1

2

Qophii: sammubani.com (Jibriil Abdallaa)

3

QABIYYEE

Seensa ................................................................................................................................... 4

Maqaalee fi Sifaata Rabbii olta’aa muraasa.......................................................................... 5

Gara Iimaanaa (amanuu) fi Arjoominnaa Waamu .............................................................. 14

Namoonni Iimaanatti, Arjoominnaa Fi Qabsootti Dursan Mindaa fi Sadarkaan Isaanii

Guddaadha .......................................................................................................................... 17

Liqaa Gaarii ..................................................................................................................... 19

Ifa Mu'mintootaati fi Gammachuu Isaanii .......................................................................... 23

Guyyaa Munaafiqonni Ifa Dhabanii fi Dallaa Rahmataa Seenuu Irraa Dhoowwaman ...... 24

Barnoota Asirraa Barannu ............................................................................................... 28

Yeroon Qalbiin Warra Amananii Zikrii Rabbii fi Qur’aanaaf Laaftu Hin Geenyee? ......... 31

Warri Sadaqatanii fi Karaa Rabbii Keessatti Qabeenya Ofii Arjooman Mindaa Dachaa

Argatu ................................................................................................................................. 35

Warri Rabbii fi Ergamtoota isaatti amanan warra sirritti dhugaa ta’aniidha ...................... 36

Haqiiqaa (Dhugaa) Jireenya Addunyaa .............................................................................. 40

3-Az-Ziinat (Faaya) ......................................................................................................... 44

4-Dhaadannoo (At-Tafaakhur) ........................................................................................ 49

5-Baay’ifachuu ................................................................................................................ 53

Jireenyi addunyaa faaydaa nama gowwoomsituudha ..................................................... 55

Guduunfaa ................................................................................................................... 61

Gara araaramaa Gooftaa keessaniitii fi Jannataatti wal dursaa ........................................... 62

Rakkoon isin tuqe durse kan galmaa’edha hin gaddinaa, qananiin isin argattanis dursee

kan galmaa’edha ittiin of hin tuulinaa ................................................................................ 63

Akka namoonni haqaan hojjataniif Ergamtoonni Ergaman ................................................ 66

Amanti keessatti wanta haarawa uumuu ......................................................................... 70

Badhaasa namni Rabbiin sodaatu fi Ergamaa Isaatti amane argatu .................................... 74

Guduunfaa ........................................................................................................................... 75

4

SEENSA

Alhamdulillah Rabbil aalamiin, hanga ammaatti gargaarsa Mawlaatin suuralee

(boqonnaalee) Qur'aanaa waa'ee Guyyaa Qiyaamaa dubbatan ibsa waliin ilaalaa

turreera. Dhugumatti, boqonnaaleen kunniin haala ajaa'ibaatin gahuumsa namaati fi

waa'ee Qiyaamaa sirritti ibsu. Ragaalee qalbii yaqiinan (mirkaneefannaan) guutan

dhiyeessu. Namni ragaalee kanniin arguun Qiyaamaan dhugaa ta'uu erga

mirkaneefatee fi gahuumsi ilma namaa eessa akka ta'e erga beeke, gaafi kana

gaafachuun isaa hin oolu: "Guyyaa Qiyaamaa fi Gahuumsa kana gahuuf maaltu na

barbaachisaa? Namni jireenya addunya keessatti gahuumsa dhumaa gahuuf

deemsarra jira. Kanaafu, gahuumsa dhumaa gahuuf akka galaatti (siinqiitti) maal

qabadhee deemu qabaa?"

Eeyyeen, Qur'aanni kana hundaaf deebii quubsaa ni kenna. Deebii kana kennuuf

suuratu Al-Hadiid filanne. Suuratu Al-Hadiid namni gahuumsa dhumaa gahuuf maal

gochuu akka qabu haala ajaa'ibaatin ibsiti. Jalqaba irratti, hundee iimaanaa kan ta'e

Rabbitti amanuu irraa jalqaba. Sifaata (amaloota) Isaa ni dubbata. Kanaafu, galaa

jalqabaa namni gahuumsa dhumaa gahuuf fudhachuu qabu iimaana waan ta'eef,

sifaata Rabbii erga ibsee booda "Aaminu billah wa rasuulihi (Rabbii fi Ergamaa

Isaatti amanaa)" jedha. Itti aansun qabeenya irraa akka arjooman affeera. Kuni galaa

guddaa gahuumsa gahuuf nama gargaarudha. Itti aansun Qiyaaman haqa taate tuni

yommuu dhaabbattu haala mu'mintootaa fi munaafiqoota dubbata. Mu'mintoonni

amanuu fi hojii gaggaarii hojjachuun galaa (siinqi) qopheefataa waan turaniif

Guyyaa dukkanaa san ifni isaan fuundura fiiga. Munaafiqonni immoo amanuu fi

hojii gaari hojjachuu waan didaniif galaa hin qopheefanne. Kanaafu, ifa dhabuun

dukkana keessa raata'u. Itti aansun warra amananii fi hojii gaggaari hojjatan ni

faarsa. Mindaa isaanii ni dubbata. Achiin booda haqiiqa (dhugaa) jireenya addunyaa

haala ajaa'ibaatin fakkeenyaan ibsa. In sha Allaah kanniin hundaa ibsa waliin

bal'innaan ilaalla. Hanga xumuraatti waliin turuuf isin qophiidhaa? Suurah tanaan

hurrii fi dukkanni baay'een akka namarraa deemu abdi qabna. Haa jalqabnu...

https://sammubani.files.wordpress.com/2020/01/tafsiira-suuratu-al-qiyaamaaal-insaan-mursalaat-naba-fi-naaziaat.pdfhttps://sammubani.files.wordpress.com/2020/01/tafsiira-suuratu-al-qiyaamaaal-insaan-mursalaat-naba-fi-naaziaat.pdf

5

Maqaalee fi Sifaata Rabbii olta’aa muraasa

يمه ٱ لَرِنَٰمۡحٱ ّلَله ٱِمۡسِب ﴿ ﴾لرَحهMaqaa Rabbii Ar-Rahmaan Ar-Rahiim ta’een [jalqaba]

“(1)-Wanti samiiwwanii fi dachii keessa jiru hundi Rabbiin qulqulleessa. Inni

Injifataa, Ogeessa. (2)-Mootummaan samiiwwanii fi dachii kan Isaati; ni

jiraachisa ni ajjeesa. Inni waan hundaa irratti Danda’aadha. (3)-Inni Al-

Awwal, Al-Aakhir, Az-Zaahir, Al-Baaxin. Inni waan hundaa beekadha.”

Suuratu Al-Hadiid 57:1-3

“Wanti samiiwwanii fi dachii keessa jiru hundi Rabbiin qulqulleessa.” Kana

jechuun wantoonni samii torbanii fi dachii keessa jiran hundi Rabbii olta’aa

hanqinna hundarraa Isa faarsuun qulqulleessu. Wantoonni samii fi dachii keessa

jiran hundi Isaaf gadi jedhu, jabeenyaa fi aangoo Isaatiif masakamu. Kanaaf ni

jedha: “Inni Injifataa Ogeessa.” Kana jechuun uumamtoota Isaa irratti

Injifataadha, wanti hundi Isaaf gadi jedhu. Murtii Isaa jalaa gonkumaa bahuu hin

danda’an. Wanti Isa injifatu tokkollee hin jiru. Uumamtoota uumuu, dhimmoota

Isaanii qindeessu, ajajuu fi dhoowwu keessatti Inni Ogeessa. 1 Ogeessa jechuun

beekumsa guutuu kan qabu, keessaa fi ala, jalqabaa fi xumura wantoota hundaa kan

beekuu fi wanta hundaa bakka isaaf malu kan kaa’udha.2

“Mootummaan samiiwwanii fi dachii kan Isaati;” Kana jechuun samiin torban,

dachii fi wantoonni isaan keessa jiran hundi kan Isaati, aangoo guutuu isaan irratti

qaba. Isaan keessatti wanti Isa diduu fi dadhabsiisu tokkollee hin jiru. Isaan keessatti

1 Tafsiiru Muyassar-537, Tafsiiru Sa’dii-987 2 https://books.islamway.net/1/3813/12117/020_26.pdf

https://books.islamway.net/1/3813/12117/020_26.pdf

6

ajajaa fi murtii Isaa hojii irra ni oolcha.3 Uumamtoota Isaa irratti aangoo guutuu

qabaachuu fi isaan keessatti ajajaa fi murtiin Isaa hojii irra ooluu wantoota agarsiisan

keessaa, jiraachisuu fi ajjeesudha. Ni jedha: “ni jiraachisa ni ajjeesa.” Kana

jechuun akka fedhetti wanta tokko argamsiisuun uumamtoota Isaa irraa wanta fedhe

ni jiraachisa. Kunis kan ta’u, copha bishaan saalaa du’aa ta’e marsaalee baay’ee

keessa erga dabarsee booda lubbuu itti afuufun lubbu-qabeessa taasisuudha.

Akkasumas, jireenyan booda lubbu-qabeenyi irraa wanta fedhe ni ajjeesa.4

Jiraachisuu fi ajjeessu Rabbii olta’aa malee eenyullee hojjachuu hin danda’u. Namni

ajjeechaaf sababa ta’aa malee gonkumaa lubbuu ykn ruuhi nama keessaa luqqisuu

hin danda’u. Akkasumas, osoo namoonni addunyaa guutuu keessa jiran walitti

qabamanii, wanta du’aatti lubbuu seensisu hin danda'an ykn jiraachisu yoo

barbaadan gonkumaa jiraachisuu hin danda’an. Mee ilaali, faranjoonni boca qaama

namaa ni kaasu, ni bocu. Garuu gonkuma boca kanatti lubbuu gochuu hin danda'an.

Saayintistoonni seeli xiqqoo lubbuu qabdu uumuuf garmalee carraaqan, garuu

gonkumaa kana gochuu hin dandeenye. Kanaafu, ajjeesu fi jiraachisu kan danda'u

Rabbii olta'aa qofa.

“Inni waan hundaa irratti Danda’aadha.” Inni wantoota hundaa irratti Dandeetti

guutuu qaba. Wanti tokkollee Isatti hin ulfaatu. Wanti Inni fedhe ni ta’a, wanti Inni

hin feene hin ta’u.

Wanti guddaan asirraa barannu, samiin torban, dachii fi wantoonni isaan keessa jiran

hundi kan Rabbii erga ta’anii, aangoo guutuu isaan irratti Kan qabu, wanta fedhe

Kan jiraachisu fi ajjeesu Isa qofa erga ta’e, Haqaan Gabbaramaan Isa qofa.

Wantoonni Isaan ala jiran aangoo fi qabaa Isaa jala jiru. Yoo Inni waa isaaniif kenne

malee waa qabaachu hin danda’an. Kanaafu, Rabbiin ala wanta biraatiif gadi jechuu

fi gabbaruun baaxila (soba guddaadha.) Ammas, Rabbiin subhaanahu wa ta’aalaa

waan hundaa irratti danda’aa waan ta’eef qorannoof, mindeessu fi adabuuf namoota

du’an lamuu ni kaasa.

“Inni Al-Awwal, Al-Aakhir, Az-Zaahir, Al-Baaxin. Inni waan hundaa

beekadha.” “He is the First [nothing is before Him] and the Last [nothing is after Him],

the Most High [nothing is above Him] and the Most Near [nothing is nearer

3 Tafsiiru Xabarii-22/384 4 Madda olii

7

than Him]. And He is the All-Knower of every thing.” Suuratu Al-Hadiid 57:3

Aayan akka ifa taatuf “Muhsin Khan” English Translation irraa fudhatame.

Akka lugaatti awwal jechuun jalqaba (first), Aakhir jechuun booda (last), zaahir-

olta’aa (most high), ifa bahaa, baaxin-keessa, dhokataa

Kunniin maqaalee Rabbii olta’aa of eeggannoo guddaa barbaachisan waan ta’aniif

mee gara hadiisaa fi aalimmani haa deebinu:

Al-Awwal-Wantoota hundaa kan durse, uumamtoonni argamuun dura Jiraataa Kan

ta’e, homtu Isa dura yookiin Isa waliin hin turre.5 Yeroo hundaa jiraataa ka’uumsa

hin qabneedha. Wantoonni Rabbiin ala jiran hundi wanta argaman, ka’uumsa

qabanii fi dhabamaan booda kan argamaniidha.

Al-Aakhir-uumamtoonni erga badanii booda Kan hafuu fi turuudha.6 Yeroo

hundaa jiraataa xumura hin qabneedha.

Az-Zaahir-wanta Isaa gadi jiran hundaa ol Kan ta’eedha. Wanti Isaa ol ta’e

tokkollee hin jiru.7

Hiikkaa Qur’aanaa garii keessatti maqaa kana Ingiliffaan, “Manifest” Amaariffaan,

“ግልፅም” jechuun hiikan. Tafsiira garii keessattis akkanuma jedhee waan ibsuuf

akka dogongoraatti akka hin ilaalle. Ibsi kanaa: ragaaleen sifaata (amaloota) Rabbii

agarsiisan ifa kan bahaniidha. Jiraachuun Isaa aduu caalaa ifa kan baheedha.

Ammas, ragaaleen Tokkichummaa Isaa, dandeetti, beekumsaa fi ogummaa Isaa

agarsiisan ifa kan bahaniidha.8

“Al-Baaxin– keessa wantoota hundaa Kan beekuudha.

‘Nama keessaa fi ala isaa yommuu beekan’ Arabiffaan ni jedhama: “Baxantu

fulaanan wa khabartuhu” (Ebaluun keessa isaa beeke). Rabbiin subhaanahu

keessaa fi ala dhimmoota hundaa beeka.

