so ʼn wyse dat organisatoriese
doelwitte bereik kan word.
Formele struktuur Die formele struktuur van ʼn onderneming is die hiërargiese
rangskikking van verantwoordelikhede en mense.
Gedragskode ʼn Gedragskode is ʼn dokument waarin sekere reëls en
regulasies, asook norme van eerlikheid, integriteit en etiek
voorkom.
Hulpbronne Hulpbronne is die mense, inligting, fasiliteite, infrastruktuur,
masjinerie, toerusting, voorrade en finansies wat tot die
beskikking van ʼn onderneming is.
Inligtingsaktiwiteite Inligtingsaktiwiteite in ʼn onderneming sluit die voortdurende
ontvang en deurgee van inligting in, hetsy in mondelingse of in
geskrewe/elektroniese formaat.
Interneomgewing Die interne omgewing bestaan uit die elemente binne die
onderneming, soos die huidige werknemers, bestuur en veral
korporatiewe kultuur wat werknemeroptrede definieer.
Maatskappybeleid ʼn Maatskappybeleid bevat riglyne wat bepaal hoe sekere
organisatoriese situasies aangespreek word.
Missie ʼn Missie beskryf waarvoor die onderneming staan en waarom dit
bestaan.
Studie-eenheid 1: Inleiding tot bestuur Bladsy 10
SBM105 Ondernemingsbestuur
Ondernemingskultuur Ondernemingskultuur verwys na die gebruiklike praktyke en
oortuigings wat ʼn beduidende impak op die basiese waardes,
persepsies, voorkeure en gedrag van mense in ʼn onderneming
het.
Professionele beroep ʼn Professionele beroep kan gedefinieer word as ʼn werk wat ʼn
gespesialiseerde kennis en intensiewe akademiese
voorbereiding vereis en deur ʼn regulerende onderneming beheer
word.
Sosiale netwerk Die sosiale netwerk is die informele wyse van kommunikasie
binne ʼn onderneming.
Sosiale verandering Sosiale verandering is wanneer die mense in die gemeenskap
hul houding verander oor die manier waarop hulle leef en
besluite neem.
Waarde Waarde is die basiese aktiwiteite wat werknemers se suksesse
in ʼn onderneming definieer.
1.4 Inleiding
Bestuur is ʼn universele verskynsel. Alle sake-, politieke, kulturele of sosiale ondernemings is
betrokke by bestuur, want dit is bestuur wat die verskillende pogings rig, om ʼn definitiewe
doel te bereik.
Bestuur is die kuns om dinge gedoen te kry met mense in formeel-georganiseerde groepe.
Dit is die kuns om ʼn omgewing te skep waar individue take kan verrig en kan saamwerk tot
die bereiking van die groepdoelwitte. Verder is bestuur die kuns om te weet wat om te doen,
wanneer om dit te doen en toe te sien dat dit gedoen word op die beste en
kostedoeltreffendste manier.
Bestuur is ook ʼn doelgerigte aktiwiteit wat ʼn groep se pogings tot die bereiking van sekere
voorafbepaalde doelwitte lei. Dit is die proses waardeur die doelwitte van die onderneming
bereik word, deur die doeltreffende gebruik van beperkte hulpbronne in ʼn veranderende
wêreld. Hierdie doelwitte kan natuurlik ook wissel van die een onderneming na die ander.
Bestuur behels ook die skep van ʼn interne omgewing vir die optimum gebruik van die
verskillende faktore van produksie. Daarom is dit die verantwoordelikheid van die bestuur
om toestande te skep wat bevorderlik sal wees en werknemers in staat sal stel om hul taak
doeltreffend en effektief uit te voer. Dit sluit, onder andere, die bestuur en beheer van
Studie-eenheid 1: Inleiding tot bestuur Bladsy 11
SBM105 Ondernemingsbestuur
grondstowwe in, die vasstelling van lone en salarisse, die formulering van die reëls en
regulasies, ens.
(http://www.toonpool.com/user/651/files/management_style_553115.jpg)
1.5 Wat is bestuur?
Bestuur is ʼn aktiwiteit wat verband hou met die begeleiding van menslike en fisiese
hulpbronne op so ʼn manier dat organisatoriese doelwitte bereik kan word. Die aard van
bestuur kan soos volg beskou word:
Figuur 1.1: Bestuur (Outeur, 2011)
Bestuur
Doelgeoriënteerd
Integrering van hulpbronne
Groepsaktiwiteit Aaneenlopend
Orals teenwoordig
Studie-eenheid 1: Inleiding tot bestuur Bladsy 12
SBM105 Ondernemingsbestuur
1.5.1 Bestuur is doelgeoriënteerd
Die sukses van enige bestuursaktiwiteit hang van die bereiking van die vasgestelde
doelwitte af. Bestuur is dus ʼn doelgerigte aktiwiteit. Dit is ʼn instrument wat menslike en
fisiese hulpbronne gebruik om aan voorafbepaalde doelwitte te voldoen. Byvoorbeeld, die
doel van ʼn onderneming kan die maksimering van verbruikerstevredenheid wees, deur die
vervaardiging en lewering van kwaliteit goedere teen billike pryse. Dit kan ook bereik word,
indien die diens deur doeltreffende persone verrig word en deur ʼn beter benutting van
skaars hulpbronne.
1.5.2 Bestuur integreer menslike, fisiese en finansiële hulpbronne
In ʼn onderneming word daar dikwels gewerk met fisiese hulpbronne, soos masjiene,
materiale, finansiële bates en geboue. Bestuur integreer menslike pogings en voeg al die
hulpbronne saam.
1.5.3 Bestuur is aaneenlopend
Bestuur is ʼn voortdurende proses en behels die deurlopende hantering van probleme en
kwessies – probleme word geïdentifiseer en gepaste stappe word geneem om dit op te los.
Byvoorbeeld, die doelwit van ʼn maatskappy kan maksimumproduksie wees. Vir die bereiking
van hierdie doelwit moet verskeie beleide daargestel word en aktiwiteite beplan en bestuur
word om produksie te verhoog. Ander aktiwiteite, soos onder andere, bemarking en
advertensies van die produkte moet ook bestuur word.
1.5.4 Bestuur is oral teenwoordig
Doeltreffende bestuur is nodig in alle vorme van ondernemings – politieke, maatskaplike,
kulturele of sakeondernemings. Selfs klubs, hospitale, politieke partye, kolleges, hospitale en
sakeondernemings moet bestuur word. Wanneer meer as een persoon betrokke is by ʼn
onderneming om ʼn gemeenskaplike doel te bereik, is bestuur nodig, ongeag die grootte van
die onderneming of die tipe aktiwiteit.
1.5.5 Bestuur is ʼn groepsaktiwiteit
Bestuur is minder betrokke by die individu se aktiwiteite, dit is meer gemoeid met groepe. Dit
behels ʼn groepspoging om die voorafbepaalde doelwitte van die onderneming te bereik.
1.5.6 Die belangrikheid van bestuur
Die volgende lig die belangrikheid van bestuur toe:
Help in die bereiking van die groep se doelwitte
Bestuur reël en gee rigting aan bedryfsaktiwiteite, organiseer hulpbronne en integreer die
hulpbronne op ʼn doeltreffende wyse om doelwitte te bereik. Deur die doel en doelwitte van
Studie-eenheid 1: Inleiding tot bestuur Bladsy 13
SBM105 Ondernemingsbestuur
die onderneming duidelik te definieer, kan die vermorsing van tyd, geld en moeite tot ʼn
minimum beperk word.
Bestuur omskep ongeorganiseerd hulpbronne soos mense, masjiene, geld, ens. in ʼn
georganiseerde en nuttige onderneming. Hierdie hulpbronne word op so wyse gekoördineer,
gerig en beheer dat die onderneming doeltreffend kan werk om die doelwitte te bereik.
Optimale benutting van hulpbronne
Bestuur maak gebruik van al die fisiese en menslike hulpbronne om optimaal produktief te
wees – dit lei tot doeltreffendheid in die bestuur. Om skaars hulpbronne tot die maksimum te
benut, moet die bestuur die bes moontlike alternatiewe gebruike. Dit maak gebruik van
kundiges en professionele persone wat hul vaardighede en kennis beskikbaar maak om
behoorlike benutting van hulpbronne te verseker en vermorsing te vermy – dus die
maksimum benutting van werknemers en masjiene.
Verminder koste
Bestuur poog om maksimum resultate te verkry deur middel van minimum insette en
behoorlike beplanning. Bestuur gebruik ʼn kombinasie van fisiese, menslike en finansiële
hulpbronne op so ʼn wyse dat dit die beste resultate kan meebring. Dit help dus in die
verlaging van die koste.
Skep ʼn gesonde onderneming
Om ʼn gesonde onderneming te bedryf, is een van die doelwitte van die bestuur. Bestuur
skep doeltreffende gesags- en verantwoordelikheidsverhoudings en strukture. Byvoorbeeld:
Wie is verantwoordbaar en aan wie? Wie kan opdragte gee en aan wie? Wie is die
hoofde/bestuurders? Wie is die ondergeskiktes? Bestuur vul die verskillende posisies met
die regte persone wat die regte vaardighede, opleiding en kwalifikasie het.
Skep ʼn ewewig
Bestuur stel die onderneming in staat om te oorleef in die veranderende omgewing en in
voeling daarmee te bly. Met veranderinge in die eksterne omgewing, kan dit moontlik wees
dat die aard van die bestuur van die onderneming ook moet verander. So pas die
onderneming aan by die veranderende vraag van die mark en/of die veranderende
behoeftes van gemeenskappe. Bestuur is dus verantwoordelik vir die oorlewing en groei van
die onderneming.
Noodsaaklik vir die welvaart van die samelewing
Doeltreffende bestuur lei tot beter ekonomiese produksie wat op sy beurt help om die welsyn
van die samelewing te verhoog. Goeie bestuur help ook om die vermorsing van skaars
Studie-eenheid 1: Inleiding tot bestuur Bladsy 14
SBM105 Ondernemingsbestuur
hulpbronne te vermy. Die verhoging van die onderneming se winste is tot voordeel van die
onderneming en die samelewing deurdat dit meer werksgeleenthede skep. Bestuur verhoog
dus die lewenstandaard van die samelewing. Ondernemings produseer nuwe produkte en
navorsing wat ook voordelig vir die samelewing is.
1.5.7 Bestuur se verskillende fasette
Die verskillende fasette van bestuur kan soos volg uiteengesit word:
Bestuur as ʼn proses
As ʼn proses, verwys bestuur na ʼn reeks verwante funksies. Dit is die proses waardeur die
bestuur ʼn doelgerigte onderneming skep, bedryf en lei, deur middel van sistematiese,
gekoördineerde menslike aktiwiteite. Bestuur is ʼn duidelike proses van beplanning,
organisering, delegering en beheer om ʼn doelwit te bepaal en te bereik deur die gebruik van
die mens en ander hulpbronne.
Die volgende is ʼn voorbeeld van so ʼn proses:
Figuur 1.2: Proses
(http://leadershipchamps.files.wordpress.com/2008/03/pdca.png)
Onderliggend aan die bestuursproses is die volgende aspekte:
Bestuur is ʼn sosiale proses
Aangesien die menslike faktor die belangrikste faktor is, is bestuur betrokke by die
ontwikkeling van menseverhoudinge. Dit is die plig van die bestuur om interaksie tussen
mense moontlik te maak om sodoende die organisatoriese doelwitte te bereik.
Studie-eenheid 1: Inleiding tot bestuur Bladsy 15
SBM105 Ondernemingsbestuur
Bestuur is ʼn integrerende proses
Bestuur is daarvoor verantwoordelik om die menslike, fisiese en finansiële hulpbronne
bymekaar te bring om sodoende organisatoriese doelwitte te bereik. Daarom is dit ʼn
belangrike funksie om harmonie tussen die verskeie faktore te bewerkstelling.
Bestuur is ʼn deurlopende proses
Bestuur is ʼn deurlopende proses. Dit is gemoeid met die voortdurende identifisering van
probleme en die oplossing daarvan, deur die neem van voldoende stappe. Bestuur hou dus
nooit op nie.
Bestuur as ʼn aktiwiteit
Bestuur is netso ʼn menslike aktiwiteite, as ander aktiwiteite soos skryf, speel, eet, kook, ens.
Bestuur is wat ʼn bestuurder doen.
Bestuur, as ʼn aktiwiteit, sluit in:
• Inligtingsaktiwiteite Inligtingsaktiwiteite in ʼn onderneming sluit die voortdurende ontvang en deurgee van
inligting in, hetsy in mondelingse of in geskrewe/elektroniese formaat. ʼn Oop
kommunikasiekanaal moet met ondergeskiktes, sowel as ander bestuursvlakke
gehandhaaf word, vir die doeltreffende funksionering van ʼn onderneming.
• Beslissende aktiwiteite Bykans alle vorme van bestuursaktiwiteite word gebaseer op die een of ander tipe
besluit. Daarom is bestuurders voortdurend betrokke by besluite van uiteenlopende
aard en poog om te verseker dat die besluite uitgevoer word.
• Interpersoonlike aktiwiteite Bestuur behels ook doelwitbereiking deur mense. Bestuurders is betrokke in die
wisselwerking met meerderes, sowel as ondergeskiktes. Bestuurders moet goeie
verhoudings met almal handhaaf. Die interpersoonlike aktiwiteite van bestuurders
sluit hierdie wisselwerking met almal in, asook die bereiking van die persone se
doelwitte. ʼn voorbeeld is die toekenning van bonusse aan personeel vir uitstekende
werk gelewer.
Bestuur as ʼn dissipline
Bestuur as ʼn dissipline of vakgebied, verwys na daardie vertakking van die vakgebied, wat
verband hou met die studie van die beginsels en praktyke van basiese administrasie. Dit
bepaal sekere gedragskodes wat gevolg moet word deur die bestuurder en ook verskeie
metodes vir die doeltreffende bestuur van hulpbronne.
Studie-eenheid 1: Inleiding tot bestuur Bladsy 16
SBM105 Ondernemingsbestuur
Enige vertakking van kennis, wat voldoen aan die volgende twee vereistes, staan bekend as
ʼn dissipline:
• Daar moet skoliere en denkers wees wat relevante kennis kommunikeer, deur middel
van navorsing en publikasies.
• Die kennis moet formeel oorgedra word deur onderwys- en opleidingsprogramme.
Bestuur voldoen aan albei hierdie vereistes en kwalifiseer dus as ʼn dissipline.
Bestuur as ʼn groepsaktiwiteit
Bestuur as ʼn groepsaktiwiteit, verwys na daardie groep mense wat die taak het om die
onderneming te bestuur. Wanneer daar gesê word dat die bestuur van ʼn maatskappy
doeltreffend is, word daar verwys na die groep mense wat die maatskappy bestuur. Die
bestuur is al die bestuurders, van die Hoof Uitvoerende Beampte, tot die laer vlak
bestuurders.
Die topbestuur van ʼn maatskappy bestaan gewoonlik uit die volgende ampte: die Hoof
Uitvoerende Beampte, die Voorsitter van die Raad van Direkteure, die Raad van Direkteure,
ens. Hulle is diegene wat betrokke is by die neem van belangrike besluite. Hierdie persone
het die reg om hulpbronne toe te wys om organisatoriese doelwitte daar te stel en te bereik.
Die volgende is ʼn voorbeeld van ʼn bestuurstruktuur, met die topbestuur wat hoofsaaklik op
die boonste vlakke funksioneer:
Figuur 1.3: Verskillende bestuursvlakke (http://www.steadfast-roofing.co.uk/images/OMSjpeg_001.JPG)
Studie-eenheid 1: Inleiding tot bestuur Bladsy 17
SBM105 Ondernemingsbestuur
Bestuur as ʼn kuns en ʼn wetenskap
Bestuur is beide ʼn kuns en ʼn wetenskap, wat beteken dat bestuur kenmerke van die
wetenskap, sowel as kuns kombineer. Bestuur word beskou as ʼn wetenskap omdat dit ʼn
georganiseerde liggaam van kennis is, wat sekere universele waarhede bevat. Andersyds
word bestuur ʼn kuns genoem, omdat bestuur sekere vaardighede van bestuurders vereis.
Wetenskap bied dus die kennis en kuns hou verband met die toepassing van kennis en
vaardighede.
Vir ʼn bestuurder om suksesvol te wees, moet die kennis van die wetenskap en die kuns van
die toepassing van die kennis gekombineer word. Bestuur is dus ʼn oordeelkundige mengsel
van die wetenskap en die kuns. Dit toepassing van kuns, in hierdie konteks, verwys na die
praktiese kennis, persoonlike vaardighede, kreatiwiteit, vervolmaking deur oefening en
doelgerigtheid van die bestuurder. Wetenskap leer om te “ken” en kuns leer om te “doen".
Byvoorbeeld, ʼn persoon kan nie ʼn goeie sanger wees, tensy hy kennis van sang het (die
wetenskap) en sy persoonlike vaardighede/talente van toepassing maak in die kuns van
sang nie.
Bestuur as ʼn professionele beroep
ʼn Professionele beroep kan gedefinieer word as ʼn werk wat ʼn gespesialiseerde kennis en
intensiewe akademiese voorbereiding vereis en deur ʼn regulerende onderneming beheer
word. Die vereistes van so ʼn beroep is die volgende:
• Gespesialiseerde kennis
ʼn Professionele beroep moet oor ʼn gesistematiseerde kennisbasis beskik wat
gebruik kan word vir die ontwikkeling van professionele persone. Elke professionele
persoon moet doelbewuste pogings aanwend om kennis te verkry in die bepaalde
beginsels en tegnieke van toepassing. ʼn Bestuurder moet dus kundigheid bekom in
die wetenskap van bestuur.
• Formele onderwys en opleiding
Vir die meeste professionele beroepe is dit nodig dat die persoon ʼn voorgeskrewe
kursus voltooi. Byvoorbeeld, ʼn ouditeur kan nie die werk van ʼn ouditeur doen, tensy
hy/sy ʼn graad voltooi het en aan die nodige toelatingsvereistes voldoen het nie. Daar
is egter geen minimum kwalifikasies of voorgeskrewe kursusse vir bestuurders nie.
Daar is ʼn aantal instellings en universiteite in Suid-Afrika wat kursusse aanbied vir
die opleiding van bestuurders. Sommige sakeondernemings mag verkies dat hulle
Studie-eenheid 1: Inleiding tot bestuur Bladsy 18
SBM105 Ondernemingsbestuur
bestuurders oor ʼn MBA (Master in Business Administration) beskik, maar stel dit nie
noodwendig as ʼn vereiste nie.
• Sosiale verpligtinge
ʼn Beroep is ʼn manier om ʼn bestaan te maak, maar professionele mense word
dikwels ook gemotiveer deur die begeerte om die gemeenskap te dien. Hulle aksies
word beïnvloed deur sosiale norme en waardes. Op dieselfde wyse moet ʼn
bestuurder nie net verantwoordelik optree teenoor sy onderneming nie, maar ook
teenoor die samelewing. Van die bestuurder word verwag om gehalte goedere teen
billike pryse aan die gemeenskap te voorsien.
• Gedragskode
Lede van ʼn beroep het die verpligting om ʼn bepaalde gedragskode na te kom, waarin
sekere reëls en regulasies, asook norme van eerlikheid, integriteit en etiek voorkom.
ʼn Gedragskode word afgedwing deur ʼn verteenwoordigende vereniging om
selfdissipline onder sy lede te verseker. Enige lid wat die gedragskode oortree, kan
gestraf word en sy lidmaatskap kan teruggetrek word. Ondernemings het gewoonlik
hulle eie gedragskode vir bestuurders, maar die onderneming het gewoonlik die reg
om stappe te neem, indien ʼn bestuurder teenstrydig met die kode optree.
(Aangepas vanuit: http://www.managementstudyguide.com)
1.5.8 Verantwoordelikhede van bestuur
Doeltreffende bestuur lei feitlik altyd tot sakesukses, terwyl ondoeltreffende bestuur dikwels
tot sakemislukkings lei. Een van die belangrikste rolle van die bestuur is verantwoordelikheid
teenoor die eienaars van die onderneming.
Die volgende verantwoordelikhede word aan bestuur opgedra:
• Die bepaling van die maatskappy se doelwitte in ooreenstemming met die visie van
die onderneming.
• Pro-aktiewe beplanning vir toekomstige groei.
• Om veranderinge in die sakeomgewing te antisipeer en daarvoor te beplan.
• Integrasie van al die beskikbare menslike, fisiese en inligtingshulpbronne.
• Die administrasie en beheer van sake-aktiwiteite.
• Aanspreeklikheid vir die onderneming se aktiwiteite en die resultate.
(Aangepas vanuit: http://hsc.csu.edu.au/business_studies/mgt_change/effective_mgt/Importofeffectmanage.htm)
Studie-eenheid 1: Inleiding tot bestuur Bladsy 19
SBM105 Ondernemingsbestuur
Die volgende is ʼn voorbeeld van hoe ʼn bestuurder te werk kan gaan om doeltreffend te
beplan:
Figuur 1.4: Strategiese beplanning (http://123management.eu/0/001_home/a001_home_05_strategy_island.html)
1.6 Die sakeomgewing
Die term sakeomgewing is saamgestel uit twee woorde "sake" en "omgewing”. Die woord
“sake” in ekonomiese konteks, beteken menslike aktiwiteite, soos vervaardiging, ontginning,
koop en verkoop van goedere, om wins te verdien.
Andersyds verwys die woord "omgewing" na die aspekte van die omgewing. Die
sakeomgewing kan dus gedefinieer word as ʼn omgewing waar bepaalde toestande –
sosiale, wetlike, ekonomiese, politieke of institusionele toestande – heers, wat gewoonlik
onbeheerbaar is en ʼn invloed op die funksionering van die onderneming het.
Studie-eenheid 1: Inleiding tot bestuur Bladsy 20
SBM105 Ondernemingsbestuur
Daar is twee komponente in die sake-omgewing:
• Interne omgewing
• Eksterne omgewing
Die volgende is ʼn voorbeeld van die sakeomgewing van ʼn universiteit:
Figuur 1.5: Voorbeeld van ʼn sake-omgewing
(http://lh4.ggpht.com/samashok143/SCwQnBgr0mI/AAAAAAAAALk/gSFdJTkBRNo/contx_image003.jpg)
1.6.1 Die interne omgewing
ʼn Onderneming se interne omgewing bestaan uit die elemente binne die onderneming,
insluitend huidige werknemers, bestuur en veral die korporatiewe kultuur wat
werknemersoptrede definieer. Sommige elemente beïnvloed die hele onderneming, ander
net die bestuur.
ʼn Bestuurder se filosofiese uitgangspunt of leierskapstyl het ʼn direkte invloed op
werknemers. Tradisionele bestuurders gee uitdruklike opdragte aan werknemers, terwyl die
progressiewe bestuurders werknemers bemagtig om ook hul eie besluite te maak.
Veranderinge in filosofie en/of leierskapstyl word grootliks deur die bestuurder bepaal.
Die volgende is ʼn paar van die elemente wat deel uitmaak van hierdie omgewing:
Studie-eenheid 1: Inleiding tot bestuur Bladsy 21
SBM105 Ondernemingsbestuur
Figuur 1.6: Interne omgewing
(Outeur, 2011)
Ondernemingsmissie
ʼn Onderneming se missie beskryf waarvoor die onderneming staan en waarom dit bestaan.
Dit verduidelik die algehele doel van die onderneming en sluit die eienskappe in wat dit
onderskei van ander ondernemings van dieselfde soort.
ʼn Missie moet meer wees as net woorde op ʼn stukkie papier. Dit moet ʼn maatskappy se
filosofie, sowel as die doel daarvan openbaar. Hierdie verklaring moet ʼn lewende dokument
wees wat inligting en inspirasie aan die lede van die onderneming verskaf. ʼn Missie moet
vrae beantwoord soos: "Wat is ons waardes?" en "Waarvoor staan ons?" Die missiestelling
bied fokus aan ʼn onderneming se personeel om saam te werk om die gemeenskaplike
doelwitte te bereik.
Maar nie alle missies is noodwendig doeltreffend nie. Doeltreffende missies lei tot
doeltreffende pogings. In die hedendaagse gehalte-bewuste en hoogs-mededingende
omgewing, is ʼn doeltreffende missie se doel om die behoeftes van kliënte te dien. ʼn Goeie
missiestelling is baie spesifiek in die identifisering van die volgende voornemens van die
onderneming:
• Kliënte – wie sal bedien word?
• Produkte/dienste – wat gaan geproduseer word?
Interne omgewing
Ondernemingsmissie
Ondernemingsbeleid
Formele strukture
Ondernemingskultuur
Ondernemingsklimaat
Hulpbronne
Bestuursfilosofie
Bestuurstyle
Studie-eenheid 1: Inleiding tot bestuur Bladsy 22
SBM105 Ondernemingsbestuur
• Ligging – waar gaan die produkte geproduseer en/of die dienste gelewer word?
• Filosofie – watter ideologie sal gevolg word?
Die volgende is ʼn voorbeeld van ʼn missiestelling:
Voorbeeld 1.1
We serve With our hearts we create a great place to be
With our minds we create an excellent place to shop
(http://www.picknpay-ir.co.za/financials/annual_reports/2010/our-mission.html)
Maatskappybeleid
ʼn Maatskappy- of ondernemingsbeleid bevat riglyne wat bepaal hoe sekere organisatoriese
situasies aangespreek word. Soos universiteite ʼn beleid het oor die toelatingsvoorvereistes
en kwytskeldings, stel maatskappye beleid vas om leiding te verskaf aan bestuurders, wat
besluite moet neem oor die aktiwiteite wat binne die onderneming voorkom.
Maatskappybeleid is ʼn aanduiding van ʼn onderneming se persoonlikheid en moet
ooreenkom met sy missie.
Formele strukture
Die formele struktuur van ʼn onderneming is die hiërargiese rangskikking van
verantwoordelikhede en mense. Hierdie struktuur bepaal hoe die inligting binne die
onderneming vloei, watter departemente verantwoordelik is vir watter aktiwiteite en waar die
besluitneming berus.
Sommige ondernemings gebruik ʼn organisatoriese kaart (organisational map) om die
verdeling van die formele struktuur aan te dui en te vereenvoudig. Hierdie organisatoriese
kaart bied ʼn oorsig van die amptelike gesagstrukture en kommunikasie binne die
onderneming.
Die volgende is ʼn voorbeeld van ʼn eenvoudige struktuur in ʼn onderneming:
Studie-eenheid 1: Inleiding tot bestuur Bladsy 23
SBM105 Ondernemingsbestuur
Figuur 1.7: Eenvoudige organisatoriese struktuur
(http://cassley.org/classes/CS.302/images/company_structure.jpg)
Ondernemingskultuur
Die ondernemingskultuur is die onderneming se “persoonlikheid”. Net soos elke individu ʼn
bepaalde persoonlikheid het, het elke onderneming ook een. Dit is die kultuur van ʼn
onderneming wat dit van ander onderskei en wat die optrede van sy lede vorm en rig.
Die vier hoofkomponente waaruit ʼn onderneming se kultuur bestaan, is die volgende:
Figuur 1.8: Ondernemingskultuur (Outeur, 2011)
Waardes Helde
Gebruike en instellings
Sosiale netwerk
Studie-eenheid 1: Inleiding tot bestuur Bladsy 24
SBM105 Ondernemingsbestuur
• Waardes
Waardes is die basiese oortuigings wat werknemers se suksesse in ʼn onderneming
definieer. Byvoorbeeld, verskeie universiteite plaas ʼn hoë waarde op professore wat
artikels publiseer. Die universiteit wil dan verseker dat ʼn professor wat baie publiseer
by die universiteit vir die duur van sy of haar akademiese loopbaan, sal bly. Die
professor se vermoë om te publiseer is ʼn waarde vir die universiteit.
• Helde
ʼn Held is ʼn voorbeeldige persoon wat die beeld, houdings en waardes van die
onderneming uitdra en as ʼn rolmodel vir ander werknemers kan dien. ʼn Held is soms
die stigter van die onderneming. Dit is egter nie noodwendig dat die held van ʼn
maatskappy die stigter moet wees nie, maar dit kan ʼn gewone werker wees wat ʼn
geweldige impak op die onderneming het.
• Gebruike en instellings
Gebruike en instellings is seremonies wat die onderneming gebruik om hoog-
presterende werknemers erkenning te gee. Toekenningsdinees, korporatiewe
byeenkomste en kwartaallikse vergaderings kan gebruik word om werknemers te
beloon vir uitstaande diens. Hierdie werknemers kan as voorbeeld dien om ander
werknemers in die onderneming te inspireer.
• Sosiale netwerk
Die sosiale netwerk is die informele wyse van kommunikasie binne ʼn onderneming.
Hierdie netwerk, waarna soms verwys word as die ondernemings se riemtelegram
(company grapevine), dra die stories van helde oor, maar ook diegene wat nie so
goed gevaar het nie. Dit is deur hierdie netwerk dat werknemers werklik die
onderneming se kultuur en waardes aanleer.
Ondernemingsklimaat
ʼn Neweproduk van die onderneming se kultuur is die onderneming se klimaat. Die algehele
atmosfeer van die werksplek en die moraal van sy werkers maak deel uit van die
onderneming se klimaat. Werkerhoudings bepaal die positiewe of negatiewe atmosfeer van
die werksplek. Die daaglikse verhoudings en interaksies van die werknemers is ʼn
aanduiding van ʼn onderneming se klimaat.
Hulpbronne
Hulpbronne is die mense, inligting, fasiliteite, infrastruktuur, masjinerie, toerusting, voorrade,
en finansies wat tot die onderneming se beskikking is. Mense is die grootste hulpbron van
Studie-eenheid 1: Inleiding tot bestuur Bladsy 25
SBM105 Ondernemingsbestuur
enige onderneming. Inligting, fasiliteite, masjinerie, toerusting, materiale, voorrade en
finansies ondersteun werkers in hul pogings om die onderneming se missie te bereik. Die
waarde wat bestuurders heg aan die mens en ander hulpbronne, het ʼn impak op die
onderneming se omgewing.
Bestuursfilosofieë
Bestuursfilosofie verwys na die bestuurder se persoonlike oortuigings en waardes oor
mense en werk en is iets wat die bestuurder kan beheer. Teorie X-bestuurders behandel
werknemers amper soos kinders wat konstant rigting nodig het, terwyl teorie Y-bestuurders
werknemers as bevoegde volwassenes behandel wat in staat is om deel te neem aan
werksverwante besluite. Hierdie bestuursfilosofieë het ʼn bepaalde uitwerking op die
werknemer se gedrag. As gevolg hiervan moet organisatoriese filosofieë en
bestuursfilosofieë in harmonie met mekaar wees.
Bestuurs- en leierskapstyle
Die aantal kollegas wat betrokke is om ʼn probleem op te los, of in die besluitnemingsproses,
reflekteer die bestuurder se leierskapstyl. Bemagtiging beteken om aan ondergeskiktes
besluitnemingsbevoegdheid, vryheid, kennis, outonomie en vaardighede te delegeer.
Wanneer ʼn bemagtigde werksmag behoorlik gelei kan dit lei tot verhoogde produktiwiteit en
kwaliteit, verminder koste, meer innovasie, verbeterde kliëntediens en ʼn groter verbintenis
aan die onderneming. Daarbenewens kan die reaksietyd verbeter, omdat die inligting en
besluite nie op en af in die hiërargie hoef te beweeg nie. Deur werknemers te bemagtig om
self bepaalde besluite te neem, is sinvol, omdat werknemers nader aan die probleem, of
dienste is wat gelewer moet word, as wat ʼn toesighouer of bestuurder is wat nie op die
toneel is nie.
(Aangepas vanuit: http://www.cliffsnotes.com/study_guide/The-Internal-
Environment.topicArticleId-8944,articleId-8860.html)
Die volgende is ʼn voorstelling van tipes leierskapstyle in die praktyk:
Studie-eenheid 1: Inleiding tot bestuur Bladsy 26
SBM105 Ondernemingsbestuur
Figuur 1.9: Leierskapstyle
(http://getthemost.typepad.com/.a/6a00d8341cfec353ef01156e65ac6f970c-320wi
1.6.2 Die eksterne omgewing
ʼn Onderneming bestaan nie in ʼn vakuum nie. Dit word beïnvloed en het ʼn invloed op wat
buite die onderneming gebeur. Die eksterne omgewing van ʼn onderneming lyk soos volg:
Figuur 1.10: Eksterne omgewing (http://www.leoisaac.com/planning/images/environ1.gif)
Studie-eenheid 1: Inleiding tot bestuur Bladsy 27
SBM105 Ondernemingsbestuur
Eksterne faktore
Die belangrikste faktor wat die meeste ondernemings beïnvloed, is die mate van
mededinging in die mark, met ander woorde, hoe ernstig ding ander mededingende
ondernemings mee in die lewering van produkte en dienste.
Die ander faktore wat die onderneming kan beïnvloed is:
• Sosiale faktore
Sosiale faktore sluit in hoe verbruikers, huishoudings en gemeenskappe optree en
wat hulle oortuigings is. Byvoorbeeld, veranderinge in houding teenoor gesondheid,
of ʼn groter aantal pensioentrekkers in ʼn bevolking.
• Wetlike faktore
Wetlike faktore verteenwoordig die manier waarop die wetgewing in die samelewing
die onderneming en sy aktiwiteite beïnvloed. Byvoorbeeld, veranderinge in
indiensnemingswette.
• Ekonomiese faktore
Ekonomiese faktore beïnvloed die onderneming, in terme van belasting,
staatsbesteding, algemene vraag, rentekoerse, wisselkoerse en globale ekonomiese
faktore.
• Politieke faktore
Veranderinge in die regering se beleid, kan die onderneming beïnvloed. Byvoorbeeld
ʼn besluit om die bou van nuwe huise in ʼn gebied te subsidieer, kan goed wees vir ʼn
plaaslike baksteenfabriek, want die vraag na bakstene sal verhoog.
• Tegnologiese faktore
Die vinnige tempo van verandering in produksieprosesse en produkfaktore-innovasie
kan ʼn onderneming beïnvloed.
• Etiese faktore
Etiese faktore is dit wat beskou word as moreel reg of verkeerd vir ʼn onderneming
om te doen. Byvoorbeeld, indien die onderneming handel met lande wat ʼn swak
menseregterekord het, moet dit dalk hulle aktiwiteite in daardie lande heroorweeg.
Studie-eenheid 1: Inleiding tot bestuur Bladsy 28
SBM105 Ondernemingsbestuur
Voorbeeld 1.2
Lees die volgende artikel oor kinderarbeid wat ʼn onetiese arbeidspraktyk is:
http://www.fin24.com/Economy/Child-labour-in-SA-still-too-high-20130801
Verandering in eksterne omgewing
Markte is konstant besig om te verander. Dit hang van die tipe produk af wat die
onderneming produseer, maar ʼn onderneming moet op markveranderinge reageer, of die
gevaar bestaan dat hulle kliënte kan verloor.
Sommige van die vernaamste redes waarom die markte vinnig verander, is die volgende:
• Kliënte ontwikkel nuwe behoeftes en begeertes.
• Nuwe mededingers in ʼn mark.
• Nuwe tegnologie beteken dat nuwe produkte gemaak kan word.
• ʼn Wêreldwye of landwye gebeurtenis kom voor, soos die uitbreek van ʼn oorlog, of ʼn
bek-en-klouseer epidemie.
• Die regering promulgeer nuwe wetgewing, bv. die verhoging in die minimumloon van
arbeiders.
Sakebedrywighede en mededinging
Hoewel ʼn onderneming nie graag mededinging van ander ondernemings wil hê nie, is dit
onvermydelik.
Die hoeveelheid en tipe mededinging hang van die mark af, waarin die onderneming sake
bedryf, byvoorbeeld:
• Talle kleinsakeondernemings wat in ʼn inkopiesentrum meeding.
• Groter mededinger maatskappye, byvoorbeeld die vervaardigers van waspoeier of
Coke en Pepsi.
• ʼn Vinnig veranderende mark, byvoorbeeld waar tegnologie baie vinnig ontwikkel
soos in die selfoonmark.
ʼn Onderneming kan op ʼn toename in mededinging reageer deur, byvoorbeeld die
bekendstelling van ʼn nuwe produk. Dit kan op die volgende maniere gedoen word:
• Verminder die verkoopprys van eie produk/te – dit kan egter winste verminder.
Studie-eenheid 1: Inleiding tot bestuur Bladsy 29
SBM105 Ondernemingsbestuur
• Verbeter die kwaliteit van die produk – dit kan egter die koste van die produk
verhoog.
• Loods meer bemarkingsaksies – meer advertensies en verhoog lojaliteit teenoor die
handelsmerk, maar dit hou bepaalde koste in.
• Sny insetkostes – gebruik goedkoper materiale, of verminder die aantal werknemers
deur hul oortollig (redundant) te verklaar.
Die volgende is voorbeelde van supermarkte wat in Suid Afrika met mekaar meeding:
Sosiale omgewing en verantwoordelikheid
Sosiale verandering is wanneer die mense in die gemeenskap hul houding verander oor die
manier waarop hulle leef en besluite neem. Ondernemings moet hul produkte by hierdie
veranderings aanpas, byvoorbeeld deur suiker uit kinders se koeldrankies weg te laat,
omdat die ouers voel hulle kinders kry te veel suiker in hul dieet.
