voorgraadse fakulteitsbrosjure natuur- en ... · navorsingsvennootskap (sera), skep ongekende...

Universiteit van PretoriaVoorgraadse Fakulteitsbrosjure

Natuur- en Landbouwetenskappe2012/13

www.up.ac.za2012/13

© Rudi van Aarde

i Fakulteit Natuur- en Landbouwetenskappe

Boodskap van die Dekaan

Boodskap van die Dekaan Het jy al ooit gewonder wie is verantwoordelik vir die gehalte van die sjokolade, blikkieskoeldrank of pannekoekmengsel wat jy in die winkel koop? Wat is die wetenskap agter ‘n krieketbal of ‘n kolfblad? Wat is nanotegnologie of hoe word kankerpasiënte met kerntegnologie of tuberkulose met fitomedisyne behandel? Waarom is aktuarisse die hoogsbetaalde beroepslui ter wêreld?

Die Fakulteit Natuur- en Landbouwetenskappe bied graadprogramme aan wat nie net aan die voorpunt van die onderskeie dissiplines staan nie, maar wat graduandi ook toerus om leiers en probleemoplossers in hul gekose beroepsvelde te wees. Die sleutel tot die Fakulteit se sukses is die hoë premie wat daar op onderwys, navorsing en innovasie van ‘n hoë gehalte geplaas word. Dit word vergestalt in die Fakulteit se benadering tot opleiding en navorsing – maar bowenal in die ingesteldheid tot probleemoplossing wat by studente gekweek word.

Die Universiteit van Pretoria streef daarna om internasionaal mededingend, en terselfdertyd plaaslik relevant te wees. Die Universiteit se plant- en dierewetenskappe word tans die hoogste gegradeer van alle Suid-Afrikaanse universiteite. Hierdie gradering is gebaseer op die getal aanhalings en skripsies wat geproduseer word (gebaseer op die ISI Web of Knowledge se aanwysers vir noodsaaklike wetenskappe).

Plaaslike relevansie word verseker deur noue samewerking met die nywerheid. Op dié gebied het die Universiteit ook ‘n aantal innovasies ontplooi. Sy strategiese bondgenootskap met die Wetenskaplike en Nywerheidnavorsingsraad (WNNR), bekend as die Suidelike Onderwys- en Navorsingsvennootskap (SERA), skep ongekende geleenthede vir opleiding en navorsing vir studente en personeel. Die Innovation Hub wat net langs die Universiteit se proefplaas ontwikkel word, is ‘n projek van SERA en die Gautengse provinsiale regering. Sommige van die wêreld se mees vooraanstaande hoëtegnologie-maatskappye ontwikkel tans navorsings- en ontwikkelingslaboratoriums daar.

Nasionale en internasionale akkreditasie is die norm vir sowel die graadprogramme as die navorsingslaboratoriums. Dit is die Fakulteit se erns om te verseker dat die markwaarde van die grade wat in hierdie Fakulteit aan die Universiteit van Pretoria toegeken word, altyd vir studente ‘n mededingende voordeel sal wees. Die Fakulteit voeg waarde tot sy grade toe wat baie gesog in die mark is, wat sy studente dus ook baie gesog maak.

Die kursusse van die Fakulteit Natuur- en Landbouwetenskappe is toeganklik vir almal wat aan die akademiese standaarde voldoen. Alle voorgraadse studieprogramme met genoegsame studentegetalle word in beide Afrikaans en Engels aangebied (behalwe in sekere gevalle soos Aktuariële Wetenskappe waar programme slegs in Engels aangebied word). Die Universiteit beskik ook oor verskeie finansiële skemas om verdienstelike studente met beurse en lenings te help.

Die Fakulteit is by verskeie uitreikprogramme betrokke, soos die bekende UP with Science-program en die nuut-ontwikkelde BSc Vierjaarprogram. Leerders met ‘n voorliefde vir die onbekende, ‘n nuuskierige geaardheid en die wil om hard te werk, is welkom om aansoek te doen.

Prof Anton StröhDekaan: Fakulteit Natuur- en Landbouwetenskappe

Inhoudsopgawe

Fakulteit Natuur- en Landbouwetenskappe ii

InhoudsopgaweBoodskap van die Dekaan .............................................................................................................................................. iInleiding .........................................................................................................................................................................1Voorgraadse studieprogramme ...................................................................................................................................... 2Meer oor die BSc Vierjaarprogram ................................................................................................................................. 9Biologiese Wetenskappe ................................................................................................................................................9 - Departement Biochemie .........................................................................................................................................9 - Departement Mensfisiologie ................................................................................................................................. 10 - Departement Genetika .......................................................................................................................................... 11 - Departement Anatomie: BSc(Mediese Wetenskappe) .......................................................................................... 12 - Departement Mikrobiologie en Plantpatologie ....................................................................................................... 12 - Departement Dierkunde en Entomologie .............................................................................................................. 13 - Departement Plantkunde ...................................................................................................................................... 14Fisiese Wetenskappe ................................................................................................................................................... 15 - Departement Chemie ............................................................................................................................................ 15 - Departement Geologie .......................................................................................................................................... 15 - Departement Geografie, Geoinformatika en Meteorologie .................................................................................... 17 - Departement Fisika ............................................................................................................................................... 18Landbou- en Voedselwetenskappe .............................................................................................................................. 19 - Departement Landbou-ekonomie, Voorligting en Landelike Ontwikkeling ............................................................. 19 - Departement Plantproduksie en Grondkunde ....................................................................................................... 19 - Departement Vee- en Wildkunde .......................................................................................................................... 20 - Departement Verbruikerswetenskap ..................................................................................................................... 21 - Departement Voedselwetenskap .......................................................................................................................... 22Wiskundige Wetenskappe ............................................................................................................................................ 22 - Departement Versekerings- en Aktuariële Wetenskap .......................................................................................... 22 - Departement Wiskunde en Toegepaste Wiskunde ................................................................................................ 23 - Departement Statistiek.......................................................................................................................................... 24Gemeenskapsontwikkelingsinisiatiewe ........................................................................................................................ 24Algemene inligting........................................................................................................................................................ 26 - Fakulteitspesifieke inligting ................................................................................................................................... 26 - Kliëntedienssentrum ............................................................................................................................................. 26 - GPS-koördinate na UP-kampusse ........................................................................................................................ 26 - Universiteit van Pretoria bankbesonderhede ........................................................................................................ 26 - Verwelkomingsdag en die Amptelike program vir registrasie en aanvang van die akademiese jaar (28 Januarie – 7 Februarie 2012) .......................................................................................................................... 26 - Institusionele Vaardigheidstoets (IVT) ................................................................................................................... 26 - Aansoeke .............................................................................................................................................................. 26 - Toelating ............................................................................................................................................................... 26 - Taalbeleid en onderrigmedium .............................................................................................................................. 27 - Akademiese Inligtingbestuur ................................................................................................................................. 27 - Beurse en lenings ................................................................................................................................................. 27 - Verpligte Akademiese Geletterdheidstoets vir geregistreerde eerstejaarstudente ................................................ 27 - Gelde betaalbaar .................................................................................................................................................. 28 - Akkommodasie ..................................................................................................................................................... 29 - Privaatakkommodasie ........................................................................................................................................... 29 - Opedag ................................................................................................................................................................. 29 - TuksSport ............................................................................................................................................................. 29 - Departement Studentesake .................................................................................................................................. 29 - Afdeling Studente-ondersteuning .......................................................................................................................... 29 - Afdeling Studente-ontwikkeling ............................................................................................................................. 29 - Biblioteekdienste ................................................................................................................................................... 30 - Internasionale studente......................................................................................................................................... 31 - Hoër Onderwys Suid-Afrika (Higher Education South Africa - HESA) ................................................................... 31 - Omskakelingstabel vir Toelatingspunttelling (TPT)................................................................................................ 32 - Vrywaring .............................................................................................................................................................. 32 - Notas .................................................................................................................................................................... 33

Gedruk Desember 2011

1 Fakulteit Natuur- en Landbouwetenskappe

Inleiding

Inleiding Die Fakulteit Natuur- en Landbouwetenskappe is ‘n baie diverse fakulteit. Dit bestaan uit 17 departemente, asook 22 sentra en institute wat ‘n integrale deel uitmaak van hierdie departmente. Meer as 5 000 studente, van wie 70% voorgraads en 30% nagraads is, registreer jaarliks by hierdie Fakulteit.

Alle studieprogramme is ontwerp om individue op te lei wat probleme kan oplos, maklik by veranderende omstandighede kan aanpas en leiding kan neem in hulle gekose spesialisasierigtings. Die kwalifikasies wat behaal word is van wêreldgehalte en bied toegang tot ‘n groot verskeidenheid beroepsmoontlikhede vir dinamiese en kreatiewe persone. Sommige van die Fakulteit se studieprogramme is uniek aan die Universiteit van Pretoria, terwyl ander programme ook deur ‘n aantal ander instellings aangebied word.

Voedselwetenskappe

• BSc(Voeding en Voedselwetenskappe) • BSc(Hons)(Voeding en Voedselwetenskappe) –

‘n multidissiplinêre studieprogram

Geografie, Geoinformatika en Meteorologie

• BSc(Meteorologie), BSc(Hons)(Meteorologie), MSc en PhD in Meteorologie. Die Universiteit van Pretoria is die enigste instelling in Afrika suid van die ewenaar wat graadkursusse in meteorologie aanbied. Die Universiteit het onlangs ‘n Memorandum van Ooreenkoms met die Suid-Afrikaanse Weerdiens (SAWD) onderteken om studente spesifiek vir die SAWD op te lei.

• BSc(Geoinformatika), BSc(Hons)(Geoinformatika), MSc en PhD in Geoinformatika. Die Universiteit van Pretoria is een van slegs ‘n paar universiteite wat opleiding in Geoinformatika aanbied. Die studieprogram voldoen aan die vereistes wat gestel word deur die Suid-Afrikaanse Raad vir Professionele en Tegniese Landmeters (PLATO), die beheerliggaam van GIS-kundiges in Suid-Afrika.

Geologie

• MSc in Toegepaste Materiale. Die Universiteit van Pretoria is die enigste instelling in Suid-Afrika wat dit aanbied.

• Ingenieursgeologie op alle vlakke. Die Universiteit van Pretoria en die Universiteit van KwaZulu-Natal is die enigste twee instellings in Suid-Afrika wat hierdie program aanbied.

Grade word voorgraads en nagraads in die volgende vakgebiede aangebied:

Biologiese Wetenskappe Landbou- en Voedselwetenskappe• Biochemie • Biotegnologie • Dierkunde • Ekologie • Entomologie • Genetika • Mediese Wetenskappe • Mensfisiologie • Mensfisiologie, Genetika en Sielkunde • Mensgenetika • Mikrobiologie • Plantkunde

• Landbou-ekonomie/Agribesigheidsbestuur • Natuurlewebestuur (Nagraads) • Plant- en Grondwetenskappe • Plantpatologie • Veekunde • Voeding en Voedselwetenskap • Voedselbestuur • Voedselwetenskap en -tegnologie

Programme in Verbruikerswetenskap• Gasvryheidsbestuur • Kleding (Kleinhandelbestuur) • Interieurware (Kleinhandelbestuur) • Voedsel (Kleinhandelbestuur)

Fisiese Wetenskappe Wiskundige Wetenskappe• Chemie • Fisika • Geografie • Geoinformatika • Geologie • Meteorologie • Omgewings- en Ingenieursgeologie • Omgewingswetenskappe

• Aktuariële en Finansiële Wiskunde • Toegepaste Wiskunde • Wiskunde • Wiskundige Statistiek

Fakulteit Natuur- en Landbouwetenskappe 2

Voorgraadse studieprogramme

Let wel: Dit is verpligtend dat alle aansoekers die Institusionele Vaardigheidstoets (IVT/NBT) moet aflê in hul Graad 12 jaar.

Biologiese WetenskappeDie minimum vereistes vir die volgende programme (grade) is:

Program (Graad) Duur Sluitingsdatum

Afrikaans ofEngels

'n Addisionele NSS-taal

Wiskunde (Wiskundige

Geletterdheid word nie aanvaar nie)

FisieseWetenskap

Twee ander NSS-vakke

TPT

4 (50-59%) 4 (50-59%) 5 (60-69%) of 4 (50-59%) indien

5 behaal is vir Fisiese Wetenskap

5 (60-69%) of 4 (50-59%) indien

5 behaal is vir Wiskunde

4 (50-59%) 30

BSc(Biochemie) [3 jaar]Sluitingsdatum: 30 September

Beroepe: Biochemie bied feitlik onbeperkte geleenthede vir ’n opwindende en uitdagende loopbaan in die nywerheidsektor (fyn chemikalieë, voedsel-, farmaseutiese en afvalprosesseringsfirmas), navorsingsrade (die Mediese Navorsingsraad, die Landbounavorsingsraad, die Kankervereniging van Suid-Afrika en die Waternavorsingskommissie) en institute, akademiese instellings, die WNNR, asook forensiese en patologielaboratoriums. Verder is beroepe soos navorser, onderwyser, dosent en mediese verteenwoordiger ook ’n opsie. Gegradueerdes in Bioinformatika is gemaklik in werksomgewings soos universiteite, navorsingsinstitute, farmaseutiese maatskappye, biotegnologiese maatskappye en verwante bedrywe.

BSc(Biologiese Wetenskappe)

Sluitingsdatum: 30 September

Generiese eerstejaarsprogram in Biologiese Wetenskappe. Studente wat onseker is oor watter spesialiseringsgraadprogram om te kies, kan vir hierdie program aansoek doen. Studente wat wil aansoek doen om toelating tot een van die MBChB-, BDieetkunde- of BChD-plekke wat in die tweede semester beskikbaar word, mag in die eerste semester registreer vir Biologiese Wetenskappe en mag vir die modules Wêreldbeelde (FIL155), Mense en hul Omgewing (MGW112) en Mediese Terminologie (MTL180) in die plek van Wiskunde (WTW134) registreer, op voorwaarde dat hulle, indien hulle nie gekeur word nie en met een van die Biologiese Wetenskappe-grade wil voortgaan, Wiskunde (WTW134) in die tweede semester van die eerste jaar moet voltooi. Studente wat wil aansoek doen om toelating tot een van die BVSc-plekke wat in die tweede semester van 2012 beskikbaar word, mag in hul eerste semester vir Biologiese Wetenskappe se voorgeskrewe vakke en vir MTL181 registreer. Hierdie studente moet in die eerste semester vir WTW134 registreer.

BSc(Biotegnologie) [3 jaar]Sluitingsdatum: 30 September

Beroepe: Laboratoriumgebaseerde navorsers of bio-entrepreneurs wat gebruik maak van mediese, dierkundige, plant- of mikrobe-gebaseerde tegnologieë om produkte en dienste te ontwikkel. Indien studente biotegnologie kombineer met addisionele kwalifikasies soos regte, sal hulle toegerus wees vir sukses in beroepe soos patentereg, farmaseutiese verkope en bemarking, projekbestuur, rekenaarprogrammering (natuurlike verwerking) en wetenskapsjoernalistiek. Neem asseblief kennis dat die vlak van opleiding/kwalifikasie ’n belangrike rol speel in die bepaling van die tipe werk waarby ’n gekwalifiseerde biotegnikus betrokke kan raak.

BSc(Ekologie)[3 jaar]Sluitingsdatum: 30 September

Beroepe: Omgewingsgebaseerde statutêre en private bewaringsorganisasies, organisasies wat betrokke is by die direkte of indirekte benutting van natuurlike hulpbronne, en akademiese en opleidingsinstansies.

BSc(Dierkunde)[3 jaar]Sluitingsdatum: 30 September

Beroepe: Gegradueerdes van die Departement Dierkunde en Entomologie kan na ’n verskeidenheid opwindende beroepsgeleenthede uitsien. Hulle word in natuurbewaringsinstansies, omgewingskonsultasiefirmas, bewarings-beplanningsagentskappe, mediese en veeartsenykundige navorsing, die biochemiese en biotegnologiese bedryf, opvoedkundige instansies, rekenaarverwante sektore en die sakesektor aangestel. Beroepsgeleenthede sluit die volledige spektrum van potensiële aktiwiteite in wat deel uitmaak van moderne navorsing, ontwikkeling en opleiding. Dit kan van heeltydse deelname in die veld of laboratorium tot heeltydse opleidingsaktiwiteite wissel en sluit gewoonlik ’n stimulerende kombinasie van analitiese werk en veldwerk in asook werk wat met menslike hulpbronne te doen het.

BSc(Entomologie)[3 jaar]Sluitingsdatum: 30 September

Beroepe: Gegradueerdes in Entomologie word in natuurbewaringsinstansies, omgewingskonsultasiefirmas, bewarings-beplanningsagentskappe, mediese en veeartsenykundige navorsing, die biochemiese en biotegnologiese bedryf, opvoedkundige instansies, pesbestuur, rekenaarverwante sektore en die sakesektor aangestel.

BSc(Genetika)[3 jaar]Sluitingsdatum: 30 September

BSc(Mensgenetika)[3 jaar]Sluitingsdatum: 30 September

Beroepe: Gegradueerdes in Genetika word dikwels molekulêre bioloë, mediese of kliniese genetici, sitogenetici, biotegnoloë, landbouwetenskaplikes, molekulêre ekoloë, forensiese wetenskaplikes, genetiese raadgewers, bio-informatici en berekeningsontleders, veeartsenykundige wetenskaplikes, onderwysers en dosente by verskeie instellings en in biowetenskapverwante bedrywe. Indien hulle genetika kombineer met addisionele kwalifikasies soos regte, sal hulle toegerus word vir suksesvolle loopbane in patentereg, farmaseute verkope en bemarking, projekbestuur, rekenaarprogrammering (natuurlike verwerking) en wetenskaplike joernalistiek. Neem asseblief kennis dat die vlak van opleiding/kwalifikasie ’n baie belangrike rol speel in die bepaling van die tipe werk waarby ’n gekwalifiseerde genetikus betrokke kan raak.

BSc(Mensfisiologie)[3 jaar]

BSc(Mensfisiologie, Genetika en Sielkunde) [3 jaar]Sluitingsdatum: 30 September

Beroepe: Navorsing word gedoen in samewerking met mediese spanne in privaat en regeringsnavorsingsinstitute (soos die WNNR en die Mediese Navorsingsraad), die SABS, farmaseutiese firmas, universiteite, veeartsenykundige en industriële instansies, staatsdepartemente (byvoorbeeld die Departement Gesondheid) en gesondheidsoorde. Fisioloë word ook aangetref op verskeie ander gebiede soos onderwys (onderwysers, dosente en instrukteurs), sportfisiologie, biostatistiek, bio-ingenieurswese, industriële higiëne, joernalistiek, mediese tegnologie en in die bedryf as verteenwoordigers van farmaseutiese firmas. Gegradueerdes met Genetika en Sielkunde as vakke het ook toegang tot die nagraadse programme wat aangebied word deur die Departement Genetika en die Departement Sielkunde (Fakulteit Geesteswetenskappe).




Biologiese WetenskappeDie minimum vereistes vir die volgende programme (grade) is:


Afrikaans ofEngels




FisieseWetenskap


TPT

4 (50-59%) 4 (50-59%) 5 (60-69%) of 4 (50-59%) indien

5 behaal is vir Fisiese Wetenskap

5 (60-69%) of 4 (50-59%) indien

5 behaal is vir Wiskunde

4 (50-59%) 30

BSc(Mediese Wetenskappe)[3 jaar]Sluitingsdatum: 30 September

Nagraadse studies word sterk aanbeveel en honneurs, meesters- en doktorsgrade kan verwerf word in enige van die subdissiplines van Anatomie, naamlik neuro anatomie, kliniese anatomie, selbiologie, fisiese en forensiese antropologie, histologie en embriologie. Studente met hierdie graad kan ook nagraadse studies doen in fisiologie, genetika en farmakologie. Loopbaanmoontlikhede sluit navorsing in enige van die subdissiplines van Anatomie, die akademie, forensiese wetenskap en die gesondheidswetenskapbedryf in. Ander loopbane wat oorweeg kan word, is in sportwetenskappe, virologie, chemiese patologie, immunologie, gesondheidsadministrasie of ergonomie. Tegniese loopbane, byvoorbeeld in universiteite se anatomie- of fisiologiedepartemente, is ook moontlik. Slegs 72 plekke is beskikbaar in die eerste studiejaar. Studente wat Mediese Wetenskappe voor 30 September as hulle eerste keuse aandui en aan die minimum toelatingsvereistes voldoen, sal toegelaat word totdat al die plekke gevul is. Studente wat Mediese Wetenskappe as hulle tweede keuse aandui en aan die minimum toelatingsvereistes voldoen, sal op ’n waglys geplaas word en sal in Januarie van die eerste studiejaar oorweeg word indien daar beskikbare plekke is.

BSc(Mikrobiologie) [3 jaar]Sluitingsdatum: 30 September

Beroepe: Mikrobioloë kan ’n wye verskeidenheid beroepe volg, wat wissel van basiese navorsing tot praktiese toepassings. Daar is loopbaangeleenthede in die voedsel-, suiwel-, bierbrou-, wynmaak- en bakkersgisbedrywe, in die fermentasiebedryf, by myne met betrekking tot korrosiebeheer, as mediese of veeartsenykundige mikrobioloë, as navorsers by instansies soos die WNNR, LNR, die MNR, of as dosente en navorsers by verskeie akademiese instellings.

BSc(Plantkunde)[3 jaar]Sluitingsdatum: 30 September

Beroepe: Wissel van laboratoriumnavorsing tot die bestudering van plante in hul natuurlike omgewing. Daar is werksgeleenthede in die biotegnologiese en farmaseutiese bedrywe, by Suid-Afrikaanse Nasionale Parke, private ekologiese maatskappye, navorsingsinstellings soos die WNNR, Landbounavorsingsraad, Suid-Afrikaanse Nasionale Biodiversiteitsinstituut, ens.

Voorwaardelike toelating met betrekking tot die grade hierbo: Kandidate wat nie aan die minimum toelatingsvereistes voldoen nie en wat ’n TPT van 30 behaal het, met minstens ’n 4 (50-59%) vir beide Wiskunde en Fisiese Wetenskap, kan oorweeg word vir toelating tot die BSc of die BSc Vierjaarprogram op grond van die uitslag van die IVT.Kandidate wat aan geen van bogenoemde vereistes voldoen nie: Die vereistes vir die verlengde BSc Vierjaarprogram: Biologiese- en Landbouwetenskappe is: ’n TPT van 22 en ’n 4 in Afrikaans of Engels, 4 in ’n ander NSS-taal, 4 in Wiskunde (of 3, indien 4 vir Fisiese Wetenskap behaal is), 4 in Fisiese Wetenskap (of 3, indien 4 vir Wiskunde behaal is).