Sheykhu Sa’dii ni jedha: maqaan “Al-Baaxin” jedhu iccitii, wanta garmalee

dhoksaa, garmalee xixiqoo fi haphii ta’an beeku agarsiisa. Akkasumas, haala

guutuu ta’een dhiyoo ta’uu agarsiisa.”9

Ammas hiika Qur’aanaa garii keessatti maqaa Al-Baaxin jedhu Ingiliffaan,

“Hidden” Amaariffan “ስውርም” jechuun hiikan. Yeroo kanatti ibsi kanaa: Zaatni

5 https://books.islamway.net/1/3813/12117/007_9_10.pdf 6 Madda olii 7 Tafsiiru Xabarii-22/385, https://books.islamway.net/1/3813/12117/008_11_12.pdf 8 Tafsiir Tahriir wa tanwiir-27/362 9 https://books.islamway.net/1/3813/12117/008_11_12.pdf

https://books.islamway.net/1/3813/12117/007_9_10.pdfhttps://books.islamway.net/1/3813/12117/008_11_12.pdfhttps://books.islamway.net/1/3813/12117/008_11_12.pdf

8

Rabbii subhaanahu namoota irraa dhokataadha. Addunyaa tana keessatti namoonni

Rabbii olta’aa ijaan arguu hin danda’an.

Maqaalee armaan olii hadiisni Ergamaa Rabbii (SAW) haala kanaan nuuf ibsa:

“Yaa Rabbii! Gooftaa samiiwwanii, Gooftaa dachii, Gooftaa Arshii guddaa,

Gooftaa keenyaa fi Gooftaa waan hundaa taate. Sanyii fi firii Kan baqaqsu,

Tawraat, Injiili fi Furqaana (Qur’aana) Kan buuse [Sihi]. Sharrii wanta kallacha

isaa Ati qabde hundarraa Siin eeggama. Yaa Rabbii Ati Al-Awwal Si dura

homtu hin turre. Ati Al-Aakhir Si booda homtu hin jiru. Ati Az-Zaahir

homtu Si ol hin jiru. Ati Al-Baaxin homtu Si caalaa dhiyoon hin jiru. Ba’aa

liqaa nurraa kaasi, hiyyummaa irraa nu duroomsi.” Sahiih Muslim 2713, Ibn

Majah 3873

“Ati Al-Baaxin homtu Si caalaa dhiyoon hin jiru.” Rabbiin subhaanahu wa ta’aalaa

wantoota hundatti dhiyoodha, keessa isaanii sirritti Kan beekudha. Qur’aana

keessatti:

نَسَٰنَ ٱَولََقۡد َخلَۡقَنا ﴿ ههه ۡۡله قَۡرُب ۥ َنۡفُسهُ ۦَوَنۡعلَُم َما تُوَۡسوهُس بََوََنُۡن أ

﴾١٦لَۡورهيده ٱإهََلۡهه مهۡن َحۡبله “Dhugumatti, nama uumneerra. Waan lubbuun (nafseen) isaa itti hasaastus ni

beekna. Nuti [beekumsa Keenyan] hidda dhiigaa caalaa gara isaatti

dhiyoodha.”Suuratu Qaaf 50:16

“Inni waan hundaa beekadha” samii fi dachii keessatti wanti Isarraa dhokatu

tokkollee hin jiru. Xiqqaas guddaas, dhokataas ifa bahaas takka takkaan beeka.

https://sunnah.com/muslim/48/82https://sunnah.com/ibnmajah/34/47https://sunnah.com/ibnmajah/34/47

9

“(4)-Inni samiiwwanii fi dachii guyyoota jaha keessatti Kan uume, ergasii

Arshii irratti [olta’iinsa Isaaf malu] olta’eedha. Wanta dachii keessa seenuu fi

wanta ishii keessaa bahu, wanta samii irraa bu’uu fi wanta ishii keessatti ol

bahu ni beeka. Eessallee yoo taatan Inni isin waliin jira. Rabbiin waan isin

hojjattan Argaadha. (5)-Mootummaan samiwwanii fi dachii kan Isaati,

dhimmoonni hundi garuma Rabbii deebifamu. (6)-Halkan guyyaa keessa

seensisa, guyyaas halkan keessa seensisa. Inni Beekaa wanta qoma keessa

jiruuti.” Suuratu Al-Hadiid 57:4-6

“Inni samiiwwanii fi dachii guyyoota jaha keessatti Kan uume, ergasii Arshii

irratti [olta’iinsa Isaaf malu] olta’eedha.” Kana jechuun samii torban, dachii fi

wantoota isaan keessa jiran guyyaa jaha keessatti Kan uume Isa. Samii fi dachiin

mataa ofiitin of hin uumne. Akka falaasfonni gariin, “Heliyeemi fi Haydirojiiniin

akkana ta’e, ergasii aduun, urjiileen, samii fi dachiin akkanatti argaman” jechuun

odeessanii miti. Mataa ofiitiin wantoonni kunniin gonkumaa of qindeessuu fi bakka

isaaniif malu qabachuu hin danda’an. Sababni isaas, wantoonni kunniin dhabama

turan. Wanti duraan hin jirree ofiin of argamsiisu danda’aa? Kanarratti dabalatee,

wanti lubbuu, beekumsa, dandeetti fi fedhii hin qabne ofiin of uumuun tartiiba

ajaa’ibaa kana qabachuu danda’aa? Mee ilaali, tartiiba urjiilee fi pilaaneetonni

hordofan. Hundi isaanitu osoo sarara (orbiiti) isaanii irraa hin gorin tartiiba qabatanii

deemu. Kanaafu, eenyutu akkanatti tartiiba isaan qabsiise ree? Ammas gara samii

ilaali. Baqaqiinsi, qaawwi fi wal darbuun homaatu keessa hin jiru. Kanaafu, samii

torban, dachii fi wantoota isaan keessa jiran hunda Kan uume Rabbiin qofa.

Wantoonni kunniin ofiin of hin uumne. Rabbiin ala wanti biraas isaan hin uumne.

“ergasii Arshii irratti [olta’iinsa Isaaf malu] olta’eedha.” Kana jechuun samii

torbanii fi dachii erga uumee booda Arshii irratti olta’iinsa Isaaf malu olta’e.10

Arshiin uumama guddaa samii torbanii ol jiruudha. Rabbiin subhaanahu wa ta’aalaa

akkamitti Arshii ol akka olta’e nuti beeku hin dandeenyu. Kana ilaalchisee wanta

imaamu Maalik jedhe dhiyeessun ni danda’ama:

“Istawaan wanta wallaalame miti, akkaataa isaa wanta sammuun hubachuu hin

dandeenyedha, isatti amanuun waajiba (dirqama), waa’ee isaa gaafachuun

bid’aadha.”

Kana jechuun hiikni istawaa wanta wallaalame miti. Hiikni isaa ni beekkama.

“Istawaa” jechuun “olta’e” jechuudha. Garuu akkaataa Rabbiin subhaanahu wa

10 Tafsiiru ibn Kasiir-7/169, Tafsiiru Xabarii-22/387

10

ta’aalaa Arshii ol olta’e sammuun namaa hubachuu hin danda’u. Rabbiin Arshii ol

olta’iinsa Isaaf malu akka olta’e amanuun waajiba. Sababni isaas, Rabbitu Qur’aana

keessatti beeksise. Qur’aanatti amanuu jechuun immoo wanta isa keessa jirutti

amanuudha. “Waa’ee isaa gaafachuun bid’aadha” kana jechuun “Rabbiin akkamitti

Arshii ol olta’e?” jedhanii gaafachuun bid’aa (wanta haarawa argameedha). Sababni

isaas, sahaabonni waa’ee kanaa Nabiyyi hin gaafanne.

“Wanta dachii keessa seenuu fi wanta ishii keessaa bahu, wanta samii irraa

bu’uu fi wanta ishii keessatti ol bahu ni beeka.”

Wanta dachii keessa seenu kan akka sanyii, bineensa, ilbiisota, rooba fi kkf hunda

ni beeka. Wanta dachii keessaa bahu kan akka biqiltootaa, bineensota, albuudotaa fi

kkf hunda ni beeka. Wanta samii irraa bu’u kan akka Malaykotaa, rooba,

murtiiwwanii fi kan biroos ni beeka. Wanta gara samii ol bahuus kan akka

Malaykootaa, hojii gabrootaa fi kan biroos ni beeka.11 Wantoota kanniin hunda

lakkoofsa isaanii, hamma isaanii, bakka jiran takka takkaan beeka. Samii fi dachii

keessatti wanti Isa jalaa miliqu tokkollee hin jiru. Sababni isaas, wantoota kanniin

hunda Kan uume, qindeessu, too’atu fi aangoo guutuu irratti qabu Isa; Inni dandeetti

fi beekumsa guutuu qaba.

“Eessallee yoo taatan Inni isin waliin jira. Rabbiin waan isin hojjattan

Argaadha.” Bakka kamiyyuu yoo taatan Rabbiin subhaanahu beekumsa Isaatiin isin waliin jira.

Hojii isin hojjattan hunda takka takkaan beeka. Gara fuunduraattis hojii keessaniif

jazaa isiniif kafala.12

Rabbiin subhaanahu wa ta’aalaa Arshii ol olta’uun, jecha “Eessallee yoo taatan

Inni isin waliin jira.” jedhuun wal hin faallessu.Mee ibsa kanaa gara aalimmanitti

haa deebisnu:

Salafoonni (dhaloonni gaggaariin darban), “Eessallee yoo taatan Inni isin waliin

jira.” jedhu,Inni isin ni beeka, dubbii keessan ni dhagaya, hojii keessan ni arga, isin

irratti danda’aadha… jechuun ibsan. Arshii ol akka olta’e ni mirkaneessu.

Sheykul Islaam ibn Taymiyah fi Ibn Useymiin (isaan lamaanifu Rabbiin rahmata

haa godhu) ni jedhu: Rabbiin nu waliin jira. Garuu Inni nu waliin ta’uun akka namni

11 Tafsiiru Sa’dii-988 12 Tafsiiru Muyassar-538

11

tokko nama biraa waliin bakka tokko keessatti waliin ta’uu miti. Rabbiin

uumamtoota waliin ta’uun kan mirkanaa’edha. Inni wanta hundaa ol Arshii gubbaa

olta’iinsa Isaaf malu ol ta’ee jira. Kana waliinu Inni nu waliin jira. Amaloota Isaa

hunda keessatti wanti Rabbiin fakkaatu tokkollee waan hin jirreef, Inni uumamtoota

waliin ta’uu fi Arshii ol olta’uu jidduu wanti wal faallessuu tokkollee hin jiru.

Sheykhul Islaam ibn Taymiyaan kanaaf fakkeenya ji’aa dhiyeessa. Ni jedha: akkana

ni jedhama, “Maa zilnaa nasiiru wal-qamaru ma’anaa. (Jiiyni osoo nu waliin jiruu

deemu itti fufne.)” Jiiyni samii keessa jira. Kana waliinu “Jiiyni nu waliin jira.”

jedhu. Jiiyni uumama xiqqaa ta’eedha. Kanaafu, Khaaliqni azza wa jalla Arshii ol

olta’ee osoo jiru akkamitti uumamtoota waliin hin taane ree?”13 Rabbiin subhaanahu

wa ta’aalaa Zaata Isaatiin Arshii ol jira. Garuu wantoota samii fi dachii keessa jiran

hunda ni arga, ni beeka. Wanti argituu, beekumsaa fi dhageetti Isaa haguugu

tokkollee hin jiru. Sababni isaas, amaloonni (sifaanni) Isaa sifaata (amaloota)

uumamtootatin wal hin fakkaatan. Sifaanni Isaa kanneen akka waan hundaa beeku,

arguu, dhagahuu kan uumamtootaa irraa adda. Inni waan hundaa ni beeka,ni arga,

ni dhagaha.

Mee akka dabalataatti Rabbiin Zaata Isaatiin Arshii ol olta’uu fi beekumsa,

dandeetti fi aangoo Isaatiin umamtoota waliin ta’uu jidduu wal faallessuun akka

hin jirree qabxiilee kanniin haa ilaallu:

Tokko- Rabbiin subhaanahu wa ta’aalaa Arshii ol olta’uu fi uumamtoota Isaa

waliin ta’uu aayata armaan olii keessatti bakka tokkotti walitti fidee jira. Osoo kan

wal faallessan ta'anii, silaa Rabbiin haala kanaan Of hin ibsu.

Lama: Akkana jechuu dandeenya: hundemaa Olta’uu (uluww) fi waliin ta’uu

(Ma’iyyah) jidduu wal faallessuun hin jiru. Sababni isaas, wanti tokko si waliin osoo

jiru gubbaa irra (olta’aa) ta’uu danda’a. Akka fakkeenyatti wanta Araboonni jedhan

keessaa: Al-Qamaru ma’anaa wa nahnu nasiiru (Osoo deemaa jirru jiiyni nu waliin

jira.) Wa shamsu ma’anaa wa nahnu nasiiru (Osoo deemnu aduun nu waliin jirti).

Jiyni fi aduun samii keessa jiru. Kana waliinu, “Osoo deemaa jirru, jiiyni nu waliin

jira, aduun nu waliin jirti.” Jedhu. Kanaafu, uumamtoota keessatti olta’iinsi fi waliin

ta’uun walitti galuu kan danda’amu yoo ta’e, Khaaliqaaf hunda caalaa olta’iinsi fi

waliin ta’uun walitti galuu.

Mee naaf himi, osoo namni tokko gaara gubbaa irra ta’ee loltootaan akkana jedhe:

bakka fagoo dirree waraanaa deemaa, ani isin waliin jira. Namni kuni meeshaa

13 Sharih aqiidatil waasixiyyah–[7.12MB] Jildii 1 fuula 402-403, ibn Useymiin

https://ia800400.us.archive.org/16/items/waq51901/01_51901.pdf

12

wanta fagoo dhiyeessu ija ofii irra gochuun fagoo irraa isaan ilaala. Haala kanaan

inni isaan waliin ta’a. Inni amma akka waan loltoonni isa fuundura jiraniitti isaan

ilaala. Garuu inni isaan irraa fagoodha. Dhimmichi uumamtootaaf wanta ta’uudha.

