skátamál 5.tbl. september 2012
DESCRIPTION
Málgagn Bandalags íslenskra skátaTRANSCRIPT
![Page 1: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/1.jpg)
Í sumar var Landsmót skáta sem vonandi fór ekki
fram hjá neinum. Það var mikið um dýrðir fyrir
skáta, fjölskyldur þeirra. Það var mikill fjöldi gesta
saman kominn á Úlfljótsvatni en samkvæmt
talnaglöggum var á sjötta þúsund gesta á
mótssvæðinu þegar mest var og hátíðarhöld
stóðu sem hæst. Veðrið á Úlfljótsvatni var með
allra besta móti byrjaði með dúndur rigningu
og roki en létti svo til svo að vel viðraði til
hátíðahalda það sem eftir var móts. Sérstök
afmælisdagskrá var í boði í tilefni eitt hundrað
ára afmælis skátastarfs á Íslandi. Gestir voru
sérstaklega boðnir velkomnir á mótssvæðið
á laugardeginum og í tilefni stórafmælisins
opnuðu þátttakendur tjaldbúðir sínar fyrir
gestum og kynntu þar skátastarfið og sína
heimabyggð auk þess sem fjölbreytt dagskrá
var í boði á vegum mótsins. Landsmótið í ár var
tuttugasta og þriðja landsmót íslenskra skáta en
mótið í ár var séstaklega tileinkað aldar afmæli
íslensku skátahreyfingarinnar.
http://www.skatar.is/landsmot2012/default.as
p?ItemGroupID=336&ItemID=2237
Þetta er landsmótsmerkið 2012
-ævintýrið heldur áfram
Samþykkt af Hermanni Sigurðssyni í maí 2012
Pantone 2602
Pantone Red 032
Rit
stjó
ri:
Els
í R
ós
els
iro
s@sk
ata
r.is
|
Á
bm
: H
erm
an
n S
igu
rðss
on
5.t
bl.
|
2
01
2
Landsmót skáta
1
![Page 2: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/2.jpg)
Æskulýðsvettvangurinn, samstarfsvettvangur
Ungmennafélags Íslands, KFUM og KFUK á Íslandi,
Bandalags íslenskra skáta og Slysavarnarfélagsins
Landsbjargar, vinnur að fræðslumálum sem nýtist
fyrir allar hreyfingarnar. Starfsmaður Æsku-
lýðsvettvangsins er Ragnheiður Sigurðardóttir og
hefur aðstöðu að Sigtúni 42, í þjónustumiðstöð
UMFÍ. Opnuð hefur verið heimasíðavettvangsins
http://w w w.aeskulydsvettvangur inn. is
Æskulýðsvettvangurinn hefur gefið út
sameiginlegar siðareglur fyrir starfsfólk og
sjálfboðaliða Æskulýðsvettvangsins, sem snúa
bæði að samskiptum og einnig rekstri og ábyrgð.
Þær er hægt að skoða þær á heimasíðunni.
Meginmarkmið Æskulýðsvettvangsins er að
stuðla að fagmennsku og öryggi í öllu starfi
aðildar-samtakanna.
Æskulýðsvettvangurinn hefur stofnað sjálfstætt
fagráð sem ætlað er að annast atvik sem varða
kynferðislegt ofbeldi gegn börnum, gömul og ný,
sem upp koma í starfi samtakanna. Í farvatninu
er sambærilegt fagráð sem ætlað er að taka á
eineltismálum sem kunna að koma upp.
Á þennan hátt vonast skátahreyfingin til þess að
fyrirbyggja að ofbeldisfólk gegni störfum innan
skátahreyfingarinnar.
Æskulýðsvettvangurinn ætlar á komandi
haustmánuðum að fara hringferð um landið með
málþing um einelti í tengslum við Eineltisdaginn
8. nóvember næstkomandi. Á þessum málþing-
um verða 90 mínútna fræðsluerindi um einelti
fyrir aðildarfélög. Kolbrún Baldursdóttir,
sálfræðingur, kemur til með að flytja fyrirlestur
byggðan á ný útkominni bók sinni Ekki meir,
sem er leiðarvísir í aðgerðum gegn einelti fyrir
starfsfólk skóla, íþrótta- og æskulýðsfélög,
foreldra og börn.
