1 ni Maji 2019Erat0u vakarautaka na komiti ni Lotu Masumasu ni Vuravura e Slovenia.

METHDODIST CHURCH IN FIJI

1

LOTU MASUMASU NI VURAVURA

“DOU LAKO MAI! SA VAKARAU TU NA KA KECEGA.”

DEPARTMENT OF WOMEN’S FELLOWSHIP GPO Box 357, SUVA

====================================================================

28/1/2019.

Nai Talatala Qase / Talatala ni Tabcakacaka

Ni sa bula vinaka

Nai Vola vakarautaki ni Lotu Masumasu ni Vuravura ena yabaki oqo eratou vakarautaka na kena komiti mai Slovenia. Eratou sa vakauqeti keda tiko kina me da na daunanumi ira na bula tu ena noda veisaqata ni koro se itikotiko ka ra gadreva vakalevu tu me ra vukei.

Sa nuitaki ni na vakavure vakasama sara vakalevu vei keda ka eda na segata talega me da qaravi ira na vakaoqo ena gaunisala eda rawa ni veivuke kina. Maciu 25: 34 – 40.

Sa vakuri tiko ga nai vola oqo na vakavinavinaka levu ena vuku ni nomuni veitokoni ena gauna ni veiqaravi ena Tabacakacaka ni Marama.

Me nodavata tiko na loloma levu ni Noda Turaga ko Jisu Karisito.

Vinaka Vakalevu,

Deaconess Salanieta Naucabalavu.

2

Rev. 22:2

LOTU MASUMASU NI VURAVURA

“DOU LAKO MAI – SA VAKARAU NA KA KECEGA”

TUKUTUKU LEKALEKA NI MATANITU KO SLOVENIA

Na matanitu ko Slovenia e koto veitikivi kei ira na veimatanitu ena Loma kei Urope, koto ena Ra na matanitu ko Itali, ko Austria ki na vualiku, Hungary ki na vua-i-cake, Croatia ki na ceva ka veitaratara kei na veiyasai vuravura ena Waitui na Adriatic.

Na lewenivanua e rauta ni 2 na milioni ka veimama ni lewenivanua era vakaitikotiko ena veikoro lelevu. E koro levu duadua ko Ljubjana ka ra tiko kina e 280,000 na lewenivanua.

Era vakayagataka ga na vosa vaka Slovenia, ia era vosataka talega na vosa vaka Hungary kei na vosa vaka Itali.

E nai ka 27 ni siga ena vula ko Jiune 1991, a tu vakai koya kina na matanitu mai na nona dau vakarurugi tu mai vei Yugoslavia, ka sa mani kena i vakatakilakila ena nodra kuila e tolu na laini ka tautauvata na kedratou raba ka roka vulavula, karakarawa kei na damudamu. E koto e nai mawi ni kuila na i vakatakilakila ni vanua (Coat of Arms), na vulavula ai vakaraitaki ni ulunivanua na Triglav ka vakaraitaki ni karakarawa na Waitui na Adriatic kei na kena veiuciwai, ka toka talega ena vakatakilakila e dua na vale ka maroroi tiko mai enai katinikava ni senitiuri.

NA DRAKIE koto na vanua ko Slovenia ena vualiku kei vuravura. Ia me vaka ni koto tikiva na Waitui na Adriatic, na Pannonian Basin kei na veiulunivanua (Alps) e tolu kina na kena veimataqali draki. Na draki ni veiulunivanua ka vakatokai na Alpine kei na vanua volekata, na gauna ni draki batabata e dau lutu sobu sara na ivakarau ni draki ka vakavuna me batabata sara, ia na draki tunumaka e curuma taucoko na loma ni vanua ka dau vakavuna me katakata sara ena gauna ni draki katakata. Ia, na veiulunivanua e dua ga na ituvaki ni kena draki ka sa dau batabata tu ga baleta ni vanua cecere.

I TUKUTUKU MAKAWA NI VANUANa vanua ko Slovenia e koto ena uto kei Iurope ka toka ena vanua eratou sota kina na veivanua lelevu me vakataki Jamani, Slav kei Roma, ka se tawani tu mai ena 2500 BC ka vakadinadinataki ena veika makawa e kunei kina.

Ena gauna makawa era tawana tu na vanua na veiyavusa lelevu ni bera ni ra qai gole mai na yavusa kai Jamani ka vakatalega kina na nodra cabe mai na Ceva na kai Roma ka ra mai tawa vanua talega. Na nodra gole mai na kawa tamata oqo e

3

vakavuna me sa mai vidavidai na vanua ka ra vakatokai me ra veiyasana ka sa mani mai veiwaki talega na nodra itovo.

GAUNA VA-KARISITOKo ira na sotia kei ira na dauveivoli era vakaveikilaitaka mai na vakabauta vaka Mithras ka teteva sara yani na tokalau ni koro levu ko Ptuj ka se kune ga kina na veika makawa. E kune talega kina na veivakatakilakila ni lotu va-Karisito ena matai ni yabaki [CE]1 me vaka na nona a tadu yani kina ki Koṧtabona na daunikaulotu ko Ilaitia ena yabaki 46 [CE] ka mani qai mai vakananumi ena yabaki 56 [CE]. E kilai matata tu ni ra sa tawana tu na vei baravi ena Waitui na Adriatic na lewenilotu va-Karisito mai nai katolu ni senitiuri ka ra tu talega nai vakalesilesi ni lotu e cake mai Capris ka sa vakatokai me ko Koper ena gauna e daidai ka ra tiko talega mai Emona [Ljubljana] ena ikava ni senitiuri. Nai matai ni Dau ni volavola ena qele vaka Slovenia ka vola nai vola dusidusi ni Vola Tabu ena vosa vaka Latini ko Victorius na kai Putj, Stridon e dua na vanua ka se bera tikoga ni mapetaki vakavinaka ka kilakasamitaki ni tiko ga ena vanua vaka Slovenia na vanua ka sucu kina ko St. Jerome o koya ka vakadewataka ena vosa vaka Latini na ivola Tabu.

