bulle-tin uitgawe 15 2016
DESCRIPTION
Die amptelike nuusblad van die SAP TIN Eenheid Veterane BondTRANSCRIPT
UITGAWE 15 Maart / April 2016
SAP TIN EENHEID VETERANE BOND
SIELSKOS
Deur: Ilana Loubser
Hoe om God se Woord te aktiveer (1)
Kolossense 3:16 NLV
Die kruks van 'n suksesvolle lewe is om die regte besluite en keuses te maak. Paulus skryf.
'Laat die rykdom van alles wat Christus ons leer, julle leefstyl bepaal.' As jy dit doen, sal jy 'n
wen-strategie vir die lewe hê. Jy moet egter die volgende doen:
1) Lees jou Bybel. Jy hoef dit nie alles te verstaan nie; dis nie 'n intellektuele oefening nie. As
jy dit egter met gebed lees, gee dit aan jou krag en wysheid want, 'Die woord van God is
vol lewenskrag en energie... Dit sny diep tot binne-in ons innerlikste wese..." (Hebreërs 4:12
NLV).
2) Mediteer oor God se Woord. Dit beteken dat jy die woorde moet herkou. Laat jou geestelike
spysvertering God se Woord prosesseer totdat die voedingstowwe deel word van jou, en
jou krag, energie en rigting gee.
3) Glo dit. '...die woord wat uit my mond kom...sal [dit] doen wat Ek verwag...' (Jesaja 55:11
NLV). Daar is net een ding wat God se Woord kan kortsluit - ongeloof. '...hierdie blye
boodskap...het hulle egter niks gebaat nie omdat hulle die boodskap ... nie geglo het nie'
(Hebreërs 4:2 NLV). Die deur word oopgemaak wanneer jy die boodskap aanhoor, maar jy
loop eers deur die deur wanneer jy dit glo en die belofte aktiveer.
4) Ontvang dit. Dit maak nie saak hoe sterk jy aan God se beloftes en sy voorneme om dit
aan jou te gee glo nie, dit is nie joune totdat jy dit in geloof ontvang het nie. 'Daarom
verklaar Ek vir julle, alles wat julle in die gebed vra, sal julle ontvang, mits julle God
daarmee vertrou' (Markus 11:24 NLV). Glo dus dat jou antwoord op pad is, en wees sterk in
jou geloof tot dit arriveer.
Hoe om God se Woord te aktiveer (2)
1 Johannes 5:14 NLV
Terwyl jy wag dat God se Woord in jou lewe verwesenlik word, doen hierdie drie dinge:
1) Verbaliseer dit. Die effektiefste manier om te bid is om God se Woord hardop te spreek. Die
patriarge, profete en psalmskrywers het God gereeld deur gebed aan sy beloftes herinner, vol
vertroue dat Hy hulle sou nakom. Die onfeilbare waarborg van God se wil is sy Woord. 'Dit is
die vrymoedigheid wat ons voor God het, dat wat ons ook al volgens sy wil vra, Hy na ons
luister. As ons dan met die wete leef dat Hy na ons luister, na wat ons ook al vra, weet ons ook
dat Hy die versoek wat ons gevra het, sal toestaan'
2) Johannes 5:14-15 NLV). God reageer áltyd op sy Woord!
3) Wees gehoorsaam. God se plan is nie net dat ons sy Woord, so belangrik soos dit is, sal bid
nie, maar ook dat ons dit sal gehoorsaam (Jakobus 1:22). Gehoorsaamheid - geloof in aksie -
bring ons in lyn met God, en Hy reageer deur sy beloftes aan ons te vervul.
4) Deel dit. Ouers en grootouers, 'Jy moet jouself heelhartig verbind aan die gebooie wat ek
vandag vir jou gee. Herhaal hierdie woorde oor en oor vir julle kinders. Praat daaroor by die
huis en wanneer julle op pad is, wanneer julle lê of wanneer julle opstaan' (Deuteronomium
6:6-7 NLV). Jy hoef nie 'n gekwalifiseerde onderwyser te wees nie, net 'n opregte oorverteller.
Dit sal vrugte in die lewens van jou familie, vriende, kollegas en bure afwerp, wanneer jy God
se Woord deel, en jou eie begrip daarvan sal ook toeneem.