Fisiese WetenskappeDie minimum vereistes vir die volgende program (graad) is:


Afrikaans ofEngels




FisieseWetenskap


TPT

4 (50-59%) 4 (50-59%) 5 (60-69%) 5 (60-69%) 4 (50-59%) 30

BSc(Chemie) [3 jaar]Sluitingsdatum: 30 September

Beroepe: Gegradueerdes in Chemie word deur ’n groot aantal tegnologiegebaseerde instansies in diens geneem en werk in ’n laboratoriumomgewing as deel van ’n industriële-, navorsings- of akademiese instelling. ’n Chemikus moet in staat wees om in ’n span te werk in ’n multidissiplinêre opset in ’n verskeidenheid van ondernemings in sowel die privaat as die openbare sektor. Dit is belangrik om daarop te let dat die aard van die werk wat beskikbaar is vir ’n gegradueerde in chemie afhang van die vlak van die kwalifikasie wat behaal is. Gevorderde kwalifikasies lei uiteindelik na aanstellings in navorsings- en/of produksiebestuur en vereis bestuursvaardighede en finansiëlebeplanningsvaardighede. Daar is talle beroepsgeleenthede in onderwys, navorsing, joernalistiek, omgewingsbeskerming, voedsel en drank, energie, water, gesondheid, sport, die farmaseutiese en kosmetiese bedryf, geologie, mynbouwetstoepassing. Dit behels onder meer die bekende beroepe van sintetiese chemikus, materiaalwetenskaplike, chemiese patoloog, forensiese chemikus, analitiese chemikus, medikasieanalis, patenteprokureur, chemiese ekoloog, geochemikus, voedselchemikus, polimeerchemikus en grondchemikus.

BSc(Fisika) [3 jaar]Sluitingsdatum: 30 September

Beroepe: Akademici by universiteite, wie se pligte klasgee, navorsing en studieleiding aan nagraadse studente insluit, navorsers by nasionale laboratoriums soos die Suid-Afrikaanse Kernenergiekorporasie, die Suid-Afrikaanse Sterrewag en iThemba LABS (Laboratorium vir Versneller-gebaseerde Wetenskappe), industriële navorsers soos die WNNR en Element Six, wetenskaplike raadgewers vir nieregeringsorganisasies, die bedryf of die regering, stralingsfisikus, mediese en biofisikus, atmosferiese wetenskaplike en klimatoloog, ontwikkelaar van hernubare energiebronne, geofisikus, innoveerder, entrepreneur en berekeningswetenskaplike. Samewerking met internasionale deskundiges.

(vervolg)



Fisiese Wetenskappe (vervolg)Die minimum vereistes vir die volgende program (graad) is:


Afrikaans ofEngels




FisieseWetenskap


TPT

4 (50-59%) 4 (50-59%) 5 (60-69%) 5 (60-69%) 4 (50-59%) 30BSc(Geografie) [3 jaar]Sluitingsdatum: 30 September

Beroepe: Daar is hoofsaaklik drie loopbaanrigtings vir geograwe: onderwys, navorsing en die toepassing van geografiese kennis en vaardighede in die praktyk. Geograwe kan fokus op omgewingsbestuur, stedelike aangeleenthede soos plakkery, streeks- en landelike ontwikkeling, of omgewingsake, insluitend besoedeling en die vernietiging van ekosisteme deur aktiwiteite soos mynbou, landbou en toerisme. Geograwe in die privaatsektor staan meestal in diens van eiendoms-, beplannings-, argitektuur- en ingenieursfirmas, die bankwese, toerismeorganisasies, omgewingsbewaringsorganisasies en industriëe. Staatsdepartemente wat verantwoordelik is vir bosbou-, water- en grondsake, die omgewing, toerisme en onderwys neem ook geograwe in diens. Semistaatsorganisasies soos die SABS en die WNNR bied ook loopbaangeleenthede in gespesialiseerde vakgebiede verwant aan aard- en omgewingswetenskappe aan. Baie geograwe bedryf hul eie besighede en is betrokke by bemarking, beplanning, ontwikkeling, toerisme, kartografie, GIS, afstandswaarneming, omgewingsevaluering en omgewingsouditering. ’n Akademiese loopbaan is ’n verdere keuse vir die geograaf.

BSc(Geoinformatika)[3 jaar]Sluitingsdatum: 30 September

Beroepe: Gegradueerdes word in die volgende gebiede aangewend: landbou, mineraaleksplorasie, ingenieurswese, bosbou, waterhulpbronbestuur, weervoorspelling, omgewingsimpakstudies, grondgebruiks-beplanning, grondontwikkeling, landelike gemeenskapontwikkeling, vervoerbeplanning, toerisme, marknavorsing, misdaadvoorkoming, voertuigopsporing en kartografie, GIS-tegnologie, omgewingsbeplanning en -analise, ramp- en omgewingsbestuur.

BSc(Geologie)[3 jaar]Sluitingsdatum: 30 September

Beroepe: Groot internasionale mynmaatskappye is belangrike werkverskaffers vir geoloë en ander aardwetenskaplikes in navorsing, eksplorasie en mynbouprojekte. Kleiner entrepreneursfirmas (‘juniors’) verskaf egter al hoe meer werk vir persone in hierdie beroepe. Die Raad vir Geowetenskappe, die WNNR, die Raad vir Mineraaltegnologie (MINTEK), die Departement van Waterwese, museums, ingenieursfirmas en raadgewende maatskappye bied interessante loopbaanmoontlikhede. Gegradueerdes kan ook hul eie firmas stig en konsultasiewerk doen. Laboratoriumspesialiste, soos mineraloë, identifiseer en ondersoek minerale met behulp van gesofistikeerde instrumente en analitiese toerusting. Omgewings- en ingenieursgeoloë bestudeer die interaksie tussen menslike aktiwiteite en die geologiese omgewing, soos die besoedeling van grond en grondwater. Hulle bestudeer die geologiese struktuur en grondeienskappe en by konstruksieterreine, byvoorbeeld, damme, tonnels en myne, om sodoende waardevolle inligting beskikbaar te stel voordat konstruksie ’n aanvang neem. Hulle soek en evalueer ook geskikte konstruksiemateriale. Hidrogeoloë is betrokke by die opsporing, ontginning en bewaring van grondwater.

BSc(Meteorologie) [3 jaar]Sluitingsdatum: 30 September

Beroepe: Meteoroloë word aangestel by instansies wat betrokke is by die studie, interpretasie en voorspelling van weerstoestande en klimaatverwante verskynsels. Die Suid-Afrikaanse Weerdiens (SAWD), die WNNR, sekere universiteite, landbou-instellings en algemene industrieë stel meteoroloë aan wat hoofsaaklik op die volgende gebiede spesialiseer: Navorsers: Hulle bestudeer alle aspekte van die weer en klimaat om atmosferiese verskynsels beter te kan verstaan. Atmosferiese modelleerders gebruik gespesialiseerde rekenaartegnologie om ingewikkelde vloeidinamikaberekenings met betrekking tot die atmosfeer op te los. Die monitering van luggehalte en die modellering van die impak van lugbesoedeling op die gemeenskap word aangespreek. Navorsing oor klimaatsverandering word sterk beklemtoon. Weervoorspellers: Dit is die weervoorspeller se verantwoordelikheid om data te analiseer en die weer te voorspel met behulp van modelle op die allerbeste rekenaars. Weervoorspellings word in verskeie tydskale gedoen, van korttermynvoorspellings (daagliks) tot langtermynvoorspellings wat vir maande vooruit geldig is, sowel as seisoenale voorspellings. Daar is wel poste in die privaatsektor, soos die aanbied van die weervoorspelling op televisie. Klimatoloë bestuur belangrike datastelle wat groot volumes inligting bevat wat deur die SAWD en ander organisasies ingesamel word. Konsultante kan in die privaat sektor werk en kan by universiteite waardevolle gespesialiseerde dienste en navorsingsinsette lewer. Dosente: Enkele akademiese poste bestaan by Suid-Afrikaanse universiteite. Hierdie dosente verseker dat meteoroloë se opleiding aan internasionale standaarde voldoen.

BSc(Omgewings- wetenskappe)[3 jaar]Sluitingsdatum: 30 September

Beroepe: Omgewingskonsultant, luggehaltespesialis, omgewingsimpak-analis, omgewingsbewaringsagent, spesialis op die gebied van skadelike afvalmateriaal, openbaregesondheidsvoorligter, navorser, watergehalte-spesialis, natuurlikehulpbronbestuurder, risikobestuurder, omgewingsopvoedkundige, vleilandwetenskaplike, wildbewaring, omgewingsbeplanner en -analis, watersuiweringspesialis, program- en projekbestuurder en natuurlike hulpbron-spesialis.

BSc(Omgewings- en Ingenieursgeologie) [3 jaar]Sluitingsdatum: 30 September

Beroepe: Geoloog, mineraloog, ekstraksiemetallurg, ekonomiese geoloog, geochemikus, geofisikus, omgewing- en ingenieursgeoloog, geohidroloog, laboratoriumspesialis, konsultant.

Voorwaardelike toelating met betrekking tot die grade hierbo: Kandidate wat nie aan die minimum toelatingsvereistes voldoen nie, wat ’n TPT van 30 behaal het, 4 (50-59%) vir Wiskunde of Fisiese Wetenskap, mits 5 (60-69%) vir die ander een van die twee behaal is kan oorweeg word vir toelating tot die BSc of BSc Vierjaarprogram op grond van die uitslag van die IVT.Kandidate wat aan geen van bogenoemde vereistes voldoen nie: Die vereistes vir die verlengde BSc Vierjaarprogram: Fisiese Wetenskappe is: ’n TPT van 22 met 4 in Afrikaans of Engels, 4 in ’n ander NSS-taal, 4 in Wiskunde (of 3, indien 4 vir Fisiese Wetenskap behaal is), 4 in Fisiese Wetenskap (of 3, indien 4 vir Wiskunde behaal is). Aansoekers sal oorweeg word op grond van die uitslag van die IVT.




Landbou- en VoedselwetenskappeDie minimum vereistes vir die volgende programme (grade) is:


Afrikaans ofEngels


Wiskunde (Wiskundige Geletterdheid

word nie aanvaar nie)

FisieseWetenskap


TPT

4 (50-59%) 4 (50-59%) 5 (60-69%) of 4 (50-59%) indien 5 behaal is vir Fisiese Wetenskap

5 (60-69%) of 4 (50-59%) indien 5

behaal is vir Wiskunde

4 (50-59%) 30

BSc(Voedselbestuur) [4 jaar]Sluitingsdatum: 30 September

Beroepe: Voedselbestuurder, gehaltekontroleur, onderwyser, navorser, voedselprodukontwikkelaar, bemarker, entrepreneur, konsultant, voedseljoernalis, onderrig en opleiding.

BSc(Voedsel-wetenskap)[3 jaar]Sluitingsdatum: 30 September

Beroepe: Voedselwetenskaplikes met hoogs bemarkbare opleiding en professionele vaardighede werk in Suid-Afrika en in die buiteland as voedselrisikobepalers, kwaliteit- en veiligheids-versekeringbestuurders, voedselchemici, voedselmikrobioloë en -biotegnoloë, verpakking- en raklewespesialiste, veiligheidsouditeurs, produk- en prosesontwikkelingsbestuurders, tegnieseverkope- en bemarkingsadviseurs, sintuiglike wetenskaplikes, voedselbiowetenkaplikes (broumeester of geurontwikkelingspesialis) in die voedsel-prosesseringsbedryf en verwante bedrywe.

Voedselwetenskaplikes se werksomgewing sluit laboratoriums, voedselproduksieaanlegte, besigheids-persele, opleidings-lokale, kleinhandelsorganisasies, staatsinstellings en navorsingsorganisasies in. Voedselwetenskaplikes is ook werksaam in nywerhede en maatskappye wat materiale (verpakking en voedselmiddels, soos kleur- en geurmiddels) vir die voedselbedryf vervaardig of wat sekondêr by voedselproduksie en -verkope betrokke is.

BSc(Voeding- enVoedselwetenskap) [3 jaar]Sluitingsdatum: 30 September

Beroepe: Daar bestaan wêreldwyd ’n behoefte aan gegradueerdes met opleiding in beide voeding en voedselwetenskap en dit is ’n werklikheid in Suid-Afrika. Hierdie kombinasie bied loopbaanmoontlikhede as voedsel- en voedingsanaliste, voeding- en voedselgesondheidsrisiko ondersoekbeamptes, voedsel-stelselvoldoeningsbestuurders, ontwikkelaars van voedsame voedselprodukte, voedselverpakking- en etiketteringspesialiste, sintuiglike wetenskaplikes, voedsel- en voedingswetgewingspesialiste, sleutelrekeningbestuurders en raadgewers vir die voedsel-, gesondheid- en verbruikersektor.

BSc(Agric)(Landbou-ekonomie/Agribesig-heidsbestuur)[4 jaar]


Beroepe: Landbou-ekonome is betrokke by baie verskillende sektore van die ekonomie. Party is betrokke by die ontleding en begrip van verbruikers se gedrag ten opsigte van hulle behoeftes en bereidwilligheid om vir voedsel en klere te betaal. Ander landbou-ekonome is weer betrokke by omgewingsbestuur en hulpverlening aan die regering en besighede om die volhoubare gebruik van skaars hulpbronne soos water en bewerkbare grond te verseker. Sommige landbou-ekonome dryf handel op wêreldwye finansiële markte en werk by die Johannesburgse Effektebeurs in Sandton of by Wall Street in New York. Ander werk vir banke en finansier voedselverwerkers soos bakkers en brouerye, of boere en die verskaffers van insette. Sommiges werk vir die regering en adviseer die regering oor hoe om te verseker dat daar genoeg kos is vir al die mense in die land en sommiges werk by handelsbanke waar hulle kliënte en bestuurders adviseer oor hoe om finansiële, risiko- en kommoditeitsmarkte te bestuur. Verder speel landbou-ekonome ’n noodsaaklike rol in navorsing en ontwikkeling in die landbousektor. Landbou-ekonome reis baie en ontmoet interessante mense. Hulle reis plaaslik en na die meeste ander dele van die wêreld, soos Afrika, die VSA, China, Suid-Amerika, Australië en Europa. Hulle doen dit om die beste insette aan te koop om voedsel en klere te produseer, maar ook om markte vir produkte te identifiseer en te verstaan. ’n Landbou-ekonoom is dus iemand wat belangstel in mense en hul kulture, in die natuur en in besigheid en bestuur. Hy of sy moet goeie interaksie met mense kan hê, maar moet ook statistieke en wiskunde gebruik om die interaksie tussen mense, die natuur en die ekonomie te verstaan.

BSc(Agric)(Veekunde)[4 jaar]Sluitingsdatum: 30 September

BSc(Agric)(Veekunde:Weidingskunde)[4 jaar]Sluitingsdatum: 30 September

Beroepe: Professionele veekundige, privaat konsultant, dierevoedingkundige, dierefisioloog, diereteeltkundige, navorser, boer of teler. ’n Veekundige kan ’n kommersiële of wildboer wees of betrokke wees by die bestuur van ’n plaas of wildreservaat. Hy of sy kan as ’n spesialiskonsultant of navorser praktiseer in produksiestelsels, veevoeding, veeteling, dieregenetika of veeprodukte, of kan betrokke wees by die bestuur van die natuurlike omgewing volgens ekologiese beginsels. ’n Veekundige kan ’n besigsheidsentrepreneur, administrateur, onderwyser of dosent wees. Neem kennis: BSc(Agric)-gegradueerdes voldoen aan die vereistes vir registrasie as ’n professionele veekundige.



Landbou- en Voedselwetenskappe (vervolg)Die minimum vereistes vir die volgende programme (grade) is:


Afrikaans ofEngels


Wiskunde (Wiskundige Geletterdheid


FisieseWetenskap


TPT

4 (50-59%) 4 (50-59%) 5 (60-69%) of 4 (50-59%) indien 5 behaal is vir Fisiese Wetenskap

5 (60-69%) of 4 (50-59%) indien 5

behaal is vir Wiskunde

4 (50-59%) 30

BSc(Agric) (Voedselwetenskap- en tegnologie) [4 jaar]


Beroepe: Voedselwetenskaplikes met hoogs bemarkbare opleiding en professionele vaardighede werk in Suid-Afrika en in die buiteland as voedselrisikobepalers, kwaliteit- en veiligheidsversekeringbestuurders, voedselchemici, voedselmikrobioloë en -biotegnoloë, verpakking- en raklewespesialiste, veiligheidsouditeurs, produk- en prosesontwikkelingsbestuurders, tegnieseverkope- en bemarkingsadviseurs, sintuiglike wetenskaplikes, voedsel- biowetenskaplikes (broumeester of geurontwikkelingspesialis) in die voedselprosesseringsbedryf en verwante bedrywe. Voedselwetenskaplikes se werksomgewing sluit laboratoriums, voedselproduksieaanlegte, besigheidspersele, opleidingslokale, kleinhandelsorganisasies, staatsinstellings en navorsingsorganisasies in. Voedselwetenskaplikes is ook werksaam in nywerhede en maatskappye wat materiale (verpakking en voedselmiddels, soos kleur- en geurmiddels) vir die voedselbedryf vervaardig of wat sekondêr by voedselproduksie en -verkope betrokke is.

BSc(Agric) (Plantpatologie) [4 jaar]Sluitingsdatum: 30 September

Beroepe: Saadkweker, boer, navorser, dosent en konsultant.

BSc(Agric)(Toegepaste Plant en Grondwetenskappe) [4 jaar]


Beroepe: Onderwys en opleiding by skole en akademiese instellings. Navorsing en bestuur by verskeie openbare en privaatinstellings.

Openbare sektor: Die Landbounavorsingsraad, Departement van Waterwese en Omgewingsake, Departement van Toerisme, Departement van Landbou, Bosbou en Visserye, Departement van Minerale Hulpbronne, Departement van Energie, die WNNR, provinsiale landbou- en natuurbewaringsafdelings, die Suid-Afrikaanse Nasionale Biodiversiteitsinstituut, stadsrade, Suid-Afrikaanse Nasionale Parke, nasionale landbou- en voedselprosesseringsagentskappe, ens.

Privaatsektor: Maatskappye betrokke by saad-, kunsmis- en plantbesker mingsnavorsing en ontwikkeling, omgewingsbestuur en -beplanning, kwekerye, groente-, vrugte-, sierplant- en snyblomprodusente, besproeiing, ens.

Voorligtingsdienste vir kennisoordrag: Natuurbewaring, nasionale en provinsiale landbou- en omgewingsdepartemente, omgewingsbestuur en -rehabilitasie, kwekerye, gewasse, turfgras- en onkruidbestuur, privaat maatskappye vir dienslewering in veldgewas-, groente-, medisinale en aromatiese plant-, vrugte-, sierplant- en snyblomproduksie, ens.

Entrepreneur: Konsultante in gewas, weiding, groente, medisinale en aromatiese plante, sierplant- en snyblomproduksiestelsels en landskapontwerp. Bedryf van eie plase en kwekerye vir uitgebreide (veld) of intensiewe (tonnel/kweekhuis) produksie van verskeie gewasse. Bestuur van maatskappye wat spesialiseer in besproeiing en grondherwinning en -bewaring.

Voorwaardelike toelating met betrekking tot die grade hierbo: Kandidate wat nie aan die minimum toelatingsvereistes voldoen nie en wat ’n TPT van 30 behaal het, minstens 4 (50-59%) vir Wiskunde en Fisiese Wetenskap kan oorweeg word vir toelating tot die BSc(Agric) of BSc Vierjaarprogram op grond van die uitslag van die IVT. Let asseblief daarop dat studente wat in die BSc Vierjaarprogram geplaas word, minstens vyf jaar sal neem om die BSc(Agric)-program te voltooi.Kandidate wat aan geen van bogenoemde vereistes voldoen nie: Die vereistes vir die verlengde BSc Vierjaarprogram: Biologiese- en Landbouwetenskappe is: ’n TPT van 22 met 4 in Afrikaans of Engels, 4 in ’n ander NSS-taal, 4 in Wiskunde (of 3, indien 4 vir Fisiese Wetenskap behaal is), 4 in Fisiese Wetenskap (of 3, indien 4 vir Wiskunde behaal is). Let asseblief daarop dat studente wat in die BSc Vierjaarprogram geplaas word, minstens vyf jaar sal neem om die BSc(Agric)-program te voltooi.




VerbruikerswetenskappeDie minimum vereistes vir die volgende programme (grade) is:


Afrikaans of Engels 'n Addisionele NSS-taal

Wiskunde(Wiskundige Geletterdheid


Drie ander NSS-vakke

TPT

4 (50-59%) 4 (50-59%) 4 (50-59%) 4 (50-59%) 26

BVerbruikerswetenskap: Kleding (Kleinhandelbestuur) [4 jaar]Sluitingsdatum: 30 September

Beroepe: Kleinhandelbestuur: Afdeling- of winkelbestuurder; aankoper in modebedryf, visuelehandelsware-beplanner, modejoernalistiek, tekstieltegnoloog (gehaltebeheer), verbruikers-konsultant, entrepreneur.

BVerbruikerswetenskap: Voedsel (Kleinhandelbestuur) [4 jaar]Sluitingsdatum: 30 September

Beroepe: Bestuurspos in restaurant, spyseniering, voedseldienseenheid, bemarkings- of verkoops-bestuurder, joernalis, entrepreneur.

BVerbruikerswetenskap: Interieurware (Kleinhandelbestuur)[4 jaar]Sluitingsdatum: 30 September

Beroepe: Aankoper of beplanner in kleinhandel, kleinhandelbestuurder, verbruikersadviseur of -fasiliteerder, entrepreneur, interieur- en dekorbeplanner vir huiseienaars of korporatiewe omgewings.

BVerbruikerswetenskap (Gasvryheidsbestuur) [4 jaar]Sluitingsdatum: 30 September

Beroepe: Hotel- en restaurantbestuurder, uitvoerende sjef, uitvoerende hotelhuishouer, bemarking, verkoops- of spysenieringsbestuurder, onderwys en opleiding, joernalis, verbruikerskonsultant, entrepreneur.