NA BULA KEI NA BULA RARABAE vuqa na vuvale lalai era dauteitei ka ra vakayagataka na veimataqali vakarau ni teitei e vakaituvatuva. Me vaka ni sega soti na qele ni teitei vinaka era qarava vakalevu na dauteitei na susu manumanu, ni teivaki na kena co kei na kena kakana tale e so. E bibi vei ira na nodra dau vakau sucu.

Mai na gauna e tuvakai koya kina na matanitu ko Slovenia ena 1991 mai vei Yugoslavia, e sa toro cake tikoga na nona rawa ka vakaiyau ka sa dua vei ira na matanitu vutuniyau ka savasava vinaka na kena veiliutaki. Ko ira talega na dauteitei era sa sagai ira vakataki ira ena nodra vakarautaka na veivoli me rawa ni vukea na nodra rawa ka. E veivoli vakalevu ko Slovenia vata kei Jamani, Itali, Croatia, Austria kei Varanise.

Na bula raraba e vakarautaka na veika me baleta na noda bula vakayago, veivuke ni bula kei na vuli vei ira era gadreva vakalevu. Na matanitu e qaravi ira kece na lewenivanua, ko ira era inisuataki na nodra bula kei ira talega era sega ni inisuataki na nodra bula ka soli na veivuke galala vei ira era vauci ena kenisa kei ira era gadreva na veivuke vakatabakidua.

Ko ira na marama ni Slovenia era dau vakatulewataka vakavinaka na nodra vakaluveni. Na nodra qaravi na marama e sega ni saumi me vaka ni sa qaravi vaka-inisua raraba, ka ra dau vakasalataki na marama ena nodra gagadre mai vei ira na kena dau. E rauta ni 60% na marama e dau vakaluveni vakadua se vakarua; 15% e rauta ni 3 na luvedra ka 25% e sega ni ra vakaluveni.

1 CE – Common Era

4

E vakarautaka na matanitu na nodra I votavota na gone me yacova na yabaki 18 ka tiko talega na nodra dodonu na marama ena vuku ni nodra gade me ra vakavakarau ena nodra vakasucu me yacova sara ni sa yabaki dua na gone ka soli talega vei ira na nodra ivotavota me tautauvata ga kei na kedrai sau vakacakacaka. Ko ira na marama ka tiko nai wiliwili ni luvedra ena 4 e qarava vakatabaki dua na matanitu na nodra inisua.

NA VAKABAUTAMe vaka e sa vakamacalataki taumada e vuqa na veimataqali vakabauta e sa curuma taumada yani na vanua me vaka ni ra vakatatavuvuli taka yani na veimataqali tamata era gole yani kina. I’a a ciqoma na lewenivanua na vakabauta va-Karisito ena vakatavuvuli vaka Lutheran. E yaco tale e so na veiveisau ia na vakavuvuli va-Karisito e dua tikoga. E sega ni vakatavulici na lotu ena veikoronivuli ia e vakatavuvulitaki ga ena veivalenilotu. Na vakabauta e Slovenia era 60% na Katolika; Orthodox kei na Islam e 2.5% kei na Lutheran e 1%. Ni qai mai tuvaka ikoya na matanitu e sa qai ciqoma na matanitu ko Slovenia na Protestant Church.

NA MARAMAE rauta ni 50% na lewenivanua era Marama, baleta ni ra bula balavu mai vei ira na Turaga ka dikevi ena yabaki 2000 ni nodra bula na marama era na yacova ni ra sa yabaki 82. Ko ira na marama cakacaka tudei e rauta ni 92% ka ra veiqaravi talega ena matanitu kei na veivakavulici. E vuqa vei ira na Marama era veiqaravi ena tabana ni bula kei na bula raraba. Ena tabana ni Taravale kei na Veivakaleleci era lewe lailai na Marama era veiqaravi kina, I’a era taura na itutu e cake ka ra sau levu talega vakakina.

NA LOTU MASUMASU NI VURAVURA Nai matai ni lotu masumasu ni vuravura ka vakayacori e Slovenia a vakayacori ena yabaki 2000. A vakarautaka ka veiqaravi kina ko Mrs. Ljudmila Schmidt Semerl mai Switzerland, ka vakayaloqaqa taki ira na lewenivanua me vakataki Velike Lasce me lewena na Lotu Masumasu ni Vuravura. Ena yabaki 2001 a vakayacori na soqoni ena vosa vaka Jamani kei na vosa vaka Slovenia ka vakarautaka ko Mrs. Corinna Harbig na Peresitedi vakacegu ni Lotu Masumasu e Vuravura.

VULI VOLA TABU

Luke 14: 15 – 24

Tukutuku taumada.

Na vosa vakatautauvata oqo, e tukuna tiko nai talanoa ni nodra qaravi Kalou e liu, na kai Isireli. Na veika e okati ena so-Kalou ena loma ni valenisoro e wili kina na Bukawaqa; na Bete; na manumanu me I soro kama kei na Masu. Ni vakacaboisoro e dua, sai vakaraitaki ni nona veitokani tiko kei na nona Kalou. Ko Aisea na Parofita e tukuna, ni Kalou e vakarautaka e dua nai kanakana ena ulunivanua me ra vakaivotavota kece kina na tamata ka me biu laivi kina nai ubi ni matadra. Ena

5

vakarusa na mate ko Koya ka era na waraka na Nona lesu mai enai vakataotioti ni gauna (Aisea 25: 6-9).