Deur: Martin Loubser.
UITBREIDING EN VERANDERING VAN SEREMONIËLE DRAG
Aangesien daar aanvanklik net op Facebook oor die aangeleentheid kommunikeer is het ek by
wyse van bulle-TIN 14 alle lede ingelig oor die uitbreiding van ons seremoniële drag. Aangesien ek
steeds baie navrae moes antwoord kommunikeer ek weer die aangeleentheid en gebruik dan ook
die geleentheid om ‘n verandering in ons drag aan te kondig.
Daar is ‘n 50 Jarige gedenk lapelwapen (sien foto regs)
vervaardig en aan lede wat op die Koevoet seremonie
was uitgereik. Dit word op die linkerlapel onder die TIN
lapelwapen gedra as ‘n permanente toevoeging tot die
Bond se drag. Die koste vir die lapelwapen beloop R50-00.
Daar is ook ‘n naamplaatjie vervaardiging (sien foto links)
en aan lede wat op die Koevoet seremonie was uitgereik.
Dit word op die regterbors gedra as ‘n permanente
toevoeging tot die Bond se drag saam met eenheids
en kwalifikasie kentekens. Die koste vir die naamplaatjie
beloop R70-00.
BESTUURSKOMMUNIKASIE DEUR DIE VOORSITTER
BELANGRIKE INLIGTING AAN LEDE: STAND VAN DIE BOND
Bestellings vir die lapelwapen en naamplaatjie moet asseblief aan my persoonlik gestuur word by
[email protected] aangesien die korrekte spelling van jou voornaam en van belangrik is
voordat dit aan die verskaffer gestuur word. Ons gaan nie hierdie stukke bestel alvorens lede die
bedrag van R120=00 vir die twee items oorbetaal het nie.
Inbetaling vir hierdie items moet gedoen word in die BOND se besigheidsrekening voordat enige
bestelling geplaas word:-
Bank: FIRST NATIONAL BANK
Tak: Pretoria
Takkode: 230145
Naam van rekening: Saptinvetbond
Tipe rekening: Cheque
REKENING NOMMER: 62558278315
REKENING HOUER: RL van Onselen (Tessourier)
Na ‘n versoek van lede wat van mening was dat die huidige
kenteken wat op die beret gedra word die voorkoms en dus
ook die beeld van ons bond oneer aandoen, het die bestuur
besluit om die huidige petwapen wat op die beret gedra
word te vervang met die enemmel petwapen wat BAIE beter
vertoon. Die kenteken is vervaardig en ek het op 2 Mei 2016
die petwapens ontvang. Hierdie petwapen word GRATIS
uitgereik aan lede wie reeds seremoniële drag aangekoop het.
(sien foto regs)
LEDEGELD VIR 2016/17
Alle lede is persoonlik herinner daaraan dat lidmaatskap 29 Februarie 2016 hernu moes word.
Daar is steeds lede wat nog nie hulle lidmaatskap hernu het nie. Neem asseblief die
vrymoedigheid om my te kontak as jy dit finansieel nie kan bybring nie sodat ons vir jou ’n plan
kan maak. Die aangeleentheid sal vertroulik hanteer word. ONS WIL NIEMAND VERLOOR
NIE!
Net om u geheue te verfris; jaarlikse ledegeld vir lede is R250-00 en vir ondersteuners is
R150-00
Dit is belangrik om te onthou dat as jy na 28 Augustus 2015 aangesluit het, jy reeds opbetaal is
vir 2016/17.
Ledegeld word ook in die BOND se besigheidsrekening inbetaal soos hierbo vermeld.
BOND DASSE
Almal wat seremoniële drag aangekoop het en nog nie ‘n das ontvang het nie; met die
toevoeging van die 50 jr lapelkenteken en die naamplaatjie het ek besluit om die dasse terug te
hou totdat hierdie lede ook ‘n naamplaatjie en lapelwapen het. Met die ontvangs van die nuwe
petwapen gaan ons nou in alle erns begin om dit te pos. Lede is reeds in kennis gestel dat die
dasse gepos gaan word op die Bond se onkoste aangesien die “dasse kwessie” buite beheer
van die bestuur en die lede was en die Naamplaatjie, lapelwapen en nuwe petwapen dus nou
saam met die dasse gepos sal word om die lede die koste te spaar.