Voorwaardelike toelating met betrekking tot die grade hierbo: Kandidate wat nie aan die minimum toelatingsvereistes voldoen nie en wat ’n TPT van 24 of 25 behaal het en 4 (50-59%) vir Wiskunde, kan oorweeg word vir toelating tot die graad BVerbruikerswetenskap op grond van die uitslag van die IVT. Neem kennis: Geen verlengde program in BVerbruikerswetenskap word aangebied nie.


Wiskundige WetenskappeDie minimum vereistes vir die volgende program (graad) is:






TPT

4 (50-59%) 4 (50-59%) 7 (80-100%) 4 (50-59%) 32

BSc(Aktuariële en Finansiële Wiskunde) [3 jaar]Sluitingsdatum: 30 September

Beroepe: Aktuariële en Finansiële Wiskunde is ’n gewilde dissipline, met loopbaanmoontlikhede in die besigheidsmark en by beleggingsinstellings soos banke en versekeringsmaatskappye. Wiskundiges se vaardighede is noodsaaklik in portefeuljebestuur en die modellering van finansiële risiko.

Die program berei die student voor vir ’n professionele loopbaan as ’n aktuaris of ’n finansiële ingenieur. ’n Aktuaris of aktuariële tegnikus se aktiwiteite sluit in langtermynkapitaalprojekte, ontwerp van mediese skemas se voordele, bestuur van pensioenfondse, vasstelling van bydraes en die finansiële bestuur daarvan op ’n stabiele langtermyngrondslag, evaluering van beleggings in aandele, eiendom en ander transaksies en die vasstelling van premies en reserwes vir uitstaande eise van versekeraars.

Finansiële ingenieurs word in diens geneem deur banke en finansiële instellings, makelaarsfirmas en beleggingsinstansies. Hul wiskundige vaardighede is noodsaaklik in portefeulje- en risikobestuur. Aktiwiteite sluit die volgende in: batebestuur (handel in effekte, termynkontrakte en afgeleide instrumente, soos opsies), die ontwerp van nuwe finansiële produkte, en die ontwikkeling van strategieë om kredietrisiko te beheer.

Voorwaardelike toelating: Kandidate wat nie aan die minimum toelatingsvereistes vir die BSc(Aktuariële en Finansiële Wiskunde) voldoen nie en wat ’n TPT van 30 of 31 behaal het en minstens 6 (70-79%) vir Wiskunde kan oorweeg word vir toelating tot die BSc(Aktuariële en Finansiële Wiskunde) of ’n ander graad in Wiskundige Wetenskappe op grond van die uitslag van die IVT.

Kandidate wat aan geen van bogenoemde vereistes voldoen nie: Die vereistes vir die verlengde BSc Vierjaarprogram: Wiskundige Wetenskappe is: ’n TPT van 22, 4 in Afrikaans of Engels, 4 in ’n ander NSS-taal, 4 in Wiskunde. Aansoekers sal oorweeg word op grond van die uitslag van die IVT.




Wiskundige Wetenskappe (vervolg)Die minimum vereistes vir die volgende programme (grade) is:






TPT

4 (50-59%) 4 (50-59%) 6 (70-79%) 4 (50-59%) 30

BSc(Wiskunde)[3 jaar]Sluitingsdatum: 30 September

BSc(Toegepaste Wiskunde)[3 jaar]Sluitingsdatum: 30 September

Beroepe: Gegradueerdes in wiskunde en toegepaste wiskunde word in diens geneem deur navorsingsinstansies, opvoedkundige instellings (universiteite en skole), die openbare sektor (staatsdiens, mediese instellings) en die privaatsektor (ingenieursfirmas, finansiële instellings, die rekenaarbedryf). Gegradueerdes se opleiding in abstrakte, analitiese en berekeningskundige denkwyses gee hulle die agtergrond om maklik aan te pas by veranderende omstandighede in die beroepsomgewing en om wiskundige modelle van natuurlike, tegnologiese en finansiële verskynsels te konstrueer. Wiskundiges en toegepaste wiskundiges pas bestaande probleemoplossingstegnieke toe, evalueer en pas hulle aan of ontwikkel nuwe tegnieke om probleme op te los.

BSc(Wiskundige Statistiek)[3 jaar]


Beroepe: Finansiële instellings: Statistici wat spesialiseer in ekonomiese toepassings van statistiek (ekonometrie) werk met aspekte soos nasionale produksie en besteding, internasionale ekonomiese verhoudings, indiensneming, openbare finansies en verwante kwessies. In die versekeringsbedryf word statistici gebruik in gebiede soos aktuariële werk, bemarking, aandele- en eiendomsbeleggings. Marknavorsingsorganisasies speel ’n belangrike rol in die versameling van inligting wat gebruik word om die kwaliteit van besluitneming in verskeie bedryfsektore te verbeter. Industrie: Statistici word al hoe meer in diens geneem in bedryfsektore soos mynbou, produksie en staatskorporasies, byvoorbeeld Eskom, Sasol, AECI en die farmaseutiese bedryf oor die algemeen. Georganiseerde landbou is ’n ander baie belangrike bedryf wat gesofistikeerde statistiese tegnieke gebruik om te voorsien in die groeiende vraag na voedsel en dienste. Navorsingsrade: Navorsingsrade en onderwysinstellings is bekende groot werkgewers vir wetenskaplikes in verskillende dissiplines en stel statistici aan om wetenskaplik gebaseerde navorsingsuitsette te verseker. Die Mediese Navorsingsraad, WNNR en die Raad vir Geesteswetenskaplike Navorsing word hierby ingesluit. Statistici is ook betrokke by die opleiding van studente aan universiteite, ens. Die uitdagings van moderne onderwys en goeie navorsing is baie toepaslik, veral in Suid-Afrika. Die openbare sektor: Die staat gebruik bekwame statistici in baie van sy departemente, waarvan die vernaamste Statistiek Suid-Afrika is. Dié departement is verantwoordelik vir die vyfjaarlikse bevolkingsensus en die berekening van bekende ekonomiese aanwysers soos die inflasiekoers.

Voorwaardelike toelating: Kandidate wat nie aan die minimum toelatingsvereistes voldoen nie en wat ’n TPT van 30 behaal het, minstens 5 (60-69%) vir Wiskunde kan oorweeg word vir toelating tot die BSc(Wiskundige Wetenskap) of BSc(Wiskundige Statistiek) of BSc Vierjaarprogram op grond van die uitslag van die IVT.

Kandidate wat aan geen van bogenoemde vereistes voldoen nie: Die vereistes vir die verlengde BSc Vierjaarprogram: Wiskundige Wetenskappe is: ’n TPT van 22, 4 in Afrikaans of Engels, 4 in ’n ander NSS-taal, 4 in Wiskunde en die uitslag van die IVT. Sien belangrike inligting hieronder.

Belangrike inligting:

Die verlengde BSc Vier- en Vyfjaarprogramme.

Plasing in die verlengde programme is gebaseer op ŉ fakulteitskeuring wat die verpligte Institusionele Vaardigheidstoets (www.nbt.ac.za) sowel as die vereistes hierbo gelys vir spesifieke grade insluit. Kontak tel: +27 (0)12 420 5497/4578 vir meer inligting in verband hiermee. Hierdie programme verleen toegang tot wetenskap en wetenskapsgebaseerde graadprogramme deur laer toelatingsvereistes te stel as die gewone toelatingsvereistes vir BSc- en BSc(Agric)-graadprogramme. Dit voorsien intensiewe opleiding om studente voor te berei vir verdere studie in die normale BSc- en BSc(Agric)-graadprogramme. Die programme is slegs toeganklik vir Graad 12-kandidate.

Gedurende die eerste jaar word lesings op die Mamelodikampus aangebied. Verblyf is beskikbaar in

die Tuks Naledi-koshuis wat op die Savannah Estate naby die Kampus geleë is. Studente wat die eerste jaar suksesvol voltooi, woon lesings vanaf die tweede studiejaar op die Hatfieldkampus by.

Let asseblief daarop dat die BSc Vierjaarprogram slegs in Engels aangebied word. Die duur van die program is 18 maande (3 semesters). Suksesvolle studente het dan krediete gelykstaande aan die eerste semester van die eerste jaar BSc en BSc(Agric)-program en kan registreer vir die tweede semester modules van die eerste jaar BSc en BSc(Agric).

Taalmedium: Die voertaal in alle programme in die Fakulteit Natuur- en Landbouwetenskappe is óf Afrikaans óf Engels óf beide tale, indien daar ‘n aanvraag is en dit akademies en ekonomies regverdigbaar is.

Webwerf: www.up.ac.za


Meer oor die BSc Vierjaarprogram/Biologiese Wetenskappe

Meer oor die BSc Vierjaarprogram Die nuwe BSc Vierjaarprogram verleen toegang tot wetenskap- en wetenskapgebaseerde graadprogramme deur laer toelatingsvereistes te stel as vir die BSc- en BSc(Agric)-graadprogramme. Dit voorsien intensiewe opleiding om studente voor te berei vir verdere studie in die normale BSc- en BSc(Agric)-graadprogramme. Die program is toeganklik vir alle Graad 12-kandidate.

Die program word slegs in Engels aangebied. Studente wat tot die BSc Vierjaarprogram toegelaat word, sal vir die eerste jaar op die Mamelodikampus klasse bywoon. Verblyf is beskikbaar in die Naledikoshuis wat op die Savannah Estate naby die kampus geleë is.

Die duur van die program is 18 maande (drie semesters). Studente wat die eerste fase suksesvol afgelê het, behaal krediete wat gelykstaande is aan die eerste semester van die eerste jaar van die BSc- en BSc(Agric)-graadprogramme en mag dus vir die tweedesemestermodules van ‘n geselekteerde eerste jaar in ‘n BSc- of BSc(Agric) registreer. Oorplasing na die tweede jaar van die spesifieke BSc- of BSc(Agric)-program vind in die derde jaar van registrasie plaas. Hierdie program sluit die volgende vakgebiede in: Wiskundige Wetenskappe, Biologiese en Landbouwetenskappe en Fisiese Wetenskappe. Studente wat ‘n loopbaan in ingenieurswese wil volg, moet vir die Fisiese Wetenskappe-program aansoek doen. Studente wat ‘n graadkursus in die gesondheidswetenskappe wil doen, moet vir die Biologiese of Landbouwetenskapprogram aansoek doen. Studente mag aan die einde van die eerste semester van een studierigting na ‘n ander oorskakel.

Biologiese Wetenskappe

Departement Biochemie

Die rol van biomolekules in alle lewende stelsels word bestudeer om lewensprosesse en strukturele en funksionele aspekte van makromolekules van die sel te verklaar. Met moderne metodes van genoomontleding, die selektiewe uitdrukking van genoominligting en metaboliese profielbepaling van heel selle, word uitdagings van nasionale en internasionale omvang aangespreek, soos MIV/Vigs, malaria, tuberkulose en dieresiektes. Studente wat hierin belangstel, sal hul kennis onder andere op die gebied van die landbou, veeartsenykunde en geneeskunde kan toepas.

Beskrywing van die studieprogram

Biochemie bestaan uit verskillende spesialiteitsvelde. Gedurende die eerste studiejaar sal studente blootges-tel word aan ‘n groot verskeidenheid vakke in die biolo-giese en landbouwetenskappe. In die tweede en derde jaar spesialiseer hulle in chemie en biochemie, waar hul fundamentele kennis aangevul word deur toepaslike praktiese studies waar hulle navorsingsmetodes en -be-ginsels leer. In die derde jaar word makromolekules, in-sluitend DNA, proteïene en die immuunstelsel, in detail bestudeer in gespesialiseerde vakke soos proteooma-nalise, xeno-biochemie, ensiemologie en immunobiolo-gie. Sinvolle vakkombinasies is chemie, mikrobiologie, genetika en fisiologie. Alle vakke sluit teoretiese en prak-tiese komponente in. Die geleentheid bestaan ook om keusevakke in die studieprogram in te sluit. Nagraadse studie in biochemie sluit honneurs-, meesters- en dok-torsgrade in. Die eenjaarhonneursgraad behels hoofsaa-

Die Universiteit se Foundation Year Programme (UPFY) was die beste ding wat nog ooit met my gebeur het. As dit nie vir hierdie geleentheid was nie, sou ek nie gewees het waar ek vandag is nie.” Hierdie is die woorde van Sandile Shongwe, ’n junior dosent in die Departement Statistiek van die Fakulteit Natuur- en Landbouwetenskappe.

Sandile het sy matriek in 2003 in KwaZulu-Natal met goeie uitslae verwerf maar het weens finansiële beperkinge geen vooruitsig gehad om sy akademiese drome te verwesenlik nie. Hy het ’n radio-advertensie gehoor waarin voornemende studente uitgenooi word om die toelatingstoets vir die UPFY by UP te skryf.

Sandile verduidelik: “Ek het met R20 in my sak, wat ek by ’n familielid geleen het, my reis na Pretoria onderneem om die toets te skryf. Die Universiteit het my binne ’n paar dae laat weet dat ek al die vereiste toetse geslaag het en ’n beurs van R27 500 sowel as verblyf in Maroela-manskoshuis aangebied.”

Hy het sy eerste jaar van studie in Aktuariële en Finansiële Wiskunde met vlieënde vaandels geslaag en aanvaar dat die res van sy studies dieselfde verloop sou neem. Hy het egter nie al sy vakke geslaag nie

en sy plek in die koshuis verloor weens swak akademiese prestasie.

Sandile het verblyf in Mamelodi gekry maar skaars genoeg geld gehad om losies te betaal, om nie te praat van geld vir kos nie. Tydens die tweede semester van 2008 was hy gelukkig om weer plek in die koshuis te kry en het hy skouer aan die wiel gesit met sy studies. Sandile het sy finale jaar met drie onderskeidings geslaag.

Hy het sy honneursgraad cum laude geslaag met ’n gemiddeld van 80,5% en sewe onderskeidings uit agt vakke.

“Ek sal beslis die UPFY (nou bekend as die BSc-Vierjaarprogram) aanbeveel vir enige student wat ’n BSc-graad wil aanpak – die program berei jou nie alleen voor vir studie in wiskunde- en wetenskapvakke nie maar help studente ook met hul taal-, skryf- en tydbestuursvaardighede. Ek is baie trots daarop om ’n Tukkie te wees – UP was nog altyd baie goed vir my.

Sandile Shongwe – ’n UPFY suksesverhaal



klik ‘n sterk selfstudiekomponent en bied blootstelling aan ‘n reeks toepaslike tegnologieë en ‘n navorsingspro-jek. Op meesters- en doktorale vlak word daar van die studente verwag om navorsingsprojekte in een van die navorsingsgebiede van die departement te voltooi wat HIV/Vigs, malaria, tuberkulose, bosluisverwante siektes en plantmedisyne insluit.

Bioinformatika

Bioinformatika is die toepassing van rekenaarweten-skap-, wiskundige, statistiese en informatikategnieke op biologiese data. Die biologiese data kan wees in die vorm van proteïen- of nukleϊensuurvolgordes, heel ge-nome, makromolekulêre strukture, uitdrukkingsvlakke, transkripsievlakke of modelle van metaboliese padweë. Bioinformatika vind plaas op verskeie vlakke, vanaf sui-wer toepassings op biologiese probleme tot sagteware- en algoritmeontwerp. Bioinformatika kan toegepas word op die gebied van landbou, veeartsenykunde, gesond-heid, omgewingswetenskappe en inligtingstegnologie-verwante dissiplines. Die Bioinformatika Eenheid aan die Universiteit van Pretoria vorm deel van ‘n nasionale Bioinformatika netwerk by die South African National Biodiversity Initiative (SANBI) en verteenwoordig die Gauteng Hub.


Bioinformatika is gebaseer op biologiese, wiskundige en rekenaarwetenskappe. Die voorgraadse program word as die graad BSc(IT) Bioinformatika aangebied, maar kan

ook deur enige BSc in die biologiese wetenskappe bena-der word met Bioinformatika as ‘n keusevak in die finale jaar. Nagraadse studies sluit die honneurs, meesters- en doktorale grade in. Studente met grade in biolo-giese wetenskappe, rekenaarwetenskap, wiskundige of statistiese wetenskappe en ander verwante dissiplines kan toegelaat word tot die eenjaar honneursgraad. Addi-sionele biologiese, rekenaarwetenskaplike of wiskundige vakke mag voorgeskryf word. Op meesters- en doktorale vlak moet studente ‘n navorsingsprojek voltooi.

Departement Mensfisiologie

Mensfisiologie is ‘n hoofvak vir twee grade in die Bi-ologiese Wetenskappe: die BSc(Mensfisiologie) en die BSc(Mensfisiologie, Genetika en Sielkunde). Ander spe-siale kursusse in mensfisiologie word ook aangebied vir grade in geneeskunde, tandheelkunde, verpleegkunde, dieetkunde, kommunikasiepatologie, arbeidsterapie, fisioterapie, radiografie, voedselwetenskap en sekere rigtings van verbruikerswetenskappe. In mensfisiologie word die funksionering van die menslike liggaam bestu-deer. Hierdie studierigting is ideaal vir studente wat in-tens belangstel in die menslike liggaam, wat meer kom-pleks is as enige masjien of rekenaar. Om dit werklik te verstaan, moet ‘n mens kennis hê van hoe al die miljoene deeltjies waaruit die liggaam opgebou is, funksioneer af-sonderlik en gesamentlik. Begrip en kennis van die aard van die individuele liggaamsdele word op kennis van die onderliggende molekules, selle, weefsels en organe en hul interaksie in die mens gegrond.

Puleng “vind” haar wetenskap

Sy het gevorder van ‘n leerder wat met wetenskap gesukkel het tot ‘n wetenskap-kommunikeerder en die enigste Suid-Afrikaner wat gekies is om aan die “Profession Culture Programme” deel te neem: ‘n twee-maande internskap by die Cité des sciences et de l’industrie, Universcience in Parys, Frankryk. Hierdie is die suksesverhaal van Puleng Tsie (31), ’n meestersgraadstudent in Omgewingsbestuur van die Fakulteit Natuur- en Landbouwetenskappe by die Universiteit van Pretoria (UP).

Puleng verduidelik: “Wetenskap was nog altyd vir my interessant maar ek was nooit goed daarmee nie. Die wetenskapkeuses op skoolvlak was ook baie beperk. Ek het na matriek by die destydse Vista Universiteit (wat kort daarna by UP ingelyf is) ingeskryf vir ‘n algemene BSc. Nadat ek verskuif het na die Hatfieldkampus, het ek my rigting na BSc Biologiese Wetenskappe verander en my wetenskap gevind. Ek het besef dat, alhoewel wetenskap ‘n moeilike veld was, die belangrikste vir my sou wees om te bepaal van watter aspek van wetenskap ek hou en verstaan. Ek glo dat dit een van die grootste redes is waarom so baie leerders nie wetenskap as vak wil neem nie. Ek ag dit my plig as wetenskap-kommunikeerder om die idee dat wetenskap moeilik is, by leerders te verdryf. Wetenskap is harde werk, maar dis nie moeilik wanneer jy jou wetenskap

(passie) gevind het nie.”

Sy het geweier om haar deur wetenskap te laat intimideer en verwar. Afgesien daarvan dat sy onvermoeid aan haar meestersgraad werk, is sy wetenskap-kommunikeerder by Sci-Enza en beplan sy om ‘n PhD in Omgewingswetenskap of Omgewingskommunikasie te doen.

Puleng se raad vir leerders wat in wetenskap belangstel, is: ‘’Probeer sover as moontlik uitvind wat dit is wat jy vir die res van jou lewe wil doen – bestudeer iets waarin jy werklik belangstel. Praat met mense wat in soortgelyke beroepe staan. Wees ook voorbereid daarop om van plan te verander in die proses – ontgin alle moontlikhede totdat jy jou wetenskap vind.



te bied oor die ontstaan en verspreiding van ontluikende virusse (soos H1N1), asook om die verwantskap tussen individue, beide binne en tussen spesies, te verstaan.

Kennis van genetika is verder van integrale belang op die gebied van bevolkingsbiologie, insluitend molekulêre ekologie en evolusie, gedragsekologie, biodiversiteit en bewaring, asook bioremediasie en volhoubare landbou, siende dat dit verband hou met globale verwarming en ander nagevolge van ons groeiende menslike bevolking. Gegewe die krag van genetika, is dit nie verbasend dat die toepassings daarvan gereeld kontroversieel is nie. Dit is dus nodig om hierdie vakgebied te verstaan, sodat daar met insig gedebatteer kan word oor die etiek van geneties-gemodifiseerde organismes, geenterapie, stamselnavorsing, in vitro-bevrugting, genetiese toetsing en vele ander verwante aspekte.

Die Departement Genetika is ‘n aktiewe rolspeler in die internasionale wetenskaplike arena en bied internasionaal erkende voor- en nagraadse grade aan. Die grade is navorsingsgeoriënteerd en fokus sterk op die ontwikkeling van analitiese vaardighede. Die Departement beklemtoon ook deurgaans die waarde van ‘oordraagbare vaardighede’ in die studieprogramme, siende dat sulke vaardighede telkens deurslaggewend is in die werksoekproses. Studente leer ook vaardighede aan in syferkunde, analitiese en kritiese denke, asook in kreatiewe probleemoplossing en datahantering, wat hulle toerus om ook in nie-wetenskaplike beroepe soos verkope en bemarking, patentewerk en joernalistiek suksesvol te wees. Daar word ook gevind dat werkgewers op nywerheidsgebied, regte, rekenaarprogrammering en die media, beroepe wat tradisioneel nie opleiding in die biologie vereis het nie, toenemend besef dat hulle ten minste ‘n werkende kennis benodig van die basiese beginsels van die molekulêre biowetenskappe.

Biotegnologie

Molekulêre biotegnologie behels die gebruik van in vitro genetiese manipulasie en rekombinante DNA-metodes om plante, diere en mikro-organismes geneties te modifiseer. Dit het moontlik geword danksy die groot vordering in ons kennis van die samestelling, struktuur en funksionering van die genetiese materiaal wat voorkom in die selle van alle lewende organismes. Biotegnoloë stel hulle dit ten doel om spesifieke eienskappe in hul teikenorganismes te herstel, te modifiseer, te versterk, of te ontgin vir ‘n breë spektrum van praktiese toepassings, insluitend verbeterde voedselproduksie, siektebehandeling, bewaring en bioremediëring. Die ontwikkeling van nuwe tegnologieë verryk deurlopend die bestaande navorsingstrategieë en bied nuwe geleenthede vir navorsing in genetika en biochemie, asook in die toegepaste biowetenskappe soos plantkunde, mikrobiologie, plantpatologie, die veeartsenykundige wetenskappe en wildkunde. Dit is duidelik dat biotegnologie ‘n deurslaggewende rol gaan speel in die toekoms van die mediese, landbou-, veeartsenykundige en ekologiese wetenskappe. Dit is ons verantwoordelikheid om te verseker dat hierdie vooruitgang op ‘n verantwoordelike en beheersde wyse plaasvind, sodat dit nie ‘n negatiewe uitwerking op die omgewing en op ons eie gesondheid het nie.