Ondernemings moet ook bewus wees van hul sosiale verantwoordelikhede. Dit hou verband
met die manier hoe hulle op al die vlakke van die samelewing, waarmee hulle in aanraking
kom, optree. Wetgewing dek ʼn aantal van hierdie areas van verantwoordelikheid wat ʼn
onderneming teenoor kliënte, werknemers, ander ondernemings en die omgewing het.
Dit is ook belangrik om die gevolge wat ʼn onderneming kan hê op die plaaslike
gemeenskap, te oorweeg. Dit is bekend as die maatskaplike voordele en koste.
• Maatskaplike voordele
ʼn Maatskaplike voordeel is wanneer ʼn onderneming se optrede tot meer voordele lei,
as bloot direkte voordele vir die onderneming en kliënte, byvoorbeeld, die oprig van ʼn
aantreklike nuwe fabriek, verskaf ook werkgeleenthede aan die plaaslike
gemeenskap.
Studie-eenheid 1: Inleiding tot bestuur Bladsy 30
SBM105 Ondernemingsbestuur
• Maatskaplike koste
ʼn Maatskaplike koste is wanneer ʼn onderneming se optrede die omgekeerde effek
het. Die samelewing betaal vir die optrede, byvoorbeeld besoedeling.
Hierdie bykomende voordele en koste word onderskei van die private voordele en koste wat
direk toeskryfbaar aan die onderneming is. Hierdie bykomende koste en voordele is bekend
as eksternaliteite (externalities) – eksterne koste en voordele. Regerings moedig
maatskaplike voordele aan deur die gebruik van subsidies en toekennings, byvoorbeeld
plaaslike hulp aan onontwikkelde gebiede. Regerings ontmoedig ook maatskaplike koste
met boetes, belastings en wetgewing. Drukgroepe sal ook sosiale koste ontmoedig.
(Aangepas vanuit: http://tutor2u.net/business/gcse/external_environment_introduction.htm)
1.6.3 Mark- of taakomgewing
Dit is die eksterne omgewing van ʼn onderneming wat ʼn invloed het op sy vermoë om die
onderneming se doelwitte te bereik. Enige onderneming of verbruiker met direkte
betrokkenheid by die onderneming, kan deel word van die taakomgewing.
Die markomgewing omring die onderneming en bestaan uit die volgende:
• Verbruikers, hul behoeftes, koopkrag en gedrag.
• Leweransiers van grondstowwe, kapitaal en arbeid.
• Tussengangers soos groot- en kleinhandelaars, handelsagente en makelaars en
finansiële tussengangers, soos banke.
• Mededingers, insluitende nuwe toetreders, bestaande mededingers, beskikbaarheid
van substituutprodukte of -dienste, en kliënte, verbruikers en leweransiers se
bedingingsmag.
Voorbeeld 1.3
Die volgende is ʼn kort beskrywing van McDonald’s se taakomgewing:. Besoek die
volgende webtuiste om oor hierdie omgewing te lees:
http://www.megaessays.com/viewpaper/46676.html
Studie-eenheid 1: Inleiding tot bestuur Bladsy 31
SBM105 Ondernemingsbestuur
1.7 Die bestuursproses
Die doel van korporatiewe bestuur is om welvaart vir die sake-eienaars te skep deur die
verskaffing van een of ander waarde, wat verbruikers benodig. Die proses van korporatiewe
bestuur behels die volgende komponente:
Figuur 1.11: Bestuursproses (http://technet.microsoft.com/en-us/library/Cc700845.secmod193_1_big(l=en-us).gif)
Assesseer
Navorsing oor die mark vir winsgewende sakegeleenthede.
Identifiseer
Identifiseer alle moontlike winsgewende sakegeleenthede wat binne die doelwitte van die
onderneming val.
Evalueer en beplan
Ontwikkeling van strategieë vir bemarkingsbestuur, operasionele bestuur, finansiële bestuur
en menslikehulpbronbestuur.
Ontplooi
Implementering van die strategieë deur beplanning, organisering, motivering en beheer.
Langtermynoorlewing vereis ook dat ondernemings op ʼn verantwoordelike en etiese wyse
bestuur word, deur die aanspreek van omgewingskwessies en
werknemersloopbaandoelwitte in ag te neem.
Studie-eenheid 1: Inleiding tot bestuur Bladsy 32
SBM105 Ondernemingsbestuur
1.8 Faktore wat die bestuur van die kleinsakeomgewing beïnvloed
Kleinsakebestuurders koördineer en fasiliteer die werk van die werknemers wat onder hulle
werk, sodat ʼn onderneming se werksaamhede glad kan verloop. Hulle pligte vereis ʼn
toepassingskennis van verkope, bemarking, openbare betrekkinge, navorsingsanalise, data-
analise, aankope, produksie, personeel, finansies, begroting, rekeningkunde en belasting.
Die mate waartoe ʼn kleinsakebestuurder elk van hierdie funksies uitvoer, word bepaal deur
die aantal werknemers wat in diens van die onderneming is.
Die belangrikste faktore wat kleinsakeondernemings beïnvloed, is die kulturele, politieke en
ekonomiese omgewing in. Dit sluit ook die beskikbaarheid van hulpbronne en die
vaardigheidsvermoëns en sielkundige oriëntering van die entrepreneur in.
Figuur 1.12: Faktore wat die kleinsakeonderneming beïnvloed (http://www.med.govt.nz/upload/4547/index00.gif)
1.8.1 Hoe kulturele faktore kleinsakebestuur beïnvloed
Kultuur verwys na die gebruiklike praktyke en oortuigings wat ʼn beduidende impak op die
basiese waardes, persepsies, voorkeure en gedrag van mense het.
Die invloed van kultuur op die ontstaan en bestuur van kleinsakeondernemings, is die
volgende:
• Mense wat tradisioneel in kleinsakeondernemings betrokke is, het ʼn pro-
ondernemingshouding en wil nie net bloot as werknemers gesien word nie – die
implikasie vir bestuur is voor die hand liggend.
Studie-eenheid 1: Inleiding tot bestuur Bladsy 33
SBM105 Ondernemingsbestuur
• Talle mense pas nie in die tradisionele arbeidsmark in nie, vanweë ʼn sterk kultuur
van onafhanklikheid. Sulke mense aanvaar gesag dikwels baie moeilik.
• Studente word dikwels beïnvloed deur lektore wat hulle ompraat om kleinsakemanne
te word, selfs al is die geleentheidskoste baie hoog. Onervare bestuurders betree
dan die kleinsakeomgewing.
• Die kultuur van verbruikerswese, waar mense ʼn begeerte aan materiële goedere het,
moedig die opening van kleinsakeondernemings aan, omdat baie mense reken dat
die inkomste uit ʼn onderneming, meer sal wees, as die salaris van ʼn salaristrekker.
Weer eens kan dit daartoe lei dat mense met min bestuurservaring die
kleinsakeomgewing betree.
• Die teendeel is ook waar dat mense wat vir ʼn salaris werk, dikwels druk op hul
kinders uitoefen om ʼn “veilige” werk te kry en sodoende word enige
entrepreneursgees wat miskien by hulle teenwoordig is, op ʼn vroeë ouderdom
onderdruk. Hierdie kan tot nadeel van die kleinsakeomgewing wees en moontlike
bestuurspotensiaal ondermyn.
• ʼn Kultuur van spaarsaamheid waar mense minder spandeer, ontmoedig die
moontlikheid van mense wat met kleinsakeondernemings wil begin, omdat die
opbrengs uit ʼn salaris, dan veiliger lyk as dié uit ʼn eie onderneming. Hoewel die
korporatiewe wêreld hierby kan baat, kan dit tot nadeel van die kleinsakeomgewing
wees – goeie bestuurders wat kleinsakeondernemings suksesvol kan bestuur en die
ekonomie kan versterk, word hierdeur nadelig beïnvloed.
• In kulture waar mense risiko-sku is, word dikwels nie veel waarde aan harde werk en
volharding geheg nie. Hierdie ingesteldheid is nie bevorderlik vir kleinsake-
intrepreneurskap nie. Bestuurders wat sulke werknemers het, vind dit dikwels moeilik
om hulle te motiveer.
1.8.2 Hoe die politieke omgewing kleinsakebestuur beïnvloed
Die volgende is van die maniere waarop die politieke omgewing kleinsakebestuur beïnvloed:
• Onstabiele politieke toestande waar die regering se beleid dikwels verander
ontmoedig ondernemings, want beleggers vrees vir die veiligheid van hul beleggings.
Die bestuurder moet dan baie innoverend wees om die negatiewe gevolge te
neutraliseer.
• Waar die regering ekonomiese ontwikkeling steun deur middel van die ontwikkeling
van infrastruktuur, fasilitering, industriële parke, ens. kan die bestuur van
ondernemings by hierdie staatsinisiatiewe baat vind om die onderneming uit te brei.
Studie-eenheid 1: Inleiding tot bestuur Bladsy 34
SBM105 Ondernemingsbestuur
• Hoë belastings ontmoedig gewoonlik kleinsakemanne. Die bestuur van
ondernemings moet dan aan baie kreatiewe oplossings dink om die onderneming
suksesvol te maak.
• Die beskikbaarheid van infrastruktuur en dienste, soos paaie, krag,
kommunikasiefasiliteite en ʼn gebrek aan korrupsie en burokratiese vertragings in die
verkryging van sodanige infrastruktuur, moedig ondernemings aan. Indien die dienste
in plek is, en korrupsie aan bande gelê word, kan die bestuur van die onderneming
fokus op die groei van die onderneming. Die teendeel is ook waar.
• Ekonomiese vryheid in die vorm van gunstige wetgewing, moedig die ontstaan van
kleinsakeondernemings aan en skep geleenthede vir bestuurders om ondernemings
uit te brei.
• Terwyl die meeste ondernemings wette aanvaar wat verband hou met die
beskerming van die regte van werknemers en die omgewing, het sommige lande
wette wat die nakoming daarvan baie moeilik en tydrowend maak. Sulke wette kan
die ontwikkeling van die kleinsakesektor striem en dit vir bestuurders baie moeilik
maak om op die bestuur en groei van die onderneming te fokus.
1.8.3 Hoe ekonomiese faktore kleinsakebestuur beïnvloed
Ekonomiese faktore speel ʼn belangrik rol in die bestuur van kleinsakeondernemings:
• Die algemene koopkrag van die mense wat bepaal word deur die inkomstevlakke en
ekonomiese welvaart van die streek, speel ʼn belangrike rol in die sukses van
ondernemings. Bestuurders moet hierdie omgewing ken en verstaan om die volle
voordeel te trek.
• Gedurende tye van ekonomiese verlangsaming of ʼn resessie, daal die aankoopkrag
en mense bly huiwerig om te geld belê. Ondernemings word nadelig beïnvloed en
bestuurders raak dikwels in ʼn oorlewingstryd, in plaas daarvan om daarop te fokus
om die onderneming se bedrywighede vlot te laat verloop.
• In ekonomieë waar dit daaroor gaan om bloot te bestaan, is die meeste mense
gewoonlik betrokke in die landbou; hulle gebruik die uitsette self, terwyl die res
verkwansel word vir eenvoudige goedere en dienste. Om sakeondernemings hier te
vestig, is dikwels moeilik, hoewel ondernemings baat kan vind by beskikbare
arbeidsmag. Ongeskoolde arbeid bied dan sy eie uitdagings aan die bestuur.
Studie-eenheid 1: Inleiding tot bestuur Bladsy 35
SBM105 Ondernemingsbestuur
1.8.4 Die invloed van die beskikbaarheid van hulpbronne op kleinsakebestuur
Kritiese faktore wat ʼn invloed op die bestuur van ʼn onderneming kan hê, sluit die
beskikbaarheid van hulpbronne soos kapitaal, menslike bates, grondstowwe en
infrastruktuur in:
• Kapitaal is onmisbaar om ʼn onderneming te begin en te bestuur. Die beskikbaarheid
van kapitaal maak dit moontlik vir bestuurders om al die ander faktore bymekaar te
bring en dit te gebruik om goedere of dienste te produseer.
• Die belangrikheid van menslike bates of werknemers kan nooit onderskat word nie.
Geen onderneming kan slaag sonder ʼn bekwame en toegewyde arbeidsmag nie.
Die doeltreffende bestuur van ʼn onderneming is ook afhanklik van so ʼn arbeidsmag.
• Die bestaan en bestuur van ʼn onderneming hang af van die beskikbaarheid van
grondstowwe om te verwerk.
• Fisiese infrastruktuur en dienste, soos goeie paaie, parkeerplek,
kommunikasiefasiliteite speel ʼn deurslaggewende faktor in die gladde funksionering
van ʼn onderneming. Indien hierdie fasiliteite nie beskikbaar is nie, moet die bestuur
van die onderneming baie ure spandeer aan aktiwiteite wat nie bedryfspesifiek is nie.
1.8.5 Hoe bestuursvaardighede en sielkundige oriëntering bestuur raak
Ondanks alle ander faktore, hang die sukses van ʼn onderneming af van die vaardighede van
die bestuur. In ʼn entrepreneuriese onderneming is die eienaar dikwels ook die bestuurder
van die onderneming en dit vereis bepaalde vaardighede.
Alle bestuurders moet die vaardighede aanleer en ʼn bepaalde ingesteldheid toon. Dit is
belangrik dat die bestuurder oor die volgende beskik:
• Gewilligheid om hard te werk en te volhard.
• Die vermoë om risiko te bestuur en te minimaliseer.
• Die vermoë om ʼn omvattende sakeplan op te stel en daarvolgens te werk.
• Om ʼn noodplan gereed te hê.
(Aangepas vanuit:
http://www.brighthub.com/office/entrepreneurs/articles/73616.aspx#ixzz1RtouxP2V)
1.9 Samevatting
Die term "bestuur" behels ʼn verskeidenheid funksies wat in ʼn onderneming kan plaasvind
om ʼn taak suksesvol te voltooi. In die eenvoudigste taal, gaan bestuur daaroor om dinge
Studie-eenheid 1: Inleiding tot bestuur Bladsy 36
SBM105 Ondernemingsbestuur
gedoen te kry. Dit is egter ook die manier en die proses hoe ʼn mens dié teiken of doelwitte
kan bereik. Bestuur kan beskou word as ʼn kuns en ʼn wetenskap.
Bestuur kombineer kreatiewe, ondernemings- en ander analitiese vaardighede om
effektiewe doelgeoriënteerde resultate te verkry. Van die belangrikste funksies in bestuur
sluit in om te delegeer, te beplan, te organiseer, te kommunikeer, te beheer, werknemers te
motiveer, by veranderende omstandighede aan te pas, voortdurend innoverend te wees en
ʼn goeie span te bou.
1.10 Selfevaluering
Aktiwiteit 1
Jy besit jou eie onderneming en het pas twee nuwe bestuurders aangestel.
1. Verduidelik aan jou werknemers dat die bestuur van die onderneming nie net jou
verantwoordelikheid is nie, maar ʼn groepsaktiwiteit is.
2. Verduidelik wat met die eksterne omgewing van jou onderneming bedoel word.
3. Verduidelik die korporatiewe bestuurproses aan die nuwe bestuurders.
Studie-eenheid 1: Inleiding tot bestuur Bladsy 37
SBM105 Ondernemingsbestuur
Notas
Studie-eenheid 1: Inleiding tot bestuur Bladsy 38
SBM105 Ondernemingsbestuur
STUDIE-EENHEID 2: BEPLANNING
2.1 Studie-eenheid leeruitkomstes
Kennis en begrip
Na voltooiing van Studie-eenheid 2 sal jy in staat wees om jou kennis en begrip van die
volgende te demonstreer:
• Aard van beplanning
• Die belangrikheid van beplanning
• Beginsels van beplanning
• Voordele van beplanning
• Die beplanningsproses
• Onderskeid tussen strategiese en operasionele beplanning
• Beplanningshulpmiddels
Vaardighede
Jy sal ook in staat wees om:
• Die aard van beplanning te ondersoek en te beskryf.
• Die behoeftes en voordele van beplanning te ontleed.
• Die stappe in die beplanningsproses van ʼn projek toe te pas.
• Tussen strategiese en operasionele beplanning te onderskei.
• Die verskillende beplanningshulpmiddels te ondersoek en te beskryf.
Studie-eenheid 2: Beplanning Bladsy 39
SBM105 Ondernemingsbestuur
2.2 Verrykende bronne
• http://hubpages.com/hub/Nature-and-Characteristics-of-Planning
• http://managementhelp.org/planning/
• http://sbinformation.about.com/od/businessplans/a/How-To-Write-A-Business-
Plan.htm
• http://work911.com/planningmaster/faq/indextools.htm
• http://www.managementstudyguide.com/planning_advantages.htm
2.3 Hoe kan jy jou begrip verbeter?
Jy moet seker maak dat jy die volgende terminologie verstaan:
Sleutelwoord Omskrywing
Beleid ʼn Beleid is ʼn algemene stelling of stellings wat werknemers se
denke in die regte rigting stuur om besluite te kan neem.
Beplanning Beplanning kan gedefinieer word as die proses om doelwitte op te
stel, strategieë te ontwikkel waarin take en skedules uiteengesit is
om die doelwitte te bereik.
Doelwitte Doelwitte bepaal wat die onderneming wil bereik
Kosteleierskap Dit is ʼn strategie waar ʼn onderneming daarop fokus om produkte
goedkoper as sy mededingers aan te bied, deur die vermindering
van oorhoofse of vaste koste wat verband hou met vervaardiging
en verspreiding.
Markanalise Markanalise hou verband met die ondersoek van die mark
(produkte en dienste) waarin die onderneming van plan is om die
produk of diens te bemark. Die statistiek hieruit verkry moet die
plan ondersteun.
Mededingende strategie
ʼn Mededingende strategie is planne wat gemaak word in die lig
van die planne van ʼn mededinger.
Oorhoofse strategie Die doel van die oorhoofse strategie is om ʼn prentjie, van wat die
onderneming in die vooruitsig stel, te ontwikkel en te
kommunikeer.
Operasionele Operasionele beplanning verskaf spesifieke, gedetailleerde,
Studie-eenheid 2: Beplanning Bladsy 40
SBM105 Ondernemingsbestuur
beplanning omvattende, geïntegreerde doelstellings, prosedures, skedules en
begrotings om aan die doelwitte van die oorhoofse strategie te
voldoen.
Prosedures Prosedures vestig die wyse en die volgorde waarin sekere
aktiwiteite uitgevoer moet word.
Strategiese beplanning
Strategiese beplanning verwys na die doel wat die onderneming
wil bereik, maar nie noodwendig hoe om dit te bereik nie.
Strategiese beplanning definieer waarheen die onderneming op
pad is.
2.4 Inleiding
Beplanning kan gedefinieer word as die proses om doelwitte op te stel, strategieë te
ontwikkel waarin take en skedules uiteengesit is om die doelwitte te bereik. Beplanning in
ondernemings sluit die organisatoriese prosesse in om ʼn plan daar te stel en in stand te hou,
asook die sielkundige denkproses oor die aktiwiteite wat nodig is om ʼn doel te bereik.
Gedurende beplanning word die stappe wat geneem moet word om ʼn spesifieke doel te
bereik, aangedui.
Beplanning is een van die belangrikste tegnieke van projek- en tydsbestuur. As dit
doeltreffend is, kan dit tyd en moeite verminder om die doel te bereik.
ʼn Plan is soos ʼn kaart. Wanneer ʼn plan gevolg word, is dit moontlik om te sien hoeveel
vordering daar gemaak is en hoe ver die bestemming is. Om bewus te wees van die huidige
situasie, is noodsaaklik ten einde goeie besluite te kan neem oor waar om te gaan, of wat
om volgende te doen.
Nog ʼn rede waarom beplanning belangrik is, is die sogenaamde 80/20-reël. Daar word
beweer dat vir ongestruktureerde aktiwiteite, 80% van die pogings, minder as 20% resultate
oplewer. Mense spandeer baie tyd aan die vraag, “wat doen ek volgende?”, of mense neem
baie onnodige, nie-spesifieke en ondoeltreffende stappe.
Beplanning is ook belangrik vir die bepaling van behoeftes (tyd, geld of ander hulpbronne)
tydens elke aktiwiteit. Met deeglike beplanning kan ʼn persoon dikwels vooruit sien dat hy/sy
dalk vorentoe met ʼn probleem gekonfronteer gaan word. Dit is baie makliker om te beplan
om ʼn komende krisis te vermy, as om die krisis te hanteer wanneer eers plaasvind.
Beplanning moet egter ʼn realistiese siening van die verwagtinge wees. Afhangende van die
aktiwiteite, kan die beplanning langtermyn, mediumtermyn of korttermyn wees.
Studie-eenheid 2: Beplanning Bladsy 41
SBM105 Ondernemingsbestuur
Beplanning is dus ʼn vooruitskouing van wat bereik wil word en ʼn gedetailleerde uiteensetting
van die toekomstige stappe wat geneem moet word om dit te bereik. Beplanning is ook ʼn
voorbereidende stap en ʼn sistematiese aktiwiteit wat die “wanneer”, “hoe” en “wat” van
spesifieke take uitspel.
Beplanning neem die beskikbare menslike en fisiese hulpbronne van die onderneming in ag,
sodat die hulpbronne doeltreffend benut kan word. Beplanning gaan dus oor die formulering
van een of meer gedetailleerde planne om ʼn optimale balans tussen die behoeftes en eise,
met die beskikbare hulpbronne, te bereik.
(http://entrepreneursystems.com/businessblog/wp-content/uploads/2010/05/planning.jpg)
2.5 Aard van beplanning
Beplanning is die eerste en die belangrikste aktiwiteit van die bestuursfunksie. Bestuur begin
met beplanning. Beplanning bied die grondslag vir ander funksies soos organisering,
personeelbestuur, beheer, ens. en is netso belangrik soos alle ander bestuursfunksies.
Beplanning begin met die identifisering van die missie en doelwitte van die onderneming en
eindig met spesifisering van die stappe wat gevolg moet word, ten einde die doelwitte te
bereik.
Die volgende beskryf die aard van beplanning:
Primêre funksie
Beplanning is die primêre funksie van bestuur en dit gaan al die funksies soos organisering,
leiding, beheer, ens. vooraf. Al die ander funksies van bestuur hang grootliks van die
beplanning af.
Studie-eenheid 2: Beplanning Bladsy 42
SBM105 Ondernemingsbestuur
Dinamiese proses
Beplanning is ʼn deurlopende bestuursfunksie met betrekking tot komplekse prosesse, soos
waarneming, ontleding, kommunikasie, besluitneming en optrede. Beplanning hou nooit op
nie. Die meeste van die planne verander en hersiening moet plaasvind volgens die
verandering van omstandighede. So sal die beplanningsproses voortgaan en nooit tot ʼn
einde kom nie.
Doelwitte en beleid
Die beplanningsproses behels die opstel van doelwitte wat bereik moet word en die bepaling
van die tegnieke/riglyne vir die bereiking van hierdie doelwitte. Die verskillende
tegnieke/riglyne, soos beleide, programme en prosedures, word geformuleer. Doelwitte
bepaal waar die onderneming wil gaan, terwyl beplanning die brug is, tussen waar die
onderneming tans is, en waar hulle wil wees. Dus, is daar ʼn noue verwantskap tussen
beplanning en doelstellings.
Selektiewe proses
Beplanning is ʼn selektiewe proses om te bepaal hoe die spesifieke doelwitte bereik moet
word. Daar is gewoonlik ʼn aantal alternatiewe, die beplanningsbestuurder moet egter slegs
een alternatief kies wat die beste vir die onderneming sal wees.
Verspreiding van beplanning
Beplanning word in die algemeen as ʼn funksie van die topbestuur beskou, maar dit is nie
waar. Die beplanningsfunksie moet versprei word dwarsdeur die onderneming. Elke
bestuurder het ʼn beplanningsfunksie om te verrig. Slegs die omvang van beplanning verskil
van persoon tot persoon, afhangende van die vlakke van bestuur.
Intellektuele proses
Beplanning is ʼn intellektuele aktiwiteit. Dit is ʼn proses waar ʼn aantal stappe geneem moet
word om uiteindelik die toekomstige plan van aksie te bepaal. Verskillende vlakke van
bestuur moet die verskillende aksieplanne, die bereiking van die gewenste doelwitte, die
gedetailleerde proses van elke aksieplan oorweeg en dan besluit watter aksieplan die beste
resultate sal lewer.
Beplanning is gerig op doeltreffendheid
Alle beplanningsfunksies in die onderneming is daarop gerig om die doeltreffendheid van die
onderneming te verhoog. Beplanning is ʼn intellektuele aktiwiteit wat dus poog om die beste
manier om dinge doen, te bepaal, en om die doelwitte en doelstellings te bereik. Beplanning
is dus op doeltreffendheid gerig.
Studie-eenheid 2: Beplanning Bladsy 43
SBM105 Ondernemingsbestuur
Fokus op toekomstige aktiwiteite
Beplanning is hoofsaaklik gemoeid met die toekoms. Dit voorspel die toekomscenario waarin
die onderneming gaan funksioneer. Beplanning besluit dus in die hede, wat in die toekoms
gedoen moet word.
Buigsaamheid van beplanning
Beplanning moet buigsaam en toekomsgerig wees. Dit is altyd dinamies en daarom is
aanpassings tussen die verskillende faktore en beplanning nodig.
Beplanning word op feite gebaseer
Beplanning is nie raaiwerk nie. Dit is ʼn bewustelike daarstel van ʼn toekomstige plan van
aksie. Beplanning word gebaseer op feite, doelwitte en voorspellings word oorweeg.
(Aangepas vanuit: http://youcanwin.hubpages.com/hub/Nature-and-Characteristics-of-
Planning)
2.6 Waarom is beplanning dan nodig?
Die volgende is redes wat aangevoer word, hoekom beplanning as noodsaaklik beskou kan
word:
• Beplanning is soos ʼn padkaart wat presies aandui waarheen die onderneming oppad
is.
• Beplanning kan intern gebruik word om die onderneming te bestuur en te beheer.
• Beplanning stel prestasiedoelwitte vir bestuurders en die onderneming. Sodra die
doelwitte gestel is, kan prestasie nagegaan word.
• Beplanning verminder vermorsing en duplisering van aktiwiteite.
• Beplanning stel bestuurders in staat om markgebeure te ontleed.
• Beplanning dwing bestuurders om die interne en eksterne ondernemingsomgewing
deeglik te kan ontleed. Ondernemings moet vir seisoenale skommelinge en verwagte
toenames of afnames in aanvraag beplan.
• Beplanning laat bestuurders objektief na die onderneming kyk.
• Beplanning stel bestuurders in staat om die ondernemingsprioriteite te verstaan.
• Beplanning beteken minder verrassings.
• Beplanning skep ʼn bewustheid en aanvaarding van verandering.
Studie-eenheid 2: Beplanning Bladsy 44
SBM105 Ondernemingsbestuur
(http://www.zmelifetips.com/wp-content/uploads/2009/03/planning-1.jpg)
2.6.1 Tipes beplanning
Beplanning kan verdeel word op grond van omvang, betekenis en tyd.
Verdeling op grond van omvang
Hierdie tipe beplanning bestaan uit twee vlakke, naamlik:
• Korporatiewe beplanning vir die hele onderneming .
• Sub-korporatiewe of funksionele beplanning binne die verskillende afdelings of
eenhede.
Verdeling van beplanning op grond van betekenis
Hierdie tipe beplanning bestaan uit twee kategorieë, naamlik:
• Strategiese beplanning
• Operasionele beplanning
Verdeling van beplanning op grond van tyd
Hierdie tipe beplanning bestaan uit twee kategorieë, naamlik:
• Langtermynbeplanning vir periodes langer as een jaar
• Korttermynbeplanning vir ʼn tydperk van een jaar of minder
2.6.2 Soorte planne
Die volgende is die soorte planne wat dikwels in ondernemings gebruik word:
Oorhoofse strategieë
Die belangrikste betekenis en nut van oorhoofse strategieë lê daarin dat dit ʼn duidelike
oorhoofse blik bied op die rigting waarin die meer gedetailleerde programme van die
Studie-eenheid 2: Beplanning Bladsy 45
SBM105 Ondernemingsbestuur
onderneming moet beweeg. Die fokus in oorhoofse strategieë val op die bereiking van die
basiese doelwitte van die onderneming.
Die doel van die oorhoofse strategie is om ʼn prentjie, van wat die onderneming in die
vooruitsig stel, te ontwikkel en te kommunikeer. ʼn Raamwerk word gegee in die oorhoofse
strategie om die onderneming se denke te lei.
Voorbeeld 2.1
Besoek die volgende webtuiste vir ʼn voorbeeld van die verhouding tussen die oorhoofse
strategie en die ander strategieë:
http://www.easy-strategy.com/corporate-strategy.html)
Mededingende strategieë
Mededinging bestaan waar twee of meer persone streef om dieselfde doelwitte te bereik
onder toestande waaruit almal nie voordeel kan trek nie. ʼn Mededingende strategie is planne
wat gemaak word in die lig van die planne van ʼn mededinger. Die planne word gemaak in
reaksie op ʼn strategiese skuif van ʼn mededinger.
Om die mededinger se planne te verstaan, moet ʼn bestuurder hom/haarself in die
mededinger se plek plaas en planne vir die mededinger ontwikkel, gebaseer op sy/haar
kennis van die mededinger se doelwitte en die omstandighede waarin die mededinger is.
Industriële spioenasie vind soms plaas om ʼn begrip van die mededinger se planne te kry.
Daar kan tussen die volgende tipes mededingende strategieë onderskei word:
• Kosteleierskap Dit is ʼn strategie waar ʼn onderneming daarop fokus om produkte goedkoper as sy
mededingers aan te bied, deur die vermindering van oorhoofse of vaste koste wat
verband hou met vervaardiging en verspreiding. Dit vereis ʼn fokus op die
doeltreffendheid van produksielyne en ekonomieë van skaal. Hierdie strategie word
gevolg waar kliënte maklik van verskaffer kan verander en produkte of dienste so
gestandaardiseer is, dat die verbruiker goed bekend is daarmee.
ʼn Voorbeeld van ʼn kosteleierskapstrategie is die strategie wat supermarkte ten
opsigte van noodsaaklike goedere, soos melk en brood, volg. Deur gebruik te maak
van hierdie strategie, word die bemarking van die produk minder belangrik.
Voorbeelde van goedere in hierdie kategorie:
Studie-eenheid 2: Beplanning Bladsy 46
SBM105 Ondernemingsbestuur
• Differensiasie Hierdie strategie word gevolg waar ʼn unieke kenmerk van ʼn produk of diens uitgelig
word, relatief tot soortgelyke alternatiewe wat deur die mededinging aangebied word.
ʼn Voorbeelde is Coca-Cola wat differensieer deur die bou van ʼn sterk handelsmerk,
of Sony wat differensieer op grond van die kwaliteit of betroubaarheid van produkte.
Kliënte te reageer op hierdie strategie deur gewillig te wees om meer te betaal vir
groter betroubaarheid of kwaliteit, of deur telkens na ʼn betroubare handelsmerk terug
te keer. Dit maak grootliks staat op bemarking of advertensies om die
handelsmerkidentiteit te handhaaf.
Voorbeelde van goedere in hierdie kategorie:
• Fokus Hierdie strategie word gemik op ʼn spesifieke teikenverbruikersgroep, byvoorbeeld
kulturele, ekonomiese, politieke, geografiese of ouderdomsverwante groepe. Die
strategie gebruik ʼn kostefokus, of ʼn differensiasie fokus binne die teikengehoor. In
hierdie sin is dit ʼn enger toepassing van een van die bogenoemde strategieë. Sekere
toermaatskappye fokus, byvoorbeeld, op ʼn spesifieke groep verbruikers – diegene
ouer as 50.
(Aangepas vanuit: http://www.lmcuk.com/management-tool/generic-competitive-strategies)
Beleid ʼn Beleid is ʼn algemene stelling of stellings wat werknemers se denke in die regte rigting
stuur om besluite te kan neem. Beleid baken ʼn gebied af, waarbinne ʼn besluit geneem moet
word en verseker dat die besluit in ooreenstemming is met en bydra tot die doelwitte.
Studie-eenheid 2: Beplanning Bladsy 47
SBM105 Ondernemingsbestuur
(http://www.christianleadershipalliance.org/resource/resmgr/home/policy_manual.jpg)
Prosedures Prosedures is planne wat ʼn metode vir die hantering van aktiwiteite vasstel. Prosedures gee
ʼn kronologiese volgorde van die vereiste optrede.
Reëls ʼn Reël is die eenvoudigste tipe plan. ʼn Reël vereis dat ʼn spesifieke en definitiewe aksie
geneem word, of nie geneem word, met betrekking tot ʼn situasie.
Programme ʼn Program is ʼn samestelling van beleid, prosedures, reëls en opdragte om ʼn plan van aksie
uit te voer. ʼn Program word ondersteun deur die nodige kapitaal- en bedryfsbegrotings.
Begrotings ʼn Begroting is ook ʼn plan. Dit is ʼn verklaring van die verwagte resultate uitgedruk in
numeriese terme.
(Aangepas vanuit: http://hubpages.com/hub/Nature-and-Characteristics-of-Planning)
Die volgende is ʼn voorbeeld van ʼn begroting:
Voorbeeld 2.2
Sample Company Budget January 1, xxxx to December 31, xxxx
Category
Actual
Budget
Difference
Inflows
Net Sales 385,400 300,000 85,400
Cost of Goods
Merchandise Inventory, January 1 160,000 160,000 0
Studie-eenheid 2: Beplanning Bladsy 48
SBM105 Ondernemingsbestuur
Purchases 120,000 90,000 30,000
Freight Charges 2,500 2,000 500
Total Merchandise Handled 282,500 252,000 30,500
Less Inventory, December 31 100,000 120,000 (20,000)
Cost of Goods Sold 182,500 132,000 50,500
Gross Profit 202,900 168,000 34,900
Interest Income 500 700 (200)
Total Income 202,500 168,700 33,800
Expenses
Salaries 68,250 45,000 23,250
Utilities 5,800 4,500 1,300
Rent 23,000 23,000 0
Office Supplies 2,250 3,000 (750)
Insurance 3,900 3,900 0
Advertising 8,650 9,000 (350)
Telephone 2,700 2,300 400
Travel and Entertainment 2,550 2,000 550
Dues & Subscriptions 1,100 1,000 100
Interest Paid 2,140 2,500 (360)
Repairs & Maintenance 1,250 1,000 250
Taxes & Licenses 11,700 10,000 1,700
Total Expenses 133,290 106,850 26,440
Net Income R69,210 R61,850 R7,360
(http://www.smallbusinessnotes.com/business-finances/budget-example.html)
2.7 Beginsels van beplanning
Die volgende is die algemene beginsels waarop beplanning berus:
Studie-eenheid 2: Beplanning Bladsy 49
SBM105 Ondernemingsbestuur
Figuur 2.1: Beplanning (Outeur, 2011)
2.7.1 Verwantskap met die doel en aard van die onderneming
Beginsel: Bydrae tot doelwitbereiking
Elke beplanningsaksie moet ʼn positiewe bydra tot die bereiking van die onderneming se
doelwitte lewer. Hierby word ook die planne wat uit sodanige beplanningsaksie voortspruit,
ingesluit.
Beginsel: Die doeltreffendheid van die planne
Die doeltreffendheid van planne word gemeet aan die bydrae van die plan om die doelwitte
van die onderneming te bereik, minus die koste in die formulering en implementering van die
plan.
Beginsel: Beplanning as primêre aksie
Beplanning is die primêre voorvereiste vir al die ander funksies van bestuur. Elke optrede
van die bestuurder volg op ʼn beplanningstap.
2.7.2 Beginsels van toepassing op die struktuur van planne
Beginsel: Beplanningsuitgangspunte of veronderstelling
Daar moet gemeenskaplike en konsekwente beplanningsuitgangspunte of veronderstellings
in elke onderneming wees. Indien almal in ʼn onderneming hierdie gemeenskaplike en
konsekwente beplanningsuitgangspunte gebruik, sal die onderneming beplanning beter kan
koördineer.
BEPLANNING
Bydra tot die doel en aard
van die onderneming
Struktuur van die planne
Proses van beplanning
Studie-eenheid 2: Beplanning Bladsy 50
SBM105 Ondernemingsbestuur
Beginsel: Beleidsraamwerk
Toepaslike beleid vir die onderneming moet in duidelike terme verwoord word. Indien
bestuur hierdie beleid verstaan, sal die planne van die onderneming meer konsekwent en
volledig wees. Dit is ook belangrik dat die beleid vir alle betrokke personeel toeganklik is.
Beginsel: Tydsberekening
As die planne so gestruktureer is dat dit ʼn netwerk van afgeleide planne in volgorde,
aanbied, sal daar meer doeltreffendheid in die bereiking van die onderneming se doelwitte
wees. Die tydsberekening vir die inwerkingstelling van planne is dus van kardinale belang.