Khaaliqaaf maaliif hin taane ree?

Sadii-Olta’iinsi fi waliin ta’uun altokkotti uumamtootaaf walitti galu kan ulfaatu

osoo ta’ee, Khaaliqaaf olta’iinsi fi waliin ta’uun wanta ulfaatu miti. Sababni isaas,

Rabbiin subhaanahu hunda caalaa guddaadha. Amaloota Khaaliqaa amaloota

uumamtootaatin wal bira qabuun hin danda’amu. Khaaliqa fi makhluuqni

(uumamni) garmalee gargar waan ta’aniif.

Ergamaan Rabbii (SAW) ni jedhu: “Allaahumma anta saahibu fi safari wa khaliifatu

fil ahli.” Kana jechuun “Yaa Rabbii Ati imala keessatti Saahiba keenya (kan nu

gargaaru), maatii keenya Kan eegudha.” Sahiih Muslim 1342, Sunan An-Nasaa’i

5501

Imala keessatti isaaf Saahiba ta’uu fi maatii keessatti Khaliifaa ta’uu bakka tokkotti

walitti fide. Uumamtootaaf altokkotti saahiba fi khaliifaa ta’uun hin danda’amu.

Namni tokko imala keessatti hiriyyaa (saahiba) si waliin deemu fi maatii kee

keessatti bakka kee bu’uun kan isaan eegu (khaliifaa) altokkotti ta’uu hin danda’u.14

Takkaa si waliin deemu qaba, takkaa immoo duubatti hafee maatii kee eegu qaba.

Rabbiin subhaanahu wa ta’aalaa amaloonni Isaa amaloota uumamtootaatiin waan

wal hin fakkanneef waan hundaa irratti danda’aadha. Tuqaaleen armaan oli ifa.

Namni kana hubachuu yoo dadhabe, Rabbii fi Ergamaa Isaatti amane, wanta Rabbiin

jedhetti amane jechuu qabaa malee, “Kuni akkamitti ta’a?” jedhe kijibsiisu hin qabu.

Wanti tokko takkamaan yoo namaaf hin galin suuta suuta akka namaaf galu

dagachuu hin qabu.

“Mootummaan samiwwanii fi dachii kan Isaati,” Samiiwwanii fi dachiin hundi

kan Isaati, aangoo guutuu isaan irratti qaba. Sababni isaas, Kan dhabama irraa isaan

argamsiisee fi uume Isa. Erga isaan uumee fi argamsiise wanta fedhe isaan irratti

murteessu fi hojjachuu danda’a. “dhimmoonni hundi garuma Rabbii

deebifamu.” Kana jechuun Guyyaa Qiyaamaa deebiin dhumaa fi gahuumsi dhimma

uumamtoota Isaa hundi gara Rabbiiti. Murtii Isaatiin isaan jidduutti murteessa.15

Nama waan gaarii hojjateef tola Isaatiin mindaa guddaa kennaaf, nama badii hojjate

14 Madda olii 15 Tafsiiru Xabar-22/387, Tafsiiru ibn Kasiir-7/171

https://sunnah.com/muslim/15/479https://sunnah.com/nasai/50/74https://sunnah.com/nasai/50/74

13

immoo adabbii isaaf malu adaba. Yookiin badiin isaa kufrii fi shirkii gadi yoo ta’e,

yoo fedhe irra darbaaf.

“Halkan guyyaa keessa seensisa, guyyaas halkan keessa seensisa.” Inni

uumamtoota Isaa keessatti wanta fedhe hojjata, halkanii guyyaa ni jijjira. Ogummaa

Isaatiin akka fedhetti hamma halkanii guyyaa murteessa. Yeroo garii halkan

dheeressun guyyaa ni gabaabsa, yeroo garii immoo faallaa kanaati. Yeroo biraa

immoo wal-qixxeessa.Waqtiilees bona, ganna, birraa fi badheessa godha. Kuni

hundi ogummaa fi murtii Isaatiin adeemsifama.

“Inni Beekaa wanta qoma keessa jiruuti.” Kana jechuun iccitii hundaa fi wanta

qoma keessatti dhokate hunda beeka.16 Gaarii fi badaa namoonni qoma keessatti

kuufatan, niyyaa fi yaada isaanii hunda takka takkaan beeka. Wanti dhokataan

hundii Isaaf ifa.

16 Tafsiiru muyassar-538

14

Gara Iimaanaa (amanuu) fi Arjoominnaa Waamu

ه ﴿ ه ّلَله ٱَءامهُنواْ ب ۡسَتخۡ ۦَورَُسوله نفهُقواْ مهَما َجَعلَُكم مَُّ ََّلهينَ ٱلَفهنَي فهيههِۖ فَ َوأ

ۡجٞر َكبهيٞ َنَفُقواْ لَُهۡم أ

َ ﴾٧َءاَمُنواْ مهنُكۡم َوأ

“Rabbii fi Ergamaa Isaatti amanaa, wanta Inni isa keessatti bakka buutota

isin taasise irraas kennadhaa. Isin keessaa kanneen amananii fi arjooman,

isaaniif mindaa guddaatu jira.” Suuratu Al-Hadiid 57:7

Yaa namoota! Rabbitti amanaa, tokkichummaa Isaa mirkaneessaa. Ergamaa Isaattis

amanaa, wanta inni Rabbiin irraa fide ilaalchise isa dhugoomsatii hordofaa. “Wanta

Inni isa keessatti bakka buutota isin taasise irraas kennadhaa.” Kuni hiika lama

qaba: Hiikni tokkoffaan: hundemaa qabeenyi isin qabdan qabeenya dhuunfaa osoo

hin ta’in kan Rabbiin isiniif kenneedha. Rabbiin qabeenya kana akka amaanaatti isin

bira godhe. Kanaafu, Qabeenyi kuni kan Isaa waan ta’eef, karaa Inni jaallatu

keessatti baasu irraa duubatti hin harkifatinaa. Hiikni lamaffaan: Qabeenyi kuni

duraan isin waliin hin turre, gara fuunduraattis zalaalamiif isin waliin hin turu.

Kaleessa harka namoota biroo keessa ture, ergasii Rabbiin bakka isaanii akka buutan

isin taasisee qabeenya kana isin dhaalchise. Yeroon ni dhufa yommuu qabeenyi kuni

isin waliin hin turre. Kana irra, namni biraa isin irraa dhaala. Kanaafu, abbaa

qabeenyummaa yeroo muraasaaf turu kana keessatti karaa Rabbii keessatti baasaa,

Aakhiratti mindaa guddaa fi turaa badhaafamtuuti.17 (Jecha gabaaban: Qabeenya

Rabbiin isiniif kennee fi namoota biroo irraa akka dhaaltan isin taasise wanta Inni

jaallattu irratti baasaa. Kan akka sadaqaa kennu, Masjiida ijaaru, Islaama babal'isuuf

arjoomu fi kkf.)

“Isin keessaa kanneen amananii fi arjooman, isaaniif mindaa guddaatu jira.”

Kana jechuun yaa namoota! Isin keessaa warroonni Rabbiitti fi Ergamaa Isaatti

amananii fi qabeenya Rabbiin isaaniif kennee fi namoota darban irraa isaan

dhaalchise karaa Isaa keessatti arjooman, isaaniif mindaa guddaatu jira. Mindaan

guddaan kuni Jannata.18

17 https://www.englishtafsir.com/Quran/57/index.html#sdfootnote9sym, Tafsiiru

Qurxubii-20/238

18 Tafsiiru Xabarii-22/389, Tafsiiru Qurxubii-20/238

https://www.englishtafsir.com/Quran/57/index.html#sdfootnote9sym

15

ه ﴿ هُكۡم َوقَۡد لَرُسوُل ٱوَ ّلَله ٱَوَما لَُكۡم ََل تُۡؤمهُنوَن ب هَرب ُۡؤمهُنواْ ب يَۡدُعوُكۡم ِلهۡؤمهنهنيَ َخَذ مهيَثََٰقُكۡم إهن ُكنُتم مُّ

َ ﴾٨أ

“Akka Gooftaa keessanitti amantaniif Ergamaan osoo isin waamuu fi Inni

waadaa keessan isin irraa fuudhee osoo jiruu, maaltu isiniif jiraa Rabbitti hin

amannee? Kan amantan yoo taatan, [gara amantii ariifadhaa].” Suuratu Al-

Hadiid 57:8

Kana jechuun yaa namoota! Osoo Rasuulli gara Tokkichummaa Rabbii fi ajajoota

Isaatti isin waamuu fi Rabbiin kana irratti waadaa isin irraa fuudhee osoo jiruu, uzrii

(sababa) maaltu isiniif jiraatiyyi Tokkichummaa Rabbiitti hin amanne, ajajoota Isaa

hin hordofnee?19

Rasuulli (Ergamaan Rabbii) (SAW) ragaalee ifaatin osoo gara iimaanaa isin waamu,

amanuu irraa maaltu isin dhoowwaa? Akka amantaniif ragaalee fi mallatoolee ifaa

Nabiyyii (SAW) irratti buusee jira. Guyyoota keessaa guyyaa tokko Rabbitti

amanuu yoo barbaaddan, amma amanuun waqtii hundarra mijaa’a ta’eedha. Sababni

isaas, Rasuulli (SAW) wanta isin biratti sirrii ta’uun isaa ragaaleedhaan

mirkanaa’etti waama. Akkasumas, ragaalee fi mallattoolee ifaa Gooftaa keessan

irraa isinitti fidee jira. Kanaaf ni jedha:

ه ََّلهيٱُهَو ﴿ ه َٰ َعۡبده هُل لََعَ هَن ۦ يَُن ُۡخرهَجُكم م ههَنَٰٖت َل لَُمَٰته ٱَءاَيَٰتِۢ َبي لظُّ

يمٞ ّلَلَ ٱِإَوَن نلُّوره ٱإهََل هُكۡم لََرُءوٞف رَحه ﴾٩ب“Inni dukkana keessaa gara ifaatti akka isin baasuuf Aayaata ifa ta’an

gabricha Isaa irratti Kan buusudha. Dhugumatti, Rabbiin isiniif mararfataa,

rahmata godhaadha.” Suuratu Al-Hadiid 57:9

Yaa namoota! Rabbiin dukkana kufrii, shirkii fi wallaalummaa keessaa gara ifa

iimaanaa fi beekumsaa isin baasuuf keeyyattootaa Qur’aanaa ifa ta’an gabricha

Isaa Muhammad (SAW) irratti Kan buusedha. “Dhugumatti, Rabbiin isiniif

mararfataa, rahmata godhaadha.” Kana jechuun isin qajeelchuu fi karaa sirrii

isinitti agarsiisuuf dhugumatti Rabbiin gabricha Isaa irratti aayaata ifaa buusun,

19 Tafsiiru Muyassar-538

16

Inni isiniif mararfataa, rahmata godhaadha. Isiniif mararfachuu fi rahmata gochuu

irraa kan ka’e Ergamaa erge, Kitaaba buuse.20

20 Tafsiiru Xabarii-22/391

17

Namoonni Iimaanatti, Arjoominnaa Fi Qabsootti Dursan Mindaa fi Sadarkaan Isaanii Guddaadha

“Dhaalli samiiwwanii fi dachii kan Rabbii ta’ee osoo jiruu maal taatanii karaa

Rabbii keessatti hin arjoomnee? Isin keessaa namni Baniinsa [Makkaa] dura

arjoomee fi qabsaa’e [nama san booda arjoomee fi qabsaa’e waliin] wal hin

qixxaa’u. Isaan sun warra san booda arjoomanii fi qabsaa’an caalaa sadarkaa

guddaa qabu. Rabbiin hundaafu [mindaa] gaarii waadaa galee jira. Rabbiin

wanta isin hojjattan hunda keessa beekadha.” Suuratu Al-Hadiid 57:10

“Dhaalli samiiwwanii fi dachii kan Rabbii ta’ee osoo jiruu maal taatanii

karaa Rabbii keessatti hin arjoomnee?” Kana jechuun karaa Rabbii keessatti

arjoomu irraa maaltu isin dhoowwaa? “Dhaalli samiiwwanii fi dachii kan Rabbii

ta’ee osoo jiru.” Kuni hiika lama qaba:

1ffaa-Qabeenyi keessaan zalaalamiif isin waliin hin turu. Guyyaa tokko of

duubatti dhiistu, ergasii Rabbiin ni dhaala. Kanaafu, mindaan keessan Rabbiin

biratti akka isiniif kuufamuuf wanti hundarra gaariin mataa keessaniin qabeenya

kana karaa Inni jaallatu keessatti baasudha. Osoo qabeenyi kuni isin harkaa hin

fudhatamin carraatti fayyadamaa. Qabeenyi harka keessan osoo jiru sadaqaa

kennadhaa. Yoo wanta Rabbiin subhaanahu wa ta’aalaa jaallatu irratti hin baasin,

qabeenyi kuni gara Isaa deebi’a. Garuu isin mindaa wayitu hin argattan.