Nai kanakana e vanua ni marau kei na reki. Vei ira na Jiu, na kanavata e dusia na tiko lomavata, na veivolekati, na veiwekani kei na veilomani.

Ko Jisu e dau tukuna talega na itukutuku vinaka ena Nona daukana vata kei ira na tamata ka dau maliwai ira na dau tukuni tu ni ra tamata ivalavala ca. E daukanavata kei ira, vakabulai ira ka dau vakalesui ira me ra na veitokani vata kei na Kalou. Sa rawa ni da kaya ni ko Jisu ena sala ni Nona veivakavulici kei na cakacaka kece e qarava sa dau vakaraitaka tiko kina me ra vakavakarau ka ciqoma na veisureti ki na kanavata ena matanitu ni Kalou - e dua na veisureti ki na bula e taucoko.

Na Lotu Vakarisito taumada era dau kanavata talega, me vaka eda wilika ena I vola nei Paula vei ira mai Korinica. Na 1Korinica 11 e vakaqaqacotaka vakaukauwa nai wase ni vola nei Luke oqo. Ena tikina oqo e rawa ni da raica nai rairai ni veika ena yaco ena gauna mai muri - ko Jisu ena veiqaravi mai nai kanakana ka ena solia kina na yagona kei na Nona dra. O Paula e kaya ni nai kakana oqo, e vakaraitaka vei keda, ni sa oti na noda vakaitavi kina eda sa okata tiko ni eda sa solibula Vua na Kalou kei na Nona Veiqaravi. O koya gona, e dodonu me laurai ka meda bulataka e dua na bula ni veimaliwai vou ena keda maliwa na vakaitavi ena kanavata oqo ka sa vakamataliataki kina na Matanitu ni Kalou e Vuravura ena veimaliwai vou ko ya.

Vakamacala ni Luke 14:23: "ka cikevi ira me ra lako mai...."

Ena vuqa na vakavakadewa ni i Vola Tabu, e dau dredre me ciqomi kina na iyatuvosa e vakayagataki ena tikina e 23. Nai balebale ni i vosa "cikevi" ka vakayagataki oqo e vu mai na vosa va-Kirisi "anagkástos", ka kena ibalebale na “vakatotolotaki vakaukauwa.” Na vosa va- Kirisi "anagkázo" e kenai balebale, ‘ au vakasaurarataki me’u ciqoma na veisureti ka sega ni ciqomi kina e dua na, vaka-sega.’

Ena Veiyalayalati Makawa e tiko edua na ivakaraitaki kilai levu ena tikina oqo, Nai Vakatekivu 18:4-5, eratou sikovi Eparama e tolu na Turaga, ka cikevi iratou sara vakaukauwa ko Eparama me ratou vakacegu ka kana. Nai tovo ni veisureti ena yalovinaka kei na cikecike vakaoqo, e se vakayacori tiko ga mai na veivanua eso vaka Arapea.

Ena Veiyalayalati Vou, e basika tiko nai valavala kei na vakasama vata vakaoqo ena Luke 14:23 -

• Luke 24:29: koi rau na tisaipeli ena gaunisala ki Emeo vata kei na vulagi (o Jisu) " A rau sa cikeva matua ……” na vosa va-Kirisi e vakayagataki eke, e dua na iyatuvosa kaukauwa cake mada ga, ia, e balebale vata ga.

6

• Cakacaka 16:15: o Litia, e sureti Paula kei ira na nonai tokani era salavata tiko me ra curu kin a nona vale ka tiko kina - e dua na marama daucikecike, "A sa cikevi keitou sara ko koya.”

Vakadewataki na Vosa Vakatautauvata

Ko Jisu Karisito - o Koya sa cecere duadua, e kaya, ni dodonu me ra dau i matai ni sureti kinai kanakana cecere ko ira na dravudravua. Oqori na sala duadua ga me na vakabasikatitaki kina na Nona Loloma soliwale ni Kalou. Nai vakarau oqo e vaka na nona saumaki mai e dua me veisau. Na noda vakaio ki nai vakarau oqo ena yaco kina na noda veimaliwai e vou kei ira na tamata kecega. Nai sema ni veiwekani vou oqo, ena kauta mai na na noda rawa ni dauveikauwaitaki kei na veiciqomi ka vakaraitaki kina ni na loloma ni Kalou e sega kina na veivakaduiduitaki.

Ena vosa vakatautauvata oqo, e vakaraitaka ko Jisu ni loloma ni Kalou e sa rui vakaitamera ka karona na vei kawa tamata kecega. Enai kanakana e vakarautaki oqo, sai koya na madrai (na yagona) ka ena veivakasinaiti keda kina na Kalou ka tarai keda cake, me rairai vei keda na Nona I Vatuka (IMAGE). Na kosipeli nei Luke e vakaraitaki kina na nodra kauwaitaki na 'lokiloki, na dravudravua kei na wamalai, ena Nona loloma cecere na Kalou. Ko ira na tamata ena italanoa oqo era sega ni kila na cava na vuna era sureti vakasauri kina ena kanavata oqo. Na itukutuku vinaka ena yaco mai vakasauri, ka ena veivakurabuitaki na Nona tubera na yaloda kina Nona veisureti vakamatata na Kalou ena noda bula ka sa koto talega kina na noda i tavi. Sa noda ilesilesi me da na dau lai ‘cikevi ira mai vakaukauwa’ ki nai kanakana ni kana magiti ena vosa ni Kalou.