Die volgende is ʼn voorbeeld van die struktuur van ʼn tipiese plan waar nuwe produkte/dienste
beplan word:
Voorbeeld 2.3
Struktuur vir ʼn plan
• Opsomming/oorsig
Die opsomming is die eerste gedeelte van die plan. Dit bied ʼn oorsig van al die ander
afdelings in die plan.
• Produkte of dienste
Die produkte of dienste-afdeling van die plan moet duidelik beskryf watter produkte en/of
dienste verkoop word, met die klem op die waarde wat dit aan kliënte bied.
• Markanalise
Die volgende afdeling, markanalise, gee ʼn gedetailleerde oorsig van die bedryf waarin die
onderneming van plan is, om die produk of diens te bemark, insluitende statistieke om die
plan te ondersteun.
• Bemarkingstrategie
Die volgende afdeling is die bemarkingstrategie. Die bemarkingstrategie is gebaseer op
die analise van die mark. Hierdie afdeling gee ʼn uiteensetting van waar die produk/diens
in die mark inpas en hoe die produk/diens geprys, bemark en verkoop sal word.
• Bestuursopsomming
Die bestuursopsomming van die plan, beskryf hoe die onderneming gestruktureer is,
noem almal wat betrokke is, gee ʼn uiteensetting van eksterne bronne en verduidelik hoe
die produk/diens bestuur sal word.
Studie-eenheid 2: Beplanning Bladsy 51
SBM105 Ondernemingsbestuur
• Finansiële analise
Die finansiële analise gedeelte van die plan moet besonderhede bevat oor die
finansiering van die produk/diens wat nodig sal wees vir toekomstige groei, asook die
beraming van die bedryfsuitgawes.
• Aanhangsels en ondersteunende inligting
Die bylae van die plan sluit inligting in oor die aannames en rasionaal in die daarstel van
die plan. Dit sluit ook grafieke, statistieke, foto's, bemarkingsmateriaal, navorsing en
ander relevante data in.
(http://sbinformation.about.com/od/businessplans/a/How-To-Write-A-Business-Plan.htm)
2.7.3 Beginsels van toepassing op die beplanningsproses
Beginsel: Alternatiewe
Daar moet altyd alternatiewe planne wees. Daar moet dus nie net op een plan staatgemaak
word nie. Kies die plan wat die mees doeltreffende vir die situasie en vir doeltreffende
doelwitbereiking sal wees.
Beginsel: Beperkende faktore
In alle planne is daar een of ander beperkende faktor wat die doeltreffendheid daarvan kan
benadeel. Oorweeg die beperkende faktore in al die alternatiewe planne en neem dit in ag
by die keuse van die beste alternatief.
Beginsel: Toewysing
Die beplanning moet die tydperk insluit waar daar met redelike sekerheid toegang tot die
hulpbronne sal wees.
Beginsel: Buigsaamheid
Om buigsaamheid in beplanning in te bou is voordelig, maar die koste van hierdie
buigsaamheid moet opgeweeg word teen die voordele wat dit kan inhou.
Beginsel: Rigtingverandering
Bestuurders moet van tyd tot tyd die vordering van die plan moniteer en evalueer. Indien
nodig, moet planne aangepas word om te verseker dat die uiteindelike doel nog steeds
behaal kan word.
Studie-eenheid 2: Beplanning Bladsy 52
SBM105 Ondernemingsbestuur
Beginsel: Mededingende strategieë
In ʼn mededingende wêreld is dit belangrik om planne te kies met inagneming van wat
mededingers doen, of nie doen nie. Die aanpassing van planne en aktiwiteite word juis
dikwels veroorsaak deur wat die mededingers doen, of nie doen nie.
(Aangepas vanuit: http://knol.google.com/k/planning-a-management-
process#Principles_of_Planning_(28)Koontz_and_O(27)Donnel(29))
2.8 Voordele van beplanning
Die volgende word as die voordele van doeltreffende beplanning geag:
2.8.1 Beplanning fasiliteer doelwitbestuur
Beplanning begin met die bepaling van doelwitte. Beplanning:
• beklemtoon die doel waarvoor verskeie aktiwiteite onderneem gaan word.
• maak die doelwitte duideliker en meer spesifiek.
• help om die aandag van die werknemers te fokus op die doelstellings en doelwitte
van die onderneming.
Sonder beplanning het ʼn onderneming nie ʼn riglyn/gids nie. Beplanning bring orde en
rasionaliteit in die onderneming.
2.8.2 Beplanning verminder onsekerhede
Om sake te bedryf is vol onsekerhede en daar is risiko's weens hierdie onsekerhede.
Beplanning help in die vermindering van die onsekerhede van die toekoms, want dit
antisipeer toekomstige gebeure.
Alhoewel die toekoms nie met 100%-akkuraatheid voorspel kan word nie, kan beplanning
die bestuur help om die toekoms te antisipeer en voor te berei vir moontlike risiko's.
2.8.3 Beplanning fasiliteer koördinering
Beplanning is gefokus op die bereiking van organisatoriese doelwitte. Alle aktiwiteite is dan
gemik op gemeenskaplike doelwitbereiking. Dit is egter nodig om die hele onderneming met
al die departemente en groeperinge met mekaar te integreer. Daardeur word duplisering van
pogings vermy. Met ander woorde, beplanning lei tot ʼn beter koördinering van aktiwiteite. Dit
help ook met probleemidentifisering in bedryfsprosesse.
2.8.4 Beplanning verbeter werknemers se moraal
Beplanning skep ʼn atmosfeer van orde en dissipline in die onderneming. Werknemers weet
vooraf wat van hulle verwag word en dus kan standaardisasie maklik bereik word. Dit
moedig werknemers aan om hul beste te lewer en ook om beloning te verdien. Beplanning
Studie-eenheid 2: Beplanning Bladsy 53
SBM105 Ondernemingsbestuur
skep ʼn gesonde houding teenoor die werksomgewing, wat help in die bevordering van
werknemers se moraal en doeltreffendheid.
2.8.5 Beplanning help in die bereiking van ekonomiese doeltreffendheid
Doeltreffende beplanning bevorder ekonomiese doeltreffendheid, aangesien dit lei tot ʼn
ordelike toekenning van hulpbronne aan die verskeie aktiwiteite. Dit fasiliteer ook die
optimale benutting van hulpbronne wat doeltreffendheid kan meebring in die verskillende
bedrywighede.
Dit voorkom ook die vermorsing van hulpbronne deur die doeltreffendste gebruik daarvan
wat sal bydra tot die doelwitte van die onderneming. Byvoorbeeld, grondstowwe kan in
grootmaat aangekoop word om vervoerkoste tot ʼn minimum te beperk. Terselfdertyd sorg dit
vir ʼn voldoende toevoer na die produksie-afdeling wat kan bydra tot algehele
doeltreffendheid.
2.8.6 Beplanning fasiliteer kontrole en beheer
Beplanning fasiliteer die skep van beplande doelwitte en standaarde van prestasie. Dit
voorsien dus ʼn grondslag vir beheer in die onderneming. ʼn Doeltreffende stelsel van beheer
kan nie bestaan sonder weldeurdagte planne nie. Beplanning voorsien voorafbepaalde
doelwitte waarteen die werklike prestasie gemeet kan word. Beplanning en beheer is die
twee kante van dieselfde muntstuk. As beplanning die wortel is, is beheer die vrug.
2.8.7 Beplanning bied ʼn mededingende voordeel
Beplanning bied ʼn mededingende voordeel aan die onderneming oor ondernemings wat nie
doeltreffend beplan nie. Die rede hiervoor is dat beplanning die verandering in
werksmetodes, gehalte, hoeveelheidsontwerpe, die uitbreiding van die werk, herdefiniëring
van doelwitte, ens. behels.
Met die hulp van voorspellings beskerm die onderneming nie net sy toekoms nie, maar
terselfdertyd stel dit hom in staat om die toekomsmotiewe van die mededinger te bepaal.
Beplanning lei dus tot die beste benutting van beskikbare hulpbronne, verhoog die kwaliteit
van die produksie en verbeter dus die mededingende krag van die onderneming.
2.8.8 Beplanning moedig innovasie aan
In die proses van beplanning het bestuurders die geleenthede om maniere voor te stel ter
verbetering van prestasie. Beplanning is in wese ʼn besluitnemingsfunksie wat kreatiewe
denke en verbeelding stimuleer, wat uiteindelik kan lei tot innovasie van metodes en
bedrywighede met die oog op die groei en welvaart van die onderneming.
(Aangepas vanuit: http://www.managementstudyguide.com/planning_advantages.htm)
Studie-eenheid 2: Beplanning Bladsy 54
SBM105 Ondernemingsbestuur
2.9 Die beplanningsproses
(http://www.dirjournal.com/business-journal/wp-content/uploads/2009/02/business-plan.jpg)
Die beplanningsproses sluit aktiwiteite in, wat in ʼn spesifieke volgorde uitgevoer word,
ongeag of dit ʼn onderneming, departement, organisasie of projek is.
Die volgende is tipiese fases in beplanning:
Figuur 2.2: Fases in beplanning (Outeur, 2011)
Oorhoofse missie
Bestekopname
Situasie-analise
Stel doelwitte vas
Stel strategieë vas
Stel mylpale vas
Ken verantwoordelikhede toe
Skryf en kommunikeer die plan
Voltooi die projek
Studie-eenheid 2: Beplanning Bladsy 55
SBM105 Ondernemingsbestuur
Oorhoofse missie
Tydens die beplanning het beplanners bewustelik of onbewustelik een doel voor oë. Tydens
strategiese beplanning, is dit uiters noodsaaklik om die missie of oorkoepelende doel van die
onderneming in gedagte te hou.
Bestekopname
ʼn Bestekopname word altyd bewustelik of onbewustelik gedoen. Byvoorbeeld, tydens
strategiese beplanning, is dit belangrik om die omgewing te verken. Hierdie verkenning
behels gewoonlik ʼn oorweging van verskeie dryfkragte, of groot invloede, wat op die
onderneming kan in werk.
Situasie-analise
Tydens strategiese beplanning voer beplanners dikwels ʼn SWOT-analise (SWOT analyses:
Strengths, Weaknesses, Opportunities and Threats) uit. SWOT is ʼn akroniem vir die
oorweging van die onderneming se sterk- en swakpunte, geleenthede en bedreigings wat
die onderneming in die gesig staar. Gedurende hierdie analise doen beplanners ook ʼn
verskeidenheid van ander evaluerings, of gebruik ander metodes om die “gesondheid” van
stelsels te meet.
Stel doelwitte vas
Gebaseer op die analise en die oorhoofse missie van die onderneming, stel beplanners
doelwitte vas, wat op die sterkpunte bou om uit geleenthede voordeel te trek, terwyl dit die
swakhede aanspreek om bedreigings af te weer.
Stel strategieë vas
Daar moet nou spesifieke strategieë bepaal word om die doelwitte te behaal. Die spesifieke
strategieë (of metodes) wat gekies word om die doelwitte te bereik, hang van sake soos
bekostigbaarheid, doenlikheid en doeltreffendheid af.
Stel mylpale vas
Mylpale word gekies om ʼn aanduiding van vordering na doelwitte aan te toon. Dit is
belangrik omdat dit sal uitwys as daar regstellende aksies nodig is, om die doelwitte te
bereik.
Ken verantwoordelikhede toe
Verantwoordelikhede word toegeken, vir die implementering van die plan, sowel as die
bereiking van die verskeie doelwitte en doelstellings. Ideaal-gesproke moet daar
teikendatums vir die bereiking van elke mylpaal toegeken word.
Studie-eenheid 2: Beplanning Bladsy 56
SBM105 Ondernemingsbestuur
Skryf en kommunikeer die plan
Bogenoemde inligting word georganiseer en in ʼn dokument vervat wat deur die betrokke
afdelings van die onderneming versprei word.
Amptelike voltooiing die projek
Hierdie kritiese stap word dikwels geïgnoreer wat uiteindelik kan lei tot die ondermyning van
die sukses van toekomstige beplanningspogings. Die doel van ʼn plan is om ʼn huidige
probleem aan te spreek en dan lesse daaruit te leer. Hierdie lesse kan dan later handig te
pas kom, as nuwe planne gemaak moet word.
(Aangepas vanuit: http://managementhelp.org/planning/)
2.10 Strategiese beplanning
Strategiese beplanning is van kritieke belang vir enige onderneming se sukses. Dit verskil
van die klassieke sakebeplanning deurdat strategiese beplanning visie-, missie-, asook
kreatiewe denke behels. Strategiese beplanning beskryf waarheen die onderneming wil
gaan; nie noodwendig hoe om daar te kom nie. Strategiese beplanning definieer waarheen
die onderneming op pad is.
(http://www.polk.edu/businessandcommunity/officeofinstructionalresearchandreporting/Publi
shingImages/strate4.jpg)
Studie-eenheid 2: Beplanning Bladsy 57
SBM105 Ondernemingsbestuur
2.11 Die aard van strategiese beplanning
Die volgende beskryf die aard van strategiese beplanning:
Funksie
Strategiese planne is uitdrukkings van drome en visies van suksesvolle resultate.
Strategiese beplanning funksioneer as die "ontwerp" van hoe om iets te bou. Die strategiese
plan gee die finale produk of doel. Gewoonlik, in kleiner ondernemings, is strategiese
beplanning gefokus op die totale onderneming en nie net op ʼn departement of afdeling nie.
Improvisering
In teenstelling met die onderneming se planne, is daar nie net een regte manier om
doeltreffende strategiese beplanning te skep nie. Dit behels die doeltreffende toepassing van
die beginsels van ʼn dinkskrum. Strategiese beplanning behels "aanvoeling", sowel as die
toepassing van die bestuurswetenskappe. Omdat kreatiwiteit ʼn groot rol speel, is daar geen
perfekte manier om ʼn wen-strategiese plan te ontwerp nie. Hoe beter die onderneming die
industrie en die korporatiewe doelwitte verstaan word, hoe beter is die wen-strategie wat
geskep word.
Strategieë en metodes
Om doelstellings voor oë te stel en te skep en om dan strategieë te definieer om hierdie
doelwitte te bereik, vorm die kern van strategiese beplanning. Strategiese denke identifiseer,
by implikasie, die metodes wat geneem moet word om die doelwitte te bereik.
Byvoorbeeld, as die onderneming glo dat hy sy e-handelsfunksie moet uitbrei, sodat verkope
kan toeneem, word die metode om hierdie doelwitte te bereik, by implikasie, geïdentifiseer.
Deur die strategie te kies, word die metode gedefinieer, wat gebruik moet word in die
gedetailleerde spesifikasies van die sakeplan.
Strategie definieer aksie
So kritiek as wat beplanning is vir die sukses van die onderneming, so nutteloos is
beplanning, tensy dit gevolg word deur aksie. ʼn Bykomende voordeel van strategiese
beplanning is die logiese aksieplan, wat spruit uit die identifisering van die voorkeurstrategie.
Terwyl die strategiese beplanning die visie, missie en drome behels, bepaal dit ook verder
die grondbeginsels van die aksieplan om die gewenste resultate te bereik. Byvoorbeeld, as
ʼn strategie aanvaar word wat onderneming-tot-onderneming-inkomste sal verhoog, word die
basiese aksieplan outomaties identifiseer.
(Aangepas vanuit: http://smallbusiness.chron.com/strategic-planning-important-business-
2671.html)
Studie-eenheid 2: Beplanning Bladsy 58
SBM105 Ondernemingsbestuur
2.12 Strategiese beplanningsproses
Daar is ʼn verskeidenheid modelle en aksieplanne vir strategiese beplanning. ʼn Voorbeeld
van een so ʼn benadering word hieronder gegee:
Stap 1: Stem ooreen oor die proses van strategiese beplanning
Dit kan gedoen word by ʼn vergadering met die bestuur en sleutelpersoneel. By hierdie
sessie moet die volgende plaasvind:
• Verskaf ʼn oorsig van wat strategiese beplanning behels en hoe dit gedoen word.
• Bespreek die potensiële waarde vir die onderneming – die daarstel van ʼn
gemeenskaplike visie en fokus aan die onderneming, met ooreengekome doelwitte
en strategieë.
• Oorweeg die koste aan personeel en ander hulpbronne om die strategiese
beplanning te doen.
• Oorweeg of die onderneming gereed is vir ʼn langtermynplan en of dit dalk moet fokus
op ʼn korttermynplan.
• As strategiese beplanning blyk toepaslik te wees, oorweeg watter prosedures en
stappe gebruik kan word om ʼn strategiese plan daar te stel en te implementeer.
• Bereik konsensus oor die proses en verantwoordelikhede vir die verskillende stappe
in die proses.
Stap 2: Voer ʼn omgewingsverkenning uit
Dit help om ʼn begrip te verkry oor hoe die onderneming in die eksterne omgewing inpas en
hoe die interne omgewing lyk. Die eksterne komponent van die omgewingsverkenning moet
ʼn hersiening wees van die teiken- of diensgemeenskap en die breër omgewing waarin die
onderneming sake bedryf, asook die geleenthede en bedreigings wat die onderneming in die
gesig staar. Die interne komponent van die omgewingsverkenning sluit ʼn beoordeling van
die onderneming se sterk- en swakpunte in. ʼn SWOT-analise word aanbeveel.
Stap 3: Identifiseer belangrike kwessies, vrae en keuses wat aangespreek moet word as deel van die strategiese beplanningspoging
Dit beteken die spesifisering van die strategiese kwessies of die vrae wat die onderneming
moet aanspreek, en die stel van prioriteite in terme van tyd en/of belangrikheid.
Stap 4: Definieer of hersien die onderneming se waardes, visie en missie
Maak seker daar is konsensus oor waarom die onderneming bestaan, watter doelwitte of
uitkomste dit wil bereik, waarvoor dit staan en wie dit dien.
Studie-eenheid 2: Beplanning Bladsy 59
SBM105 Ondernemingsbestuur
Stap 5: Ontwikkel ʼn gedeelde visie vir die onderneming
In sommige strategiese beplanningspogings word ʼn visie vir die onderneming ontwikkel,
nadat ʼn visie vir die gemeenskap bespreek is. Die aanname is dat ʼn gedeelde
organisatoriese visie afhanklik kan wees van ʼn gedeelde visie van waarheen die samelewing
op pad is.
Stap 6: Ontwikkel ʼn reeks doelwitte wat die onderneming vir ʼn aantal jare sal beskryf
Dit is gewoonlik ʼn klein stappie van die visie tot by doelwitformulering. Dit is baie waardevol
om die visie te omskep in ʼn reeks belangrikste doelwitte vir die onderneming, verkieslik in
die vorm van statusstellings wat die onderneming beskryf.
Stap 7: Kom ooreen oor die sleutelstrategieë om doelwitte te bereik en belangrikste kwessies wat deur die omgewingsverkenning identifiseer is
Die klem moet op breë strategieë wees, insluitend die huidige en nuwe program,
samewerkingsooreenkomste, of ander benaderings. Hierdie strategieë moet in verband
gebring word met spesifieke doelwitte, of verskeie doelwitte aanpreek.
Stap 8: Ontwikkel ʼn aksieplan wat fokus op doelwitte en bepaalde doelwitte en jaarlikse werksplanne
Sodra die langer termyn elemente van ʼn strategiese plan ontwikkel is, is dit tyd om ʼn
spesifieke werksplanuitvoering te implementeer. Strategiese beplanning moet die strategieë
van die huidige toestande binne die onderneming en die eksterne omgewing in ag neem.
Stap 9: Finaliseer ʼn skriftelike strategiese plan wat ʼn opsomming van die resultate en die besluite van die strategiese beplanningsproses is
Daar is geen vasgestelde formaat vir die plan nie, maar dit is belangrik dat die uitsette van
elke stap ingesluit word.
Stap 10: Bou prosedures in vir die monitering en wysiging van strategieë, gebaseer op veranderinge in die eksterne of interne (in die onderneming) omgewing
Moniteer gereeld die vordering ten opsigte van doelwitte en doelstellings en die gebruik van
strategieë. Hersien strategieë en ontwikkel jaarlikse doelwitte, gebaseer op die vordering wat
gemaak is, struikelblokke wat teëgekom word en die veranderende omgewing.
(Aangepas vanuit:
http://siteresources.worldbank.org/INTAFRREGTOPTEIA/Resources/mosaica_10_steps.pdf)
Studie-eenheid 2: Beplanning Bladsy 60
SBM105 Ondernemingsbestuur
2.13 Operasionele beplanning
Teoreties neem operasionele beplanning oor, waar strategiese beplanning eindig. In die
praktyk kom daar egter dikwels ʼn groot mate van oorvleueling voor.
Operasionele beplanning verskaf spesifieke, gedetailleerde, omvattende, geïntegreerde
doelstellings, prosedures, skedules en begrotings om die doelwitte van die oorhoofse
strategie te bereik. Terwyl die tydsraamwerk vir strategiese beplanning van een tot vyf, of
langer kan wees, fokus operasionele beplanning op die korttermyn, met sekwensiële
segmente soos 52 weke, 12 maande, ʼn kwartaal, of die helfte van die jaar.
Die volgende is ʼn voorstelling van operasionele beplanning as deel van die oorhoofse
verkoopsbeplanning:
Figuur 2.3: Operasionele beplanning
(http://trianzblog.com/wordpress/wp-content/uploads/2009/04/picture2.jpg)
2.13.1 Basis van operasionele beplanning
Basiese operasionele beplanning poog om die volgende vrae te beantwoord:
Wat?
Definieer presies wat gedoen moet word. Dit verwys na die daaglikse roetinewerk, asook
ad hoc projekte.
Wanneer?
Besluit wanneer om die werk te doen. Vir roetine operasionele beplanningswerk is dit maklik:
ontwikkel ʼn skedule, daagliks, weekliks, maandeliks. Vir projekte is dit ʼn bietjie meer
Studie-eenheid 2: Beplanning Bladsy 61
SBM105 Ondernemingsbestuur
kompleks. Word ander departemente by die projek betrek? As die finansiële departement
betrek word, sal maand- en kwartaaleindes belangrik wees.
Waar?
Enige aksie vind iewers plaas. Die bestuurder bepaal waar die beste plek vir implementering
sal wees en vra die vraag: waar is die beste plek om dit te doen? Indien die onderneming op
verskeie plekke werksaam is, kan die bestuurder die aktiwiteite aan verskeie areas toeken of
besluit om te sentraliseer.
Hoe?
Hoewel al die vrae/riglyne belangrik is, is sommige makliker om ʼn besluit oor te neem. Die
"hoe" is ʼn belangrike een. Dit is waar baie van die bestuurs- en operasionele beplanning
gedoen word.
Wie?
Die keuse van mense om die take te verrig, is ʼn voorvereiste vir die sukses van die projek.
Die bestuurder moet besluit wie verantwoordelik moet wees vir watter aktiwiteit.
Hoekom?
Die bestuurder se verantwoordelikheid is om voortdurend te vra, waarom iets gedoen word.
Vir roetinewerk daag hierdie vraag werknemers uit om beter maniere te vind om
doeltreffender te werk. Vir projekte word die "hoekoms" een van die uitsette.
(Aangepas: http://managingabusiness.com/businessplanning/operational-planning)
2.13.2 Die formaat van operasionele planne
Sodra daar op die doelwitte ooreengekom is, begin die formulering van spesifieke
funksionele en departementele planne.
Operasionele planne neem tipies een van die volgende drie formate aan:
Prosedures
Hierdie staan dikwels bekend as staande prosedures, omdat hul gebruik word vir aktiwiteite
wat dieselfde volgorde het, met geringe wysigings hier en daar. Prosedures beskryf die wyse
en die volgorde waarin sekere aktiwiteite uitgevoer moet word. Dit is veral geskik vir die
daarstel van eenvormige metodes vir rekeningkunde, aankope, vervaardiging,
personeelsake, ens. Soortgelyk aan prosedures is reëls en regulasies. Reëls en regulasies
word gewoonlik geassosieer met die beperkings wat op sekere soorte aktiwiteite geplaas
word, soos regulasies wat sekere werknemersgedrag verbied.
Studie-eenheid 2: Beplanning Bladsy 62
SBM105 Ondernemingsbestuur
Skedules
Dit is gewoonlik eenmalige planne want dit word selde meer as een keer en op dieselfde
wyse gebruik. Die mees algemene produksie-skedule word gebaseer op ʼn Gantt-kaart.
Hierdie skedule maak gebruik van ʼn karteringstegniek wat die tyd (dae, weke, maande) wat
nodig is om die verskillende aktiwiteite te voltooi, op ʼn kalender aan te bring.
Die Gantt-kaart vereenvoudig beheer deurdat dit ʼn bestuurder in staat stel om te sien wat
die vooruitgang (huidige en teikendatum) van ʼn bepaalde taak is.
Die volgende is ʼn voorbeeld van ʼn Gantt-kaart:
Figuur 2.4: Gantt-kaart
(http://home.snc.edu/eliotelfner/333/pictures/Gantt.gif)
Begrotings
Begrotings kom algemeen en byna altyd in planne voor wat net eenmaal gebruik word.
Begrotings is noodsaaklik om departementshoofde in te lig oor die finansies van die
onderneming.
Begrotings dien ʼn tweeledige doel. Aan die begin van ʼn operasionele periode
verteenwoordig dit die planne, ten opsigte van die produksie en bestuur van uitgawes, wat
elke departement veronderstel is om te bereik. Aan die einde van die tydperk is begrotings
die standaard waarteen vordering of prestasie gemeet word.
Studie-eenheid 2: Beplanning Bladsy 63
SBM105 Ondernemingsbestuur
Begrotings kan vasgestel word of buigbare wees. Vaste begrotings voorsien slegs een stel
standaarde vir die tydperk. ʼn Buigsame begroting gee twee of meer stelle standaarde wat ʼn
verhouding met ʼn kontrole faktor verteenwoordig, soos die bedrag van die omset wat
gegenereer moet word tydens die tydperk.
2.14 Beplanningshulpmiddels
Die volgende is beplanningshulpmiddels wat deur ʼn onderneming gebruik kan word:
2.14.1 SWOT Analise
SWOT is ʼn hulpmiddel vir strategiese beplanning wat gewoonlik gebruik word as deel van ʼn
omgewingsverkenning. Dit help om eksterne faktore en interne faktore te identifiseer wat in
aanmerking geneem moet word wanneer daar bepaal word waarheen ʼn onderneming in die
toekoms wil gaan.
Die proses behels die identifisering van sterkpunte, swakpunte, geleenthede, en
bedreigings. Alhoewel die SWOT-analise as deel van strategiese beplanning gedoen word,
kan dit ook onafhanklik as ʼn selfstandige ondersoek onderneem word.
Deur te kapitaliseer op sterkpunte en swakhede te verminder, is ʼn onderneming beter in
staat om voordeel te trek uit geleenthede wat na vore kom en bedreigings te hanteer voordat
dit gevaarlik geword.
Die volgende is ʼn voorbeeld van ʼn tipiese SWOT-analise van ʼn supermark:
Studie-eenheid 2: Beplanning Bladsy 64
SBM105 Ondernemingsbestuur
Figuur 2.5: SWOT-analise (http://4.bp.blogspot.com/_RzxPnyoT4Is/SfzGqLwdSGI/AAAAAAAAAHk/k1AUdYyp6ds/s400
/SWOT_analysis_example.png)
2.14.2 PEST-analise of -model
Die PEST-analise of -model is nog ʼn instrument wat soortgelyk is aan die SWOT-analise. Dit
is egter meer gespesialiseerde en fokus grootliks op die eksterne omgewing en die
belangrike faktore wat huidige en toekomstige sakebedrywighede kan beïnvloed.
Die PEST-akroniem staan vir:
• Politieke
• Ekonomiese
• Sosiale
• Tegnologie
Die eerste stap in die PEST-analise is om die politieke, ekonomiese, sosiale en tegnologiese
faktore te identifiseer. Die volgende stap is om ʼn ondernemingstrategie of strategieë te skep
wat voordeel sal trek uit hierdie tendense en veranderinge, terwyl die risiko’s vir die
onderneming, wat uit die tendense en veranderinge spruit, tot ʼn minimum beperk word.
Studie-eenheid 2: Beplanning Bladsy 65
SBM105 Ondernemingsbestuur
Die volgende is ʼn voorbeeld van ʼn PEST-analise:
Figuur 2.6: PEST-analise
(http://www.learnmarketing.net/pestmarketing.jpg)
2.14.3 Scenariobeplanning
Scenariobeplanning is ʼn term vir ʼn baie logiese en sinvolle proses – die “wat as”-proses
(what if process). Dit behels ʼn ondersoek na die toekoms, antisipering van moontlike
gebeure, scenario’s, of veranderinge. Dit is ook ʼn ontleding van die onderneming se
toekoms, indien bepaalde gebeure sou plaasvind en die beplanning hoe om enige skade te
minimaliseer en geleenthede te maksimeer.
Scenariobeplanning kyk na enige moontlike omstandighede. Byvoorbeeld, ʼn oliemaatskappy
moet die moontlikheid voorsien dat ʼn nuwe, nie-petroleumaangedrewe voertuig op die mark
kan kom, wat met die gebruik van olie as brandstof, wegdoen. In klein ondernemings kan
daar ʼn scenario wees, waar die kleinsakeperseel se huur kan verdubbel. Die kleinsakeman
moet hiervoor beplan.
Die volgende is ʼn voorbeeld van ʼn scenariobeplanning:
Studie-eenheid 2: Beplanning Bladsy 66
SBM105 Ondernemingsbestuur
Figuur 2.7: Scenariobeplanning (http://www.suggestsoft.com/images/www-sqakki-com-militaryscenarioplanning/scenario-
planning-military-software.gif)
2.14.4 Mededingersanalise
ʼn Mededingersanalise kyk na diegene wat in die mark meeding en gebruik die inligting oor
mededingers om eie sterkpunte te identifiseer, teenoor dié van die mededingers. Een van
die beginsels om mededingend te word, is om eie sterkpunte ten opsigte van die
mededingers, nog verder te versterk en swakhede te verminder. ʼn Mededingersanalise vorm
gewoonlik deel van die omgewingsverkenning.
Die volgende is ʼn voorbeeld van ʼn mededingersanalise:
Figuur 2.8: Mededingersanalise (http://www.outsource2india.com/kpo/images/analysis-framework.jpg)
Studie-eenheid 2: Beplanning Bladsy 67
SBM105 Ondernemingsbestuur
2.14.5 Doelwitmatriks
ʼn Doelwitmatriks is ʼn eenvoudige tegniek wat kan help om meer duidelikheid te verkry oor
die organisatoriese en maatskappydoelwitte, veral wanneer strategiese beplanning gedoen
word.
Die doelwitmatriks is bedoel om die volgende vrae te beantwoord:
• Waarmee is die onderneming werklik besig?
• Het die onderneming aan alles gedink?
• Wat kyk die onderneming mis?
• Het die onderneming die beoogde aksies deeglik deurdink?
• Hoe hou die onderneming se onderskeie doelwitte en doelstellings met mekaar
verband?
• Wat vertel die matriks aangaande die onderneming se gewilligheid om risiko’s te
neem ten einde te verander?
• Is die onderneming in konflik met ander?
Die doelwitmatriks bestaan uit ʼn vierkant wat verdeel is in vier kwadrante in. Die doelwitte
word ooreenkomstig twee dimensies en met behulp van ʼn Ja/Nee-antwoord geklassifiseer.
Elke doel val binne een van die kwadrante, afhangende van die antwoorde op die volgende
vrae:
• Wat wil die onderneming hê, wat die onderneming nie het nie? (Bereik)
• Wat wil die onderneming hê, wat die onderneming reeds het? (Bewaar)
• Wat het die onderneming nie, maar wil dit ook nie hê nie? (Vermy)
• Wat het die onderneming nou, wat die onderneming nie wil hê nie? (Verhinder)
(http://work911.com/planningmaster/faq/indextools.htm)
Studie-eenheid 2: Beplanning Bladsy 68
SBM105 Ondernemingsbestuur
Figuur 2.9: Doelwitmatriks (http://www.advocus.co.uk/Tools_Tips/Tools_Techniques/files/goals_grid3.jpg)
2.15 Gevallestudie
Lees die volgende gevallestudie en beantwoord dan die vrae:
Gevallestudie 2.1
ABC Tuindienste
As gevolg van ʼn mededingeranalise, wat die eienaar van ABC Tuindienste uitgevoer het, het
die onderneming se doelwitte soos volg verander:
• Die vermindering van personeel, van ses na vier.
• Die gebruik van elektriese grassnyers, in plaas van die huidige petrol-aangedrewe
snyers.
• Die uitbreiding van dienste om nou ook tuinuitleg in te sluit.
• Om nou ook op Saterdae te werk.
Opdrag:
Gebruik ʼn doelwitmatriks en gepaardgaande vrae om die onderneming se aktiwiteite te
beplan.
2.16 Samevatting
Behoorlike beplanning is noodsaaklik vir die ontstaan, instandhouding en onderhoud van ʼn
onderneming. Die bestuur van die onderneming moet beplan voor die onderneming se
Studie-eenheid 2: Beplanning Bladsy 69
SBM105 Ondernemingsbestuur
aktiwiteite in aanvang neem. Die bestuur moet die strategieë vir aktiwiteite, produksie,
bemarking, beleggings en groei beplan.
Verskillende kategorieë van planne is nodig tydens alle stadia en fases van die
onderneming. Planne word geklassifiseer in kort-, medium- en langtermynplanne. Elke
onderneming se beplanning verskil en elkeen stel sy eie daaglikse, weeklikse, kwartaallikse
en jaarlikse planne op, ooreenkomstig die behoeftes.
2.17 Selfevaluering
Aktiwiteit 2
Jy is die algemene bestuurder van ʼn groot onderneming. Daar is besluit dat die
onderneming nuwe produkte gaan vervaardig en bemark om meer mededingend in die
mark te wees. Jy moet ʼn opleidingsessie aanbied, waar jy die beginsels van behoorlike
beplanning aan die laervlakke bestuurders moet verduidelik. Berei ʼn dokument voor wat die
volgende beginsels verduidelik:
1. Die redes waarom behoorlike beplanning nodig is.
2. Onderskei tussen drie tipes mededingende strategieë.
3. Die antwoord op watter vrae die grondslag vorm van operasionele beplanning.
Bladsy 70
SBM105 Ondernemingsbestuur
STUDIE-EENHEID 3: ORGANISERING
3.1 Studie-eenheid leeruitkomstes
Kennis en begrip
Na voltooiing van Studie-eenheid 3 sal jy in staat wees om jou kennis en begrip van die
volgende te demonstreer:
• Aard en die doelwitte van organisering
• Beginsels van organisering
• Die organiseringsproses
• Gesentraliseerde en gedesentraliseerde organisering
• Verskillende organisatoriese strukture (designs)
Vaardighede
Jy sal ook in staat wees om:
• Die aard en die doelwitte van organisering te ondersoek en te beskryf.
• Die verskillende stappe in die organiseringsproses te ontleed.
• Die beginsels van organisering op ʼn projek toe te pas.
• Te onderskei tussen gesentraliseerde en gedesentraliseerde organisering.
• Te onderskei tussen die positiewe en negatiewe eienskappe van verskeie
organisatoriese strukture (designs).
Studie-eenheid 3: Organisering Bladsy 71
SBM105 Ondernemingsbestuur
3.2 Verrykende bronne
• http://managementhelp.org/organizations/design.htm
• http://www.emaytrix.com/mgmt307/section3.php
• http://www.icmrindia.org/courseware/Introduction%20to%20Management/Mgmt-
DS8.htm
• http://www.managementstudyguide.com/centralization_decentralization.htm
• http://www.managementstudyguide.com/organizing_principles.htm
3.3 Hoe kan jy jou begrip verbeter?
Jy moet seker maak dat jy die volgende terminologie verstaan:
Sleutelwoord Omskrywing
Bestuurshiërargie Bestuurshiërargie is ʼn lyn van gesag wat strek van bo na onder in
ʼn organisatoriese struktuur.
Desentralisasie Desentralisasie is ʼn sistematiese toedeling van gesag aan alle
vlakke van bestuur in die onderneming.
Organisering Organisering van die bestuursfunksie is die wyse om mense en
hulpbronne saam te laat werk na ʼn doel.
Reikwydte van bestuur
Die reikwydte van bestuur verteenwoordig die aantal individue
wat direk verantwoordelik is aan ʼn bepaalde bestuurder.
Sentralisasie Sentralisasie is die proses waar die gesag en mag van ʼn
onderneming in die hande van slegs ʼn paar individue is.
Skalaar stelsel
(scalar system)
ʼn Skalaar rangorde van bestuur (scalar chain of command) en
beheer verwys na gesag wat van bo na onder vloei.
Spesialisasie Volgens hierdie beginsel moet die werk verdeel word onder die
ondergeskiktes op grond van kwalifikasies, vermoëns en
vaardighede.
3.4 Inleiding
Nadat ʼn bestuurder ʼn plan vir sy of haar werkplek opgestel het, moet die plan in werking
gestel word. Die organiseringsfunksie van bestuur is die proses om seker te maak dat die
nodige hulpbronne beskikbaar is om die doelwitte van die onderneming te bereik.