2ffaa-Yommuu karaa Rabbii keessatti arjoomtan hiyyummaa fi hir’inna sodaachu

hin qabdan. Rabbiin samii fi dachii kan dhuunfateedha, kuusaan isaanii Isa harka

jira. Inni wanta har’a isiniif kennu qofa osoo hin ta’in wanta boru isiniif kennu

hunda dhuunfatee jira (harkaa qaba). Inni Kan akkana jedhuudha:

ه يَبُۡسُط ﴿ هۡزَق ٱقُۡل إهَن َرّب هَمن يَشَ لر ه ل ُء مهۡن عهَبادههُر َلُ ۦا َوَما ۥ َوَيۡقده

ءٖ َفُهَو ُُيۡلهُفهُ هن ََشۡ نَفۡقُتم م َزهقهنيَ ٱَوُهَو َخۡيُ ۥ أ ﴾٣٩لَرَٰ

18

Jedhi, “Dhugumatti Gooftaan kiyya gabroota Isaa keessaa nama fedheef

rizqii (soorata, qabeenya) bal’isa, [kan fedhe immoo] isatti dhiphisa. Wanta

kam irraayyu wanta isin [karaa Isaa keessatti] arjoomtan Inni bakka ni

buusa, Innis irra caalaa warra rizqii kennaniiti.” Suuratu Saba’a 34:39

Kanaafu, namni Rabbiin irratti hirkate, qabeenya karaa kheeyri keessatti Rabbiif

jedhee ni baasa. Abbaa Arshii guddaa irraa hiyyummaan natti dhufti jedhee hin

sodaatu. Rabbiin isaaf akka bakka buusu ni beeka.21

“Isin keessaa namni Baniinsa [Makkaa] dura arjoomee fi qabsaa’e [nama san

booda arjoomee fi qabsaa’e waliin] wal hin qixxaa’u.” kana jechuun warroonni

Makkaan banamuun dura arjoomanii fi qabsaa’an warroota kana hin hojjanne waliin

wal qixaa miti. Kunis kan ta’e, Makkaan banamuun dura haalli Muslimota irratti

baay’ee ulfaataa ture. Yeroo sanitti warra dhugaa (siddiqoota) malee eenyulle kan

amanu hin turre. Makkaan erga banamte booda immoo Islaamni ifatti bahee fi

namoonni diini Rabbii (Islaama) keessa baay’innaan seenan.Kanaafi Rabbiin

olta’aan ni jedha: “Isaan sun warra san booda arjoomanii fi qabsaa’an caalaa

sadarkaa guddaa qabu.” Kana jechuun warri Makkaan banamuun dura karaa

Rabbii keessatti arjoomanii fi qabsaa’an, warra Makkaan banamuun booda

arjoomanii fi qabsaa’an caalaa Rabbiin biratti sadarkaa guddaa qabu.

Sadarkaa warra kanaa yommuu dubbatu, namni tokko, ‘warra baniinsa Makkaa

booda arjoomanii fi qabsaa’an gadi xiqqeessuu fi qeequuf’ jedhee akka hin

yaanneef, itti aanse akkana jedhe: “Rabbiin hundaafu [mindaa] gaarii waadaa

galee jira.” Kana jechuun Rabbiin warroota Makkaan banamuun dura arjoomanii fi

qabsaa’an, akkasumas, Makkaan banamuun booda arjoomanii fi qabsaa’an

hundaafu Jannata waadaa galee jira. Sadarkaa fi mindaan isaanii wal haa caaluu

malee, Rabbiin isaan hundaafu Jannata waadaa seenee jira. “Rabbiin wanta isin

hojjattan hunda keessa beekadha.” Kana jechuun Karaa Rabbii keessatti arjoomu,

diinotatti qabsaa’u fi hojii biroo isin hojjattan hunda keessa beeka, homtu Isarraa hin

dhokatu. Niyyaa hojii keessan duuba jiru ni beeka. Guyyaa Qiyaamaa hojii hojjattan

kanaaf jazaa isiniif kafala.22

Wanti asirraa barannu, Sahaabonni sadarkaa guddaa qabu. Sadarka isaanii Rabbiin

subhaanahu wa ta’aalaa asi fi bakka biraatti ni dubbate. Ammas, namoonni

21 Tafsiiru Sa’dii-989, Tafsiiru Ibn Kasiir-7/173, https://www.englishtafsir.com/Quran/57/index.html#sdfootnote13sym 22 Tafsiiru Ibn Kasiir-7/173,Tafsiiru Xabarii-22/396

https://www.englishtafsir.com/Quran/57/index.html#sdfootnote13sym

19

niyyaan isaanii tolee fi hojii gaggaaritti dursan sadarkaan isaanii guddaadha.

Rabbiin subhaanahu wa ta’aalaa ni jedh:

ْوِله لُۡمۡؤمهنهنيَ ٱمهَن ۡلَقَٰعهُدونَ ٱََل يَۡسَتوهي ﴿ُره ٱَغۡيُ أ ّلَله ٱِفه َسبهيله لُۡمَجَٰههُدونَ ٱوَ لََّضَ

ههۡم فََضَل نُفسهَهههۡم َوأ َٰل ۡمَو

َهأ ينَ ٱ ّلَلُ ٱب لُۡمَجَٰههده

ههۡم لََعَ نُفسهَهههۡم َوأ َٰل ۡمَو

َهأ ينَ ٱب ة َدرَجَ ۡلَقَٰعهده

وََعَد ينَ ٱ ّلَلُ ٱَوفََضَل ۡۡلُۡسَنَٰ ٱ ّلَلُ ٱَولُُك لُۡمَجَٰههده

ينَ ٱلََعَ ا ۡلَقَٰعهده يم ۡجًرا َعظهَ ﴾٩٥أ

“Warra miidhama qaban malee mu’mintoota irraa warri taa’anii fi warri

karaa Rabbii keessatti qabeenyaa fi lubbuu isaaniitin qabsaa’an wal hin

qixxaa’an. Rabbiin warra qabeenyaa fi lubbuu isaaniitin qabsaa’an warra

taa’an irra sadarkaan caalchisee jira. Rabbiin isaan hundaafu waan gaarii

(Jannata) waadaa galee jira. Rabbiin warra qabsaa’an warra taa’an irra

mindaa guddaan caalchisee jira.” Suuratu An-Nisaa 4:95

Kana jechuun warra miidhama qaban malee, warri karaa Rabbii keessatti qabsaa’u

irraa duubatti hafanii fi warri karaa Rabbii keessatti qabeenyaa fi lubbuu isaaniitin

qabsaa’an wal qixaa miti. Rabbiin warra duubatti hafan ykn taa’an caalaa warra

qabsaa’an Jannata keessatti sadarka isaanii olkaase jira. Rabbiin warra karaa Isaa

keessatti qabeenyaa fi lubbuu isaanitiin qabsaa’anii fi warra taa’anii miidhama

qaban hundaafu Jannata waadaa galeefi jira.23

LIQAA GAARII

ا َفُيَضَٰعهَفهُ ّلَلَ ٱُيۡقرهُض ََّلهيٱَمن َذا ﴿ ۡجٞر َكرهيمٞ ۥ َوَلُ ۥَلُ ۥقَۡرًضا َحَسن َ ﴾١١أ

“Rabbiif liqaa gaarii kan liqeessu eenyuu? Kanaafu, Inni dachaa isaaf taasisa,

isaaf mindaa gaariitu jira.” Suuratu Al-Hadiid 57:11

Araboonni nama hojii gaarii tokko hojjateen, “Qad aqrada (liqeessee jira)” jedhu.

Qard (liqaa) kan jedhameef bakka bu’aa deebifachu barbaaduuf liqaan waan

bahuufi. 24 (Namni liqaa kennu wanti suni ykn san caaluu akka isaaf deebi’uu

barbaada.)

23 Tafsiiru Muyassar-94 24 Tafsiiru Qurxubii-20/244

20

“Rabbiif liqaa gaarii kan liqeessu eenyuu?” kana jechuun eenyutu osoo hin

dhaadatinii fi hin rakkisin wanta Rabbiin bira jiru kajeeluun karaa Rabbii keessatti

baasaa ykn arjoomaa? “Kanaafu, Inni dachaa isaaf taasisa.” Kana jechuun

Rabbiin baasii inni baase kanaaf mindaa dacha dachaa isaaf godha. “isaaf mindaa

gaariitu jira.” Kana jechuun isaaf Jannatatu jira.25

Rabbiin subhaanahu wa ta’aalaa qabeenyi namoonni qaban kan Isaa ta’ee osoo jiruu

'wanta karaa Isaa keessatti baasan'- "liqaa gaarii" jechuun moggaase. Sababni isaas,

akkuma irranatti jenne, liqaa yommuu liqeessan wanti suni ykn san caalu akka

namaaf deebi’u waan barbaadaniif namoota kakaasuufi. Ribaan (dhalli)

dhoowwamuun dura osoo nama tokkoon “Har’a birri kudhan naaf liqeessi boru

dhibba godhee siif deebisaa” jedhame ni liqeessa moo hin liqeessu? Dhugumatti ni

liqeessa.

Namni qabeenya baasu liqeefataan waadaa kan guutuu fi tola oolaa ta’uu yoo beeke,

nafseen isaa gammachuun qabeenya kana baasti. Qabeenyi isaa isaaf kan deebi’u

ta’uu yoo beeke, nafseen isaa baasuf tole ni jetti. Kan liqaa isarraa barbaadu,

qabeenya isaa kanaan isaaf daldaaluun dacha dachaa kan isaaf godhu ta’uu yoo

beeke, liqeessuuf caalatti fedhii qaba. Ammas, liqaa isaaf dachaa gochuu waliin,

liqeefataan of biraa mindaa biraa kan isaaf kennu yoo ta’e, dhugumatti mindaan kuni

qooda guddaadha, mindaa bareedadha. Kanaafu, nama qalbiin isaa haafayuu fi

doy’ummaan dhukkubsattee ykn iimaanni isaa dadhaba ta’e malee liqeessu irraa

duubatti kan hafu hin jiru.

Rabbiin subhaanahu wa ta’aalaa, “Rabbiif liqaa gaarii kan liqeessu eenyu?”

yommuu jedhu, liqatti hajamee osoo hin ta’in namoota karaa Isaa keessatti

arjoomanitti tola oolu waan barbaadefi. Akkasumas, namni guddinna mindaa akka

beekufi.

Rabbiin subhaanahu namni yommuu karaa Isaa keessatti arjoomu, wanta inni

arjoome caalaa dachaa gochuun isaaf deebisa. Sadaqaa takka yoo kenne, mindaa isaa

kudhan ykn dhibba ykn dhibba torba ykn san caalu isaaf taasisa.

Liqaan gaariin asittii fi bakka biraatti jedhame wantoota sadii kan guute ta’uu

qaba:

1ffaa-Qabeenya badaa fi gatii hin qabne irraa osoo hin ta’in qabeenya gaarii fi

qulqulluu irraa ta’uu. fkn, qabeenya halaalaa irra ta’uu. Midhaan yoo sadaqate,

25 Tafsiiru Muyassar-538, Tafsiiru Xabarii-22/397

21

midhaan waagin dhayee fi shame osoo hin ta’in midhaan qulqulluu fi gaarii ta’e

sadaqachu.

2ffaa-nafseen isaa itti gammaduu fi jaalala Rabbii fi mindaa Isaa kajeelun

qabeenya baasu ykn arjoomu. Na arga, na beekaa, na dhagayaa fi na faarsaa irraa

fagaachu.

3ffaa- Dhaadachuu fi nama rakkisuu dhiisu.

Tokkoffaan qabeenyaan wal qabata. Lamaffaan nama baasun wal qabata, isaa fi

Rabbiin jidduu wanta jiruun wal qabata. Sadaffaan immoo nama arjoomu fi nama

qabeenya kana fudhatuun wal qabata.26

Rabbiin subhaanahu wa ta’aalaa ni jedha:

“Warroonni karaa Rabbii keessatti qabeenya isaanii baasan ergasii wanta

baasan dhaadannaa fi rakkisuun hin hordofsiifne, mindaan isaanii Gooftaa

isaanii bira isaaniif jira. Isaan irra sodaan hin jiru, isaan hin gaddanis.” Suuratu

Al-Baqaraa 2:262

Namoonni kunniin Rabbiif jedhanii fi mindaa Isa bira jiru kajeeluun qabeenya

isaanii karaa Rabbii keessatti ni baasu ykn ni arjoomu. Erga baasanii booda “ebaluuf

akkas akkas godhe” jechuun hin dhaadatan. Ammas, dubbii fi hojiidhaan nama

sadaqaa kennaniif hin rakkisan. Warri kuni mindaan isaanii Rabbiin bira isaaniif jira.

Isaan waan darbeef hin gaddan waan gara fuunduraatti dhufuufis hin sodaatan.

Sodaa fi gaddi yoo isaan irraa deeme, nageenyaa fi tasgabbii keessa ta’uu jechuudha.

“Karaa Rabbii keessatti baasiin bahu wanta jaalala Rabbii ittiin kajeelanii fi

mindaa Isa bira jiru ittiin barbaadaniidha.”27

Namni mindaa guddaa kana argachuuf sadaqaa isaa na argaa, dhaadannaa fi nama

rakkisuu irraa qulqulleessu qaba. Rabbiin subhaanahu wa ta’aalaa ni jedha:

26 Bidaa’u tafsiir-3/128 27 Tafsiiru Xabarii-4/655

22

“Yaa warra amantan! Sadaqaa keessan dhaadannaa fi rakkisuun hin

balleessinaa.” Suuratu Al-Baqaraa 2:264

23

Ifa Mu'mintootaati fi Gammachuu Isaanii

يَۡمَٰنهههمِۖ لُۡمۡؤمهَنَٰته ٱوَ لُۡمۡؤمهنهنيَ ٱيَۡوَم تََرى ﴿َهأ يههۡم َوب يۡده

َيَۡسََعَٰ نُورُُهم بنَۡيَ أ

َُٰكُم ى هَها َۡلَۡومَ ٱبُۡۡشَ نَۡهَٰرُ ٱَجَنَٰٞت ََتۡرهي مهن ََتۡتَهَك ُهَو ۡۡل َٰل هيَن فهيَها َذ َخَِٰله

يمُ ٱ لَۡفۡوزُ ٱ ﴾١٢لَۡعظه“Guyyaa mu’mintoota dhiirotaa fi dubartootaa ifti isaanii isaan fuunduraa fi

mirga isaaniitiin fiigu argitu, [akkana isaaniin jedhama], “Har’a oduun

gammachiisaan keessan, achi keessatti kan haftan taatanii Jannata jala ishii

laggeen yaa’aniidha. Suni isumatu milkaa’inna guddaadha.” Suuratu Al-

Hadiid 57:12

Mu’mintoota jechuun namoota Rabbiitti, malaykotatti, Kitaabanitti, Ergamtootatti,

Guyyaa Qiyaamaa fi murtii Isaatti amananii fi hojii gaggaarii isaan irraa eeggamu

hojjataniidha.