E vinakata o Jisu meda veisureti ena yalololoma, ka sega ena noda kaukauwa se i tutu. Me da kacivi ira vakatautavata na tamata kecega ka me kua na veivakaduiduitaki ka me da maroroya na ‘veisureti ka yacova ni sa vakasinaiti tu na vale'. E se lala tu na teveli ni kanakana ka eda sa talai yani me da gole mada ki na veisalatu kei na veisaqata ni koro kai a na veisureti, ka kaya, “ Dou lako mai – sa vakarau tu n aka kecega.”

Me wiliki tale vakavinaka na noda lesoni.

Taro me veivosakitaki:

Ena gauna i Jisu sa kena ivakarau tudei me ra sureta eso na vulagi ki na dua na kana magiti ena dua na siga ka sega ni tukuni na gauna cava ena loma ni siga ko ya ena vakayacori kina me yacova ni sa ia tiko na kena vakarautaki na magiti. Sa vakaoqo na nona kila taumada na vulagi ni "oqo na siga" ni kanavata ena matanitu ni Kalou.

Ko na rawa beka ni vakila nai tovo ni yalo e tara nai taukei ni soqo ni ra tukuna na vulagi sureti ni era na sega ni tiko baleta ni tu tale eso na ka bibi me ra cakava ena siga ni kanavata? Ko sa bau sotava li edua ka sa ciqoma oti na

7

nomu veusureti ka qai soli ulubale tale e muri? Na cava nai tuvaki ni yalomu ni yaco na ka ‘o ya? Na Kalou sa sureti keda tiko ena Nona kana magiti. Sa rawa talega ni da dausoli ulubale Vua. Tarogi mada na lomamu se cava ko dau vakayacora kina ka vakasamataka na sala ko rawa ni yaco yani kina, ki na teveli ni Kalou, ka sa dola tu vei keda kece. Rai vakatayaloyalotaka mada kevaka dou sa yaco yani ena vanua ni kana magiti e dou lewe tolu se va na sureti ka dou qai kunea ni ‘ra sa tiko talega ko ira na sega ni a sureti taumada, ia, era sa sureti me vakacavari kina nai wiliwili e gadrevi enai kanakana: oqo ko ira na dravudravua, na gera kei na mataboko (Luke 14:13). Ena vakacava beka nai tovo ni yalomu? Ko dau marautaka li na nodra veitokani na vakaoqo ena nomu I tikotiko? Ko Jisu e dau kacivaka nai Tukutuku vinaka ni Matanitu ni Kalou ena gauna ni kana vata kei ira na tamata, ka oka talega kina ko ira na daubiligi tu ena nona gauna. Ko ira na Jiu, na nodra waseavata kei na dua tale na kedra kakana sai vakaraitaki ni "nodra tiko veilomani kei na duavata." O cei ko dau wasea ka kanavata kaya? E nomu na teveli ni kanakana – ko sa dau dolava tu li vei ira na tani?” Eda vakabauta ni ko ira na surety e muri era sega ni Jiu se era kai tani. E

tiko talega eso na gauna ni Nona veimaliwai ko Jisu kei ira oqo. Ko bau rawa ni nanuma edua vei ira na gauna va qo?

Na cava ko nanuma ni a tovolea tiko ko Jisu me tukuna vei ira na tamata ena Nona a kaya, “sa kalougata ko koya ena kana madrai ena matanitu ni Kalou?”

Mo rai vakatayaloyalotaka mada ke ko dua vei ira na sureti mai gaunisala. Ko na rekitaka li na veisureti ka sega ni namaki ko ya? Vakacava ko na vinakata li mo mai dabe ena teveli ni I kanakana ni matanitu ni Kalou?

Wilika lo na vosa vakatautauvata ena Luke 14:15-24 ka tarogi iko vakaiko se ko cei soti na vulagi vou ko na la’ki sureta me ra veisosomitaki enai kanakana oqo kevaka ko talai mo la’ki veikacivi mai? Ko na surety ira li na sega tu na nodra vale, na daukerekere, na gone era tu ena veigaunisala, ...?

Tinia na veivosaki e na kena wiliki na Aisea 25:6 -9.

8

LOTU MASUMASU NI VURAVURA

“Ni Lako Mai – Sa Vakarau Tu Na Ka Kecega”

Tuvatuva ni So-KalouVeika Me Vakarautaki:

Me vakarautaki e dua na teveli me ubi ena I sulu vulavula ka vakarautaki tu kina:

Madrai – vakarautaki mai eso na madrai ena kena veimataqali ke rawa ni buli eso na madrai me bulibuli vaka-kauveilatai ka mera qai biu ena dua na basikete

Joke waini me vaka ni vanua dau caka waini ko Slovenia Joke Wai Masima (vanua dau buli masima – ka dau buli mai na baravi kei Slovenia) Boulu (bowl)

Me ratou qai sureti kece na Dauwiliwili me ratou dabe wavolita na teveli ka sa vakarautaki tu - oqo me vakaraitaki ni duavata, ka gadrevi talega me ratou daramaka mai na I sulu ka matataki mai kina veimata tamata ena noda vanua.

Me dua na tutu ni senikau me toka kina na “carnation” damudamu se me rosi damudamu/piqi ka me biu toka ena loma donu ni teveli me vakaraitaki ni oqo na soqo ni marau kei na kana magiti. Kevaka e sega na “carnation” se rosi damudamu, ke rawa ni caka na senikau vakaoqo ena onolulu damudamu (crepe paper) ka me ra qai veisoliyaki yani ena gauna e vakayacori kina na soli.