Tilgangurinn með þessu fræðsluerindi er að
vekja athygli á þessum málaflokki, opna betur
augu starfsfólks og sjálfboðaliða fyrir því að
vera vakandi og ávallt á verði gagnvart einelti og
annarri óæskilegri hegðun.
Æskulýðsvettvangurinn hefur unnið sameigin-
lega aðgerðaráætlun gegn einelti og verður hún
einnig kynnt á þessum málþingum.
Æskulýðs- vettvangurinnÆSKULÝÐS
VETTVANGURINN
2
![Page 3: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/3.jpg)
Æskulýðsvettvangurinn leggur áherslu á að
stuðla að jákvæðum samskiptum þar sem
hver og einn er ábyrgur fyrir orðum sínum
og gjörðum. Starfsfólk og sjálfboðaliðar eiga
þannig að gæta vandvirkni og samviskusemi
auk þess að koma fram af umhyggju, heiðarleika
og virðingu gagnvart öllum þeim sem starfað
er með eða fyrir. Æskulýðsvettvangurinn
leggur einnig ríka áherslu á að starfsfólk og
sjálfboðaliðar séu fyrirmyndir þátttakenda í
starfi, sýni góða hegðum og gott fordæmi jafnt
í starfi sem og utan þess. Jafnframt leggur
Æskulýðsvettvangurinn sitt af mörkum til að
stuðla að heilbrigðu, uppbyggjandi og vönduðu
starfi með börnum og unglingum.
Staðsetningar með dagsetningum á málþing um um einelti:
• Fimmtudagur 20. september, Vestmannaeyjar
• Fimmtudagur 4. október, Ísafjörður
• Fimmtudagur 11. október, Akureyri
• Fimmtudagur 25. október, Egilsstaðir
• Föstudagur 2. nóvember, Borgarnes
• Fimmtudagur 8. nóvember, Selfoss
• Fimmtudagur 8. nóvember, Reykjavík
Frekari upplýsingar um nánari tíma- og
staðsetningar og skráningar á málþingin er
að finna á:
http://www.aeskulydsvettvangurinn.is
3
Undanfarnar vikur hafa verið haldnir samráðsfundir stjórnar B.Í.S., félags-foringja og félagsstjórna út um land. Mánudaginn 3. september voru félög á Suðurlandi heimsótt til Hveragerðis, daginn eftir, þann 4. september, komu Reykjavíkurfélögin í heimsókn í Skátamiðstöðina, fimmtudaginn 6. september var haldinn góður fundur í Kópavogi. Vikuna þar á eftir voru Vestlendingar og Norður- og Austurland sótt heim, þriðjudaginn 11. september í Borganesi og 12. september á Akureyri.
Fundirnir voru vel sóttir og fróðlegir og góð umræða skapaðist um mikilvæg málefni, eins og innleiðingarmál, fullorðna í skátastarfi og nýja Gilwell-þjálfun. Spennandi skátastarf fram-undan um allt land og mikið af hug-myndum, vísi að stofnun nýrra félaga og uppbyggingu eldri félaga sem vert er að gefa gaum. Meðfylgjandi mynd er af fundi með Vesturlandsfélögum, sem haldinn var í Borgarnesi þann 11. september síðastliðinn.
Samráðsfundir stjórnar og félaga
AÐ VERA KÚGAÐUR
TIL AÐ LEGGJA EINHVERN ANNAN Í EINELTI.
!@&$#*%
skatar.is/einelti
!@&$#*%
FÁIÐ EINHVERN TIL
AÐ VERA FÉLAGA
ÞEIRRA SEM LAGÐIR
ERU Í EINELTI. !@&$#*%
skatar.is/einelti
!@&$#*%
verður haldið alþjóðlegt
skátamót í Kanada. BÍS stendur
fyrir ferð á mótið. Mótið er fyrir
skáta á aldrinum 18-25 ára.
