tema6 150518150755-lva1-app6892
TRANSCRIPT
A IDADE MODERNATEMA 6
A IDADE MODERNA
ETAPAS NA IDADE MODERNA
• Cambios culturais. Gutenberg inventou a imprenta, un método mecánico para reproducir os libros que abarataba moito o seu prezo, e permitía a máis xente compralos. Os sabios do momento, chamados humanistas, puideron ler moitos textos das antigas Grecia e Roma. Grazas a este Renacemento da Antigüidade, fixéronse progresos científicos e culturais.
• Avances na navegación. Inventos recentes, como os mapas portolanos, o astrolabio e o compás, permitiron navegar con maior seguridade. Estes avances facilitaron as viaxes longas, o comercio con territorios afastados e incluso o descubrimento de novas rutas e continentes.
• Cambios políticos. Os reis europeos conseguiron un gran poder territorial e político grazas á ampliación dos seus exércitos e do número de funcionarios. Estas monarquías autoritarias necesitaban grandes sumas de ouro para manterse, así fomentaron o comercio e os descubrimentos.
• Cambios sociais. A sociedade continuaba dividida en estamentos privilexiados, como os nobres e ou clero, e non privilexiados, como os mendigos, os artesáns, os labregos e os burgueses. Na Idade Moderna a nobreza perdeu poder e algúns burgueses acumularon fortunas maiores ca as dos propios nobres.
PORQUE EMPEZOU A IDADE MODERNA?
A VIDA NA IDADE MODERNA
• A unión entre reinos peninsulares foi realizada polos Reis Católicos, Isabel I de Castela e Fernando II de Aragón. Co seu matrimonio en 1469 uníronse as coroas de ambos os territorios.
• A pesar desa alianza entre as dinastías de reis, os territorios de Castela e Aragón mantiveron leis, institucións e moedas distintas durante o reinado dos Reis Católicos.
QUEN FORON OS REIS CATÓLICOS?
• Os Reis Católicos foron o primeiro grande exemplo de monarquía autoritaria. O seu poder consolidouse ao reducir o da nobreza. Así, organizaron unha administración propia que controlaba os seus territorios e un exército moderno que os protexía.
• Ademais finalizaron a Reconquista coa toma de Granada, e expandiron as súas relacións e territorios no estranxeiro casando os seus fillos cos principais herdeiros de Europa.
PORQUE XA NON ERAN REIS MEDIEVAIS?
1. O matrimonio entre Isabel e Fernando uniu as coroas de Castela e de Aragón en 1469.
2. Castela tomou Granada en 1492. A expulsión dos xudeus reforzou a unidade relixiosa do catolicismo.
3. Castela, e sobre todo Aragón, estendéronse polo Mediterráneo.
4. Castela finalizou a conquista das Canarias e en 1492 chegou a América.
5. Castela incorporou o reino de Navarra á súa coroa en 1512.
6. Os reis emparentaron os seus fillos con outros reis europeos a través do matrimonio.
OS TERRITORIOS DOS REIS CATÓLICOS
• O navegante Cristovo Colón pensou que podería chegar a Asia cruzando o océano Atlántico, e pediu axuda a Isabel de Castela para intentalo. Colón partiu cara ao océano descoñecido cos barcos, a tripulación e os materiais recibidos dos Reis Católicos. Tras 70 días de navegación, o 12 de outubro de 1492, o navegante achou un Novo Mundo: América.
• Colón volveu tres veces a América, pero sempre pensou que estaba nas Indias. Por iso chamou indios aos seus habitantes.
COMO SE DESCUBRIU AMÉRICA
• Carlos de Habsburgo era neto dos Reis Católicos. Así, herdou os territorios das coroas de Castela e Aragón.
• Carlos era tamén neto do emperador da casa de Austria, polo que herdou territorios en Europa central e foi elixido emperador de Alemaña.
• Durante o seu reinado sufriu rebelións en Castela e Aragón, debidas á orixe estranxeira deste rei e ás súas esixencias económicas.
• Carlos I defendeu con dureza o catolicismo e os intereses da monarquía. Por iso se enfrontou aos cristiáns protestantes alemáns, opostos á Igrexa católica de Roma, e aos turcos musulmáns, que avanzaban cara a Europa.
DE ONDE VEÑEN OS AUSTRIAS?