VEIKIDAVAKI

Liuliu: DOBER DAN! (Doh-ber dan) Ni sa bula vinaka

Keimami sa vakabula tiko yani na marama mai Slovenia, dua na matanitu lailai ka gone ena vanua vaka Urope. Ena nona vinaka na Kalou e vakasulumi keimami ena veikabula rairai totoka mai na veitokaitua kei Pananonia ki na veidelana ka veitavaki mai kina na veikau drokadroka kei na veiulunivanua, mai na veika totoka ni boto ni sauloa kei Karst ka kauta yani ki na baravi ni wasawasa ko Adriatic.

Kemuni na tuakaqau/taciqu ni Lako Mai – Sa vakarau tu na ka kecega ka meda mai vakacaucautaka na Kalou.

SERE: 271

KACIVI MEDA MASU

9

Dauwiliwili:Na Kalou ni veitabagauna, sa rauta oqo e tinikadua na senituri na neimami kilai kemuni na lewe ni vanua ko Slovenia. Ena vuku ni neimami veikilai oqo, keimami vakadeitaka tikoga na nomuni loloma ka me sa vagolei tikoga vei kemuni na veidokai, na vakarokoroko kei na vakavinavinaka.

Taucoko: Keimami vakacaucautaki kemuni ena rorogo ni wai savu kei na rorogo ni veibiaumai wasawasa, na vuavuai ni veiloga ni vaini, na rara veicodrokadroka, kei na drokadroka ni veikau kei na veidelana waicevata.

Dauwiliwili: Jisu Karisito, na luve ni Kalou, na nomuni vosa sa cakava na cakacaka e veivakurabuitaki ena keimami maliwa ka ko ni sa vakauqeti keimami kina me keimami dau vakayacora na cakacaka loloma

Taucoko: Keimami vakacaucautaki kemuni ena vuku ni veika bula, mai na veikorokoro kei na vei siti, na lagalaga sere ni manumanu vuka kei na domodra na manumanu kila kei na rorogo duidui ni vei vakatagi.

Dauwiliwili: Oi kemuni na Yalo Tabu ena vuku ni nomuni loloma ko ni sa dau vakaduavatataki keimami ni dau basika na duidui

Taucoko: Keimami vakavinavinakataki kemuni ena vuku ni veiwekani ko ni sa bulia ka tara ena neimami bula, ena ligamuni keimami sa laiva yani na nodra veisiga ni mataka na neimami tabagone, na I nuinui ni matavuvale kei na nodra ciqomi na neimami tabaqase.

Dauwiliwili: Ko ni sa vakavinavinakataki na Kalou ena vuku ni nomuni loloma ko ni sa vakarautaka kina na I kanakana oqo vei keimami taucoko kei na nomuni vakauqeti keimami me dolavi na yalo I keimami kei na neimami I tikotiko me keimami solia vei ira eso era se bera tiko ni yaco mai ena I kanakana oqo.

Taucoko: Keimami vakacaucautaka ka vakavinavinataki kemuni ka me keimami tukuna yani na Matanitu ni Loloma ena yaca ni noda Turaga ko Jisu Karisito.

Sere: 7

DOMODRA NA MARAMA

Liuliu: Meda rogoca sara mada na veika era lako curuma eso na marama ni Slovenia. Ena vukudra me da rai lesu ka masu. Me da rogoca sara mada yani na Matai ni Marama ko Mayeta ka sucu ni mai oti koto na I karua ni Valu Levu ena gauna a qali tu kina vei Yugoslavia na matanitu vaka-kominisi.

10

Mayeta: Na yacaqu ko Mayeta. Na tinaqu, o koya e se qai yada wale tikoga oqo kei na buqu, erau dau vakavulici au ena masu ka rau dau wasea vei au na nodrau vakabauta. Ena gauna ko ya na noqu vanua e matanitu tu vaka-Komanisi, ia ko ira kece na tamata lotu va-Karisito era dau vakatokai tu me I karua ni mata tamata ena loma ni matanitu. Ni gauna mai oti kina na noqu vuli ena sekenideri e a mani qai sega tale ni soli vei au edua na veivuke vakavuli ka sega talega ni dua tale na I vurevure vakailavo me tiko meu rawa ni vakuri tale kina na noqu vuli. Au a lako ki vanua tani me vakataki ira talega era vakayacora tiko na tamata cakacaka era lewe ni vanua taumada vaka Yugoslavia. Au mani kunea e dua na cakacaka e Switzerland ia au dau kauwaitaka sara vakalevu na na nodra raici sobu ko ira vulagi. Ni mai oti na cakacaka, keirau sa mani lesu tale ki vale kei na watiqu. Au vakavinavinka vakalevu ni ra ciqomi keirau na lewe ni neitou valenilotu kau wasea tiko na noqu marau ena noqu veivuke tiko ena neitou tikotiko ni lotu kei na noqu vakaitavitaki au ena Masumasu ni Vuravura.

Dauniwiliwili: Oi keimami na kai Slovenia keimami kila tu oqo na cava na I balebale ni se ni valu kei na cava na cakacaka e vaqarai ki vanua tani. Ni mai cava na I karua ni valu levu, e lewe levu era sa biu vanua, me baleta ni ra sega ni ciqoma na veiliutaki va-Komanisi ka so e ra laki vaqara cakacaka me rawa ni ra bula kina na vuvale. Keimami rawa ni kaya ena gauna oqo, ni sa rawa toka me keimami guilecava na veika oqo, ena vuku ni neimami raici ira eso me ra sa biuta na nodra vale ka sa rusa tu me vaqarai na vakacegu kei na tiko vinaka.

Taucoko: Kalou yalo loloma ni vosoti keimami ni keimami galu ena gauna e sotavi kina na veivakaduiduitaki vakaoqo.

Liuliu: Meda rogoci Moitasa mada. O koya e dua na marama gone ka tubu cake ena matanitu tauyavu vou ko Slovenia ni mai oti na tuvakaikoya ena 1991.

