semanabisaya2
DESCRIPTION
Opisyal nga Pamantalaan sa Pagsaulog sa Semana sa Pinulungang Binisaya sa New ZealandTRANSCRIPT
Mas lingaw gyud sa ikaduhang isyu
KBNZ SEMANA SA PINULUNGANG BINISAYA Septiembre 9-15, 2013, Auckland, New Zealand
PinakaBalak, Bangga sa Balak
Ang Katilingbang Bisaya sa New Zealand
(KBNZ) nagpasiugda pag-usab og bangga
sa balak nga giulohan og “PinakaBalak”.
Kini usa sa mga tulumanon sa Semana sa
Pinulungang Binisaya gikan sa Septiembre
9 -15, 2013 sa Auckland, Aotearoa New
Zealand. Si Alvin Soniega, ang tigdumala
sa bangga, nanawagan sa mga hilig og
balak sa pagpadala sa ilang salmot, diin
ang tema: “Banay”.
Ang lagda sa bangga mao ang mosunod:
1. Ang tema sa balak: “Banay”.
2. Lunsay’ng Binisaya gayud ang tanang linya sa balak.
3. Ilakip ang kumpas (rhythm) kung aduna sa kada linya
4. Ang mensahe sa balak kinahanglan mabulokon ug tin-aw ug klaro ang
simbolo nga gipadayag.
5. Ang kada salmot maglangkub ug dili mo sobra sa 25 ka linya ug dili mo
minos sa (8) walo ka linya.
6. Ang katapusang adlaw sa pagpadala sa salmot: Septiembre 6, 2013.
7. Tulo ka labaw nga salmot ang pili-on. Kini ipahibalo sa Septiembre 8, 2013.
8. Kining tulo ipasundayag sa tulumanon sa Septiembre 14, 2013. Ang mobalak pwede ang nagsulat sa
salmot o ang iyang pinili nga representante. Ang tanang salmot ipada sa email sa tsirman Alvin Soniega:
Si Tess Baclay, ang tsirman sa miaging tuig, agig pagpasabot kun unsa ang balak, miingon, “Unsa ang naglangkob sa usa ka nindot nga balak nga Binisaya? Ang lunlon ug tinuoray nga panultihon sa atong pinulungang Binisaya. Adunay kumpas sa kada linya o ang ritmo hapsay nga mituno ug ning tugma sa mga
nahaunang linya. Ang paghatag og managsama nga tuno sa kada katapusan sa nga mga nahisulat nga mga pulong sa matag linya. Kahusay sa mga nahisulat nga pulong nga gigamit paghulagway sa mensahe og ang
paghimo ug talinghaga/misteryo/gipahipi nga paghulagway para magdala ug kahinam sa mga nagbasa. Ang pinaka katapusan nga panulat (stanza/paragraph) nagsulbad sa misteryo og mao ang nitubag sa kinatibuk-an
nga mensahe sa balak.
Niadtong miaging pagsaulog sa Semana sa Pinulungang Bisaya diin ang
tema: “Ako Biskiw (Bisayang Kiwi)” ang migawas nga mananaug si
Jimmy Maratas sa iyang balak nga giulohan og “Kamingaw og
Kalampusan.” Gisulat ni Jimmy: “Huros sa hangin sa mabugnaw nga
kinaiyahan/Kasinatian sa kalisday, sa tanan natagamtaman/Dinhi sa
yutang gitawag/Ikaduhang pinuy-anan.”