ALGEMENE JAARVERGADERING
Die algemene jaarvergadering het op 12 Maart 2016 by die IPA huis in Pretoria plaasgevind en is
deur 33 lede bygewoon. Die vergadering was baie vrugtevol en is as ‘n reuse sukses wat die bond
se voortbestaan en ontwikkeling betref, beleef. Daar is oudergewoonte ook agterna heerlik saam
gekuier. Ek doen verslag oor die belangrikste besluite en besprekings vir die dag:-
• Daar is eenparig besluit om twee ondersteunerslede met die verkiesing van die nuwe bestuur
as bestuurslede te verkies.
• Die bestuur vir 2016/2017 is eenparig as volg verkies:
Voorsitter – Martin Loubser
Onder Voorsitter – Elnic Steenkamp
Sekretaris – JP Swanepoel
Kommunikasie koördineerder – Henk van Heerden
Tessourier – Robert van Onselen
Addisionele lid – Henry Visagie
Addisionele lid – Werner Wasserman
Ondersteuners lid – Ilana Loubser (Admin)
Ondersteuners lid - Johannes Wolmarans (Projekte)
• Daar was klagtes van die lede dat SAVA (South African Veterans Assosiation) wat in Brittanje
gebaseer is ons groepfoto’s op sosiale media gebruik om hulle lidmaatskap te propageer. Lede
het dit onomwonde duidelik gemaak dat TIN lede, en veral dienende lede, nie met SAVA
geassosieer wil word nie. Die algemene gevoel is dat hulle regse politieke ideologieë nie by ʼn
veterane bond tuishoort nie en direk in stryd is met ons grondwet en doelstellings. Die voorsitter
word getaak om die aangeleentheid met dringendheid te hanteer.
• Volledige bankstate van beide die besigheidsrekeninge van die Bond asook die Beeldefonds
is aan alle lede voorgelê en as korrek en gesond goedgekeur.
ENIGE FOUTIEWE INBETALINGS DEUR LEDE GEMAAK
Besigheidsrekeninge van beide die Bond en die Maleoskop Beeldefonds se besonderhede is
deur ALLE moontlike media beskikbaar veelvuldige kere gekommunikeer. Daar word gevind dat
daar steeds lede is wat in die Capitec rekening, wat ondersoek word sedert Julie 2015,
inbetalings maak. Die bestuur wil dit duidelik maak dat ENIGE INBETALING IN ENIGE
CAPITEC REKENING beskou sal word as of dit nie bestaan nie, dit sal u verantwoordlikheid
wees om dan die situasie reg te stel en die bestuur aanvaar GEEN VERDERE
verantwoordelikheid hiervandaan verder vir inbetalings wat in ‘n verkeerde rekening gemaak
word nie.
Beide die besigheidsrekeninge is FNB (FIRST NATIONAL BANK) rekeninge wat geopen is
ingevolge die grondwet en soos voorgeskryf vir die registrasie as nie-winsgewende organisasie
en word volgens die reëls van ‘n besigheid bedryf. Die Capitec rekeninge was bloot geopen om
van die grond af te kom totdat daar genoeg fondse was vir die opening van
besigheidsrekenings.
U word DRINGEND versoek om asseblief, wanneer u inbetalings maak u naam en van of
minstens dan u identiteitsnommer te gebruik as verwysing. Daar word talle betalings gemaak
waar hierdie verwysing ontbreek en dit maak dinge moeilik as ons nie weet wie die betaling
gemaak het nie.
Heelwat lede, almal wat by ABSA is, het onlangs betalings gemaak en die korrekte
rekeningnomer gebruik MAAR dit by FIRSTRAND BANK inbetaal. Navrae het getoon dat dit
dieselfde bank is maar die betalings wys NIE op ons bankstate nie. Maak asseblief seker dat die
keuse FIRST NATIONAL BANK gebruik word wanneer elektroniese oorplasings gemaak word.
VERANDERING VAN PERSOONLIKE INLIGTING
Die bestuur word gedurig pakslae gegee deur lede wat geen kommunikasie van ons ontvang nie
net om later uit te vind dat e-pos adresse of telefoon nommers verander het.