Þeir sem eru yngri verða að
bíða þar til seinna en þeir
sem eru eldri geta farið sem
sjálfboðaliðar á mótið. Allar
helstu upplýsingar er að finna á
www.mootcanada2013.ca
og skráning er hafin
www.skatar.is/vidburdaskraning
WSM 20138.-18. ágúst 2013
![Page 4: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/4.jpg)
4
Síðustu helgi var haldið innleiðinganámskeið í
Skátamiðstöðinni þar sem yfir 20 þátttakendur
frá 6 félögum kynntu sér aðferðir við innleiðingu
nýs starfsgrunns skátahreyfingarinnar með
líflegum og skemmtilegum hætti. Á einni helgi
tókst þátttakendum að verða dreka- fálka- og
dróttskátar og kynnast nálgun nýrra áhersla
eins og táknrænni umgjörð, skátaaðferðinni
og áfangamarkmiðum með margvíslegum
kennsluaðferðum. Mikil gleði var á námskeiðinu
og algjörlega öruggt að þar myndaðist þekking
og tenglsanet sem mun hafa góð áhrif og nýtast
félögunum í innleiðingunni.
Innleiðingarnámskeið í gleði og alvöru
![Page 5: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/5.jpg)
5
Gilwell leiðtogaþjálfun skátahreyfingar-
innar fyrir fullorðna er nú boðin með
nýjum áherslum í samræmi við stefnu
alþjóðahreyfingar skáta. (WOSM)
Gilwell leiðtogaþjálfunin samanstendur af
sjö “skrefum” sem eru mislöng og með ólíkar
áherslur. Hluti af þjálfuninni eru sjö námskeið
sem þáttakendur þurfa að ljúka, einu í hverju
skrefi. Þau hafa þann tilgang að fræða um
ýmislegt sem tengist skátastarfi, hvernig það er
undirbúið, framkvæmt og metið svo við getum
stöðugt gert betur en áður. Hverju námskeiði
fylgja svo verkefni á vettvangi skátastarfs. Þessi
verkefni eru jafn mikilvæg og námskeiðin. Gilwell
þjálfunin í heild tekur 9-12 mánuði. Þjálfunin
hefur líka almennt gildi og gagnast fólki bæði í
lífi og starfi.
Gert er ráð fyrir að námskeið fyrir hvert skref
verði boðin fjórum sinnum á ári svo að það er
hægt að hefja þjálfunina á mismunandi tíma og
þátttakendur geta tekið skrefin á þeim hraða
sem hentar hverjum og einum.
Fyrsti hópurinn sem tekur námskeiðið með
þessu nýja skipulagi hefur nú lokið fimm skrefum
af sjö og tekur skref 6 í október. Í þeim hópi eru
17 fullorðinir þátttakendur á ólíkum aldri og er
mikil tilhlökkun hjá hópnum að hittast á næsta
skrefi miðað við sameiginlega „facebook“ síðu
hópsins. Á landsmótinu á Úlfljótsvatni í júlí voru
nokkrar kynningar á leiðtogaþjálfuninni sem
voru fjölsóttar og margir áhugasamir eru nú
biðlista eftir að koma á námskeið. Þeir sem sóttu
þessar kynningar hafa þegar lokið fyrsta skrefi
í Gilwell þjálfuninni. Æskilegur fjöldi er 24-30
þátttakendur á hverju námskeiði.
Annað skref er námskeiðið „Verndum þau“ sem
þátttakendur geta tekið þegar þeim hentar, en
þurfa að hafa lokið áður en þeir taka skref 7.
Í þriðja skrefi sem nú er að fara af stað fyrir nýjan
hóp er þátttakendum kynnt hvað það er sem
gerir skátastarf að skemmtilegu ævintýri með
skýr uppeldismarkmið og hvernig það er gert.