“Guyyaa mu’mintoota dhiiraa fi dubartootaa ifti isaanii isaan fuunduraa fi

mirga isaaniitiin fiigu argitu,” kana jechuun yommuu Guyyaan Qiyaamaa dhufee

aduun maramte, jiiyni ifa dhabe, namoonni dukkana keessa ta’anii fi Jahannam

irratti siraaxni (riqichii) kaa’ame, mu’mintootaa dhiiraa fi dubartii ifti isaanii

fuulduraa fi mirga isaanitiin kan fiigu ta’ee argita.28 Ifni hamma hojii isaanii irratti

hundaa’e isaaniif ifa. Akkuma Abdullah ibn Mas’uud jedhe: “Hamma hojii isaanii

irratti hundaa’e siraaxa irra darbu. Isaan keessaa ifti isaa akka gaaraa guddaa ta’etu

jira. Isaan keessaa ifti isaa akka muka temiraa ta’etu jira, isaan keessaa nama ifti isaa

hanga nama dhaabbate gahutu jira. Isaan keessaa ifti isaa xiqqaa kan ta’e nama ifti

isaa quba guddaa gahuu fi yeroo garii ifu yeroo biraa immoo dhaamudha.”29

“[akkana isaaniin jedhama], “Har’a oduun gammachiisaan keessan, achi

keessatti kan haftan taatanii Jannata jala ishii laggeen yaa’aniidha. Suni

isumatu milkaa’inna guddaadha.”

28 Tafsiiru Sa’dii-989 29 Tafsiiru Ibn Kasiir-7/176

24

Bushraa jechuun oduu nama gammachiisu namatti beeksisuudha. 30 Guyyaa san

Malaykoonni oduu gammachiisaa mu’mintootatti himu ykn beeksisu. Oduun

gammachisaan kunis, Jannata bal’oo laggeen mukkeenii fi gamoowwan ishii jala

yaa’an seenuudha. Achi keessatti kan hafan ta’anii yeroo hundaa keessa jiraatu.

“Suni isumatu milkaa’inna guddaadha.” Jannata keessa seenuu fi yeroo hundaa

achi keessa turuun milkaa’inna guddaadha.

Guyyaa Munaafiqonni Ifa Dhabanii fi Dallaa Rahmataa

Seenuu Irraa Dhoowwaman

“(13)-Guyyaa munaafiqonni dhiirotaa fi dubartotaa warra amananiin, “Nu

eegaa! ifa keessan irraa qabsiifannaa” jedhan, “Gara duuba keessanitti

deebi’aatii ifa barbaadadhaa.” [isaaniin] jedhamu [san yaadadhu]. Jidduu

isaaniitti jogola (dallaa) balbala qabu kan keessa isaa rahmanni, ala isaa immoo

azaabni (adabbiin) jirutu dhaabbama. (14)-[Munaafiqonni], “Isin waliin hin

turree” jechuun [mu'mintoota] waamu. Isaaniis ni jedhu, “Eeyyen! Garuu isin

of jalliftan, ni eegdan, ni shakkitan, hanga ajajni Rabbii dhufutti hawwiin isin

gowwoomsite. Waa’ee Rabbii ilaalchise gowwoomsaanis isin gowwoomse.” Suuratu Al-Hadiid 57:13-14

Munaafiqota jechuun namoota gubbaan Islaamaa mul’isanii fi arrabaan dubbatan

garuu keessa isaanii keessatti kufrii dhoksanii fi qalbiin hin amanneedha. “Al-

Jazaa’u min jiinsil amal (mindaan gosa hojiitiin)” waan ta’eef namni Guyyaa Murtii

waan hojjateen mindeefama. Aayaata armaan olii keessatti Guyyaa Qiyaamaa haala

munaafiqoota dhiiraa fi munaafiqota dubartii ifa baasa. Wantuma isaan addunyaa

irratti mu’mintootatti hojjataa turaniin Guyyaa Murtiis fakkaatama isaan hojjatan

30 Tafsiiru tahriir wa tanwiir-27/381

25

munaafiqotatti hojjatama. Munaafiqonni gubbaan Mu’imintootatti makamanii hojii

isaan hojjatan ni hojjatu, miseensa isaanii fakkaatu. Garuu qalbii isaanitii fi yommuu

adda ta’an diina mu’mintootaati. Addunyaa irratti munaafiqonni ifa iimaanaa hin

qabanii turan.

Guyyaa Qiyaamaa namoonni iddoo wal gahiitti yommuu walitti qabaman dukkana

cimaaf saaxilamu. Mu’mintoota malee namoonni iddoo qorannoo ergasii gahuumsa

dhumaa ifa ittiin deemaniin ni dhabu. Rabbiin azza wa jalla mu’mintootaaf ifa isaan

fuundura ifuun ittiin deeman isaaniif kenna. Ifni kuni akkuma isaan fiigan isaan

fuundura fiiga. Akkuma konkolaachisaan halkan dukkanaa keessa ifa konkolaataa

ibsachuun karaa isa fuundura jiru arguun gara fuunduraatti fiigu, mu’mintoonnis ifa

iimaanaa ibsachuun gara fuunduraatti fiigu.

Munaafiqonni immoo jalqaba irratti mu’mintoota waliin walitti qabamu. Ergasii

mu’mintoonni gara bakka qorannoo akka deeman ni ajajamu. Isaaniis hamma

iimaanaa fi baay’inna hojii gaarii isaanii irratti hundaa’e ariitin ni fiigu. Rabbiinis

ifa ittiin deeman isaaniif godha. ifni kuni isaan fuundura fiiga. Mirgaa isaaniitiin

facaasu fi naannessu ni danda’u. Isaan tasgabbeesuuf akkana isaanin jedhama:

“Har’a oduun gammachiisaan keessan, achi keessatti kan haftan taatanii

Jannata jala ishii laggeen yaa’aniidha. Suni isumatu milkaa’inna guddaadha.”

Munaafiqonnii iimaanaa fi hojii gaggaarii waan hin qabneef gara bakka qorannoo fi

jazaa akka mu’mintoonni fiiganitti fiigu hin danda’an. Ifa isaan fuundura fiigus hin

argatan. Adeemsa jalqabaa irratti ifa mu’mintoota irraa ni fayyadamu. Isaan duuba

yeroo gabaabaf ni deemu. Ergasi isaan hordofuu irraa dadhabuun duubatti hafu.

Mu’mintoonni isaan dursu, ifni isaaniis isaan waliin munaafiqota dursa. Ergasii

isaan irratti ni dukkanaa’a.

Yeroo kanatti, munaafiqonni dhiirotaa fi dubartootaa mu’mintoota beekaniin akkana

jedhu, “Nu eegaa! Ifa keessan irraa qabsiifannaa.” Kana jechuun ifa keessan irraa

ibsanne gara isin itti deemtan waliin deemnaa nu eegaa. Garuu mu’mintoonni deebii

hin deebisaniif. Dhiirotaa fi dubartoota munaafiqoota ta’aniin akkana jedhama:

“Gara duuba keessanitti deebi’aatii ifa barbaadadhaa.” Kana jechuun bakka

dhuftanitti deebi’aa. Mataa keessanif achii ifa barbaadadhaa. Kan dandeessan yoo

taatan, carraaqqi keessaniin hojii keessan irraa ifa barbaadadha. Ifa ittiin qajeeltan

mataa keessaniin soqadhaa. Akkuma addunyaa irratti firii namoota biroo irraa

fayyadamtan, har’a immoo ifa namoota biroo irraa fayyadamu hin dandeessan.

Addunyaa irratti “Nuti isin walin jirra” jettanii kijibuun bu’aa hojii isaanii

fayyadamtu. Garuu har’a kijibuu fi gowwoomsun hin jiru. Guyyaan Guyyaa Murtii

26

fi haqaati. Jecha kana Malaaykonni erga isaaniin jedhanii booda Rabbiin

subhaanahu wa ta’aalaa mu’mintootaa fi munaafiqota jidduu jogola (dahoo ykn

dallaa) dhaaba. “Jidduu isaanitti jogola (dallaa) balbala qabu kan keessa isaa

rahmanni, ala isaa immoo azaabni (adabbiin) jirutu dhaabbama.”

Rabbiin jogola ykn dallaa kanaaf balbala godha. Hanga mu’mintoonni duubatti

harkifatanii fi ifti isaanii dadhabaa ta’ee balbala kanaan seenanii xumuramanitti

waardiyoonni isaaniif hayyamu. Ergasii munaafiqota irratti balballi ni cufama.

Haguuggamanii gara kallatti kaafirotatti qajeelfamu. Kanaafu, isaan waliin ta’u.

Sababni isaas, addunyaa keessatti munaafiqonni kaafirota waliin turan.

Dallaan kuni keessi isaa bareedaa mu’mintootatti aanudha. Mu’mintoota dallaa kana

keessa seenan irratti rahmanni Rabbii qalbii fi nafsee isaanii gammachiisu ni bu’a.

Alli dallaa kanaa immoo sodaachisaa munaafiqotatti aanudha. Ala kanarraan

munaafiqotatti azaabni (adabbiin) adda addaa ni dhufa.

Munaafiqotaaf dallaa kana akka seenan isaaniif hin hayyamamu. Yeroo kanatti

furmaanni isaanii, tarii mu’mintoonni isaaniif raga bahuun jaarsummaa akka isaaniif

ta’aniif akkana jechuun isaaniitti lallabuu: “Isin waliin hin turree?” Kana jechuun

addunyaa keessatti isin waliin kan salaannu, soomnu, hajjinuu fi hojii gaggaarii

biroo kan hojjannuu hin turree?

“Mu'mintoonnis ni jedhu, “Eeyyen!” kana jechuun eeyyen gubbaan (zaahiran) nu

waliin turtan. Gubbaan hojima akka keenyaa hojjachaa turtan. Garuu addunyaa

keessatti keessaan (qalbiin) nu waliin hin turre. Hojiin keessan hojii munaafiqaa

iimaanni fi niyyaa gaariin keessa hin jirreedha. Kanaafu, har’a dallaa kana keessa

nu waliin ta’uu hin dandeessan. Munaafiqonni keessaan (qalbiin) addunyaa keessatti

isaan waliin akka hin turre mu’mintoonni dhimmoota shan tarreessu:

“isin of jalliftan” kana jechuun filannoo keessaniin karaa jallinnaa hordofuun, kufrii

dhoksuun, haqa fudhachuu diduun, Islaamaa fi Muslimootatti shira (dhara) baasun

of jalliftan, nafsee teessan adabbiif saaxiltan.

“ni eegdan” kana jechuun Islaamaa fi Muslimoota irratti balaan akka bu’uu fi badan

eegaa turtan. Erga isaan badanii booda kufrii keessan ifatti baastu turtan. Garuu

Rabbiin mu’mintoota gargaaree kaafirota salphise. Kanaafu, shira keessan isin irratti

deebise. Isin shira kan baastan turtan.

27

“ni shakkitan” haqa Nabiyyiin (SAW) Rabbii olta’aa irraa fide ni shakkitan. Haqa

kana keessaa du’aan booda kaafamu ni shakkitan. Ragaaleen ifaa osoo isaaniif

dhufee jiru shakkuuf uzrii (sababa) homaatu hin qabanii turan.

“hanga ajajni Rabbii dhufutti hawwiin isin gowwoomsite.” Kana jechuun hanga

duuti isinitti dhuftutti hawwiin sobaa isin hawwitan, hawwiin sheyxaanni fi

kaafironni isin hawwisisan isin goowwomsite.31 Hawwiin sobaa kuni: mu’mintoota

irratti balaan akka bu’uu fi gadi aanan hawwuu, badiin kiyya naaf araaramama (irra

darbama) jechuun badii hojjachuu itti fufuu, addunyaan isaan gowwoomsu fi kkf of

keessatti qabata.

Gabaabumatti hawwiin kuni hawwii badaa karaa Rabbii irraa isaan deebisuu fi isaan

jallisuudha. Akka kaafirotatti guddinna guddaa irra geenya jechuun Islaama irraa

garagaluu fi kaafirota akkeessuf carraaqun hawwii isaan gowwoomsudha. Hawwiin

kuni isaan goowwomsun osoo hin tawbatin duuti isaanitti dhuftee kufrii fi nifaaqa

irratti du’an.

“Waa’ee Rabbii ilaalchise gowwoomsaanis isin gowwoomse.” Kana jechuun

sheyxaanni murtii fi dhiifama Rabbiitiin isin gowwoomse.32 Yommuu Rabbiin osoo

isaan hin adabin yeroo muraasaaf isaan dhiisu, sheyxaanni kufrii fi nifaaqa isaaniif

miidhagse, adabbii Rabbii jalaa nagaha akka bahan isaan tasgabbeesse. 33

Dhugumatti kuni gowwoomsu guddaadha. Kufrii, nifaaqa fi badii isaanii osoo

hojjachuu itti fufanuu, “adabbii Rabbii jalaa nagaha ni baatu” jedhe isaanitti

hasaasun gowwoomsu guddaadha. Nafsee ofii keessatti akkana ofiin jedhu “[Badii

hojjannuu fi] wanta dubbannu kanaaf maaliif Rabbiin nu hin adabnee?” (Ilaali

suuratu al-Mujaadala 58:8)

Ibsa kana booda munaafiqotaan akkana jedhama:

َُٰكُم ََّلهينَ ٱََل يُۡؤَخُذ مهنُكۡم فهۡديَةٞ َوََل مهَن َۡلَۡومَ ٱفَ ﴿ َوىْۡ َمأ َكَفُروا

هۡئَس نلَاُر ٱ َُٰكۡم َوب َ َمۡولَى يُ ٱِهه ﴾١٥لَۡمصه

31 Zaahiratu nifaaqi wa kabaa’isu munaafiqiin fi taarikh-1/644-658, Abdurahmaan

Hasan Habanka 32 Zaadul Masiir-1398 33 Tafsiiru Sa’dii-990, Tafsiiru Xabarii-22/406

https://archive.org/details/zahrtalnifaq

28

“Har’a isinii fi warra kafaran irraa fidyaan hin fuudhamu. Teesson keessan

ibidda. Ishiin mawlaa keessani, gahuumsi waa fokkate!” Suuratu Al-Hadiid

57:15

Fidyaa jechuun adabbii jalaa nagaha bahuuf qabeenya kennamuudha. Ingiliffaan

Ransom, Amaariffaan Beezaa jechuun hiikan. Fkn, namni yoo hidhame, hidhaa irraa

akka gadi furamuuf mallaaqni ni kennama. Maallaqni kuni fidyaadha.