Moitasa Na yacaqu ko Moitasa kau sa yabaki 34. Au a mani vuli rawa baleta ni sega ni saumi na vuli e Slovenia ena kena I katolu ni vakatagede. Ena gauna au sa yabaki 21 kina au sa veivinakati kei na dua na cauravou kau mani bukete kina ka qai mani biuti au. E sa bau dredre dina na noqu vakuria tiko na noqu vuli, ia, au vakavinavinaka ni ratou vukei au na noqu lewe ni matavuvale. Au a dua vei ira na gone gugumatua ena noqu kalasi. Au a susuga cake na luvequ, ia, na I karua ni luvequ e mai vua na watiqu ena gauna oqo, ka rawa vua me ciqoma ka lomana sara na I matai ni luvequ mevaka ga ni luvena. O au e dua na dau vakadidike ena kena koronivuli ni Veika ni Vuravura (Science). Ia, au a diva walega ke me rawa ni vakatauvatani na bula ni matavuvale kei na kena qaravi na cakacaka ke rawa sara ni vinaka kina na bula ni vuvale kei na kena vakalailaitaki na veidredre eso vei ira na marama ena nodra vanua ni cakacaka. Ia, mai na yasana vakalawa e sa soli taucoko tu na veivakatautauvataki vakacakacaka, ia na marama e se qarava ruarua tikoga na I colacola.

11

Dauwiliwili: Keimami sa vakavinavinakataki ira kece na marama ka rawa ni ra lako curuma na veilati e vuqa me rawa ni ra susuga cake na luvedra ena maliwa ni veidredre oqori. Keimami vakavinakavinaka vei kemuni na Kalou ena nodra lomani na marama kei ira na gone mai vei ira na lewe ni vei tikotiko ka wavoliti ira. Taucoko: Vinaka vakalevu na Kalou dau loloma

Sere 221

Liuliu: Meda rogoci Maria, dua na marama sa yabaki 80 ka tiko ena sauka ni koro.

Maria: Na yacaqu ko Maria. Au sa yabaki 80 vakacaca kau tiko vata kei iratou na vuvale nei luvequ tagane. Erau sega ni cakacaka ruarua na luvequ tagane kei na vugoqu yalewa. Na noqu peniseni lailai ga au bau taura toka ni oti na cakacaka, sa bau vukea toka na neitou matavuvale. Keitou kana tiko mai na veika e teivaki ena neitou vanua ni teitei lailai. Ia, ena yasana kadua, e tikivi keitou toka e dua na vale levu ka tiko taudua ga kina na kena I taukei, e dua na marama, ka sa sega tu ni rawa ni qarava na vanua me teivaki se cakacakataki. Ko iratou na luvena era sa lako tu ki na siti me ra vaqara cakacaka.

Dauwiliwili: Keimami vakila ena vuqa na vanua ko ira na taba qase kei ira sa qase sara era sa sega ni qaravi vakavinaka mevaka na kena I valavala e dodonu me ra qaravi kina. Era sa dau tu taudua tu ena vuqa na gauna ka gadrevi tu kina na loloma, veivakayaloqaqataki kei na veivakaduavatataki. E dodonu kina me da bulia cake eso na I walewale ni tiko veimaliwai kei na cakacakavata. Na noda vakavinavinaka cecekia vei ira na buda kei na tukuda ena nodra vukei keda me da maroroya ka vakabulabulataka tiko na noda vakabauta va-Karisito.

Taucoko: Vinaka vakalevu na Kalou Dauveikauwaitaki

Leader: Me da rogoca mada e dua na marama yabaki 40, rua na luvena, ia e sa bikai koya tu na kaukauwa ni kena gunuvi vakasivia na yaqona ni vavalagi.

Ema: Na yacaqu ko Ema. Au sucu ki na dua na vuvale ka levu kina na kena vakayagataki vakasausa ka vakasivia na yaqona ni vavalagi, na tamaqu e dau

mateni vakawasoma ka dau vakarau kaukauwa sara, ka dau gunu talega na tinaqu. Au qai

yalataka me ratou na kakua ni lako curuma na bula vakaoqo na luvequ, o koya gona na vuna

au na segakina ni gunuva na yaqona ni vavalagi. Au sa qai vakawati ka keirau taravata kei na

watiqu e dua na vale. E rua na luvei keirau ka rau sa vuli tiko ena gauna oqo. A mani mai sega ni

cakacaka na watiqu baleta ni mai lusi ka sogo na kabani a cakacaka tu kina ka sa tekivu me

daugunu. Sa

12

tekivu me dau vakarau kaukauwa vei au kei rau na gone. Au sa sega ni kila na ka meu cakava. Au

sega ni taleitaka me susugi cake o rau na luvequ ena loma ni vale ka rau raica tiko kina na

mateni ni tamadrau, ka dina ga ni dau vakaraitaka sara na nona lomani rau ena gauna e bula

vinaka tu kina. E dau yalataka vei au e vuqa na ka, ia, e sega ga ni dau vakadonuya me vukei. Au

sa masulaka tiko vua na Kalou ke rawa ni raica mai na nona bobula ena mateni kei na noqu

nuinui ena vakabauta ni na rawa ni vakavinakataki na neitou bula vakavuvale

Liuliu Eda sa vakaweleweletaka vakalevu na noda vakila na bibi ni veika e vakayacora ki na noda bula na kena gunuvi vakasivia na yaqona ni vavalagi. Ena so na gauna e vakavuna me ra coko tu kina na gone kei ira na marama ki na I veitovo voravora ka kaukauwa ka veivakatotoganitaki. Meda masulaki ira na tabagone mevakataki ira na qase cake, era sa vakayagataka tiko na gunuvi ni yaqona ni vavalagi me marau tu kina se me ra rawata kina na kena guilecavi na nodra yalo bibi. Turaga, keimami sa masulaki ira na vuvale era sotava tu na leqa oqo, na kena gunuvi vakasivia ka vakasausataki ni kena gunuvi na yaqona ni vavalagi. Sa nuitaki ni ra na rogoca ka marautaka mera ciqoma na veisureti ki na I kanakana oqo.