A HERDANZA DE CARLOS I
• Filipe II herdou os territorios do seu pai, Carlos I, a excepción do Imperio alemán que tamén en Portugal.
• Os seus territorios formaron o grande imperio da Monarquía Hispánica, aínda que nunca levou o título de emperador. O rei fixou a capital en Madrid.
• Igual que o seu pai defendeu con dureza o catolicismo. Tamén se enfrontou a países europeos como Francia e Inglaterra.
UN IMPERIO SEN EMPERADOR
• Navegantes ao servizo da Monarquía Hispánica deron a primeira volta ao mundo e conquistaron novos territorios en América. Alí fundaron cidades e impuxeron a relixión católica e a lingua castelá.
• Os colonizadores levaron a América cabalos, gando e cereais, que plantaron nas súas facendas. Ttrouxeron grandes cantidades de ouro e prata, ademais de alimentos como o millo, o tomate, a pataca ou o cacao.
• As riquezas e o comercio con América enriqueceron algúns nobres e burgueses casteláns, pero a maioría da poboación seguiu dedicándose á agricultura e á gandaría.
EXPLORACIÓNS E CONQUISTAS
A CULTURA RENACENTISTA
• Os artistas do Renacemento interesáronse por Grecia e Roma, polo que nos seus edificios usaron arcos de media circunferencia e en moitos cadros vestían os personaxes á antiga.
• En España a arte dependía dos encargos da monarquía e a igrexa, polo que a maioría das obras foron palacios e igrexas, ou esculturas e pinturas para decoralos. Entre todos destacaron o mosteiro e palacio de San Lourenzo do Escorial, encargado por Filipe II, e as pinturas do Greco, que desexaba traballar para o rei pero traballou, sobre todo, para conventos e igrexas.
• Durante o século XVII a Monarquía Hispánica perdeu parte do seu imperio, o maior dos existentes na época.
• As malas colleitas, as continuas guerras, a peste e a emigración a América reduciron a poboación na península e provocaron unha crise demográfica e agraria. Ademais, o rico comercio con América xa non era suficiente para pagar os gastos da Monarquía.
• Os máis pobres foron os máis prexudicados, e carecían de alimentos.
QUE CAUSOU A CRISE?
• Os monarcas do século XVII non se preocuparon polo Imperio e delegaron o goberno en nobres da súa confianza, chamados validos. Foi o caso do duque de Lerma, valido de Filipe III, e do conde-duque de Olivares, valido de Filipe IV.
• Durante estes reinados, a crise interna agravouse. A monarquía perdeu na guerra dos Trinta Anos os territorios europeos de Portugal e Holanda, e o seu dominio no continente.
• Carlos II foi o último rei da casa de Austria. Chegou ao trono con catro anos e foi un rei débil. Non tivo descendencia, e tras a súa morte estalou unha guerra entre os partidarios dos seus distintos sucesores.
OS REIS E OS SEUS VALIDOS
• Carlos II nomeara herdeiro a Filipe V, da casa de Borbón. En Francia reinaban os Borbóns, e algúns países temían unha alianza dos dous reinos. Para evitalo, propuxeron un rei da casa de Austria para España. Así comezou a guerra de Sucesión.
• O conflito terminou co Tratado de Utrecht, que recoñecía a Filipe V de Borbón como rei. A cambio, o rei cedeu a Austria os territorios hispánicos en Europa, e Menorca e Xibraltar a Inglaterra.
• Na guerra, Aragón non apoiara a Filipe V, polo que tras vencer, o rei anulou os privilexios do territorio e igualou as leis e impostos con Castela.
DO SÉCULO DE OURO AO SÉCULO DAS LUCES. A CHEGADA DOS BORBÓNS
1. Monarquía absoluta e centralización.2. Reorganización territorial.3. Creación de fábricas, compañias
comerciales e obras públicas
AS REFORMAS BORBÓNICAS
• O século XVIII chamouse Século das Luces, pois para os ilustrados o coñecemento iluminaba as persoas e favorecía o desenvolvemento. Estes pensadores valoraban o coñecemento científico e o saber de Grecia e Roma.
• os reis quixeron embelecer as cidades con edificios inspirados na Antigüidade que impulsasen a cultura, como as reais academias de artes e oficios, os museos ou os xardíns.
DO SÉCULO DE OURO AO SÉCULO DAS LUCES. A CHEGADA DOS BORBÓNS