Mu’mintootaa fi munaafiqota jidduu haasofti erga xumuramee booda, abdii isaan

kutachiisuu fi adabbii jalaa bahuuf mala wayitu akka hin baafanne, akkana isaaniin

jedhama: “Har’a isinii fi warra kafaran irraa fidyaan hin fuudhamu.” Kana

jechuun yaa munaafiqoota! Har’a isinii fi warra ifaan ifatti hin amannee fi Islaama

hin hordofne irraa kafaltiin ykn bakka bu’aan adabbii Rabbii ittiin ofirraa deebistan

isin irraa hin fuudhamu.34 Guyyaa Qiyaamaa osoo addunyaa fi wanti ishii keessaa

jiru hundi kan isaanii ta’ee adabbii jalaa ittiin of baasuuf akka kafaltiitti dhiyeessanii,

isaan irraa hin fuudhamu. Guyyaa san wanti namni qabu iimaanaa fi hojii gaarii

qofa. Qabeenyaa fi wanti inni ittiin of dhaadataa ture Gaafa san of biratti hin argatu.

Asirraa kaane, iimaanni fi hojiin gaariin addunyaa fi qananii addunyaan qabatte

hunda caala jechuu dandeenya. Sababni isaas, Guyyaa Qiyaamaa cinqiin hammaatu

san wanti ibidda Jahannam jalaa nagaha nama baasu qananii addunyaa tana irratti

horatan osoo hin ta’in iimaanaa fi hojii gaarii hojjataniidha.

“Teesson keessan ibidda.” Kana jechuun iddoon itti galtanii fi keessa qubattan

ibidda Jahannami.

“Ishiin mawlaa keessanii” Sababa kafartanii fi shakkitaniif iddoo jireenyaa

hundaa caalaa Ibiddi Jahannam bakka isiniif maltuu fi ofitti isin qabduudha. 35

“gahuumsi waa fokkate!” Ibiddi Jahannam gahuumsa dhumaa gahaniidha.

Dhugumatti gahuumsi kuni garmalee fokkataa fi badaa ta’ee jira!

Barnoota Asirraa Barannu

Wantoota baay’ee asirraa baranna. Isaan keessaa: 1-Al-Jazaa’u min jiinsil amal (mindaan gosa hojiitin) jedhama- mu’mintoonni

akkuma addunyaa irratti amananii fi hojii gaggaarii Rabbiin jaallatutti fiigan,

Guyyaa Qiyaamaa yommuu dukkanni nama marsu sanitti Rabbiin ifa ittiin deemanii

34 Tafsiiru Xabarii-22/407, Zaahiratu nifaaqi wa kabaa’isu munaafiqiin fi taarikh-1/659

35 Tafsiiru ibn Kasiir-7/180, Tafsiiru Sa’dii-990

29

fi fiigan isaaniif godha. Faallaa kanaa, munaafiqonni akkuma addunyaa irratti qalbii

isaanitiin amanuu didanii dukkana kufrii keessa turan, Guyyaa Qiyaamaa iimaana

waan hin qabneef ifa ittiin deeman ni dhabu. Guddinnii fi jabeenyi ifaa hamma

iimaanaa fi hojii gaggaari irratti hundaa’a. Namni iimaanni isaa cimaa ta'ee fi hojii

gaggaarii baay’ee ikhlaasaan hojjate, akkasuma, ifni isaa guddaa ta’a. Akkasumas

gara fuunduraatti ariitin deema. Namni iimaanni isaa laafaa fi hojiin isaa xiqqaa ta’e

akkasuma ifaa fi adeemsi isaa dadhabaa ta’a. Kaafironni fi munaafiqonni iimaanaa

fi hojii gaggaarrii waan hin qabneef, ifa ni dhabu.

2-Munaafiqonni zaahiraan (gubbaan) Islaamaa labsuun keessatti immoo kufrii

dhoksuun Muslimoota waliin jiraataa turan. Kan kana godhaniif faayda Muslimoota

irraa argachuu fi miidhaa ofirraa deebisuufi. Guyyaa Qiyaamaa ifni faayda guddaa

garmalee barbaadamu waan ta’eef, isaanitti makamanii mu’mintoota irraa ifa kana

argachuuf ni hawwuu. Garuu Guyyaan Guyyaa haqaa waan ta’eef ifa kana hin

argatan. “Gara duubatti deebi’aatii achii ifa barbaadadhaa.” Isaaniin jedhama.

3- Iimaanni fi hojiin gaariin akka dallaa balbala qabuuti. Mu’mintoonni addunyaa

keessatti iimaana keessa waan seenanii fi hojii gaggaarii ikhlaasan waan hojjataniif,

Guyyaa Qiyaamaas dallaa (jogola) isaanii fi munaafiqota jidduutti dhaabbame

nagahaa fi ariitin seenu. Munaafiqonni immoo gubbaan Islaama haa mul’isanii

malee qalbiidhaan iimaana keessa waan hin seennef dallaa keessi isaa rahmata ta’e

keessa hin seenan. Gara alaatti dhoowwamuun azaaba (adabbii) naannawa sanitti

dhufuuf saaxilamu. “Al-Jazaa’u min jiinsil amal (mindaan gosa hojiitin)” kan jedhu

ammas yaadadhu.

4-Gatiin hojii kan madaallamu gubbaa qofaan osoo hin ta’in wanta qalbii keessa

jiruuni. Munaafiqonni mu’mintootaan “Isin waliin salaatuun, soomuun, qabsaa’uu

fi hojii gaggaarii biroo keessatti hirmaachuun isin waliin hin turree?” jedhu. Garuu

iimaanni fi ikhlaasni qalbii keessa waan jirreef hojiin gubbaa isaan irraa mul’atu

akka homacha (horofaa) saamunaa ta’a. Yoosu bada, gatii homaatu hin qabu.

Kanaafu, Guyyaa boru ifa argachuuf, “Iimaana qalbii keessa jiru cimsachuuf, na

argaa, na beekaa, na dhagayaa fi kkf irraa hojii gaggaarii qulqullefachuun jaalala

Rabbii fi mindaa Isaa argachuuf namni haa carraaqu.”

5-Namni hanga fedhe hojii gaggaarii haa hojjatu, qalbii isaa keessatti wanta iimaana

faallessu yoo kuufate hojiin isaa jalaa bada. Aayah armaan olii keessatti wanta

munaafiqotaan jedhame keessaa: “of jalliftan.” Kana jechuun qalbii keessatti kufrii

dhoksuu fi Islaama fudhachuu diduun of jalliftan. “ni shakkitan.” Kana jechuun

haqa Rabbii olta’aa irraa dhufe ni shakkitan. Kan akka Qur’aanaa, du’aan booda

30

kaafamu ni shakkan. Shakkiin qalbii keessa yoo ture gara kufriitti waan nama

geessuuf iimaanan wal faallessa. “ni eegdan” kana jechuun Islaamni fi

Muslimoonni akka badan ni eegdan. Kuni Islaamaa fi Muslimoota irratti waan

badaan akka bu’uu hawwuu waan ta’eef iimaanan wal faallessa. Namni Guyyaa

dukkanni fi dhiphinni namatti bu’u san jalaa nagaha bahuuf gochoota akkanaa irraa

of eeguf haa carraaqu.

6-Tarii of jallisuu, shakkuu fi waan badaa Islaamaa fi Muslimoota irratti eegutti kan

isaan geesse, hawwii sobaati fi sheyxaana. Hasaasni sheyxaanni isaanitti hasaasu,

kufrii fi shakkitti akka kufan isaan taasise. Sheyxaana irraa eeggamuuf osoo gara

Rabbii fiiganii eeggumsa Isarraa kadhatanii, silaa Rabbiin isaan eegaa ture. Garuu

isaan kana hin hojjanne. Hawwiin sobaa isaan hawwanii fi kaafironni isaan

hawwisiisan, badiitti akka lixan isaan taasise. Munaafiqonni kaafirota hiriyyaa waan

godhataniif waan badaa isaan hawwisiisu. Hawwiin sobaa kuni hundi karaa qajeelaa

irraa akka jallatan isaan taasise. Kanaafu, namni hasaasa sheyxaanaa fi hawwii

sobaatin gowwoomun, daandii haqaa (Islaama) irraa dabuu irraa of haa eegu.

31

Yeroon Qalbiin Warra Amananii Zikrii Rabbii fi Qur’aanaaf

Laaftu Hin Geenyee?

هۡكره ﴿ ن ََتَۡشَع قُلُوُبُهۡم َّلهَْ أ هََّلهيَن َءاَمُنو ا نه ل

ۡلَۡم يَأ

َه ٱَوَما نََزَل مهَن ّلَله ٱ۞أ َوََل ۡۡلَق

وتُواْ ََّلهينَ ٱيَُكونُواْ كَ ُۡيههُم لۡكهَتََٰب ٱأ

َمدُ ٱمهن َقۡبُل َفَطاَل َعلَََفَقَسۡت قُلُوُبُهۡم ۡۡل

ُقونَ هۡنُهۡم َفَٰسه ﴾١٦َوَكثهيٞ م “Warra amananiif yeroon qalbiin isaanii zikrii Rabbiitii fi dhugaa irraa wanta

bu’eef laaftu hin geenyee? Akka warra isaaniin dura kitaabni kennameefi,

yeroon isaanitti dheeratee qalbiin isaanii gogde hin ta’in. Baay’een isaanii

faasiqoota.” Suuratu Al-Hadiid 57:16

Ganda Aakhirah keessatti yommuu haala mu’mintoota fi munaafiqoota dubbatu,

kuni qalbii gara laafinnaa fi Rabbiif of gadi qabuu kakaasudha. Kana booda

namoonni qalbiin isaanii yoo hin laafinii fi gadi of hin qabin, gorsi akkana jedhu ni

barbaachisa:

“Warra amananiif yeroon qalbiin isaanii zikrii Rabbiitii fi dhugaa irraa wanta

bu’eef laaftu hin geenyee?” kana jechuun warra Rabbii fi Ergamaa Isaa

dhugoomsanii fi qajeelcha Isaa hordofaniif, yommuu Rabbiin faarfamuu fi Qur’aana

dhagayan yeroon qalbiin isaanii itti laaftu, gadi of qabduu fi ajajoota Isaatiif bultuu

hin dhufnee?36 Kana keessa qalbii Rabbiif gadi qabuu fi laaffisuuf carraaqu, yeroo

hundaa warri amanan gorsa Rabbiin irraa bu’e yaadachuu fi nafsee ofii qorachuutti

kakaasutu jira.

Khushuu’u (qalbiin laafuu fi of gadi qabuun) kuni ajajoota Rabbiitti akka bulan

nama taasisa. Namni zikrii Rabbiitii fi Qur’aanaaf qalbiin isaa yoo laafte fi of gadi

qabde, wanta Rabbiin itti ajaje hojjachuu fi wanta Inni dhoowwe dhiisuun isarraa

eeggama. Kanaafi, Abdullah ibn Abbaas, aayah tana akkana jechuun fassare (ibse),

“yeroo qalbiin isaanii Rabbiif itti ajajamtu hin geenyee?”37

Aayan tuni tawbaa Fudayl ibn Iyaadif sababa guddaa taate. Fudayl dubara takka ni

jaallate. Halkan tokko waadaa galteef. Osoo inni ishii bira dhaquuf dhaaba dallaa

36 Tafsiiru Muyassar-539 37 Tafsiiru Xabarii-22/408

32

bahuuf tattaafatu, aayah tana dhagahee: “Warra amananiif yeroon qalbiin isaanii

zikrii Rabbiitii fi dhugaa irraa wanta bu’eef laaftu hin geenyee?” Ergasii osoo

akkana jedhu duubatti deebi’e: “Eeyyeen! Rabbiin kakadhe, yeroon gahee jira.”

Karaa daaritti goree halkan achi bule. Karaa kana keessa namoota karaa deemantu

ture. Namoonni kunniin akkana waliin jedhu: “Fudayl karaa mura (shiftaadha).”

Ergasii Fudayl akkana ofiin jedhe: Waa! Halkaniin Rabbiin faallessuuf nan carraaqa,

Muslimoonni na sodaatu! Yaa Rabbii! Gara Keetti deebi’e (tawbadhe). Gara Keetti

tawbachuu kiyya cinaa Mana Kee qulqulluu (Al-Masjid al-Haraam) godhee.”38

(Fudeyl umrii isaa hafee Makkaan deemun Al-Masjiid Al-Haraam cinaatti dabarse.

Kana booda seenaa keessatti nama gaarii fi beekumsa qabu ta'uun beekkame.)

“Akka warra isaaniin dura kitaabni kennameefi, yeroon isaanitti dheeratee

qalbiin isaanii gogde hin ta’in.” Rabbiin subhaanahu wa ta’aalaa warroota amanan yahuudotaa fi kiristaanotaan wal fakkaachu irraa ni dhoowwe. Yahuudotaa fi

Kiristaanonni yommuu yeroon dheeraan isaan irra darbu, kitaaba Rabbii harka

isaanii jiru ni jijjiran, gatii xiqqaan ni gurguratan. Kitaaba Rabbii of duubatti

darbanii ilaalcha garagaraa fi dubbii sobaatti qajeelan. Amantii Rabbiin isaaniif

kaa’e keessatti dhiirota akkeessan. Raabi, qeeysotaa fi moloksee isaaniitiif

ajajamuun Rabbii gaditti gooftolee godhatan. “Baay’een isaanii faasiqota” kana jechuun Yahuudotaa fi Kiristaanotaa irraa baay’een isaanii Rabbiif ajajamuu didanii

jiru. Qalbiin isaanii faasida (tan baddeedha), hojiin isaanii baaxila (soba). Akkuma

Rabbiin olta’aan jedhe:

“Sababa waadaa isaanii diiganiif isaan abaarree qalbii isaanii gogdu taasifne.