Die bestuur kommunikeer minstens een keer per maand met elke lid persoonlik oor een of ander
aangeleentheid. Dit is elke lid se eie verantwoordelikheid om die bestuur te verwittig van enige
veranderings in e-pos adresse, woon adresse, pos adresse en kontaknommers.
MINIATUUR MALEOSKOP BEELDEGROEP.
Die miniatuur weergawe van die Maleoskop beeldegroep trek nou al by nommer 60 en word
hierdie beeldjies letterlik die hele wêreld vol versend. Van hulle is nog op bestelling maar meeste
pryk op hulle spesiale plek in hulle nuwe eienaars se huise.
Onthou dat die beeldjie ʼn “limited edition” gaan wees! Daarom moet daar, Indien daar nog
enige belangstelling is om so ʼn beeldjie te bekom, so gou as moontlik met Henk van Heerden by
[email protected] kontak gemaak moet word vir bestellings en om teleurstelling te vermy.
Tot nou toe het ons dit net gesirkuleer onder ons eie veterane en Maleoskop lede en as daar nie
meer belangstelling onder ons eie lede is nie gaan ons die res van die reeks verder oopgooi.
Bank: FIRST NATIONAL BANK
Tak: Pretoria
Takkode: 230145
Naam van rekening: SAPTIN BEELDFONDS
Tipe rekening: Cheque
REKENING NOMMER: 62557586256
REKENING HOUER: RL van Onselen (Tessourier)
MILITÊRE FEES – 2 MEI 2016 – VOORTREKKER MONUMENT.
Die herstel en hervestiging van ons beelde is ʼn hartseer saak wat almal na aan die hart lê. Die
onkoste om die beelde te herstel en hervestig kan nie slegs deur donasies bekom word nie. Die
bestuur bedryf verskeie projekte, meestal in die vorm van die ontwerp vervaardiging en verkoop
van memorabilia. Daar gaan ʼn magdom werk in hierdie projekte in en word alles deur die bestuur
self gedoen.
Op 2 Mei 2016 het ons ons tafel reeds 07:00 opgeslaan en ons items wat met moeite en oorleg
laat maak, betaal en aangery is uitgestal. Met sononder, na ʼn laaaaaaaaang dag het ons
opgepak met seer lywe, dowwe koppe en ʼn breë glimlag. Ons is trots om te sê dat ons
R8000=00 in wins by die saldo van die Maleoskop beeldefonds kon voeg.
ʼn Skedelbeeldjie met die bond se beret is deur Mike Franks wat al ons beeldjies maak geskenk
vir ʼn lotery. Die uitloot van die beeldjie het R800-00 ingebring.
KOEVOET GEDENKDIENSOp 2 April 2016 was die SAP TIN Eenheid Veterane Bond weer baie mooi verteenwoordig by
die jaarlikse Koevoet Veterane Bond se gedenkdiens by die Voortrekker Monument waar hulle
soos vele ander hul gestorwe makkers vereer en onthou het.
Ds Jan du Preez
(kapelaan van beide
Koevoet en TIN
Eenheid Veterane
Bonde)
het die seremonie
begin met skriflesing,
boodkap en gebed.
Dicks Dietrichsen was
oudergewoonte weer
die seremoniemeester
en het die seremonie
met trots voortgesit.
Gedurende die seremonie is daar ook
hulde gebring aan lede van die Koevoet
Veterane Bond wat tydens 2015 en
2016 gesterf het. Een van hierdie lede
is Oom Willie Fouchè wat die SAP TIN
Eenheid Veterane Bond se stigters
Voorsitter was. Sy weduwee, kinders en
kleinkinders het aan hom hulde gebring
met ‘n krans van herinnering teen die
Koevoet muur.
Die vaandels is tydens die seremonie hanteer deur Marius van der Westhuizen van die Koevoet
Veterane Bond en Martin Loubser (Voorsitter) van die SAP TIN Veterane Bond.
Tradrisioneel was die vaandels gestryk tydens die speel van die Laaste Taptoe. ‘N twee minute
stilte het gevolg om diè te onthou wat die hoogste prys betaal het. Na twee minute stilte is die
vaandels weer gelig tydens die speel van die Oggendsinjaal.