Fjallað er um táknræna umgjörð skátastarfs og
mismunandi útfærslu hennar fyrir ólík aldursstig,
þ.e. drekaskáta (7-9 ára), fálkaskáta (19-12) ára,
dróttskáta (13-15) ára, rekkaskáta (16-19) ára og
róverskáta (19-22) ára. Skátaaðferðin er kynnt
fyrir þátttakendum og lögð sérstök áhersla
á gildi flokkakerfisins við jafningjafræðslu og
jafningjamat. Bent er á mikilvægi stigvaxandi
áherslu á sjálfstæði, virkni og ábyrgð skátanna
eftir aldri þeirra og þroska. Á þessu námskeiði
er gert ráð fyrir að þátttakendum verði skipt
í hefðbundna Gilwell-flokka til að undirbúa
áframhaldandi teymisvinnu í Gilwell-þjálfuninni.
Næstu skref í Gilwell verða, skref
1: Kynning á skátastarfi verður 10.
október í Skátamiðstöðinni kl. 19:30, skref
3: Starfsgrunnur fyrir skátastarf, verður haldið
í Skátamiðstöðinni laugardaginn 27. október
kl. 09.00-18:00 og skref 4: Markmið og leiðir.
Mat á eigin hæfi, verður haldið laugardaginn
24. nóvember.
Gilwell fréttir
![Page 6: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/6.jpg)
6
Skátarnir voru með sýningu á Árbæjarsafni
þar sem mátti sjá gamla búninga og hvernig
þeir hafa breyst í gegnum tímans rás. Á safninu
var einnig hægt að skoða gamlar skátabækur
og merki í gegnum tíðina bæði skátamerki
og heiðursmerki. Sýningin var einnig hluti af
safnadeginum og skátarnir voru þá sérstaklega
með dagskrá á öllu safninu í formi póstleiks sem
var vel sóttur en um 2000 manns áttu leið í
gegnum safnið þennan skemmtilega dag.
Skátar voru ekki bara áberandi á skátamiðstöðinni
við Úlfljótsvatn heldur var sett upp stór og
flott sýning í ljósafossvirkjun í kringum sögu
skátanna við úlfljótsvatn og stendur hún enn.
Myndir og munir sem skemmtilegt er að skoða.
Sýningin stendur enn. Skátamál mælir með að
skátar sem náðu ekki að kíkja á sýninguna í sumar
renni sér einn rúnt austur áður er veturinn nær
okkur hér á suðvestur horninu.
Sýningar í sumar
RekkaRokk – Ertu alvöru rokkari?
Ertu í hljómsveit?
Ekki láta RekkaRokk sem verður haldið á
Akureyri 28.-30. September fara fram hjá þér.
Upplýsingar og skráning:
www.skatar.is/vidburdaskraning
SAMAN – 5.-7. Október
fyrir drótt- og rekkaskáta og unglingadeildir
björgunarsveita Landsbjargar.
Nánari upplýsingar og skráning er á
www.skatar.is/vidburdaskraning
RekkaRokk Saman
frítt inn
Safnadagur 8. jú
lí 2012
ÁRBÆJARSAFN
Skátaleikir – Skátasöngvar
Muurikka™ og útieldun að skátasið.
Skátaþrautir og póstaleikir.
Komdu og taktu þátt í 100 ára sögu skátanna á Árbæjarsafni.
Gamlir búningar og merki til sýnis.
Bland í poka – 9.-11. Nóvember verður Bland
í poka á Laugum í Sælingsdal. Í Fyrra varð uppi
fótur fit þegar að Formaður dagskrárráðs skáta
okkar tók af sér gærurnar, fulltrúi alþjóðráðs fór
í brjóstsykur og skátahöfðinginn svaf úti í tjaldi.
Allt getur gerst þegar í Sælingsdalinn er komið
það er alveg á hreinu. Þessi viðburður er fyrir
stjórnir skátafélaga, skátaforingja og svo skáta.