Studie-eenheid 3: Organisering Bladsy 72
SBM105 Ondernemingsbestuur
Die organisering van hulpbronne kan ʼn verskeidenheid van dinge beteken. Indien ʼn
bestuurder in beheer is van die onderneming se menslike hulpbronne, is dit sy
verantwoordelikheid om seker te maak dat die toepaslike werknemers aangestel word.
Voorts, is dit die bestuurder se verantwoordelikheid om te verseker dat die werknemers oor
die nodige vaardighede beskik. Die organisering van hierdie werknemers (beskikbaarheid en
aanwending) is ʼn kritieke deel van die bestuurder se taak. In ʼn fabriek behels organisering,
as ʼn bestuursfunksie, ook die bestelling van onderdele en ander komponente wat nodig is
om produkte te produseer.
Organisering is ʼn daaglikse, weeklikse en jaarlikse taak vir die meeste bestuurders.
Bestuurders moet onthou dat die organisatoriese komponent konstant verander. Buigsame
bestuurders is in staat om koers te verander, wanneer dit nodig is en nog steeds aan die
kliënt se behoeftes voldoen.
Verandering is onvermydelik. Vir ondernemings wat gereeld verandering ervaar, is die
organiserende funksie nog meer belangrik. Organisatoriese veranderinge soos die
toevoeging van nuwe poste of die staking van sekere prosesse, kan die organisatoriese
vlakke en struktuur van die onderneming verander.
Persone wat van nature georganiseerd is, bereik oor die algemeen baie meer as die
ongeorganiseerde persoon. Dieselfde is geld vir georganiseerde departemente of
ondernemings. Bestuurders wat die organiseringsfunksie kan bemeester, sal meer
doeltreffend in hulle bestuurstaak wees.
Werknemers wat ʼn georganiseerde bestuurder het, sal daardie gedrag navolg en daarna
streef om ook georganiseerd te wees. Bestuurders wat die organiseringsfunksie ernstig
opneem en konsekwent werk, sal sukses in die werkplek behaal.
(http://www.unison.org.uk/laos/images/recruitment.gif)
Studie-eenheid 3: Organisering Bladsy 73
SBM105 Ondernemingsbestuur
3.5 Aard van organisering
Die organisering van die bestuursfunksie is die manier om mense en hulpbronne saam te
laat werk na ʼn doel. Die doel van organisering sluit in, maar is nie beperk tot:
• die bepaling van die take wat uitgevoer moet word, ten einde doelwitte te bereik;
• die verdeling van take in ʼn spesifieke werk;
• die groepering van take in departemente;
• verslagdoening en gesag;
• verhoudings;
• delegering van die gesag wat nodig is vir die taakvervulling, en
• die toekenning en implementering van hulpbronne op ʼn gekoördineerde wyse.
Organisering speel ʼn sentrale rol in bestuur. Sodra die planne gemaak is, is dit die
bestuurder se taak om toe te sien dat dit uitgevoer word. Gegewe ʼn duidelike missie, kern-
waardes, doelwitte en strategie, is die funksie van organisering om die proses van
implementering te begin, deur take en werksverhoudinge te verduidelik. Dit identifiseer wat
die take is, wie in beheer is van wie, en hoe verskillende mense en dele van die
onderneming met mekaar saamwerk. Natuurlik kan hierdie op verskillende maniere gedoen
word. Die strategiese leierskapsuitdaging is om die beste organisatoriese wyse te kies om
die strategie uit te voer.
3.5.1 Organisering van besluite
Om te organiseer moet bestuurders besluite neem oor die verdeling van arbeid,
werkspesialisering, bestuurshiërargie, reikwydte van die bestuur, sentralisering en
formalisering. Gesamentlik word hierdie aktiwiteite dikwels organisatoriese ontwerp genoem.
Verdeling van arbeid
Die verdeling van arbeid dra by tot verhoogde produktiwiteit en doeltreffendheid, deur
werkers toe te laat om te spesialiseer en vaardig te raak in ʼn spesifieke taak. Hierdie
beginsel, tesame met tegnologiese vooruitgang, was moontlik die dryfveer agter die
geweldige produktiwiteit van industriële maatskappye gedurende die grootste gedeelte van
die twintigste eeu.
Ten spyte van verhoging in produktiwiteit, wat moontlik gemaak word deur die verdeling van
arbeid, moet bestuurders kennis dra van die negatiewe aspekte van spesialisasie, naamlik
moegheid, spanning, verveeldheid, lae gehalte produkte, afwesigheid en verlaagde omset.
Studie-eenheid 3: Organisering Bladsy 74
SBM105 Ondernemingsbestuur
Sulke probleme het gelei tot die ontstaan van programme wat gerig is op werksuitbreiding en
werksverryking.
Verdeling in departemente
Nadat die werk wat voltooi moet word georganiseer is in die identifiseerbare take deur ʼn
proses van arbeidsverdeling, word die werk gekombineer in logiese afdelings of
departemente. Daar is baie maniere om hierdie verdeling in departemente te doen. Een van
die mees algemene vorme is funksionele departementalisering wat behels dat soortgelyke
take in ʼn bepaalde departement saamgevoeg word, soos rekeningkunde, verkope,
menslikehulpbronne, en ingenieurswese.
ʼn Ander vorm is produkdepartementalisering waar departemente rondom die produksielyne
van die onderneming georganiseer word. Ander maniere van departementalisering is om die
onderneming op grond van kliënte en/of geografiese gebied te organiseer. In die praktyk
maak die meeste groot maatskappye gebruik van ʼn hibriede vorm van departementalisering
wat beteken dat hulle een of meer van die bogenoemde metodes kombineer om hul
organisatoriese struktuur te vorm.
Die volgende is ʼn voorbeeld van organisering in verskillende departemente:
Studie-eenheid 3: Organisering Bladsy 75
SBM105 Ondernemingsbestuur
Figuur 3.1: Organisering in departemente (http://www.syfes.com/images/chart.jpeg)
Bestuurshiërargie
ʼn Bestuurshiërargie is ʼn lyn van gesag wat strek van bo na onder in ʼn organisatoriese
struktuur. Klassieke beginsels van organisering beklemtoon die belangrik om die omvang
van ʼn bestuurder se verantwoordelikhede en gesag te definieer deur die bepaling van hul
plek in die bestuurshiërargie.
Nog ʼn beginsel van organisering staan bekend as die eenheid van bevel (unity of
command), wat bepaal dat ʼn persoon slegs een meerdere moet hê aan wie hy of sy verslag
moet doen.
Die volgende is ʼn voorbeeld van ʼn enkelgesagslyn bestuurshiërargie:
Studie-eenheid 3: Organisering Bladsy 76
SBM105 Ondernemingsbestuur
Figuur 3.2: Enkelgesagslyn bestuurshiërargie (http://www.bbc.co.uk/schools/gcsebitesize/business/images/orgchart.gif)
Bestuursreikwydte
Die reikwydte van bestuur verwys na die aantal individue wat direk verantwoordelik is aan ʼn
bepaalde bestuurder. ʼn Klassieke beginsel van organisering beklemtoon die feit dat daar
bepaalde beperking op die hoeveelheid mense is, wat een bestuurder doeltreffend kan
bestuur. Bestuurders moet hierdie beperkinge in ag neem wanneer strukture georganiseer
word. Wyer reikwydtes van bestuur lei tot platter organisatoriese strukture met minder
vlakke van bestuur en word as meer doeltreffend beskou.
Indien die reikwydte egter te wyd raak, mag bestuurders nie in staat wees om voldoende
leiding aan ondergeskiktes te gee nie. Nouer reikwydtes lei weer tot hoë organisatoriese
strukture met verskeie vlakke van bestuur. Hoewel nouer reikwydtes van bestuur beter
beheer van ondergeskiktes tot gevolg het, is daar ook talle nadele, soos koste,
kommunikasieprobleme en probleme om die inisiatief en outonomie van ondergeskiktes te
ontwikkel.
In die algemeen is die neiging na wyer reikwydtes van bestuur met ʼn gepaardgaande
afname in bestuurshiërargie. Tegnologiese vooruitgang in die verwerking van inligting en
kommunikasie maak wyer reikwydtes van bestuur meer haalbaar.
Die volgende is voorbeelde van ʼn hoë en ʼn platter bestuurstruktuur:
Studie-eenheid 3: Organisering Bladsy 77
SBM105 Ondernemingsbestuur
Figuur 3.3: ʼn Hoë v. ʼn platter bestuurshiërargie http://1.bp.blogspot.com/_2vgIgz_H4g8/SG9b-
PmPT8I/AAAAAAAAAI8/M0WB4bPBF9Y/s400-R/span2.PNG
Formalisering
Die graad van formalisering in ʼn onderneming verwys na die mate waarin daar
gestandaardiseerde reëls en prosedures is wat die aktiwiteite van werknemers reguleer. ʼn
Onderneming met ʼn hoë graad van formalisering word gekenmerk deur gedetailleerde
taakomskrywings en ʼn duidelik-gedefinieerde beleid en prosedures wat ʼn wye
verskeidenheid van werknemersgedrag insluit. Andersyds word ʼn onderneming met ʼn lae
vlak van formalisering gekenmerk deur ongestruktureerde werk en ʼn gebrek aan
neergelegde beleid en prosedures.
Namate ondernemings groei, is ʼn mate van formalisering onvermydelik. Werknemers vereis
duidelike riglyne ten opsigte van werksverantwoordelikhede. Wanneer bestuurders
organiseer, moet hulle bewus wees van die koste van oormatige formalisering, wat daartoe
kan lei dat werknemers se kreatiwiteit en innovering aan bande gelê kan word, terwyl dit ook
die onderneming se vermoë om op veranderinge en probleme te reageer aan bande kan lê.
3.5.2 Faktore wat organiseringsbesluite kan beïnvloed
Daar is geen standaard formule vir die beste manier om ʼn onderneming te organiseer nie
Daar is verskeie faktore wat organiseringsbesluite kan beïnvloed.
Studie-eenheid 3: Organisering Bladsy 78
SBM105 Ondernemingsbestuur
Die belangrikste van hierdie faktore is strategie, grootte, omgewingstoestande en tegnologie.
Figuur 3.4: Organiseringsbesluite (Outeur, 2011)
Strategie
Bestuurders organiseer om die doelwitte van die onderneming te bereik. Dus, sal die
strategie van die onderneming organiseringsbesluite beïnvloed. Veranderinge in die
strategie noodsaak dikwels veranderinge in die wyse waarop die onderneming georganiseer
word.
Grootte
Klein ondernemings is gewoonlik minder geformaliseerd, gesentraliseerd en kompleks in hul
organisatoriese struktuur. Tog kan die organisasiestrukture van ondernemings van dieselfde
grootte dikwels heel verskillend wees, as gevolg van verskille in strategie,
omgewingstoestande en tegnologie.
Omgewingstoestande
Die belangrikste faktor in die eksterne omgewing wat organisering kan beïnvloed is
onsekerheid. Sommige ondernemings funksioneer in ʼn mededingende omgewing wat vinnig
kan verander en kompleks is, terwyl ander in relatief stabiele toestande funksioneer. In die
algemeen vra onstuimige eksterne omgewings vir organiseringsbesluite wat tot minder
formalisering en sentralisering in organisatoriese struktuur lei.
Die volgende is ʼn voorbeeld van die impak wat die eksterne omgewing op die onderneming
en werknemers het:
ORGANISERINGS-BESLUIT
Strategie
Grootte Omgewings-toestande
Tegnologie
Studie-eenheid 3: Organisering Bladsy 79
SBM105 Ondernemingsbestuur
Figuur 3.5: Invloed van omgewingsinvloede
(http://www.mekonginfo.org/mrc_en/doclib.nsf/0/76C720570AC11EEB47256A0E0032E54B/$FILE/Im
age3.gif)
Tegnologie
Die prosesse waarmee ʼn onderneming insette in uitsette verander, kan ook gevolge vir
organiseringsbesluite inhou. Navorsing dui daarop dat organiseringsbesluite wat lei tot ʼn
mate van formalisering, sentralisering en werkspesialisering meer geskik is vir
roetinetegnologie en dat die omgekeerde waar is vir nie-roetinetegnologie.
(Aangepas vanuit: http://www.enotes.com/management-encyclopedia/organizing)
3.5.3 Voordele van organisering
Doeltreffende organisering het talle voordele wat onder andere die volgende insluit:
• Dit help dat individue ʼn duidelike beeld het van wat van hulle verwag word.
• Dit ondersteun die beplannings- en beheeraktiwiteite.
• Organisering skep ook kanale van kommunikasie en help in die instandhouding van
die logiese vloei van werksaamhede.
Studie-eenheid 3: Organisering Bladsy 80
SBM105 Ondernemingsbestuur
• Die proses van organisering verseker doeltreffende gebruik van hulpbronne en help
om konflikte en duplisering te vermy.
• Dit koördineer verskeie aktiwiteite en bou harmonieuse verhoudings tussen lede van
die onderneming.
• Die proses van organisering help bestuurders om te fokus op die take wat logies
verband hou met ʼn gemeenskaplike doel.
(Aangepas vanuit:
http://www.icmrindia.org/courseware/Introduction%20to%20Management/Mgmt-DS8.htm)
3.6 Beginsels van organisering
Die organiseringsproses kan doeltreffend gedoen word as die bestuurders sekere riglyne het
sodat hulle besluite kan neem en kan optree. Om op ʼn doeltreffende wyse te organiseer, kan
die volgende organiseringsbeginsels deur bestuurders gebruik word:
3.6.1 Beginsel van spesialisering
Volgens hierdie beginsel moet die werk onder die ondergeskiktes verdeel word op grond van
kwalifikasies, vermoëns en vaardighede. Werksverdeling op grond van spesialisasie kan tot
ʼn meer doeltreffende onderneming lei.
ʼn Voorbeeld van spesialisering is wanneer ʼn vyfster hotel ʼn paar goed-opgeleide sjefs in
diens neem, in plaas van ʼn hele aantal onopgeleide kokke wat miskien goedkoper sal wees,
maar minder doeltreffend.
(http://tutor2u.net/economics/revision-notes/as-markets-specialisation-
trade_clip_image002.jpg)
Studie-eenheid 3: Organisering Bladsy 81
SBM105 Ondernemingsbestuur
3.6.2 Beginsel van funksionele definisie
Volgens hierdie beginsel moet al die funksies in ʼn onderneming volledig en duidelik
gedefinieer en gekommunikeer word aan bestuurders en ondergeskiktes. Dit kan gedoen
word deur pligte, verantwoordelikhede, gesag en verhoudings van mense teenoor mekaar
duidelik te definieer. Uitklaring van gesagsverantwoordelikhede en -verhoudings help met
koördinering sodat organisering doeltreffend kan plaasvind.
Byvoorbeeld, die primêre funksies van produksie, bemarking en finansies en die
gesagsverantwoordelikhede en -verhoudings in hierdie departemente moet aan elke
persoon in daardie departemente verduidelik word.
3.6.3 Beginsels van die reikwydte van beheer en toesig
Volgens hierdie beginsel is die reikwydte van toesig die aantal werknemers wat doeltreffend
deur een bestuurder hanteer en beheer kan word. Daar is twee tipes reikwydte van toesig,
naamlik:
Wye reikwydte van beheer en toesig
Dit is wanneer een bestuurder doeltreffende beheer en toesig oor ʼn groot groep mense
gelyktydig kan uitoefen. Die kenmerke van hierdie tipe beheer en toesig is:
• Minder oorhoofse koste
• Vinnige reaksie van die werknemers
• Beter kommunikasie
• Beter toesig
• Beter koördinering
• Geskik vir herhalende werk
Nou reikwydte van toesig en beheer
Die werk en gesag word verdeel onder verskeie ondergeskiktes. ʼn Bestuurder het nie toesig
en beheer oor ʼn groot groep mense nie, slegs oor ʼn geselekteerde aantal werknemers
gelyktydig. Die kenmerke van hierdie reikwydte is:
• Werk wat streng beheer en toesig vereis.
• Dit is moeilik om te koördineer.
• Kommunikasie gapings kan voorkom.
• Boodskappe kan verdraai word.
• Spesialisering van werk kan bereik word.
Studie-eenheid 3: Organisering Bladsy 82
SBM105 Ondernemingsbestuur
Faktore wat die reikwydte van beheer beïnvloed
Die volgende is faktore wat die reikwydte van beheer beïnvloed:
Bestuursvermoëns
In ondernemings waar bestuurders gekwalifiseerd en ervare is, is ʼn wye reikwydte van
beheer altyd voordelig.
Bevoegdheid van ondergeskiktes
Bevoegde ondergeskiktes met ʼn goeie begrip, neig om gereeld toesighouers te nader vir die
oplossing van probleme. In dié geval moet die bestuurder ʼn groot aantal werknemers
hanteer en is ʼn wye reikwydte geskik.
Aard van werk
Indien die werk van herhalende aard is, is ʼn wye reikwydte van toesig meer voordelig.
Andersyds, indien die werk kognitiewe vaardighede of vakmanskap vereis, is streng beheer
nodig en ʼn nou reikwydte van toesig meer geskik.
Delegasie van gesag
Wanneer die werk op ʼn doeltreffende en gepaste manier aan die laervlakke personeel
gedelegeer word, word verwarrings verminder en ʼn gemoedelike omgewing kan gehandhaaf
word. In sulke gevalle is ʼn wye reikwydte van toesig geskik en kan die toesighouers ʼn groot
aantal ondergeskiktes bestuur en beheer.
Graad van desentralisasie
Desentralisasie word gedoen ten einde spesialisering te bereik, waar die gesag gedeel word
deur ʼn aantal mense en bestuurders op verskillende vlakke. In sulke gevalle is ʼn hoë
organisatoriese struktuur nuttig. Daar is talle ondernemings waar desentralisasie op ʼn baie
doeltreffende manier toegepas word wat uiteindelik bydra tot doeltreffende kommunikasie
tussen bestuurders en ondergeskiktes. Die bestuurders kan ʼn groot aantal ondergeskiktes
bestuur.
3.6.4 Beginsel van ʼn skalaar rangorde van bestuur en beheer
ʼn Skalaar rangorde van bestuur (scalar chain of command) en beheer verwys na gesag wat
van bo na onder vloei. In hierdie tipe hiërargie en rangorde van gesag vind daar die
minimum vermorsing van hulpbronne plaas, oorvleueling van werk kan vermy word en
organisering word vergemaklik. Hierdie tipe struktuur hou bepaalde implikasies vir
kommunikasie in die onderneming in.
Studie-eenheid 3: Organisering Bladsy 83
SBM105 Ondernemingsbestuur
ʼn Skalaar rangorde van bestuur en beheer fasiliteer werksvloei in ʼn onderneming wat
meehelp tot doeltreffende doelwitbereiking. Soos die gesag van bo na onder vloei, word die
gesagsposisies van bestuurders op alle vlakke uitgeklaar en gevestig, wat bydra tot ʼn
doeltreffende onderneming.
Tipiese skalaar hiërargiese struktuur soos deur die meeste ondernemings gebruik word:
Figuur 3.6: Tipiese hiërargiese skalaar struktuur
(http://www.steadfast-roofing.co.uk/images/OMSjpeg_001.JPG)
Latere navorsing het aangetoon dat hierdie tipe organisatoriese struktuur bepaalde
beperkinge vir kommunikasie inhou. Met verwysing na die struktuur in Figuur 3.7 hieronder,
mag dit beteken dat indien Departement A ʼn beslissing van Departement Z benodig, die
kommunikasie teen die A – E lyn van gesag moet op beweeg en dan weer af teen die V – Z
lyn af. Die beslissing moet dan teen dieselfde lyn van gesag op na V en dan van E af na
Departement A. Oponthoud kan op elke vlak plaasvind. Om dit te oorbrug, word daar soms
direkte brûe van kommunikasie tussen die vlakke ingebou (byvoorbeeld van A na Z), wat
opsigself bepaalde implikasies inhou (http://www.caddmanager.com/CMB/2011/07/can-we-
talk-principles-of-cad-management/).
Studie-eenheid 3: Organisering Bladsy 84
SBM105 Ondernemingsbestuur
Die volgende is ʼn voorbeeld van die beperkings van ʼn skalaar hiërargiese rangorde van
bestuur en beheer op kommunikasiepatrone:
Figuur 3.7: Skalaar rangorde van bestuur en beheer (http://www.caddmanager.com/CMB/wp-content/uploads/2011/07/Scalar.jpg)
3.6.5 Beginsel van enkelgesagslyn bestuurshiërargie
Eenheid van gesag (unity of command) impliseer een ondergeskikte tot een hoër vlak
bestuursverhouding. Elke ondergeskikte is dus slegs aan een bestuurder of toesighouer
verantwoordelik, op enige gegewe tyd. Kommunikasiegapings word vermy en terugvoer en
reaksie kan vinnig wees. Eenheid van gesag help ook in die doeltreffende kombinering van
hulpbronne, byvoorbeeld fisiese en finansiële hulpbronne wat koördinering vergemaklik en
dus ʼn doeltreffende onderneming tot gevolg het.
Die volgende toon hierdie beginsel aan:
Besturende Direkteur ↓
Bemarkingsbestuurder ↓
Verkope / Mediabestuurder ↓
Verkoopsmanne
Studie-eenheid 3: Organisering Bladsy 85
SBM105 Ondernemingsbestuur
Volgens die diagram hierbo het die besturende direkteur die hoogste vlak van gesag. Hierdie
gesag word gedeel deur die bemarkingsbestuurder wat sy gesag deel met die
verkoopsbestuurder. In hierdie skalaarbestuurstruktuur vloei instruksies altyd van bo na
onder en dit definieer die gesagsposisies van die verskillende bestuurders op die
verskillende vlakke.
(Aangepas vanuit: http://www.managementstudyguide.com/organizing_principles.htm)
Die diagram hieronder belig hierdie beginsel ook duidelik:
Figuur 3.8: Enkelgesagslyn bestuurshiërargie
(http://emilms.fema.gov/IS200b/assets/ics200hc_l02_s03.gif)
3.7 Die organiseringsproses
Organisering, soos beplanning, is ʼn proses wat noukeurig beplan en toegepas word. Hierdie
proses behels die bepaling van die werk wat nodig is, om die doel te bereik, toedeling van
take aan individue en die rangskikking van daardie individue in die besluitnemingsraamwerk
(organisatoriese struktuur). Die eindresultaat van die organiseringsproses is ʼn onderneming
– ʼn eenheid wat bestaan uit saamgevoegde dele, wat in harmonie take uitvoer om doelwitte
te bereik.
ʼn Behoorlik geïmplementeerde organiseringsproses moet lei tot ʼn werksomgewing waar al
die spanlede bewus is van hul verantwoordelikhede. As die organiseringsproses nie goed
gedoen word nie, kan die resultate verwarring, frustrasie, verlies aan doeltreffendheid en
beperkte effektiwiteit oplewer.
Studie-eenheid 3: Organisering Bladsy 86
SBM105 Ondernemingsbestuur
In die algemeen bestaan die organiseringsproses uit die volgende stappe:
Stap 1: Hersien planne en doelwitte
Doelwitte is die spesifieke aktiwiteite wat uitgevoer moet word om die onderneming se
doelwitte te bereik. Planne gee rigting aan die aktiwiteite wat nodig is om dié doelwitte te
bereik. Bestuurders moet aanvanklike planne bestudeer en voortgaan om dit te doen soos
planne verander en nuwe doelwitte ontwikkel word.
Stap 2: Bepaal die aktiwiteite wat nodig is om doelwitte te bereik
Alhoewel hierdie taak oorweldigend vir sommige bestuurders kan voorkom, is dit nie nodig
om so te wees nie. Bestuurders lys en ontleed eenvoudig al die take wat voltooi moet word,
ten einde organisatoriese doelwitte te bereik.
Stap 3: Klassifiseer en groepeer die aktiwiteite in hanteerbare eenhede
Die aktiwiteite word nou gegroepeer op grond van die 4 modelle vir departementalisering,
naamlik funksionele, geografiese, produk en kliënt.
Stap 4: Ken aktiwiteite toe en delegeer gesag
Bestuurders wys die afgebakende werksaktiwiteite aan spesifieke individue toe. Hulle gee
ook aan elke individu die gesag (reg) om die toegewysde take uit te voer.
Stap 5: Ontwerp ʼn hiërargie van verhoudings
ʼn Bestuurder moet die vertikale (besluitneming) en horisontale (koördinerende) verhoudings
van die onderneming in geheel bepaal. Deur ʼn organisatoriese kaart of organigram te
gebruik, word die verhoudings grafies in ʼn diagram voorgestel.
(Aangepas vanuit: http://www.cliffsnotes.com/study_guide/The-Organizational-
Process.topicArticleId-8944,articleId-8875.html)
3.8 Gesentraliseerde en gedesentraliseerde organisering
Sentralisering is die proses waar die gesag en mag van ʼn onderneming in die hande van
slegs ʼn paar individue is. Dit kan aktiwiteite soos beplanning, besluitneming en delegering
insluit. Die topbestuur neem al die belangrike besluite, indien ʼn onderneming ʼn
gesentraliseerde onderneming is. Hierdie besluite word dan toegepas op die laervlakke van
die onderneming.
Hierdie soort gesagstruktuur word gewoonlik gevolg in ʼn onderneming waar die hoof van die
onderneming ʼn besondere toekoms vir die onderneming in gedagte het. Die hoof van die
onderneming wil soveel as moontlik beheer uitoefen om daardie doelwitte te bereik.
Sentralisasie is egter vandag minder algemeen.
Studie-eenheid 3: Organisering Bladsy 87
SBM105 Ondernemingsbestuur
Soos ondernemings groei, word die mag op verskillende vlakke verdeel om die
onderneming in staat te stel om meer doeltreffend te funksioneer. Dit word desentralisasie
genoem. Desentralisering kan gedefinieer word as die delegering van gesag op alle vlakke
van ʼn onderneming.
In ʼn gedesentraliseerde onderneming word baie van die besluitneming gedelegeer na die
laervlakke in die organisatoriese struktuur. As gevolg van die gedeelde besluitneming,
verbeter die kanse op ʼn meer doeltreffende onderneming. ʼn Gedesentraliseerde struktuur
volg ʼn onder-na-bo-benadering.
3.8.1 Gesentraliseerde organisering
By sentralisasie is alle belangrike besluite en optrede op die onderste vlak, onderhewig aan
die goedkeuring van die topbestuur. Sentralisasie is dus die sistematiese en deurlopende
konsentrasie van gesag op sentrale punte in die onderneming.
Die implikasie behels sentralisasie die volgende:
• Reservering van besluitnemingsmag op die topbestuursvlak.
• Reservering van bedryfsgesag op middelbestuursvlak.
• Reservering van die aktiwiteite op ʼn laer vlak volgens die voorskrifte van die
topbestuursvlak.
Onder sentralisering word die belangrike besluite deur die topbestuur geneem en die ander
vlakke is verantwoordelik vir die implementering ooreenkomstig die voorskrifte van die
topbestuursvlak. Byvoorbeeld, in ʼn onderneming besluit die eienaars oor die belangrike sake
en die res van die funksies, soos produksie, finansies, bemarking, personeel word uitgevoer
deur die departementshoofde.
Voorbeeld 3.1
Gesentraliseerde sakemodel
Apple Inc. is ʼn voorbeeld van ʼn gesentraliseerde onderneming. Lees meer hieroor op die
volgende webtuiste: https://storify.com/gdylan10/why-apple-inc-is-a-centralized-company
3.8.2 Gedesentraliseerde organisering
Desentralisasie is ʼn sistematiese toedeling van gesag aan alle vlakke van die bestuur van
die onderneming. In desentralisasie word gesag deur die topbestuur behou om die
belangrike besluite te neem en vir die beleidsvorming van die hele onderneming. Die res van
die gesag word gedelegeer na die middelvlak- en laevlakbestuurders.
Studie-eenheid 3: Organisering Bladsy 88
SBM105 Ondernemingsbestuur
Desentralisasie is nie dieselfde as delegering nie. Desentralisasie is die uitbreiding van
delegering. Delegasie van gesag is ʼn volledige proses en vind plaas van een persoon tot ʼn
volgende, terwyl desentralisasie eers voltooi is, wanneer delegering volledig plaasgevind
het.
Byvoorbeeld, die algemene bestuurder van ʼn maatskappy is verantwoordelik vir die
ontvangs van die verlofaansoeke van die hele onderneming. Die algemene bestuurder
delegeer hierdie taak aan die personeelbestuurder wat nou verantwoordelik is vir die
ontvangs van die verlofaansoeke. In hierdie situasie het delegering van gesag plaasgevind.
Andersyds, op die versoek van die personeelbestuurder, kan die algemene bestuurder
hierdie gesag ten opsigte van verlofaansoeke aan al die departementshoofde delegeer.
Desentralisasie het dus plaasgevind.
Desentralisasie is wyer in omvang en die ondergeskikte se verantwoordelikhede neem toe.
By delegasie egter, bly die bestuurders aanspreeklik, selfs vir die handelinge van hulle
ondergeskiktes.
Die volgende kan beskou word as die implikasies van desentralisasie:
• Die las op die Hoof Uitvoerende Beampte is ligter as wat die geval in sentralisasie is.
• By desentralisasie kry ondergeskiktes ʼn kans om te besluit en op te tree, wat
individuele vaardighede en vermoëns ontwikkel. Op hierdie manier kan die
onderneming die talentvolles behou.
• By desentralisasie kan die onderneming diversifisering van aktiwiteite doeltreffend
laat plaasvind, want daar is meer ruimte vir die skep van nuwe departemente.
Daarom kan diversifikasie groei bevorder.
• In ʼn gedesentraliseerde organisatoriese struktuur kan die bedrywighede op
afdelingsvlak gekoördineer word, wat nie by sentralisering moontlik is nie.
• In die geval van ʼn gedesentraliseerde struktuur, is daar groter motivering vir
werknemers, aangesien hulle meer onafhanklikheid kry om op te tree en te besluit.
• In ʼn gedesentraliseerde struktuur kan koördinering moeilik wees, omdat daar baie
afdelings is en gesagstrukture so veel as moontlik gedelegeer is.
(Aangepas vanuit:
http://www.managementstudyguide.com/centralization_decentralization.htm)
Studie-eenheid 3: Organisering Bladsy 89
SBM105 Ondernemingsbestuur
3.8.3 Voordele en nadele van desentralisasie
Voordele van desentralisasie
• Desentralisasie verminder die werkslas van topbestuurders.
• Dit verbeter werksbevrediging en die moreel van die laervlakbestuurders omdat hul
behoefte vir onafhanklikheid, deelname en status bevredig word.
• Besluitneming is vinniger.
• Dit fasiliteer groei en diversifikasie want elke produkafdeling word genoegsame
outonomie en geleentheid tot innovering en kreatiwiteit gegee.
• Dit gee geleentheid aan ondergeskiktes om eie oordeel te gebruik. Hulle ontwikkel
bestuursvaardighede wat nuttig vir die onderneming op die lange duur sal wees.
• Desentralisasie vereis ʼn wyer reikwydte van beheer en minder vlakke van
organisering, wat kommunikasie bevorder.
Nadele van desentralisasie
• Desentralisasie verhoog die administratiewe uitgawes, want elke afdeling of
departement moet voldoende toegerus word met fisiese fasiliteite en opgeleide
personeel.
• Aangesien elke departement of afdeling aansienlike outonomie geniet, kan dit lei tot
koördineringsprobleme.
• Daar kan dalk ʼn gebrek aan eenvormigheid en teenstrydig in prosedures voorkom
omdat elke departement die gesag het om sy eie beleid en prosedures te formuleer.
3.8.4 Voordele en nadele van sentralisasie
Voordele van sentralisering
• Doeltreffende benutting van die talente van die topbestuur.
• Dit verminder koördineringsprobleme omdat die bindende krag van een
gesagsliggaam of -persoon, alle bedrywighede saambind en integreer.
• Dit ontwikkel ʼn sterk gekoördineerde topbestuur.
• Dit voorsien eenvormigheid in beleid en planne dwarsdeur die onderneming.
• Gesentraliseerde ondernemings is die meeste geskik waar dit nodig is om
hulpbronne en inligting vinnig te beweeg, veral in noodgevalle.
• Duplisering van funksies en fasiliteite word geminimaliseer wat koste verminder.
Studie-eenheid 3: Organisering Bladsy 90
SBM105 Ondernemingsbestuur
Nadele van sentralisasie
• As gevolg van die feit dat al die besluite op topbestuursvlak geneem word, kan dit tot
vertragings in besluitneming en kommunikasie lei.
• Gesentraliseerde mag en gesag kan misbruik word.
• Dit gee nie ʼn geleentheid aan laervlakbestuurders/toesighouers om hul
bestuursvaardighede te ontwikkel nie.
• Gesentraliseerde ondernemings het dikwels te kampe met lae motiveringsvlakke
onder die werknemers.
• Die sukses van die onderneming is afhanklik van die bevoegdheid van die
topbestuurders, wat riskant kan wees.
(Aangepas vanuit: http://www.dineshbakshi.com/igcse-business-studies/business-
organisation/revision-notes/1545-centralisation-and-decentralisation)
3.9 Eienskappe van organisatoriese ontwerpe (organisational designs)
Organisatoriese ontwerp, as die model vir ʼn onderneming, is een van die kern
leierskapstake in ʼn onderneming. Organisatoriese ontwerp (of argitektuur) het betrekking op
die "logika" wat vereis en gebruik word in ʼn onderneming om deurlopend waarde te vestig,
te ontsluit en te lewer aan belanghebbendes.
3.9.1 Beginsels van organisatoriese ontwerp
(http://www.con7.com/Main/Portals/0/Con7_services/iStock_person-and-org-chart_web.jpg)
Die volgende is enkele beginsels wat ter sprake is in organisatoriese ontwerp:
Komplementering
Die proses van ontwerp moet komplementerend tot die doelwitte van die onderneming wees.
Dit beteken dat die ontwerp en die implementeringsproses van kritieke belang is. As
buigsaamheid en deelname in die groep belangrik is, sal dit nodig wees om die onderneming
sodanig te organiseer, dat die organisatoriese ontwerp voorsiening maak vir buigsaamheid,
Studie-eenheid 3: Organisering Bladsy 91
SBM105 Ondernemingsbestuur
interaktiwiteit en deelname. Met ander woorde, as die onderneming ʼn struktuur wil hê waar
mense verantwoordelikheid aanvaar, sal die mense ook in die proses betrokke moet wees.
Minimum kritieke spesifikasies
Nuwe tegnologie vereis van mense om te leer en te verander. Hierdie vermoëns moet
ontwikkel word deur die werk self. Die skepping van ʼn goed-ontwerpte werkspan vereis
dialoog en die besluite moet gemaak word deur die mense wat betrokke is. Die meeste
spanne sukkel met te ʼn ingewikkelde struktuur, wat op posbeskrywings en
vergoedingskemas gebaseer is.
Die kuns om ʼn span te bou wat sal werk is om nie meer te spesifiseer as wat nodig is nie.
Oor die algemeen hou die kritieke inligting verband met die produksie-uitset wat verwag
word. Die visie van die uitslae wat verwag word, is belangrik en moet in samehang met die
groep gebou word om ʼn organiese vermoë te hê om te leer en te verander.
Variansie beheer
Ondersteun en beloon groepe wat foute hanteer by die punt van oorsprong in die
onderneming. Doeltreffende spanne moet die reg hê om uit te vind waar dinge verkeerd
gaan en handel met die variansie waar dit voorkom. Die doel is om te vermy dat probleme
na die volgende persone oorgedra word. Die oordra van probleme en onbevredigde kliënte
behoeftes is ʼn teken van ʼn ondoeltreffende span.
Duidelike doelwitte en buigsame strategieë
Definieer reeds vroeg in die proses wat die vlak van prestasie is wat verwag word en maak
dan toepaslike aanpassings, indien nodig. Dit is die toepassing van die
aanpasbaarheidsbeginsel wat in ag neem dat “lewende” stelsels ontwerp word. Daar is baie
maniere om probleme op te los en aan ʼn kliënt se behoeftes te voldoen. Wat van kritieke
belang is, is die definisie en begrip van die einddoel.
Vloei van inligting
Spanne moet betrokke wees om te bepaal watter en waar inligting benodig word. Daar moet
ʼn bestuursverbintenis wees om inligting te verskaf vir die uitvoer van take. Die inligting moet
verskaf word waar dit nodig is vir taakverbetering. Kontrole moet ondergeskik wees aan
prestasie.
Ondersteuningskongruensie
Doelwitte, beloning en ondersteuningstelsels wat vereiste gedrag integreer moet
konsekwent wees. Die beloning en ondersteuningstelsels moet ook in ooreenstemming
wees met die organisatoriese doelwitte. Aansporingskemas moet span-gebaseerde
Studie-eenheid 3: Organisering Bladsy 92
SBM105 Ondernemingsbestuur
werkstrukture ondersteun, veral individueel-gebaseerde vergoedingstelsels moet gedurig
verander word om spanstrukture te ondersteun. Vaardigheidsgebaseerde skemas en
winsdeling is die grondslag vir hoë prestasie.