Die krans namens die
SAP TIN Eenheid
Veterane Bond is gelê
deur Schalk Vorster.
Die krans namens die
Voormalige TIN Eenheid
is gelê deur Johan Viktor
(Genl.)
Daar is geleentheid gebied vir ander mense om kranse en blomme te lê
Die SAP TIN Eenheid Veterane Bond se manne is almal bymekaar geroep om ouder gewoonte
‘n groepfoto te neem
Na afloop van die seremonie het die TIN manne en dames lekker gesellig verkeer saam met ons
Koevoet kamerade by die Blikkantien.
BYDRAES INGESTUUR DEUR LEDE
EERSTE INDRUKKE VAN GRENSDIENS IN RHODESIË
Deur: Elnic “Stoney” Steenkamp
Ek is al baie keer gevra wat my eerste indrukke was as n jong man van skaars agtien wat Rhodesië
toe moes gaan om te gaan oorlog maak. Dit is eintlik moeiliker om die vraag nou op n meer
gevorderde ouderdom te antwoord as wat dit dalk daardie tyd sou wees. As mens jonk is, is jy
lewenslustig, voorvarend, dapper en dink jy nie aan die dood nie. Daardie tyd het ons die
“conveyer belting” op die Bedford se bakke geplaas, sandsakke vol gemaak en bo-op gesit en
water in die wiele gepomp sonder om werklik te dink dat daardie water, belting of sandsak die
verskil tussen lewe en dood vir jou kon beteken tydens n landmynontploffing.
Ek onthou die eerste vlug vanaf die Waterkloof Lugmagbasis in Pretoria na n sekondere vliegveld
buite Salisbury baie goed. Dit was as plaasseun van Kenhardt se wêreld, die eerste keer dat ek in
enige vliegtuig gevlieg het, trots om jou land te gaan verdedig. Dit was ‘n trotse gevoel om daar
tussen jou ander makkers met FN waarvan die magasyn vewyder was in volle webbing en
kamoefleerdrag te sit. Dit was ‘n amperse anti-klimaks om in Salisbury af te klim met geen siel in sig
om jou te verwelkom nie. Net n doodse warmte met sonbesies wat gil teen die knellende droogte
van middel 1973 en dan die rit in die Bedfords na Inkomo barakke toe waar ons die volgende twee
weke opleiding sou kry by die Rhodesian Light Infantry.
Die rit vanaf Salisbury na die oostelike Zambesi-vallei kan ek ook baie goed onthou. Die klompie
Rhodesiers, veral dames, wat in Bindura langs die pad gewag het met warm tee en koffie asook
toebroodjies en koeldrank was die eerste tekens dat ons welkom was daar, ook dan die kompanie
bevelvoerder en voorrademan van die vorige groep wat agter gebly het om ons eers bietjie rond te
wys. Hulle het die pad byster geraak oppad na ons basis met die gevolg dat ons baie laat deur
Sipolilo in die vallei af gesak het. Die grootsheid van die Zambesi vallei sou ek eers later beleef toe
ek in daglig vanaf Centenary kom en met die Mavuradonna gebergtes afsak in die vallei in. Die
majestieuse gebergtes en die vallei waarvandaan jy op daardie punt nie eens die rivier kon sien
nie, wat nog te sê die anderkant van die vallei.
Ons was skaars in die vallei toe die werklikheid van ons doel daar ons eers tref. Die konvooi is tot
stilstand gebring en ons kon die gat bekyk waar ‘n insurgent hom minute tevore self opgeblaas het
met n landmyn wat klaarblyklik vir ons gestel was. Die stuk arm sonder sy hand wat so skuinsweg
in n nabygeleë boom hang, netjies met die waai van die arm by die elmboog om die takkie
gedrapeer.
‘n Uur of twee later is die konvooi gestop met die opdrag “Ons is hier manne, kry uit jul kooigoed en
maak jou tuis vir die nag”. Daar was niks, nie n tent nie, nie n stretcher nie, niks. Ek kon darem
aflei dat ons op n effense hoogte was wat mens nie eintlik n koppie kon noem nie, Binya Hills, ‘n
basis wat ek met my volgende bos trip baie goed leer ken het. So is ons maar in ons slaapsakke in
om te rus vir die tydjie van die nag wat oor was, net om die volgende oggend eerste lig geroep te
word om ons eerste klaarstaan sessie te hou. Die klaarstaan het behels dat met eerste en laaste lig
elke dag alle lede van n kompanie op die buitense perimeter van die “basis” of in gevestigde
basisse, die buitenste walle en shangers gereed moet staan vir moontlike aanvalle.