Omdat biotegnologie funksioneer in die raakvlak van die wetenskappe en die besigheidswêreld, sal ‘n agtergrond in biotegnologie gegradueerdes in staat stel om mee


Gedurende die eerste studiejaar van die BSc(Mensfisiologie) word studente aan ‘n generiese verskeidenheid basiese vakke in die biologiese en landbouwetenskappe blootgestel. In die tweede jaar is die kursus in mensfisiologie so ingedeel dat al die liggaamstelsels eers sistematies bestudeer word (neurofisiologie, hematologie, kardiovaskulêre fisiologie, nierfisiologie, voeding en spysvertering, endokrinologie en voortplanting), met Biochemie as verpligte vak. Daarna volg ‘n geïntegreerde en toegepaste kursus in die derde jaar waarin fisiologiese aanpassings in sport, die bedryf, voeding en ontwikkeling, asook psigo-neuro-immunologie en selfisiologie, bespreek word. Die geleentheid bestaan om ’n paar keusevakke in die studieprogram in te sluit. Benewens bogenoemde, is genetika en sielkunde verpligte vakke in al drie studiejare van die BSc(Mensfisiologie, Genetika en Sielkunde).

Nagraadse kursusse

Nagraadse kursusse in BSc(Hons), MSc en PhD in Mensfisiologie kan gevolg word na die verwerwing van die BSc(Mensfisiologie) en BSc(Mensfisiologie, Genetika en Sielkunde). Na laasgenoemde graad kan nagraadse kursusse in genetika en sielkunde ook gevolg word. Om te kwalifiseer vir die honneurskursus in fisiologie, moet ‘n gemiddelde punt van ten minste 60% vir die voorgraadse mensfisiologiemodules behaal word. ‘n Toelatingseksamen in algemene fisiologie moet afgelê word voor keuring vir die honneurskursus. Die eenjaar honneurskursus behels ‘n sterk selfstudiekomponent, blootstelling aan ‘n reeks toepaslike navorsingstegnieke en ‘n navorsingsprojek in een van sportfisiologie, sellulêre fisiologie en neurologie. Op meesters- en doktorale vlak word daar van studente verwag om navorsingsprojekte in een van die navorsingsgebiede van die Departement te voltooi.

Departement Genetika

Genetika en Mensgenetika

Genetika is ‘n lewendige, toonaangewende dissipline wat grondliggend is tot die biologiese, landbou-, veeartsenykundige en mediese wetenskappe, in kommersiële sowel as akademiese aspekte. Tussen 2001 en 2008 is daar sewe Nobelpryse toegeken vir navorsing in die breë veld van genetika. ‘n Toenemende verskeidenheid nuwe beskikbare tegnologieë verryk deurgaans die bestaande navorsingsstrategieë en bied opwindende nuwe moontlikhede vir navorsing, nie net in genetika nie, maar ook op verwante biowetenskaplike gebiede.

Gedurende die afgelope paar jaar is die genome van verskeie diere, plante en skadelike patogene, asook dié van die mens, gedekodeer. Hierdie vooruitgang het aanleiding gegee tot die ontwikkeling van nuwe insiggewende genoomwye metodes om die funksies van gene en genetiese diversiteit te bestudeer op die vlakke van selle, organismes, bevolkings en spesies. Tegnieke soos hoë-omset genetiese sifting en DNA-vingerafdrukke is reeds onmisbaar in die ontwikkeling van farmaseutiese middels en in die forensiese wetenskappe. Berekeningsmodellering is ook uiters waardevol om gene te vind wat die felheid van siektes beïnvloed, insig



te ding om werksgeleenthede in die biowetenskaplike en verwante bedrywe. Daar is opwindende loopbaangeleenthede vir innoverende wetenskaplikes en entrepreneurs in hierdie dinamiese vakgebied. Biotegnologielaboratoriums kan deel uitmaak van industriële, navorsings- of akademiese fasiliteite. Daar is ook toenemend geleenthede by privaat biotegnologiese laboratoriums wat in kontrakwerk spesialiseer. Die waarde van oordraagbare vaardighede word ook deurgaans in hierdie studieprogram beklemtoon.


Die voorgraadse studieprogramme in Genetika en Mensgenetika verskaf ‘n omvattende oorsig oor die aard, oordrag, uitdrukking en manipulasie van genetiese inligting in lewende organismes. Studente word blootgestel aan die verskeie toepassings van genetiese beginsels in sulke uiteenlopende vakgebiede soos genomika, genetiese ingenieurswese, molekulêre planteteling, biotegnologie, diagnose en risikobepalings van genetiese siektes, bio-etiek en bewaringsekologie, asook bevolkings-, gedrags- en evolusionêre studies, wat almal onderwerpe vir navorsing is.

Die biotegnologie studieprogram het dit ten doel om aan studente ‘n deeglike agtergrond oor alle aspekte van die biowetenskappe, en terselfdertyd insig in die vakgebied van molekulêre biotegnologie, te gee. Voorgraadse opleiding in hierdie program sluit blootstelling aan die basiese beginsels van Genetika, Biochemie, Plantkunde en Mikrobiologie in gedurende die eerste twee studiejare. Die derde jaar fokus op uitgesoekte Genetika-, Biochemie- en Mikrobiologiemodules. Studente kan op derdejaarsvlak verskeie keusevakke in hul belangstellingsvelde neem. Alle vakke bestaan uit teoretiese en praktiese komponente.

Gegradueerdes mag ook voortgaan met verdere studie, naamlik honneurs-, meesters- en doktorsgrade. Die Departement Genetika bied nagraadse kwalifikasies in Genetika en Biotegnologie aan. Die eenjaar honneursgraad bestaan uit ‘n groot selfstudiekomponent, blootstelling aan ‘n wye verskeidenheid toepaslike tegnologieë, en ‘n navorsingsprojek van beperkte omvang. Die honneursgraad in biotegnologie sluit ook ‘n inleiding tot die beginsels van entrepreneurskap in. Op meesters- en doktorale vlakke word daar van studente verwag om ‘n goedgekeurde navorsingsprojek in een van die Departement se erkende navorsingsgebiede te voltooi.

Departement Anatomie: BSc(Mediese Wetenskappe)

Die Departement Anatomie is deel van die Skool vir Geneeskunde van die Fakulteit Gesondheidswetenskappe en bied ‘n BSc-graad in Mediese Wetenskappe binne die Fakulteit Natuur- en Landbouwetenskappe aan. Die doel van hierdie graad is om studente op te lei in die basiese mediese wetenskappe en dit sluit kliniese anatomie, fisiese en forensiese antropologie, histologie, selbiologie en embriologie in. Studente kan hierdie vakke kombineer met keusemodules uit Fisiologie, Farmakologie en Genetika. Hierdie driejaargraad gee aan gegradueerdes ‘n breë kennisbasis. Nagraadse studies, naamlik honneurs-, MSc- en PhD-grade in bogenoemde onderafdelings van Anatomie word sterk

aanbeveel. Personeellede het stewige bande met die privaat sektor, lewer hoë navorsingspublikasie uitsette en het ’n toewyding tot opleiding. Dit het tot gevolg dat gegradueerdes baie gesog is by instansies in die akademiese, regering- en privaatsektore. Hulle beklee poste as dosente, mediese en forensiese wetenskaplikes, en verteenwoordigers in die medieswetenskaplike en farmakologiese nywerhede. Verskeie gegradueerdes studeer verder by internasionale instansies in Noord-Amerika en Europa.

Die doel met hierdie program is om studente vir loopbane in mediese en verwante navorsing en vir die akademie voor te berei. Anatomie is die hoofvak, terwyl daar in die tweede en derde jaar keuses gemaak kan word uit Fisiologie, Genetika en Farmakologie. Anatomie is ook verpligtend vir geneeskunde en alle verwante studierigtings. Die onderafdelings van anatomie is kliniese anatomie, selbiologie, fisiese antropologie en histologie. Hierdie studievelde dek die algemene makroskopiese struktuur of bou van die liggaam, die mikroskopiese struktuur van selle en weefsels, ontwikkeling op sellulêre en embriologiese vlak en die evolusie van die mens. Die teoretiese kennis word prakties toegepas deur skeletale oorblyfsels van die skelet te ontleed (forensiese antropologie), weefsels voor te berei vir mikroskopie (histologiese tegnieke) en vergelykings te tref tussen mens- en dieranatomie (vergelykende anatomie).


Hierdie rigting kan slegs ‘n bepaalde aantal studente akkommodeer en voornemende studente moet dus betyds aansoek doen. Die studieprogram is in die eerste ses maande dieselfde as dié van ander BSc-rigtings. In die tweede ses maande van die eerste jaar word enkele Anatomiemodules bygewerk. In die tweede studiejaar word volledige ontledings van kadawers gedoen, en word kursusse in histologie, sel- en ontwikkelingsbiologie en paleoantropologie (die evolusie van die mens) aangebied. Fisiologie of Genetika- en Biochemiemodules moet ook geneem word. Met Anatomie as hoofvak in die derde jaar kan Fisiologie-, Genetika- en Farmakalogiemodules geneem word. In die derde studiejaar word die Anatomievakke meer toegepas, en studente neem vergelykende anatomie. Metodes vir die analises van skeletmateriaal vir forensiese doeleindes, asook histologiese en selbiologietegnieke word bestudeer.

Departement Mikrobiologie en Plantpatologie

Die mikrobiologie- en plantpatologiedissiplines bied ‘n fantastiese verskeidenheid van temas. Die kleinste mikrobes is virusse, gevolg deur bakterieë en fungi. Hierdie mikro-organismes is ‘n onontbeerlike komponent van ons leefwêreld en studente word opgelei om hulle funksie en rol te bestudeer, asook hoe die mikrobes in ons daaglikse lewe benut of bestry kan word.

Mikrobiologie

Studente in mikrobiologie sal mikro-organismes, hoofsaaklik bakterieë, virusse en fungi (swamme en giste) bestudeer. Dit stel hulle in staat om die basiese prosesse van lewe te verstaan. Daar word ook gefokus op verskeie toegepaste aspekte soos die gebruik van nuttige mikro-organismes vir voedselproduksie,



watersuiwering en industriële toepassings. Ander mikro-organismes is weer van groot belang in gesondheid en landbou, weens siektes wat deur hulle veroorsaak word. In hierdie opsig bestudeer mikrobioloë die patogene wat verantwoordelik is vir die ernstige infektiewe siektes van mense, diere en plante, om hulle te kan beheer en bestry. Mikrobioloë by die Universiteit van Pretoria werk dikwels op die molekulêre en sellulêre vlak met ‘n fokus op onderwerpe soos die ontwerp van nuwe entstowwe en antimikrobiese strategieë, asook die ontwikkeling van nuwe metodes om mikrobes vinniger op te spoor en te identifiseer. Daar is ook ‘n fokus om nuwe organismes te ontdek en te beskryf en om die evolusie, diversiteit en patogenie van mikro-organismes beter te verstaan.

Mikrobioloë is toegerus om ‘n verskeidenheid beroepe te volg, wat onder andere van praktiese toepassings tot basiese navorsing behels. Werksgeleenthede is beskikbaar in die voedsel-, fermentasie- en waternywerhede as mediese of veeartsenykundige mikrobioloë, in die landbou, as navorsers by organisasies soos die WNNR, die Mediese Navorsingsraad of Landbounavorsingsraad, of as dosente en navorsers by verskeie akademiese instansies.


Mikrobiologie het verskillende spesialiseringsgebiede. Gedurende die eerste twee studiejare van die BSc-driejaarprogram sal studente aan ‘n groot verskeidenheid vakke in die biologiese wetenskappe blootgestel word. In die derde jaar fokus studente op meer gespesialiseerde onderwerpe in hul eie vakgebied, soos mikologie, virologie, bakteriologie, mikrobe-ekologie, kliniese mikrobiologie, plantpatologie, molekulêre mikrobiologie, mikrobeplantinteraksies of die voedsel- en industriële mikrobiologie. Alle vakke sluit teoretiese en praktiese komponente in. Keusevakke uit ander vakrigtings kan by die studieprogram ingesluit word.

Nagraadse studies behels honneurs-, meesters- en doktorsgrade. Die eenjaar honneursgraad behels ‘n sterk selfstudiekomponent, blootstelling aan ‘n reeks toepaslike tegnologieë en ‘n beperkte navorsingsprojek. Op meesters- en doktorale vlak word daar van die studente verwag om navorsingsprojekte in een van die Departement se navorsingsgebiede te voltooi.

Plantpatologie

In Plantpatologie word studente as spesialiste in plantgesondheid opgelei. Om plante gesond te hou, bestudeer plantpatoloë die organismes wat plantsiektes veroorsaak, hoe plante geaffekteer word deur siektes en hoe die siektes bestry kan word. Kennis hiervan is baie belangrik om kommersiële kwekers, boere en kleinskaalse kwekers te help om plantsiektes op verskeie maniere, soos deur geïntegreerde pes- en siektebeheer, te bestry. Studente word ook in na-oespatologie en voedselveiligheid opgelei, wat tot veiliger voedselprodukte van plantaardige oorsprong lei.


Die voorgraadse Plantpatologiegraad is ‘n BSc(Agric)- graad. Tydens die eerste twee studiejare word studente aan ‘n groot verskeidenheid vakke in die biologiese en landbouwetenskappe blootgestel. Vanaf die derde studiejaar kry studente gespesialiseerde

opleiding in plantpatologie, mikrobe-ekologie, parasitologie, plantgenetika, grondkunde, plantvoeding, onkruidwetenskap, epidemiologie en bestrydingkunde. Nagraadse studie sluit meesters- en doktorsgrade in. Op meesters- en doktorale vlakke word daar van studente verwag om navorsingsprojekte in een van die navorsingsgebiede van Plantpatologie te voltooi.

Departement Dierkunde en Entomologie

Die Departement Dierkunde en Entomologie verskaf uitnemendheid in onderrrig en volgehoue produktiwiteit in navorsing. Die Departement dra by tot die opvoedkundige, kulturele, maatskaplike, ekonomiese en volhoubare ontwikkeling van Suider-Afrikaanse gemeenskappe in die biologiese sfeer, en streef daarna om plaaslik relevant en internasionaal mededingend te bly. Die Departement se personeellede is ‘n span uiters vaardige, internasionaal-erkende wetenskaplikes, wat in hul navorsing en onderrigdoelwitte daarna streef om ‘n omvangryke begrip te ontwikkel van die patrone, onderliggende prosesse en die bedreigings vir biodiversiteit in gebiede wat deur die mens beïnvloed word.

Hoewel die Departement se belangstelling in fauna hoofsaaklik gemik is op insekte (daar is meer van hulle as van enigiets anders) en soogdiere (Afrika is die tuiste van geweldig baie fauna), word daar ook met ‘n groot verskeidenheid ander diere gewerk.

Navorsingsgroepe in die Departement is die Soogdier-navorsingsinstituut (SNI), Bewaringsekologienavor-singseenheid (BENE), Sentrum vir Omgewingstudies (SVOS), en die informele Navorsingsgroep vir Sosiale Insekte (SIRG) en Miskruiernavorsingsgroep (SCARAB). Huidige navorsingsprojekte waarby nagraadse studente betrokke is, dek die dissiplines van eusosialiteit, gedrag, epidemiologie, chemiese ekologie, ekofisiologie, bevol-kingsgenetika, bewaring en demografiese modellering.

Projekte word in verskeie Afrikalande suid van die Sahara en in die Suidelike Oseaan uitgevoer en behels studies van walvisse, vinvoetiges en haaie langs die Suid-Afrikaanse kuslyn, die subantarktiese Prins Edwardeilande en die bevrore woestyne van Antarktika, die Namib- en Kalahariwoestyne, Namakwaland, Drakensberg, die Karoo en die Nasionale Krugerwildtuin. Die Departement fokus op, onder andere, die imposante Afrika-olifant, renoster en leeu, en ook op kleiner soogdiere soos bakoorvosse, meerkatte en molrotte.

Die mens se uitwerking op sy omgewing het studies aangemoedig oor die invloed en beheer van uitheemse plantindringers, die inbring van eksotiese visse, woudfragmentasie en voëlgemeenskappe, miskruiers as biologiese aanwysers van landbou-ekosisteme en insekbewaring, insluitend grootkaakkewers wat duisende dollars op versamelaarsmarkte haal. ‘n Gesonde lewenswyse en probleemvrye voedselproduksie word aangespreek deur projekte betreffende die potensiaal van gewasse as randakkers om die voorkoms van die plantluisoordraagbare virus in saadaartappels te verminder, en die rol van beestuberkulose en ander soönotiese siektes op menslike gesondheid tydens interaksie met vee en wild, uit te pluis.




Dierkunde en entomologie het verskillende spesia-liseringsgebiede. Gedurende die eerste twee studiejare sal studente aan ‘n groot verskeidenheid vakke in die biologiese en landbouwetenskappe blootgestel word. In die derde jaar fokus studente meer op vakke wat met dierkunde en entomologie te doen het, byvoorbeeld kursusse in ekologie, bewaringsbiologie, evolusie, gedragsekologie, fisiologie, soogdierkunde, insekdiversiteit en insekplaagbestuur. Dierkunde word in drie hoofrigtings aangebied, naamlik dierkunde, entomologie en ekologie. Gegradueerdes kan nagraadse studie onderneem en honneurs-, meesters- en doktorsgrade behaal. Die eenjaar honneursgraad behels hoofsaaklik ‘n sterk selfstudiekomponent en ‘n navorsingsprojek. Op meesters- en doktorale vlak word daar van studente verwag om navorsingsprojekte in een van die navorsingsgebiede van die Departement Dierkunde en Entomologie te voltooi.

Departement Plantkunde

Plante is merkwaardige organismes en ons weet heeltemal te min van hulle en hul nut vir mens en dier. Ons weet egter reeds dat plante die wêreld se beste fabrieke vir die sintese van waardevolle natuurlike produkte is.

In Medisinale Plantwetenskap sal studente ‘n oorsig kry oor die ontdekking en gebruik van plantmedisyne en belangrike fitogeneeskundige molekules wat deur plante geproduseer word. In Plantbiotegnologie word die gebruik van modelplante en molekulêre metodes bespreek vir die ondersoek van totale plantfisiologie. Geen- en promoteridentifisering en oordragtegnieke vir plantverbetering word bestudeer. In plantdiversiteit en ekologie word die ryk en diverse plantegroei van bestuurstrategieë vir die nageslag bestudeer.

Die Departement Plantkunde aan die Universiteit van Pretoria is een van die oudste Plantkunde departemente in die land, maar is steeds dinamies en innoverend en spog met wêreldbekende navorsers (70% van die akademiese personeel het NRF-graderings). In ‘n onlangse opname wat deur die ISI Web of Knowledge gedoen is, beklee die Plant- en Dierwetenskappe van die Universiteit van Pretoria die eerste plek in Suid-Afrika, gebaseer op die hoeveelheid publikasies en die aantal aanhalings in ISI-geakkrediteerde vaktydskrifte.


In die eerste twee studiejare word studente aan ‘n groot verskeidenheid vakke in die biologiese wetenskappe blootgestel. Spesialisering vind eers in die derde jaar plaas. Die Departement spesialiseer in plantdiversiteit en ekologie, plantbiotegnologie en medisinale plantwetenskap. Gedurende die derde jaar kry studente die geleentheid om plante tydens verskeie praktiese sessies en veldekskursies te bestudeer. Nagraadse studie in hierdie studieprogram sluit honneurs-, meesters- en doktorsgrade in. Die eenjaar voltydse en tweejaar deeltydse internetgebaseerde honneursgraad behels hoofsaaklik ‘n intensiewe navorsingsprojek en ‘n aantal teoretiese modules. Op meesters- en doktorale vlak word daar van studente verwag om navorsingsprojekte in een van die navorsingsgebiede van die Departement te voltooi. Die Departement ken jaarliks die Schweickert-medalje toe aan die beste honneursstudent in Plantkunde, die Margaretha Mes-medalje aan die beste honneursstudent in Plantbiotegnologie/Fisiologie en die Margaretha Mes-gedenkprys aan die beste derdejaardamestudent in Plantkunde.

Die veld van entomologie het my oë oopgemaak vir ’n wêreld van intrige. Om in die Departement Dierkunde en Entomologie te studeer het my geleer dat wetenskap ’n kuns is, akkuraatheid vereis en integriteit noodsaak. Ek het my studies baie geniet, van die opwinding van veldwerk in die Kruger Nasionale Park of Denemarke tot die genot van ’n suksesvolle aand van dataontginning. Ek het my MSc-graad in Entomologie met lof geslaag en die Junior Kaptein Scott Gedenkmedalje van die Suid-Afrikaanse Akademie vir Wetenskap en Kuns vir die beste MSc-verhandeling in Dierkunde by ’n Suid-Afrikaanse universiteit ontvang,” sê Michael.

Michael het as MSC-student by UP se Wetenskapsentrum, SciEnza, begin en het in Wetenskapkommunikasie gespesialiseer. Hy is tans die Wetenskapsentrumbestuurder van die Sci Bono Science Discovery Sentrum in Johannesburg.

Michael Ellis: Dierkunde


Fisiese Wetenskappe

Fisiese Wetenskappe

Departement Chemie

Chemie is betrokke by alles rondom ons en as chemici herken ons die leidende rol wat ons wetenskap speel in die ondersteuning van ons moderne lewenstyl. Die klere wat ons dra word van sintetiese materiaal gemaak, wat vervaardig word deur chemiese prosesse. Die medikasie wat gebruik word om verskeie siektes te genees, is die resultaat van intensiewe chemiese navorsing. Die papier waarop ons skryf, is die resultaat van ‘n chemiese proses en die ink waarmee ons skryf, is ‘n samestelling van verskeie chemikalieë. Chemie verseker die kwaliteit van alles wat ons in ons daaglikse lewe gebruik: die kos wat ons eet, die lug wat ons inasem en selfs die water wat ons drink. Ons liggame is komplekse samestellings van chemikalieë. Chemiese beginsels is grondliggend aan ons begrip van die prosesse wat in alle lewende organismes plaasvind, asook die ontwikkeling van nuwe medikasie en materiale. Dit is die wisselwerking en samewerking van chemie met die ander wetenskappe en ingenieurswese wat die toenemende eise, uitdagings en geleenthede van die moderne samelewing kan hanteer.