Jechoota bakka isaaniitii ni jijjiru, wanta ittiin gorfaman irraas qooda ni

dagatan (ni dhiisan).” Suuratu Al-Maa’ida 5:13

Kana jechuun qalbiin isaanii ni badde, ni gogde. Barteen (amalli) isaanii jechoota

bakka sirrii isaanii irraa jijjiruudha. (Kitaaba isaanii Tawraati fi Injil keessatti

jechoota bakka sirrii irraa jijjiru). Hojii itti ajajaman ni dhiisan, wanta irraa

dhoowwaman itti lixan. Kanaafi, Rabbiin warra amanan, dhimmoota hundee fi

damee keessatti yahuudotaa fi kiristaanotaan wal fakkaachu irraa ni dhoowwe.39

38 Tafsiiru Al-Qurxubii-20/256 39 Tafsiiru Ibn Kasiir-7/181

33

ْ ٱ﴿ َن ۡعلَُمو اَۡرَض ٱيُۡۡحه ّلَلَ ٱأ

َههَ ۡۡل ﴾١٧لََعَلُكۡم َتۡعقهلُونَ ٓأۡلَيَٰته ٱا قَۡد بََيَنا لَُكُم َبۡعَد َمۡوت

“Beekaa! Rabbiin dachii du’a ishiitiin booda ni jiraachisa. Akka hubattaniif

aayaata isiniif ifa goonee jirra.” Suuratu Al-Hadiid 57:17

“I’ilamuu (Beekaa)” jechuun dubbii jalqabuun, wanti namatti himamu wanta cimaa

xiyyeefannoo fi gurra itti kennu barbaachisu akka ta’e namatti beeksisa. Jecha,

“Beekaa” jedhu booda wanti dhufe dhokataa haa ta’uu malee gatii guddaa akka qabu

agarsiisa. Kunis haala qalbii amantee zikrii Rabbiitti hajamtu, haala lafa duutu

gogdee roobatti hajamtuun wal fakkeessu barbaadamee. (Akkuma lafti biqiltoonni

irraa baduun duutee fi gogde, biqiltoonni ishii irratti akka biqilaniif roobatti hajamtu,

qalbiin gogdee fi duutees akka laaftuu fi jiraattuuf yaadannoo Rabbii fi Qur’aanatti

hajamti.) Zikriin Rabbii fi Qur’aanni akka roobaati.40 Akkuma sababa roobaatin lafti

duute fi gogde jiraattu, sababa zikrii fi Qur’aanaatiinis qalbiin gogdee fi duute ni

jiraatti. Rabbiin subhaanahu wa ta’aalaa wantoota lama qulqulluu samii irraa buuse.

1ffaa-rooba qaamni namaa ittiin jiraatudha. Roobni roobun biqiltoonni ni biqilu,

ergasii namoonni biqiltoota kannin nyaatun qaamni isaanii ni jiraata. 2ffaan- immoo

wahyii (beeksisa) ruuhi fi qalbiin namaa ittiin jiraataniidha. Qur’aanni wahyii

Rabbiin irraa bu’e waan ta’eef ruuhi fi qalbiin ittiin jiraatu. Qalbiin dukkana kufrii,

shirkii fi wallaalummaa keessatti taruun gogdee fi duute, Qur’aanan dukkana cillimii

kana keessaa gara ifaatti bahuun jiraatti. Dhiphinna, jeeqamuu fi jallinna booda

bal’inna, tasgabbii fi qajeelinna argatti.

Haafiz ibn Kasiir aayah tana ilaalchise ni jedha: Rabbiin qalbii gogde akka laaffisuu,

nama dhama’aa jallinna isaa booda akka qajeelchu, rakkoon erga cimee booda karaa

bahiinsa akka godhu aayan tuni ni agarsiisti. Rabbiin akkuma dachii duute fi gogde

rooba baay’ee itti roobsun jiraachisu, qalbii gogde ragaalee Qur’aanatiin ni

qajeelcha. Qalbiin cufamte homtu ishii akka hin geenye erga taate booda ifa qalbiitti

ni seensisa. Inni qulqullaa’e jallinnaan booda nama fedhe Kan qajeelchudha.41

Ammas wanti jecha “Beekaa” jedhu irraa barbaadame, “Du’aan booda kaafamni

akka jiruu” mirkaneessufi. Kana booda ibsi aayah akkana ta’a: Beekaa! Rabbiin

subhaanahu wa ta’aalaa dachii du’a ishiitiin booda rooba itti roobsun ni jiraachisa,

kanaafu, biqiltoota ni biqilchiti. Akkuma kana Rabbiin Guyyaa Qiyaamaa namoota

40 Tafsiiru tahriir wa tanwiir-27/393 41 Tafsiiru ibn Kasiir-7/182

34

du’an kaasu irratti danda’aa akka ta'e beekaa. Ammas, qalbii erga gogde laaffisuu

irratti danda'aa akka ta'e beekaa.42

“Akka hubattaniif aayaata isiniif ifa goonee jirra.” Kana jechuun akka hubattanii

gorfamtaniif ragaalee fi wantoota Dandeetti Keenya agarsiisan isiniif ifa goonee

jirra.43

Aayah tana “Beekaa!” jedhee jalqabuun sammuun beeku qofa osoo hin ta’in wanta

beekan hojii irra akka olchan namatti akeeka. Namni, “Sababa Qur’aanaatin qalbiin

akka laaftu fi jiraattu” beeke, Qur’aana barachuu fi hojii irra oolchuuf tattaafata.

Kanaafu, wanta beeke hojii irra oolchun firii barbaadame argata. Akkasumas,

qabxiin biroo aayah tana irraa hubatamu qabu, nama dukkana jallinnaa fi badii

keessatti taree Rabbiin guyyaa tokko isa qajeelchu fi qalbii isaa jiraachisu danda’a.

Kanaafu, namni jallinnaa fi badii keessatti yoo taree, gara Rabbii deebi’uun

qajeelcha Isarraa haa barbaadu, qalbiin isaa akka laaftuf Isa haa kadhatu. Ammas,

namoota jallinna keessatti taran tuffachuu osoo hin ta’in karaa itti agarsiisuuf

carraaqudha. Rabbiin subhaanahu akkuma dachii gogde jiraachisu qalbii isaaniis

jiraachisu irratti danda’aa waan ta’eef.

42 Tafsiiru Muyassar-539

43 Madda olii

35

Warri Sadaqatanii fi Karaa Rabbii Keessatti Qabeenya Ofii Arjooman Mindaa Dachaa Argatu

قهنيَ ٱإهَن ﴿ ه َٰته ٱوَ لُۡمَصد َق ه قَۡرُضواْ لُۡمَصد َا يَُضََٰعُف لَُهۡم ّلَلَ ٱَوأ قَۡرًضا َحَسن

ۡجٞر َكرهيمٞ َ ﴾١٨َولَُهۡم أ

“Dhugumatti, dhiironni fi dubartoonni sadaqatanii fi Rabbiif liqaa gaarii

liqeessan, [mindaan isaanii] dachaa isaaniif ta’a. Isaaniif mindaa gaariitu

jira.” Suuratu Al-Hadiid 57:18

“Dhugumatti, dhiironni fi dubartoonni sadaqatanii” kana jechuun dhiironni fi

dubartoonni namoota haajaa qabanii fi rakkataniif qabeenya isaanii kennan,

akkasumas, “Rabbiif liqaa gaarii liqeessan” kana jechuun niyyaa qulqulluun,

jaalala Rabbii barbaaduun karaa kheeyri (gaarii) keessatti qabeenya isaanii baasan,

mindaan kanaa isaaniif baay’ata. Kudhan irraa jalqabe hanga dhibba torba gahuu fi

sani ol ta’utti dacha dachaa isaaniif ta’a.44 Jecha gabaaban, dhiironnii fi dubartoonni

sadaqaa kennatanii fi jaalala Rabbii fi mindaa Isa bira jiru kajeelun qabeenya isaanii

karaa Isaa keessatti baasan, mindaan isaanii dacha dachaa isaaniif ta’a. Kanaa olitti

immoo “Isaaniif mindaa gaariitu jira” Mindaan gaarii fi kabajamaan kunis

Jannata.

Rabbiin subhaanahu wa ta’aalaa, “Rabbiif liqaa gaarii liqeessan” yommuu jedhu,

liqatti hajamee osoo hin ta’in, nama qabeenya arjoomutti tola oolu waan barbaadefi.

Akkasumas, namni guddinna mindaa akka beekufi. Rabbiin subhaanahu Dureessa

homaattu hin hajamneedha.

Karaa Rabbii keessatti baasun, liqaa gaarii kan jedhameef nama karaa gaarii

keessatti qabeenya akka baasu fi arjoomu kakaasuufi. Nama biratti wanta garmalee

jaallatamaa ta’e keessaa tokko, “Qabeenya”. Qabeenya kana wanta nafsee isaa

gammachiisuu fi faayda naaf fida jedhee yaadu irratti malee baasu hin barbaadu.

Kanaafu, qabeenya inni baasu hin barbaanne kana, “Liqaa liqeessi dacha dachaa

ta’ee siif deebi’a” yoo jedhame, liqeessuuf ni ariifata. Kanaafi, warri baanki seera

Islaamaatin hin bulle, liqaa namaaf liqeessuuf ni ariifatu. Sababni isaas, liqaa yoo

liqeessan maallaqni dachaa ta’ee isaaniif deebi’a. Kuni dhala ykn ribaa waan ta’eef

Islaama keessatti dhoowwamaa (haraama)dha. Garuu bakka dhalaa (ribaa) wanta

44 Tafsiiru ibn Kasiir-7/182-183, Tafsiiru Muyassar-539, Tafsiiru Sa’dii-991

36

dachaa namaaf ta’u Rabbiin bakka buuse. Wanti kunis sadaqaa fi karaa Rabbii

keessatti baasu (liqaa gaariidha). Rabbiin subhaanahu wa ta’aalaa ni jedha:

َٰله ﴿ ۡمَوَُبَواْ ِفه أ هَيۡ ا ل هب هن ر َءاتَۡيُتم م

َوَما ّلَله ٱفَََل يَۡرُبواْ عهنَد نلَاسه ٱَوَما ةٖ تُرهيُدوَن وَۡجَه هن َزَكوَٰ ئهَك ُهُم ّلَله ٱَءاتَۡيُتم م

َٰٓ ْولَُ ﴾٣٩لُۡمۡضعهُفونَ ٱفَأ

“Qabeenya namootaa keessatti akka dhaluuf wanti isin dhala irraa kennitan,

Rabbiin biratti homaa hin dhalu. Garuu zakaa irraa Fuulaa Rabbii barbaadun

wanti isin kennitan, [isatu isiniif dhala]. Isaan sun mindaan kan isaaniif

baay’atuudha.” Suuratu Ar-Ruum 30:39

Kana jechuun dhala niyyachuu fi liqaan qabeenya namootaa keessatti akka isiniif

dabalu barbaadun qabeenya irraa wanti isin akka liqaatti kennitan, Rabbiin biratti

hin dabalu. Kana irra, Rabbiin ni balleessa. Garuu Jaalala Rabbii barbaadu fi mindaa

Isaa kajeelun wanti isin akka zakaa fi sadaqaatti namoota haajaa qabanii fi

rakkataniif kennitan, Rabbiin isiniif baay’isa, mindaa dacha dachaa isiniif godha.45

Aayan tuni akkana jechuunis ibsamte: “Namoonni wanta inni kenne caalaa dachaa

godhanii akka isaaf deebisan barbaaduun namni kennaa kenne, namni kuni Rabbiin

biratti mindaa hin argatu. Sababni isaas, kennaa kana keessatti jaalala Rabbii hin

barbaanne.”46

Namni kuni mindaa haa dhabu malee badiin isarra hin jiru. Garuu namni liqaa

liqeessun liqaan isaa dacha ta’e akka isaaf deebi’u barbaadu, badiin isarra jira.

Mindaallee ni dhaba, dhala waan nyaatefis ni adabama.

Warri Rabbii fi Ergamtoota isaatti amanan warra sirritti dhugaa ta ’aniidha

45 Tafsiiru Muyassar-408 46 Tafsiiru ibn Kasiir-6/97, Tafsiiru Xabarii-18/508

37

“Isaan Rabbii fi Ergamtoota Isaatti amanan, isaan sun siddiquun fi Gooftaa

isaanii biratti shuhadaa’a, mindaan isaaniitii fi ifni isaanii isaaniif jira. Isaan

kafaranii fi aayaata Keenya kijibsiisan immoo isaan sun warra ibiddaati.”

Suuratu Al-Hadiid 57:19

Siddiquun jechuun warra iimaanni isaanii guutuu ta’e, hojii gaggaarii hojjatan,

beekumsa nama fayyadu fi yaqiina (mirkaneefannaa) dhugaa qabaniidha.47 Jecha

gabaaban, siddiquun jechuun amantii, dubbii fi hojii isaaniitin sirritti dhugaa kan

ta’aniidha. Akka munaafiqotaa dubbii fi hojiin alaa amantii isaanitiin wal hin

faallessu. Amaariffaan, "በጣም እውነተኞቹ" jechuun hiikan. Siddiquun qalbiidhaan

shakkii tokko malee dhugaan amanuu, dubbii fi hojii isaanii keessatti dhugaa ta’u.

Nabiyyootatti aanee sadarkaan guddaan sadarkaa siddiquunati.

Shuhadaa’a hiika lama qaba: 1ffaa-warra ragaa bahan, 2ffaa-warra karaa Rabbii

keessatti ajjeefaman.