Það verður hægt að finna eitthvað við allra hæfi
hvort sem þú þarft að fleiri hugmyndir sem
sveitarforingi eða að stjórna betur skátafélaginu.
Ef þú ert með hugmynd af verkefnum sem
þig langar að takast á við þá endilega sendu
upplýsingar á netfangið [email protected]
Bland í poka
![Page 7: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/7.jpg)
7
Andleg og líkamleg vanlíðan nemenda sem
lagðir eru í einelti hefur verið umfjöllunarefni
fjölmiðla á Íslandi að undanförnu. Sama hefur
verið uppi á teningnum á Nýja Sjálandi, en þar
hefur mál móður sem greip inn í þegar ráðist var
á dóttur hennar sérstaklega verið til umræðu.
Móðirin á nú yfir höfði sér ákæru vegna þessa
máls. Hin sálrænu mein sem hljótast af slíkum
atburðum rista djúpt og geta varað allt lífið.
Ný lög í Nýja Sjálandi gegn árásum á netinu,
munu hjálpa til við að sporna gegn einelti en
einnig er þrýstingur á skólayfirvöld að þau taki
fastar á þessum málum.
Nokkur átaksverkefni gegn einelti eru í
gangi sem fjalla um að hjálpa fórnarlambinu að
ná bata, um jafningjaaðstoð og um kynferðislega
áreitni en best þekktu verkefnin fyrir skóla
koma frá nýsjálensku Friðarstofnunni (Peace
Foundation) og kallast „Svalir skólar“ (e. Cool
Schools). Verkefni stofnunarinnar hafa verið
notuð við fjölmarga grunn- og framhaldsskóla á
Nýja Sjálandi og hafa þróast í áraraðir.
„Svalir skólar“ – verkefnin sem notuð
eru um allt Nýja Sjáland, eru ekki kynnt sem
eineltisverkefni sérstaklega. Heldur stuðla þau
að því að gera nemendum og kennurum kleift að
átta sig á því þegar vandamál eru í uppsiglingu
og kenna þeim leiðir til að takast á við þau
á uppbyggilegan hátt. Þegar unnið er eftir
þessum leiðum tekst smátt og smátt að senda
nemendum og kennurum skýr skilaboð um að
skólinn þeirra sé öruggur staður og að allir vinni
saman í að hann verði það alltaf.
Verkefnin stuðla að opinni og frjálsri
tjáningu í skólum. Nemendum er kennt að vera
góðar fyrirmyndir, að beita sér fyrir heilbrigðum
samskiptum og að beina félögum sínum til
viðeigandi fullorðins aðila ef nauðsyn krefur.
Bæði nemendum og kennurum eru kenndar
aðferðir til að takast á við deilur og ágreining
sem munu gagnast þeim allt lífið. Aðferðirnar
kenna fólki að temja sér stillingu í aðstæðum
þegar deilur eiga sér stað. Þetta er hugsað sem
verkfærakista sem er full af verkfærum sem
nýtast til að taka yfirvegað á málum þegar koma
upp átök á milli fólks. Nemendum og kennurum
eru kenndar uppbyggilegar aðferðir við lausn
deilumála. Þannig eru nemendur þjálfaðir í því
að verða svokallaðir „jafningjamálamiðlarar“.
Það er leiðtogahlutverk sem veitir öðrum
ákveðna þjónustu; svo sem að efla gagnkvæma
virðingu fólks og einnig að auka skilning á
Christina Barruel, umsjónarmaður The CoolSchools og þjálfari í Friðarsamtökum Aotearoa:„Frábært að geta hjálpað öðrum”
![Page 8: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/8.jpg)
Hvít friðardúfa
Sv.hv. friðardúfa
þeirri staðreynd að fólk er mismunandi, og
jafnframt að veita samnemendum sínum aðstoð
ef vandamál koma upp. Það hefur sýnt sig að
nemendur sem lenda í vandræðum vilja gjarnan
ræða við aðra nemendur sem þeir treysta. En
jafningjamálamiðlarar geta einnig stuðlað að
fleiri góðum hlutum í skólanum.