Ek onthou ook baie goed my eerste indrukke die volgende oggend van die basis, wat eintlik maar
niks was nie. Ons seksie was gelukkig, ons het net die eerste dag help basis bou en sandsakke
volgemaak voordat ons na die Kandeya Tribal Trust Land bo-op die escarpment ontplooi as as n
“kit bag” groep.
Gevare? Ek dink baie min van ons jong lede het aan enige gevaar gedink…. miskien die ouer
manne met gesinne en die manne wat teen hul sin daar was. Gelukking het ek vir al my bos trips
vrywillig gegaan so ek was nooit gedwing of teen my sin in Rhodesië ontplooi nie. Noudat ek
heelwat ouer is dink mens aan wat sou kon gebeur het in sekere situasies, die “of”, die “as”, en die
“sê nou maar”, maar dit het nooit ter sprake gekom daardie jare vir ons as jong manne wat, soos
ons geglo het, ons land buite ons landsgrense gaan verdedig het nie.
Bang gewees? Ek kan nie aan enige vrees dink gedurende daardie tyd nie. Miskien het die
ongekende adrenalienvloei daardie menslike gevoel onderdruk of miskien was ek maar vrek bang
maar het dit so goed onderdruk omdat ek dit nie wou wys nie, ek kan egter glad nie vrees van
daardie tyd onthou nie. Ja, nou, jare na die tyd gaan daar af en toe koue rillings langs my ruggraat
af as ek dink wat kon gebeur het. Ek dink in sekere situasies het die adrenalien die bangheid weg
gedokter, dit is hoekom vrees miskien eers later ingeskop het.
Tsetsevlieë? Ek onthou die vreeslik plaende en bytende blindevlieë beter as die tsetsevlieë. Hulle
het sommer sulke swerms op jou rug kom sit en jou deur jou kamoefleerhemp gebyt. Hulle het ook
eiers in jou vel onder jou klere gelê waar daar dan later sulke geel wurmagtige goed uitgekom het.
Wat ek van die tsetsevlieë onthou is die sogenaamde “tsetsefly checkpoints”. Ek was in my tyd
deur twee sulke beheerpunte in Noord-Oos Rhodesië.
Ek dink hulle was opgestel voordat jy van die plato af in die Zambesi Vallei ingegaan het by
Sipolilo en meer na die ooste toe in die Mkumbura omgewing. Die konvooi is gestop en dan
was daar twee manne wat elke voertuig oral aan die buitekant ondersoek het. Een met n gif
spuitkannetjie spuit spuit en n ander met n vangnet vang vang die wat klaar gespuit is.
Hierdie was my eerste kennismaking met Rhodesië as ‘grensvegter”. Ek sou daarna nog vier
Rhodesiese ekskursies geniet om vir n totaal van 18 maande in my eerste 30 maande in die
Suid-Afrikaanse Polisie, grensdiens in Rhodesië te kon verrig.
ONS EIE IRON MAN – 2016
Die redaksie van die bulle-TIN het TIN Veteraan Blackie Swart versoek om vir ons ‘n bydrae te
stuur oor sy deelname aan die pas afgelope Iron Man kompetisie aangesien dit ‘n gebeurtenis
is waaroor bitter min mense verslag kan doen en komende van ‘n lid van ons eie TIN familie
maak dit heelwat meer uniek.
Blackie Swart doen as volg verslag:-
Soos versoek, ‘n kortlikse weergawe van my afgelope deelname aan die Iron Man kompetisie;
Waar en hoe die Iron Man begin het:-
Daar was vir jare hierdie debat tussen atlete wie die sterkste is, wie die meeste uithouvermoë
het of watter sport eenvoudig moeiliker as die ander is. In 1978 besluit daar toe ‘n klomp
ouens, die meeste uit die Amerikaanse militêre magte, om dit vir eens en vir altyd agter die blad
te kry.