All Kemuni na Kalou ni dolava na yalo I keimami me keimami dauloloma ka veilomani sara ena veilomani dina me yaco kina na marau kei na vakacegu.

Sere: 253

Liuliu: Meda rogoci Natasha mada, e lewe ni koro ko Roma

Natasha: Na yacaqu ko Natasha kau yabaki 46, vakawati ka rua na luvequ. Ena noqu gauna

ni gone au a tubucake ena vuvale dau loloma ka veikauwataki ena koro ko Roma. Erau cakacaka

ruarua na noqu I tubutubu ka rau qarauna sara vakavinaka ena vanua keitou susugi ka tubu

cake kina me vanua galala ka rawati talega kina na vuli vinaka. Na neitou koro oqo ko Roma era

mai ciqoma ka vakadeitaka na I tikotiko lelevu wavoliti keimami. Au sega soti sara ni vakila kina

na veivakaduiduitaki ena vuku ni noqu tutu ni bula kei na noqu tutu vakakawa tamata au cavu

tu mai kina. Ia, na neitou vakila vakavuvale oqo e sega kina ni vakaraitaki ki na na bula

vakaitikotiko kei na bula vakailavo vei keimami na Roma e Slovenia se Urope. E levu vei ira era

13

bula tu ena nodra I tikotiko, sa dredre dina kina na bula, sega na wai kei na livaliva ena nodra

dui vale. E sega ni tadola sara vei ira na vuli ka ra dau vakalialiai ka vakatotoganitaki ko ira na

gone ni Roma ka ra sega talega ni oka se wili tu ena koronivuli. Era sega gona kina ni rawa me ra

vuli vinaka sara ka sa vakadredretaka na kena rawati na cakacaka me rawa ni kauti ira tani mai

na nodra vuvale ena dravudravua.

Dauwiliwili: Keimami sa vakatusa na Kalou ni veivakaduiduitaki vakamata tamata e se bula

tikoga ena neimami bula vakalewe ni vanua. E vaka me dau dredre na ciqomi ira tale eso ni

keimami vakabauta na valavala ni neimami bula me sa I koya na I vakarau me keimami bulataka

ka sa totolo sara vei keimami me ra sa biligi tani. Taucoko: Na Turaga ni lomani keimami mai.

Dauwiliwili: Vinaka vakalevu na Kalou ena vukudra era vulica vei Jisu me ra dau veidokai,

vakarokoroko, dolavi tu ni vakasama kei na kena sega ni vakacauocataki na nodra maroroi na

lewe ni vanua tale eso, ko ira era vakaleqai tu na veitiki ni yagodra kei ira era mai kere vakaruru

ena noda vanua ia ka ra sa vukei me ra tara cake na nodra bula vakaira.

Taucoko: Tamaqu Dauloloma, mo ni tu tikivi keimami ena neimami sasaga.

Sere: 143

VAKATUTUSA KEI NA MASU NI KERE VEIVOSOTI

Dauniwiliwili: Keimami sa vakatusa na neimami cala, Kalou Dauloloma. Keimami sa vakatusa ni sa levu sara ga na neimami cala ka sa sega ni keimami wilika rawa.Kemuni na Kalou, o keimami oqo na luvemuni, ni raica mada na tuturu ni wai ni matai keimami kei na vakatutusa ni yalo I keimami. Ena vuku ni ko ni sa vosoti keimami, keimami sa nuinui tu ki na dua na siga vou, keimami sa na buli veiwekani vou kina ka tauyavutaki ena lewa dodonu, tiko sautu kei na veilomani.VOSA NI KALOU

Liuliu Mai na noda raica lesu - dua na yasana na noda veiwekani kei na Kalou kei na dua tale na yasana na noda veiwekani kei ira na noda lewe ni tikotiko.

14

Wiliki na Lesoni ni vosa vakatautauvata nei Jisu ena Kosipeli sa vola ko Luke – Wase 14:15-24…. (me qai wiliki)

GAUNA NI VUNAU

VAKAYACORI NA SOLI (Lagati e dua na Sere Ciri ka me qai veisoliyaki yani na senikau

damudamu) Ai Vakamacala: Na Masumasu ni Vuravura e soqosoqo lotu ni marama ka ra

lewena na veimatalotu va-Karisito e vuravura taucoko. Ena veiyabaki, keimami dau

marautaka ka doka na nodra gumatua na vei matanitu era vakaitavitaki ka dau veivakauqeti ka

vakaukauwataki ena I tovo ni nodra vakabauta.

Na tatadra sa I koya me vuravura ka rawa ni ra na vakatulewa vakaira na marama ena veika

me baleta na nodra bula ka sa na gadrevi kina na noda tu vata. Dua na kena I vakaraitaki sa I

koya oqo, na noda soli ka dau vakayagataki me tuvani kina edua na I tuvatuva me ra na vukei

kina na marama kei ira na gone ka me rawa ni bulataki na I vakatagede ni bula vinaka.