„Vandamála-verkfærakistan“ nýtist
foreldrum ekki síður en nemendum og kennurum.
Eitt af verkefnunum Friðarstofnunarinnar
er samið sérstaklega fyrir foreldra og kennir
þeim árangursrík samskipti. Lögð er áhersla
á að sannfæra einstaklinga um að þeir geti
haft jákvæð áhrif á heimili sínu, í skólanum og í
samfélaginu í heild og jafnvel víðar.
Verkefnið „Svalir skólar“ var fyrst
prófað í tólf grunnskólum í Auckland árið 1991
undir stjórn Yvonne Duncan. Christina Barruel,
núverandi verkefnastjóri segir að verkefnið
hafi gengið svo vel að Yvonne var boðið að fá
fullt starf við að stjórna verkefninu á vegum
Friðarstofnunarinnar. Síðan þá hefur verkefnið
verið kynnt fyrir meira en helmingi allra grunn-
og framhaldsskóla á Nýja Sjálandi. Christina
segir að mjög jákvæð viðbrögð hafi komið
frá nemendum, kennurum, þeim sem stjórna
verkefninu í skólum og einnig frá skólastjórum.
Það sem flestum stjórnendum og kennurum
finnst jákvæðast við verkefnin er að fá að hjálpa
nemendum til að aðstoða aðra nemendur við að
leysa vandamál. Nemendur á öllum skólastigum
segja að það sé svo frábært að geta verið í
aðstöðu og með árangursríkar leiðir til að hjálpa
öðrum nemendum. Það gefi þeim svo mikið
sjálfstraust.
Þjálfunin er oft sniðin að þörfum
skólanna. Þegar verkefnið er unnið í
framhaldsskólum, kemur leiðbeinandi í skólann
í fjóra og hálfan tíma á viku og vinnur með
nokkrum nemendum sem hafa verið valdir
til að vera „sendiherrar réttlætisins“ eða
„jafningjamálamiðlarar“ ásamt kennurum sem
eru til stuðnings við verkefnið frá skólans hálfu.
Leiðbeinandinn stýrir starfsmannafundi þar sem
verkefnið er kynnt fyrir öllum starfsmönnum
skólans og þeim er sýnt hvernig þeir geta stutt
jafningjamálamiðlarana. Kennararnir fá þarna
líka góða leiðsögn sem nýtist þeim bæði í
starfinu sem og í einkalífinu. Í grunnskólunum
hefur verið árangursríkast að hafa einn dag þar
sem kennurunum eru kenndar allar tíu leiðirnar
í verkefninu, þannig að í lok dagsins hafa
kennararnir lært hvernig þeir geta kennt þær
nemendum sínum.
Friðarstofnunin er með skrifstofu
í Auckland og sér Christina Barruel um að
leiðbeina skólum á svæðinu. Fimm aðrir
leiðbeinendur stofnunarinnar sjá um aðra hluta
landsins. Áhugasamir geta haft samband við
Friðarstofnunina beint í síma (09) 373 2379 eða
kynnt sér efnið á heimasíðu stofnunarinnar:
www.peace.net.nz
Christina Barruel mun leiða
vinnusmiðju tengda “Svölum skólum” og
málamiðlun jafningja á Friðarþingi í Hörpu,
12-14 október. Nánari upplýsingar um þingið
má finna á heimasíðu þess, www.peacething.is
8
Euro Mini Jam –Dróttskátar úr
Mosverjum og Ægisbúum taka þátt
fyrir Íslandshönd í skátamótinu
Euro Mini Jam sem verður haldið
í Lichtenstein næsta sumar. Þetta
skátamót var haldið í fyrsta skipti
á Íslandi árið 2010 og gekk svo vel
að það verður haldið áfram og nú
ferðast það á milli þátttökuþjóða.
Spennandi að fylgjast með og
svo auðvitað athuga hvort þinn
flokkur komist með næst.