Onvolledigheid
Organisatoriese ontwerp vra volgehoue toegewydheid – ʼn herhalende proses. ʼn Ontwerp is
ʼn oplossing wat noodwendig sal verander en daarom is dit van kritieke belang om die
vermoë tot verandering en leer in die span in te bou. Om voortdurende voortreflikheid in
organisatoriese strukture in te bou, vereis ʼn deurlopende proses van ontwerp en
ontwikkeling.
(Aangepas vanuit: http://managementhelp.org/organizations/design.htm)
3.9.2 Tipes organisatoriese ontwerpe
Organisatoriese ontwerpe val in twee kategorieë, tradisionele en kontemporêre ontwerpe.
Die figure hieronder toon hierdie verdeling, asook die verdere onderafdelings aan:
Figuur 3.9: Tipes organisatoriese ontwerpe (Outeur, 2011)
Eenvoudige struktuur
Funksionele struktuur
Divisionele struktuur
Tradisioneel
Span- struktuur
Matriks- struktuur
Projek- struktuur
Outonome struktuur
Onderneming sonder grense
Leer- struktuur
Kontemporêr
Studie-eenheid 3: Organisering Bladsy 93
SBM105 Ondernemingsbestuur
Tradisionele ontwerpe
• Eenvoudige struktuur
ʼn Eenvoudige struktuur word omskryf as ʼn ontwerp met min afdelings, wye reikwydte
van beheer, gesentraliseerde gesag en min formalisering. Hierdie tipe ontwerp is
baie algemeen in ʼn klein ondernemings.
Byvoorbeeld in ʼn onderneming met net ʼn paar werknemers is die eienaar geneig om
die bestuurder te wees en al die ander funksies in die onderneming ook te beheer.
Dikwels word werknemers regoor die onderneming aangewend en fokus nie net op
een spesifieke taak nie. In hierdie tipe ontwerp is daar gewoonlik geen
gestandaardiseerde beleid en prosedures nie. Wanneer hierdie tipe onderneming
uitbrei, kan die struktuur geneig wees om meer kompleks te word.
Die volgende is ʼn voorbeeld van ʼn eenvoudige struktuur:
Figuur 3.10: Eenvoudige struktuur (http://www.dotnetcharting.com/images/Org_Chart.png)
Studie-eenheid 3: Organisering Bladsy 94
SBM105 Ondernemingsbestuur
• Funksionele struktuur
ʼn Funksionele struktuur word omskryf as ʼn ontwerp wat soortgelyke of verbandhoudende
beroepspesialiteite saamgroepeer. Die volgende is ʼn voorbeeld van ʼn funksionele
struktuur:
Figuur 3.11: Funksionele struktuur
(http://www.ci.rohnert-park.ca.us/Modules/ShowImage.aspx?imageid=449)
• Divisionele/Afdelingstruktuur
ʼn Afdelingstruktuur bestaan uit afsonderlike, semi-outonome eenhede of afdelings. Binne
ʼn maatskappy kan daar verskillende afdelings wees, elk met sy eie doelwitte wat bereik
moet word. ʼn Bestuurder het toesig en beheer oor sy afdeling en is ten volle
Studie-eenheid 3: Organisering Bladsy 95
SBM105 Ondernemingsbestuur
verantwoordelik vir die sukses of mislukking van die afdeling. Dit dra daartoe by dat
bestuurders meer gefokus is op resultate, wetende dat hulle verantwoordelik gehou sal
word vir die resultate.
Die volgende is ʼn voorbeeld van ʼn afdelingstruktuur:
Figuur 3.12: Afdelingstruktuur
(http://stevenclark.com.au/wp-content/uploads/2008/06/d.gif)
Kontemporêre strukture
• Spanstruktuur
ʼn Spanstruktuur is ʼn ontwerp wat bestaan uit spanne en elke span werk om ʼn
gemeenskaplike doel te bereik. Omdat die onderneming uit groepe bestaan wat die
funksies van die maatskappy uitvoer, moet die spanne goed presteer aangesien
hulle verantwoordelik gehou word vir hul prestasie. In ʼn span-gestruktureerde
onderneming is daar geen hiërargie nie. Spanne word die bevoegdheid verleen om
so innoverende te wees as wat hulle wil. Sommige spanne het dalk ʼn groepleier wat
in beheer is van die groep.
Die volgende is ʼn voorbeeld van ʼn span struktuur:
Figuur 3.13: Spanstruktuur
(http://www.hiroc.com/image/RM_figure1.jpg)
Studie-eenheid 3: Organisering Bladsy 96
SBM105 Ondernemingsbestuur
• Matriksstruktuur
ʼn Matriksstruktuur is een wat spesialiste uit verskillende funksionele departemente
toeken om aan een of meer projekte te werk. In ʼn onderneming is daar dalk
verskillende projekte wat gelyktydig plaasvind. Elke projek word aan ʼn
projekbestuurder toegeken, wat weer die hulpbronne wat nodig is om die projek te
voltooi, toeken.
In ʼn matriksstruktuur sluit die hulpbronne die verskillende funksies van die
maatskappy in, soos die bedryfsdepartement, rekeningkunde, verkope, bemarking,
ingenieurswese en menslike hulpbronne. Dit is die taak van die projekbestuurder om
spesialiste van elke funksie bymekaar te maak, om op ʼn projek te werk en dit
suksesvol te voltooi.
In die struktuur hieronder, wat ʼn voorbeeld van ʼn matriksstruktuur is, is daar twee
bestuurders, die projekbestuurder en die departementele of funksionele bestuurder.
Figuur 3.14: Matriksstruktuur (http://www.visitask.com/EBimg/sample-matrix-organization.jpg)
• Projekstruktuur
ʼn Projekstruktuur is ʼn organisatoriese struktuur waar werknemers voortdurend aan
projekte werk. Dit is soortgelyk aan die matriksstruktuur maar wanneer die projek
eindig gaan die werknemers nie terug na hulle onderskeie departemente nie. Hulle
werk voortdurend aan projekte in ʼn spanstruktuur.
Elke span het die nodige personeel om die projek suksesvol te voltooi. Elke
werknemer bring sy of haar gespesialiseerde vaardigheid na die span. Sodra die
projek klaar is, beweeg die span na die volgende projek.
Die volgende is ʼn voorbeeld van ʼn projekstruktuur:
Studie-eenheid 3: Organisering Bladsy 97
SBM105 Ondernemingsbestuur
Figuur 3.15: Projekstruktuur
(http://farm4.static.flickr.com/3120/2834621469_a1153b35b0_o.jpg)
• Outonome interne eenhede
Sommige groot ondernemings het hierdie tipe struktuur aangeneem. Die
onderneming bestaan uit verskeie onafhanklike gedesentraliseerde sake-eenhede,
elk met sy eie produkte, kliënte, mededingers en winsdoelwitte. Daar is nie
gesentraliseerde beheer of hulpbrontoewysing.
• Onderneming sonder grense
ʼn Onderneming sonder grense is een waarvan die organisatoriese ontwerp nie
gedefinieer, of beperk word deur die horisontale, vertikale, of eksterne grense van ʼn
vooraf-bepaalde struktuur nie. Met ander woorde dit is ʼn ongestruktureerde ontwerp.
Hierdie struktuur is meer buigsaam. In plaas van departemente, gebruik
maatskappye die spanbenadering. Ten einde grense uit te skakel, gebruik
bestuurders virtuele, modulêre, of netwerk organisatoriese strukture.
In ʼn virtuele onderneming word werk uitgekontrakteer wanneer dit nodig is,
byvoorbeeld aan subkontrakteurs of vryskutwerkers. Daar is ʼn klein aantal
permanente werknemers, maar spesialiste word gehuur wanneer ʼn behoefte
ontstaan.
ʼn Modulêre onderneming is die een waar vervaardiging die ondernemingsbedryf is.
Hierdie tipe onderneming laat werk buite die onderneming deur verskillende
Studie-eenheid 3: Organisering Bladsy 98
SBM105 Ondernemingsbestuur
verskaffers doen. Elke verskaffer lewer ʼn spesifieke deel van die finale produk.
Wanneer al die dele gelewer is, sit die onderneming die finale produk aanmekaar.
ʼn Netwerkonderneming is een waar ondernemings hul groot korporatiewe funksies
uitkontrakteer, ten einde meer op hul primêre aktiwiteite te kan fokus.
• Leerstruktuur
ʼn Onderneming wat ʼn leerstruktuur aangeneem het, word gekenmerk deur die
vermoë om voortdurend te leer, aan te pas en te verander. ʼn Onderneming met ʼn
leeromgewing moet baie kundige personeel hê wat bereid is om hul kennis te deel en
dit in die werkomgewing toe te pas. Werknemers moet ook ʼn sterk organisatoriese
kultuur aanhang waar almal na ʼn gemeenskaplike doel werk en gewillig is om saam
te werk om die doel te bereik, deur kennis en inligting te deel. ʼn Spanontwerp en
goeie leierskap is nodig.
(Aangepas vanuit: http://www.emaytrix.com/mgmt307/section3.php)
(http://image.automobilemag.com/f/features/news/9967428+w440/0806_01z+2009_ford_flex
+assembly_line_photo.jpg)
Studie-eenheid 3: Organisering Bladsy 99
SBM105 Ondernemingsbestuur
3.10 Gevallestudie
Bestudeer die onderstaande figuur wat die nege stappe van organisatoriese ontwerp
uitbeeld en beantwoord dan die vrae:
Figuur 3.16: Die 9-stap organisatoriese ontwerp
(http://4.bp.blogspot.com/-L1V4GXK-
wV0/TaHh3Mo0NPI/AAAAAAAABSo/T_OVYUWBzlA/s1600/Figure1.2.JPG)
1. Identifiseer die nege stappe in die proses en omskryf dit in jou eie woorde.
2. Ontwerp jou eie ondernemingstruktuur deur van een van die vorme hierbo gebruik te
maak.
3.11 Samevatting
Organisering is ʼn funksie van bestuur wat beplanning opvolg. Dit is ʼn funksie waar die
sinkronisering van menslike, fisiese en finansiële hulpbronne plaasvind. Al drie hulpbronne is
belangrik om resultate te verkry. Die organisatoriese funksie dra by tot die bereiking van die
resultate, naamlik doelwitbereiking, wat die grondslag bied vir die funksionering van ʼn
onderneming.
Studie-eenheid 3: Organisering Bladsy 100
SBM105 Ondernemingsbestuur
Organisering is dus ʼn funksie wat die onderneming in staat stel om die koördinering tussen
gesag en verantwoordelikheid te definieer.
3.12 Selfevaluering
Aktiwiteit 3
Jy is aangestel as die konsultant wat aan ABC Maatskappy (ʼn kleinhandelskruideniersware
onderneming) se direkteure ʼn nuwe ondernemingstruktuur moet aan beveel. Spreek die
volgende aan in jou verslag aan die direkteure.
1. Tref ʼn duidelike onderskeid tussen sentralisasie en desentralisasie.
2. Bespreek die voordele van sentralisasie en desentralisasie.
3. U aanbeveling is dat ABC ʼn onderneming moet word wat uit outonome interne eenhede
moet bestaan. Verduidelik wat jy verstaan onder “outonome interne eenhede”.
Studie-eenheid 3: Organisering Bladsy 101
SBM105 Ondernemingsbestuur
Notas
Studie-eenheid 3: Organisering Bladsy 102
SBM105 Ondernemingsbestuur
STUDIE-EENHEID 4: LEIDING
4.1 Studie-eenheid leeruitkomstes
Kennis en begrip
Na voltooiing van Studie-eenheid 4 sal jy in staat wees om jou kennis en begrip van die
volgende te demonstreer:
• Aard van leierskap
• Komponente van leierskap
• Groepe en groepsvorming
• Politieke gedrag in ondernemings
Vaardighede
Jy sal ook in staat wees om:
• Die aard van leierskap te ontleed.
• Die komponente van leierskap te ontleed.
• Verskillende leierskapseienskappe te evalueer.
• Die kennis van die stadiums van groepsontwikkeling, groepseienskappe en inter-
groepskonflik op ʼn projek toe te pas.
• Politieke gedrag in ondernemings en leierskap te ontleed.
Studie-eenheid 4: Leiding Bladsy 103
SBM105 Ondernemingsbestuur
4.2 Verrykende bronne
• http://changingminds.org/disciplines/leadership/articles/manager_leader.htm
• http://www.iel.spokane.edu/Students/Student-
support/Diversity/Workshops/Workshop-docs/GroupFormation.aspx
• http://www.referenceforbusiness.com/management/Gr-Int/Group-Dynamics.html
• http://www.vectorstudy.com/management_topics/types_of_leadership.htm
4.3 Hoe kan jy jou begrip verbeter?
Jy moet seker maak dat jy die volgende terminologie verstaan:
Sleutelwoord Omskrywing
Groep ʼn Groep kan gedefinieer word as ʼn paar individue wat bymekaar
kom om ʼn bepaalde taak te verrig, of ʼn doel te bereik.
Groepsdinamika Groepsdinamika verwys na die gedrag en sielkundige prosesse in
ʼn groep (intra-groepsdinamika) en tussen groepe (inter-
groepsdinamika).
Integriteit Integriteit is die integrasie van uiterlike optrede en innerlike
waardes.
Laissez-faire leierskap
Hierdie Franse frase beteken "laat dit wees," en word gebruik vir
ʼn leier wat sy of haar kollegas toelaat om hulle gang te gaan in
hulle werksverrigtinge.
Leierskap Leierskap kan gedefinieer word as ʼn mens se vermoë om ander
te motiveer om jou gewilliglik te volg.
Openlikheid Openlikheid beteken om in staat te wees om te luister na nuwe
idees, selfs al sal die idees nie noodwendig weldeurdag of logies
wees nie.
Toewyding Toewyding beteken die spandering van tyd of energie wat nodig
is om ʼn taak uit te voer.
4.4 Inleiding
Leierskap is een van die vier funksies van bestuur en is belangrik en meestal ook ʼn
uitdaging. ʼn Doeltreffende leier inspireer werknemers, wat dit moontlik maak om die
werknemers in staat stel om ʼn betekenisvolle bydrae tot die onderneming maak. Tevrede
Studie-eenheid 4: Leiding Bladsy 104
SBM105 Ondernemingsbestuur
medewerkers werk in die algemeen harder en neem ook eienaarskap in die werksplek. Dit
kan tevrede kliënte en ʼn hoër vlak van kliëntediens beteken.
Suksesvolle leiers in ʼn onderneming het ʼn invloed op die werknemers waaroor hulle toesig
hou, maar hulle inspireer ook andere wat in ander dele van die onderneming werksaam is.
Doeltreffende leierskap is aansteeklik en moet na soveel moontlike areas in die
onderneming oorgedra word. Deur dit te doen, kan dit lei tot ʼn hoogs-gekoördineerde poging
om beide kliënte en werknemers tevrede te stel.
Vir ʼn bestuurder om ʼn doeltreffende leier te wees, moet hy of sy ook ʼn doeltreffende
kommunikeerder wees. ʼn Bestuurder wat inligting deel en werknemers op hoogte hou van
belangrike gebeure in die onderneming, is iemand wat deur sy of haar werknemers as
betroubaar geag word. Werknemers het geen lojaliteit teenoor, of vertroue in ʼn bestuurder
wat nie geredelik inligting bekend maak nie.
Die manier waarop ʼn bestuurder lei word grootliks beïnvloed deur werknemersmoraal binne
die departement en die onderneming as ʼn geheel. Bestuurders moet ʼn klimaat skep wat
nuwe idees en insette van die werknemer aanmoedig. Hoe meer werknemers voel dat hulle
opinies vir die onderneming belangrik is, hoe meer sal hulle bereid wees om idees te
genereer, om beter maniere te vind om prosesse te verbeter.
(Aangepas vanuit: http://www.suite101.com/content/leading-as-a-management-function-
a124060)
(http://www.goldenroostergroup.com/images/inside/leadership_management1.jpg)
Studie-eenheid 4: Leiding Bladsy 105
SBM105 Ondernemingsbestuur
4.5 Die aard van leierskap
Leierskap kan gedefinieer word as ʼn mens se vermoë om ander te motiveer om jou
gewilliglik te volg. Elke onderneming moet hierdie tipe leiers op elke vlak hê. Leiers het die
volgende karaktereienskappe:
• ʼn Leier met visie het ʼn duidelike, helder beeld van waarheen om te gaan, sowel as
vasberadenheid en kennis hoe om dit te bereik.
• Dit is nie genoeg om ʼn visie te hê nie, leiers moet ook weet wat sukses is en hoe om
dit te bereik. Goeie sakeleiers skep ʼn visie, verwoord die visie, is passievol oor die
visie en volg dit onverpoosd na.
• ʼn Leier moet in staat wees om sy of haar visie te kommunikeer. Hy of sy moet
duidelik en passievol kommunikeer, want passie is aansteeklik.
• ʼn Goeie leier moet die dissipline hê om doelbewus na sy of haar visie te werk, sowel
as om die span te ondersteun.
• Aksie is ʼn kenmerk van ʼn leier. ʼn Leier is altyd bedrywig in sy/haar strewe om die
visie te bereik, asook om ander te inspireer om dieselfde te doen.
4.5.1 Leierseienskappe
Figuur 4.1: Leierskapkwaliteite
(http://1.bp.blogspot.com/_we9F28Vk4oY/Svl-
LxheSzI/AAAAAAAACw4/dGVMSJeLlsQ/s400/Leadersip_Qualities_500.gif)
Studie-eenheid 4: Leiding Bladsy 106
SBM105 Ondernemingsbestuur
Die volgende is die eienskappe van ʼn volwaardige leier:
Integriteit
Integriteit is die integrasie van uiterlike optrede en innerlike waardes. ʼn Persoon van
integriteit is innerlike en uiterlik dieselfde. So ʼn individu kan vertrou word omdat hy of sy
nooit afwyk van innerlike waardes nie, selfs wanneer dit voordelig sou wees om dit te doen.
ʼn Leier moet die vertroue van sy/haar volgelinge hê en daarom moet integriteit duidelik
sigbaar wees.
Toewyding
Toewyding verwys na die tyd en energie wat gebruik word om ʼn taak uit te voer. ʼn Leier
inspireer toewyding deur altyd gewillig te wees om die volgende stap te neem in die nastreef
van die visie. Deur ʼn goeie voorbeeld voor te hou, kan leiers volgelinge wys dat die
ingesteldheid in die span, nie dié van ʼn “nege-tot-vywer” moet wees nie, maar dat
geleenthede nagestreef moet word om iets groots te bereik.
Grootmoedigheid (magnanimity)
Grootmoedigheid beteken die gee van erkenning waar dit toekom. ʼn Grootmoedige leier
verseker dat erkenning vir sukses so wyd moontlik regdeur die onderneming versprei word.
Andersyds neem ʼn goeie leier persoonlik verantwoordelikheid vir mislukkings. Hierdie soort
omgekeerde grootmoedigheid bou mense se selfvertroue en bind die span saam. Om
erkenning rugbaar te maak en die aanspreeklikheid te aanvaar vir mislukkings is kenmerke
van doeltreffende leierskap.
Nederigheid
Leiers met nederigheid erken dat hulle nie beter of slegter as ander lede van die span is nie.
ʼn Nederige leier is nie beskeie nie, maar probeer eerder om almal te verhoog. Leiers wat
nederigheid verstaan, besef ook dat hul status hulle nie verhewe bo ander maak nie.
Openlikheid
Openlikheid beteken om in staat te wees om te luister na nuwe idees, selfs al sal die idees
nie noodwendig weldeurdag of logies wees nie. Goeie leiers is in staat om oordeel voor te
behou, terwyl hulle luister na ander se idees, sowel as om ander se goeie idees te
implementeer. Openlikheid bou wedersydse respek en vertroue tussen leiers en volgelinge
en dit verskaf ʼn grondslag vir kreatiewe denke in die span.
Kreatiwiteit
Kreatiwiteit is die vermoë om anders te dink, om verby oplossings te dink wat beperkend van
aard is. Kreatiwiteit gee leiers die vermoë om dinge te sien wat ander nie sien nie en hul
Studie-eenheid 4: Leiding Bladsy 107
SBM105 Ondernemingsbestuur
volgelinge in ʼn nuwe rigting te lei. Die belangrikste vraag wat ʼn leier kan vra, is: "Wat as …?”
Moontlik die ergste ding wat ʼn leier kan sê, is: "Ek weet dit is ʼn dom vraag, maar…?"!
Regverdigheid
Regverdigheid beteken om met ander konsekwent en regverdig te handel. ʼn Leier moet
seker maak van al die feite en luister na almal, voor die uitspraak gelewer word. ʼn Leier
moet gevolgtrekkings vermy wat gebaseer is op onvolledige bewyse. Wanneer mense voel
hulle word regverdig behandel, sal hulle ʼn leier beloon met lojaliteit en toewyding.
Selfgeldend
Om selfgeldend te wees, is nie dieselfde as aggressiwiteit nie. Inteendeel, dit is die vermoë
om wat ʼn mens verwag duidelik te stel, sodat daar geen misverstande is nie. ʼn Leier moet
selfgeldend wees om die gewenste resultate te verkry. Hand aan hand met selfgeldenheid,
is die verantwoordelikheid om gewillig te wees om na volgelinge te luister en te verstaan wat
hul verwagtinge van hul leier is.
Sin vir humor
ʼn Sin vir humor is belangrik om spanning en verveling te verlig, sowel as om vyandigheid te
ontlont. Doeltreffende leiers weet hoe om humor te gebruik om energieke volgelinge te
kweek. Humor is ʼn vorm van mag, wat ʼn mate van beheer oor die werksomgewing
bewerkstellig. Humor bevorder goeie kameraadskap en ʼn gemoedelike werksomgewing.
(Aangepas vanuit: http://www.focus.com/briefs/top-10-leadership-qualities/)
(http://www.liberal-
international.org/contentFiles/images/G8%20leaders%20and%20flags.jpg)
Studie-eenheid 4: Leiding Bladsy 108
SBM105 Ondernemingsbestuur
4.5.2 Leierskapvaardighede
Figuur 4.2: Leierskapvaardighede
(http://www.whatmakesagoodleader.com/images/Leadership_skills_before_copy.gif)
Visie
ʼn Leier is ʼn visioenêr en dit is hierdie kwaliteit, meer as enige ander, wat ʼn leier bo ander
laat uitstyg. Volgelinge assosieer met die visie en doelwitte van die leier en help die leier om
dit te bereik. Maar sonder ʼn visioenêre leier, sal die span rigtingloos wees.
Vermoë om te verander
Die eksterne sakeomgewing word steeds meer en meer dinamiese en ʼn leier moet in staat
wees om te verander wanneer dit nodig word. Hy moet in staat wees om sy visie in
ooreenstemming te bring met wat die mark vereis.
Norme
ʼn Leier moet in staat wees om ʼn prestasiemaatstaf daar te stel en om te wees wat hy van sy
werknemers verwag om te wees. Hy self behoort die eienskappe uit te leef wat hy van sy
span verwag.
Mensevaardighede
Wat die geldelike en nie-geldelike beloning ook al is, werknemers sal net gemotiveerd wees,
as hulle verstaan wat die leier motiveer. So ʼn leier moet in staat wees om die strategieë vir
doeltreffende leierskap en sy visie aan die span te kan kommunikeer, op so ʼn manier dat die
span ook die resultate begeer: "Ja! Dit is wat ons ook wil bereik! ".
Studie-eenheid 4: Leiding Bladsy 109
SBM105 Ondernemingsbestuur
Luister en nie net praat nie
Baie werknemers kla dat hulle baas nie wil luister na wat hulle kan bydra nie en ook nie
bereid is om na voorstelle te luister nie. As die leier die keuse maak om te luister na wat sy
span te sê het, kan hulle moontlik waardevolle voorstelle maak om ʼn bepaalde proses meer
doeltreffend te maak. Dus, is die vermoë om te luister, een van die belangrikste eienskappe
vir doeltreffende leierskap.
Oplossings
Die pad na doelwitbereiking is dikwels besaai met struikelblokke. ʼn Leier moet goeie
probleemoplossings- en analitiese vaardighede hê, wat hom en die span sal help om
probleme op die pad na doelwitbereiking te oorbrug.
Vermoë om ander te motiveer
ʼn Leier moet weet hoe om die span te motiveer om die werk te doen. Hy moet in staat wees
om sy werkers te motiveer met geldelike en nie-geldelike belonings en om sy span ʼn deel
van sy visie te maak. ʼn Leier moet ook in staat wees om sy span so te lei, dat hulle hul beste
kan lewer.
Dissipline
ʼn Leier moet selfgedissiplineerd wees en in staat om eienskappe soos professionaliteit en
harde werk by sy span te vestig.
(Aangepas vanuit: http://www.buzzle.com/articles/effective-leadership-skills.html)
4.5.3 Leierskapstyle
Die volgende is die algemene leierskapstyle wat voorkom:
Outokratiese leierskapstyl
Outokratiese leierskap is die uiterste vorm van transaksionele leierskap, waar ʼn leier hoë
vlakke van beheer uitoefen oor werknemers of spanlede. Mense in die span kry min
geleenthede om voorstelle te maak, selfs al is dit in die span of onderneming se belang.
Die meeste mense is geneig om aanstoot te neem aan hierdie tipe leierskap. As gevolg
hiervan gee ʼn outokratiese leierskapstyl gewoonlik aanleiding tot hoë vlakke van
afwesigheid en personeelomset. Die span trek nie voordeel uit die kreatiwiteit en ervaring
van al die spanlede nie en so gaan baie van die voordele van spanwerk verlore. Vir roetine-
en ongeskoolde werk, kan hierdie styl egter doeltreffend wees, waar die voordele van
beheer groter gewig dra as die nadele.
Studie-eenheid 4: Leiding Bladsy 110
SBM105 Ondernemingsbestuur
(http://www.leadership-toolbox.com/images/AutocratwithRemoteSM.jpg)
Burokratiese leierskapstyl
Burokratiese leiers werk "volgens die boek" om te verseker dat hulle personeel prosedures
noukeurig navolg. Dit is ʼn baie gepaste styl vir werk wat ernstige veiligheidsrisiko's inhou,
soos die werk met masjinerie of met toksiese stowwe, of waar groot bedrae geld betrokke is,
soos kontanthantering.
In ander gevalle kan die onbuigsaamheid en hoë vlakke van beheer wat uitgeoefen word,
personeel moedeloos maak en die onderneming se vermoë om op veranderinge uit die
eksterne omgewing te reageer, kortwiek.
(http://www.legacee.com/Assets/LeaderImages/bureaucracy/ManWorking.jpg)
Charismatiese leierskapstyl
ʼn Charismatiese leierskapstyl is waar die leier groot entoesiasme toon en dit aan sy of haar
span oordra. Die charismatiese leier is gewoonlik ook baie energiek en in staat om
spanlede aan die gang te kry en te hou.
ʼn Charismatiese leier is geneig om meer in hom- of haarself, as in die span, te glo. Dit hou
bepaalde risiko’s vir ʼn projek of selfs ʼn hele onderneming in, as die leier die onderneming
Studie-eenheid 4: Leiding Bladsy 111
SBM105 Ondernemingsbestuur
sou verlaat. In die oë van hul volgelinge word sukses gekoppel aan die teenwoordigheid van
die charismatiese leier. Charismatiese leiers dra dus ʼn groot verantwoordelikheid – sy/haar
langtermynverbintenis tot die onderneming of die saak moet ʼn gegewe wees.
Winston Churchill is ʼn voorbeeld van ʼn charismatiese leier:
(http://lisasaline.com/wp-content/uploads/2010/07/churchilldm0302_468x5421.jpg)
Demokratiese leierskap
Hoewel ʼn demokratiese leier die finale besluit sal maak, nooi hy die ander lede van die span
om by te dra tot die besluitnemingsproses. Dit verhoog nie net werkbevrediging by
werknemers of spanlede nie, maar dit kan ook help om mense se vaardighede te ontwikkel.
Werknemers en lede van die span voel in beheer van hul eie toekoms en word gemotiveer
om hard te werk.
Deelname neem tyd. Die toepassing van hierdie leierskapstyl kan tot vertragings lei, wat nie
die geval sal wees met ʼn outokratiese benadering nie. Die eindresultaat is egter dikwels
beter. Dit is die mees geskikte leierskap waar spanwerk noodsaaklik is en die kwaliteit
belangriker is as die spoed waarmee dinge afgehandel word, bv. om produkte te bemark.
(http://www.megalifesuccess.com/wp-content/uploads/2010/05/Democratic-Leader.jpg)
Laissez-faire leierskapstyl
Studie-eenheid 4: Leiding Bladsy 112
SBM105 Ondernemingsbestuur
Hierdie Franse frase beteken "laat dit wees," en word gebruik vir ʼn leier wat sy of haar
kollegas toelaat om hulle gang te gaan in hulle werksverrigtinge. Dit kan doeltreffend wees
as die leier konstant moniteer wat bereik word en die resultate gereeld aan die span oordra.
Laissez-faire-leierskap werk vir spanne wat uit baie ervare en kundige selfgemotiveerde
individue bestaan. Ongelukkig kan dit ook verwys na situasies waar bestuurders nie
voldoende beheer uitoefen nie.
Abraham Lincoln was ʼn Laissez-faire-leier:
(http://t1.gstatic.com/images?q=tbn:ANd9GcQWr5dltuoyhdulkcQiBy3Mp59jqyTmPSkSHynD
e9Y0NZrUj4lx)
Mensgeoriënteerde of verhoudingsgeoriënteerde leierskapstyl
Hierdie leierskapstyl is die teenoorgestelde van taakgeoriënteerde leierskap. Die leier is
hoofsaaklik gefokus op die organisering, ondersteuning en ontwikkeling van die individue in
sy/haar span. ʼn Deelnemende styl lei gewoonlik tot goeie spanwerk en kreatiewe
samewerking.
Wanneer dit egter tot die uiterste geneem word, kan dit tot mislukking van die span lei en
word die doelwitte nie bereik nie. In die praktyk gebruik die meeste leiers ʼn mengsel van
taak- en mensgeoriënteerde leierskapstyle.
(http://www.dinf.ne.jp/doc/english/global/david/dwe002/dwe002g/dwe002g04702.gif)
Dienende leierskapstyl
Studie-eenheid 4: Leiding Bladsy 113
SBM105 Ondernemingsbestuur
Hierdie is ʼn leier wat dikwels nie amptelik as sodanig erken word nie. As iemand op enige
vlak binne ʼn onderneming sy/haar span lei, deur bloot na die behoeftes van die span om te
sien, word hy of sy beskryf as ʼn dienende leier.
Die volgende diagram toon die eienskappe van ʼn dienende leier:
Figuur 4.3: Eienskappe van ʼn dienende leier (http://oneinabillionconsulting.files.wordpress.com/2010/11/servant_leader_traits-on-a-wheel.gif)
Taakgeoriënteerde leierskap
ʼn Taakgeoriënteerde leier fokus net daarop om die werk gedoen te kry en kan dikwels
outokraties optree. Hy of sy sal aktief die taak en die rolle wat vereis word definieer,
strukture tot stand bring, beplan, organiseer en moniteer. Taakgeoriënteerde leiers is
gewoonlik genadeloos in hul hantering van hul spanne en dit kan probleme met motivering
veroorsaak. Daar kan ook ʼn probleem met hoë personeelomset ontstaan.
(http://www.infoq.com/resource/news/2009/10/conducting-agile-team-
leadership/en/resources/HersheyBlanchardSituational2b.jpg)
Transaksionele leierskapstyl
Studie-eenheid 4: Leiding Bladsy 114
SBM105 Ondernemingsbestuur
Hierdie leierskapstyl gaan van die veronderstelling uit dat die spanlede tot algehele
gehoorsaamheid instem, wanneer hulle ʼn werk aanneem. Die "transaksie" is (gewoonlik) dat
die onderneming die spanlede sal betaal, in ruil vir hul moeite en arbeid. As sodanig, het die
leier die reg om spanlede te "straf" as hulle werk nie aan die voorafbepaalde standaarde
voldoen nie.
Spanlede vind dit moeilik om werksbevrediging onder transaksionele leierskap te verkry. Die
leier kan spanlede ʼn mate van beheer gee oor hul inkomste/beloning, deur
aansporingskemas te gebruik, wat selfs nog hoër standaarde of groter produktiwiteit
aanmoedig.
Alternatiewelik kan ʼn transaksionele leier die beginsel van "bestuur deur uitsondering"
toepas, waarvolgens hy of sy regstellende aksie neem, indien daar nie aan die vereiste
standaarde voldoen is nie, eerder as om goeie werk te beloon.
Barack Obama word gesien as ʼn transaksionele leier:
(http://www.danablankenhorn.com/images/obama2.jpg)
Transformerende leierskapstyl
ʼn Persoon met hierdie leierskapstyl is ʼn ware leier, wat sy of haar span inspireer om ʼn
toekomsvisie te deel. Transformerende leiers is baie sigbaar en spandeer baie tyd aan
kommunikasie. Hulle lei nie noodwendig van voor af nie, aangesien hulle geneig is om
verantwoordelikheid aan hul spanne te delegeer. Terwyl hulle entoesiasme dikwels
aansteeklik is, moet hulle ondersteun word deur die mense wat op detail fokus.
In talle ondernemings is beide transaksionele en transformerende leierskap nodig. Die
transaksionele leiers (of bestuurders) verseker dat die roetine-werk betroubaar gedoen
word, terwyl die transformerende leiers na inisiatiewe kyk wat waarde kan toevoeg.
Studie-eenheid 4: Leiding Bladsy 115
SBM105 Ondernemingsbestuur
Figuur 4.4: Transformerende leierskapstyl (http://withfriendship.com/images/e/24494/transformational-leadership.jpg)
Situasionele leierskapstyl
Terwyl die transformerende leierskapstyl dikwels hoogs doeltreffend is, is daar nie net een
"regte" manier (wat by alle situasies sal pas) om te lei en te bestuur nie .
Om die mees doeltreffende benadering te kies, moet die volgende oorweeg word:
• Die vaardigheidsvlakke en ervaring van die lede van die span.
• Die werk wat betrokke is (roetine, nuwe of kreatiewe werk).
• Die organisatoriese omgewing (stabiel of radikaal-veranderend, konserwatief of
avontuurlustig).
• Die bestuurder se eie voorkeur of natuurlike styl.
ʼn Goeie leier sal instinktief tussen die verskillende leierskapstyle beweeg, volgens die eise
van die mense en die werk wat hulle moet doen. Hierna word dikwels verwys as situasionele
leierskap.
(Aangepas vanuit:
http://www.vectorstudy.com/management_topics/types_of_leadership.htm)
Mahatma Ghandi is gesien as ʼn situasionele leier:
Studie-eenheid 4: Leiding Bladsy 116
SBM105 Ondernemingsbestuur
(http://t1.gstatic.com/images?q=tbn:ANd9GcRxVyA0pMmWhAhaM9cZdvz0XeDj8hyfTOjpqg
w71WVP3VWe24N5)
4.5.4 Wat is die verskil tussen bestuurders en leiers?
Hierdie vraag word dikwels gevra en die antwoord verskil ook meestal. Die grootste verskil
tussen bestuurders en leiers is die manier waarop hulle die mense, wat vir hulle werk of
hulle volg, motiveer.
Baie mense is beide. Hulle het bestuursposte, maar besef ook dat jy nie toegeneentheid en
lojaliteit kan koop nie, veral as mense hulle op ʼn moeilike pad moet volg. Hulle moet dus
ook as leiers optree.
Die verskil lê in die volgende waarhede:
• Bestuurders het ondergeskiktes
• Leiers het volgelinge
Bestuurders het ondergeskiktes
Bestuurders het ondergeskiktes – tensy hulle ʼn ere-titel het, wat net ʼn aanduiding van
senioriteit is, in welke geval die titel eintlik nie korrek is nie.
Bestuurders, wat nie ook goeie leiers is nie, vertoon dikwels die volgende eienskappe:
• Hulle het gewoonlik ʼn posisie van gesag in die onderneming. Sommige bestuurders
het ʼn outoritêre, transaksionele bestuurstyl wat beteken dat hulle werknemers
opdragte gee wat uitgevoer moet word. Hiervoor word werknemers beloon in die
vorm van ʼn salaris.
Studie-eenheid 4: Leiding Bladsy 117
SBM105 Ondernemingsbestuur
• Hulle is gewoonlik taak- of werkgeoriënteerd – take word binne streng beperkings
en begrotings uitgevoer.
• Hulle soek ʼn gemaksone – navorsing het bevind dat baie uit ʼn stabiele huislike
agtergrond kom en relatiewe normale en gemaklike lewens lei. Hulle is dan geneig
om risiko-sku te wees en probeer om konflik, waar moontlik, te vermy. Hulle verkies
ook om gelukkige werksomstandighede aan hulle werkers te bied.
Leiers het volgelinge
Leiers het nie ondergeskiktes nie, veral nie wanneer hulle lei nie. Talle organisatoriese leiers
het ondergeskiktes, maar bloot omdat hulle ook bestuurders is. Wanneer hulle egter wil lei,
gee hulle formele outoritêre beheer prys, want om te lei, beteken om volgelinge te hê en om
te volg, is altyd ʼn vrywillige aktiwiteit.