Chemie is al beskryf as die sentrale wetenskap en dit het ‘n allesomvattende impak op ons lewens en samelewing. Sedert 1901 is die Nobelprys vir Chemie aan 153 individue toegeken vir werk wat alle aspekte van die chemiese wetenskappe dek. Die konsep van volhoubare groei, insluitende die vermindering van koolstofemissies, hernubare brandstowwe, standhoudende voedsel- en varswatervoorrade, herwinning van materiale, omgewingsverantwoordelike vervaardiging en afval-verwydering, is gesetel in chemiese kundigheid. Chemie staan ook aan die voorpunt van navorsing in biotegnologie, nanotegnologie en nuwe materiale wat benodig word vir vinniger rekenaars en verbeterde fotovoltaïese sonselle.


Hierdie program is gerig op die fundamentele aspekte van die dissipline met die doel om studente van ‘n deeglike onderbou in die chemiese wetenskappe te voorsien. Voorgraads kan Chemie gekombineer word met ander belangstellingsvelde soos fisika, geologie, wiskunde en rekenaarwetenskap, of vakke uit die biologiese wetenskappe, soos biochemie, mikrobiologie en plantkunde. In die eerste studiejaar word ‘n inleiding tot chemie verskaf, wat in die tweede en derde studiejaar gevolg word deur ‘n deeglike studie van analitiese, anorganiese, fisiese en organiese chemie. Alle vakke bestaan uit teoretiese en praktiese komponente.

Eerstejaarkursusse in Wiskunde en Fisika is verpligtend vir die BSc-graad in Chemie. Meer gevorderde kursusse in wiskunde en programmering word aanbeveel indien studente nagraadse studies in rekenaarmodellering, materiale of prosesse wil onderneem.

Nagraadse studie in hierdie program bestaan uit honneurs-, meesters- en doktorsgrade en die fokus is op navorsing. Die eenjaar honneursgraad bestaan uit gevorderde kursusse in analitiese, anorganiese, fisiese en organiese chemie en sluit twee praktikaprojekte by die departementele navorsingspanne van die student se keuse in. MSc- en PhD-studies bestaan uit

navorsingsprojekte in die spesialisgebiede van organiese en organometaalsintese, elektrochemie, nanotegnologie, rekenaarmodellering van verbindings en materiale, chemie-onderrig asook skeidingswetenskap, met die klem op industriële, omgewings-, voedsel-, forensiese en kliniese toepassings. Ervare navorsingsleiers en uitstekende navorsingfasiliteite is beskikbaar om die internasionale navorsingsprofiel van die Departement Chemie verder uit te bou en die studente bloot te stel aan die voorste navorsing in hulle vakgebiede.

Departement Geologie

Studie in Geologie en Natuurlike Rampe

Geologie is die wetenskaplike studie van die dinamiese sisteem van die planeet Aarde en sluit die atmosfeer, hidrosfeer, litosfeer en biosfeer in. Die studie van Geologie integreer die beginsels van wiskunde en fisika sowel as chemie en biologie by die bestudering van die geskiedenis en prosesse van die Aarde. Die groeiende menslike bevolking plaas gedurig druk op natuurlike hulpbronne soos water, energie, minerale en boumateriale wat benodig word om in die basiese behoeftes van die mensdom te voorsien.

Die Departement Geologie by die Universiteit van Pretoria stel homself ten doel om die mees gerespekteerde departement van sy aard op die Afrika-kontinent te word. Hierdie doelwit word nie ligtelik opgeneem nie en gaan moeilik wees om te bereik – tog is die Departement ernstig in sy strewe daarna om sy visie te bereik. Sy gegradueerdes behoort – op alle vlakke – hoogs gesog te wees in die privaatsektor, myn- en eksplorasiemaatskappye, junior firmas en kleiner vennootskappe, sowel as staatsektore: nie alleenlik in Afrika nie, maar oral in die wêreld. Geologie en sy sub-dissiplines is wêreldprofessies by uitstek en die meeste lede van hierdie professie sal verskeie kere tydens die duur van hul loopbane van land tot land beweeg.

Die Departement Geologie by die Universiteit van Pretoria glo in die eerste plek daarin om alle BSc-gegradueerdes van ‘n baie sterk fundamentele begrip oor die grondslag van die geologiese wetenskappe te voorsien. Die BSc-kursus word oor ‘n periode van drie jaar op ‘n voltydse basis aangebied. Hierdie graad is teoreties sowel as prakties gerig en lei tot verskillende spesialiteitsrigtings, soos Mineralogie, Stollingspetrologie, Metamorfe Petrologie, Sedimentologie, Ingenieurswese en Omge-wingsgeologie, Geochemie, Hidrogeologie, Ekonomiese Geologie, Strukturele Geologie sowel as Geofisika en Geostatistiek

Studente wat hul voorgraadse kursusse suksesvol voltooi het, mag registreer vir ‘n honneursgraad in Geologie, Ingenieursgeologie en Hidrogeologie. Die BSc-honneursgraad is ‘n voltydse program wat een jaar duur en as minimum vereiste dien vir indiensneming asook om as professionele geoloog te praktiseer.

Die Departement Geologie bied twee vername voorgraadse programme aan: (1) Geologie en (2) Ingenieursgeologie en Hidrogeologie.


Fisiese Wetenskappe

Geologie

Diverse onderwerpe van belang vir ons daaglikse bestaan en die algemene welsyn van ons samelewing, soos die studie van minerale en gesteentes, waterbronne (bv riviere, strande, mere en gletsers), grondwater, vulkane, aardbewings, plaattektoniek, wêreldklimaatsveranderinge en die evolusie van lewe, ens, word tydens voorgraadse studie gedek.

Voorgraadse kursusse vir Geologie-studente

Eerstejaarskursusse:Inleidende Geologie, Historiese Geologie en Omgewingsgeologie, Algemene Fisika, Calculus en Algemene Chemie

Tweedejaarskursusse:Fundamentele en Toegepaste Mineralogie, Sedimen-tologie, Strukturele Geologie, Stollingspetrologie, Metamorfe Petrologie, Grondwater en Geofisika

Derdejaarskursusse:Ingenieursgeologie, Meganika van Gesteentes, Ertsafsetting, Geodinamika van die formasie van erts, Geostatistiek en Ertsreserwe Berekeninge ten opsigte van ertsreserwes

Honneurskursusse vir Geologie-studente

Vulkanisme, komanalise, korsevolusie, Mynboumetodes, Honneursprojek, Stollingspetrologie/Geochemie, Meta-morfe Geologie, Ekonomiese Geologie, Mineralogie en veldkartering

Die Ingenieursgeologie en Hidrologie word in subdissiplines gedeel: Ingenieursgeologie en Hidrologie.

Ingenieursgeologie is bemoeid met die studie van geologiese strukture sowel as die kenmerke van grond en gesteentes by konstruksieterreine, bv: damme, tonnels, myne, paaie, geboue en stadions. Dit is nodig dat akkurate inligting voorsien word voordat sodanige strukture opgerig kan word.

Die onderrig van Hidrologie behels die studie van oppervlak- en grondwater wat insluit: die ligging, beweging, volopheid en chemiese samestelling van water asook die remediëring van besoedelde water.

Voorgraadse kursusse vir Ingenieursgeologie en Hidrologie

Studente wat Ingenieursgeologie en Hidrologie op honneursvlak wil neem moet addisionele kursusse neem, bo en behalwe die kursusse wat deur Geologie-studente geneem word. Die addisionele kursusse sluit in Meganika in die eerste jaar, Inleidende Grondwetenskap en Sterkte van Materiale in die tweede jaar en Grondmeganika en Rotsmeganika in die derde jaar.

Honneurskursusse vir Ingenieursgeologie en Hidrologie-studente

Honneursprojekte, Ingenieursgeologie van SA, Omgewings-geochemie, Omgewingsbestuur, Hidro-geochemiese Modellering, Vervoer van Kontaminante, Konstruksiemateriale, Rots Ingenieurswese, Ingenieurs-toepassings en Grond- en Gesteente-verbetering.

Veldwerk

Een tot drie dae veld ekskursies en karteringskampe is verpligtend vir voorgraadse studente en langer periodes is verpligtend vir nagraadse studente. Geoloë maak die wetenskaplike data in die veld bymekaar en veldwerk beslaan ‘n groot gedeelte van hulle werk.

Die Departement Geologie bied, bykomend tot bogenoemde, en vanaf honneursvlak, opleiding in sekere toepassingsvelde soos navorsing in natuurlike rampe aan (vanaf MSc-vlak, met die klem op aardbewings, meteorologiese rampe en verwante aktuariële studie). Die Departement Geologie by die Universiteit van Pretoria is een van slegs twee departemente in die land wat Ingenieursgeologie aanbied en het die enigste sentrum wat alle aspekte van natuurlike ramp navorsing in Afrika bestudeer: die Aon-Benfied Natuurlike Ramp Sentrum, Afrika.

Op MSc- en PhD-vlak word die klem geplaas op navorsing op gebiede soos mineralogie en toegepaste mineralogie (veral die vingerafdruk van edelmetale), geodinamika (veral van groot komme en stollingskomplekse soos die wêreldbekende Bosveldstollingskompleks), Ingenieurs-geologie, Hidrologie en Seismologie.

Beroepe

Meeste beroepe in Geologie behels veld-, laboratorium-, kantoor- en rekenaarmodelleringswerk. Dit vereis geskrewe en/of mondelingse verslae oor die afgehandelde taak. Werk word hoofsaaklik deur klein eksplorasie- en groter mynboumaatskappye, staatsinstellings, onafhanklike navorsingslaboratoriums en ander tersiêre instellings verskaf. ‘n Geoloog kan dus, oor die algemeen, as omgewingskundige, mineraloog, geochemikus, eksplorasie-geoloog, in myne (produksie-geoloog), in die oseaan (marine-geoloog) en in rekenaarlaboratoriums (databasisse, insluitend GIS; 3-D modellering) en ook as ‘n konsultant wanneer nodig, werk.

Ingenieursgeoloë word deur organisasies soos die Raad vir Geowetenskappe, WNNR en Mynboumaatskappye (gewoonlik hul meganika departemente gemoeid met gesteentes), in diens geneem. Raadgewende siviele ingenieursfirmas ontwerp damme, tonnels, paaie, brûe, spoorlyne en industrie- of infrastruktuur-verwante hellings, of hulle kan hul eie raadgewende praktyke bedryf waar algemene terreinondersoeke vir stedelike ontwikkeling en infrastruktuur konstruksie ‘n groot deel van die omvang van hulle werk behels.

Hidrogeoloë word deur die Regering (Waterwerke), die Raad vir Geowetenskappe, WNNR en mynmaatskappye, sowel as raadgewende praktyke in diens geneem. Die vier hooffokusgebiede is water hulpbron evaluasie, grondwater hulpbron ontwikkeling, probleme met mynwater modellering en vervoer van kontaminante. Raadgewende hidroloë is gewoonlik betrokke by water toevoer, grondwater kwaliteit, monitering en remediëring, sowel as aansoeke vir waterlisensies.


Fisiese Wetenskappe

Departement Geografie, Geoinformatika en Meteorologie

Geografie en Omgewingswetenskappe

Geografie is in die unieke posisie dat dit deel uitmaak van sowel die Geestes- as die Natuurwetenskappe en dit is dus die skakel tussen die natuurlike en menslike komponente van die omgewing. Geomorfologie, biogeografie, klimatologie en weerkunde is die natuurwetenskaplike komponente van die dissipline, terwyl die geesteswetenskappe fokus op moontlike oplossings vir probleme soos veranderende bevolkingstendense en die agteruitgang en vernietiging van hulpbronne waarmee die samelewing gekonfronteer word. Geografie is ook ‘n ruimtelike wetenskap wat met die ligging en verspreiding van stede en menslike aktiwiteite soos landbou en toerisme te doen het. Prosesse, patrone, probleme en moontlike antwoorde wat daarmee geassosieer word, word bestudeer. Verder is geografie ‘n beplannings- en bestuurswetenskap wat op die verbetering van die mens se lewenskwaliteit ingestel is. Die geografiekurrikulum aan die Universiteit van Pretoria lê sterk klem op geomorfologie, omgewingsverandering, stedelike ontwikkeling en grondhervorming. ‘n Dosenteprys vir Geografie word jaarliks aan die beste derdejaarstudent in geografie toegeken.

Omgewingswetenskappe is die studie van die vele interaksies tussen die mens en die lewende en nielewende komponente van die aarde. Weens die toename in bevolkingsgetalle en tegnologiese ontwikkeling is die impak van die mens op die aarde wydverspreid en baie ernstig. Omgewingsimpakte skep uitdagings wat multidissiplinêr van aard is, byvoorbeeld die impak op ekosisteme, natuurlike hulpbronne, die menslike gesondheid en welstand. Hierdie opwindende en uitdagende studieveld benodig innoverende studente wat die beste toepassings uit die natuurlike wetenskappe kan integreer met ekonomiese, sosiale en politieke wetenskappe, om volhoubare oplossings te vind om ons planeet te bewaar. Opleiding in analitiese ruimtelike tegnieke sluit GIS en afstandswaarneming in en gee aan gegradueerdes van die Departement die vermoë om komplekse omgewingskwessies te ondersoek. Een van die interessante vakke wat tans aangebied word, is die studie van die fisiese, sosiale en ekonomiese impakte van aardverhitting en klimaatsverandering in samehang met aanpassings- en mitigeringstrategieë. Navorsing oor die impak van klimaatsverandering op menslike gesondheid, landbou en natuurlike hulpbronne berei gegradueerdes in die omgewingswetenskappe voor om plaaslik relevant en internasionaal mededingend te wees.

Beskrywing van die studieprogramme

Die twee studieprogramme wat gevolg kan word, is:

• BSc(Omgewingswetenskappe)• BSc(Geografie)

Hierdie twee studieprogramme bevat fundamentele modules op eerstejaarsvlak, wat algemene vaardighede ontwikkel, soos rekenaargeletterdheid, taalvaardighede en calculus. Kernmodules op eerste-, tweede- en derdejaarvlak word bepaal deur die spesialiseringsveld van die betrokke graadprogram. Keusemodules kan uit die volgende dissiplines gekies word: antropologie en argeologie, chemie, dierkunde en entomologie, ekonomie, fisiologie, geologie, geografie, geoinformatika, historiese en erfenisstudies, meteorologie, plantkunde, plantproduksie en grondkunde, politieke wetenskappe, sosiologie, stads- en streeksbeplanning, statistiek en wiskunde en toegepaste wiskunde.

Geoinformatika

Geoinformatika is die studie van die manier waarop geografiese data ingewin, geberg, herwin en gekommunikeer word, hoe geografiese data verwerk word in geografiese inligting wat geskik is vir besluitneming, en en hoe rekenaar- en verwante tegnologie gebruik kan word om hierdie prosesse te ondersteun. Die fokusareas is:

• Geografiese inligtingstelsels (GIS) fokus op die wetenskap agter geografiese inligtingsprosesse, die tegnologie en die toepassings op wetenskaplike vraagstukke. Dit verskaf teoretiese grondbeginsels vir die benutting van geografiese inligting en tegnologie om data in te samel en te analiseer sodat die resultate uiteindelik sinvol voorgestel en aangewend kan word vir besluitneming.

• Geografiese inligtingstegnologie fokus op ‘n gespesialiseerde groep inligtingstegnologieë wat gebruik word om geografiese data te hanteer. Dit sluit die versameling, berging, manipulering, analisering en voorstelling van die data in.

• Toepassings fokus op die toenemend uiteenlopende gebruike van hierdie wetenskap in regerings-, industriële en navorsingsinstellings.

Studente wat die BSc(Geoinformatika)-graad voltooi kry redelik maklik werk by maatskappye soos ESRI South Africa, die Satelliettoepassingsentrum (SAC), die Wetenskaplike Nywerheids- en Navorsingsraad (WNNR), AfriGIS (‘n GIS diensverskaffer), GeoTerraImage (‘n maatskappy wat in afstandswaarneming spesialiseer) Aurecon (‘n siviele ingenieursmaatskappy) en die Suid-Afrikaanse Nasionale Ruimte-agentskap (SANSA), ‘n regeringsliggaam.


Fisiese Wetenskappe


Die BSc-graad met spesialisering in Geoinformatika is gemik daarop om wetenskaplikes op te lei met ‘n basiese kennis van die omgewing en die probleme wat met ontwikkeling verband hou, ‘n breedvoerige kennis van geografiese inligting en die gepaardgaande rekenaartegnologieë, asook die praktiese vaardighede om dié tegnologieë toe te pas ter ondersteuning van die verskillende dissiplines wat by omgewingsbestuur betrokke is.

Die voorgraadse program fokus op die vereistes waaraan ‘n GIS-praktisyn moet voldoen. Gegradueerdes kan aansoek doen om registrasie by PLATO, die statutêre liggaam vir landmeters en GIS-praktisyns, beheer deur die PLATO-wet, 1984 (Wet Nr 40 van 1984). Afhangend van ‘n gegradueerde se kwalifikasies en ervaring kan die student as ’n GISc-tegnoloog registreer – GISc Tg (SA): driejaargraad.

Meteorologie

Die weer en klimaat speel ‘n fundamentele rol in menselewens, omdat daaglikse aktiwiteite soos landbou, sport, reis en toerisme daarvan afhang. Dit het selfs ‘n bepalende invloed op die oorlewing van die mensdom. Daar heers egter ook groot kommer oor hoe die mens se doen en late die wêreld se weer en klimaat onomkeerbaar kan verander. Lugbesoedeling wek toenemend kommer. Weerkundiges en atmosferiese wetenskaplikes wil uitvind hoe die fisika en dinamika van die atmosfeer werk. Die meteoroloë by die Universiteit van Pretoria spesialiseer in dinamiese meteorologie en is betrokke by toonaangewende navorsing in numeriese weervoorspelling. Hulle is ook betrokke by bekroonde gemeenskapsprojekte ten opsigte van watervoorsiening aan skole in landelike gebiede.


Wiskunde, fisika, atmosferiese prosesse, atmosferiese sirkulasie, fisiese meteorologie, dinamiese en numeriese meteorologie en weervoorspellingsprojekte is verpligte vakke. Keusevakke kan uit die volgende dissiplines gekies word: wiskunde en toegepaste wiskunde, fisika, statistiek, chemie, rekenaarwetenskap, geografie, geoinformatika en geologie.

Studente bestudeer die atmosferiese wetenskappe met gespesialiseerde rekenaarprogramme in laboratoriums en doen praktiese werk in samewerking met professionele weerkundiges. Om as professionele weerkundige te praktiseer, moet studente die honneursgraad in meteorologie suksesvol voltooi. Meesters- en doktorsgrade word ook aangebied.

Departement Fisika

Fisika behels die studie van natuurwette. Die beginsels daarvan vorm die grondslag van alle basiese wetenskappe soos sterrekunde, biologie, chemie en geologie. Fisika is ook die basis van die toegepaste wetenskappe en ingenieurswese wat tegnologie ontwikkel het van die perdekar tot die supersoniese straler, van die kers tot die laserstraal, en van rookseine tot satellietuitsendings. Hoewel fisici dikwels navorsers is wat die natuur en verwante aspekte ontleed, stel hulle kreatiwiteit, vindingrykheid en probleemoplossingsvermoë hulle ook in staat om bestuursposte op alle bedryfsvlakke met welslae te beklee.

Die Departement Fisika by die Universiteit van Pretoria beskik oor uitstekende fisici in ‘n wye reeks fisika-subdissiplines, soos fisikaonderwys, elektroniese materiale, ioonbundelanalise, optiese karakterisering, oppervlakfisika, kwantumteorie, berekenings- en teoretiese vastetoestandfisika en wiskundige fisika. Baie van die akademici is by top internasionale instellings opgelei, neem steeds deel aan internasionale samewerkingsooreenkomste en behou hulle internasionale aansien. Die fasiliteite by die Departement Fisika behels ‘n Ramanspektrometer van wêreldgehalte, toe gang tot elektronmikroskope, ‘n deeltjieversneller, ‘n diepvlakoorgangspektroskopiese laboratorium en uitstekende rekenaarfasiliteite. ‘n Groeiende aantal meesters- en doktorale studente van regoor Suid-Afrika, en toenemend uit die res van Afrika, kies om hul studies in die Departement te kom voortsit. ‘n Nagraadse studentekomitee sien om na die belange van nagraadse studente en reël sosiale funksies. Dit help om ‘n ondersteunende omgewing vir studente te skep terwyl hulle navorsing vir hulle graaddoeleindes doen.

Die voorgraadse kurrikulum is modern en interessant, en word deurentyd hersien om aktuele nuwe onderwerpe by te werk. Studente leer nuttige en oordraagbare vaardighede in eksperimentele en berekeningsfisika, wat hulle in staat stel om bedrewe fisici te word, en hulle kan hierdie vaardighede in ‘n verskeidenheid van loopbane buite die akademie gebruik, byvoorbeeld in die handel en nywerheid. Daar is pryse beskikbaar vir die BSc(Fisika)- student wat die beste presteer, en voorgraadse studente het baie geleenthede om vertroud te raak met die huidige navorsing in die Departement deur goedgekeurde projekte te voltooi en deur vakansiewerk te doen.

Onlangse hoogtepunte in die Departement is die PhD-student Claudia Zander, aan wie die S2A3 (South African Association for the Advancement of Science) se prys vir die beste meestersgraadverhandeling toegeken is, dr Linda Prinsloo, wat die eerste Ramanontledings van San-rotskuns in die Drakensberge onderneem het, en prof Sergei Rakitianski se samewerking met die kernnavorsingsfasiliteit in Dubna, Rusland.


