konseptong papel assignment
TRANSCRIPT
Gavin S. Golingan BSIT – 2A
ANG KONSEPTONG PAPEL
Ang konseptong papel ay isang kabuuan ng ideyang nabuo mula sa isang gawaing
balangkas o framework ng paksang bubuuin. Sa tulong ng konseptong papel, na magsisilbing
isang proposal, maihahanda na ang binabalak na pananaliksik.
Ang framework ay ang pinaka-istruktura at pinakabuod ng isang ideya na tumatalakay sa
nais na patunay, linawin, o tukuyin.
Bahagi ng Konseptong Papel
Rasyunal (Rationale) – ang pagtukoy ng pinagmulang motibasyon o inspirasyon ng
pagsisiyasat. Taglay ng rasyunal ang pinagmulan ng ideya o kadahilanan kung bakit
napili ang isang paksa. Ang kabuluhan at kahalagahan ng naturang paksa o pag-aaral ay
inilalahad sa puntong ito.
Halimbawa:
Paksa: Information Technology: Daan sa Makabagong Panahon
Rasyunal: Bago sumapit ang makabagong teknolohiya katakot-takot na pasakit at
paghihirap ang ating dinanas upang makatanggap ng o makapagpadala ng mensahe.
Ilang araw o buwan ang kailangang lumipas bago matanggap ang liham. Kuntento na rin
na isang beses makapag-usap dahil mahal ang overseas long distance. Samakatuwid,
mabagal ang paraan ng komunikasyon.
Sa paglipas ng panahon, tila ang Mindanao ay naging Quiapo at ang Hongkong ay
Divisoria. Kaunting pihit lang sa kompyuter ay konektado ka na sa kabilang bahagi ng
mundo. May mga pagkakataon pa ngang makausap o makita ang isa’t isa sa screen ng
kompyuter. Ang lahat ng ito ay dahil sa teknolohiya. (Julie Ebal, Wika At Lipunan Sa
Panahon Ng Impormasyon).
Layunin (Objective) – ang hangarin o pakay ng pag-aaral na nais matamo ng napiling
paksa. Maaari itong pangkalahatan(general) o tiyak (specific). Sa pangkalahatang
1
Gavin S. Golingan BSIT – 2A
layunin, ipinahayag nito ang kabuuang layon, nais gawin, mangyari o matamo sa
pananaliksik. Sa tiyak na layunin, ipinahahayag nito ang ispesipikong pakay sa
pananaliksik sa paksa.
Halimbawa:
Paksa: Ang Wikang Filipino Sa Larangan Ng Text Messaging
Pangkalahatang Layunin: Malalaman ang tungkuling ginagampanan ng wikang Filipino
sa larangan ng text messaging.
Mga Tiyak Na Layunin:
1. Natutukoy ang lawak at hangganan ng paggamit ng Filipino sa larangan ng text
messaging;
2. Naibibigay ang mga paraan ng paggamit ng mensahe sa Filipino gamit ang text
messaging;
3. Nailalahad ang implikasyon ng pagpapaikli ng pahayag sa Filipino gamit ang text
messaging.
Metodolohiya (Methodology) o Pamamaraan ng Pananaliksik - mga balak na hakbang sa
pangangalap ng datos at pag-iimbestiga ukol sa napiling paksa. Ang paraan (technique)
at pamamaraan (method) na ginagamit sa pagkuha ng datos at pagsusuri ng piniling paksa
sa pananaliksik ay nasa bahagi ng metodolohiya. Maaaring gamitin sa pagkuha ng datos
ang serbey, questionnaire, case study, obserbasyon, intervyu at iba pa. Kung magsusuri,
magagamit ang paraang empirical, komparatibo, interpretasyon o pagpapakahulugan.
Magagamit ang mga ito depende sa larangang gagamitin.
Inaasahang Bunga (Expected Outcome/Output) - ilalahad sa bahaging ito ang resulta ng
isinasagawang pananaliksik. Maaarig banggitin dito ang mga idinagdag gaya ng
apendiks.
Direktang sipi - pagtatala sa eksaktong ginamit na salita sa pinagkuhanan ng datos at ito ay
nakapaloob sa mga sipi.
2
Gavin S. Golingan BSIT – 2A
Sinopsis (Buod) - pagpapaikli sa orihinal na teksto sa pamamagitan ng pagpapahayag muli sa
sariling pananalita. Ito’y nasa anyong patalata at hindi sa anyong pabalangkas. Maikling buod
ito nguni’t malaman.
Presi (Précis) - tiyak na paglalahad ng mahahalagang ideya ng isang mahabang prosa o berso
gamit ang sariling salita.
Parapreys (Paraphrase) - may eksaktong katapat na ibig sabihin ng orihinal na akda.
Abstrak (Abstract) - pahayag o pangungusap na binubuod ang mga mahahalagang impormasyon
o ideya mula sa teksto.
WEBLIOGRAPHY
Facebook – https://www.facebook.com/notes/uap-block-k-2010/akademikong-pagsulat-grp3/193882243965848
Slideshare – http://www.slideshare.net/jakeDsnake/ang-pagbuo-ng-konseptong-papel-3227289
3