Hierdie individue het gewoonlik die volgende eienskappe:
• Hulle het ʼn charismatiese, transformerende leierskapstyl. Om mense te vertel wat
om te doen, inspireer hulle nie om te volg nie. Die aantrekkingskrag van hierdie leiers
lê daarin dat hulle in staat is mense te laat voel dat hul wense bewaarheid sal word
deur te volg. Hulle moet so graag wil volg, dat hulle dadelik hul aktiwiteite sal staak,
om te volg.
Leiers met ʼn sterker charisma vind dit makliker om mense nader te trek. As ʼn deel
van hul oorredingstegniek, belowe hulle transformerende voordele, soos dat hulle
volgelinge nie net ekstrinsieke beloning sal ontvang nie, maar ook op een of ander
wyse beter mense sal word.
• Hierdie leiers is mensgeoriënteerd. Hoewel baie leiers tot ʼn mate ʼn charismatiese
styl het, beteken dit nie dat hulle ʼn uitbundige persoonlikheid het nie. Hulle het egter
ʼn slag met mense en is in staat om die lojaliteit in mense na vore te bring, wat deur
groot leiers gekenmerk word.
Alhoewel hierdie leiers gewoonlik goed is vir mense, beteken dit nie dat hulle
noodwendig vriendelik met mense is nie. Ten einde die mistiek van hul leierskap te
versterk, behou hulle dikwels ʼn mate van afstand en afsydigheid. Dit beteken egter
nie dat hierdie leiers nie aandag aan die taak voorhande gee nie. Hulle is dikwels
baie prestasie-gefokus.
• Hulle is risikosoekers. Terwyl bestuurders dikwels risiko’s vermy, is die goeie leier
ʼn risiko-, maar nie sensasiesoeker nie. In die nastreef van hul visie, aanvaar hulle dat
hulle probleme en struikelblokke sal teëkom. Hulle is dus gemaklik met risiko’s en
sien die roetes wat ander persone miskien mag vermy, as potensiële geleenthede.
Studie-eenheid 4: Leiding Bladsy 118
SBM105 Ondernemingsbestuur
ʼn Verrassende aantal van hierdie tipe leiers het een of ander vorm van trauma in hul
lewens beleef. Sommige het traumatiese kinderjare gehad; sommige het probleem,
soos disleksie, en baie is korter in gestalte, as die gemiddelde persoon – alles
struikelblokke wat oorkom moes word en aanleiding tot ʼn sterker persoonlikheid kan
gee.
Opsommend
Die volgende tabel gee ʼn opsomming van die verskille tussen ʼn leier en ʼn bestuurder.
Onderwerp Leier Bestuurder
Essensie/kern (Essence) Verandering Stabiliteit
Fokus Lei mense Bestuur werk
Hulle het: Volgelinge Onderdane
Horison Langtermyn Korttermyn
Streef na: Visie Doelwitte
Benadering Bepaal die rigting Beplan die detail
Besluite Fasiliteer Gebied/Gee opdrag
Mag Persoonlike charisma Formele gesag
Doen beroep op: Die hart Die verstand
Energie Passie Beheer
Kultuur vorm Pas toe
Dinamika Proaktief Reaktief
Oorreding Verkoop Lig in
Bestuurstyl Transformasioneel Transaksioneel
In ruil Passie vir werk Geld vir werk
Hou van Om na iets te strewe Aksie
Begeer Om iets te bereik/prestasie Resultate
Risiko’s Neem risiko’s Beperk
Reëls Kan gebreek word Maak die reëls
Konflik Gebruik Vermy
Koers Nuwe rigtings Bestaande paaie
Studie-eenheid 4: Leiding Bladsy 119
SBM105 Ondernemingsbestuur
Waarheid Soek Bepaal
Besorgd oor: Wat reg is Om reg te wees
Krediet Gee Neem
Blaam Neem Blameer
(Aangepas uit: http://changingminds.org/disciplines/leadership/articles/manager_leader.htm)
4.5.5 Komponente van goeie leierskap
Dit is onwaar dat leierskap oorerflik is. Leierskap kan aangeleer word deur ʼn voorbeeld na te
volg en deur die regte opleiding. As ʼn mens weet wat die eienskappe van ʼn doeltreffende
leier is, kan dit nagestreef word.
In aanvulling en ter opsomming van die aspekte wat vroeë in hierdie gids bespreek is, kan
die volgende gesien word as die komponente van doeltreffende leierskap:
• Die doeltreffende leier het ʼn duidelike doel in sy/haar lewe, of ʼn voorafbepaalde
mikpunt in sy/haar beroep.
• Hy/sy beskik oor uitstekende interpersoonlike vaardighede.
• Hy/sy maak seker dat die span die doel verstaan en moedig hulle aan om
konstruktiewe bydraes te lewer. Hy/sy is dus ʼn goeie luisteraar.
• Hy/sy motiveer die span om die doel te bereik. Hy/sy identifiseer en los probleme op
wat in die pad van doelwitbereiking staan.
• Buiten die feit dat hy/sy verantwoordelik is vir die daarstel van doelwitte, maak die
doeltreffende leier seker dat hy/sy dit ook nastreef.
• Hy/sy is kundig om konflik in die groep te hanteer. Hy/sy tree moreel, eties, empaties
en vriendelik op.
• Hy/sy is vinnig met besluitneming. Hy/sy besluit gou wat om volgende te doen, om
die gewenste doel te bereik.
• Hy/sy stel homself as ʼn voorbeeld vir sy groep.
• ʼn Doeltreffende leier is eerlik, verantwoordelik, deursigtig en produktief.
• Die belangrikste eienskap van ʼn doeltreffende leier is dat hy/sy graag sal wil sien dat
elkeen in sy groep ʼn leier soos hy sal word.
(Aangepas vanuit: http://web.ygoy.com/2009/07/04/what-is-leadership-components-of-
effective-leadership/)
Studie-eenheid 4: Leiding Bladsy 120
SBM105 Ondernemingsbestuur
4.6 Groepe en groepsvorming
(http://champions.groupsite.com/uploads/files/x/000/014/0b3/Group_BizPeople-Photo.png)
ʼn Groep kan gedefinieer word as ʼn paar individue wat bymekaar kom om ʼn bepaalde taak te
verrig of doel te bereik. Groepsdinamika verwys na die gedrag en sielkundige prosesse in ʼn
groep (intra-groepsdinamika) en tussen groepe (inter-groepsdinamika). Die studie van
groepsdinamika gaan oor hoe groepe vorm, hul struktuur en proses en hoe hulle
funksioneer. Groepsdinamika is relevant in alle tipe formele en informele groepe. In ʼn
organisatoriese omgewing is groepe ʼn baie algemene organisatoriese verskynsel en die
studie van groepe en groepdinamika is ʼn belangrike area in ondernemingsgedrag.
4.6.1 Tipes groepe
Een van die mees algemene maniere om groepe te klassifiseer, is om te bepaal of hulle van
nature formeel of informeel is.
Studie-eenheid 4: Leiding Bladsy 121
SBM105 Ondernemingsbestuur
Formele groepe
Figuur 4.5: Formele groepe (http://labspace.open.ac.uk/file.php/4643/im_org_img03.gif)
Formele groepe word deur ʼn onderneming saamgestel om spesifieke organisatoriese
doelwitte te bereik. Formele groepe kan die vorm aanneem van bevelsgroepe, taakgroepe
en funksionele groepe.
• Bevelsgroepe
Bevelsgroepe word gespesifiseer deur die organigram en bestaan uit ʼn groepleier en
ondergeskiktes wat aan die toesighouer verslag doen. ʼn Voorbeeld van ʼn
bevelsgroep is ʼn akademiese departementele voorsitter en lede van die fakulteit in
daardie departement.
• Taakgroepe
Taakgroepe bestaan uit mense wat saamwerk om ʼn gemeenskaplike doel te bereik.
Lede word bymekaar gebring om ʼn sekere doelwitte binne ʼn bepaalde tydperk te
bereik. Taakgroepe word ook na verwys as taakmagte (task forces).
Voorbeelde van toegewysde taakgroepe is die ontwikkeling van ʼn nuwe produk, of
die verbetering van ʼn produksieproses. Ander algemene taakgroepe is ad hoc-
komitees, projekgroepe en staande komitees. Ad hoc-komitees is tydelike groepe
Studie-eenheid 4: Leiding Bladsy 122
SBM105 Ondernemingsbestuur
wat geskep word om ʼn spesifieke probleem op te los, of ʼn proses te ontwikkel.
Projekgroepe is soortgelyk aan ad hoc-komitees en ontbind gewoonlik nadat die
groep die projek voltooi het. Staande komitees is meer permanent as ad hoc-
komitees en projekgroepe. Hulle het ʼn langer lewensduur deurdat lede in en uit die
groep roteer.
• Funksionele groepe
ʼn Funksionele groep word geskep deur die onderneming om spesifieke doelwitte te
bereik, binne ʼn onbepaalde tydsraamwerk. Funksionele groepe bly bestaan selfs na
die bereiking van die huidige doelwitte en doelstellings. Voorbeelde van funksionele
groepe is ʼn bemarkingsafdeling, ʼn kliëntediensdepartement, of ʼn rekeningkundige
departement.
Informele groepe
In teenstelling met formele groepe, word informele groepe natuurlik gevorm en in reaksie op
die gemeenskaplike belange en gedeelde waardes van individue. Hulle word geskep vir
ander doeleindes as die vervulling van organisatoriese doelwitte en het nie ʼn bepaalde
tydsraamwerk nie.
Informele groepe word nie deur die onderneming saamgestel nie. Lede kan van tyd tot tyd
ander uitnooi om aan te sluit. Informele groepe het ʼn sterk invloed op ondernemings, wat
positief of negatief kan wees. Byvoorbeeld, werknemers wat ʼn informele groep vorm, kan
gesels oor hoe om ʼn produksieproses te verbeter, of hoe om kortpaaie te kies wat gehalte in
gevaar stel.
Voetslaangroepe is ook ʼn voorbeeld van informele groepe met gemeenskaplike belange.
(http://clipart.usscouts.org/library/Scouting_Skills_and_Activities/hiking/hiking.gif)
Informele groepe kan die vorm aanneem van belangegroepe, vriendskapsgroepe, of
verwysingsgroepe.
Studie-eenheid 4: Leiding Bladsy 123
SBM105 Ondernemingsbestuur
• Belangegroepe
Belangegroepe bestaan gewoonlik langer as gewone informele groepe. Lede van
belangegroepe is nie noodwendig deel van dieselfde onderneming nie, maar hulle
word almal saamgebind deur ʼn bepaalde gemeenskaplike belang. Die doelstellings
en doelwitte van die belangegroep is spesifiek tot elke groep en mag nie betrekking
hê op enige organisatoriese doelwitte en doelstellings nie.
ʼn Voorbeeld van ʼn belangegroep is studente wat bymekaar kom om ʼn studiegroep te
vorm vir ʼn spesifieke vak of module.
• Vriendskapsgroepe
Vriendskapsgroepe word gevorm deur lede wat soortgelyke sosiale aktiwiteite geniet,
dieselfde politieke oortuigings het, dieselfde godsdienstige waardes nastreef, of
ander gemeenskaplike belange het. Lede geniet mekaar se geselskap en ontmoet
dikwels ná werk om deel te neem aan hierdie aktiwiteite.
Byvoorbeeld, ʼn groep werknemers van ʼn onderneming kan ʼn sagtebalspan saamstel
en saam oefen.
• Verwysingsgroepe
ʼn Verwysingsgroep is ʼn tipe groep wat mense gebruik om hulself te evalueer. Die
belangrikste doel van verwysingsgroepe is sosiale validering en sosiale vergelyking.
Sosiale validering stel individue in staat om hul houdings en waardes te regverdig,
terwyl sosiale vergelyking individue help om hul eie optrede te evalueer deur hulself
met ander te vergelyk.
Verwysingsgroepe het ʼn sterk invloed op die gedrag van die lede. Deur hulself te
vergelyk met ander lede, is individue in staat om te bepaal of hul gedrag aanvaarbaar
is en of hulle houdings en waardes “reg” of “verkeerd” is. Verwysingsgroepe verskil
van die groepe wat voorheen bespreek is, deurdat hulle nie noodwendig ontmoet of
selfs vrywilliglik gevorm word nie.
Byvoorbeeld, die verwysingsgroep vir ʼn nuwe werknemer kan ʼn groep mense van ʼn
ander departement in die onderneming, of selfs in ander ondernemings wees.
Familie, vriende en godsdienstige verbintenisse is sterk verwysingsgroepe vir die
meeste individue.
(Aangepas vanuit: http://www.referenceforbusiness.com/management/Gr-Int/Group-
Dynamics.html)
Studie-eenheid 4: Leiding Bladsy 124
SBM105 Ondernemingsbestuur
4.6.2 Groepsvorming
Goed-funksionerende groepe vorm nie uit die bloute nie. Dit neem tyd vir ʼn groep om
te ontwikkel tot ʼn punt waar dit doeltreffend kan wees en waar alle lede tot die groep verbind
voel. Daar is vier stadiums wat kenmerkend is aan die ontwikkeling van groepe. ʼn Goeie
begrip van hierdie fases, kan help om te bepaal wat in ʼn groep gebeur en hoe om dit wat
plaasvind, te bestuur.
Die vier ontwikkelingstadia is die volgende:
(Outeur, 2011)
Vormingsfase (forming)
Dit is die eerste fase wanneer die groep bymekaar kom en lede begin om verhoudings met
mekaar te bou en te leer wat van hulle verwag word. Dit is dus die stadium wanneer
spanbou en vertrouensbou in aanvang neem. Groeplede begin om beperkings op
aanvaarbare gedrag te bepaal deur eksperimentering – ander lede se reaksies sal bepaal of
ʼn probleem weer gaan voorkom of nie. Dit is ook die tyd wanneer die take van die groep en
die lede bepaal sal word.
Ontwikkelingsfase (storming)
Gedurende hierdie stadium van die groepsontwikkeling ontstaan daar gewoonlik
interpersoonlike konflikte en meningsverskille oor die groep en sy doelwitte. As die groep nie
in staat is om die doel en doelwitte duidelik te spesifiseer nie, of indien daar nie op doelwitte
ooreengekom kan word nie, kan die groep in hierdie stadium doodloop. Dit is belangrik om
nou konflik te besweer en die doelwitte te bepaal. Dit is nodig dat almal aan die bespreking
deelneem en tot ʼn ooreenkoms kan kom oor die rigting waarin die groep wil beweeg.
Wanneer konflik in ʼn groep ontstaan, moet daar nie gepoog word om dit te onderdruk nie.
Mense moet die geleentheid kry om dit te bespreek. Indien die konflik onder die oppervlak
gehou word, sal die lede nie leer om mekaar te vertrou en om verhoudinge te bou nie.
Vormingsfase (forming)
Ontwikkelings- fase
(storming)
Normaliserings-fase
(norming)
Operasionele fase (performing)
Studie-eenheid 4: Leiding Bladsy 125
SBM105 Ondernemingsbestuur
Normaliseringsfase (norming)
Sodra die groep ʼn oplossing vir die konflik het, kan patrone vestig word van hoe om die werk
te doen. Verwagtinge moet duidelik verwoord en deur die lede van die groep aanvaar word.
Formele en informele prosedures word gevestig vir die delegering van take, reaksie op vrae
en die proses waarop die groep funksioneer. Lede van die groep begin verstaan hoe die
groep as ʼn geheel funksioneer.
Operasionele fase (performing)
Gedurende hierdie finale stadium van ontwikkeling is vraagstukke met betrekking tot rolle,
verwagtinge en norme nie meer van groot belang nie. Die groep is nou gefokus op die taak,
om doelbewus en effektief te werk om die doelwitte te bereik. Die groep kan sy prestasies
nou vier, asook die feit dat die lede nuwe vaardighede aangeleer het.
Dit is onrealisties om te verwag dat enige groep permanent sal bly voortbestaan. Wanneer
daar nuwe lede aansluit, of mense die groep verlaat, sal daar ʼn nuwe groepsvormingsproses
plaasvind.
(Aangepas: http://www.iel.spokane.edu/Students/Student-
support/Diversity/Workshops/Workshop-docs/GroupFormation.aspx)
4.6.3 Groepstruktuur
Groepstruktuur is ʼn patroon van verhoudings tussen lede wat die groep bymekaar hou en
die doelwitte nastreef. Struktuur kan op ʼn verskeidenheid maniere omskryf word. Die meer
algemene maniere word bepaal deur die grootte van die groep, groepsrolle, groepsnorme en
groepsamebinding.
Grootte van die groep
Die grootte van die groep kan wissel van twee persone tot ʼn hele aantal persone. Klein
groepe (twee tot tien persone) neig om meer doeltreffend te wees, want elke lid het genoeg
geleentheid om deel te neem en aktief betrokke te raak in die groep. Baie tyd kan verlore
gaan in groot groepe wanneer daar besluit moet word op prosesse, of wat volgende gedoen
moet word.
Die grootte van die groep sal nie net deelname nie, maar ook die tevredenheid binne die
groep beïnvloed. Soos die groep groei verhoog tevredenheid tot op ʼn sekere punt. ʼn Groep
van ses lede het twee keer soveel geleenthede vir interaksie en deelname as ʼn groep van
drie mense. Indien die groep groter as 10 of 12 lede word, daal die tevredenheidsfaktor. Dit
word toenemend moeiliker vir die lede van groot groepe om met mekaar te identifiseer en
kohesie te ervaar.
Studie-eenheid 4: Leiding Bladsy 126
SBM105 Ondernemingsbestuur
4.6.4 Groepsrolle
By formele groepe word rolle gewoonlik vooraf bepaal en aan lede toegewys. Elke rol sal
spesifieke verantwoordelikhede en pligte dra. Daar is egter ook nuwe rolle wat kan ontwikkel
om in die behoeftes van die groepe te voldoen. Hierdie ontluikende rolle sal dikwels die
vorige rolle van individue vervang.
Tipes groepsrolle
Groepsrolle kan geklassifiseer word in werksrolle, onderhoudsrolle, en obstruksierolle.
• Werksrolle
Werksrolle is taakgeoriënteerde aktiwiteite wat die totstandkoming van die groep se
doelwitte behels. Dit behels ʼn verskeidenheid van spesifieke rolle soos dié van
inisieerder, informant, interpreteerder, samevatter en die evalueerder.
o Die inisieerder definieer probleme, stel aksieplanne op en stel prosedures voor.
o Die informant se rol behels die opspoor van feite en die gee van advies of
menings.
o Interpreteerders sal idees interpreteer, terme definieer en moeilike kwessies aan
die groep verduidelik.
o Samevatters herhaal voorstelle, stel moontlike oplossings voor en maak
gevolgtrekkings vir die groep.
o Die evalueerders analiseer idees en toets die idees in werklike situasies.
• Instandhoudingsrolle
Instandhoudingsrolle is sosiaal-emosionele aktiwiteite wat lede help om hul
betrokkenheid in die groep in stand te hou en hul persoonlike verbintenis tot die
groep te verhoog. Die persoon wat hierdie rol vertolk, is die harmoniseerder,
hekwagter, konsensus-evalueerder, motiveerder en kompromis.
o Die harmoniseerder sal probeer om die spanning in die groep te verminder,
verskille te versoen en geleenthede te verken.
o Die hekwagters hou dikwels kommunikasiekanale oop en maak voorstelle om
deelname aan te moedig.
o Die konsensus-evalueerder sal die groep vra of hulle nou ʼn besluit kan neem en
dan ook die uiteindelike resultate toets.
o Motiveerders is vriendelik en warm teenoor die ander lede van die groep.
Studie-eenheid 4: Leiding Bladsy 127
SBM105 Ondernemingsbestuur
o Die kompromis se rol behels die wysiging van besluite, aanbied van kompromieë
en die een wat bereid is om te erken as foute gemaak is.
• Obstruksierolle
Hierdie is aktiwiteite wat die groep ontwrig. Dit kom na vore in persone wat
besprekings domineer, mondelingse aanvalle op die ander lede van die groep maak
en vordering in die groep verhinder deur onbelangrike inligting aan te bied of
onnodige humor. Soms is versperrende gedrag nie bedoel om negatief te wees nie,
soos ʼn lid wat ʼn grap maak ten einde die spanning te verbreek, of wanneer iemand ʼn
besluit bevraagteken, wat daartoe kan lei dat die groep die saak heroorweeg.
Persone wat obstruksierolle aanneem is die aggressors, blokkeerders,
domineerders, komediante en persone wat vermydingsgedrag toon.
o Die aggressor kritiseer die lede se waardes en maak openlike of subtiele
sarkastiese grappe.
o Blokkeerders sal hardnekkig die groep se idees weerstaan en om persoonlike
redes nie met die lede van die groep saamstem nie, of hulle het verskuilde
agendas.
o Die domineerder sal pogings aanwend om gesprekke te beheer. Hulle
onderbreek dikwels ander ten einde ander lede te manipuleer.
o Komediante verlaat dikwels die groep, selfs al is hulle nog fisies ʼn deel daarvan.
Hulle trek die groeplede se aandag af, op maniere wat nie relevant tot die
voltooiing van die groepsdoelwitte is nie.
o Die persoon wat vermydingsgedrag toon, streef doelwitte na wat nie verband hou
met die groepsdoelwitte nie. Hulle verander die onderwerp voortdurend en
vermy situasies waar hulle hulself tot die groep moet verbind.
Roldubbelsinnigheid
Roldubbelsinnigheid gaan oor die verskil tussen die toekenningsrol en die rol, soos deur die
groeplid aanvaar word. Toesighouers of ander leiers ken dikwels rolle toe aan lede van
formele groepe. Groeplede ontvang die rol deur gereed en gewillig te wees om die take te
onderneem wat verband hou met daardie rol. Dubbelsinnigheid veroorsaak dat lede soms
hulle onderskeie verantwoordelikhede verwar. Hierdie verwarring kan voorkom indien lede
nie spesifieke posbeskrywings het nie, of omdat die opdragte ten opsigte van die taak, nie
duidelik was nie.
Studie-eenheid 4: Leiding Bladsy 128
SBM105 Ondernemingsbestuur
Rolkonflik
Rolkonflik ontstaan wanneer daar teenstrydigheid tussen die verwagte rol en die werklike rol
is. Daar is verskillende vorme van rolkonflik. Inter-rolkonflik ontstaan wanneer daar konflik
tussen die verskillende rolle is wat ʼn individu beklee. So kan beroepsrolle meeding met
gesinsrolle en emosionele konflik veroorsaak.
Intra-rolkonflik kom voor wanneer individue botsende aansprake op hul tyd en aandag het in
die uitvoering van die take wat verband hou met dieselfde rol, byvoorbeeld ʼn toesighouer is
verantwoordelik om kwaliteitskontrole te doen in ʼn produksieproses, maar terselfdertyd
verwag die werknemers dat hy hulle moet ondersteun in ʼn dispuut met die bestuur van die
onderneming.
4.6.5 Groepsnorme
Norme is aanvaarbare standaarde van gedrag binne ʼn groep wat deur die lede van die
groep gedeel word. Norme definieer die grense tussen aanvaarbare en onaanvaarbare
gedrag. Groepsnorme ontstaan om die oorlewing van die groep te fasiliteer, gedrag meer
voorspelbaar te maak, om verleentheid te voorkom en druk die waardes van die groep uit.
Elke groep sal sy eie stel norme hê. Groepe oefen druk op lede uit om hulle te dwing om aan
die standaarde van die groep te voldoen. Die norme weerspieël dikwels die vlak van
toewyding, motivering en prestasie van die groep.
(https://www.dlsweb.rmit.edu.au/toolbox/admin3/toolbox1213/topics/topic29/images/t29_07.gif)
4.6.6 Prestasienorme
Prestasienorme bepaal hoe vinnig lede moet werk en hoeveel hulle moet produseer. Hulle
word geskep om prestasievlakke van individuele vas te stel. Hierdie norme kan tot frustrasie
onder die bestuur lei, omdat norme dikwels nie ooreenstem met die onderneming se
Studie-eenheid 4: Leiding Bladsy 129
SBM105 Ondernemingsbestuur
doelwitte nie en kan lei tot onderprestasie. Lede van ʼn groep het dalk die vaardigheid en
vermoë om op hoër vlakke te presteer, maar as gevolg van neergelegde (laer)
prestasienorme, doen hulle dit nie.
Byvoorbeeld, werkers op ʼn produksielyn word toegelaat om 20 minute voor sluitingstyd te
was, selfs al het hulle minder items geproduseer as wat die doelwitte van die dag vereis het.
Beloningstoekenningsnorme
Beloningstoekenningsnorme bepaal hoe die beloning toegeken word aan lede van die
groep.
• Die norm van gelykheid
Die norm van gelykheid dikteer gelyke behandeling van alle lede. Elke lid deel ewe
veel in die wins – die wins word dus eweredig aan almal versprei.
• Die norm van bydrae
Die norm van bydrae beteken dat die beloning verdeel word volgens elke lid se
bydrae. Met ander woorde, die lede wat die meeste bydra gaan die grootste deel van
die beloning ontvang. Lede kan bydra deur fisiese werk te verrig of deur hul
vaardighede of vermoëns beskikbaar te stel.
• Die norm van sosiale verantwoordelikheid
Die norm van sosiale verantwoordelikheid beloon op grond van behoefte. Lede met
spesiale behoeftes ontvang die grootste deel van die beloning.
4.6.7 Groepsamehorigheid
Groepsamehorigheid verwys na die verbintenis van die lede aan die groep en hulle begeerte
om deel van die groep te wees. Talle faktore beïnvloed groepsamehorigheid. Dit is
gewoonlik so, dat hoe moeiliker dit is om groepslidmaatskap te verkry, hoe groter die
samehorigheid in die groep.
Groepe is ook geneig om samehorigheid te verkry wanneer hulle in ʼn intense mededinging
met ander groepe is, of ʼn ernstige bedreiging van buite in die gesig staar. Kleiner groepe en
diegene wat baie tyd saam deurbring is ook geneig om meer samehorig wees.
Samehorigheid in werkgroepe het baie positiewe resultate, soos werker tevredenheid, lae
personeelomset en afwesigheid, en hoër produktiwiteit. Hoogs samehorige groepe kan
nadelig op organisatoriese prestasie wees, indien hul doelwitte nie ooreenstem met
organisatoriese doelwitte nie. Hierdie groepe is ook soms meer vatbaar vir groepsdruk.
Studie-eenheid 4: Leiding Bladsy 130
SBM105 Ondernemingsbestuur
Groepsdruk kom voor wanneer lede van ʼn groep op mekaar druk uitoefen om konsensus in
besluitneming te verkry. Groepsdruk kan lei tot roekelose besluitneming, onrealistiese
beoordelings van alternatiewe aksieplanne, en ʼn gebrek aan werklike evaluering van idees.
(Aangepas vanuit: http://www.iel.spokane.edu/Students/Student-
support/Diversity/Workshops/Workshop-docs/GroupFormation.aspx)
4.7 Politieke gedrag in ondernemings en leierskap
Kantoorpolitiek verwys na ʼn persoon wat sy toegekende gesag in die onderneming misbruik
om voordele in die onderneming te bekom, wat hom/haar nie toekom nie. Hierdie voordele
kan toegang tot tasbare bates bied, of ontasbare voordele, soos status insluit. Beide
individue en groepe word betrek in kantoorpolitiek.
Bestuur en werknemers kan in kantoorpolitiek betrokke raak, individueel of gesamentlik.
Bestuurders wat betrokke raak in kantoorpolitiek, doen dit dikwels ten koste van die
werknemers. Werknemers wat die arbeidsomgewing betree, is dikwels verstom deur die
omvang van kantoorpolitiek in ondernemings.
(http://3.bp.blogspot.com/_p4HYMlvTTdE/TEF3Pv85slI/AAAAAAAAAA0/0l5Njeoixq8/s1600/
office+politics.jpg)
Die volgende is maniere om kantoorpolitiek te vermy:
Gewoonte 1: Wees bewus dat jy ʼn keuse het
Die mees algemene reaksie op kantoorpolitiek, is een van veg of vlug. Dit is normale
menslike reaksie om te wil oorleef. Die kantoor is soos ʼn moderne oerwoud, maar dit verg
meer as net instinktiewe reaksies om in kantoorpolitiek die botoon te vier. Instinktiewe
vegreaksies sal net veroorsaak dat daar meer weerstand is teen alles wat jy wil bereik,
Studie-eenheid 4: Leiding Bladsy 131
SBM105 Ondernemingsbestuur
terwyl ʼn instinktiewe vlugreaksie jou sal etiketteer as ʼn swakkeling. Nie een van hierdie
opsies is ʼn goeie keuse vir gesonde loopbaangroei nie.
Gewoonte 2: Weet wat jy wil bereik
Wanneer persoonlike konflikte as gevolg van persoonlike ambisies voorkom, is dit baie
maklik om daarby betrek te word. Die manier om dit te vermy, is om op die onderneming se
doelwitte te fokus. Almal wil hê dat die onderneming suksesvol moet wees – indien die
onderneming nie bo uitkom nie, kan niemand in die onderneming wen nie.
Gewoonte 3: Fokus op jou invloedsfeer
Daar is dikwels situasies wat by die werk opduik waaroor ʼn mens min beheer het. Om te kla
is ʼn algemene reaksie op gebeure wat ons nie kan beheer nie. In plaas daarvan om oor die
omstandighede te kla, fokus liewer op die dinge wat jy kan doen om die situasie positief te
beïnvloed – jou invloedsfeer. Hierdie is ʼn kragtige tegniek om die gevoel van hulpeloosheid
te bowe te kom. Dit kan ook kwade gevoelens besleg.
Jy mag dalk nie in staat wees om die besluit te verander nie, maar jy kan van die situasie af
wegstap, met die wete dat jy die beste gedoen het binne die gegewe omstandighede. Daar
is oral beperkinge in die werksplek, maar met hierdie benadering, sal jy waardering en
respek wen.
Gewoonte 4: Moenie kant kies nie
In kantoorpolitiek is dit moontlik om jouself tussen twee strydende persone te vind. Jy kan ʼn
speelbal word, terwyl hulle probeer om mekaar te uitoorlê en hul eie posisie te verdedig. In
gevalle soos hierdie, is dit die beste om slegs op die onderneming se doelwitte te fokus en
nie kant te kies nie. Dit kan ook help om die konflik op ʼn objektiewe wyse te beredder. Jy sal
ook die vertroue van beide partye wen.
Gewoonte 5: Moenie persoonlik raak nie
Kantoorpolitiek lei dikwels tot openlike konflik. Jy kan dalk self voel om die persoon ʼn les
leer. Moenie aan die gevoel toegee nie. Mense is geneig om oomblikke van vernedering, of
as hulle beledig word, te onthou. Selfs al sou jy so ʼn argument wen, kan dit jou duur te staan
kom, as jy dalk later die persoon se hulp benodig. Om in ʼn situasie van kantoorpolitiek te
wen, sal dit nodig wees om ʼn netwerk van bondgenote, op wie jy kan reken, op te bou.
Gewoonte 6: Probeer om te verstaan
Mense kan maklik voel dat hulle ongeregverdig behandel is, as hulle voel dat hulle
misverstaan word. Dit is belangriker om ander te probeer verstaan, as wat dit is om verstaan
te word. Bestuurders en sakeleiers moet leer om hierdie behoefte te onderdruk.
Studie-eenheid 4: Leiding Bladsy 132
SBM105 Ondernemingsbestuur
Om begrip te toon, is ʼn ontwapeningstegniek. Wanneer die ander party voel dat jy sy
probleem verstaan, is hy dadelik minder op die verdediging. Dit maak die
kommunikasiekanaal weer oop.
Gewoonte 7: Dink wen-wen
Konflik in die kantoor gebeur dikwels as gevolg van botsende belange. Kinders leer van
jongs af om te wil wen – iemand anders kan liewer verloor. Om iemand anders te laat wen,
impliseer ook dat ons verloor – nooit ʼn lekker gevoel nie.
Probeer om te dink in terme van: "Hoe kan ons albei in hierdie situasie wen?" Dit vereis
eerstens begrip vir die perspektief van die ander party. Dit is ook nodig om die voordele vir
jou self te oorweeg. Soek ʼn oplossing wat vir beide partye aanvaarbaar sal wees en tot
voordeel van beide partye sal strek.
(Aangepas vanuit: http://www.lifehack.org/articles/management/7-habits-to-win-in-office-
politics.html)
4.8 Gevallestudie
Gevallestudie 4.1
Kyk na die bostaande strategie. Doen navorsing oor hoe ʼn leier verandering in ʼn
onderneming kan teweeg bring en maak aantekeninge daarvan.
4.9 Samevatting
Suksesvolle leiers in ʼn onderneming het ʼn invloed op die werknemers waaroor hulle toesig
hou, maar hulle inspireer ook andere wat in ander dele van die onderneming werksaam is.
Doeltreffende leierskap is aansteeklik en moet na soveel moontlike areas in die
Studie-eenheid 4: Leiding Bladsy 133
SBM105 Ondernemingsbestuur
onderneming oorgedra word. Deur dit te doen, kan dit lei tot ʼn hoogs-gekoördineerde poging
om beide kliënte en werknemers tevrede te stel.
Die manier waarop ʼn bestuurder lei word grootliks beïnvloed deur werknemersmoraal binne
die departement en die onderneming as ʼn geheel. Bestuurders moet ʼn klimaat skep wat
nuwe idees en insette van die werknemer aanmoedig. Hoe meer werknemers voel dat hulle
opinies vir die onderneming belangrik is, hoe meer sal hulle bereid wees om idees te
genereer, om beter maniere te vind om prosesse te verbeter.
4.10 Selfevaluering
Aktiwiteit 4
Pas kolom A by kolom B: Skryf bloot die korrekte paar neer.
A B
1. Integriteit A. Kreatiwiteit is die vermoë om anders te
dink, om verby oplossings te dink wat
beperkend van aard is.
2. Kreatiwiteit B. Dit is die vermoë om wat ʼn mens verwag
duidelik te stel, sodat daar geen
misverstande is nie.
3. Grootmoedigheid C. Integriteit is die integrasie van uiterlike
optrede en innerlike waardes.
4. Selfgelding D. Openlikheid beteken om in staat te wees
om te luister na nuwe idees, selfs al sal
die idees nie noodwendig weldeurdag of
logies wees nie.
5. Openlikheid E. Dit beteken dat leiers erken dat hulle nie
beter of slegter as ander lede van die
span is nie.
F. Grootmoedigheid beteken die gee van
erkenning waar dit toekom.
Studie-eenheid 4: Leiding Bladsy 134
SBM105 Ondernemingsbestuur
Aktiwiteit 5
Bespreek kortliks wat outokratiese leierskap is.
Aktiwiteit 6
Identifiseer en beskryf kortliks die drie (3) beloningstoekenningsnorme wat bepaal hoe die
beloning toegeken word aan lede van die groep.
Studie-eenheid 4: Leiding Bladsy 135
SBM105 Ondernemingsbestuur
Notas
Studie-eenheid 4: Leiding Bladsy 136
Bemarking
STUDIE-EENHEID 5: BEHEER
5.1 Studie-eenheid leeruitkomstes
Kennis en begrip
Na voltooiing van Studie-eenheid 5 sal jy in staat wees om jou kennis en begrip van die
volgende te demonstreer:
• Aard en die doelwitte van beheer
• Die beginsels van beheer
• Die voordele van beheer
• Die beheerproses
• Verskillende tipes beheer
Vaardighede
Jy sal ook in staat wees om:
• Die aard en doelwitte van beheer te beskryf.
• Die beginsels van beheer te beskryf.
• Die voordele van beheer te ontleed.
• Die stappe in die beheerproses te ontleed.
• Te onderskei tussen die verskillende tipes beheer.
Studie-eenheid 5: Beheer Bladsy 137
Bemarking
5.2 Verrykende bronne
• https://www.sba.gov/blogs/5-tips-taking-control-your-business-without-being-control-
freak
• http://www.entrepreneur.com/article/229365
• http://www.zeepedia.com/read.php?controlling_as_a_management_function_the_co
ntrol_process_principles_of_management&b=54&c=44
Hoe kan jy jou begrip verbeter?
Jy moet seker maak dat jy die volgende terminologie verstaan:
Sleutelwoord Omskrywing
Beheer Beheer verwys na die taak om te verseker dat die aktiwiteite van
die onderneming die gewenste resultate lewer.
Finansiële verhoudingsanalise
Finansiële verhoudingsanalise ondersoek die verhouding tussen
spesifieke syfers op die finansiële state en help om ʼn
verduideliking te gee van die betekenis van daardie syfers.
Organisatoriese beheer
Organisatoriese beheer is die proses van die toeken, evaluering
en die regulering van die hulpbronne op ʼn deurlopende basis om
ʼn onderneming se doelwitte te bereik.
Reikwydte van beheer
Die reikwydte van beheer is ʼn dimensie van die organisatoriese
ontwerp wat gemeet word aan die aantal ondergeskiktes wat
direk aan ʼn spesifieke bestuurder rapporteer.
Terugvoer-beheermaatreëls
Terugvoerbeheermaatreëls behels die hersiening van inligting om
te bepaal of prestasie aan gevestigde standaarde voldoen het.