Landbou- en Voedselwetenskappe


Departement Landbou-ekonomie, Voorligting en Landelike Ontwikkeling

Die onlangse skerp styging in voedselpryse het die belangrikheid van landbou en voedselproduksie in Suid-Afrika beklemtoon, en daarom ook die noodsaaklikheid van landbou-ekonome vir die samelewing. Die landbou- en voedselbedryf produseer basiese produkte en hulpbronne om die mense van Suid-Afrika te voed en te klee, dra by tot die bruto binnelandse produk van die ekonomie, en verskaf werk aan sowat 1,2 miljoen mense. Terselfdertyd dra die sektor aansienlik by tot die voortbestaan van ongeveer 6 miljoen mense in landelike gebiede. Voedsel en kleding is een van die mees basiese behoeftes van die mens, wat beteken dat enige persoon met ‘n kwalifikasie in landbou-ekonomie of landbouvoorligting verseker kan wees van werksgeleenthede. Wat is die relevansie van landbou-ekonomie en landbouvoorligting as dissiplines in dié sektor?

Landbou-ekonomie

Het jy al ooit ‘n McDonald’s-burger geëet en gewonder waar die brood, vleis, blaarslaai, en tamatiesous vandaan kom? En hoekom die prys en kwaliteit van Nando’s en KFC se hoender verskil? En hoekom sommige mense graag wyn drink en ander eerder bier? Wat kos die koring vir een brood, en wat kos dit om meel te maal en brood te bak? Hoeveel kos dit om beeste te slag en maalvleis te maak, en hoekom? Hoeveel wins maak ‘n boer en ‘n tussenganger in die waardeketting om kos van die plaas af tot op die winkelrak te kry? Dit is sommige van die vrae wat ‘n landbou-ekonoom daagliks moet beantwoord. As jy dus belangstel in die antwoorde op hierdie vrae en jy passievol is oor wetenskap, ekonomie en mense, is landbou-ekonomie net die studierigting vir jou.

Die wêreld van kos en klere, en daarom die wêreld van ‘n landbou-ekonoom, is dinamies en lewendig. Dit is ‘n wêreld wat te make het met modes en giere, maar ook met die basiese behoeftes van mense. Landbou-ekonomie handel oor die ekonomie van die produksie van kos en klere, en oor hoe om dit tot by die verbruiker te kry. Dit handel oor sake soos die produksie van druiwe en daarom die produksie en verkope van wyn. Dit handel oor die analisering van ‘n besigheid, die identifisering van en soeke na beleggingsmoontlikhede, verkope van kommoditeite op wêreldmarkte, en die verkope van kos in die plaaslike Spar. Dit handel dus oor mense, maar ook oor die natuur. Dit gaan oor die maak van wins, maar ook om mense wat in armoede verkeer, te help. Landbou-ekonomie handel daaroor om ‘n verskil in mense se lewens te maak.

Die voorgraadse opleiding van landbou-ekonome behels ‘n vierjaargraad, BSc(Agric) Landbou-ekonomie, of ‘n driejaargraad, BCom(Agribesigheidsbestuur). Met nagraadse studies kan daar gespesialiseer word in agribesigheidsbestuur, landboubeleidsanalise, omgewingsekonomie en landbou en landelike finansiering. Daar bestaan ook verskeie geleenthede

vir UP-landbou-ekonomiestudente om oorsee te gaan studeer in lande soos die VSA. Dit verseker dat jy opleiding van wêreldgehalte ontvang, wat beteken dat jy orals in die wêreld in die voedsel- en kledingbedryf kan werk in ‘n strewe om te verseker dat daar op ‘n ekonomiese en volhoubare manier aan mense se mees basiese behoeftes voldoen word.

Die Departement bied die volgende kursusse aan, met die fokus op Agribesigheidsbestuur en Landbou-ekonomie:

BSc(Agric) (Landbou-ekonomie/Agribesigheidsbestuur)

Die eerste jaar bestaan uit BSc-vakke (byvoorbeeld Chemie, Genetika, Biologie en Plantkunde) en ekonomiese vakke (byvoorbeeld Rekeningkunde). Die tweede jaar bestaan uit ‘n kombinasie van BSc-vakke (byvoorbeeld Plantproduksie, Veekunde en Grondkunde) en ekonomiese vakke (byvoorbeeld Ondernemingsbestuur, Statistiek, Besigheidsreg en Ekonomie). In die derde en vierde jaar moet studente ‘n kombinasie van BSc-vakke en ekonomiese vakke kies, met verskeie Landbou-ekonomie hoof fokusareas.

BCom(Agribesigheidsbestuur)

Studente neem in die eerste en tweede jaar basiese ekonomievakke (byvoorbeeld Rekeningkunde, Statistiek, Besigheidsreg, Bemarking, Finansiële bestuur en Ondernemingsbestuur) en spesialiseer dan in hulle derde jaar in Landbou-ekonomie.

Departement Plantproduksie en Grondkunde

Die Departement Plantproduksie en Grondkunde bestaan uit die volgende dissiplines: agronomie, tuinboukunde, weidingkunde, grondkunde en onkruidwetenskappe. Die Departement het 13 dosente, twee emeritusprofessore, twee ereprofessore, vier buitengewone professore en 11 ondersteuningspersoneellede. Die uiteenlopende dissiplines en goed-gevestigde kundigheid trek baie nagraadse studente, plaaslik sowel as uit die res van Afrika. Die hoogs gekwalifiseerde akademici is ook baie suksesvol met die werf van befondsing vir navorsing en opleiding vir die Departement. Afgesien van laboratoriumfasiliteite op die Kampus is daar ook ‘n ‘lewende laboratorium’ op die Hatfieldproefplaas in die hartjie van Pretoria. Die ervare tegniese personeel op die proefplaas verseker dat navorsing glad verloop. Die Departement Plantproduksie en Grondkunde is gefokus om mense op te lei en navorsing te doen wat sal lei tot beter voedselsekuriteit vir ons land en die vermindering van nadelige impakte op die omgewing.


Dieselfde kursusse word voorgeskryf vir alle voorgraadse studente in die BSc(Agric) Toegepaste Plant- en Grondwetenskappe om blootstelling aan agronomie, tuinboukunde, weidingkunde, grondkunde en bosbou te verseker. Dit help studente wat met nagraadse studies wil voortgaan om ingeligte loopbaanbesluite te neem.

© N

ico

de B

ruyn

Pho

togr

aphy



Die volgende nagraadse studieprogramme is ook beskikbaar: • PhD(Agronomie, Tuinboukunde, Weidingkunde,

Grondkunde, Bosboukunde) • MSc(Agric)(Agronomie, Tuinboukunde, Weiding-

kunde, Grondkunde) • BInstAgrar(Hons)(Plantproduksie) (Blokweek) • MInstAgrar(Agronomie, Tuinboukunde, Weiding-

kunde) • BSc(Hons)(Omgewingsgrondkunde) • MSc(Omgewingsgrondkunde) • MSc(Bosboubestuur en die Omgewing) (gedoseerde

program) • MSc(Bosboukunde) (interdepartementele program) • PhD(Bosboukunde)

Die navorsingskomponent van nagraadse studie is hoofsaaklik op vyf wetenskaplike dissiplines gefokus: agronomie, tuinboukunde, grondkunde, weidingkunde en bosbou. Die navorsingsaktiwiteite in elk van hierdie dissiplines word vervolgens uiteengesit, met spesialisering in die aspekte binne in die genoemde subonderwerpe:

Agronomie• Graan- en groentegewasse • Industriële gewasse • Besproeiing en plant-grond-waterbalans • Onkruidbestuur

Tuinboukunde• Vrugte • Medisinale en aromatiese plante • Ornamentele plante • Biobrandstowwe

Weidingkunde• Aangeplante weidings • Veldbestuur • Omgewingsbestuur (Grondherwinning) • Geïntegreerde grondgebruikstelsels

Bosbou• Boshulpbrongebruiksbeplanning en -bestuur • Boshulpbronekonomie en -beleid • Agrobosbou • Geïntegreerde grondgebruikstelsels

Grondkunde• Plantvoeding • Grondklassifikasie • Omgewingsgrondfisika • Omgewingsgrondchemie • Grondbiologie

Departement Vee- en Wildkunde

Vee- en Wildkunde is die wetenskap en praktyk waardeur mak diere en wilde diere tot die mens se voordeel benut word. Aangesien die mens van die natuur afhanklik is, het ons ‘n verantwoordelikheid om die omgewing as deel van ons natuurlike erfenis te bewaar. Die werkgebied van Vee- en Wildkunde strek vanaf primêre boerdery en wildteling tot by die bemarking van diere en die verwerking en verbruik van diereprodukte. In elke skakel van hierdie lang ketting kan persone opgelei word in vee- en wildkunde volgens hul eie belangstellings, behoeftes en persoonlikhede. Die BSc(Agric)-graad, aangebied deur die Departement Vee- en Wildkunde aan die Universiteit van Pretoria, word deur die Suid-Afrikaanse Raad vir Natuurwetenskaplike Professies erken as ‘n professionele kwalifikasie, kragtens Wet No 106 van 1993, en dit word ook internasionaal erken.

BSc(Agric)(Veekunde) en BSc(Agric)(Veekunde/Weidingkunde)

Produksiefisiologie, dierevoeding en veeteelt is belangrike vakgebiede en word bestudeer in vakke soos grootvee- en kleinveekunde, vleiskunde, pluimveekunde

Ek hou van Weidingkunde omdat dit ’n skaars vaardigheid is wat jou nie net toegang tot die landboukundige veld gee nie maar ook omgewingsvelde soos rehabilitasie en herstel van verswakte gebiede. Ek het toegang tot die voorste breinkragte hier by die Universiteit van Pretoria en kan by spesialiste uitkom deur middel van my studieleier. Daar is altyd iets nuuts om te leer en hierdie wetenskapveld is steeds besig om uit te brei. Alhoewel ons nie voedsel produseer van die landerye/veld tot die tafel nie, is ons manier baie bevredigend,” sê Leana Nel, MSc(Agric)-student in Weidingkunde. Die spesialiste op die gebied van Weidingkunde en Ekologiese Wetenskappe kom jaarliks bymekaar by die Congress of the Grassland Society of Southern Africa (GSSA). Die Weidingkunde-studente word aangemoedig om die kongres by te woon en data van hul proewe aan te bied. Deskundiges in die wetenskap en eweknieë in die bedryf kan dus insig hê in die wyse waarop hierdie studente dink sowel as in daaropvolgende proewe. Mentorskapprogramme laat hulle ook toe om al die voordele van die ondervinding van senior wetenskaplikes te hê. Opleidingskursusse van instellings soos SANSOR (South African Seed Organisation) dra ook by tot die uiteindelike kwalifikasie wat hulle by die Universiteit van Pretoria behaal.

Leana se ideale beroep sal een wees waarin sy gedruk sal word om die beste te wees op haar gebied, waar sy die passie wat sy vir haar vakgebied het, met jong mense kan deel en toegang kan hê tot die nuwe tegnologie wat in die wetenskap gebruik word.

Leana Nel MSc(Agric)-student in Weidingkunde

© R

udi v

an A

arde



(volstruise ingesluit) en wildbestuur. Die kursus verleen toegang tot studie vir ‘n MSc(Agric), ‘n BSc(Hons)(Natuurlewebestuur) en ‘n MPhil(Natuurlewebestuur) (webgebaseer). Duur van kursus: agt semesters voltydse studie.

Nagraadse opleiding en spesialisering

Nagraadse opleiding sluit die MSc(Agric) en PhD in.

Hierdie grade word in die volgende spesialisasierigtings aangebied: produksiefisiologie, dierevoeding (herkouers en enkelmaagdiere), veeteelt en genetika, veeproduksiebestuur en vleiskunde. ‘n PhD word in Veekunde aangebied. Duur van kursus MSc(Agric) en PhD: minstens vier semesters.

MInstAgrar en PhD

Die kursussse is gespesialiseerde, gevorderde grade in diereproduksiebestuur, met die klem op die bestuur van diereproduksiestelsels. Duur van kursus: minstens drie semesters se voltydse studie.

BSc (Hons), MPhil, MSc en PhD in Natuurlewebestuur

Die Sentrum vir Natuurlewebestuur funksioneer deur die Departement Vee- en Wildkunde, en nagraadse studies wat aangebied word sluit die BSc (Hons), MPhil (webkursus), MSc en PhD in Natuurlewebestuur in. Duur van kursus: Wissel volgens die tipe graadkursus.

Departement Verbruikerswetenskap Verbruikerswetenskap bied spesialiseringsgeleenthede in spesifieke belangstellingsvelde, naamlik interieurware bestuur, kledingkleinhandelbestuur, gasvryheidsbestuur, voedselkleinhandelbestuur, asook onderwysopsies in verbruikerstudies of gasvryheidstudies. Voor- en nagraadse studieprogramme is in oorleg met die industrie saamgestel om te verseker dat die opleiding aan die verwagtinge van potensiële werkgewers voldoen en dat gegradueerdes suksesvol en in aanvraag sal wees in ‘n wetenskaplike en baie kompeterende markomgewing. Die Departement het ‘n gevestigde nagraadse en navorsingskultuur en lok studente van oral in die land en die res van Afrika. Dit het goed-toegeruste fasiliteite en studente is betrokke by verskeie gemeenskapsprojekte onder leiding van bekwame, entoesiastiese dosente. Die Departement handhaaf ook goeie verhoudings met die nywerheid en potensiële werkgewers en streef daarna om die belange van sy studente voorop te stel.


Al die voorgraadse studieprogramme behels vier jaar voltydse studie. UP is tans die enigste universiteit in Suid-Afrika wat grade in Verbruikerswetenskap met ‘n besondere fokus op die ekonomiese en bestuursaspekte van die vakgebied aanbied. Studente is dus baie gesog in veral die kleinhandelomgewing. Verder is dit moontlik om nagraadse studies (‘n meesters- of doktorsgraad) in beide rigtings, naamlik in Verbruikerswetenskap of in Ekonomiese en Bestuurswetenskappe, te doen. Elke studieprogram fokus op ‘n bepaalde produkkategorie

en bestudeer produkeienskappe, gebruike, verbruikers se aankooppraktyke, produkbestuur (insluitend die wêreldwye verspreiding en volhoubare gebruik) sowel as die ontwikkeling van nuwe produkte en dienste. Die kern van Verbruikerswetenskap wentel om praktyke om verantwoordelike, ingeligte verbruikersbesluitneming en verbruikerstevredenheid aan te moedig asook wyses waarop die behoeftes van individue en groepe in kleinsake-ondernemings en die kleinhandel aangespreek kan word. In lesings en praktika word ‘n probleemoplossingsbenadering gevolg om studente die geleentheid te gee om onafhanklik te werk. Diegene wat in onderwys belangstel, kan in Verbruikerstudies of Gasvryheidstudies spesialiseer. Geen ander Suid Afrikaanse universiteit bied tans ‘n graad in Gasvryheidstudies aan nie. Hierbenewens word ‘n BSc-graad in Voeding en Voedselwetenskap wat veral op die verbruikersaspekte van voedsel en voeding fokus, ook aangebied.

Loopbaangeleenthede

Loopbaangeleenthede is baie divers en gegradueerdes se eindbestemming word grootliks deur hulle persoonlikheid en belangstelling bepaal. Studente word dus deur middel van verpligte praktykblootstelling tydens die studietermyn gelei om verskillende loopbaangeleenthede te ondersoek. In die vierde studiejaar doen studente ook ‘n skripsie wat die geleentheid bied om aan ‘n formele navorsingsprojek deel te neem en om die moontlikheid van nagraadse studie te ondersoek. Die Departement het deur die jare goeie kontakte met werkgewers opgebou en studente wat goed vaar tydens praktykblootstelling, is dikwels van poste verseker voordat hulle die finale eksamens afgelê het.

Uitnemende prestasies

Verskeie instansies is betrokke by die gereelde evaluering van die studieprogramme en neem ook deel aan die jaarlikse prysuitdelingsgeleentheid vir toppresteerders in die onderskeie studieprogramme. Verskeie studente het ook al pryse gewen in internasionale kompetisies. Dosente en nagraadse studente neem jaarliks aan internasionale kongresse deel as vertoonvenster van die gehalte van die onderrig wat in die Department aangebied word.

Nagraadse studies

Studente wat ‘n vierjaargraad in Verbruikerswetenskap voltooi het, kan aansoek doen om toelating tot die meestersgraadprogram, wat twee jaar se voltydse studie of drie jaar se deeltydse studie behels. Vier spesialiseringsrigtings word aangebied: kledingbestuur, voedselbestuur (wat vir spesialisering in gasvryheidsbestuur en voeding voorsiening maak), interieurwarebestuur, algemeen (wat aanbeveel word vir studente wat nie ’n bemarkingsagtergrond het nie en wat nie tydens hulle voorgraadse studies in die voorafgaande vakgebiede gespesialiseer het nie). Studente woon gedurende die eerste jaar klasse in ses tot sewe geskeduleerde bloktye by om fundamentele vakke en keusemodules te voltooi. Daarna werk hulle onder toesig van ‘n studieleier aan ‘n navorsingsprotokol en die finale verhandeling wat ekstern geevalueer word deur ‘n vakspesialis by ’n ander tersiêre instansie.

© R

udi v

an A

arde


Landbou- en Voedselwetenskappe/Wiskundige Wetenskappe

Talle van die projekte word deur die industrie ondersteun. Die uitkomste van navorsingsinisiatiewe word internasionaal gepubliseer. Die Department word ook jaarliks verteenwoordig by internasionale kongresse waar lopende en afgehandelde navorsing gerapporteer word. Na voltooiing van ‘n meestersgraad in Verbruikerswetenskap kan ‘n student vir ‘n PhD registreer. Ongeag die spesialiseringsveld waarop ‘n student uiteindelik besluit, bied verbruikerswetenskap aan jou die geleentheid om jou passie in ‘n professie te verander.

Departement Voedselwetenskap

Die Departement Voedselwetenskap is goed op pad na internasionale erkenning as dié opleidings- en navorsingsleier in voedselwetenskap en voeding wat spesialiseer in die gesondheid en welsyn van die mense van Afrika. Die voedselbedryf is Suid-Afrika se grootste vervaardigingsbedryf. Deesdae word alle voedsel in ‘n mindere of meerdere mate verwerk. Voedselwetenskaplikes bestudeer die chemiese samestelling, struktuur en voedingswaarde van voedsel. Hulle monitor en doen navorsing oor die chemiese, fisiese en biologiese veranderings in voedsel tydens verwerking, preservering en berging. Voedselwetenskaplikes word opgelei om voedselprodukte te ontwikkel wat aan die dinamiese behoeftes van moderne verbruikers voldoen. Ewe belangrik is die bydrae wat hulle maak om hongersnood en wanvoeding te beveg deur die ontwikkeling en daarstel van bekostigbare, voedsame voedsel.

Studente in die Departement Voedselwetenskap kan vir een van die volgende studieprogramme registreer: • BSc(Voedselwetenskap) (drie jaar) • BSc(Agric)(Voedselwetenskap en -tegnologie) (vier

jaar) • BSc(Voeding en Voedselwetenskap) (drie jaar)

Nagraadse studie kan lei tot honneurs-, meesters- en doktorsgrade. Danksy die Departement Voedselwetenskap se personeel wat bestaan uit gekeurde topwetenskaplikes het die Departement ‘n internasionaal erkende navorsingsrekord. Aktiewe deelname aan nasionale en internasionale navorsingsprogramme lok die room van studente van binne en buite Suid-Afrika. Die Department is aktief betrokke by die Suid-Afrikaanse Vereniging vir Voedselwetenskap en -tegnologie en bedryfsverenigings vir vleis, suiwel en grane. Studente organiseer opvoedkundige en sosiale aktiwiteite deur hul eie vereniging, TUKSFoST.

Studente kry loopbaangerigte blootstelling tydens praktiese opleidingsessies en deur besoeke aan voedselmaatskappye en organisasies, die bywoning van nasionale en internasionale konferensies en geleenthede, deelname aan kompetisies soos die internasionale Institute of Food Technologist voedselprodukontwikkelingskompetisie en mentorskap-programme.


Die studieprogramme is ontwerp in ooreenstemming met die toenemende verantwoordelikheid om voedsame, veilige en bekostigbare voedsel aan die mense van Afrika te voorsien.

BSc(Voedselwetenskap) en BSc(Agric)(Voedselwetenskap en -tegnologie)

Studente ontvang beroepsrelevante opleiding in die natuur- en biologiese wetenskappe, gevolg deur spesialisering in voedselwetenskap en voedseltegnologie. Die programme is akademies en prakties gerig en die kwalifikasie berei studente voor vir ‘n ekonomies bevredigende loopbaan as wetenskaplike in die voedselbedryf. Dit voorsien die nodige vaardighede om voedselwetenskapkonsepte en voedselstegnologiekonsepte toe te pas, ontwikkel kritiese denke en probleemoplossingsvaardighede en bied ruim geleentheid vir persoonlike intellektuele groei en bydraes tot die wetenskap en gemeenskap. Studente voer ook navorsingsprojekte uit.

BSc(Voeding en Voedselwetenskap)

Voeding is die wetenskaplike dissipline wat handel oor die mens se behoefte aan voedsel en die invloed daarvan op die verbruiker se welsyn. Hierdie nuwe program rus studente toe met die vermoë om die voedingsbehoeftes van die ontwikkelde en ontwikkelende gemeenskappe in Suid-Afrika te verstaan. Dit is die eerste program van die aard in die land en word gesamentlik aangebied deur die Departemente Voedselwetenskap, Verbruikerswetenskap en Menslike Voeding (Fakulteit Gesondheidswetenskappe). Studente kry eerstens ‘n grondige kennis van die voedingsbehoeftes van die mens en ander soogdiere. Kursusse wat handel oor die samestelling, voedingswaarde, struktuur en eienskappe van voedsel is ook ingesluit. Aandag word gegee aan verbruikerswetenskap om gegradueerdes in staat te stel om voedselprodukte te ontwikkel wat voldoen aan die behoeftes van verbruikers.

Wiskundige Wetenskappe

Departement Versekerings- en Aktuariële Wetenskap

Die Departement is trots op sy alumni wat van die hoogste poste in die plaaslike en internasionale sakewêreld beklee. Daar word gestreef om die kursus kompeterend te hou om studente die geleentheid te bied om die Universiteit te verlaat met die hoogste aantal vrystellings van die Aktuariële Vereniging van Suid-Afrika se eksamens. Die akademici is hoogs gekwalifiseerd en dien op verskeie komitees van dié vereniging.