Hiika kana irraa ka'uun hayyoonni aayah tana ibsuu irratti yaada lama qabu:

1ffaa- himni “wallaziina aamanu…” jedhee jalqabu, “humu siddiquun” jedhu irratti

dhaabbata. Kana booda himni lammataa, shuhadaa’a jechuun jalqaba. Akkaata ibsa

kanaatti, hiikni aayah akkana ta’a: Isaan Rabbii fi Ergamtoota Isaatti amanan,

dhugumatti isaan sun warra sirritti dhugaa ta’aniidha (siddiquun). Shuhadaa’a (warri

karaa Rabbii keessatti ajjeefaman) immoo “mindaan isaaniitii fi ifni isaanii

isaaniif jira.” Kuni ibsa Ibn Abbaas, Masruuq, Dahhak, Muqaatil fi kanneen biroo

kennaniidha.

2ffaa- siddiquun fi shuhadaa’a osoo addaan hin baasin aayan guutuun walitti

hidhamuun hima tokko taati. Akka ibsa kanaatti hiikni aayah akkana ta’a: “Isaan

Rabbii fi Ergamtoota Isaatti amanan, isaan sun warra sirritti dhugaa ta'anii fi Gooftaa

isaanii biratti warra ragaa bahaniidha, mindaan isaaniitii fi ifni isaanii isaaniif jira.”

Mujaahid fi hayyoonni biroo ibsa kana kennanii jiru.48

47 Tafsiiru Sa’dii-991 48 Tafsiiru Xabarii-22/413-415, https://www.englishtafsir.com/Quran/57/index.html#sdfootnote34sym, Bidaa’u Tafsiir-3/129-130,

Ibn Al-Qayyim

https://www.englishtafsir.com/Quran/57/index.html#sdfootnote34sym

38

Warroonni Rabbii fi Ergamtoota Isaatti amanan, addunyaa tana keessatti warra

sirritti dhugaa ta’aniidha (siddiquun), Guyyaa Qiyaamaas namoota irratti ragaa bahu

(shuhadaa’a ta’u).49 Rabbiin subhaanahu wa ta’aalaa ni jedha:

“Namoota irratti raga baatota (shuhadaa’a) akka taatanii fi Ergamaanis isin

irratti ragaa bahaa akka ta’uuf akka kanatti ummata jiddu-galeessaa isin

goone.” Suuratu Al-Baqarah 2:143

Aayah keessatti Rabbii fi Ergamtoota Isaatti amanan jedhee kaasun Yahuudota fi

Kiristaanota osoo ifatti hin baasin haala hubatamuun qeeqa. Yahuudonni

Ergamtoota hundatti hin amanne. Nabii Muusatti amananii, Nabii Iisaa fi Nabii

Muhammaditti kafaran. Kiristaanonnis Nabii Iisaatti amananii garuu Nabii

Muhammaditti ni kafaran. Kana jechuun Nabii Muhammad (SAW) Ergamaa Rabbii

ta’uu hin amanne. Akkasumas, waa’ee Rabbii olta’aa ilaalchise amantiin isaan

qaban badaa kan ta’eedha. Kanaafu, yahuudonni fi kiristaanonni warra dhugaa

(siddiquun) hin jedhaman. Warri sirritti dhugaan amanan, warra Rabbiitti haala sirrii

ta’een amananii fi osoo Ergamtoota addaan hin baasin Ergamtoota hundatti

amananiidha. Dhugumatti, warri kuni Guyyaa Qiyaamaa namoota irratti ragaa

bahuun wanta isaaniif haqa ta’uudha.

“Isaan kafaranii fi aayaata Keenya kijibsiisan immoo isaan sun warra

ibiddaati.”

Kana jechuun namoonni Rabbii fi Ergamtoota Isaatti hin amanne, keeyyattota fi

ragaalee Isaa akka sobaatti ilaalan, isaan sun warra ibiddaati. Mindaas ta’e ifni

isaaniif hin jiru. Warri kuni yahuudota, kiristaanota, mushrikootaa fi namoota biroo

ni hammata. Zamana Nabiyyii (SAW) keessa mushrikoonni Makkaa haqa isaaniif

dhufetti amanuu didan. Yahuudonnis Nabii Iisaa fi Nabii Muhammad Ergamtoota

Rabbii ta’uu amanuu didan. Kiristaanonnis wanta Rabbiif hin malle jedhan.

Kanarratti dabalatee, Nabii Muhammad (SAW) Ergamaa Rabbii ta’uu hin amanne.50

Zamana kana wanti kana hundarra badaa ta’e immoo jiraachu Rabbiitti subhaanahu

49 Bidaa’u Tafsiir-3/130, Ibn Al-Qayyim 50 Tafsiiru tahriir wa tanwiir-27/400

39

wa ta’aalaa warra hin amanne (eetist). Kunniin hundi yoo hin tawbatin warra

ibiddaati. Rabbiin rahmata Isaatiin ibiddaa fi wantoota gara ibiddaatti nama geessan

irraa nu haa tiiksu.

40

HAQIIQAA (DHUGAA) JIREENYA ADDUNYAA

Jireenyi addunyaa namoonni dheebotanii fi irratti wal fixaniif tuni maalidhaa?

Haqiiqaan (dhugaan keessa) ishii akkamii? Namni sirritti keessaa fi dhuma jireenya

addunyaa yoo hin beekin gubbaa ilaalun ni gowwooma. Aayan suuratu Al-Hadiida

armaan gadi haqiiqa jireenya addunyaa ifatti baasti.

ْ ٱ﴿ َنَما ۡعلَُمو اَةُ ٱأ ۡنَياٱ ۡۡلََيوَٰ ُۢ بَۡيَنُكۡم َوتََكاثُٞر دلُّ لَعهٞب َولَۡهوٞ َوزهيَنةٞ َوَتَفاُخُر

َٰله ٱِفه ۡمَوَۡوَلَٰدهِۖ ٱوَ ۡۡل

َۡعَجَب ۡۡل

ََُٰه ُثَم يَههيُج فََتَ ۥَنَباتُهُ لُۡكَفارَ ٱَكَمَثله َغۡيٍث أ ىا َوِفه ا ُثَم يَُكوُن ُحَطَٰم هَن ٓأۡلٱُمۡصَفر يٞد َوَمۡففهَرةٞ م ه َعَذاٞب َدده َرة ّلَله ٱخه

َٰٞن َوَما ةُ ٱَورهۡضَو ٱ ۡۡلََيوَٰۡنَيا ﴾٢٠لُۡفُروره ٱإهََل َمَتَُٰع دلُّ

“Jireenyi addunyaa tapha, lahw, faaya, jidduu keessanitti dhaadannoo,

qabeenyaa fi ilmaan baay’ifachuu qofa akka taate beekaa. Fakkeenyi [ishii]

akka bokkaa biqilaan isaa kuffaara dinqisiisee ergasii gogee daalacha’aa ta’e

argitu, ergasii caccabaa ta’uuti. Aakhiratti adabbii cimaa fi Rabbiin irraa

araaramaa fi jaalalatu jira. Jireenyi addunyaa mataa'u [nama] gowwoomsitu

malee waan biraati miti.” Suuratu Al-Hadiid 57:20

Asitti “kuffaar” jechuun qotee bultoota ykn namoota midhaan facaasaniidha. Hiikni

biraa “Kuffaar”-namoota Rabbitti hin amanneedha. Mataa'u jechuun wanta yeroo

gabaabaf itti fayyadamanii ergasii dhumatuu fi baduudha.

Keeyyata tana keessatti Rabbiin subhaanahu wa ta’aalaa wantoota addunyaa tana

keessatti nama gowwoomsan ramaddii gurguddaa shan jalatti walitti qabuun ni ibse.

Isaanis: Tapha, lahw (bashannana), faaya, wal-jidduutti dhaadachuu, qabeenyaa fi

ijoollee baay’ifachuudha.

Addunyaa keessatti ramaddi gurguddaa kanaan ala ramaddin biraa namoonni ittiin

wal dorgaman jiraa? Dhugumatti, faaydan addunyaa namoonni umrii fi humna ofii

itti fixan tapha, bashannana, faaya, dhaadannoo, qabeenyaa fi ijoollee baay’ifachuu

bira hin darbu.

41

Fakkeenya armaan oli aayah keessatti kenname sirritti hubachuuf mee bakka lamatti

haa qoonnu. Tokkoffaa- wantoota shanan armaan olii, 2ffaa- ilma namaa

Wantoota shanan kanniin manasxirii nama gowwoomsun osoo hin ta’in manasxirii

dhugaatiin yoo ilaalle, fakkeenyi isaanii akka biqilaa roobni itti roobee biqileeti.

Dhugumatti jireenyi addunyaa jalqaba irratti biqilaa waqtii gannaa lafaa ol biqiluutin

wal fakkaatti. Ergasii biqilaan kuni yeroo birraan bari’u miidhaginni isaa qotee

bulaa dinqisiisa. Haaluma kanaan, jireenya addunyaa yommuu garmalee

miidhagdu kaafiraa fi nama iimaanni isaa dadhabaa ta’e dinqisiifti. Ergasii ji’oota

birraa gara dhumaatti biqilaa ykn midhaan kanarraa magariisni deemun gogee

daalachaa’a. Gogee dalachaa’un kuni oomishaaf guutuu ta’uu agarsiisa. Jireenyi

addunyaas haaluma kanaan guuttamti. Ergasii biqilaan kuni gogee erga daalachaa’e

booda lafarratti caccaba. Magariisni duraan nama dinqisiisu homaa hin hafu.

Haftee malee homtu hin mul’atu. Jireenyi addunyaas haaluma kanaani. Dhumti ishii

caccabuu fi baduudha.

Wantoota shanan kanniin keessaa akka fakkeenyaatti “faaya” haa fudhannu. Faaya

jechuun wanta miidhagaa nama hawwatuudha. Fkn, manni wantoota adda addaatin

ni faayama. Jalqaba manni ni ijaarrama. Ergasii yommuu faayamee xumuramu,

akkuma midhaan magariisaa nama dinqisiisa. San booda akkuma midhaan gogee

daalachaa’u manni kunis dulloomee fokkata. Akkuma midhaan erga gogee booda

caccabu, manni kunis takkaa dulloomee kufa, takkaa immoo balaan itti bu’un

caccabe daaraa ta’a. Kunoo jireenyi addunyaa namni ittiin of tuuluu fi akka

guddaatti ilaalu kana fakkaatti. Telefoona harka qabdu, konkolaataa si dharraasisu,

gamoo si hawwiisisuu fi meeshaalee addunyaa biroo fakkeenya kanaan wal bira

qabi. Hundi isaanitu fakkeenya kanaan kan walitti galan ta’e argita. “Jireenyi

addunyaa mataa’u [nama] gowwoomsitu malee waan biraati miti.” (Mataa’u

jechuun wanta yeroo murtaa’ef itti fayyadamanii ergasii baduudha. Kan akka

meeshaa, nyaata, dhugaati, uffata, qabeenya fi kkf.) Namni dhuma jireenya

addunyaa hin hubanne, wanta jalqaba irratti arguun gowwoomun qananii turaa

Aakhiratti argatu dhaba.

Gara jireenya ilma namaatti yoo dhufne immoo, namni jalqaba yommuu dhalatu,

miidhagaa nama dinqisiisuu biqilaa lafaa ol biqiluun wal fakkaata. Akkuma biqilaan

yeroo magariisa ta’ee firii buufachuu jalqabu nama dinqisiisu, mucaan kunis yeroo

daa’imummaa, ijoollummaa fi dargaggummaa isaatti nama dinqisiisa. Biqilaan firii

baadhachuun goguu fi daalachaa’u jalqaba. Haaluma kanaan namni kunis guddate

gara jaarsummaatti dhiyaata. Fuulli, amalli fi haalli isaa jijjiramu jalqaba. Midhaan

erga gogee fi daalachaa’e booda caccabee citaa ta’a. Namni kunis umrii jaarsummaa

42

keessa seenun dadhabaa, humna kan hin qabne, socho’uun kan itti ulfaatu ta’a.

Hanga siree irraa hin sochoone gaha. Jireenyi namaa addunyaa keessatti kunoo

akkana. Kana booda maaltu jira ree? Kana booda duuti ni dhufti. Du’anii achiin

hafuun waan hin jirreef, qorannoo fi jazaan Guyyaa Qiyaamaa ni dhufa. Kanaafi ni

jedha: “Aakhiratti adabbii cimaa fi Rabbiin irraa araaramaa fi jaalalatu jira.”

Aayah keessatti bakka zurraa’a jedhu jechi kuffaar jedhu ni filatame. Kuffaar

jechuun namoota Rabbiitti, Guyyaa Qiyaamaa fi hundeewwan iimaanaa hafanitti hin

amanneedha. Ammas, hiikni biraa kuffaara- namoota midhaan facaasaniidha.

Zurraa’a jechuunis namoota midhaan facaasaniidha. Garuu bakka “zurraa’a” jedhu

jechi "kuffaar" kan filatameef, addunyaa tanaan guutumaan guututti kan

goowwoomu kuffaara (namoota Rabbii fi Guyyaa Qiyaamaatti hin amannee) ta'uu

agarsiisufi. Sababni isaas, Aakhiratti waan hin amnneef qananiin guddaan addunyaa

caalu isaan abdatan hin jiru. Kanaafu, sadarkaa jalqabaa irratti fakkeenyi kuni

isaanitti kan qajeeludha.

Mee amma wantoota shanan armaan olii nama gowwoomsu bal’inaan haa ibsinu:

1-La’ab (tapha)- kuni hojii jabaa fi cimaa hin taaneedha. Taphni hojii daa’immanii

fi ijoollee keessatti ni baay’ata. Marsaan ijoollummaa marsaa taphaati. Namoonni

biroos garaagarummaa umrii fi sammuu irratti hundaa’e tapha ni taphatu. Marsaa

taphaatiin alatti tapha k