Euro Mini Jam
![Page 9: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/9.jpg)
9
Menningarnótt í Hljómskálagarðinum
MENNINGARNOTT
Skátarnir tóku í fyrsta sinn þátt í menningarnótt
og gerðu það með pompi og prakt. Setning
menningarnætur var á litlu skátasviði hjá okkur í
Hljómskálagarðinum þar sem að Jón Gnarr kom
og setti hátíðina á vegum höfuðborgarstofu.
Þá kom í kjölfarið kór í fylgd Bogomil Font sem
settu tóninn fyrir daginn. Skátarnir voru með
tjaldbúð og trönubyggingar eins og rólu og
netaturn. Þá var hægt að fá að prófa að gera
vinabönd, spila Kubb, súrra, poppa yfir kolum og
baka hike-brauð. Auk þessa voru skátarnir með
kaffihús og SSR sá um að skemmta krökkum
með hoppikastölum og hinum sívinsæla
klifurvegg. Blöðrur og kandífloss sem auðvitað
er ómissandi á hátíðardögum. Við viljum
sérstaklega þakka þeim skátum sem komu og
hjálpuðu til í Hljómskálagarðinum en allt var
þetta gert í sjálfboðaliðastarfi.
Þýskaland í ágúst: sveitarmeðlimur frétti af litlu
skátamóti í Þýskalandi á WSJ-hóp á Snjáldru. 4
rekka- og róverskátar skráðu sig og svo úthlutaði
einhver í mótsstjórninni okkur þýskri „vinasveit”.
Við mættum til Þýskalands og skátar úr
vinasveitinni fylgdu okkur í lest frá flugvellinum
að mótinu, sem var haldið í almenningsgarði
við ána Rín í Köln. Þetta var einfalt og mjög
skemmtilegt mót með um 600 þátttakendum á
aldrinum 7-24 ára frá 10 löndum í Evrópu, Asíu
og Afríku. Mótið var fjórir dagar og dagskráin
var einföld, vönduð og skemmtileg, allt frá
því að læra kínverska lukkuhnúta og að fara í
dagsferðir út fyrir borgina. Síðan vorum við þrjá
daga í mjög vel heppnaðri heimagistingu hjá
skátunum úr vinasveitinni okkar.
GERMANYEngland
England í júlí: sveitarmeðlimur frétti frá breskri
skátavinkonu af 24 stunda móti í Gilwell Park,
Gilwell 24. Svo fór að þrír rekkaskátar keyptu
sér helgarflug til London og fundu út hvernig
ætti að koma sér frá flugvellinum, til miðborgar
Lundúna í smá túristaleik og þaðan í Gilwell
Park. Þá tjölduðum við, mingluðum, sváfum og
vöknuðum svo fyrir mótssetninguna sem var
kl 9:00. Mótið var mjög skemmtilegt, um 4000
Bretar, 20 Portúgalar og 3 Íslendingar, það eitt
er ávísun á mjög áhugaverðan og skemmtilegan
sólarhring. En dagskráin var líka snilld, tívolítæki,
fjórhjól, klifur, diskó, köfun, segway, leirdúfuskot,
ökukennsla, veiði, smíðastofa, zumba, laser-tag
úti í skógi um miðja nótt og margt margt fleira!
Svo lauk mótinu sólarhring síðar eftir 24
tíma af gleði, hellidembu og nokkrum
blundum.