Die moderne finansiële bedryf is ‘n vinnig veranderende wêreld. Hierdie veranderings het ‘n toenemende behoefte geskep aan gegradueerdes wat opgelei is in die finansiële modelle en kwantitatiewe tegnieke wat gebruik word in aktuariële en finansiële ingenieurswesetoepassings. Studente wat ingeskryf is vir die BSc-graad in Aktuariële en Finansiële Wiskunde sal hulle kursuswerk so kan beplan dat hulle óf ‘n aktuariële óf ‘n finansiële


Wiskundige Wetenskappe

ingenieurswese-opsie kan volg. Die program verskaf uitgebreide opleiding wat aan die studente meer as die norm bied en wat hulle in staat sal stel om die aktuariële en finansiële probleme van die toekoms te hanteer.

Die program het ‘n kernkomponent van verpligte vakke en keusevakke. Met betrekking tot die aktuariële opsie is die program op so ‘n wyse saamgestel dat dit ‘n voornemende aktuaris die geleentheid bied om in die kortste moontlike tyd aan die vereistes vir vrystelling van die kursusse van die Aktuariële Vereniging van Suid-Afrika te voldoen. Om die maksimum vrystelling te verkry, word ‘n opvolg-honneursgraad egter aanbeveel. Studente wat nie beoog om as aktuarisse te kwalifiseer nie, sal met die BSc(Aktuariële en Finansiële Wiskunde)-graad goed toegerus wees vir loopbane as aktuariële tegnici.

Vir die voornemende finansiële ingenieur sal die program diepte verleen en sy of haar vermoë ontwikkel om finansiële produkte te ontwerp en te ontleed. Die analitiese tegnieke wat noodsaaklik is vir die modellering van die stogastiese gedrag van finansiële prosesse en die simulasie van die gevolglike effekte op beleggingsportefeuljes, word bestudeer.


Aktuariële en finansiële wiskunde. Verpligte vakke is wiskundige statistiek, analise, finansiële ingenieurswese (derdejaarsvlak), calculus, lineêre algebra, differensiaalvergelykings, aktuariële wiskunde, informatika (tweedejaarsvlak), numeriese analise, finansiële bestuur, ekonomie en rekenaarwetenskap (eerstejaarsvlak). Keusevakke is onder andere finansiële wiskunde en versekerings- en aktuariële toepassings, aktuariële modellering, dinamiese stelsels en stogastiese prosesse.

Departement Wiskunde en Toegepaste Wiskunde

Wiskunde is die taal van wetenskap en tegnologie. Wiskunde, wat sy oorsprong het in rekenkunde en meetkunde handel oor patroon en struktuur. Toegepaste Wiskunde handel meer oor die modellering en hantering van probleme in die werklike lewe, op ‘n verskeidenheid gebiede soos ingenieurswese, finansies, statistiek, fisika en biologie. Die krag van wiskunde en toegepaste wiskunde lê in die abstrakte, analitiese en berekeningsaard daarvan. Wiskunde is noodsaaklik in alle tegnologiese, finansiële en bestuursektore, wat die ruggraat van die Suid-Afrikaanse ekonomie vorm.

Om wiskunde te studeer

Die Departement Wiskunde en Toegepaste Wiskunde is nie net een van die grootstes op die kampus nie, maar ook een van die grootste wiskundedepartemente in die land, met ongeveer 7 000 studente wat ingeskryf is vir wiskundemodules. Die Departement roem daarop dat hy uitblink in onderrig- en navorsingsaktiwiteite sowel as in gemeenskapsgebaseerde aktiwiteite. Die Wiskundegebou self het ’n klassieke ouwêreldse karakter en is gebou om ‘n vierkant waar die studentebedrywighede bydra tot die lewendigheid van die akademiese omgewing.

Die diverse en bekwame personeelkorps beskik oor kundigheid in ‘n verskeidenheid dissiplines. Navorsers reis dikwels oorsee om kongresse by te woon of om navorsingsbesoeke te bring. Die Departement het 13 NRF-gegradeerde navorsers in dissiplines wat strek van die meer tradisionele abstrakte analise tot die kontemporêre epidemiologieveld waar modellering

Theodor is met slegs 5% sig gebore. Hy het baie hindernisse te bowe gekom om die eerste blinde man in Afrika te word met ’n swart gordel in Judo én die eerste blinde man met ’n meestersgraad in Wiskundige Statistiek wat hy met lof geslaag het! Hy is tans ’n risiko-analis in diens van TransUnion se Analitiese en Besluitnemingsdienste.

Theodor het sy skoolloopbaan aan die Prinshof Skool vir Swaksiendes en Blindes voltooi waar hy ook hoofseun was. Hy het in 2002 vir sy studies in Aktuariële en Finansiële Wiskunde by UP ingeskryf. Aan die begin van sy derde jaar het hy sy sig heeltemal verloor. Alhoewel hy bekend was met basiese Braille, het hy vinnig vertroud geraak met Amerikaanse Braille wat in Wiskunde gebruik word aangesien dit hom toegang tot meer hulpbronne gebied het en die LaTex-sagteware hom gehelp het om studie-hindernisse te oorkom. Só kon hy sy vraestelle in Braille voltooi en dit daarna aan die betrokke dosent teruglees wat dan sy antwoorde neergeskryf en nagesien het. Theodor het ’n meestersgraad in dié moeilike veld verwerf en het reeds ’n onderwerp vir sy doktorale studies geïdentifiseer.

Die Departement Statistiek en die Fakulteit Natuur- en Landbouwetenskappe het met hul ondersteuning en praktiese hulp ‘n onskatbare bydrae tot Theodor se verwerwing van sy akademiese kwalifikasies gelewer. Hy het die geleentheid gehad om ’n referaat by die Delta Konferensie oor Wiskundige Wetenskappe in El Calafate, Agentinië, te lewer en is deur Paul van Staden, een van sy dosente, vergesel. Hy is dankbaar vir die ondersteuning wat hy van sy studieleier, Andriëtte Bekker, ontvang het.

Theodor is getroud met Katryn, wat oor ’n verpleegkwalifikasie van UP beskik. Hulle het ontmoet toe hy die ondervoorsitter van die UP Sendingkomitee was. Sy ander belangstellings is skubaduik en klavier speel. Ten spyte van sy gebrek het hy ’n positiewe gesindheid en deursettingsvermoë wat gesetel is in sy geloof, huwelik, familie en vriende. Theodor sê om sukses te behaal, is ‘n spanpoging en dat niks ooit ’n soloprojek is nie. Theodor Loots


Wiskundige Wetenskappe/Gemeenskapsontwikkelingsinisiatiewe

van biologiese verskynsels tot opwindende opsies lei. Die Departement is dikwels die gasheer vir gesiene besoekers soos die Fields Medaljewenner, prof Laurent Lafforgue.

Wiskundegerigte studente geniet die stimulerende atmosfeer van die Departement en kan meeding om gesogte toekennings soos die Dewald Hattinghprys vir die beste derdejaarstudent. ‘n Graad in wiskunde lei ‘n student op om die nuutste probleemoplossingstegnieke toe te pas, te evalueer en aan te pas, en ook om nuwe wiskundige modelle te ontwikkel uit natuurlike, tegnologiese en finansiële verskynsels.


Wiskunde. Verpligte vakke is analise, abstrakte algebra, meetkunde, (derdejaarsvlak) calculus, lineêre algebra, differensiaalvergelykings, diskrete strukture (tweedejaarsvlak), wiskundige modellering, wiskundige statistiek, numeriese analise en dinamiese prosesse (eerstejaarsvlak).

Toegepaste Wiskunde. Verpligte vakke is analise, kontinuummeganika, numeriese analise, parsiële differensiaalvergelykings, dinamiese stelsels (derdejaarsvlak), calculus, lineêre algebra, diskrete strukture, differensiaalvergelykings (tweedejaarsvlak), wiskundige modellering, wiskundige statistiek en dinamiese prosesse (eerstejaarsvlak).

Nagraadse studie

Nagraadse studie en navorsing is belangrike prioriteite van die Departement en geskied op verskeie uiters relevante gebiede.

Honneurs. Vir ‘n honneursgraad sal ‘n student gewoonlik ‘n aantal kursusse moet doen en ‘n skripsie onder leiding van ‘n skripsieleier moet skryf. Die kursus duur een jaar vir voltydse studente en twee jaar vir deeltydse studente.

Meestersgraad. Die studietydperk vir ‘n MSc is ‘n minimum van een jaar se voltydse studie, maar dit duur gewoonlik twee jaar. Die uitkoms is drie magistermodules, asook ‘n verhandeling wat toon dat die student oor die vermoë beskik om ‘n wetenskaplike ondersoek te beplan, daarmee te begin, dit uit te voer en verslag daaroor te lewer.

Doktoraal. ‘n PhD vereis van die student om oorspronklike navorsing te doen in een van die navorsingsgebiede wat deur die Departement ondersteun word.

Departement Statistiek

Wiskundige Statistiek is die kuns en wetenskap van die versameling, ordening, analise, interpretasie en voorlegging van numeriese data met die doel om wetenskaplik gefundeerde gevolgtrekkings te maak. Kortliks kan statistiek onder andere beskou word as die wetenskap van die verkryging van inligting uit numeriese data. Interaktiewe gebruik van die rekenaar stel die statistikus in staat om statistiese modelle en metodes toe te pas op alle soorte wetenskaplike navorsing. Daar word van statistici verwag om te beskik oor ‘n verskeidenheid vaardighede. ‘n Sterk numeriese agtergrond en belangstelling, die begeerte om rekenaarprogrammering en die gebruik van verskeie sagtewarepakkette te

bemeester, die vermoë om met professionele mense uit ’n groot verskeidenheid dissiplines te skakel en mondelinge en geskrewe kommunikasievaardighede is uiters belangrik.


Wiskundige Statistiek. Verpligte vakke is wiskundige statistiek (derdejaarsvlak), wiskundige vakke, naamlik calculus, lineêre algebra, analise (tweedejaarsvlak), asook rekenaargeletterdheid en taalvaardigheid (eerstejaarsvlak). Keusevakke sluit vakke uit verskeie dissiplines soos rekenaarwetenskap, wiskunde, chemie, meteorologie, dierkunde en vele ander in, afhangend van die student se belangstellingsveld.

Presteerdertoekennings

Aan die einde van ‘n student in wiskundige statistiek se finale voorgraadse jaar word ‘n prysuitdelingsgeleentheid gehou waartydens studente wat in al drie hul voorgraadse jare onderskeidings in die vak verwerf het, ‘n spesiale sertifikaat ontvang. Tydens dieselfde geleentheid word daar ook sertifikate en pryse oorhandig aan die algehele toppresteerder in wiskundige statistiek op derdejaarsvlak en aan die toppresteerder in die praktiese komponent van wiskundige statistiek op die derdejaarsvlak. Daar word ook jaarliks ‘n aantal beurse beskikbaar gestel aan toppresteerders wat besluit om voort te gaan met honneursgrade in wiskundige statistiek.

Gemeenskapsontwikkelings-inisiatiewe

Sci-Enza

Sci-Enza (voorheen die Eksploratium) is ‘n wetenskapsentrum waar die algemene publiek, en veral groepe skoolkinders, eerstehands ervaring van wetenskap en tegnologie kan opdoen. Hier kan besoekers aan ‘n verskeidenheid interaktiewe uitstallings in Fisika, Plantkunde, Dierkunde, Wiskunde en Ingenieurswese deelneem. Vir georganiseerde groepe word wetenskapvertonings, asook begeleide toere deur die Botaniese Tuin en die Camera Obscura op kampus aangebied. Besoekers mag ook die gewilde wetenskapboeke en -tydskrifte, sowel as videofasiliteite in die leeshoekie gebruik. Sci-Enza is gedurende gewone kantoorure op weekdae oop. Vir individue is toegang gratis. Georganiseerde groepe wat ‘n wetenskapvertoning bywoon, betaal ‘n nominale bedrag van R10 per persoon. Kontak die kurator by tel: +27 (0)12 420 2865/3767 om ‘n besoek te reël.

Tegnologiewerkswinkels

Sci-Enza bied gereeld werkswinkels aan wat ongeveer 30 deelnemers kan akkommodeer. Deelnemers gebruik stelle Lego-blokkies, K’nex en ander algemeen beskikbare materiale om basiese tegnologieprobleme op te los. Ratte, hefbome, strukture en ander onderwerpe, wat ooreenstem met skole se Tegnologiesillabusse, word gedek onder leiding van ‘n instrukteur. ‘n Nominale bedrag word gehef vir die werkswinkels. Belangstellende partye kan hul werkwinkel reël deur ‘n afspraak met die kurator te maak by tel: +27 (0)12 420 2865/3767.


Gemeenskapsontwikkelingsinisiatiewe

UP with Science

Die UP with Science-verrykingsprogram is in 1998 bekendgestel en is daarop gerig om jongmense se kennis, belangstelling en vaardighede in die wetenskap te bevorder. Sowat 50 kandidate word uit skole in die nabye omgewing van die Universiteit gekeur om aan die program deel te neem. Programaktiwiteite strek oor ‘n tydperk van drie jaar, vanaf die deelnemers se Graad 10-skooljaar tot hulle Graad 12-skooljaar. Dit behels Saterdagklasse een maal per maand en ‘n weeklange winterskool een maal per jaar gedurende die Julieskoolvakansie. Deelnemers wat die program voltooi, ontvang studiebeurse in die vorm van universiteitsklasgelde indien hulle vir studieprogramme in die Fakulteit Natuur-en Landbouwetenskappe aan die Universiteit van Pretoria inskryf. Omdat die UP with Science-program hoofsaaklik in Engels aangebied word, word die inligtingsmateriaal in Engels beskikbaar gestel. Afrikaanssprekende kandidate is egter welkom om hul aansoeke in Afrikaans in te dien.

Elke skool mag ‘n maksimum van twee kandidate nomineer. Die Universiteit sal sowat 50 kandidate uit die aansoeke kies, en suksesvolle kandidate sal in kennis gestel word van hul keuringsuitslae. Die UP with Science-groep sal so saamgestel word dat die rasse- en geslagtelike diversiteit van die Suid-Afrikaanse bevolking daarin verteenwoordig word. Die twee belangrikste kriteria vir die keuring van kandidate is akademiese potensiaal en belangstelling in die wetenskap. Skakel mev Helga Nordhoff by tel: +27 (0)12 420 2638.

Kontakpersone per studierigting

Toelatings

Nuwe aansoeke Grace ZithaTel: +27 (0)12 420 4578 E-pos: [email protected]

Voorgraadse aansoeke, vanaf eerste jaar tot derde jaar• Biologiese Wetenskappe • Dierkunde • Entomologie • Geografie • Geoinformatika • Mensfisiologie

Johannah MashabaTel: +27 (0)12 420 5497E-pos: [email protected]

Voorgraadse programme, vanaf eerste jaar tot derdejaar• Mediese Wetenskappe • BSc Vierjaarprogram

Henda van Vuuren Tel: +27 (0)12 420 2726 E-pos: [email protected] Voorgraadse programme: vanaf eerste jaar tot honneurs• Biochemie • Bioinformatika • Genetika • Biotegnologie

• Mensgenetika • Verbruikerswetenskappe

Liana Sturgeon Tel: +27 (0)12 420 2473 E-pos: [email protected]

Voorgraadse programme: vanaf eerste jaar tot honneurs• BSecEd(Sci)(Biologie-onderwys) • Landbou-ekonomie, Voorligting en Landelike

Ontwikkeling • Mikrobiologie • Plantpatologie • Plantproduksie • Grondkunde • Vee-en Wildkunde • Voedselwetenskap • Ekologie • Plantkunde

Dorothy TauTel: +27 (0)12 420 2723 E-pos: [email protected]

Voorgraadse programme vanaf eerste jaar tot honneurs• Wiskundige Wetenskappe • Ingenieurs- en Omgewingsgeologie • Meteorologie • Omgewingswetenskappe • Chemie • Fisika • Geologie

Daleen Hartmann Tel: +27 (0)12 420 4580 E-pos: [email protected]

Nagraadseprogramme(MScenPhD)• Wetenskapsonderwys • Geografie en Geoinformatika • Geologie • Wiskunde en Toegepaste Wiskunde • Statistiek • Dierkunde en Entomologie • Plantproduksie en Grondkunde

Johannah MashabaTel: +27 (0)12 420 4599 E-pos: [email protected]

Nagraadseprogramme(MScenPhD)• Landbouwetenskappe Spesiaal: Nagraads • Internasionale samewerking: Biologiese en Landbou-

wetenskappe• Internasionale post-doktorale genootskappe • Biotegnologie • Vee- en Wildkunde • Landbou-ekonomie, Voorligting en Landelike

Ontwikkeling• Mikrobiologie en Plantpatologie • Genetika • Waterhulpbronbestuur

Cathy Barnard Tel: +27 (0)12 420 4127 E-pos: [email protected]


Algemene inligting

Algemene inligtingFakulteitspesifieke inligting

Tel: +27 (0)12 420 3577 (Matilde Beresford), +27 (0)12 420 3244 (Marié Venter)E-pos: [email protected], [email protected]: Grondvlak,

Landbouwetenskappegebou, Hatfieldkampus

Alle algemene navrae kan gerig word aan die Kliëntedienssentrum

Tel: +27 (0)12 420 3111E-pos: [email protected]: www.up.ac.zaOuerblad: www.up.ac.za/parentsPosadres: Universiteit van Pretoria,

Privaatsak X20, Hatfield 0028Straatadres: Universiteit van Pretoria, h/v

Lynnwood- en Universiteitsweg, Hatfield 0083

GPS-koördinate na UP-kampusse

Hatfieldkampus: S25º 45’ 21”E28º 13’ 51” (hoofkampus)

UP Sportkampus (LC De Villiers): S25º 45’ 10”E28º 14’ 46” (1.2 km van Hatfieldkampus)

Groenkloofkampus: S25º 46’ 10”E28º 12’ 34” (3.5 km van Hatfieldkampus)Onderstepoort-kampus: S28º 10’ 54”E25º 38’ 52” (22 km van Hatfieldkampus)

Mamelodikampus: S25º 43’ 22”E28º 23’ 56” (12 km van Hatfieldkampus)

Prinshofkampus: S25º 43’ 57”E28º 12’ 10” (6 km van Hatfieldkampus)

GIBS-kampus: S26º 07’ 46”E28º 02’ 46” (56 km van Hatfieldkampus)

Universiteit van Pretoria bankbesonderhede

ABSATak: HatfieldTakkode: 632005Rekeningnommer: 214 000 0054Swift kode: ABSAZAJJ

Standard BankTak: HatfieldTakkode: 011545Rekeningnommer: 012 602 604Swift kode: SBZAZAJJ

Verwelkomingsdag en die Amptelike program vir registrasie en aanvang van die akademiese jaar (28 Januarie – 7 Februarie 2012)

Bywoning van die Amptelike program vir registrasie en aanvang van die akademiese jaar is verpligtend vir alle nuweling eerstejaarstudente. Die program is saamgestel om jou akademies gereed te maak sodat jy die oorgang van hoërskool na universiteit suksesvol kan doen.

Institusionele Vaardigheidstoets (IVT)

Die Universiteit van Pretoria verwag van voornemende student om ŉ Institusionele Vaardigheidstoets (oftewel die Nasionale Normtoets) af te lê. Besonderhede van hierdie toets sal skriftelik aan jou gekommunikeer word.

KontakinligtingTel: +27 (0) 21 650 3523Webwerf: www.nbt.ac.za

Aansoeke

Nuwe studente mag slegs registreer na suksesvolle toelating. Indien voorwaardelik toegelaat, moet jy steeds voldoen aan die fakulteitsvereistes van die Fakulteit waar jy wil registreer met jou Graad 12 NSS-uitslae aan die einde van die jaar. Nuwe studente sal dus eers kan registreer nadat hulle aansoek en toelatingsproses goedgekeur is. Voorwaardelike toelating is gebaseer op die uitslae behaal in die Graad 11-eindeksamen. Neem asseblief kennis dat die finale Graad 12 NSS-uitslae steeds die bepalende faktor vir toelating is. Neem ook kennis dat die voldoening aan die minimum vereistes nie noodwendig toelating tot enige studieprogram waarborg nie.

Laat aansoeke. Voordat jy ŉ laat aansoek indien, kontak asseblief die Fakulteitsadministrasie-konsultant om te bepaal of daar nog plekke beskikbaar is. Indien die studieprogram nie om keuring onderworpe is nie, en indien die Fakulteit nog plek beskikbaar het, sal jou aansoek oorweeg word. Laat aansoeke word alleenlik aanvaar op voorwaarde dat daar aan al die toelatingsvereistes vir die toepaslike grade voldoen word. Sou ’n student nie voldoen aan die vereistes nie, sal die student se aansoek nie oorweeg word nie. Aansoekfooie is nie terugbetaalbaar nie. ŉ Graad 12-Nasionale Senior Sertifikaat (NSS) met universiteitsvrystelling (endossement) word vereis indien Graad 12 behaal is voor 2008.

Toelating

Voornemende studente met ŉ NSS-kwalifikasie wat graag toelating tot enige van die nege fakulteite van die Universiteit van Pretoria wil bekom, moet aan die volgende toelatingsvereistes voldoen:• die minimum statutêre en institusionele vereistes vir

graadstudies• erkende en toepaslike kombinasies van vakke• die vereiste Toelatingspunttelling (TPT) soos

gestipuleer in die regulasies en leerplanne van elke fakulteit

• Engels en/of Afrikaans op Graad 12-vlak


Algemene inligting

Die berekening van die TPT is gebaseer op ŉ kandidaat se prestasie in enige ses 20-kredietvakke (nie slegs aangewese vakke nie) deur gebruik te maak van die onderstaande sewe-puntgraderingskaal.

Prestasie Prestasievlak Punt7 Uitstaande prestasie 80-100%6 Verdienstelike prestasie 70-79%5 Wesenlike prestasie 60-69%4 Voldoende prestasie 50-59%3 Middelmatige prestasie 40-49%2 Elementêre prestasie 30-39%1 Nie behaal nie 0-29%

Lewensoriëntering word uitgesluit by die berekening van die TPT.

Taalbeleid en onderrigmedium

Wat onderrig betref, maak die Universiteit van twee amptelike tale gebruik, naamlik Afrikaans en Engels. By formele onderrig is die onderrigmedium óf Afrikaans óf Engels, óf albei tale, indien daar ‘n aanvraag is, en dit akademies en ekonomies regverdigbaar is. Dit bly egter steeds ‘n student se verantwoordelikheid om jaarliks vas te stel in watter taal ‘n module en alle verdere vlakke van die module aangebied word. Wat administratiewe en ander dienste betref, is ‘n student daarop geregtig om te kies of die Universiteit in Afrikaans of Engels met hom of haar moet kommunikeer.