In Hawaii waar hul gestasioneer was, is verskeie sport byeenkomste gehou waaronder die Waikiki
Roughwater Swim (3.86 km), die Around-Oahu Bike Race (185 km; oorspronklik ‘n 2 dag event) en
die Honolulu Marathon (42.2 km). Hulle het die drie events bymekaar gegooi en ‘n sekere
Kommandant John Collins het gou ‘n paar handgeskrewe reëls opgetrek en dit vir die deelnemers
gegee. Op die laaste bladsy was daar groot geskryf en ek haal aan:- “Swim 2.4 miles! Bike 112
miles! Run 26.2 miles! Brag for the rest of your life"! So ontstaan hierdie event met die eerste
wentyd van ongeveer 12 ure, gedoen deur “Navy Seals” en allerhande weermag spesialiste. Dit
groei tot waar dit vandag is met die “World Championship” wat gehou word in Kona-Hawaii.
My deelname:-
Ek doen my eerste Iron Man in die laat tagtigs onder vaandel en borgskap van Isuzu Iron Man in
Gordonsbaai met ongeveer 50 deelnemers en kom 24ste met ‘n tyd van 12 uur 59 minute maar die
event word net daarna gestop agv sanksies en allerhande politieke nonsens. Ek hou nie op oefen
nie en bly nogsteeds aan die hardloop en fietsry en kry weer die geleentheid om in 2007, 2008,
2009 die vol Iron Man te doen as “age Grouper” wat beteken jy neem deel in jou ouderdoms
katagorie. Ek begin agterkom die kniee wil nie meer so aanmekaar die lang “endurance events”
doen nie en ek begin dus konsentreer op die korter half Iron Man kompetisies.
Aan die begin van die jaar vra twee jong atlete my of ek hul sal afrig vir ‘n Iron Man en so begin ek
saam met hul oefen waarna hul my ompraat om ook weer in te skryf. Siedaar…. met die bietjie
oefening wat ek toe saam met hul kry maak ek die 2016 “African Championship” klaar in net oor die
16uur. Die event begin om 7 uur in die oggend met die opvolg dissipline van swem, fiets en
marathon in daardie volgorde. Die afsny tyd om klaar te maak is 12 uur middernag. Dit is ‘n lang
dag op die voete! Die twee atlete wat ek afrig, beide van hulle uitstekend, behoort volgende jaar hul
merk te maak in Suid Afrika en sal ek ten minste een van hulle by Wêreld Kampioenskappe in Kona
kan inskryf.
Blackie Swart - Iron Man 2016
UIT DIE BOEK
VAN OVAMBOLAND TOT MASJONALAND
DEUR LOUIS LUBBE
BLADSY 91
Indien daar enige iemand is wat in die boek belangstel en ‘n kopie wil aanskaf kan hulle die
skrywer direk kontak by:
082 859 0764
(011) 803 6348
Die prys van die boek is R 350.00
VAN OVAMBOLAND TOT MASJONALAND
DITJIES EN DATJIES OP FACEBOOK
VERJAARSDAEMEI
2 Rudi van Wyk 082 569 8510
6 Les Nel
Johan van der Walt
082 571 2852
082 550 4196
9 Jacqulette Meintjes 083 715 9465
12 Chris Bellis 021 988 0115
15 Wollie Wolmarans
André Pienaar
072 487 2341
082 337 8624
16Stanley de Wit
Stephen Sander
MC Loubser
083 679 6060
074 456 7452
17 Tami Pillay 061 139 8991
19 Daniël Swart 078 851 5255
22 Elmar Louw 083 290 1177
24 Dicks Dietrichsen 082 875 0018
26 Louis Lubbe 082 859 0764
27 Hein Truter 083 264 6565
31 Blackie Swart 083 307 0291
VERJAARSDAE
JUNIE
1 Anthony da Costa 082 344 0215
8 Adriaan Rosslee 079 883 1458
9 Gert Nel
Piet Kierie Fourie
082 319 9602
082 650 5313
11 Henk Kotze
Jan du Preez
073 620 7428
082 604 2757
12 Dennis Parsons 072 155 3808
14 Henry Visagie 079 268 4303
20 Robert van Onselen 079 826 8468
26 Clarke van Dyk
Pieter Erasmus
060 963 7534
082 82 6667
HULDE AAN HULLE WAT DIE HOOGSTE
PRYS BETAAL HET
MEI1 1980 Lt. JP Engelbrecht
7 1980 Const. JA Du Plessis
19 1982 AO PH Bezuidenhout
22 1971 Const. WP Dobbin
28 1979 AO G David
MALEOSKOP BEELDEFONDS
Help ons om ons geskiedenis te restoureer.