![Page 10: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/10.jpg)
10
2012Grand Hótel
100 ára skátastarf á ÍslandiHátíðarkvöldverður skátaGala
| Föstudaginn 2. nóvember 2012 | Miðaverð 7.900,- | Borðhald hefst stundvíslega kl. 20:00 |
www.skatar.is
GalaAfmælishátið 2. nóvember verður á Grand Hótel og
verður í svokölluðum Gala stíl. Hún er ætluð
öllum skátum 18 ára og eldri og vonumst við til
að sjá sem flesta og alla í sínu fínasta pússi og
enginn í skátabúning þar sem þetta er haldið
á vínveitingastað.Það verður mikið um fjör og
mikið um að vera. Þriggja rétta matarveisla,
skemmtun og svo dunar dansinn fram á rauða
nótt.Veislustjórinn er að setja sig í gírinn
og safnar sögum. Það verða skemmtiatriði,
happdrætti og lítið sem ekkert um þungar
ræður :)Endilega hóaðu í ,,gamla” skátahópinn
þinn og gleðjumst saman og fögnum 100
ára afmælinu með glæsibrag.Miðaverð er
7.900.- og er hægt að kaupa miða hjá Döggu
í skátamiðstöðinni í Hraunbæ 123 eða hér á
netinu í gegnum http://www.skatar.is/vefur/
default.asp?ItemGroupID=13 Hlökkum til að sjá
ykkur öll, húsið opnar kl. 19:00
Kveðja, Afmælisársnefndin.
Skyndihjálparnámskeið dróttskáta - Kanntu á plástur?
En að búa um beinbrot? Það verður haldið Laugardaginn 3. Nóvember.
Fylgist vel með því nánari upplýsingar koma fljótlega á heimsíðu skátanna.
Kanntu á plástur?
Gala
![Page 11: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/11.jpg)
Friðarþing 2012
Fyrirlesararnir eiga það allir sammerkt að hafa sýnt
frið í verki, hvort sem það er í einkalífi viðkomandi
eða á opinberum vettvangi. Við viljum að fyrir-
lestrarnir veiti þátttakendum Friðarþingsins sýn á
þau fjölbreyttu verk sem geta leitt til friðar.
Okkur er ekki öllum ætlað að verða næsti Gandhi
heldur getum við lagt okkar að mörkum með litlum
verkum sem þegar upp er staðið hafa mikil áhrif.
Með Friðarþinginu viljum við sýna að allir geta lagt
sitt af mörkum, sama hversu lítið verkið er því allt
hefur áhrif. Þannig sannast hið fornkveðna að margt
smátt geri eitt stórt.
Með þátttöku á Friðarþinginu getur þú valið úr 25
fyrirlestrum , pallborðsumræðum, vinnusmiðjum og
fjölbreyttum viðburðum tengdum þinginu. Þú getur
sett saman þína eigin dagskrá.
Fyrirlestrar
Með Friðarþinginu viljum við efla hugmyndir fólks
um frið, gefa orðinu víðtækari merkingu og gefa
einstaklingum færi á að mynda sín eigin tengsl við
hugtakið. Þeir 25 fyrirlestrar og pallborðsumræður
sem boðið verður upp á hafa hugmyndina um frið í
sinni víðtækustu mynd að aðalhlutverki.
Vinnusmiðjur
Á Friðarþinginu verða vinnusmiðjur, en með þeim
viljum við gefa kennurum, leiðtogum í æskulýðs-
störfum, foreldrum og þeim sem láta málefni
æskunnar sig varða hugmyndir að friðarfræðslu.
Vinnusmiðjurnar eru hugsaðar sem þjálfun í
því hvernig hægt er að nálgast ungmenni með
friðarverkefni í huga. Eins er markmið þeirra að veita
þátttakendum innblástur til friðarverkefna.
„Try and leave this world a little better than you found it”
Robert Baden-Powell
Hvít friðardúfa
Sv.hv. friðardúfa
Miðasala: www.peacething.is
-Hvert er þitt hlutverk?
/peacething
„Try and leave this world a little better than you found it”Robert Baden-Powell
Miðasala: www.peacething.is
![Page 12: Skátamál 5.tbl. september 2012](https://reader031.vdocuments.pub/reader031/viewer/2022020220/568bf3d81a28ab89339bc92a/html5/thumbnails/12.jpg)
Forvarnardagurinn 31. október 2012 Allir skátar geta tekið þátt í forvarnadeginum enda
stuðlum við skátar að heilbrigðu líferni og hraustu
ungu fólki.
www.mootcanada2013.ca