Akademiese Inligtingbestuur

Akademiese Inligtingbestuursmodules (AIM101 of [AIM111 en AIM121] afhangende van jou program), is verpligtend vir alle nuweling eerstejaarstudente.• AIM101 word in die eerste of tweede semester

aangebied afhangende van jou program.• AIM111 sal in die eerste semester en AIM121 in die

tweede semester aangebied word.• Daar is geen vrystellingseksamens beskikbaar vir

AIM101 of (AIM111 en AIM121) nie.

Verpligte Akademiese Geletterdheidstoets vir geregistreerde eerstejaarstudente

LET WEL: Die Akademiese Geletterdheidstoets vervang nie die Nasionale Normtoets (NBT) nie.

• ‘n Student met ‘n hoë akademiese potensiaal kan ‘n onvoldoende vlak van akademiese geletterdheid hê wat akademiese sukses kan belemmer. Daarom word die akademiese geletterdheidsvlakke van alle nuweling eerstejaarstudente aan die Universiteit van Pretoria deur middel van ‘n gestandaardiseerde Akademiese Geletterdheidstoets gemeet. Indien nodig, moet studente op grond van hul risikovlak ŉ gepaste akademiese geletterdheidskursus volg.

• Die Akademiese Geletterdheidstoets word eenmalig geskryf en is verpligtend vir alle nuweling eerstejaarstudente, ongeag of die student reeds ŉ toelatingstoets afgelê of ŉ taalkursus deurloop het. As die student later van studierigting verander, hoef die student nie weer die Akademiese Geletterdheidstoets te skryf nie.

• Studente mag die Akademiese Geletterdheidstoets in Engels óf Afrikaans aflê. Studente in die fakulteite Gesondheidswetenskappe en Veeartsenykunde word egter verplig om die toets in Engels af te lê. Raadpleeg asseblief jou Amptelike program vir registrasie en aanvang van die akademiese jaar vir tye en lokale vir die skryf van die Akademiese Geletterdheidstoets.

Beurse en lenings

Nuwe voorgraadse studente wat inskryf vir studieprogramme moet die onderstaande minimum gemiddelde persentasies behaal om vir ŉ merietebeurs te kwalifiseer.

Nuwe voorgraadse prestasiebeurse waardes: 2012

Fakulteit/Skool Fakulteit Natuur- en Landbou-wetenskappe

Skool vir Ingenieur-swese en die Bou-

omgewing

Skool vir Inligting-tegnologie

Ander fakulteite en skole

Kwalifiserende gemiddelde % 75-100% 75-100% 80-100% 80-100%

Minimum beurswaarde R11 300 R11 300 R11 300 R7 700

Maksimum beurswaarde R26 500 R26 500 R22 700 R20 300


Algemene inligting

Beurse vir prestasie op ander akademiese terreine en buitemuurse aktiwiteite: 2012

Entrepreneurskap R2 400

Expo Goue Medalje R2 400

Vakolimpiades: Algehele wenner R6 400

Vakolimpiades: 2de–10de plek R2 400

Wetenskap/Wiskunde/Rekeningkunde: Algehele wenner R33 300

Wetenskap/Wiskunde/Rekeningkundge:2de plek R26 600

Wetenskap/Wiskunde/Rekeningkunde: 3de plek R20 000

Wetenskap/Wiskunde/Rekeningkunde: 4de–10de plek R2 400

20 Toppresteerder nuweling eerstejaarstudente R20 200

JuniorTukkie Ontwikkelingsprogram (15 beurse) R11 600

Graad 12 Dux-leerders* van 678 geselekteerde voederskole (1 beurs per skool)*Top akademiese presteerder in Graad 12

Aanvangsbetaling vir onderriggelde tydens registrasieperiode (R3 500)

Vrywaring: Die Universiteit behou die reg voor om die regulasies en voorwaardes van toepassing op die toekenning van beurse en lenings sonder kennisgewing te wysig. Besoek www.up.ac.za/fao vir die nuutste inligting.

Gelde betaalbaar

Die beraamde onderriggelde in die Fakulteit Natuur- en Landbouwetenskappe vir 2012 is soos volg:• Biologiese Wetenskappe: R31 550 tot R34 000• Landbou- en Voedselwetenskappe: R22 750 tot R28 750• Fisiese Wetenskappe: R31 040 tot R33 650• Wiskundige Wetenskappe: R34 650 tot R34 750

Hierdie bedrag is onderhewig aan verandering en moet nie as die finale koste beskou word nie. Voornemende studente word aangeraai om bedrae aan te pas vir kostestygings.

Heffing Betaling vereis Betaaldatum Bedrag 2012

Ad hoc-heffings • Aansoekgeld (nie terugbetaalbaar nie)

• Internasionale administratiewe heffing

• Betaalbaar in jaar wat studie voorafgaan

• Betaalbaar voor of tydens registrasie

R220

R2 500

Aanvaardingsheffing van toepassing op ŉ toegekende plek vir studie- en/of losies

Betaling gelyk aan eerste paaiement word vereis ten einde aanvaarding van toegekende studieplek te bevestig:• Studieplek• Losiesplek

Betaling met kennisgewing van plasing

• Studieplek• Losiesplek

R3 500R4 000

Kansellasieheffings Indien ŉ studie- en/of losiesplek wat aanvaar is, nie opgeneem word nie, sal kansellasiegeld gehef word

Heffing word van die aanvaardingsbetaling verhaal

• Studieplek• Losiesplek

R1 750R2 000

Aanvangsbetalings (eerste paaiement)

Onderriggeld• Nagraadse studente wat registrasie hernu

• Alle ander studente (voor- en nagraads)• Losiesgeld

Betaalbaar voor of tydens registrasie indien nie reeds ter aanvaarding van ŉ studieplek betaal is nie

Betaalbaar indien nie reeds ter aanvaarding van losiesplek betaal is nie

R2 400

R3 500R4 000

Tweede paaiement 50% van gelderekening Voor of op 30 AprilDerde paaiement 100% van gelderekening Voor of op 31 Julie


Algemene inligting

Akkommodasie

Hatfieldkampus:• Dameskoshuise: Asterhof, Erika, Jasmyn, Katjiepiering,

Madelief, Klaradyn, Magrietjie en Nerina• Manskoshuise: Boekenhout, Kollege, Maroela,

Mopanie, Olienhout en TaaibosEnkelkamers: R21 600Dubbelkamers: R19 900Etes (indien 100% van die etes genuttig word): R26 200

• Tuks Village: Eenhede vir dames• Tuks Village: Eenhede vir mans

Enkelkamers: R24 300Etes (indien 100% van die etes genuttig word): R26 200

Groenkloofkampus: Fakulteit Opvoedkunde• Dameskoshuise: Zinnia, Lilium en Inca• Manskoshuis: Kiaat

Enkelkamers: R21 600Dubbelkamers: R19 900Etes (indien 100% van die etes genuttig word): R26 200

Mamelodikampus:• Gemengde koshuis: Tuks Naledi

Dubbelkamers: R19 900Etes (indien 100% van die etes genuttig word): R26 200

Onderstepoortkampus: Fakulteit Veeartsenykunde• Gemengde koshuis: Onderstepoort

Enkelkamers: R21 600Dubbelkamers: R19 900Blok A en B: R26 600 Blok C: R30 000 Blok D (woonstel): R40 000 Etes (indien 100% van die etes genuttig word): R26 200

Privaatakkommodasie

Privaatakkommodasie is beskikbaar en die volgende nommers kan gekontak word in hierdie verband:

Arlon PropertiesTel: +27 (0)12 362 5499 E-pos: [email protected]

City PropertyTel: +27 (0)12 362 4473 E-pos: [email protected]

Off-campus RentalTel: +27 (0)12 362 6123 of 083 438 2548 E-pos: [email protected]

SonopTel: +27 (0)12 460 7830/5723 E-pos: [email protected]

South PointTel: +27 (0)12 341 1762 E-pos: [email protected]

Opedag

Datum: 19 Mei 2012Tyd: 08:00-14:00

Die volgende persone moet die Opedag bywoon:• Graad 12-leerders wat reeds bevestiging ontvang het

dat hulle voorlopig toegelaat is

• Graad 12-leerders wat aan die toelatingsvereistes voldoen en wat hulle aansoekvorms wil inhandig

• Graad 11-leerders wat feitlik seker is dat hulle wel by UP gaan aansoek doen

• Die ouers van bogenoemde leerders

TuksSport

Tel: +27 (0)12 420 6069Faks: +27 (0)12 420 6095E-pos: [email protected]: www.up.ac.za

Departement Studentesake

Die Studentedekaan is die hoof van die Departement Studentesake. Sy kantore is in die Roosmaryngebou op die Hatfieldkampus. Die Departement Studentesake bestaan uit twee afdelings: Studente-ondersteuning en Studente-ontwikkeling.

Afdeling Studente-ondersteuning

Hierdie afdeling sluit in Studentegesondheid, Studenteberading en die Eenheid vir studente met spesiale behoeftes.

Dienste wat die Afdeling vir Studente-ondersteuning bied:• Akademiese ontwikkeling. Loopbaanvoorligting

en assessering, studiemetodes en leeskursusse, stresbestuur, psigometriese toetsing, tydsbestuur, loopbaanbeplanning.

• Potensiaalontwikkeling. Konflikbestuur, kommunikasie-vaardighede, doelwitstelling, probleemoplossing.

• Individuele en verhoudingsberading. Interpersoonlike probleme, stres, depressie, eetversteurings, lewenstrauma, emosionele probleme, ontwikkeling van lewensvaardighede.

KontakinligtingTel: +27 (0)12 420 2333E-pos: [email protected]: Studentesakegebou, K2-13,

Hatfieldkampus

Bykomend tot die dienste van die Afdeling Studente-ondersteuning, kan studente ook die krisislyn (0800 006 428 tolvry) skakel.

Afdeling Studente-ontwikkeling

Die volle spektrum van georganiseerde studentelewe is in hierdie afdeling te vinde, insluitende:

Studenteparlement (SP)Verteenwoordigende Studenteraad (VSR)Grondwetlike Tribunaal (Studentehof)DaghuiseFakulteitshuiseMeer as 100 godsdienstige, kulturele, akademiese, politieke en ander verenigingsJool (Jou Onbaatsugtige Opoffering vir Liefdadigheid)Stuku (studentekultuur)Perdeby (studentekoerant) TuksFM (kampusradiostasie)Studentesport

KontakinligtingTel: +27 (0)12 420 6600/1411Ligging: Roosmaryngebou, Hatfieldkampus

Diensverskaffers


Algemene inligting

Biblioteekdienste

Die Departement Biblioteekdienste huisves ŉ moderne akademiese navorsingsbiblioteeknetwerk van wêreldgehalte wat oor die kampusse van die Universiteit versprei is. Hierdie diens ondersteun die Universiteit van Pretoria se fakulteite deur middel van pasgemaakte dienste vir voor- en nagraadse studente, personeel, alumni en besoekende akademici. Alle dienste is sodanig ontwerp dat dit ŉ poort tot wêreldwye inligting skep, asook leer, onderrig en navorsing ondersteun deur interaksie met professionele personeel.

Belangrike inisiatiewe behels onder meer ŉ e-diens (aanlyn); toegang tot ŉ wye verskeidenheid gedrukte en elektroniese versamelings; ŉ leersentrum by die Merenskybiblioteek en aanlynondersteuning met opdragte aan voorgraadse studente; ŉ aanlynverwysingsdiens (Vra-’n-Inligtingkundige); draadlose internettoegangsgebiede (“wireless hotspots”); soekenjins wat toegang tot elektroniese vaktydskrifte, boeke en databasisse verleen; elektroniese proefskrifte en verhandelings; ŉ institusionele digitale bewaarplek; ŉ verskeidenheid oudiovisuele materiaal; geriewe vir liggaamlik gestremdes; en fasiliteite vir interbiblioteeklenings by nasionale en internasionale versamelings. Al hierdie dienste dra aktief by tot ŉ leeromgewing van wêreldgehalte. Verdere inligting is beskikbaar by www.library.up.ac.za.

Merenskybiblioteek(Hatfieldkampus)Tel: +27 (0)12 420 5375/6Ligging: Departement Biblioteekdienste,

Lynnwoodweg, Hatfieldkampus

BasieseMedieseWetenskappeenTandheelkunde-biblioteek(Prinshofkampus)E-pos: [email protected]: +27 (0)12 319 2242 Ligging: Basiese Mediesewetenskappegebou,

Bopheloweg 9, Gezina

Opvoedkundebiblioteek(Groenkloofkampus)E-pos: [email protected]: +27 (0)12 420 5536 Ligging: Mediagebou, h/v George Storrar- en

Leydsstraat, Groenkloof

Gesondheidswetenskappebiblioteek (Prinshofkampus)E-pos: [email protected]: +27 (0)12 354 2298/1440 Ligging: Fakulteit Gesondheidswetenskappe,

HW Snymangebou, Bopheloweg 31, Gezina

Klinikalabiblioteek (bydieKalafongAkademieseHospitaal)Tel: +27 (0)12 373 1031 Ligging: Klinikalagebou, Klipspringerweg,

Atteridgeville

MamelodibiblioteekE-pos: [email protected] Tel: +27 (0)12 842 3566 Ligging: Mamelodikampus, h/v Hinterlandlaan

en Hans Strijdomrylaan, Mamelodi

MusiekbiblioteekE-pos: [email protected] Tel: +27 (0)12 420 2317 Ligging: Departement Biblioteekdienste,


OliverRTambo-biblioteek(Regsbiblioteek)E-pos: [email protected] Tel: +27 (0)12 420 2268 Ligging: Regsgeleerdheidgebou,


JotelloFSoga-biblioteek(Onderstepoortkampus)E-pos: [email protected] Tel: +27 (0)12 529 8007/8/9 Ligging: Arnold Theilergebou, Fakulteit

Veeartsenykunde, Onderstepoort

Witbankbiblioteek E-pos: [email protected] Tel: +27 (0)13 653 2342 Ligging: Witbankhospitaal, h/v President- en

Coert Steynberglaan, eMalahleni

Normale biblioteekure

Maandag,WoensdagDonderdag

Dinsdag Vrydag Saterdag

Hatfieldkampus 07:30-21:00 08:30-21:00 07:30-20:00 08:30-13:00

Regsgeleerdheid 07:30-21:00 08:30-21:00 07:30-20:00 08:30-13:00

Groenkloof 07:30-21:00 08:30-21:00 07:30-20:00 08:30-13:00

Gesondheidswetenskappe 07:30-20:00 08:30-20:00 07:30-20:00 08:30-14:00

BMWenTandheelkunde 07:30-17:00 08:30-17:00 07:30-16:00 Gesluit

Musiek 07:30-19:00 08:30-19:00 07:30-16:00 09:00-13:00

Veeartsenykunde 07:30-18:00 08:30-18:00 07:30-18:00 08:30-12:30

Mamelodi 07:30-16:00 08:30-16:00 07:30-16:00 08:00-13:00

Normale studiesentrum-ureWeeksdae: Oop 24-uur per dagSaterdae: 06:00-18:00Sondae en open-bare vakansiedae: Gesluit tensy anders vermeld

© R

udi v

an A

arde


Algemene inligting

Mediesedekkingŉ Bewys van mediesefondslidmaatskap, vooruitbetaal vir die volle akademiese jaar, moet ingedien word.

Mediese dekking wat deur die Universiteit van Pretoria aanvaar word:

• MomentumHealth(Ingwe-opsie)Tel: +27 (0)12 671 8511E-pos: [email protected]: www.ingwehealth.co.za

• BESTmedMedieseSkema(Blueprint-studenteopsie)Tel: +27 (0)12 339 9800 of 086000 2378

of 086000BESTE-pos: [email protected]: www.bestmed.co.za

Hoër Onderwys Suid-Afrika (Higher Education South Africa – HESA)

Voornemende studente wat nie Suid-Afrikaanse burgers is nie, moet die webblad www.up.ac.za/ISD vir meer inligting besoek. Voornemende studente kan aanlyn aansoek doen by www.up.ac.za/aansoeke. Die akademiese jaar van Suid-Afrikaanse universiteite strek vanaf Januarie tot Desember.

HESA benodig die volgende dokumente vir ‘n aansoek om ‘n vrystellingsertifikaat: • Afskrifte van jou kwalifikasie as korrek gesertifiseer

deur die Registrateur van ‘n Suid-Afrikaanse universiteit, of ‘n Suid-Afrikaanse ambassade of konsulaat in die buiteland of ‘n notaris. Let wel: Uitslagstate, faksafskrifte en afskrifte gesertifiseer deur ‘n kommissaris van ede word nie aanvaar nie

• ‘n Gesertifiseerde afskrif van die Suid-Afrikaanse identiteitsdokument, slegs in die geval van persone met permanente verblyf of ‘n geldige paspoort wat die volle name asook die geboortedatum aandui, paspoortnommer en foto, of ‘n gesertifiseerde afskrif van die geboortesertifikaat

• Voltooide M30E-vorm (www.hesa-enrol.ac.za/mb – gaan na “Applications”)

Hierdie voorvereiste geld vir alle studente wat by die Universiteit van Pretoria vir voorgraadse studies wil inskryf. Hierdie sertifikate kan slegs van HESA bekom word. Om hierdie sertifikaat te bekom, moet jy direk met HESA in verbinding tree. Die Universiteit van Pretoria kan nie namens jou hierdie sertifikate aanvra nie.

Kontakinligting(HESA)Tel: +27 (010) 591 4401/2Faks: +27 (0)12 481 2922 or 481 2718E-pos: [email protected]: www.hesaenrol.ac.za/mbLigging: Unisa Sunnyside-kampus, Gebou 3,

Vlak 1, hoek van Rissik- en Mearsstrate, Sunnyside, Pretoria

Posadres: Posbus 3854, Pretoria 0001

Internasionale studente

Belangrike inligtingAlle internasionale studente moet voor registrasie by die Internasionale Studenteafdeling aanmeld. Die Kliëntedienssentrum (KDS) sal vanaf 3 Januarie 2012 oop wees.

Kontakinligting:Tel: +27 (0)12 420 3111E-pos: [email protected]: www.up.ac.za/ISDLigging: Kliëntedienssentrum, Hatfieldkampus

Algemene inligtingNie-Suid-Afrikaanse burgers moet bewys van hulle amptelike status in Suid-Afrika, asook ŉ bewys van voldoende mediese dekking by die Internasionale Studenteafdeling in die KDS indien voordat hulle sal kan registreer.

Stawende dokumentasieLet asseblief daarop dat studente afskrifte van dokumente soos hierin vermeld, gereed moet hê voordat hulle na die Internasionale Studenteafdeling in die KDS gaan. Afskrifte kan by Xerox (in die Studentesentrum) gemaak word.

Alle internasionale studente moet hul oorspronklike dokumente toon en twee afskrifte van elk van die volgende dokumente indien: • die Internasionale Studente-inligtingsvorm, voltooi en

geteken• ŉ geldige paspoort of identiteitsdokument • (in die geval van studente met permanente verblyf in

Suid-Afrika)• ŉ geldige studiepermit vir studie aan die Universiteit

van Pretoria• OF asielversoekerspermit• OF sertifikaat van vlugtelingstatus• OF diplomatieke paspoort • (nie ŉ diplomatieke kaart nie)• bewys van mediese dekking (mediese dekking moet

vir ŉ jaar – Januarie-Desember – vooruit betaal wees)

Bogenoemde dokumente moet by ŉ internasionale konsultant ingedien word en die inligting moet ingelees word alvorens jy kan registreer.

Studiepermit• Studente moet in besit wees van ŉ geldige studiepermit

voordat hulle na Suid-Afrika vertrek. Dit is nie meer moontlik om ŉ eerste studiepermit in Suid-Afrika te bekom nie.

• Aansoek om ŉ studiepermit kan by die naaste Suid-Afrikaanse Ambassade of kantoor van die Hoë Kommissaris in jou tuisland of ŉ Ambassade of Hoë Kommissaris in ŉ buurland ingedien word.


Algemene inligting

Omskakelingstabel vir Toelatingspunttelling (TPT)

TPT NSS SS HGM-telling

SS SGM-telling

'HIGCSE /NSSC HL'

'IGCSE/ GCSENSSC OL/O-level'

'AS-level' 'A-level' 'IB HL' 'IB SL' TPT

Gr 11 Gr 1210 A 7 109 98 B 6 87 7 (80–100%) A 1 A A C 5 7 76 6 (70–79%) B A 2 B B D 4 6 65 5 (60–69%) C B 3 C A C E 3 5 54 4 (50–59%) D C D B D 2 4 43 3 (40–49%) E D 4 E C E 1 3 32 2 (30–39%) F E F D/E 2 21 1 (0–29%) G F G F/G 1 1

NSS – Nasionale Senior Sertifikaat (Graad 12 voltooi gedurende of na 2008)SS HG – Senior Sertifikaat Hoërgraad (Graad 12 voltooi voor 2008)SS SG – Senior Sertifikaat Standaardgraad (Graad 12 voltooi voor 2008)HIGCSE – ‘Higher International General Certificate of Secondary Education’ IGCSE – ‘International General Certificate of Secondary Education’ NSSC – ’namibia Senior Secondary Certificate’A-level – ‘Advanced level’O-level – ‘Ordinary level’AS-level – ‘Advanced Subsidiary level’IB – ‘International Baccalaureate Schools’ (higher levels and standard levels)

Vrywaring: Hierdie publikasie bevat inligting oor reëls, beleide, onderriggelde, kurrikula en programme van die Universiteit soos van toepassing ten tyde van die druk daarvan. Wysigings aan, of opdatering van die inligting in hierdie publikasie mag van tyd tot tyd sonder voorafkennisgewing geskied. Die akkuraatheid, betroubaarheid of geldigheid van die inligting vervat in hierdie publikasie word derhalwe nie deur die Universiteit op enige gegewe tydstip gewaarborg nie en is onderhewig aan verifiëring. Die gebruiker word versoek om deurgaans die korrektheid van die gepubliseerde inligting met die Universiteit te bevestig. Versuim om hieraan te voldoen, sal nie aanleiding gee tot enige eis of aksie van enige aard teen die Universiteit deur enige party hoegenaamd nie.


Notas

Notas

voorgraadse fakulteitsbrosjure natuur- en ... · navorsingsvennootskap (sera), skep ongekende...

Documents