Voorkomende beheermaatreëls
Voorkomende beheermaatreëls probeer om afwykings in die
standaarde te identifiseer voordat dit plaasvind.
5.3 Inleiding
Beheer verwys na die taak om te verseker dat die aktiwiteite van die onderneming die
gewenste resultate lewer. Beheer behels dus die monitering van die uitslag van aktiwiteite,
die hersiening van terugvoerinligting en indien nodig, die neem van regstellende aksies.
Baie skrywers is van mening dat die aard van beheer verander, soos die aard van die
onderneming verander. Nuwe vorme van ondernemings soos selforganiserende
Studie-eenheid 5: Beheer Bladsy 138
Bemarking
ondernemings, selfbestuurde spanne en netwerkondernemings maak dit vir ondernemings
moontlik om meer aanpasbaar te wees in die vinnig-veranderende wêreld. Hierdie tipe
ondernemings moedig die bemagtiging van werknemers aan, in ʼn groter mate as die
tradisionele hiërargiese ondernemings.
Sommige skrywers is van mening dat die bestuur nie meer enige vorm van beheer moet
uitoefen nie. Die bestuur moet slegs die werknemers se pogings om produktiewe lede van
ondernemings en gemeenskappe te wees, ondersteun. Die term “koördineer”, eerder as
“beheer” moet gebruik word.
Vir die voortbestaan van ʼn onderneming is dit egter nodig dat daar wel ʼn mate van beheer
moet wees. Elke onderneming moet een of ander doel en doelwitte hê en individuele
gedrag, groepsgedrag en al die organisatoriese prestasies moet in ooreenstemming met die
strategiese fokus van die onderneming wees. Dit is hier waar beheer ter sprake is.
Beheer kan dus gedefinieer word as ʼn sistematiese poging deur bestuur om prestasie te
vergelyk met voorafbepaalde standaarde, planne of doelwitte. Dit word gedoen ten einde te
bepaal of prestasie in ooreenstemming met die standaarde is en of daar dalk enige
regstellende stappe vereis word.
Dit is gewoonlik onprakties om elke funksie in ʼn onderneming te beheer. Daarom is die
keuse wat om te beheer en die toepaslike inligting daaroor, belangrik. Daar moet ʼn direkte
korrelasie tussen die onderneming en die area van beheer wees. Met ander woorde, die
area van beheer moet in direkte verhouding met die doel en doelwitte van die onderneming
staan.
(http://www.1888toys.com/images/categories/new_categories_june/Marionettes_Puppets-
Marionettes_String_Puppets-image.jpg)
Studie-eenheid 5: Beheer Bladsy 139
Bemarking
5.4 Eienskappe van beheer
Die volgende is die eienskappe van beheer:
5.5.1 Algemene eienskappe van beheer
Alle bestuurders in ʼn onderneming verrig ʼn beheerfunksie, dit kan enige een of meer van
die volgende insluit: gehaltebeheer, voorraadbeheer, produksiebeheer, of selfs
administratiewe beheer.
Die volgende is die algemene eienskappe van beheer in ʼn onderneming:
• Toekomstige gebeure kan in ʼn mate beheer word, maar nie dit wat reeds gebeur
het nie. Vorige prestasie kan egter gemeet word ten einde regstellende aksie vir
die toekoms in te stel.
• Beheer is ʼn deurlopende proses (maand na maand en jaar na jaar) wat ʼn bepaalde
patroon en tydsraamwerk volg.
• Beheer lei tot aanpassings in die organisatoriese bedrywighede. Dit kontroleer of
daar aanvaarbare vordering gemaak word in die bereiking van doelwitte.
• Beleidsmaatreëls en ander beplanningselemente vorm die grondslag van en die
rede vir beheer. Deur beheer word daar gemoniteer of individue binne die
beleidsraamwerk van die onderneming funksioneer. Beheer kan ook die kwaliteit
van die onderskeie beleidsmaatreëls moniteer.
• Deur gepaste beheermaatreëls word die uitoefening van gesag en die vorming van
bestuurder-werkerverhouding regdeur die onderneming gevestig.
• In die teenwoordigheid van gesag of beheer sal individue hulle werk goed doen en
poog om hul prestasie te verbeter om die doelwitte wat vir hulle gestel is, te bereik.
• Beheer verseker organisatoriese doeltreffendheid en effektiwiteit. Wanneer daar ʼn
behoorlike beheerstelsels bestaan, kan die onderneming sy doelwitte bereik.
Studie-eenheid 5: Beheer Bladsy 140
Bemarking
Figuur 5.1: Beheermaatreëls (http://foxx-co.com/uploads/images/business_control_activity.gif)
5.5.2 Eienskappe van doeltreffende beheer
Die bestuur van enige onderneming moet ʼn beheerstelsel ontwikkeling in ooreenstemming
met die onderneming se doelwitte en hulpbronne. Doeltreffende beheer het die volgende
eienskappe:
ʼn Fokus op kritieke punte
Beheer moet toegepas word waar mislukking nie geduld kan word nie, of waar koste ʼn
probleem kan veroorsaak. Die kritieke punte sluit daardie gebiede van ʼn onderneming se
bedrywighede in, wat ʼn direkte invloed op die sukses van die belangrikste bedrywighede het.
Integrasie in gevestigde prosesse
Beheermaatreëls moet harmonieus in die werksaamhede van die onderneming geïntegreer
word en nie die onderneming se prosesse en bedrywighede ontwrig of ontspoor nie.
Aanvaarding deur werknemers
Werknemerbetrokkenheid is ʼn vereiste om suksesvolle beheermaatreëls te kan toepas.
Groter aanvaarding sal bewerkstellig kan word, indien werknemers by die ontwerp en
ontwikkeling van beheermaatreëls betrokke is.
Beskikbaarheid van inligting
Teikendatums, die tyd wat nodig is om ʼn projek te voltooi, projekkoste en
prioriteitsbehoeftes, is inligting wat te alle tye beskikbaar moet wees ten einde doeltreffende
beheer te kan uitoefen.
Studie-eenheid 5: Beheer Bladsy 141
Bemarking
Ekonomiese uitvoerbaarheid
Doeltreffende beheer beantwoord vrae soos: "Hoeveel kos dit?", "Hoeveel kan bespaar
word?" of "Wat is die opbrengs op die belegging?" ʼn Vergelyking tussen die koste en die
voordele, verseker dat die voordele van beheer, groter gewig dra as die gepaardgaande
koste.
Akkuraatheid
Doeltreffende beheer verskaf feitelike inligting wat nuttig, betroubaar, geldig en konsekwent
is. Die verskillende prosesse kan dus akkuraat teen verskillende kriteria gemeet word.
Verstaanbaarheid
Beheermaatreëls moet eenvoudig en maklik verstaanbaar wees. Onduidelikheid oor
beheermaatreëls kan katastrofiese gevolge vir almal in die onderneming inhou.
(Aangepas vanuit: http://www.cliffsnotes.com/study_guide/Effective-Organizational-Control-
Systems.topicArticleId-8944,articleId-8927.html)
5.5 Die reikwydte van beheer
Die reikwydte van beheer is ʼn dimensie van die organisatoriese ontwerp wat gemeet kan
word aan die aantal ondergeskiktes wat direk aan ʼn spesifieke bestuurder rapporteer.
Hierdie konsep raak organisatoriese ontwerp op verskeie maniere, byvoorbeeld die spoed
waarmee kommunikasie vloei, werknemersmotivering, verslagdoeningsverhoudings en
administratiewe aangeleenthede. (Verwys ook na par 3.5 in hierdie gids.)
Figuur 5.2: Reikwydte van beheer
(http://1.bp.blogspot.com/_2vgIgz_H4g8/SG9b-
PmPT8I/AAAAAAAAAI8/M0WB4bPBF9Y/s400-R/span2.PNG)
Studie-eenheid 5: Beheer Bladsy 142
Bemarking
5.6.1 Nou reikwydte van beheer
ʼn Nou reikwydte van beheer beteken dat elke bestuurder oor ʼn klein aantal werknemers
beheer uitoefen. Dit beteken ook dat meer bestuurders en meer vlakke van bestuur nodig is
om dieselfde aantal werknemers te bestuur, as wat nodig is in ʼn onderneming met ʼn groter
reikwydte van bestuur. ʼn Nou reikwydte van bestuur lei ook tot stadiger kommunikasie
tussen die laer vlak werknemers en die boonstevlak bestuurders van die onderneming.
Kundiges argumenteer dat ʼn nou reikwydte van bestuur en ʼn "hoë" organisatoriese
struktuur duurder is om in stand te hou, omdat daar baie meer bestuurders is. Die baie
vlakke van bestuur kan ook aanleiding tot kommunikasieprobleme gee. Ondernemings met
ʼn nou reikwydte van beheer word dikwels gesien as slegs geskik vir ʼn stabiele, stereotipe
ondernemingsomgewing.
Die volgende diagram is ʼn voorbeeld van ʼn nou reikwydte van beheer:
Figuur 5.3: Nou reikwydte van beheer (http://tutor2u.net/business/gcse/organisation_public_sector_clip_image003.gif)
5.6.2 Wyer reikwydtes van beheer
Die tendens is tans om organisatoriese strukture te vestig wat wyer reikwydtes van beheer
het, om koste te verminder en die spoed van besluitneming te bespoedig. Terselfdertyd
verhoog dit buigsaamheid en die bemagtiging van werknemers. Sommige navorsing dui
daarop dat ʼn wyer reikwydte van bestuur daartoe lei dat werknemers groter eienaarskap vir
hul taak aanvaar en daardeur word hulle motivering, moraal en produktiwiteit verhoog.
Studie-eenheid 5: Beheer Bladsy 143
Bemarking
Hierdie tipe van organisatoriese struktuur word dikwels gesien as doeltreffend in meer
onstabiele omgewings.
ʼn "Plat" organisatoriese ontwerp as gevolg van ʼn groter reikwydte van die bestuur, vereis
dikwels dat bestuurders meer administratiewe pligte moet aanvaar, aangesien hierdie
aktiwiteite deur minder werknemers gedeel word. Dit beteken ook dat meer werknemers aan
elke bestuurder rapporteer wat die bestuurders se toesighoudende verantwoordelikhede
verhoog.
Die volgende is ʼn voorbeeld van ʼn wye reikwydte van beheer:
Figuur 5.4: Wyer reikwydte van beheer
(http://www.kingsley.worcs.sch.uk/main/subjects/business_studies/Business%20Studies/AQ
A%20AS%20Bus%20Unit%202/HTML%20Chapters/Organisational%20Structures_files/ima
ge004.jpg)
5.6.3 Faktore wat die reikwydte van beheer beïnvloed
Die volgende faktore kan die reikwydte van beheer beïnvloed:
Werkskompleksiteit
Ondergeskikte poste wat kompleks, dubbelsinnig, dinamies of bloot ingewikkeld is, sal
waarskynlik meer betrokkenheid van die bestuur en dus ʼn nouer reikwydte van bestuur
vereis.
Gelykvormigheid van poste
Hoe meer soortgelyk en hoe meer roetine die take van ondergeskiktes is, hoe makliker is dit
vir ʼn bestuurder in ʼn wyer reikwydte van beheer om doeltreffend toesig te hou.
Fisiese nabyheid van ondergeskiktes
Hoe wyer werknemers geografies verspreid is, hoe moeiliker is dit vir ʼn bestuurder om
gereelde kontak met hulle te hê. Geografiese verspreiding van werkers lei gewoonlik tot ʼn
nouer reikwydte van beheer.
Studie-eenheid 5: Beheer Bladsy 144
Bemarking
Vermoëns van werknemers
Bestuurders wat toesig hou oor werknemers wat nie die vermoë, motivering, of selfvertroue
het om hul take te verrig nie, sal meer tyd saam met elke werknemer moet spandeer. Die
gevolge hiervan is dat die bestuurder nie oor ʼn groot aantal werknemers toesig kan hou nie.
Hierdie tipe omstandighede sal meer effektief beheer kan word deur ʼn nouer reikwydte van
bestuur.
Vermoëns van die bestuurder
Sommige bestuurders is beter georganiseerd, kan goed met ondergeskiktes kommunikeer
en is meer doeltreffend in die uitvoering van hul pligte. Sulke bestuurders kan ʼn wyer
reikwydte van bestuur beter hanteer as ʼn minder vaardige bestuurder.
Tegnologie
Selfone, e-pos en ander vorme van tegnologie wat kommunikasie en die uitruil van inligting
fasiliteer, maak dit moontlik vir bestuurders om hulle reikwydte van bestuur te verhoog, in
teenstelling met bestuurders wat nie toegang tot, of nie in staat is om die tegnologie te
gebruik nie.
Opleiding
Om die potensiële probleme van ʼn wye reikwydte van beheer te vermy, kan ondernemings
in die opleiding van bestuurders en werknemers belê en ook in die aanwending of
verbetering van tegnologie. Hierdie opleiding kan veral fokus op inligtingsverspreiding en die
verbetering van kommunikasie tussen bestuurders en werknemers.
(Aangepas vanuit: http://www.enotes.com/management-encyclopedia/span-control)
(http://www.accountingcertificateprograms.org/wp-content/uploads/2011/08/Accounting-
Training-Courses-Picture.gif)
Studie-eenheid 5: Beheer Bladsy 145
Bemarking
5.6 Beginsels van beheer
Die volgende diagram wys hoe dat beheer en die beginsels daarvan inpas in die
bestuursproses:
Figuur 5.5: Beginsels van beheer (http://www.transtutors.com/Uploadfile/CMS_Images/22779_The%20Management%20Process.JPG)
Beheer is gebaseer op die volgende belangrike beginsels:
Beginsel van die bevestiging van doelwitte
Die doel van beheer is om die bereiking van doelwitte te verseker, deur potensiële of
werklike afwykings van vasgestelde planne vroegtydig te identifiseer, sodat doeltreffende
regstellende aksie kan plaasvind.
Beginsel van die doeltreffendheid van beheer
Deur ʼn verskeidenheid benaderings en tegnieke van beheer toe te pas om die oorsake van
potensiële of werklike afwykings van planne te identifiseer en toe te lig, hoe doeltreffender
sal die beheer wees.
Beginsel van beheerverantwoordelikheid
Die primêre verantwoordelikheid vir die uitoefening van beheer, rus by die bestuurder wat
verantwoordelik is om die planne ten uitvoer te bring.
Beginsel van direkte beheer
Hoe hoër die kwaliteit van bestuurders en hul ondergeskiktes, hoe minder sal daar ʼn
behoefte aan direkte beheer wees. Die beginsel kan ook die “beginsel van afnemende
Studie-eenheid 5: Beheer Bladsy 146
Bemarking
beheer” genoem word, wat beteken dat ʼn senior bestuurder minder tyd aan beheer hoef te
spandeer, hoe hoër die gehalte van bestuurders en hul ondergeskiktes in sy departement.
Beginsel van weerspieëling van die planne
Hoe meer beheermaatreëls ontwerp word om die spesifieke aard en struktuur van planne te
beheer, hoe doeltreffender sal hulle die belange van die onderneming en sy bestuurders
dien.
Beginsel van organisatoriese geskiktheid
Hoe meer die beheermaatreëls fokus op die areas in die ondernemingstruktuur waar die
verantwoordelikheid lê, hoe meer sal die maatreëls in staat wees om die regstelling van
afwykings van die planne te fasiliteer.
Beginsel van individualiteit van beheer
Beheer moet in ooreenstemming met die posisie, operasionele verantwoordelikheid,
bekwaamheid en behoeftes van die individu wees wat die beheermaatreëls en beheer
uitoefen.
Beginsel van die standaarde
Doeltreffende beheer vereis objektiewe, akkurate en toepaslike beheermaatreëls.
standaarde.
Beginsel van kritiese-punt beheer
Effektiewe beheer vereis dat aandag gegee word aan die faktore wat van kritieke belang is
vir die beoordeling van die prestasie van ʼn individuele plan.
Die uitsonderingsbeginsel
Hoe meer ʼn bestuurder konsentreer op die beheer van uitsonderings, hoe doeltreffender sal
die resultate van die beheer wees.
Beginsel van buigsaamheid van beheer
Vir beheer om doeltreffend te wees, ten spyte van mislukking of onvoorsiene veranderinge in
die planne, word buigsaamheid in die ontwerp van die spesifieke beheermaatreëls vereis.
Beginsel van aksie
Beheer kan slegs geregverdig word, indien dit daartoe lei dat afwykings van die planne
reggestel word deur toepaslike beplanning, organisering, personeel en leiding.
(Aangepas vanuit: http://knol.google.com/k/principles-of-management-koontz-and-o-
donnell#)
Studie-eenheid 5: Beheer Bladsy 147
Bemarking
5.7 Doelwitte van beheer
Organisatoriese beheer is die deurlopende proses van toekenning, evaluering en regulering
van hulpbronne om ʼn onderneming se doelwitte te bereik. Om ʼn onderneming suksesvol te
beheer, moet bestuurders nie net weet wat die prestasiestandaarde is nie, maar hulle moet
ook in staat wees om hierdie inligting aan werknemers te kommunikeer.
Die belangrikste doelwitte van beheer is soos volg:
Beheer moet planne doeltreffend maak
Om te slaag, moet bestuurders vordering kan meet, terugvoer kan gee en hul spanne
ooreenkomstig kan bestuur.
Beheer moet die integrering van organisatoriese aktiwiteite fasiliteer
Die organisatoriese beheermaatreëls en -prosedures moet verseker dat die aktiwiteite van
die onderneming geïntegreer word.
Beheer moet ondernemings meer effektief (efficient) maak
Ondernemings moet effektiewe beheermaatreëls in plek stel en toepas as hulle hul doelwitte
wil bereik.
Beheer moet ondernemings meer doeltreffend (effective) maak
Om doeltreffend te wees, is meer afhanklik van beheer as wat enige ander bestuursfunksie
in die onderneming is.
Beheer moet terugvoering verskaf oor die status van projekte
Beheer moet nie net projekte se vordering meet nie, maar ook terugvoering aan die
onderneming en spesifieke werknemers verskaf. Terugvoer moet gedrag beïnvloed en is ʼn
noodsaaklike element in die prosesbeheer.
Beheer moet besluitneming ondersteun
Die uiteindelike doel van beheer is om bestuurders te help om beter besluite te maak.
Beheer maak bestuurders bewus van probleme en gee hulle die inligting wat nodig is vir
besluitneming.
Die onderstaande toon dat beheer nie direk hoef te wees om doeltreffend te wees nie.
Tegnologie maak doeltreffende beheer moontlik.
Studie-eenheid 5: Beheer Bladsy 148
Bemarking
(http://www.pesutekno.fi/tiedostot/Image/Tyokuvia/Tietokone.jpg)
5.8 Voordele van beheer
Beheer help bestuurders met die koördinering van aktiwiteite ten einde departementele
doelwitte te bereik. Dit stel ook hoof uitvoerende beamptes in staat om die funksionering van
verskeie departemente te koördineer.
Die beheerfunksie help die bestuur van ʼn onderneming op verskeie ander maniere, naamlik:
• Dit help die bestuur om voorafbepaalde doelwitte te bereik.
• Die beheerproses verseker ook die doeltreffendheid van verskeie funksies.
• Tekortkominge in areas en prosesse kan geïdentifiseer en gerapporteer word, sodat
regstellende maatreëls geneem kan word.
• Beheer bied ʼn basis vir toekomstige optrede.
• Die deurlopende vloei van inligting oor projekte, hou beplanning vir toekomstige
optrede op koers.
• Dit help in die daarstel van regstellende maatreëls vir die toekoms, indien die
prestasie nie tot op hede bevredigend was nie.
• Dit help bestuur om herhaling van die foute van die verlede te vermy.
• Wanneer daar ʼn afwyking tussen die beplande en werklike prestasie is, help beheer
met die besluitneming oor ʼn toekomstige plan van aksie.
• Besluitneming oor opvolgaksies word ook deur beheer gefasiliteer.
• Desentralisasie van gesag, wat in ʼn groot ondernemings nodig word, word deur
beheer gefasiliteer.
• Bestuur kan nie gesag delegeer sonder dat daar behoorlike beheermaatreëls is nie.
Studie-eenheid 5: Beheer Bladsy 149
Bemarking
• Die teikens en doelwitte van die verskillende departemente word gebruik as
grondslag vir die bepaling van beheertegnieke.
• Die beheerstelsel help om organisatoriese doeltreffendheid te verbeter.
• Beheermaatreëls kan as motiveerders vir bestuurders dien.
• Prestasiemeting is een van die belangrikste instrumente van beheer, omdat dit
werknemers aanspoor om hul bydrae te maksimeer. As werknemers weet dat hul
prestasie gereeld geëvalueer word, sal hulle poog om op vorige werk te verbeter.
Belonings en straf is ook gekoppel aan prestasie. Die werknemers sal onder druk
wees om op hul werk te verbeter.
(Aangepas vanuit: http://dailyojo.com/articles/what-is-the-importance-of-control-in-
business.html)
5.9 Tipes beheer
Beheer kan voor ʼn aktiwiteit, tydens ʼn aktiwiteit en na afhandeling van ʼn aktiwiteit geskied.
Figuur 5.6: Wanneer vind beheer plaas? (Outeur, 2011)
Voorbeeld 5.1
In die toepassing van beheermaatreëls kan ʼn plaaslike motorhandelaar konsentreer op
aktiwiteite voor, gedurende of na die verkope van nuwe motors, deur die volgende aksies:
• Sorgvuldige inspeksie van nuwe motors en die versigtige keuring van
verkoopspersoneel is maniere om ʼn hoë gehalte en winsgewende verkope te
verseker, selfs nog voordat dit plaasvind.
• Gedurende die verkoopstransaksie kan die handelaar moniteer hoe die
verkoopspersoneel die kliënte hanteer.
Beheer
Voor die aktiwiteit
Tydens die aktiwiteit
Na die aktiwiteit
Studie-eenheid 5: Beheer Bladsy 150
Bemarking
• Deur die aantal nuwe motors wat gedurende die maand verkoop is, te bereken en
kopers te skakel om hul tevredenheid met die transaksie te bepaal, is
beheermaatreëls wat na die verkope plaasgevind het, gedoen kan word.
Hierdie tipe beheer behels voorlopige beheermaatreëls, gelyktydige beheermaatreëls en
terugvoerbeheermaatreëls.
5.10.1 Voorkomende beheermaatreëls
Voorkomende beheermaatreëls probeer om afwykings in die standaarde te identifiseer
voordat dit plaasvind. Dit fokus op menslike, materiële en finansiële hulpbronne binne die
onderneming. Hierdie beheermaatreëls moet in gedagte gehou word in die keuse en
aanstelling van nuwe werknemers.
Ondernemings sal poog om werknemerstandaarde te verhoog deur die identifisering van die
nodige vaardighede en deur toetse en ander metodes te gebruik wanneer mense in diens
geneem word.
Uit ons voorbeeld sal werknemers in staat moet wees om die nuwe motors te toets, voor dit
aan kliënte beskikbaar gemaak word.
(http://www.allamericanautobody.biz/images/service_galleries/vehicle_inspection.png)
5.10.2 Gelyktydige beheermaatreëls
Gelyktydige beheermaatreëls moniteer die werknemer se aktiwiteite op ʼn deurlopende
grondslag om konsekwentheid in die kwaliteit van standaarde te verseker. Hierdie
beheermaatreëls maak staat op prestasiestandaarde, reëls en regulasies vir die begeleiding
Studie-eenheid 5: Beheer Bladsy 151
Bemarking
van die werknemer, sy take en sy gedrag. Die doel hiervan is om te verseker dat
arbeidsaktiwiteite die gewenste resultate oplewer.
Baie van die vervaardigingsindustrieë gebruik toestelle wat bepaal of die items wat
geproduseer word voldoen aan die standaarde vir kwaliteit. Werknemers moniteer prosesse
en as hulle opmerk dat standaarde nie bereik word nie, maak hulle self ʼn regstelling, of ʼn
bestuurder word in kennis gestel van die probleem.
Uit ons voorbeeld sal monitering plaasvind om te bepaal hoe verkoopspersoneel kliënte
hanteer tydens die verkoop van die voertuig.
(http://www.prlog.org/10930127-buying-car.jpg)
5.10.3 Terugvoerbeheermaatreëls
Terugvoerbeheermaatreëls behels die hersiening van inligting om te bepaal of prestasie aan
gevestigde standaarde voldoen het. ʼn Onderneming kan, byvoorbeeld, ʼn doelwit stel om sy
wins met 12% te verhoog in die volgende jaar. Om te verseker dat hierdie doel bereik word,
moet die onderneming sy wins op ʼn maandelikse grondslag moniteer. Indien die wins na
3 maande met 3% toegeneem het, kan die bestuur aanvaar dat planne volgens skedule
verloop.
In die voorbeeld hierbo, kan prestasie gemeet word aan die aantal nuwe motors wat
gedurende die maand verkoop is.
(Aangepas vanuit: http://www.cliffsnotes.com/study_guide/Types-of-Organizational-
Controls.topicArticleId-8944,articleId-8926.html)
5.10 Die beheerproses
Die beheerproses behels ʼn noukeurig versameling van inligting oor ʼn stelsel, die proses, die
persoon, of groep mense om die nodige besluite te kan neem. Beheerstelsels bestaan uit
Studie-eenheid 5: Beheer Bladsy 152
Bemarking
vier belangrike stappe:
Figuur 5.7: Beheerproses
(Outeur, 2011)
Stel standaarde om prestasie teen te meet
In die oorhoofse strategie van ʼn onderneming definieer bestuurders die doelwitte vir elke
departement in spesifieke, operasionele terme, wat dan die prestasiestandaarde insluit,
waarteen organisatoriese aktiwiteite gemeet kan word.
Meet werklike prestasie
Die meeste ondernemings berei gereeld amptelike prestasiemetingsverslae voor wat
bestuurders dan hersien. Hierdie meting moet in verband gebring word met die standaarde,
soos uiteengesit in die eerste stap van die beheerproses. Byvoorbeeld, as groei in verkope
die mikpunt is, moet die onderneming in staat wees om verkoopsdata te versamel en
daaroor verslag te kan doen.
Vergelyk prestasie met standaarde
Hierdie stap vergelyk werklike aktiwiteite met prestasiestandaarde. Wanneer bestuurders
prestasieverslae lees, of deur hulle afdelings beweeg, bepaal hulle of die werklike prestasie
voldoen aan die standaarde, dit oorskry, of nie daaraan voldoen nie. Prestasieverslae
vereenvoudig hierdie vergelyking deur die prestasiestandaarde vir die verslagtydperk, naas
die werklike prestasie vir dieselfde tydperk, te plaas, en deur die berekening van die
variansie, wat die verskil is tussen die werklike aksie en die betrokke standaard.
Neem korrektiewe aksies
Wanneer die prestasie afwyk van die standaarde moet bestuurders vasstel watter
veranderinge, indien enige, nodig is en hoe dit toegepas moet word. In ʼn produktiwiteits- en
kwaliteitsgesentreerde omgewing, word werknemers en bestuurders dikwels bemagtig om
hul eie werk te evalueer. Nadat die evalueerder bepaal het wat die oorsaak of oorsake van
afwykings is, kan hy of sy regstellende stappe neem.
(Aangepas vanuit: http://www.cliffsnotes.com/study_guide/The-Organizational-Control-
Process.topicArticleId-8944,articleId-8925.html)
Stel standaarde Meet prestasie Vergelyk met standaarde
Neem korrektiewe aksies
Studie-eenheid 5: Beheer Bladsy 153
Bemarking
Die volgende is ʼn grafiese voorbeeld van ʼn tipiese beheerproses:
Figuur 5.8: Tipiese beheerproses (http://www.budgeting4business.com/images/control-process.gif)
5.11 Tegnieke van beheer
Beheertegnieke voorsien bestuurders van die tipe en die hoeveelheid inligting wat hulle
nodig het om prestasie te meet en te moniteer. Die inligting uit die verskeie kontroles moet
aangepas word by die vlak van bestuur, die departement, die eenheid, of die
bedryfsafdeling.
Om volledige en konsekwente inligting te verkry, gebruik ondernemings dikwels
gestandaardiseerde dokumente soos finansiële, status-, en projekverslae. Elke area in die
onderneming kan egter sy eie beheertegnieke gebruik.
Die volgende is tipiese beheertegnieke wat in ondernemings aangetref word:
5.12.1 Finansiële beheermaatreëls
Nadat die onderneming strategieë vasgestel het om die doelwitte te bereik, word fondse
toegewys aan die verkryging van die nodige hulpbronne en arbeid. Soos die fondse bestee
Studie-eenheid 5: Beheer Bladsy 154
Bemarking
word, word state opgedateer om te bepaal hoeveel bestee is, hoe dit bestee is, en wat
bereik is.
Bestuurders gebruik finansiële state, soos ʼn inkomstestaat of balansstaat, om die vordering
van programme en planne te moniteer. Finansiële state verskaf ook inligting aan bestuur wat
hulle in staat stel om finansiële hulpbronne en aktiwiteite te moniteer.
• Die inkomstestaat
Die inkomstestaat toon die resultate van die onderneming se bedrywighede oor ʼn
periode van tyd aan, soos inkomste, uitgawes, wins of verlies.
• Die balansstaat
Die balansstaat toon wat die onderneming se bates op ʼn bepaalde tyd is, asook die
mate waartoe daardie bates gefinansier is deur middel van skuld (laste) of
eienaarsbelegging (ekwiteit).
• Finansiële oudits
Finansiële oudits of formele ondersoeke word gereeld gedoen om te verseker dat die
finansiële bestuur van die onderneming algemeen aanvaarde prosedures, beleid,
wette, en etiese riglyne volg. Oudits kan intern of ekstern onderneem word.
• Finansiële verhoudingsanalise
Finansiële verhoudingsanalise ondersoek die verhoudings tussen spesifieke syfers
op die finansiële state en help om die betekenis van daardie syfers te verklaar:
o Likiditeitsverhoudings meet ʼn onderneming se vermoë om kontant te genereer.
o Rentabiliteitsverhoudings (profitability ratios) meet ʼn onderneming se vermoë om
winste te genereer.
o Skuldverhoudings meet ʼn onderneming se vermoë om sy skuld te betaal.
o Aktiwiteitsverhoudings meet ʼn onderneming se doeltreffendheid in die
bedrywighede en gebruik van bates.
5.12.2 Begrotingsbeheer
ʼn Begroting toon aan hoeveel ʼn onderneming verwag om te bestee (uitgawes) en te verdien
(inkomste) oor ʼn gegewe tydperk. Bedrae word gekategoriseer volgens die aard van die
sake-aktiwiteit of rekening, soos telefoonkoste of verkope. Begrotings help bestuurders nie
net om hul finansies te beheer nie, maar dit help ook om tred te hou van alle uitgawes.
Studie-eenheid 5: Beheer Bladsy 155
Bemarking
ʼn Begroting is beide ʼn beplanningsinstrument en ʼn beheermeganisme. Begrotingsprosesse
verskil tussen ondernemings. Sommige gebruike die volgende metodes:
• Afwaartse begrotingsproses. Bestuurders berei die begroting voor en stuur dit aan
ondergeskiktes.
• Opwaartse begrotingsproses. Syfers kom uit die laervlakke van die department en
word aangepas en gekoördineer soos dit in die hiërargie opbeweeg.
• Nul-gebaseerde begroting. Bestuurders ontwikkel elke nuwe begroting, deur die
geprojekteerde toekenning te regverdig teen die bydrae wat hierdie toekenning tot
die bereiking van departementele of organisatoriese doelwitte gaan maak.
• Buigsame begrotingsproses. Enige begrotingsoefening kan veranderlike
begrotings insluit, wat “behaal-of-klop” standaarde insluit waarteen uitgawes vergelyk
kan word.
(http://rigermarketingcommunications.files.wordpress.com/2010/12/budgets.jpg)
5.12.3 Bemarkingskontrole
Bemarkingskontrole help om die bereiking van die doelwit van kliëntetevredenheid, ten
opsigte van produkte en dienste, pryse, en aflewering, te moniteer. Die volgende is
voorbeelde van kontrole wat gebruik word om ʼn onderneming se bemarkingsfunksies te
evalueer:
Marknavorsing
Marknavorsing versamel data om kliëntebehoeftes te evalueer – inligting wat van kritieke
belang is vir ʼn onderneming se sukses. Deurlopende marknavorsing toon hoe goed ʼn
onderneming aan kliënte se verwagtinge voldoen. Dit help ook om mededingers identifiseer.
Toetsbemarking
Toetsbemarking is produkbemarking op ʼn klein skaal, om kliënte se aanvaarding van die
produk te evalueer. Toetsbemarking wat gebruik maak van opnames en fokusgroepe gaan
Studie-eenheid 5: Beheer Bladsy 156
Bemarking
verder as bloot die identifisering van algemene vereistes en kyk ook na wat (of wie) werklik
inkoopbesluite beïnvloed.
Bemarkingstatistieke
Bemarkingstatistieke meet prestasie deur die samestelling van data en die ontleding van die
resultate. In die meeste gevalle is vaardigheid met ʼn rekenaarsigbladprogram al wat die
bestuurder benodig. Bestuurders kyk na bemarkingsverhoudings, wat winsgewendheid,
aktiwiteite, en markaandele meet.
(http://radio411.com/marketing.jpg)
5.12.4 Menslikehulpbronbeheer
Menslikehulpbronbeheer help bestuurders met die regulering van die gehalte van nuwe
personeel, sowel as die monitering van huidige werknemers se ontwikkeling en
werksverrigting.
Bestuurders kan help om werkers se gedrag in ondernemings te beheer. Deur die doelwitte
van die onderneming duidelik aan werknemers te kommunikeer, kan bestuurders help om
hulle werknemers se prestasie in die regte rigting te stuur. Bestuurders kan ook ʼn beleids-
en proseduresriglyne daarstel om werkers te help in uitvoering van hulle pligte.
Ten slotte, kan bestuurders die ervaring wat in die verlede opgedoen is, gebruik wanneer
hulle toekomstige strategieë, doelwitte, beleid en prosedures ontwikkel.
Menslikehulpbronbeheer sluit aktiwiteite in, soos prestasiebeoordeling, dissiplinêre
programme, waarnemings, opleiding, ontwikkeling en assesserings. Omdat die kwaliteit van
ʼn onderneming se personeel, grootliks die onderneming se algehele doeltreffendheid
bepaal, is beheer in hierdie area van groot belang.
Studie-eenheid 5: Beheer Bladsy 157
Bemarking
5.12.5 Rekenaar- en inligtingsbeheer
Byna alle ondernemings het vertroulike en sensitiewe inligting wat nie algemene kennis mag
word nie. Beheer van toegang tot rekenaardatabasisse vorm die grondslag in
inligtingsbeheer. In ʼn toenemende mate word rekenaars gebruik om inligting in te samel en
te stoor vir kontroledoeleindes. Baie ondernemings moniteer elke werknemer se
rekenaargebruik om die werknemer se prestasie te meet. Sommige mense bevraagteken die
toepaslikheid van rekenaarmonitering.
Hoewel rekenaars en inligtingstelsels groot voordele vir die onderneming inhou, soos
verbeterde produktiwiteit en beskikbaarheid van inligting, moet die volgende beperkings op
die gebruik van inligtingstegnologie in ag geneem word:
Prestasiebeperkings
Alhoewel bestuursinligtingstelsels die potensiaal het om die algehele prestasie van die
onderneming te verhoog, kan die vervanging van werknemers met inligtingstelsels tot die
verlies van deskundige kennis lei. Daarbenewens is gerekenariseerde inligtingstelsels duur
en moeilik om te ontwikkel.
Indien die onderneming ʼn stelsel aankoop, kan die integrasie daarvan met die bestaande
stelsel moeiliker wees, as wat verwag is. As ʼn onderneming dan kortpaaie neem met die
installering van die stelsel, kan dit die stelsel se werksverrigting en nut benadeel.
Gedragsbeperkings
Inligtingstegnologie laat bestuurders toe om meer inligting as ooit tevore te bekom. Maar te
veel inligting kan werknemers oorweldig, stres veroorsaak en selfs stadiger besluitneming in
die hand werk. Die bestuur van die kwaliteit en hoeveelheid inligting wat gebruik word, is
belangrik.
Gesondheidsrisiko's
Potensieel-ernstige gesondheidsverwante kwessies, wat verband hou met die gebruik van
rekenaars en ander inligtingstegnologie, het in die afgelope jare na vore gekom. ʼn Voorbeeld
is die sogenaamde karpale tonnel sindroom, ʼn pynlike toestand in die hande en gewrigte,
wat veroorsaak word deur herhalende bewegings (soos dié gebruik van die muis en die
sleutelbord).
Studie-eenheid 5: Beheer Bladsy 158
Bemarking
(http://images.medicinenet.com/images/illustrations/carpal_tunnel.jpg)
(Aangepas vanuit: http://www.cliffsnotes.com/study_guide/Organizational-Control-
Techniques.topicArticleId-8944,articleId-8928.html)
5.12 Interne beheer
Interne beheermaatreëls bevorder doeltreffendheid en help om die betroubaarheid van die
finansiële state en nakoming van wette en regulasies te verseker. Omdat interne beheer ʼn
belangrike doel dien, is daar toenemende oproepe vir beter interne beheerstelsels in
ondernemings.