Elke bietjie help!!!
MINIATUUR MALEOSKOP BEELDJIES
ʼn Bêrekoop opsie is beskikbaar teen 3
maandelikse paaiemente van R500-00 elk.
Hou in gedagte dat hierdie beeldjies ʼn
BEPERKTE UITGAWE is.
Bestel by Johannes Wolmarans
072 487 2341 [email protected]
Patches R 50-00
PATCHES
CAMO Patches R 70-00
Bestel by Henk van Heerden
082 770 5574
TIN wyn bottels R 70-00
TIN bekers R 80-00
TIN plakkers R 5-00
Maleoskop wyn bottels R 70-00
TIN Braaitange R 200-00
TIN PLAKKERS, BEKERS, WYN EN TANGE
BELANGRIKE EN NUTTIGE INLIGTING
BESTUUR
Voorsitter: Martin Loubser Sel: 084 990 2025 epos: [email protected]
Onder Voorsitter: Elnic Steenkamp Sel: 071 643 1704 epos: [email protected]
Sekretaris: JP Swanepoel Sel: 072 111 3797 epos: [email protected]
Kommunikasie: Henk van Heerden Sel: 082 770 5574 epos: [email protected]
Tesourier: Robert van OnselenSel: 079 826 8468 epos: [email protected]
Addisionele lede:
Werner Wassermann Sel: 072 665 6815 epos: [email protected]
Henry Visagie Sel: 079 268 4303 epos: [email protected]
Ondersteunerslede:
Wollie Wolmarans Sel: 072 487 2341 epos: [email protected]
Ilana Loubser Sel: 084 579 1269 epos: [email protected]
KAPELAAN
Jan du Preez (Genl, Ds, Dr) Sel: 082 604 2757 epos: [email protected]
EREPRESIDENT
Johan Viktor (Genl)
Facebook geslote groep (slegs vir TIN lede)
https://www.facebook.com/groups/535440839915941
http://za.linkedin.com/pub/tinveteraan-bond/a1/494/548/
Facebook Page (vir almal)
https://www.facebook.com/coinveteransleague
KENNISGEWING DEUR DIE REGISEUREk wil dit onomwonde duidelik stel dat die redaksie GEEN verantwoordelikheid neem vir
die korrektheid van die inhoud van jou plasing nie. By ontvangs van jou inset doen ek
die nodige taalversorging en sal maksimum dalk uitbrei op afkortings en TIN terme sodat
ons leke lesers ook verstaan. Dit klink dalk na ʼn snaakse versoek maar moenie plasings
stuur as jy dit nie gepubliseer wil hê nie.
Plasings wat jy op Facebook maak is openbare inligting en sekere plasings word as ʼn
reël van ons groep afgetrek en in die blad geplaas vir diegene wat nie op ons Facebook
groep is nie. As jy ʼn probleem hiermee het moet jy my asseblief laat weet, ons sal jou
versoek respekteer.
Martin Loubser
VERSOEK DEUR DIE REDAKTRISE
Ek wil almal vriendelik vra (ek sal selfs soebat as ek moet) om tog pen op papier te sit
en julle bosstories met ons te deel, ernstig of komies. Die blad sal niks anders as ʼn
inligtingsblad wees as dit nie vir die stories is wat lede tweemaandeliks plaas nie. As jy
nie ʼn skrywer van formaat is nie, moet jy nie bekommer oor spelfoute en
taalkonstruksies nie, die regisseur (Martin Loubser), klap ʼn storie vinnig reg.
Ilana Loubser
Stuur insette, stories, foto’s en ander plasings
na [email protected] voor die 20ste van
JUNIE 2016.
Redaktrise – Ilana Loubser Sel: 084 579 1269
Regisseur – Martin Loubser Sel: 084 990 2025