Sa kerei saka tiko yani kina me na qai vakagolei toka mai na soli ni lotu oqo ki na Valenivolavola ni Marama ni Lotu Wesele e Turaki. Vinaka Vakalevu

NA MASU NI VAKAVINAVINAKA

Dauwiliwili (Marama): Kemuni na Kalou, keimami sa vakavinavinaka vei kemuni ena

vukudra na lewe ni vanua ko Slovenia ka ra lako curuma e vuqa na veikadredre ena veitaba

gauna sa oti, ia, edaidai era tucake tu ena kaukauwa kei na yaloqaqa. Me ra rawa ni ra

kauwataki na tani kei na nodra ciqomi ena yalovinaka ko ira era gadreva tu na veivuke.

Dauwiliwili (Marama Gone): Keimami sa mai vakavinavinaka vei kemuni ena vukudra na

veimatanitu era sa bulia ka tara cake na veisaututaki kei na tu galala ka me vakayacori yani ena

15

veitikotiko, veivuvale kei na veimatanitu. Ni qai vukei keimami me keimami vaqaqacotaka

vakauwakauwa sara na neimami duavata.

Dauwiliwili (Gone Yalewa): Kemuni na Kalou, keimami vakavinavinaka vei kemuni ena vuku ni nomuni vakadeitaka e lomai keimami na I valavala ni veiwasei kei na veinanumi me rawa kina na bula vei keimami ka me keimami votai vakatautauvata ena ka me keimami kania, ena veika me baleta na tiko bulabula kei na kena vakaqacoqacotaki na veika edui baleti keimami. Vukei keimami me keimami dau qarauna na nodra bula vakayalo o ira era tiko wavoliti keimami kei na neimami rawa ni vukei ira era lako curuma se sotava tiko na bula dredre.

Dauwiliwili (Gonevuli): Kemuni na Kalou, keimami vakavinavinakataki kemuni ena kena sa sega ni saumi na I curucuru ni vuli (free education) kei na kena vakarawarawataki na laki vuli ki vanua tani. Keimami kerei kemuni na liuliu ni neimami matanitu me vakadeitaka na dodonu vei ira na gone kei ira kecega era sa gadreva me ra biuta na nodra vuvale me vakaqarai na vuli. Ke sa rawata na vuli me sala me rawa kina na cakacaka sa na vukea na tiko vakacegu kei na sautu ni veivanua kei na veivuvale.

Dauwiliwili: (Gone yalewa lailai): Kemuni na Kalou, keimami vakavinavinaka vei kemuni me baletai ira na tukai keimami kei ira na bui keimami ka ra dau vukei ira na vuvale gone ena nodra susugi ka tuberi ira na makubura kei na nodra dau wasea toka na nodra vakabauta vei ira. Ni vukei keimami me keimami dau qaravi ira era sa qase sara ena neimai dui tikotiko, me keimaki dau vinaka vei ira ena vanua ni veiqaravi ni Vale ni Malumalumu kei na veivanua vakakina.

Dauwiliwili: Kemuni na Kalou keimami vakavinavinakataka na domo kei na I vakadinadina mai vei ira na veimata tamata tale eso ka ra tiko maliwai keimami me na rawa ni rogoci ena loma ni Palimedi na lewa dodonu kei na nodra kauwaitaki. Ni vukei keimami me keimami lako vata kei ira na dravuadravua, na lokiloki, na mataboko kei ira na wamalai ka me keimami rawa talega ni dau rogoca na nodra tagi.

Dauwiliwili (Marama Gone) Kemuni na Kalou, keimami vakavinavinakataka na nomuni vukei keimami ena kena vakatuburi na neimami veiwekani vakalotu vakabauta me keimami vulica na kena rokovi na neimami duidui ka me keimami kila ni keimami sa vakavutuniyautaki ena veiwekani oqo.

Dauwiliwili: Kemuni na Kalou, keimami vakavinavinaka vei kemuni ena nomuni veisureti ki na I kanakana oqo. Keimami vakavinavinakataki Jisu ni sa tiko tu donu ena vuku ni veiwekani oqo kei na lewe ni vanua taucoko e vuravura. Keimami vakavinavinakataki kemuni talega ena vuku ni soqosoqo ni Masumasu ni Vuravura ena siga edaidai ka rawa kina ni keimami vakaukauwataki tale me keimami lako

16

yani ka wasea na veikauwaitaki, na loloma, na nuinui kei na marau ni marama ni Slovenia.

Sere: 342MASU Taucoko: Na Kalou, sai kemuni ko ni sureti keimami ka kauti keimami mai

ena tepeli ni kanakana oqo ka me liutaki keimami yani ki na sala ni bula kei na I nuinui ni

vakacegu. O Keimami na ka vakamareqeti e matamuni, ko ni sa kacivi keimami ena yaca i

keimami. Ena vuku ni keimami sa luvemuni keimami sa doudou kina me keimami cavuta yani na

Masu (me cavutivata na Masu ni Turaga) Tamai Keimami mai Lomalagi ………….

MASU KEI NA MASU NI VEIVAKALOUGATATAKI: Na Kalou vinaka ni vukei kemami me keimami doka ka rokova na bula ni tamataMe keimami ciqoma tiko na kena taleiNi vukei keimami me keimami rokova na totoka, na lagilagi ni veika e wavoliti keimamiKa me keimami maroroi ira ena neimami kaukauwa taucokoMe keimami rawa ni veivuketakavata vaka I keimami na sala ki na tu galala, na dodonu kei na sautuMevaka ni keimami sa lewe ni nomuni matavuvale, me keimami qai vakakalougatataki ena sasaga oqo mai vei kemuni na Kalou na Tamada, na Kalou na Luvena kei na Kalouna Yalo Tabu. Emeni.

Me na lagati na “Amen”

Sere Ciri – “Noqu Kalou, Au Kurabui ka Galu “(me lagati sara vagumatua)

Ni oti na sere me da qai vakabula ka luluwavoki vei ira kece era tiko ena Lotu.

Vinaka Vakalevu

17