5.13.1 Wat is interne beheer?
Interne beheer kan beskryf word, as die verskaffing van ʼn standaard waarteen sake- en
ander entiteite, groot of klein, in die openbare of private sektor, hulle beheermaatreëls kan
beoordeel om te bepaal of, en hoe dit verbeter kan word.
Interne beheer word ook omskryf as ʼn proses, wat ingestel word deur ʼn entiteit se raad van
direkteure, bestuurs- en ander personeel en wat ontwerp word om redelike versekering te
verskaf, ten opsigte van die bereiking van doelwitte in die volgende kategorieë:
Effektiwiteit en doeltreffendheid van bedrywighede
Hierdie evalueer ʼn maatskappy se doelwitte, insluitend prestasie- en winsgewendheids-
doelwitte en die beveiliging van hulpbronne.
Studie-eenheid 5: Beheer Bladsy 159
Bemarking
Betroubaarheid van finansiële verslagdoening
Hierdie hou verband met die voorbereiding van betroubare finansiële state, insluitend
tussentydse en verkorte finansiële state.
Nakoming van toepaslike wette en regulasies
Hierdie kontroleer die nakoming van daardie wette en regulasies waaraan die onderneming
onderhewig is.
5.13.2 Die komponente van interne beheer
Interne beheer bestaan uit die volgende komponente:
Figuur 5.9: Komponente van beheer (Outeur, 2011)
Beheeromgewing
Die beheeromgewing gee die toon aan in ʼn onderneming en beïnvloed die
beheerbewustheid van sy mense. Dit vorm die grondslag vir alle ander komponente van
interne beheer, dissipline en struktuur. Die beheeromgewing sluit aspekte soos integriteit,
etiese waardes en die bevoegdheid van die onderneming se werknemers in. Dit omvat ook
Beheeromgewing
Risiko-assessering
Beheeraktiwiteite
Inligting
Monitering
Komponente van beheer
Studie-eenheid 5: Beheer Bladsy 160
Bemarking
die bestuursfilosofie en -styl, asook die manier waarop bestuur gesag en
verantwoordelikheid toeken.
Risiko-assessering
Elke onderneming staar ʼn verskeidenheid risiko's in die gesig, wat vanuit interne en eksterne
bronne kom en wat ontleed moet word. ʼn Voorwaarde vir risiko-assessering is die bepaling
van die doelwitte, wat aan die verskillende vlakke gekoppel word en konsekwent moet wees.
Risiko-assessering is die identifisering en ontleding van die risiko's wat verband hou met die
bereiking van die doelwitte, asook die vorming van ʼn grondslag om vas te stel hoe om die
risiko's bestuur. Omdat die ekonomiese en nywerheidsomgewing voortdurend verander, is
meganismes nodig, om risiko’s te identifiseer.
Beheeraktiwiteite
Beheeraktiwiteite is die beleid en prosedures wat dit moontlik maak om bestuursriglyne uit te
voer. Hulle help om te verseker dat die nodige stappe geneem word om risiko's aan te
spreek en sal bydra tot die bereiking van die onderneming se doelwitte. Beheeraktiwiteite
vind regdeur die onderneming, op alle vlakke en in alle funksies, plaas. Dit sluit ʼn
verskeidenheid van aktiwiteite in, soos goedkeurings, magtigings, verifikasies, rekonsiliasies,
resensies van bedryfsprestasie, die veiligheid van die bates en skeiding van pligte.
Inligting en kommunikasie
Relevante inligting moet geïdentifiseer, vasgelê en gekommunikeer word in ʼn formaat wat
mense in staat sal stel om hul verantwoordelikhede uit te voer. Inligtingstelsels produseer
verslae wat operasionele, finansiële en nakomingsverwante inligting bevat.
Werknemers het nie net intern-gegenereerde inligting nodig nie, maar ook inligting oor
eksterne gebeure, aktiwiteite en toestande wat hulle besluitneming en eksterne
verslagdoening kan beïnvloed. Doeltreffende kommunikasie moet deur die hele
onderneming plaasvind. Alle personeel moet besef dat die topbestuur die beheer oor
verantwoordelikhede ernstig opneem. Personeel moet hul eie rol in die interne beheerstelsel
verstaan, asook hoe individuele aktiwiteite verband hou met die werk van ander. Daar moet
ook goeie kommunikasie met eksterne partye, soos kliënte, verskaffers, reguleerders en
aandeelhouers wees.
Monitering
Interne beheerstelsels moet gemoniteer word, deur die kwaliteit van die stelsel se prestasie
oor ʼn verloop van tyd te evalueer. Dit word bereik deur middel van deurlopende monitering
van aktiwiteite, afsonderlike evaluerings, of ʼn kombinasie van die twee. Deurlopende
monitering sluit gereelde bestuursaktiwiteite en toesighoudende aktiwiteite in. Die omvang
Studie-eenheid 5: Beheer Bladsy 161
Bemarking
en frekwensie van afsonderlike evaluerings sal hoofsaaklik afhang van ʼn ontleding van die
risiko's en die doeltreffendheid van die deurlopende moniteringsprosedures.
(Aangepas vanuit: http://www.snai.edu/cn/service/library/book/0-Framework-final.pdf.)
5.13 Gevallestudie
Gevallestudie 5.1
Bestudeer die onderstaande figuur. Maak ʼn lys van al die elemente van beheer wat jy in die
figuur kan raaksien.
(http://i.technet.microsoft.com/dynimg/IC74985.jpg)
5.14 Samevatting
Beheer is ʼn sistematiese poging om prestasiestandaarde te stel tydens die beplanning van
doelwitte en die ontwerp van inligtingsterugvoerstelsels, om werklike prestasie met hierdie
voorafbepaalde standaarde te vergelyk. Die doel is om enige afwykings te bepaal, hul
betekenis te evalueer en die aksies te neem wat nodig is om te verseker dat alle
korporatiewe hulpbronne op die mees doeltreffende manier gebruik word om organisatoriese
doelwitte te bereik.
Studie-eenheid 5: Beheer Bladsy 162
Bemarking
5.15 Selfevaluering
Aktiwiteit 7
Bespreek kortliks die algemene eienskappe van beheer in ʼn onderneming.
Aktiwiteit 8
Gee voorbeelde van menslikehulpbron beheertegnieke.
Aktiwiteit 9
Bestudeer die onderstaande diagram en identifiseer die stappe in die beheerproses.
(http://www.budgeting4business.com/images/control-process.gif)
Meet prestasie
Studie-eenheid 5: Beheer Bladsy 163
Bemarking
WOORDELYS IN AFRIKAANS EN ENGELS
Afrikaans Engels
Beheer Control
Beplanning Planning
Bestuur Management
Doelwitte Goals
Formele struktuur Formal structure
Groepsdinamika Group dynamics
Hulpbronne Resources
Kosteleierskap Cost leadership
Maatskappybeleid Company policy
Markanalise Market analysis
Missie Mission
Oorhoofse strategie Overall strategy
Operasionele beplanning Operational planning
Ondernemingskultuur Organisational culture
Organisatoriese beheer Organisational control
Prosedures Procedures
Reikwydte van beheer Span of control
Sosiale netwerk Social network
Sosiale verandering Social change
Strategiese beplanning Strategic planning
Waarde Value
©akademia (MSW) Bladsy 164
Bemarking
BRONNELYS
• http://1.bp.blogspot.com/_2vgIgz_H4g8/SG9b-
PmPT8I/AAAAAAAAAI8/M0WB4bPBF9Y/s400-R/span2.PNG
• http://1.bp.blogspot.com/_2vgIgz_H4g8/SG9b-
PmPT8I/AAAAAAAAAI8/M0WB4bPBF9Y/s400-R/span2.PNG
• http://1.bp.blogspot.com/_we9F28Vk4oY/Svl-
LxheSzI/AAAAAAAACw4/dGVMSJeLlsQ/s400/Leadersip_Qualities_500.gif
• http://123management.eu/0/001_home/a001_home_05_strategy_island.html
• http://3.bp.blogspot.com/_p4HYMlvTTdE/TEF3Pv85slI/AAAAAAAAAA0/0l5Njeoixq8/
s1600/office+politics.jpg
• http://4.bp.blogspot.com/_RzxPnyoT4Is/SfzGqLwdSGI/AAAAAAAAAHk/k1AUdYyp6d
s/s400/SWOT_analysis_example.png
• http://4.bp.blogspot.com/-L1V4GXK-
wV0/TaHh3Mo0NPI/AAAAAAAABSo/T_OVYUWBzlA/s1600/Figure1.2.JPG
• http://cassley.org/classes/CS.302/images/company_structure.jpg
• http://champions.groupsite.com/uploads/files/x/000/014/0b3/Group_BizPeople-
Photo.png
• http://changingminds.org/disciplines/leadership/articles/manager_leader.htm
• http://clipart.usscouts.org/library/Scouting_Skills_and_Activities/hiking/hiking.gif
• http://education.scientity.com/images/BusinessManagement1.png
• http://entrepreneursystems.com/businessblog/wp-
content/uploads/2010/05/planning.jpg
• http://farm4.static.flickr.com/3120/2834621469_a1153b35b0_o.jpg
• http://foxx-co.com/uploads/images/business_control_activity.gif
• http://getthemost.typepad.com/.a/6a00d8341cfec353ef01156e65ac6f970c-320wi
• http://home.snc.edu/eliotelfner/333/pictures/Gantt.gif
• http://hsc.csu.edu.au/business_studies/mgt_change/effective_mgt/Importofeffectman
age.htm
• http://hubpages.com/hub/Nature-and-Characteristics-of-Planning
©akademia (MSW) Bladsy 165
Bemarking
• http://i.technet.microsoft.com/dynimg/IC74985.jpg
• http://image.automobilemag.com/f/features/news/9967428+w440/0806_01z+2009_fo
rd_flex+assembly_line_photo.jpg
• http://images.medicinenet.com/images/illustrations/carpal_tunnel.jpg
• http://knol.google.com/k/planning-a-management-
process#Principles_of_Planning_(28)Koontz_and_O(27)Donnel(29)
• http://knol.google.com/k/principles-of-management-koontz-and-o-
donnell#Principles_of_Control
• http://labspace.open.ac.uk/file.php/4643/im_org_img03.gif
• http://leadershipchamps.files.wordpress.com/2008/03/pdca.png
• http://lh4.ggpht.com/samashok143/SCwQnBgr0mI/AAAAAAAAALk/gSFdJTkBRNo/c
ontx_image003.jpg
• http://lisasaline.com/wp-content/uploads/2010/07/churchilldm0302_468x5421.jpg
• http://managementhelp.org/organizations/design.htm
• http://managementhelp.org/planning/
• http://managingabusiness.com/businessplanning/operational-planning
• http://oneinabillionconsulting.files.wordpress.com/2010/11/servant_leader_traits-on-
a-wheel.gif
• http://radio411.com/marketing.jpg
• http://rigermarketingcommunications.files.wordpress.com/2010/12/budgets.jpg
• http://rogerjnorton.com/abraham2.jpg
• http://sbinformation.about.com/od/businessplans/a/How-To-Write-A-Business-
Plan.htm
• http://siteresources.worldbank.org/INTAFRREGTOPTEIA/Resources/mosaica_10_st
eps.pdf
• http://smallbusiness.chron.com/strategic-planning-important-business-2671.html
• http://stevenclark.com.au/wp-content/uploads/2008/06/d.gif
• http://stevenclark.com.au/wp-content/uploads/2008/06/d.gif
• http://technet.microsoft.com/en-us/library/Cc700845.secmod193_1_big(l=en-us).gif
©akademia (MSW) Bladsy 166
Bemarking
• http://trianzblog.com/wordpress/wp-content/uploads/2009/04/picture2.jpg
• http://tutor2u.net/business/gcse/external_environment_introduction.htm
• http://tutor2u.net/business/gcse/organisation_public_sector_clip_image003.gif
• http://tutor2u.net/economics/revision-notes/as-markets-specialisation-
trade_clip_image002.jpg
• http://web.ygoy.com/2009/07/04/what-is-leadership-components-of-effective-
leadership/
• http://withfriendship.com/images/e/24494/transformational-leadership.jpg
• http://work911.com/planningmaster/faq/indextools.htm
• http://www.1888toys.com/images/categories/new_categories_june/Marionettes_Pupp
ets-Marionettes_String_Puppets-image.jpg
• http://www.accountingcertificateprograms.org/wp-
content/uploads/2011/08/Accounting-Training-Courses-Picture.gif
• http://www.advocus.co.uk/Tools_Tips/Tools_Techniques/files/goals_grid3.jpg
• http://www.allamericanautobody.biz/images/service_galleries/vehicle_inspection.png
• http://www.bbc.co.uk/schools/gcsebitesize/business/images/orgchart.gif
• http://www.bizearly.com/2010/05/nature-of-planning/
• http://www.brighthub.com/office/entrepreneurs/articles/73616.aspx#ixzz1RtouxP2V
• http://www.budgeting4business.com/images/control-process.gif
• http://www.buzzle.com/articles/effective-leadership-skills.htm
• http://www.christianleadershipalliance.org/resource/resmgr/home/policy_manual.jpg
• http://www.ci.rohnert-park.ca.us/Modules/ShowImage.aspx?imageid=449
• http://www.cliffsnotes.com/study_guide/Effective-Organizational-Control-
Systems.topicArticleId-8944,articleId-8927.html
• http://www.cliffsnotes.com/study_guide/Organizational-Control-
Techniques.topicArticleId-8944,articleId-8928.html
• http://www.cliffsnotes.com/study_guide/The-Internal-Environment.topicArticleId-
8944,articleId-8860.html
©akademia (MSW) Bladsy 167
Bemarking
• http://www.cliffsnotes.com/study_guide/The-Organizational-Control-
Process.topicArticleId-8944,articleId-8925.html
• http://www.cliffsnotes.com/study_guide/The-Organizational-Process.topicArticleId-
8944,articleId-8875.html
• http://www.cliffsnotes.com/study_guide/Types-of-Organizational-
Controls.topicArticleId-8944,articleId-8926.html
• http://www.con7.com/Main/Portals/0/Con7_services/iStock_person-and-org-
chart_web.jpg
• http://www.danablankenhorn.com/images/obama2.jpg
• http://www.dineshbakshi.com/Business-Organisation/Revision-notes/centralisation-
and-decentralisation.htmly
• http://www.dinf.ne.jp/doc/english/global/david/dwe002/dwe002g/dwe002g04702.gif
• http://www.dirjournal.com/business-journal/wp-content/uploads/2009/02/business-
plan.jpg
• http://www.dotnetcharting.com/images/Org_Chart.png
• http://www.easy-strategy.com/corporate-strategy.html
• http://www.emaytrix.com/mgmt307/section3.php
• http://www.enotes.com/management-encyclopedia/organizing
• http://www.enotes.com/management-encyclopedia/span-contro
• http://www.focus.com/briefs/top-10-leadership-qualities/
• http://www.goldenroostergroup.com/images/inside/leadership_management1.jpg
• http://www.hiroc.com/image/RM_figure1.jpg
• http://www.icmrindia.org/courseware/Introduction%20to%20Management/Mgmt-
DS8.htm
• http://www.iel.spokane.edu/Students/Student-
support/Diversity/Workshops/Workshop-docs/GroupFormation.aspx
• http://www.infed.org/images/people/gandhi_pd.jpg
• http://www.infoq.com/resource/news/2009/10/conducting-agile-team-
leadership/en/resources/HersheyBlanchardSituational2b.jpg
©akademia (MSW) Bladsy 168
Bemarking
• http://www.kingsley.worcs.sch.uk/main/subjects/business_studies/Business%20Studi
es/AQA%20AS%20Bus%20Unit%202/HTML%20Chapters/Organisational%20Struct
ures_files/image004.jpg
• http://www.learnmarketing.net/pestmarketing.jpg
• http://www.legacee.com/Assets/LeaderImages/bureaucracy/ManWorking.jpg
• http://www.leoisaac.com/planning/images/environ1.gif
• http://www.liberal-
international.org/contentFiles/images/G8%20leaders%20and%20flags.jpg
• http://www.lifehack.org/articles/management/7-habits-to-win-in-office-politics.html
• http://www.lmcuk.com/management-tool/generic-competitive-strategies
• http://www.managementstudyguide.com
• http://www.managementstudyguide.com/centralization_decentralization.htm
• http://www.managementstudyguide.com/organizing_principles.htm
• http://www.managementstudyguide.com/planning_advantages.htm
• http://www.med.govt.nz/upload/4547/index00.gif
• http://www.megaessays.com/viewpaper/46676.html
• http://www.megalifesuccess.com/wp-content/uploads/2010/05/Democratic-Leader.jpg
• http://www.mekonginfo.org/mrc_en/doclib.nsf/0/76C720570AC11EEB47256A0E0032
E54B/$FILE/Image3.gif
• http://www.microsoft.com/australia/citizenship/knowledge/businessmodel.mspx
• http://www.newkerala.com/pnews/photos/0809200908.jpg
• http://www.outsource2india.com/kpo/images/analysis-framework.jpg
• http://www.pesutekno.fi/tiedostot/Image/Tyokuvia/Tietokone.jpg
• http://www.picknpay-ir.co.za/financials/annual_reports/2010/our-mission.html
• http://www.polk.edu/businessandcommunity/officeofinstructionalresearchandreportin
g/PublishingImages/strate4.jpg
• http://www.prlog.org/10930127-buying-car.jpg
• http://www.project-management-course.info/wp-
content/uploads/2008/02/matrix_organization.gif
©akademia (MSW) Bladsy 169
Bemarking
• http://www.referenceforbusiness.com/management/Gr-Int/Group-Dynamics.html
• http://www.snai.edu/cn/service/library/book/0-Framework-final.pdf.
• http://www.steadfast-roofing.co.uk/images/OMSjpeg_001.JPG
• http://www.steadfast-roofing.co.uk/images/OMSjpeg_001.JPG
• http://www.suggestsoft.com/images/www-sqakki-com-
militaryscenarioplanning/scenario-planning-military-software.gif
• http://www.suite101.com/content/leading-as-a-management-function-a124060
• http://www.syfes.com/images/chart.jpeg
• http://www.telegraph.co.uk/news/newstopics/howaboutthat/7764159/Blackpool-
hoopla-tourist-game-impossible-to-win-court-told.html
• http://www.thebizboosters.com.au/index.php/profit-improve/14-articles/25-12-
reasons-why-business-planning-is-
importanthttp://www.thecanadianencyclopedia.com/index.cfm?PgNm=TCE&Params=
A1ARTA0001134
• http://www.thetimes100.co.uk/case-study--how-mccain-responds-to-changes-in-the-
external-environment--101-272-3.php
• http://www.toonpool.com/user/651/files/management_style_553115.jpg
• http://www.transtutors.com/Uploadfile/CMS_Images/22779_The%20Management%2
0Process.JPG
• http://www.un.org/cyberschoolbus/briefing/labour/labour.pdf
• http://www.unison.org.uk/laos/images/recruitment.gif
• http://www.vectorstudy.com/management_topics/types_of_leadership.htm
• http://www.whatmakesagoodleader.com/images/Leadership_skills_before_copy.gif
• https://www.dlsweb.rmit.edu.au/toolbox/admin3/toolbox1213/topics/topic29/images/t2
9_07.gif
©akademia (MSW) Bladsy 170
Bemarking
SELFEVALUERING
Riglyne: Aktiwiteit 1
1. Bestuur is ʼn groepsaktiwiteit
Bestuur as ʼn groepsaktiwiteit, verwys na daardie groep mense wat die taak het om die
onderneming te bestuur. Wanneer daar gesê word dat die bestuur van ʼn maatskappy
doeltreffend is, word daar verwys na die groep mense wat die maatskappy bestuur. Die
bestuur is al die bestuurders, van die Hoof Uitvoerende Beampte, tot die laervlak
bestuurders.
Die topbestuur van ʼn maatskappy bestaan gewoonlik uit die volgende ampte: die Hoof
Uitvoerende Beampte, die Voorsitter van die Raad van Direkteure, die Raad van
Direkteure, ens. Hulle is diegene wat betrokke is by die neem van belangrike besluite.
Hierdie persone het die reg om hulpbronne toe te wys om organisatoriese doelwitte daar
te stel en te bereik.
2. Die eksterne omgewing van die onderneming
Die belangrikste faktor wat die meeste ondernemings beïnvloed, is die mate van
mededinging in die mark, met ander woorde, hoe ernstig ding ander mededingende
ondernemings mee in die lewering van produkte en dienste.
Die ander faktore wat die onderneming kan beïnvloed is:
• Sosiale faktore
Sosiale faktore sluit in hoe verbruikers, huishoudings en gemeenskappe optree en wat
hulle oortuigings is. Byvoorbeeld, veranderinge in houding teenoor gesondheid, of ʼn
groter aantal pensioentrekkers in ʼn bevolking.
• Wetlike faktore
Wetlike faktore verteenwoordig die manier waarop die wetgewing in die samelewing
die onderneming en sy aktiwiteite beïnvloed. Byvoorbeeld, veranderinge in
indiensnemingswette.
• Ekonomiese faktore
Ekonomiese faktore beïnvloed die onderneming, in terme van belasting,
staatsbesteding, algemene vraag, rentekoerse, wisselkoerse en globale ekonomiese
faktore.
• Politieke faktore
©akademia (MSW) Bladsy 171
Bemarking
Veranderinge in die regering se beleid, kan die onderneming beïnvloed. Byvoorbeeld ʼn
besluit om die bou van nuwe huise in 'n gebied te subsidieer, kan goed wees vir ʼn
plaaslike baksteenfabriek, want die vraag na bakstene sal verhoog.
• Tegnologiese faktore
Die vinnige tempo van verandering in produksieprosesse en produkfaktore-innovasie
kan ʼn onderneming beïnvloed.
• Etiese faktore
Etiese faktore is dit wat beskou word as moreel reg of verkeerd vir ʼn onderneming om
te doen. Byvoorbeeld, indien die onderneming handel met lande wat ʼn swak
menseregterekord het, moet dit dalk hulle aktiwiteite in daardie lande heroorweeg.
3. Die korporatiewe bestuurproses
• Assesseer
Navorsing oor die mark vir winsgewende sakegeleenthede.
• Identifiseer
Identifiseer alle moontlike winsgewende sakegeleenthede wat binne die doelwitte van
die onderneming val.
• Evalueer en beplan
Ontwikkeling van strategieë vir bemarkingsbestuur, operasionele bestuur, finansiële
bestuur en menslikehulpbronbestuur.
• Ontplooi
Implementering van die strategieë deur beplanning, organisering, motivering en
beheer.
Langtermynoorlewing vereis ook dat ondernemings op ʼn verantwoordelike en etiese
wyse bestuur word, deur die aanspreek van omgewingskwessies en
werknemersloopbaandoelwitte in ag te neem.
Riglyne: Aktiwiteit 2
1. Die redes waarom behoorlike beplanning nodig is:
• Beplanning is soos ʼn padkaart wat presies aandui waarheen die onderneming op
pad is.
• Beplanning kan intern gebruik word om die onderneming te bestuur en te beheer.
©akademia (MSW) Bladsy 172
Bemarking
• Beplanning stel prestasiedoelwitte vir bestuurders en die onderneming. Sodra die
doelwitte gestel is, kan prestasie nagegaan word.
• Beplanning verminder vermorsing en duplisering van aktiwiteite.
• Beplanning stel bestuurders in staat om markgebeure te ontleed.
• Beplanning dwing bestuurders om die interne en eksterne ondernemingsomgewing
deeglik te kan ontleed. Ondernemings moet vir seisoenale skommelinge en
verwagte toenames of afnames in aanvraag beplan.
• Beplanning laat bestuurders objektief na die onderneming kyk.
• Beplanning stel bestuurders in staat om die ondernemingsprioriteite te verstaan.
• Beplanning beteken minder verrassings.
• Beplanning skep ʼn bewustheid en aanvaarding van verandering.
2. Daar kan tussen die volgende tipes mededingende strategieë onderskei word:
• Kosteleierskap Dit is ʼn strategie waar ʼn onderneming daarop fokus om produkte goedkoper as sy
mededingers aan te bied, deur die vermindering van oorhoofse of vaste koste wat
verband hou met vervaardiging en verspreiding. Dit vereis ʼn fokus op die
doeltreffendheid van produksielyne en ekonomieë van skaal. Hierdie strategie word
gevolg waar kliënte maklik van verskaffer kan verander en produkte of dienste so
gestandaardiseer is, dat die verbruiker goed bekend is daarmee.
ʼn Voorbeeld van ʼn kosteleierskapstrategie is die strategie wat supermarkte ten opsigte
van noodsaaklike goedere, soos melk en brood, volg. Deur gebruik te maak van hierdie
strategie, word die bemarking van die produk minder belangrik.
• Differensiasie Hierdie strategie word gevolg waar ʼn unieke kenmerk van ʼn produk of diens uitgelig
word, relatief tot soortgelyke alternatiewe wat deur die mededinging aangebied word. ʼn
Voorbeelde is Coca-Cola wat differensieer deur die bou van ʼn sterk handelsmerk, of
Sony wat differensieer op grond van die kwaliteit of betroubaarheid van produkte.
Kliënte te reageer op hierdie strategie deur gewillig te wees om meer te betaal vir groter
betroubaarheid of kwaliteit, of deur telkens na ʼn betroubare handelsmerk terug te keer.
Dit maak grootliks staat op bemarking of advertensies om die handelsmerkidentiteit te
handhaaf.
©akademia (MSW) Bladsy 173
Bemarking
• Fokus Hierdie strategie word gemik op ʼn spesifieke teikenverbruikersgroep, byvoorbeeld
kulturele, ekonomiese, politieke, geografiese of ouderdomsverwante groepe. Die
strategie gebruik ʼn kostefokus, of ʼn differensiasie fokus binne die teikengehoor. In
hierdie sin is dit ʼn enger toepassing van een van die bogenoemde strategieë. Sekere
toermaatskappye fokus, byvoorbeeld, op ʼn spesifieke groep verbruikers – diegene ouer
as 50.
3. Basiese operasionele beplanning poog om die volgende vrae te beantwoord:
• Wat? Definieer presies wat gedoen moet word. Dit verwys na die daaglikse roetinewerk,
asook ad hoc projekte.
• Wanneer? Besluit wanneer om die werk te doen. Vir roetine operasionele beplanningswerk is dit
maklik: ontwikkel ʼn skedule, daagliks, weekliks, maandeliks. Vir projekte is dit ʼn bietjie
meer kompleks. Word ander departemente by die projek betrek? As die finansiële
departement betrek word, sal maand- en kwartaaleindes belangrik wees.
• Waar? Enige aksie vind iewers plaas. Die bestuurder bepaal waar die beste plek vir
implementering sal wees en vra die vraag: waar is die beste plek om dit te doen? Indien
die onderneming op verskeie plekke werksaam is, kan die bestuurder die aktiwiteite aan
verskeie areas toeken of besluit om te sentraliseer.
• Hoe? Hoewel al die vrae/riglyne belangrik is, is sommige makliker om ʼn besluit oor te neem.
Die "hoe" is ʼn belangrike een. Dit is waar baie van die bestuurs- en operasionele
beplanning gedoen word.
• Wie? Die keuse van mense om die take te verrig, is ʼn voorvereiste vir die sukses van die
projek. Die bestuurder moet besluit wie verantwoordelik moet wees vir watter aktiwiteit.
• Hoekom? Die bestuurder se verantwoordelikheid is om voortdurend te vra, waarom iets gedoen
word. Vir roetinewerk daag hierdie vraag werknemers uit om beter maniere te vind om
doeltreffender te werk. Vir projekte word die "hoekoms" een van die uitsette.
©akademia (MSW) Bladsy 174
Bemarking
Riglyne: Aktiwiteit 3
1. Onderskeid tussen sentralisasie en desentralisasie
By sentralisasie is alle belangrike besluite en optrede op die onderste vlak, onderhewig
aan die goedkeuring van die topbestuur. Sentralisasie is dus die sistematiese en
deurlopende konsentrasie van gesag op sentrale punte in die onderneming.
Onder sentralisering word die belangrike besluite deur die topbestuur geneem en die ander
vlakke is verantwoordelik vir die implementering ooreenkomstig die voorskrifte van die
topbestuursvlak. Byvoorbeeld, in ʼn onderneming besluit die eienaars oor die belangrike
sake en die res van die funksies, soos produksie, finansies, bemarking, personeel word
uitgevoer deur die departementshoofde.
Die topbestuur neem al die belangrike besluite indien ʼn onderneming is gesentraliseerde
onderneming is. Hierdie besluite word dan toegepas op die laer vlakke van die
onderneming.
Desentralisasie is ʼn sistematiese toedeling van gesag aan alle vlakke van die bestuur van
die onderneming. In desentralisasie word gesag deur die topbestuur behou om die
belangrike besluite te neem en vir die beleidsvorming van die hele onderneming. Die res
van die gesag word gedelegeer na die middelvlak- en laevlakbestuurders.
2. Die voordele van sentralisasie en desentralisasie
Voordele van desentralisasie
• Desentralisasie verminder die werkslas van topbestuurders.
• Dit verbeter werksbevrediging en die moreel van die laervlakbestuurders omdat hul
behoefte vir onafhanklikheid, deelname en status bevredig word.
• Besluitneming is vinniger.
• Dit fasiliteer groei en diversifikasie want elke produkafdeling word genoegsame
outonomie en geleentheid tot innovering en kreatiwiteit gegee.
• Dit gee geleentheid aan ondergeskiktes om eie oordeel te gebruik. Hulle ontwikkel
bestuursvaardighede wat nuttig vir die onderneming op die lange duur sal wees.
• Desentralisasie vereis ʼn wyer reikwydte van beheer en minder vlakke van
organisering, wat kommunikasie bevorder.
Voordele van sentralisering
• Doeltreffende benutting van die talente van die topbestuur.
©akademia (MSW) Bladsy 175
Bemarking
• Dit verminder koördineringsprobleme omdat die bindende krag van een
gesagsliggaam of -persoon, alle bedrywighede saambind en integreer.
• Dit ontwikkel ʼn sterk gekoördineerde topbestuur.
• Dit voorsien eenvormigheid in beleid en planne dwarsdeur die onderneming.
• Gesentraliseerde ondernemings is die meeste geskik waar dit nodig is om
hulpbronne en inligting vinnig te beweeg, veral in noodgevalle.
• Duplisering van funksies en fasiliteite word geminimaliseer wat koste verminder.
3. Outonome interne eenhede
Sommige groot ondernemings het hierdie tipe struktuur aangeneem. Die onderneming
bestaan uit verskeie onafhanklike gedesentraliseerde sake-eenhede, elk met sy eie
produkte, kliënte, mededingers en winsdoelwitte. Daar is nie gesentraliseerde beheer of
hulpbrontoewysing.
Riglyne: Aktiwiteit 4
Antwoord:
1 2 3 4 5
C A F B D
Riglyne: Aktiwiteit 5
Outokratiese leierskap
• Outokratiese leierskap is die uiterste vorm van transaksionele leierskap, waar ʼn
leier hoë vlakke van beheer uitoefen oor werknemers of spanlede.
• Mense in die span kry min geleenthede om voorstelle te maak, selfs al is dit in die
span of onderneming se belang.
• Die meeste mense is geneig om aanstoot te neem aan hierdie tipe leierskap.
• As gevolg hiervan gee ʼn outokratiese leierskapstyl gewoonlik aanleiding tot hoë
vlakke van afwesigheid en personeelomset.
• Die span trek nie voordeel uit die kreatiwiteit en ervaring van al die spanlede nie en
so gaan baie van die voordele van spanwerk verlore.
©akademia (MSW) Bladsy 176
Bemarking
• Vir roetine- en ongeskoolde werk, kan hierdie styl egter doeltreffend wees, waar
die voordele van beheer groter gewig dra as die nadele.
Riglyne: Aktiwiteit 6
Beloningstoekenningsnorme
• Die norm van gelykheid
Die norm van gelykheid dikteer gelyke behandeling van alle lede. Elke lid deel ewe
veel in die wins – die wins word dus eweredig aan almal versprei.
• Die norm van bydrae
Die norm van bydrae beteken dat die beloning verdeel word volgens elke lid se
bydrae. Met ander woorde, die lede wat die meeste bydra gaan die grootste deel van
die beloning ontvang. Lede kan bydra deur fisiese werk te verrig of deur hul
vaardighede of vermoëns beskikbaar te stel.
• Die norm van sosiale verantwoordelikheid
Die norm van sosiale verantwoordelikheid beloon op grond van behoefte. Lede met
spesiale behoeftes ontvang die grootste deel van die beloning.
Riglyne: Aktiwiteit 7
Die algemene eienskappe van beheer in ʼn onderneming:
Alle bestuurders in ʼn onderneming verrig ʼn beheerfunksie, dit kan enige een of meer van
die volgende insluit: gehaltebeheer, voorraadbeheer, produksiebeheer, of selfs
administratiewe beheer.
Die volgende is die algemene eienskappe van beheer in ʼn onderneming:
• Toekomstige gebeure kan in ʼn mate beheer word, maar nie dit wat reeds gebeur
het nie. Vorige prestasie kan egter gemeet word ten einde regstellende aksie vir
die toekoms in te stel.
• Beheer is ʼn deurlopende proses (maand na maand en jaar na jaar) wat ʼn
bepaalde patroon en tydsraamwerk volg.
• Beheer lei tot aanpassings in die organisatoriese bedrywighede. Dit kontroleer of
daar aanvaarbare vordering gemaak word in die bereiking van doelwitte.
• Beleidsmaatreëls en ander beplanningselemente vorm die grondslag van en die
rede vir beheer. Deur beheer word daar gemoniteer of individue binne die
beleidsraamwerk van die onderneming funksioneer. Beheer kan ook die kwaliteit
©akademia (MSW) Bladsy 177
Bemarking
van die onderskeie beleidsmaatreëls moniteer.
• Deur gepaste beheermaatreëls word die uitoefening van gesag en die vorming
van bestuurder-werkerverhouding regdeur die onderneming gevestig.
• In die teenwoordigheid van gesag of beheer sal individue hulle werk goed doen
en poog om hul prestasie te verbeter om die doelwitte wat vir hulle gestel is, te
bereik.
• Beheer verseker organisatoriese doeltreffendheid en effektiwiteit. Wanneer daar
ʼn behoorlike beheerstelsels bestaan, kan die onderneming sy doelwitte bereik.
Riglyne: Aktiwiteit 8
Voorbeelde van menslikehulpbron beheertegnieke:
Prestasiebeoordeling, dissiplinêre programme, waarnemings, opleiding, ontwikkeling en
assesserings.
Riglyne: Aktiwiteit 9
Stappe in die beheerproses:
Stel standaarde, meet prestasie, vergelyk met standaarde en neem korrektiewe aksies.
©akademia (MSW) Bladsy 178
www. a k a d e m i a . a c . z a
ndernemingsbestuur is die proses van beplanning, koör -di nering en beheer van ’n onderneming se sake bedry -wighede. Om te kan oorleef, moet ’n onderneming
winsgewend en likied wees. Een van die belangrikste aspekte vanondernemingsbestuur is om te verseker dat alle werknemers oor dienodige inligting, vaardighede, houdings en motivering beskik wat hullein staat sal stel om hulle eie potensiaal te bereik en ook om die on-derneming se strategiese doelwitte te bereik. Die topbestuur vandie onderneming beïnvloed die bestuurstyl en die korporatiewekultuur binne die onderneming. Sakebestuurders neem verant-woor delikheid vir die verskeie ondernemingsfunksies, naamlikproduksie, bemarking, finansies en rekeningkunde, menslike hulp-bronne, bestuursinligtingstelsels, produk navorsing en ontwikkeling.
• Produksiebestuurders koop grondstowwe aan; bestuur die ge-bruik van hierdie insette in die produksieproses en beheer voor-raad, vervoer en die verspreiding van die finale produkte.
• Bemarkingsbestuurders bestuur marknavorsing wat nodig is omte bepaal watter produkte, pryse en hoeveelhede die meestewaarde vir verbruikers sal toevoeg. Hulle bestuur ook adverten-sies, bemarking en die verkope van die onderneming se produkte.
• Finansiële bestuurders bekom kapitaal vir die onderneming vaneksterne bronne. Hulle bestuur ook die interne toewysing vanfondse binne die onderneming.
• Menslike hulpbronbestuurders is verantwoordelik vir die aan -stel ling, opleiding, koördinering en bestuur van die menslikehulp bronne in die onderneming. Hulle evalueer ook die salaris-strukture en bestuur die loopbane van die werknemers.
• Navorsing- en ontwikkelingsbestuurders ondersoek nuweprose dures en tegnologie waarmee die doeltreffendheid vanproduksie verhoog kan word.
• Inligtingbestuurstelsels moet op so ’n wyse bestuur word dat ditdie kommunikasie van inligting binne die onderneming, maar ookmet verskaffers en kliënte, doeltreffend laat geskied.
O
a k a d e m i aj o u o o p , a f r i k a a n s e l e e r t u i s t e